ماذا تفعل اول ماتصل الى مكتبك في العمل ؟؟؟؟؟؟؟

[kooool]

كيف تبدا يومك في عملك ؟؟؟ شنو اللي متعود عليه ؟؟؟ ياليت الكل يعطينا فكرة ..يمكن هناك تكون عادات طيبة الواحد يستفتح فيها يومه في العمل

[VIVA]

بلاك كوفي

افتح النت واقرأ الجرايد

افتح الايميل وارد على الايميلات الي جاتني بعد ماطلعت من الدوام اليوم اللي قبله (اغلب الوقت ارد عليهم من البيت)

انزل ادخن

[ثرية]

اول ما ادش ارتب طاولتي واحط سندويشي جدامي عالطاوله واطلب الكابتشينو واقعد اتصفح النت لين الساعه 7 ونص وبعد اكلها سندويشي وبعد اكمل تصفح النت ليحد مايجيني شغل لين جاني شغل هديت النت وقعدت اشتغل ولين خلصت اروح حق البنات في المكتب الثاني وبسسسسسسس

[qatari 111]

اول ما ادش الدوام احصل الزباين اقصد المراجعين واقفين طابور عند مكتبي بس اول شي امر على المكاتب واسلم على الموظفين وبعدين اروح بكتبي واخذلي قهوه وماي وننتطر المراجعين اللي عنده مشكله او غيرها من المعاملات طبعا النت ممنوع عندنا مدري شايفينا بزران كل واحد عمره فوق الثلاثين واذا مافي شغل احس اني شوي برقد عالمكتب من الملل ما عندي شي اللي يشغلني مثل النت وقت الملل

بس موضوع طابور من المراجعين امزح معاكم بس ايام تجينا زحمه مراجعين

وبس

[واحد ثقة]

اول ما ادش ارتب طاولتي واحط سندويشي جدامي عالطاوله واطلب الكابتشينو واقعد اتصفح النت لين الساعه 7 ونص وبعد اكلها سندويشي وبعد اكمل تصفح النت ليحد مايجيني شغل لين جاني شغل هديت النت وقعدت اشتغل ولين خلصت اروح حق البنات في المكتب الثاني وبسسسسسسس


هذا واقع أغلب الموظفين ،،

[مساهم متوهق]

اول مادش اطلب لي واحد كرك سكر زيادة ولازم المدخن قبل الكرك .
اذا فيه شغل خلصناه واذا مافي كالعادة صياعه بالنت هع هع هع

[s o s o]

اولا اصبح على كل الزملاء :)
ثانيا ..
http://1.bp.blogspot.com/_i-F23SsCy_c/TE5eN7aZKII/AAAAAAAAADk/cPp1PhP8JGw/s320/IMG_0194.jpg
ثالثا ..
في شغل انجزناه ..مافي شغل سوينا التالي :

http://2.bp.blogspot.com/_i-F23SsCy_c/TE5e31w6nVI/AAAAAAAAADs/U73AYabe_qo/s320/IMG_0467.jpg
وهكذا ..
:)

[بوخالد2]

والله ترتيب ياسوسو

هههه

انا عن نفسي اشرب القهوه و اجلس شووي اقرى الجريده

وبعدين افتح الكمبيوتر على كذا منتدى وبعدين اتابع واشوف المواضيع

اذا في شغل انسويه واذا لا نواصل على النت

[قطر دزاين]

1- مشاهده الوارد
2- تخليص المعامله اول بأول
3- استقبال طلبات
بعد ما اخلص ابحث في النت عن مجال عملي
اجيب الكوفي
ادخل شبكة الاسهم القطريه:)

[£عبدالعزيز£]

اغلب الناس اول ما يوصلون الدوام يشربون قهوة او ياكلون شي خفيف

بس في بعض الـ(موظفات) اللي يشتغلون شغلات معينة .. في الاستقبال مثلا

اذا الدوام مدته 7 ساعات .. هم ياكلون لمدة 8 ساعات .. ولا تسئلوني شلون omen

وطبعا عددهم يكون (5 او 6) .. وطول الدوام ياكلون .. (وحدة) منهم تقوم تخلص المراجع وترد تكمل اكلها :pilot:

[s o s o]

والله ترتيب ياسوسو

هههه

انا عن نفسي اشرب القهوه و اجلس شووي اقرى الجريده

وبعدين افتح الكمبيوتر على كذا منتدى وبعدين اتابع واشوف المواضيع

اذا في شغل انسويه واذا لا نواصل على النت

تسلم ياذوووق ..
اشلون الجرايد اليوم ؟

[الصريحه]

اخذ كتيب الادعيه واقرا الاذكار الصباح ثم اقرا جزء من القران ثم ابيتدي اشتغل على النت لين احصل شغل اوقف واخلص شغلي بعدين اشرب شاي كرك وافطر ثم النت الى اخر الدوام مع الشغل

[KING OF FISH]

أولا أسمي باسم الله الرحمن الرحيم وأدعوا الله بأن يحفظ لي هذه النعمة من الزوال ويبارك لي في عملي اللهم آمين وأبدأعملي في ترتيب الشغل لي ولغيري مساعدة مني لزملائي لأنني أأتي للعمل مبكرا وأطلب من ألأوفيس بوي نسكافيه وأكمل عمل وسلامتكم.

[برشلوني قطر]

بما اني اروح الدوام بدري اقعد فالمكتب الي جنبي عند واحد من الربع..واطلب كابتشينو ونقعد

نرسل صواريخ لبعض وفالنهاية اتهاوش معاه واطلع عنه << خوووش بدايه فالعمل خخخخخ

واروح مكتبي تقريبا ع السبع ونص واشغل النت واخلص من استفسارات المراجعين والاتصالات

لين يجي رئيس القسم يتقهوه عندي ويملغ ويبي يطل فالكمبيوتر ويقول خاطري اعرف ايش تسوي:looking:

وطبيعة عملي كانت واقفه لانها مرتبطه بدليل تصنيف الوظايف والحين بنرجع للشغل:no:


كأني قلت قصة حياتي مب شغلي:thumbdown:

[الحجاجي]

والله ترتيب ياسوسو

هههه

انا عن نفسي اشرب القهوه و اجلس شووي اقرى الجريده

وبعدين افتح الكمبيوتر على كذا منتدى وبعدين اتابع واشوف المواضيع

اذا في شغل انسويه واذا لا نواصل على النت

بو خالد جواب نهااائي :thumbup1:


/

بالنسبة لي امر اسلم على الموظفين اللي بدربي ..
واشغل كمبيوتري واشغل القرآن ( منزل نسخة بجهازي للقارى الشيخ أدريس ابوبكر)
وبنفس الوقت
انزل الجرايد (الراية والشرق ) من الأنترنت ملفات PDF
عشان اتصفحها وقت ما افضى ..
واخلي الجرايد تنزل
وارجع اقرأ قرآن شوي من ختمه صغيرونه ..
/
تقريباً نص ساعـــة لين 7 ونص ..
/
عقب افتح الأيميل اشيك اذا فيه شيء مهم رديت عليه ..

وارجع اكمل قراءة الجرايد ( مع تضبيط الشاي الأخضر )
لين 8 ونص عالسريع ..

وعقب يبدأ الشغل

والأنترنت والتصفح والمنتديات
متقطع بين فترة وفترة ..
على حسب الشغل ..
/
يعني مرات حتى الأشياء اللي فوق ما اسويها /
/

[شيط ويط]

(أرش ماي قدام باب مكتبي) :shy:

[كايد الوكره]

اول ماأوصل المكتب اسلم على الموظفين
افتح النت , واقرا جريده الرايه

افتح موقع كوووره , واقرأ آخر الاخبار الرياضيه
افتح منتدانا الغالي , واستمتع للمناقشات العقلانيه

اجيك على الايميلات ,

[ودي أكون]

احنا مكتبنا مكتب خاص للبنات .. محد يدخله حتى التي بووي ..

