موظفين شركات راس لفان ! هل وصلكم خبر !

[مضارب دوسري]

السلام عليكم

إخواني موظفين شركات البترول في لفان
هل وصلكم خبر عن علاوة طبيعة عمل
او مايسميها البعض علاوة خطر

ارجو اللي عنده اي خبر يشاركنا فالموضوع
لأن وصلني خبر وحبيت أتأكد منكم

[ANONYMOUS]

يستاهلون اذا فيه علاوه

[مضارب دوسري]

الله يجزاك خير اخوي

ان شا الله يكون هالخبر صحيح
وبانتظار الاخوان يقولون اذا جاهم خبر ولا لا ؟

[تحداني]

الخبر مازال طي الكتمان
أنا أتوقع أن هناك بصيص من الأمل .. وهم يقولون انها إشاعه



جملك الله برضى الرحمن

[The Watcher]

للحين مافي شي رسمي

بس اتوقع ان هالعلاوة بتكون بس للي يداومون في مكاتب راس لفان .. اما مثل خلاتنا اللي يداومون في مكاتب الدوحة مالنا شي

[مضارب دوسري]

ان شا الله للإثنين اخوي
وانا أوردي أداوم شفتات هناك


اخوي تحياتي
الله يجزاك خير ويرحم والديك

[S350]

مافي شي لحد الان

[Qt.1]

الخبر مازال طي الكتمان
أنا أتوقع أن هناك بصيص من الأمل .. وهم يقولون انها إشاعه



جملك الله برضى الرحمن

نفس الكلام

[الفورتك]

خخخخخخ

خير ان شاءالله

[bu 3li]

مافي شي وهـ العلاوه من العام المفروض تنزل حق موظفين لفان
بس الموضوع وقف ومن العام لي السنه مافي شي وماظن فيه شي بعد
اللي نزلوا الدوحه قصوا رواتبهم بالتدريج ( طبعاً العلاوات بس مثل الموقع وغيرها )
وكان الله غفوراً رحيما

[الغالي!]

يستاهلون اذا فيه علاوه

[fzaa_qatar]

الله يسمع منك ومثل ما قالوا الاخوان للحين مافيه شي رسمي واهي موقفه صار لها فتره وننطر هالشهر والشهر الياي نشوف وعسى يتحقق امل كل موظفين البترول ..

[THE BOSS]

مافيه شي ولا بيكون شي لان فيه مدراء وللاسف الشديد مايشعرون بالخطر لانهم قاعدين في ابراجهم ولايدرون عن شي بس شاطرين في الاعلام والكلام والاقناع اما الفعل يبيله رجال .............................
والكلام ان فيه علاوة بدل خطر سمعناه من خمس سنوات او اكثر

[Rayane]

من زمان وحن نسمع وقالوا راح تكون حق المواقع البحريه....

حالول وراس غاز وشلتهم....؟؟؟

[ANONYMOUS]

اللي نزلوا الدوحه قصوا رواتبهم بالتدريج ( طبعاً العلاوات بس مثل الموقع وغيرها )


شي طبيعي تروح عليهم العلاوات .. حلهم حال اي شخص في الدوحه ..
ماله الا العلاوات الاساسيه

[باسكن روبنز]

يستاهلون ربعنا على تعبهم ،

[Bu Rashid]

الله يسمع منك اخي الكريم الدوووسري

السواعد السمر في جميع مناطق العلمليات سواء ان كانت البرية ام البحرية يستاهلووووون كل خير

ولكن الخبر الى الان غير صحيح وليس موجووود على طاولة النقاش مع صاحب القرار او صاحب الموافقه
وذلك بسبب الاجازة الصيفية وليس معنى ذلك الامور تقف ولكن مثل هذه الامور تحتاج دراسه ومناقشه واصدار قرار واضح

وهناك بالفعل دراسه مبدئيه ان صح التعبير بزياده بدل موقع ( لوكاشن اللوانس ) وخصوصاٌ
لموظفي العمليات بالمواقع البحريه وذلك بسبب عزوووف القطريين عن العمل في هذه المواقع

وللحديث بقيه واتمنى للجميع التووووفيق

[QATAR2010]

وانا معاك بوراشد مش بس علاوك الموقع تزيد واشياء ثانيه للقطريين للعاملين فى المواقع البحريه ونفس السبب اللى انت قلته والدراسه شبه منتهيه تنتظر توقيع الوزير او يرفعونها للوزير وتشمل علاوه الموقع وغيرها من البدلات واشياء ثانيه ويستاهلون كل اللى يشتغلون فى البحر ولا البر والحمد لله رب العالمين

[bu 3li]

شي طبيعي تروح عليهم العلاوات .. حلهم حال اي شخص في الدوحه ..
ماله الا العلاوات الاساسيه


صح اتفق معاك .. لكن على طاري علاوة الخطر كان المفروض ينزلون الدوحه بـ نفس رواتبهم على انه يشلون عنهم العلاوات ذي ويعوضونهم فـ الاساسي والاجتماعيه ونفس الشي يحصل لـ الموظفين فـ راس لفان .. وبـ هـ الشكل يكونون ضمنوا حق اللي في لفان واللي نزلوا الدوحه ماتصير لهم نفس مشكلة موظفين " كهرماء "

[Doha Sun]

ماجاني خبر من الاهل ..