لين متى ؟

[سارا البدر]

السلام عليكم ورحم هالله وبركاته

موضوعي يمكن متكرر وااايد بس شسوي من القهر اللي فيني

لين متى بنتم بدون وظايف يعني ؟ صج لين متى

كل ماقدمنا في مكان قالوا ننتظر الميزانيه الجديده والا المكان ضيق وهذي سالفتنا

يعني لازم فيه واسطه علشان اشتغل انزين لو ماعندي واسطه لين متى اقعد

لين ماشهادتي تصير قديمه ولا احد يرضى يوظفني


انا شهادتي ثانويه ونسبتي 86% ماكملت في الجامعه لاني ما جبت التوفل ولا الايلز
عندي دوره في الicdl

انا ماابي اشتغل في مدارس + بنوك + المطار وعندي اسبابي الخاصه

ابي مكان يكون الخلط فيه باعتدال وماابي اكشف وجهي ><

ماادري انا طلباتي تعجيزيه والا شسالفه

الله يجزاكم خير اللي يعرف اماكن يبون موظفات ياليت يردون علي والله تمللت من قعده البيت
ولو تعرفون لو الاوقاف يبون موظفات ؟

الله يجزاكم خير ويعطيكم على قد نيتكم ويوظفنا يالعاطلين :(

[عزووز قطر]

قدمي في وزارة العمل وهم بدورهم يشوفون الوزارات والهيئات المحتاجة للشواغر ..
وحاولي تاخذين كم دورة انجليزي أو سكرتارية في هالفترة ..

واتوقع والعهدة على الراوي ان الجمارك يبون جربي حظج وقدمي :omen2:

والله يوفقج

[ثرية]

والله اختي نفس حالتج اتصلوا فيني يبون يوظفون اختي في المطار ورحنا المقابله الا يقولون المطار 3 شفتات
قلت لهم شنو يعني 3 شفتات قال يعني تبات في المطار قلت له يسمح امرك ماعندنا بنات يرقدون برع البيت حتى لوكان شغل شلون نرتاح وبنتنا برع البيت المفروض تخلون شفت الليل للشباب رضينا بشفت العصرر بس توصل السالفه لين شفت الليل هاي اوفر قال بس هاي الي موجود قلت له نخلي بنتنا عندنا ابرك من ان نهيتهاااااااا نصايف الليل احسهم احيانا مايفكرون او يستعبطون لا تقولون تحضر وتمدن احنا مجتمع قبلي مب اجانب وانغليز نرضى بكل شي

[بوحمد111]

الله يوفقج اختي العزيزه وانصحج تروحين برج برزان اللي في الدفنه الدور الأرضي وعندهم فرع خاص للتوظيف و ان شاء لله تحصلين الشغل المناسب عن طريقهم واللي يعجبني فيهم المتابعه المستمره وهذا ما حصل لبنتي الى ان توظفت ولله الحمد

[missperfect]

الله يوفقكم

[سارا البدر]

مقدمه في برج برزان وماجاني منهم رد ><

قالوا لي الجمارك بس مااعرف شلون نظامهم يمكن شفتات وااشياء ما تناسبني


الله يوفقنا واياكم ياااربي جزاكم الله خير

[تحداني]

.. صبحك الله بالنور والسعاده ورضى الرحمن ..



من حقك أن تشعري بهذا الإحساس .. وأقدر لك ذلك
مؤلم عندما ترغب في حق من حقوقك ولا تستطيع الحصول عليه




وكلي أمرك لله .. وحاولي وطوري من نفسك ولا تستسلمي
وإستغلي كل لحظه فراغ ويوما ما سيُفتح لك الله بارب رزق من حيث لا تعلمي





الله ينور طريقك ان شاء الله

[s o s o]

الحركة بركة يابنات

كل وحده تفرغ نفسها يوم وتصور السيفي وتحذف في كل وزارة ومؤسسة نسخة ..

ولكن هذا مايمنع اقول اني مبطوطة جبدي من وضعكم :no2:

ولاتنسون برج برزان في طريجكم

والله كريم

[ثرية]

وين ياسوسو ياريت لو السيفي ينفع انا ماخليت وزاره ماخليت بريد الكتروني ماخليت حد عالنت ماطرشت له سيفي اختي والله ثم والله رفيجتي في الديار تحلف ان كل السيافيات الي ياخذونها مصيرها سله المهملات تقول شفتهم شالين السيفيات وقاطينهم بالزباله
والثانيه تحلف ان ان المصرف المركزي طلع كراتين مترسه كلها سيفيات وحذفها
قلت لهم عيل ليش يسووووون معارض ويحطون لهم ستاندات قالت بالنسبه للديار هذا مجرد شووووووووووووو


وقلت يعني تتكسر ظهورنا واحنا نملي الاستمارات وفي الاخيررررررر ديليت قالت يسس عندج واسطه بتشتغلين ماعندج قعدي في بيتكممممم

[عاشق الشهادة]

الله يوفقج وينور دربج اختي

[s o s o]

وين ياسوسو ياريت لو السيفي ينفع انا ماخليت وزاره ماخليت بريد الكتروني ماخليت حد عالنت ماطرشت له سيفي اختي والله ثم والله رفيجتي في الديار تحلف ان كل السيافيات الي ياخذونها مصيرها سله المهملات تقول شفتهم شالين السيفيات وقاطينهم بالزباله
والثانيه تحلف ان ان المصرف المركزي طلع كراتين مترسه كلها سيفيات وحذفها
قلت لهم عيل ليش يسووووون معارض ويحطون لهم ستاندات قالت بالنسبه للديار هذا مجرد شووووووووووووو


وقلت يعني تتكسر ظهورنا واحنا نملي الاستمارات وفي الاخيررررررر ديليت قالت يسس عندج واسطه بتشتغلين ماعندج قعدي في بيتكممممم



وااااي ياقلبي على بناتنا :(

ليتني وزير والاحتى سفير جان قدرت اسويلكم شي ..