ادش المكتب اعين من الله خير وايلس عالكرسي اتمغط لين مايفتح الجهاز ..

ان كان في شغل عااااجل اخلصه من غير تمغط حتى :p

وان كان الشغل ع راحته .. دخلت النت تصفحت المواضيع عالسريع مجرد رؤوس أقلام اقراهم .. لين مالمخ يصحصح .. :looking:

ابدأ الشغل .. وان جات ربيعتي طلبنا نسكافيه .. واللي عندها شغل تكمله .. واذا هي ماعندها .. تقوم تسدح المخده لين مايجي الريوق :p

ترا الحياه حلوة :pilot:

[العقل الحر]

بدايه اصبح على الموظفين بالخير ومن ثم

ارتب الورق على المكتب واحط اولويات في العمل (( انظم شغلي )) مع كأس نسكافيه بدون حليب ومن ثم ابداء العمل فيها الى التاسعه والنصف او العاشرة

واستقبل المراجعين في نفس الوقت بعدد قليل وبعد العاشر استقبل المراجعين باعداد كبيرة

واذا حصلت وقت اخر الدوام اقراء جرايد

[halcrow]

(أرش ماي قدام باب مكتبي) :shy:

هههههههههههههه الله يرجك :thumbup:

[بوخالد2]

تسلم ياذوووق ..
اشلون الجرايد اليوم ؟

والله قريت الشرق

والرايه فتحتها علشان صور عرسنا :thumbup:

[halcrow]

كيف تبدا يومك في عملك ؟؟؟ شنو اللي متعود عليه ؟؟؟ ياليت الكل يعطينا فكرة ..يمكن هناك تكون عادات طيبة الواحد يستفتح فيها يومه في العمل

موضوع مميز ع الصبح :thumbup:

[مـحـمـد]

استفتـح بـذاك الكوفي المضبوط
واخذ فرة على كم منتدى
واشرب غرشة ماي
واخذلي كوفي ثاني
واخذ الكوفي معاي تحت وادخن


يا سلام

[بوخالد2]

ههههههههه ياعني على الكوفي اللى عندك

[بوحارب]

ابحث عن الكرك

[Doha Sun]

اول مادخل اسمي بسم الله الرحمن الرحيم ..
افتح النت على المنتدى ومواقع التسوق ، اقرى الجرايد كلها حتى الشرق الاوسط في هالفترة يجيب الفراش المدخن قدني راشة عطر في المكان ومجهزة كسرة عود بالعنبر ...
وفي الغالب مايكون عندي شغل في الصيف بس احاول اني اخذ افكار جديدة لاستقبال الموسم الجديد .. واتريق روتي في الشوايه وعصير اما تانج مانجا ولا برتقال ولا عصير اناناس fresh..
وبعد صلاة الظهر ادخل موقع العاب اللين نهاية الدواام ..

[برشلوني قطر]

اول مادخل اسمي بسم الله الرحمن الرحيم ..
افتح النت على المنتدى ومواقع التسوق ، اقرى الجرايد كلها حتى الشرق الاوسط في هالفترة يجيب الفراش المدخن قدني راشة عطر في المكان ومجهزة كسرة عود بالعنبر ...
وفي الغالب مايكون عندي شغل في الصيف بس احاول اني اخذ افكار جديدة لاستقبال الموسم الجديد .. واتريق روتي في الشوايه وعصير اما تانج مانجا ولا برتقال ولا عصير اناناس fresh..
وبعد صلاة الظهر ادخل موقع العاب اللين نهاية الدواام ..


شواايه فالدواام :eek:

اطلعوو مب بس البنات الي عندنا ومشتكين عليهم عند المدير لان تدخل القسم اتقول

دااخل مطعم حموود..

ايكون تشتغلين معانا فالاداره:eek2:

[بنت ابوها 19]

كالعاده

ادخل الدوام لازم قبلها شاي حمر وبسكوت مالح


عقبها اتم اتمقل بالجرايد واقرا العناوين بالمنتدى
وانطر مسؤلي لين مايشرف

عقب اتم اذا في شغل خلصته
عقبها ع الساعه 12 اتصل بربيعتي وننزل الكفتيريا نتغدا وعقب نرجع مكاتبنا ونكمل الشغل اذا مافي ا نتمقل بالنت

[Doha Sun]

شواايه فالدواام :eek:

اطلعوو مب بس البنات الي عندنا ومشتكين عليهم عند المدير لان تدخل القسم اتقول

دااخل مطعم حموود..

ايكون تشتغلين معانا فالاداره:eek2:



الشواية في المطبخ مهب في المكتب :nono::anger1:

[*¤ بن قطر¤*]

بالنسبة لي ,,, اول شي أحرص اني اسويه اني أقرأ ما تيسر من القرآن الكريم و من ثم اقرأ الجريده مع احتساء كوب من القهوة ... :thumbup1:

[عزتي سمو ذاتي]

ماشاء الله ماتلاحظون أغلب اللي ادخلوا شغلهم كله كوفي ونت

عني انا لازم تركش أول الصبح وبعدها ابدأ بالشغل لوفي وقت فاضي دخلت المنتدى شوي

[أم شيوخ]

طبعا جدولنا الي مايخلص نجي جنب البرج ندور ندوور في هالشوارع ياله نحصل لنا بارك واخر الشهر طبعا تسليم 500 وهذا غصبن عنا بعد ولين ركبنا البرج ابتدى المشوار: بسررررعه افتح كمبيوتري واشوف اي ايميلات وارده وريكويستات <-----فهموا عاد انتوا :)
مافيه افتر المنتدى واقرى الجديد وشوي اشرب ماي في ماي خخخخ لين وقت الريوق واذا في شغل كان بها مافي سوالف لين يجينا شي....
اما اكل في اكل لا احنا من زمان مبطلين هالعاده

[أم شيوخ]

واهم شي افتح صفحة ادعية الصباح

[عزتي سمو ذاتي]

شواايه فالدواام :eek:

اطلعوو مب بس البنات الي عندنا ومشتكين عليهم عند المدير لان تدخل القسم اتقول

دااخل مطعم حموود..

ايكون تشتغلين معانا فالاداره:eek2:



عادي أغلب شغل الحريم مسوين لهم زاوية تقول مطبخ شوايه وغلاية وثلاجة

ووقت الأكل بسطه على الأرض الدنيا سهالات عندهم :thumbup:

[برشلوني قطر]

عادي أغلب شغل الحريم مسوين لهم زاوية تقول مطبخ شوايه وغلاية وثلاجة

ووقت الأكل بسطه على الأرض الدنيا سهالات عندهم :thumbup:


انا اخبر ف مخدات وجلسات حق الرقده..:thumbup:

بس القلاي جديده علي ههههههههههههههه

[missperfect]

اشقل الكمبيوتر واقعد لين اصحصح اكون لين الحيني راقده يعني ماادري لين متى :p

[بعيد الدار]

أول ما أداوم طبعاً ما أمر على أي واحد لأني دايم مداوم بدري قبلهم أحط دلة القهوة على طاولة الاجتماعات
أقعد على الطاولة وأفل الجريدة لين ما يجون الربع ونسولف ونفطر وبعدها كل واحد يروح لمكتبة أفتح النت وأجلس على النت لين يجيني شغل شغلي دايم مدته ساعة إلى ساعتين طبعاً أجتماعات بعد ما أخلص أكتب تقرير عن الأجتماع وأرجع للنت لنهاية الداوم . وينتهي يوم عمل شااااااق

[missperfect]

عادي أغلب شغل الحريم مسوين لهم زاوية تقول مطبخ شوايه وغلاية وثلاجة

ووقت الأكل بسطه على الأرض الدنيا سهالات عندهم :thumbup:

ودي اعرف هاي في وين تصير حتى لو عالخاص ابي اعرف اي جهة عمل تصير بها هالسوالف وساكتين عنها خل اشوف شغلي معاهم

[الرويـس]

