تجاربكم مع اسعار الصباغ والفيتري والمبلط

[كبير المتداولين]

جزاكم الله خير ياشباب وبنات بغيت اعرف كم متوسط الاسعار
يعني كل واحد تعامل مع صباغ وفيتري ومبلط يعطينا سعره
طبعا الاسعار بالمتر المربع والمكعب والطولي

وماعليكم امر الي عنده رقم صباغ ومبلط يطرشه لي

[فويرط]

مرحبا اخوي

الله يسلمك انا ثلاث اشخاص وكل واحد عطاني سعر بخصوص المبلط

الاول قالي : 20 ريال للمتر والحوائط 25 ريال للمتر ، والمواد عليك


الثاني : 35 ريال للمتر والمواد عليه


الثالث : 30 ريال للمتر والمواد عليك


اما الفيتري من زمان سويت معاه عقد كامل للبيت فمادري شلون حسبلي اياه
والصباغ بعد لين الحين ماوصلت لهذه المرحلة

وارقام المبلطين باطرشهم لك على الخاص

والله يوفقك اخوي

[كبير المتداولين]

تسلم اخوي وماقصرت والله حيرونا كل واحد يعطيني سعر وكل واحد يقول انا احسن واحد

اخوي بالنسبه للفيتري ياخذون الفله كامل ولا شلون يحسبونها

[المرونة]

بالنسبة للمبلط خذته من شركة وهالكلام صار له 4 شهور كان الاتفاق على 45 ريال للمتر والمواد عليه .

اما الفيتري جددت لعدد 7 حمامات من بيبات جديدة وخلافه ( كل شي جديد ) ب 27 الف ماعرف اشلون حسبتها

[كبير المتداولين]

بالنسبة للمبلط خذته من شركة وهالكلام صار له 4 شهور كان الاتفاق على 45 ريال للمتر والمواد عليه .

اما الفيتري جددت لعدد 7 حمامات من بيبات جديدة وخلافه ( كل شي جديد ) ب 27 الف ماعرف اشلون حسبتها
ثانكس
بس 45 مب جنه وايد واذا انا بوفر له كل المواد واهو بس عليه شغل يده كم بيكون سعر الشغل

[المرونة]

ثانكس
بس 45 مب جنه وايد واذا انا بوفر له كل المواد واهو بس عليه شغل يده كم بيكون سعر الشغل

ايه والله غالي انا استعجلت ..

اما اذا انت بتوفر له كل المواد وهو بس شغل يده 20 ريال للمتر

[abu-nawaf]

اخوي انت اشتر المواد احسن اذا طلع نصاب مب مشكلة لانك تحاسبه عندما يخلص جزء بجزء انتيه من الغشاشن بكل الجنسيات لازم الدفان يكون زين اسال كثير اشلون التركيب وبعدين اختارالافضل مب الارخص

[كبير المتداولين]

اخوي انت اشتر المواد احسن اذا طلع نصاب مب مشكلة لانك تحاسبه عندما يخلص جزء بجزء انتيه من الغشاشن بكل الجنسيات لازم الدفان يكون زين اسال كثير اشلون التركيب وبعدين اختارالافضل مب الارخص

انا ادور الشي الافضل والسعر المتوسط

بالنسبه للصبغ شلون نظامه

[naklan]

اخوي كبير المتداولين الله يوفقك في البنيان وان شاء الله اني اقدر افيدك

اخوي بالنسبه للسباكه الحمام الواحد بحدود 3000 وعليه كل المواد حتى تركيب الطقم

والتسليم واذا نقص السعر افضل لك بس لازم تحط شروط ومواصفات البايبات مثلاًالماني

(بيبي ار) ونوع الصرف ( بحريني الخليج ) وجميع الفيتنق الماني وحاسب من انه نزول السعر

يكون من جوده العمل يعني واحد يعطيك سعر رخيص ويركب مواد متواضعه

وبالنسبه للسراميك في حدود 20 ريال والمواد والدفان وتوصيل

الرمل الى محل التركيب عليك الصبغ اسعار وانواع مختلفه وانصحك

تختار النوعيه اولاً وتاخذ مقايسه اسعار من 3 محلات وبتعرف السعر التقريبي

موفق وتحياتي لك وللجمـــــــــــــــــــــــــــــــــــــــــــــ ــــــــــــــــيع

اخوك/ naklan