اللي يعرف يجاوب سوالي جزاكم الله خير

[مستجدة]

ولد اختي عمره 38 عاجز عن العمل وعنده تقارير مايقدر يشتغل ويبي يقدم طلب منحه ارض
وين يقدم اوراقه ...؟
والسوال هل المنحه فقط لرجال ولا للحالات المشابه من النساء يقدرون يقدمون على منحة ارض من الحكومه ...؟

اتمنى احد يجاوبني وجزاكم الله خير .

[امارات بيوتي]

للرفع

[بومحمد]

أختي راجعي الإسكان بخصوص هذا الموضوع هم راح يفيدونج أكثر

[missperfect]

تصير المنحه للحريم بس في حالات ربي يوفقج

[طير شلوى]

اختي روحي الاسكان الاجنب محطه بترول الاندلس وجيبي مايثبت جميع الاثباتات معاك وان شاء الله اهناك مش مقصرين معاج
والله يوفقج اختي

[شغموم]

السلام عليكم...

الاسكان... وبالتوفيق

[السهم السريع]

السلام عليكم ورحمة الله وبركاته
أختي الفاضله مثل ما قالو الاخوان موضوعج في الاسكان
اطلبي مقابلة المدير الأخ المريخي رجل محترم وخدووم
وإن شاءالله طلبج ياخذونه بعين الاعتبار
والصراحه هم مايقصرون مع اللي يستحق ارض او سكن

والله الموفق

[مستجدة]

للرفع

شكرا وجزاك الله خير على رفع الموضوع

[مستجدة]

أختي راجعي الإسكان بخصوص هذا الموضوع هم راح يفيدونج أكثر

وين فيه في الاسكان هل فيه قسم مختص بالمنح ...؟
اذا احد مجرب اخذ منحه ارض ياليت يفيدنا وين يقدم بالضبط وشنو الاوراق المطلوبه عليه

[sos 12]

يعطونه ارض ويبنون له البيت ... وفي حالة بعد عمر طويل يرجع البيت الى الدولة ... بس لازم الاثبات انه عاجز ... ويقدمها للجنة ... في اجراءات طويلة اشوي .. في نقطة مهمة مادري اذا حق غير المتزوجين .. انا اخوي متزوج ... ومن ذوي الاحتياجات الخاصة ... الاحسن يزور الاسكان

[مستجدة]

تصير المنحه للحريم بس في حالات ربي يوفقج

شكرا اختي بارك الله فيك لكن حتى الان معرف وين فيه انقدم وشنو الاوراق المطلوبه

[مستجدة]

اختي روحي الاسكان الاجنب محطه بترول الاندلس وجيبي مايثبت جميع الاثباتات معاك وان شاء الله اهناك مش مقصرين معاج
والله يوفقج اختي

عند من يقدم اوراقه لان الاسكان اكثر من قسم ومن إدارة
ياليت احد من الاخوان او الاخوات اللي مقدمين على منح ارض يفيدنا باجابه شافيه

[مستجدة]

عند من يقدم اوراقه لان الاسكان اكثر من قسم ومن إدارة
ياليت احد من الاخوان او الاخوات اللي مقدمين على منح ارض يفيدنا باجابه شافيه

[الغالي!]

الله يوفقكم في ماسعيتو فيه

[عذايب]

اختي في الاسكان في قسمين قسم ذوي حاجه للي ياخذون شؤون وقسم اسكان بقرض ممكن يقدم بس بشرط كفيل انه يجيب شهادة راتب اللي بسدد عنه القسط وهو يختار بينهم ويروح الدور الثاني خدمة الجمهور علشان يفتح ملف والاوراق المطلوبه
صوره من البطاقه الشخصيه
صوره من بطاقة الشؤون( ان وجدت)
شهاده من التسجيل العقاري بعدم امتلاك اي عقار
عقد زواج وشهادة ميلاد الابناء اذا كان متزوج
وشهاده تثبت انه مايشتغل يقدر ياخذها من برج برزان
واذا عنده تقارير طبيه يجيبها
واذا ساكن بيت اجار يجيب العقد ولازم رقم الكهربا والماء باسم المستاجر في حالة انه اختار اسكان ذوي الحاجه
وشهاده راتب الكفيل في حاله انه اختار اسكان بقرض وصوره من بطاقه الشخصيه وتعهد بسداد الاقساط

[aljaber1]

الله يوفقه ويسهل امره
اعتقد مثل هالحالات تحتاج بحث حاله
واذا ثبت عجزه يعطى السكن المجاني
اذا كان متزوج
اذا اعزب وعاجز يستحق ملحق في بيت احد ذويه
والاكيد والافاده الجازمه عند قسم الاسكان التابع
الشئون الاجتماعيه

[عذايب]

اي اخوي بس الاضافت انلغت الحين

[صاحبة إمتياز]

الله يوفقه ويسهل امره
اعتقد مثل هالحالات تحتاج بحث حاله
واذا ثبت عجزه يعطى السكن المجاني
اذا كان متزوج
اذا اعزب وعاجز يستحق ملحق في بيت احد ذويه
والاكيد والافاده الجازمه عند قسم الاسكان التابع
الشئون الاجتماعيه


مثل ماقال أخوي الجابر((((((( الافاده الجازمه عند قسم الاسكان التابع
الشئون الاجتماعيه)))))))) إذا ماختصروا له الأسكان مشوارة يجب الذهاب إذا كان مثل ماوصفتية عاطل لإسباب وعنده تقارير يروح للشؤون الإجتماعية في مريخ على ماأعتقد بجنب دوار الفروسيه على طول يسوون له بحث حالة يمشون له راتب وعلى طول يكمل إجراءات الإسكان بس إذا مشت امورة فالشؤون بتمشي امورة فالإسكان إن شاء الله:nice:
أتمنى أني أفدتج أختي