عادي أغلب شغل الحريم مسوين لهم زاوية تقول مطبخ شوايه وغلاية وثلاجة

ووقت الأكل بسطه على الأرض الدنيا سهالات عندهم

في توصيل منازل ؟
:(

[Doha Sun]

انا اخبر ف مخدات وجلسات حق الرقده..:thumbup:

بس القلاي جديده علي ههههههههههههههه



المخدات وجلسات حق الرقدة سمعت بها في بعض الوزارات :no: وقالو بعد حتى الرجال يرقدون في اشغالهم ..:thumbup:

[s o s o]

بسكم فضايح ترى الموضوع مراقب :looking:
عقب اذا كنسلو طبيعة العمل لاتزعلون

[عزتي سمو ذاتي]

ودي اعرف هاي في وين تصير حتى لو عالخاص ابي اعرف اي جهة عمل تصير بها هالسوالف وساكتين عنها خل اشوف شغلي معاهم



بصراحة جهه معينه مااقدر اذكر لأني ماشفت بعيني بس هاي اللي اسمعه مع السوالف عن الوظايف

وانا اشوف الموضوع عادي دام انه مايعطل الشغل وكل شي يخلص بوقته لأن الشي موغلط إلا اكل وشرب

[بوخالد911]

هلا

اطلب الشاي
اشوف الأووت لووك
وأشووف الأوراق
لو في ميس كوول ع تلفون مكتبي ؛ أتصل بالأرقام ولا أهملها

وبعدها ادش المنتدى

تحياتي قبل ترتيب أوقااتي

مسيوو / بوخالد911

[متابع عن قرب]

(أرش ماي قدام باب مكتبي) :shy:

توقعك مهندس ومكتبك في موقع الحفريات والمشاريع :pilot:

أو

عسكري ومكتبك في ميدان الرماية:pioneer:






عن نفسي

اوصل المكتب وامر على مكاتب الشباب اسلم عليهم

وبعدين افتح الكمبيوتر واتصفح الايميلات واطلب لي نسكافيه بالحليب واخلص شغلي مع وجود صفحة النت ما اسكرها وكل شوي اسويلها رفرش واكتفي في الفترة الماضية بالإطلاع فقط دون المشاركة

[بنت ابوها 19]

خخخ

خاطري اقرا رد يبين انه محكوك حك وطول يومه شغل

[ANONYMOUS]

اقول

يلعن ابو دواماتكم الوناسه

[h_qatar]

اقرأ قرآن،

بعدين اتصدق و لو بريال (ف مكان مخصص ف بوكي)

بعدين اشيك ع اميلاتي

بعدين اخلص اي شغل او مشروع عندي

اذا عندي وقت فاضي اتصفح النت

[Doha Sun]

خخخ

خاطري اقرا رد يبين انه محكوك حك وطول يومه شغل



يمكن علشان في الصيف مافي شغل .. وانتظري بعد رمضان الحك والغربال :strong2:

[برشلوني قطر]

المخدات وجلسات حق الرقدة سمعت بها في بعض الوزارات :no: وقالو بعد حتى الرجال يرقدون في اشغالهم ..:thumbup:


هذي وزارتنا سابقا بس سوينا كبسه عليهم وخذنا اغراضهم وحذفناها ههههههههههه


الشباب يرقدون بس ف رمضان فالمصلى عندنا :thumbup1:

[Doha Sun]

هذي وزارتنا سابقا بس سوينا كبسه عليهم وخذنا اغراضهم وحذفناها ههههههههههه


الشباب يرقدون بس ف رمضان فالمصلى عندنا :thumbup1:



خوش مداهمة .. قواكم الله .. :thumbup:

[قطر501]

اول ماجي الدوام افتح النت واقراء الجرايد طبعا ماحب حد يكلمني وانا اقراء الجرايد طبعي مع شاي احمر بعدين اذا فيه اشتغل سويته واذا مافيه اقلب فالنت لين امللللللل بعدين اقول افففففففففف وطلع

[kooool]

يعطيكم العافية على البداايات الحلوة والمشجعة صراااحة ..وعلى قولة اختنا سوسو شكل بدل طبيعة العمل بيطير :eek2: بالنسبة لي البداية عندي تبدا قبل ماااجي الدوام ...شلون ؟؟؟؟
طبعا اوصي البيت بعمل بعض الاطباااق الخاصة ويحطونها في ملاااال مثل العصيدة والبلالليط والخنفروش ودلة القهوة والرطب الخلاص اللي يداوي كل علة ...وبعد ماجي الدوام اسلم على الشباب تقول حنا في سوق السمك هههه لين ماوصل المكتب يكون تعبت من السلاااامات افتتح اليوم بالاذكااار والادعية وبعدها افتح الايميل العادي والخاص وبعد ماخلص ادعي اخوااان شما على الفطور ونسوي بسطة على الارض ونتريق وانسولف لين الساعة 8 ونص ..وبعدين اقولهم عطوني مقفاكم وتوكلوا على الله ..واقعد اقرا شوي في بعض المواضيع اللي تخص العمل لين الساعة 1 وبعدها افتح المنتدى لين الساعة 2 واشخط عليييييييييه

[Doha Sun]

يعطيكم العافية على البداايات الحلوة والمشجعة صراااحة ..وعلى قولة اختنا سوسو شكل بدل طبيعة العمل بيطير :eek2: بالنسبة لي البداية عندي تبدا قبل ماااجي الدوام ...شلون ؟؟؟؟
طبعا اوصي البيت بعمل بعض الاطباااق الخاصة ويحطونها في ملاااال مثل العصيدة والبلالليط والخنفروش ودلة القهوة والرطب الخلاص اللي يداوي كل علة ...وبعد ماجي الدوام اسلم على الشباب تقول حنا في سوق السمك هههه لين ماوصل المكتب يكون تعبت من السلاااامات افتتح اليوم بالاذكااار والادعية وبعدها افتح الايميل العادي والخاص وبعد ماخلص ادعي اخوااان شما على الفطور ونسوي بسطة على الارض ونتريق وانسولف لين الساعة 8 ونص ..وبعدين اقولهم عطوني مقفاكم وتوكلوا على الله ..واقعد اقرا شوي في بعض المواضيع اللي تخص العمل لين الساعة 1 وبعدها افتح المنتدى لين الساعة 2 واشخط عليييييييييه


مشكورة والله يعطيك العافية على الموضوع ..
انطر منك العزيمة على الريوق :thumbup:

[باسكن روبنز]

دوامي على التلفون ويتطلب حضوري مره بالشهر ،

عاد اذكروا الله ترا العين حق ، omen

[وطن]

اول ما أوصل الدوام
اشبك مسنجري اهم شي :tease:

اذا في شغل ع الطاولة خلصته
واذا مافي شغل
اقوم اتمشى اشوف اخر التطورات في مجال العمل

وارد المكتب اتريق واذا مافي ريوق نطلع نجيب ولا نقزرها سنكرز وشيبس

اذا في اجتماع حضرناه واذا اجتماع خارجي طلعنا له

واذا مافي شغل
جابلنا النت

:)

[بوحارب]

اقول

يلعن ابو دواماتكم الوناسه

شوف الناس شلون عايشة :no2:

[ملكة البورصة]

زين ممكن اقتراح دام احنا كلنا نفس الوضع ياخي قللوا ساعات الدوام بدال 8 ساعات خلوها 5 او 6 وفكونا

يا تعطونا شغل يا اعتقووونا وخاصه الحريم لان الحريم جسمهم ضعيف ومايستحمل سمتت الدوام والمكتب 8

ساعات لين ما يجيهم ديسك بعدين خذ عاد وين يترقعووون

[رهج السنابك]

؛

وقت دوامي يبدأ بعد صلاة الفجر ؛ افتح الايميل واشوف الايميلات الخارجية بسبب فارق التوقيت ؛ وارد عليها قدر الامكان