ولكن المؤمن لاييأس ويقوي عزيمته بالصبر ويعرف ان كل شي بميعاد
قدمو في كل داعوس ...لاتكلون ولاتملون .

ومن هنا اوجه نداء لاصحاب النفوذ في النظر في طلبات بناتنا قوارير هذا الوطن ..تكفون لاتخلونهم بلا عمل ورفقا بهم
:yes:

[باسكن روبنز]

اختي الداخليه يبون وظايف قدمي اوراقج ولا فيه خلط والرواتب جيده جداً كبدايه ،

واذا قدمتي على الجمارك لاتقولين لهم مابي شفتات ولا غيره بس من يقبلونج قوليلهم هالشي ومن حقج ،

والمصرف المركزي وشركه الملاحه اثنينهم يبون بس الرواتب ضعيفه ،

وراح اشوف لج في دوامي اذا محتاجين اداريات بطبيعة عملج وبابلغج ان شاء الله ،

[الغالي!]

والله حرام بنت قطر مايشتغلون

[الغالي!]

والله حرام بنات قطر مايشتغلون

[سارا البدر]

اليوم جاني رد من مكانين وكنت مسويه عندهم مقابلات
ردوا علي عندنا اكتفاء + الوظايف بالدور

الله يفرج علينا ياااربي

ثريه ايه والله صادقه ندووور بهالس في ومانخلي مكان في هالشمس الحاره
ولا احد يعبرنا

باسكن روبنز انا بكره بروح اقدم في الجمارك ان شاء الله
ومقدمه في الداخليه هم اللي قالوا لي بالدور الوظايف
الله يجزاك خير اخووووي ويجعله بميزان حسناتك


سوسو الله حسيبنا :)


الله يجزاكم خير ولو سمعتوا عن اماكن يبون موظفات لاتبخلون عليناا الله يخليكم

[الحريّه]

الله يوفقج اختي العزيزه وانصحج تروحين برج برزان اللي في الدفنه الدور الأرضي وعندهم فرع خاص للتوظيف و ان شاء لله تحصلين الشغل المناسب عن طريقهم واللي يعجبني فيهم المتابعه المستمره وهذا ما حصل لبنتي الى ان توظفت ولله الحمد

يمكن تقصد مكتب القوى العامله ! أذكر ان الشخص المسئول كان اسمه / فيصل العمادي ( إذا ما تغيّر لين ألحين )

[مرتبش]

موفقين ان شاء الله

[سارا البدر]

اجمعين ياااربي

[s o s o]

بشري مافي اخبار اليوم ؟

يجماعة جان حد فيكم يقدر يساعد هالبنات في الحصول على وظيفة يساعدهم
والله يجزاه الخير ويباركلة

[بومحمد]

الله يوفق كل قطري وقطرية على هذي الأرض الطيبة

[سارا البدر]

سوسو

مافي شيء
ننطر والله بيفرجها يااربي


انا سمعت ان وزارات الدوله كلها عندها اكتفاء ومافي وظايف الحين
صج تحطيم من كل صوب ~ بس الله كريم




بومحمد

الله يجزاك خير



ابي اعرف لو بقدم على قطر الخيريه او راف شلون
في خاطري اشتغل في احد هالاماكن

[s o s o]

حبيباتي الله يوفقكم

شوفو هالموضوع

http://www.qatarshares.com/vb/showthread.php?t=385492

[Salim_Ghanim]

(( ومن يتق الله يجعل له مخرجا ويرزقه من حيث لا يحتسب ))

اختي الوظيفة فيها راتب والراتب رزق والرزق من الله ،

ويا اختي والله ثم والله اذا رب العالمين كتب لج رزق بتوظفين غصبن عن اللي يرضى واللي ما يرضى الاهم انج توكلين امرك لله وهو حسيبك ،

ونعم بالله

[الشقيان]

بالتوفيق

[فرفوش]

من متى مقدمه ع الداخليه؟؟

انااا صارلي سنه مقدم للاهل ومافي رد للحين

[FAUCHON]

والله شي يقهر المواطنين الجامعين مب لاقين وظااايف


والاجانب يجون من بلادهم الوظيفه جاهزه مع مميزات ربعها ماتكون للقطري


استغفر الله العظيم

[الصريحه]

الله يوفقك ويرزقك

[لاجئ عاطفي]

اللي ماعنده واسطه ينسى يتوظف

[BuNooR]

السلام عليكم اختي
انا سمعت ان شركتنا تدور سكرتيره قطريه بس بشرط تكون الانجليزيه ممتازه
الشركه اميريكيه تعمل في مجال البترول

ما اوعدج بشي ولكن اذا لج خاطر برسل لج ايميل الشخص المسؤول والله يكتب اللي فيه الخير

[@فهد@]

(( ومن يتق الله يجعل له مخرجا ويرزقه من حيث لا يحتسب ))

اختي الوظيفة فيها راتب والراتب رزق والرزق من الله ،

ويا اختي والله ثم والله اذا رب العالمين كتب لج رزق بتوظفين غصبن عن اللي يرضى واللي ما يرضى الاهم انج توكلين امرك لله وهو حسيبك ،

ونعم بالله




صح لسانك اخوي .. وازيد عليه .. عليك اختي بالدعاء في جوف الليل .. فان سهام الليل لاتخطي ابدا