يرجى المساعده: مشكله في القير

[fahadvx97]

السلام عليكم

اخواني عندي جي اكس موديل 2001 تعرض لحادث من الامام وتم تصليحه ولم يصب القير باي أذي...وبعد التصليح شغلته ويوم امشي فيه القير ما يبدل ... يحكر في قير واحد ومرات يبدل ومرات ما يبدل

فما أعرف شنو الخلل فيه.... هل حد عنده معلومات عن السبب ووين أحسن مكان يصلحه

وتسلمون

[QatarProv]

صارت لي مره

الدريول كان ضارب رصيف


وطلع مو من القيير طلع من الصبابات

وبتلاحظ انك لين هديت الريس عداد الضغط يوصل لين الواحد بسرعه او اقل من الواحد


شوف اخوي اذا الموتر صوته طبيعي انشاءالله ماعليه شر

[باسكن روبنز]

اتوقع مجرد وايرات ماتركبت عدل في مخ القير ،

اي كراج يفتح لك اياه وينظفه ويغير الكرنكيس مع شغل اليد مايطوف ال500 ريال ،

واذا تبي تتاكد اكثر مر على فحص وكالة بوش او ترايستار وهم متخصصين في هالامور خاصة الثاني ،

خطاك الله شر الحوادث ،

[fahadvx97]

شكرا اخواني على ردودكم

ونسيت اخبركم ان الضربه وصلت لغطاء الهيد مال المكينه وغيرته مع القطعه اللي تركب فيها البلكات... فهل يمكن يكون شيئ كهربائي

ووين مكان ترايستار لاني ما أدله لو تسمحون

[sos 12]

روح كراج دكار ... صارت لي هذي الحركة ... عندك الشيب الي يوصل حق مخ القير محترق او في ماي ... تقريبا سعرة 450 ريال ... وشغل يدهم مع البرمجة 1000 ريل ... نصيحة ابتعد كل البعد عن كراج ترايستار .. راح يقعدك على كرسي ويرويك اصور في الكمبيوتر صور مواتر ويقولك هذا كلف 12 الف و20000 الف ... يمهد حق النصبة ... والقرار لك .

[moxor]

بالتوفيق ان شاء الله

[al-obaidly]

الشيب ابرك من غيرهم

[fahadvx97]

شكرا على الردود

بس اخوي العبيدلي من تقصد بالشيب ووين مكانهم

[باسكن روبنز]

في اعتقادي القصد هو قطعة الChip ،

اي كما معروف عندنا بكمبيوتر القير ،

[Dear All]

روح كراج دكار ... صارت لي هذي الحركة ... عندك الشيب الي يوصل حق مخ القير محترق او في ماي ... تقريبا سعرة 450 ريال ... وشغل يدهم مع البرمجة 1000 ريل ... نصيحة ابتعد كل البعد عن كراج ترايستار .. راح يقعدك على كرسي ويرويك اصور في الكمبيوتر صور مواتر ويقولك هذا كلف 12 الف و20000 الف ... يمهد حق النصبة ... والقرار لك .



عليك بوصية أخوكـ لاتدور غير كراج دكار لقير التويوتا :thumbup1:

[qatari 111]

خطاك الشر
والله يسهل امورك ويعيينك