؛

اوصل مكتبي ارد على المراسلات والتلفونات ؛ بعدها أباشر معاينة المواقع ؛

بعدها اكمل المشاريع حسب الجدول الزمني اللي حاطته بالدقيقة ؛

استكمل ابحاثي وارفع تقارير عن ماتم انجازه بشكل يومي

؛

اراجع كافة الاعمال اللي تمت خلال الدوام

واخيراً اتذكر شرب كوب ماء بعد مايكون احتر من الصبح

واخذ شنطتي ولاب توبي واطلع للبيت

احياناً اخذ معي باقي الاعمال واخلصها في البيت

؛

[kooool]

؛

وقت دوامي يبدأ بعد صلاة الفجر ؛ افتح الايميل واشوف الايميلات الخارجية بسبب فارق التوقيت ؛ وارد عليها قدر الامكان

؛

اوصل مكتبي ارد على المراسلات والتلفونات ؛ بعدها أباشر معاينة المواقع ؛

بعدها اكمل المشاريع حسب الجدول الزمني اللي حاطته بالدقيقة ؛

استكمل ابحاثي وارفع تقارير عن ماتم انجازه بشكل يومي

؛

اراجع كافة الاعمال اللي تمت خلال الدوام

واخيراً اتذكر شرب كوب ماء بعد مايكون احتر من الصبح

واخذ شنطتي ولاب توبي واطلع للبيت

احياناً اخذ معي باقي الاعمال واخلصها في البيت

؛

شوفوا شباب وخلوا منكم الكسل :thumbup:

[kooool]

زين ممكن اقتراح دام احنا كلنا نفس الوضع ياخي قللوا ساعات الدوام بدال 8 ساعات خلوها 5 او 6 وفكونا

يا تعطونا شغل يا اعتقووونا وخاصه الحريم لان الحريم جسمهم ضعيف ومايستحمل سمتت الدوام والمكتب 8

ساعات لين ما يجيهم ديسك بعدين خذ عاد وين يترقعووون

ممممممم اقتراح طيب ...خليني بشوف الموضوع وارد عليج ..هذا اذا ماغيرنا لكم الكراسي

[kooool]

شوف الناس شلون عايشة :no2:

الله لايغير عليهم يابوحارب ..سهووود ومهووود

[kooool]

اول ماجي الدوام افتح النت واقراء الجرايد طبعا ماحب حد يكلمني وانا اقراء الجرايد طبعي مع شاي احمر بعدين اذا فيه اشتغل سويته واذا مافيه اقلب فالنت لين امللللللل بعدين اقول افففففففففف وطلع

لا ابد طاالع عمرك خذ راااااحتك ..يروح الشغل في ستين دااااهية ..اهم شي مايتعكر مزاجك

[بنت ابوها 19]

زين ممكن اقتراح دام احنا كلنا نفس الوضع ياخي قللوا ساعات الدوام بدال 8 ساعات خلوها 5 او 6 وفكونا

يا تعطونا شغل يا اعتقووونا وخاصه الحريم لان الحريم جسمهم ضعيف ومايستحمل سمتت الدوام والمكتب 8

ساعات لين ما يجيهم ديسك بعدين خذ عاد وين يترقعووون

جان زين والله

دوامي كل ابوه ساعتين لهم اهميه الباقي مالهم داعي كلش

خلهم يسحون فينا شوي :no:

[kooool]

يعطيكم العافية على البداايات الحلوة والمشجعة صراااحة ..وعلى قولة اختنا سوسو شكل بدل طبيعة العمل بيطير :eek2: بالنسبة لي البداية عندي تبدا قبل ماااجي الدوام ...شلون ؟؟؟؟
طبعا اوصي البيت بعمل بعض الاطباااق الخاصة ويحطونها في ملاااال مثل العصيدة والبلالليط والخنفروش ودلة القهوة والرطب الخلاص اللي يداوي كل علة ...وبعد ماجي الدوام اسلم على الشباب تقول حنا في سوق السمك هههه لين ماوصل المكتب يكون تعبت من السلاااامات افتتح اليوم بالاذكااار والادعية وبعدها افتح الايميل العادي والخاص وبعد ماخلص ادعي اخوااان شما على الفطور ونسوي بسطة على الارض ونتريق وانسولف لين الساعة 8 ونص ..وبعدين اقولهم عطوني مقفاكم وتوكلوا على الله ..واقعد اقرا شوي في بعض المواضيع اللي تخص العمل لين الساعة 1 وبعدها افتح المنتدى لين الساعة 2 واشخط عليييييييييه

ياجعلك تسلم يالسنااافي ياللي محله عااااااامر بالنشامى وهبة الريح ..

[لوردغاليري]

اول شي اقرا كم صفحه من الذكر الحكيم وانصحكم جربوا راحه نفسيه غير طبيعيه
وبعدها

اطلب قهوة ومدخن
واقرا الجرايد
لين مايجي الشغل اقصد الكتب والملفات ويبدا الشغل

[طلعة الروح]

بداية يومي آخذ كوب شاي اخضر...
ادخل المكتب عالسبع ونص ... افتح السيستم.. افتح البرامج...
اراجع الايميلات وارد عليها من الاسهل الى الاصعب ( حشى داشه امتحان :eek2:)
وابدا شغل الاتصالات والمتابعات اللي مالها نهايه ...
عالساعه 8 اكون خلصت الشاي الاخضر:p....
طبعا اتم اتابع الشغل وماتحرك الا بعد مايأذن الظهر...
اطلع اصلي وساعات اتغدى حسب المزاج...
وارجع اتابع الـ pendings والايميلات وهكذا دواليك.....وبطبعي ماحب اقرا الجرايد (هذاك أول على ايام شغل الرفاهيه:D) ولا في مجال للنت:eek3:
وعادة اطلع بعد ماينتهي وقت الدوام بنص ساعه او ساعه واحيانا اطول زياده اذا فيه meeting اوtraining...

اصدقون مجرد اكتب هالكلام حسيت بالتعب شلون وانا اطبقه آخ بس آخ:(

تقبلوا اضافتي

[ورد الدوحه]

اول شي اخذ المدخن واترسه عود بالعنبر وبعدين انتجمع كلنا ورفجتنا مدلعتنا كل يوم كيك او جلكسي او كت كات مع قهوه متروسه قناد ونشغل اذاعة القران الكريم ونسمع:كيف اصبحت وقصص الانبياء واحنا نقرأ الجرايد ونروح بعدين الحصص

[روح الاطلس]

اول شي اخذ المدخن واترسه عود بالعنبر وبعدين انتجمع كلنا ورفجتنا مدلعتنا كل يوم كيك او جلكسي او كت كات مع قهوه متروسه قناد ونشغل اذاعة القران الكريم ونسمع:كيف اصبحت وقصص الانبياء واحنا نقرأ الجرايد ونروح بعدين الحصص

يا بخت المدرسات

[قلم محايد]

موضوع جميل و رائع ..

عني انا ابتدي الدوام اسلم و انا داخل القسم ثم اجلس على مكتبي و افتح الكومبيوتر .. طبعا ماعندي نت للاسف (فيه ناس حاطين لهم و ناس لا ههه ) .. المهم و يجيب الاوفس بوي الكوفي المضبوط لي و اخليه يبرد اشوي عشر دقايق و افتح البلاك بيري و ادخل النت .. اقرا بعض الجرايد ادخل منتديات .. و اجيك ايميلاتي .. و عقب ابتدي اسوي شغلي و ثم يبقى جزء من الشغل اخليه و اروح اتريق و ثم ارجع اكمل شغلي .. و بس على الظهر تقريبا ماعندي شيء اقعد اقرا لي قصص روايات بوليسية اكون مطرشهم اول ردي من البيت عن طريق الايميل (روايات الرجل المستحيل) .. و كل رواية 100 صفحة و اكثر على ملف pdf و تسوي شغل لنهاية الدوام ..

[kooool]

اول شي اقرا كم صفحه من الذكر الحكيم وانصحكم جربوا راحه نفسيه غير طبيعيه
وبعدها

اطلب قهوة ومدخن
واقرا الجرايد
لين مايجي الشغل اقصد الكتب والملفات ويبدا الشغل

جزاك الله خير بدااية


موضوع جميل و رائع ..

عني انا ابتدي الدوام اسلم و انا داخل القسم ثم اجلس على مكتبي و افتح الكومبيوتر .. طبعا ماعندي نت للاسف (فيه ناس حاطين لهم و ناس لا ههه ) .. المهم و يجيب الاوفس بوي الكوفي المضبوط لي و اخليه يبرد اشوي عشر دقايق و افتح البلاك بيري و ادخل النت .. اقرا بعض الجرايد ادخل منتديات .. و اجيك ايميلاتي .. و عقب ابتدي اسوي شغلي و ثم يبقى جزء من الشغل اخليه و اروح اتريق و ثم ارجع اكمل شغلي .. و بس على الظهر تقريبا ماعندي شيء اقعد اقرا لي قصص روايات بوليسية اكون مطرشهم اول ردي من البيت عن طريق الايميل (روايات الرجل المستحيل) .. و كل رواية 100 صفحة و اكثر على ملف pdf و تسوي شغل لنهاية الدوام ..

طبعا الشغل من غير نت مثل الجسد من غير روووووووح احيييييك على الصبر


اول شي اخذ المدخن واترسه عود بالعنبر وبعدين انتجمع كلنا ورفجتنا مدلعتنا كل يوم كيك او جلكسي او كت كات مع قهوه متروسه قناد ونشغل اذاعة القران الكريم ونسمع:كيف اصبحت وقصص الانبياء واحنا نقرأ الجرايد ونروح بعدين الحصص
ياسلاااااااام على كيف كيفك ...عود وبالعنبر بعد ياسلااااااااااام ..اشوف المدارس مستقبلها مشرق


بداية يومي آخذ كوب شاي اخضر...
ادخل المكتب عالسبع ونص ... افتح السيستم.. افتح البرامج...
اراجع الايميلات وارد عليها من الاسهل الى الاصعب ( حشى داشه امتحان )
وابدا شغل الاتصالات والمتابعات اللي مالها نهايه ...
عالساعه 8 اكون خلصت الشاي الاخضر....
طبعا اتم اتابع الشغل وماتحرك الا بعد مايأذن الظهر...
اطلع اصلي وساعات اتغدى حسب المزاج...
وارجع اتابع الـ pendings والايميلات وهكذا دواليك.....وبطبعي ماحب اقرا الجرايد (هذاك أول على ايام شغل الرفاهيه) ولا في مجال للنت
وعادة اطلع بعد ماينتهي وقت الدوام بنص ساعه او ساعه واحيانا اطول زياده اذا فيه meeting اوtraining...

اصدقون مجرد اكتب هالكلام حسيت بالتعب شلون وانا اطبقه آخ بس آخ

تقبلوا اضافتي

مشكل الشاي الاخضر كنت تشربينه ايااام الرفاااهية ...بس شكلك ترقيتي او صرتي في منصب مهم واجتماعات وحركاااات فلازم حاجة ثقيلة من هذه الاسامي اللي تهز ...والكوب اللي لوضربتي به كااافر اسلم :eek2:

[شيزكيك]

اوصل الشغل سبع الا ربع افتح النت اطلب شاي كرك اروح اصلي الضحى عقب اشوف ايميلات

الشغل واذا حصلت لي فرصه اتصفح النت

وعن الريوق بسكوت ونسكافيه

[سكون الليل]

قبل ما اصل مكتبي وقبل لا أطلع من بيتي أقرأ دعاء الحفظ بنية حفظ كل شيء
ثم دعاء الخروج ودعاء الركوب
في السيارة ( أستغفر الله ) طول الطريق وعند مكان محدد( اللهم صلي على محمد وآل محمد )
في المصعد ( التكبير)
قبل الدخول للعمل ( رب أدخلني مدخل صدق واخرجني مخرج صدق واجعل لي من لدنك سلطاناً نصيراً)
أصل مكتبي ( بسم الله الرحمن الرحيم ) أصلي صلاة الضحى أولاً ثم اشرب الشاي
وأبدأ العمل وأرجع عليه
وإذا لم يكن هناك عمل افتح النت وادور الاخبار من الجرائد أو منتدى الأسهم

[kooool]

اوصل الشغل سبع الا ربع افتح النت اطلب شاي كرك اروح اصلي الضحى عقب اشوف ايميلات

الشغل واذا حصلت لي فرصه اتصفح النت

وعن الريوق بسكوت ونسكافيه

نشاااااااط مب طبيعي الله يثبتك عليه ويهدي غيرك اليه ..

قبل ما اصل مكتبي وقبل لا أطلع من بيتي أقرأ دعاء الحفظ بنية حفظ كل شيء
ثم دعاء الخروج ودعاء الركوب
في السيارة ( أستغفر الله ) طول الطريق وعند مكان محدد( اللهم صلي على محمد وآل محمد )
في المصعد ( التكبير)
قبل الدخول للعمل ( رب أدخلني مدخل صدق واخرجني مخرج صدق واجعل لي من لدنك سلطاناً نصيراً)
أصل مكتبي ( بسم الله الرحمن الرحيم ) أصلي صلاة الضحى أولاً ثم اشرب الشاي
وأبدأ العمل وأرجع عليه
وإذا لم يكن هناك عمل افتح النت وادور الاخبار من الجرائد أو منتدى الأسهم
اليوم 07:51 pm

الله يرفع قدرك عنده ..بس مااادري حسيت من كلامك انك رااايحة لمكان مرعب ومخيف ...ويالله السلااااااااااامة

[باسكن روبنز]

شوفوا شباب وخلوا منكم الكسل :thumbup:

هههههههههههههههههه ،:thumbup:

[نورالهدى]

طبعا
أدخل على مكتبي أرتب أوراقي وعلى حسب الحصص اللي عندي إذا كانت الاولى أجهز كل مايخص الحصه
وإذا عندي وقت أفطر سندويش وأشرب عصير وأدخل من معركة لأخرى
قصدي من حصة لأخرى وإذا خلصت أقعد أشوف إيش عندي بكرة وأدونهم على نوت وأرتب أفكاري واقعد اقلب في المنهج لين مايخلص الدوام وارد لبيتي
ولما كنا في الكنترول كنت اروح الادارة وماخليت شي الا اشتغلت فيه
انا ما حب اقعد في العمل بدون شغل
والحمدلله على كل شيء

[روح الاطلس]

قبل ما اصل مكتبي وقبل لا أطلع من بيتي أقرأ دعاء الحفظ بنية حفظ كل شيء
ثم دعاء الخروج ودعاء الركوب
في السيارة ( أستغفر الله ) طول الطريق وعند مكان محدد( اللهم صلي على محمد وآل محمد )
في المصعد ( التكبير)
قبل الدخول للعمل ( رب أدخلني مدخل صدق واخرجني مخرج صدق واجعل لي من لدنك سلطاناً نصيراً)
أصل مكتبي ( بسم الله الرحمن الرحيم ) أصلي صلاة الضحى أولاً ثم اشرب الشاي
وأبدأ العمل وأرجع عليه
وإذا لم يكن هناك عمل افتح النت وادور الاخبار من الجرائد أو منتدى الأسهم

ماشاء الله اكثر برنامج عجبني

واكيد انت لم تذكر ذلك من باب الرياء انما من باب التذكير

فعلا الغالب منا يغفل هذه الاوراد والاذكار اليومية

جزاك الله خير على التذكير بها

[ولد ازغوى]

اول ما اجي اتريق ههههه بعدين نقعد نحش
بعدين يجي وقت الريوق الثاني ..
بعدين نرد نحش
عقب نرد نتريق الريوق الثالث وغالبا يكون الاخير
عقب نروح نتوضى >> تكفير عن الحش ونصلي عقب نرد البيت ...
وهذا حالتنا والله لا يغير علينا ..

[طارق]

اول ما ادش ارتب طاولتي واحط سندويشي جدامي عالطاوله واطلب الكابتشينو واقعد اتصفح النت لين الساعه 7 ونص وبعد اكلها سندويشي وبعد اكمل تصفح النت ليحد مايجيني شغل لين جاني شغل هديت النت وقعدت اشتغل ولين خلصت اروح حق البنات في المكتب الثاني وبسسسسسسس

صريحه

[طارق]

اول ما اجي اتريق ههههه بعدين نقعد نحش
بعدين يجي وقت الريوق الثاني ..
بعدين نرد نحش
عقب نرد نتريق الريوق الثالث وغالبا يكون الاخير
عقب نروح نتوضى >> تكفير عن الحش ونصلي عقب نرد البيت ...
وهذا حالتنا والله لا يغير علينا ..

ههههه صريح

[nor85]

اشغل اذكار الصباح واقرا الاذكار وبعدين الاميل

[الحريّه]

عجيب هذا السؤال لما كشف من روتين الموظفين ! ياليت نقدر ندمج مع هذا السؤال سؤال آخر و هو سؤال التقييم ! إذا كان هذا هو روتينك اليومي ( شرب شاي كرك و وكوفي وتصفح جرايد وانترنت و سوالف مع الربع في الشغل / البعض حط أدعيه و أذكار من باب كسب التقدير ) كم تعطي نفسك في التقييم من 10 ؟
بارك الله لقطر في الجادين و المجتهدين من أبنائها !:victory:

[الكــاســــر]

تفاجات من الردود الصراحة
يعني الأغلب يداومون 7 ساعات وشغلهم الفعلي كله ساعة ساعتين:rolleyes2:
لهدرجة مافي شغل؟ ولا الشغل عل اجانب بس؟ ولا الجهة ما تعرف وين تحطهم؟

[طلعة الروح]

تفاجات من الردود الصراحة
يعني الأغلب يداومون 7 ساعات وشغلهم الفعلي كله ساعة ساعتين:rolleyes2:
لهدرجة مافي شغل؟ ولا الشغل عل اجانب بس؟ ولا الجهة ما تعرف وين تحطهم؟



اتوقع لانه الاغلبيه شغالين في جهات حكوميه او حتى بمناصب في شركات خاصه شغلها قليل بطبيعة الحال...
هاي هو تفسيري البسيط للموضوع...

[بوخالد2]

عادي أغلب شغل الحريم مسوين لهم زاوية تقول مطبخ شوايه وغلاية وثلاجة

ووقت الأكل بسطه على الأرض الدنيا سهالات عندهم :thumbup:

:victory::victory:

نفسنا كل انخلي الهندي في الدوام عنده شوايه ومكرويه لزوم الفطور هههه

[روح الاطلس]

تفاجات من الردود الصراحة
يعني الأغلب يداومون 7 ساعات وشغلهم الفعلي كله ساعة ساعتين:rolleyes2:
لهدرجة مافي شغل؟ ولا الشغل عل اجانب بس؟ ولا الجهة ما تعرف وين تحطهم؟

على فكرة حتى الاجانب مايشتغلون

لو تشوف الاجانب كله سوالف من الصبح لين يطلعوون

وفي بلادهم مايرجعون بيوتهم الا مع مغيب الشمس !!

صج قطر بالنسبة لهم فترة نقاهه ودلع

بعد ماكانت عيونهم طالعه برا من كثرة الشغل

حتى لو نكرفهم كرف بعد يعتبر دلع ونقاهه لانهم متعودين اصلا على الكرف لين مغيب الشمس يردون يتعشون وينامون وهذي حياتهم

لو صدق قطر استفادت من وجود الاجانب اللي يشكلون 80% من الموظفين كان صارت قطر في مصاف الدول المتقدمة

لكن لان الاجانب الموجودين عندنا هم بقايا الموظفين في دولهم ودولهم مستغنية عنهم لذلك لم نتقدم بهم ولا بدونهم

[شيط ويط]

توقعك مهندس ومكتبك في موقع الحفريات والمشاريع :pilot:

أو

عسكري ومكتبك في ميدان الرماية:pioneer:





(تخوّف) إنت :secret:

[eXpert*]

عجيب هذا السؤال لما كشف من روتين الموظفين ! ياليت نقدر ندمج مع هذا السؤال سؤال آخر و هو سؤال التقييم ! إذا كان هذا هو روتينك اليومي ( شرب شاي كرك و وكوفي وتصفح جرايد وانترنت و سوالف مع الربع في الشغل / البعض حط أدعيه و أذكار من باب كسب التقدير ) كم تعطي نفسك في التقييم من 10 ؟
بارك الله لقطر في الجادين و المجتهدين من أبنائها !:victory:


تفاجات من الردود الصراحة
يعني الأغلب يداومون 7 ساعات وشغلهم الفعلي كله ساعة ساعتين:rolleyes2:
لهدرجة مافي شغل؟ ولا الشغل عل اجانب بس؟ ولا الجهة ما تعرف وين تحطهم؟





الله كريم ان شاء الله

و يــقولون ليش رواتب القطاع الخاص عالية ،، والله ما تقدر تفكر من كثر الشغل :anger1:

شغليّ يبدأ وانا في السيارة متجه للدوام أشيك على الأيميلات والمكالمات (طبعاً من الأيفون مب بلاك بيري) :)

بالدوام عندنا حظر حق 70% من المواقع وبعض المواقع لك وقت معين تتصفح عقب يفصل الموقع ،، مواقع الحوارات ، المنتديات ، فيس بوك ، الايميلات ،، الجرائد الالكترونية جميعها محظورة . (غونتيمالا)

ساعات الدوام 8 ساعات <== صدق أعنيّ 8 ساعات وما تكفيّ ، أتم لين الـ 5 مساءً

عادةً 25% من يوميّ أكون في إجتماعات البعض منها هادف وبناء والآخر مضيعة للوقت .

ما أشرب لا قهوة ولا شاي <== ضد الكافيين ،، أشرب 3 أكواب من مشروب النعناع الساخن مع سكر نباتي على فترات متباعده والحياة ممتعة .:nice:

بـ الأخير : لكل مجتهد نصيب :victory:

[اشكرك يارب]

الدوام يبداء من الساعه 8 صباحاً وحتى الساعه 6 مساء ماعدا ساعه واحده للغداء
وفي وقت ال ( high season ) يمكن يمتد حتى الساعه 12 مساء
اما الهنود اليشتغلون معنا في الشركه فيشتغلون عاااااااادي يومياً حتى العاشره مساء

[kooool]

عجيب هذا السؤال لما كشف من روتين الموظفين ! ياليت نقدر ندمج مع هذا السؤال سؤال آخر و هو سؤال التقييم ! إذا كان هذا هو روتينك اليومي ( شرب شاي كرك و وكوفي وتصفح جرايد وانترنت و سوالف مع الربع في الشغل / البعض حط أدعيه و أذكار من باب كسب التقدير ) كم تعطي نفسك في التقييم من 10 ؟
بارك الله لقطر في الجادين و المجتهدين من أبنائها !:victory:

فعلا اخوي الحرية للاسف هذه الحقيقة التي يعاني منها موظفوا القطاع الحكومي ..هل هي طبيعة العمل كما اشارت طلعة الروح ؟؟؟؟ او هناك اختلال في توزيع مهام العمل ؟؟؟ او هذه احد ثمااار البطالة المقنعة ؟؟؟؟؟؟

[الكــاســــر]

؛
وقت دوامي يبدأ بعد صلاة الفجر ؛ افتح الايميل واشوف الايميلات الخارجية بسبب فارق التوقيت ؛ وارد عليها قدر الامكان
اوصل مكتبي ارد على المراسلات والتلفونات ؛ بعدها أباشر معاينة المواقع ؛
بعدها اكمل المشاريع حسب الجدول الزمني اللي حاطته بالدقيقة ؛
استكمل ابحاثي وارفع تقارير عن ماتم انجازه بشكل يومي
اراجع كافة الاعمال اللي تمت خلال الدوام
واخيراً اتذكر شرب كوب ماء بعد مايكون احتر من الصبح
واخذ شنطتي ولاب توبي واطلع للبيت
احياناً اخذ معي باقي الاعمال واخلصها في البيت
؛





الله كريم ان شاء الله
و يــقولون ليش رواتب القطاع الخاص عالية ،، والله ما تقدر تفكر من كثر الشغل :anger1:
شغليّ يبدأ وانا في السيارة متجه للدوام أشيك على الأيميلات والمكالمات (طبعاً من الأيفون مب بلاك بيري) :)
بالدوام عندنا حظر حق 70% من المواقع وبعض المواقع لك وقت معين تتصفح عقب يفصل الموقع ،، مواقع الحوارات ، المنتديات ، فيس بوك ، الايميلات ،، الجرائد الالكترونية جميعها محظورة . (غونتيمالا)
ساعات الدوام 8 ساعات <== صدق أعنيّ 8 ساعات وما تكفيّ ، أتم لين الـ 5 مساءً
عادةً 25% من يوميّ أكون في إجتماعات البعض منها هادف وبناء والآخر مضيعة للوقت .
ما أشرب لا قهوة ولا شاي <== ضد الكافيين ،، أشرب 3 أكواب من مشروب النعناع الساخن مع سكر نباتي على فترات متباعده والحياة ممتعة .:nice:
بـ الأخير : لكل مجتهد نصيب :victory:
هاي الكرف المطلوب :nice:
يا بختكم <--------- واحد يحب الكرف:tease:

[ابو مشعل]

ماشاء الله
ما تلعبون كيرم بعد الريوق بعد ؟

وبعدين تقولون البوفلص والزلمات ما خلو لنا شي !
هههه :)

[الراقيه سبشل]

ماشاء الله
ما تلعبون كيرم بعد الريوق بعد ؟

وبعدين تقولون البوفلص والزلمات ما خلو لنا شي !
هههه :)


شنو البوفلص هاي ؟!! :)

[ابو مشعل]

شنو البوفلص هاي ؟!! :)

ما قصدته اختي هو استياء البعض من تولي اخوانا الفلسطينين
او الشاميين بشكل عام .. مناصب كبيره ..
بل وحساسه احيانا !!

مع اني لا ارى ان هذا امر غريب
عندما يبتدا موظفونا دوامهم ب ( كاس الكرك )
ويختتمونه ب ( قدح من الكبتشينو ) :tease:

وبعدين يجون المنتديات ..
الزلمات ما خلو لنا !!
:victory:

[قلم حائر]

انا اول ما اوصل المكتب ابدل والبس البالطو واشتغل:weeping:

ولين خلصت اقرا الجرايد ، بس طبعا:anger1: مالي بالكرك والاكل الثقيل سندويش جبن ومرات نسكافيه
وطبعا اذا فضيت اجنن الموظفين والموظفات :tease:

[الكــاســــر]

شوفوا
من خلال هالموضوع ما نقدر نطلع الا بوحدة من هالنتيجتين:-:omen2:

-يا ان 80% من الموظفين القطريين شغلهم عل بركة
-او ان العينة الي معانا في المنتدى ناس فاضية :nice:

اتقشمر اتقشمر لحد يسويلي باند:tease:

[فرحة الكواري]

أول ما أدخل المكتب

1- ارتب الطاوله بشكل يومي خصوصا على نهاية دوام كل يوم تزيد الاوراق والشغل
2- اعطر المكتب بمعطر الغرف بريحة البرتقال <<<< ريحه خفيفة وباردة حق الصيف هههههه
3- اخلص اموري قبل لا يجي المدير
4- على الساعه 8 شاي
5- اذا كان يوم خفيف ادخل الانترنت لكن اذا شغل وضغط اكمل شغلي لين 11 واشرب تركش كوفي او فرنش
وأكمل الشغل
6- طبيعة عملي تحكم اني امر على الموظفين وبالمره اسلم عليهم واتواصل وياهم



وآخر شي دعواتكم بتيسير الامور لان عندي ضغط كبير هاليومين في الشغل

[ريــــــــان]

اعطيتو صورة سيئه للموظف القطري الله يسامحكم :(




بس الواقع ان فيه موظفين وموظفات حريصين على العمل وفي وقت الفراغ على تطوير انفسهم

والقطري هو عماد الوطن وان شاء الله يجي يوم تصير فيه قطر للقطريين ونشوفكم متى تفضون للشاي والنت :nice:

[الحريّه]

على فكرة حتى الاجانب مايشتغلون

لو تشوف الاجانب كله سوالف من الصبح لين يطلعوون

وفي بلادهم مايرجعون بيوتهم الا مع مغيب الشمس !!

صج قطر بالنسبة لهم فترة نقاهه ودلع

بعد ماكانت عيونهم طالعه برا من كثرة الشغل

حتى لو نكرفهم كرف بعد يعتبر دلع ونقاهه لانهم متعودين اصلا على الكرف لين مغيب الشمس يردون يتعشون وينامون وهذي حياتهم لو صدق قطر استفادت من وجود الاجانب اللي يشكلون 80% من الموظفين كان صارت قطر في مصاف الدول المتقدمة

لكن لان الاجانب الموجودين عندنا هم بقايا الموظفين في دولهم ودولهم مستغنية عنهم لذلك لم نتقدم بهم ولا بدونهم



إلى متى سيظل الحديث عن الأجانب و الوافدين و كأنهم مستعمر جاء ليحتل أماكن العمل عن القطريين ؟!!
إذا كان هذا روتين الغالبية العظمى ممن أجابوا على السؤال , كيف يظل هناك مجالا للحديث بسلبية عن آخرين !
أما بالنسبة لقول الأخ عن الأجانب الذين ( يحكّون في بلادهم و قطر لهم بمثابة الرفاهية ) فهذا أرد عليه بالقول "كما تكونون يُوَلَّ عليكم " إذا كان ما تقوله صحيحا فعلا فذلك لأن الجو العام على ما يبدو يحكم روتين جميع الموظفين , سواء أجانب أو مقيمين أو حتى قطريين!
لا أدري لم يحس البعض أن الأجانب والمقيمين جاءوا ليزاحموهم في لقمة العيش إذا كانوا قد أثبتوا كفاءة في العمل لا يقدمها القطري !!!!!
ليضع أحد الذين أجابوا على ذات السؤال بالشاي والقهوة والإنترنت والجرايد نفسه في مكان رئيس العمل أو المدير . ووجب عليه إجراء مقابلات مع موظفين بغض النظر عن جنسياتهم , وكان قد وضع الجَوْدَة نُصْبَ عينيه , ومُخْرَج إدارته مِحَكّاً للإختيار ! هل تتصورون أنه سيقوم باختيار هؤلاء الذين يتصورون أنه لا يوجد عمل بحيث أنهم يجدون وقتا لتصفح الإنترنت والدخول على المنتديات أثناء ساعات العمل , و يقرأون الصحف والمجلات و يعطرون مكاتبهم و يضيّعون مع كل هذا أعمالا أُنيطَت بهم و دفعت لهم الدولة راتبا من أجلها .؟ هل سيقوم أحدكم باختيار هؤلاء ليكونوا موظفيه الذين ستطالبه الهيئة أو الوزارة بعد ذلك بتقديم أداء جيد من خلالهم !
أنا متأكد أنه سيختار فقط هؤلاء الجادين الذين يعلم أنهم سيكونون سندا له في مكان العمل , كما أنني متأكد حينها أن جنسية الموظف ستصبح شيئا ثانويا مقابل الجودة في العمل!

و دمتم:victory:

[خليفة77]

اعطيتو صورة سيئه للموظف القطري الله يسامحكم :(




بس الواقع ان فيه موظفين وموظفات حريصين على العمل وفي وقت الفراغ على تطوير انفسهم

والقطري هو عماد الوطن وان شاء الله يجي يوم تصير فيه قطر للقطريين ونشوفكم متى تفضون للشاي والنت :nice:

:nice::victory:

[حقيقه]

:(
انا ادخل المكتب واكشخ واقعد اطقطق ع البيبي

ياربي ليه الكل عندهم نت واحنا لا ممنوع ممنوع ممنوع

والمشكله ماعندي شغل كلش
:(

[eXpert*]

قانون الموارد البشرية وتقليص الرواتب ما جاء من فراغ .

فئة تخرب على فئة أخرى .

أنا مــع مع قانون الموارد البشرية خصوصاً فيما يتعلق بـ تقييم الأداء.

وتلك الساعة الميدان يا حميدان.

شدّوا حيلكم جاء الوقت اللي الدولة تعتمد فيه عليكم ،، ولا تبون طول عمرنا نكون دولة ناشئة و تعتمد على العمالة الوافدة !!

[kooool]

للرفع

[ضاقت الدار]

ههههههههههههه>>> حلووه عبدالعزيز!

زد صدودك >> أهون واحد جاوب بصراحه الباقي يفشلووون

هذا الي مخلي اهل الخليج كل يتطنزوون علينا ياهل قطر اهل رباده وكسل !!

[رومل]

خخخ

خاطري اقرا رد يبين انه محكوك حك وطول يومه شغل

انا اوصل قبل الموظفين
افتح المكاتب وانظفها واشغل الكمبيوترات

وبعدين اسوي كرك للموظفين وبعضهم يطلب نسكافيه

[اعلامية]

اول شي بافتح اللابتوب، تاني شي باشرب القهوة وثالث شي بشوف الموظفين ويش عندن

[ضوى]

اول مادش المكتب القى قاسم هالرجل اللي معانا من عمر ينطرني في المكتب اول مايشوفني ادش يصبح علي ويروح يجيب لي النسكافييه ، وافتح الكمبيوتر واول مادخل على بريدي الحكومي وابدا استقبل الايميلات واجهز الردود حسب كل رسال واردة ، وبعدا اشغل صفحة المنتدى واشوف شنو في مواضيع تستحق الرد ، وفيه مواضيع ماتبي لها رد عادي لذلك اتركهها لين اخلص شغلي كامل واتفرغ ، وبعدها اشوف الصادر والوارد واجهز كل شئ للمراسل ، وطبعا خلال هالوقت الموظفين يدخلون علي تباعاً للتوقيع مع شوية سلامات وشوية اخبار مع البنات واشوف اذا احد عنده امور معينة يب يناقشني فيها او يناقش مديرتي فيها واحضر هالاشياء كلها وبس وطول اليوم بهالشكل

[حـ ن ـيـ ن]

اشوف المراية

[شاهيناز]

اول ماجي المكتب

افتح شنطتي واطلع العطر وصله من البخات
ماقدر اشتغل بدون عطر
بس في رمضان مانقدر
والحمدلله اتم في مكتبي كم ساعه ماشوف حد الا اذا في موظفه تبي تطق حنك وماعندها شغل :no:
وبعدين افتح النوت واكتب جدول عملي لليوم
واعلقه جنب الكمبيوتر
هذي اهم شئ لان عملنا وايد ويحتاج اني انظم الوقت
وبعدين افتح الكمبيوتر واشيك على المراسلات الخاصه بالعمل والايميلات
وبعدين نبدئ عملنا حسب الجدول
اوبس

[ريم الشمال]

أعتقد من الردود بين ان هناك تكدس في بعض الوزرات يحتاج الي اعادة توزيع على بعض القطاعات والتخلص بتالي من اليد الاجنبية التي انتم ضدها حتى تحلو محلها وبتالي نجد القطري والقطريه هم من يعمل ويكون هم لهم الصداره في كل القطاعات :deal:
عملية التوزيع تحتاج بيانات للموظفيين من كل الاجهزة والوزارات ونوع عملها وطبيعتها ومن ثم يبداء التوزيع :thumbup: هههههههههه أعتقد انكم بتكرهوني بسبب هذه المشاركه بس صج لو يصير بتصلح أمور كثيره
ريم الشمال

[مافيا قطر]

ههههههههههههه دوامتكم والله حلوه اما انا فلا الدوام الساعه 6 صباحا وينتهى الساعه 6 مساء

وباقى 12 ساعه استاند باى للضروره وكله على الكمبيوتر والدوحه هذه ابعد عنها اميال واميال

مافى البحر من تحتى والسماء من فوقى

[Lavender]

ياسلام عليك يا اخوي كووووول مواضيعك حلوووة ومفيدة :)
بالنسبة لي اول ما اوصل شغلي افتح مكتبي وافتح جهازي الاي باد واشغل سورة البقرة بصوت القارىء سعد الغامدي او الشيخ ماهر المعيقلي واذا ماكنت قارية الاذكار ابتدي بسماع اذكار الصباح بصوت العفاسي هالشي يخليني احس بطمئنينة وانشراح في الصدر بعدها اخذ حبة الثيروكسين خخخخ وانتظر نص ساعه واكل سندويشتي طبعا هذا ايام الفطر مو في رمضان ،،، لاياشيخه*
وانا اسمع القران اجهز شغلي اليومي واللهم لك الحمد اني في مكتب بروحي بعيد عن الهذرة اللي مامنها فايدة ،،، طبعا انا افضل اخذ اجازتي في رمضان اريح ،، وسلامتك*

[kooool]

للرفع

[قلم محايد]

هههه انا هالفترة انقلبت الاية صاير مضغوط حدي في العمل ماعندي وقت حتى احك راسي مثل مايقولون

[qtr.wolf]

اوقع في ورقة الحضور وبعدها نسكافيه وبعدين اقعد لين نهاية الدوام حك و صك ..

[اخر العنقود]

للحين مااشتغلت crazy

[جلمود]

أول ساعه ساكت ماكلم حد كلش والنفس بالخشم من الضيقه

بس كلهم اللي بالقسم يدرون أني متنقص ويعزوني وعزهم وايد اله فئه ! من المرتزقه

وبعدين بعد شاي الحمر خلص الشغل:deal: وعقب سوالف عن البورصه ولا عقار بالمدير وربعه وعقب الشردهescape

[غـيـد]

1- ارشـ المكتبـ بديتولـ البخاخـ وانظفـ المكتبـ تنظيييييفـ ومنـ ثمـ اخذ المنديلـ واستمر فالتنظيفـ
2- احطـ معطر الجو واولعـ الشمعه واحطها فيـ الفواحهـ
3- ابتديـ فالشغلــ

وطبعا يتسحبـ ويهيـ لينـ اخر الدوامـ بسـ اعطيـ نفسيـ راحهـ اذا تعبتـ

[ع.م]

قبل ماأوصل للمكتب:

كل يوم أروح بدري جداً يعني قبل الدوام بساعة تقريباً.. وأخلي اللفت ينزلني قبل الطابق اللي أنا فيه بأربع طوابق..وأكمل الطريق مشي عالدرج عشان الرياضة..

أوصل المكتب مهدود حيلي خخخ..

و يمكن لين رجعت للموضوع أكمل لكم طقوسي اليومية..

[شمعة الدوحه]

أول مااوصل للدوام اروح المطبخ واسوي لي كرك
بعدين اروح على مكتبي واشغل الكمبيوتر وافتح ايميل الدوام وموقع شبكة الاسهم
واخذ مواضيع حلوه من المنتدى واطرشها للقروب اللي معاي بالايميل
وترى النت ممنوع عندنا بس مادروا عني:secret:
المهم اقعد على هالحاله لين الساعه 7 ونص او 8 الا ربع يكون الشغل وصل
ساعتها مالاقي وقت حتى للكرك ويصير بارد :weeping: