تعبئة طلب تأشيرة امريكا ((استفسار))

[حـ ن ـيـ ن]

مرحبا ...

اعضاء المنتدى الكرام

عندي سفر لأمريكا وتعبئة الطلب اون لاين

وماعرفت اعبي الطلب هل فيه مكان بيسويها ؟؟؟؟

[تحداني]

.. هل هي تأشيره طالب أم سائح .. ؟؟

[حـ ن ـيـ ن]

.. هل هي تأشيره طالب أم سائح .. ؟؟

تأشيرة علاج

[تحداني]

أنا راح أساعدج آمري .. ولكن تعبئه الطلب محتاج معلومات شخصيه ..
ومن باب الحرص لا أحبذ ذلك أن يكون لدي .. إنما سنقوم بوضع الطلب الخاص بالتأشيره
ومن ثم أي إستفسار تواصلي معي .. خارج هذه الصفحه ..

إليكي الروابط

http://arabic.qatar.usembassy.gov/medical_visas.html

http://arabic.qatar.usembassy.gov/non-immigrant_visas.html

http://arabic.qatar.usembassy.gov/contact.html

[الحجاجي]

السلام عليكم

أختي الطريقة مب صعبــة كثير ..

لكن متحتاجة تركيز .. وترتيب ..

تفضلي .. هذا رد قبل فترة كتبته لاحـد الأعضاء ..


السلام عليكم اخوي
الطريقة سهلة في حالـة اذا لغتك الأنجليزية اوكيه وتعرف للنت شوي ..

وهي كالتالي :-
تدخل موقع السفارة الامريكيه قسم الفيزا وتقرا الكلام المطلوب
http://qatar.usembassy.gov/niv.html

فيه فورمـه على الانترنت لازم تعبيها بالبيانات الصحيحة
وتلتزم في هالبيانات بعدها تضغط موافق عليها

https://ceac.state.gov/genniv/

وراح تنطبع لك الفورمـة ويكون فيه لك رقم خاص بالطلب
تستفيد منه عقب في تحديد وقت المقابلة من خلال الموقع

بعدها تروح تتصور بشكل خاص
وهم محددين أماكن التصوير
في اللاند مارك تروح تقوله صورة فيزا
وهو يضبط كل شي

بعدها تروح تدفع رسوم الفيزا
في البنك التجاري تقول لهم رسوم الفيزا لامريكا
يعطونك وصل ضروري تخليه معاك ( يطلبونه منك)

لما تخلص هالخطوات
تلصق صورتك في الطلب اللي انطبع قبل

وترجع على الانترنت وتدخل قسم الفيزا
وتروح على تحديد المقابلـة
https://evisaforms.state.gov/default.asp?postcode=doh&appcode=3

تدخل رقم الطلب
وتدخل رقم الوصل حق دفع المبلغ ( اللي من البنك )

وراح يجيك جدول بالايام والاوقات اللي متاح فيها المقابلة
تختار اليوم والوقت اللي يناسبك
وتضغط عليه وبعدها راح تجيك صفحة
لازم تطبعها فيها معلومات موعدك مع السفارة

/

يوم الموعد تكون هناك بدري
راح يستلمون اوراقك في الشباك هناك
ويرتبونها لك ( ويتاكدون اذا كامله ولا لا )
اللي هي كالتالي :-
جوازك وصور منه .
فورمة الطلب .
الوصل حق البنك .
وخل معاك اشياء ثانية مثل
صور شخصية ، كشف حساب عادي ( اثبات ان عندك راتب شهري ) ، آخر شهادة لك ، كتاب من جهة عملك

وعلى فكرة الاشياء هذي الاخيرة ما يطلبونها من كل شخص ( عني شخصياً ما طلبوها نهائياً مع اني كنت مجهزها ) ..

/
بيفتشونك وبتدخل صالة الأنتظار ولما يجي رقمك
بتروح داخل ..
وبعدها تدخل تاخذ رقم ثاني ..
وتنتظر الموظف يشيك على اوراقك ويدخلها في النظام عنده
بعدها بيقولك خلاص انتظر اللي بيقابلك بنفس الرقم
تنتظر وتروح عنده بكل ثقة
راح يسئلك اسئلة عشوائية على حسب ما يشوف اوراقك
وغالباً ما تكون عن سبب زيارتك لامريكا

يدققون على البلدان اللي انت زرتها ولازم تكون صادق ودقيق فيها .
سألني ليش زرت السعودية وكم جلست ؟ وسألني كم مرة رحت مصر ؟ وكم قعدت ؟
/


وبعدها راح ياخذ اوراقك
ويعطيك وصل فيه رقم لطلبك على الانترنت ..

تدخل بعد 3 ايام تشيك على حالة طلبك في صفحة الفيزا في النت
http://qatar.usembassy.gov/visas/visa-status.html

هل وافقو عليه
بتحصل رقم طلبك
معناتها امورك سهالات ...
وافقو عليك

/

تروح هناك الشباك تسلم لهم جوازك
وتجي اليوم الثاني تستلمه ..

ومبروك عليك الفيزا ..

هذا اللي صار معاي ..
لا مكتب .. ولا شيء ..

والمقابلة سهلة .. اهم شيء انك تكون جريء
حتى لو ما عرفت تتكلم انجليزي ..

المهم انه يحس اللي يقابلك انك تقدر تتكلم وتتفاهم وتتخاطب وتقدر تعتمد على نفسك
ومب رايح هناك تورطهم وتسوي لهم مشاكل سواء بسكوتك ولا باشياء ثانية ..

وسلامتك
وبالتوفيق

[حـ ن ـيـ ن]

أنا راح أساعدج آمري .. ولكن تعبئه الطلب محتاج معلومات شخصيه ..
ومن باب الحرص لا أحبذ ذلك أن يكون لدي .. إنما سنقوم بوضع الطلب الخاص بالتأشيره
ومن ثم أي إستفسار تواصلي معي .. خارج هذه الصفحه ..

إليكي الروابط

http://arabic.qatar.usembassy.gov/medical_visas.html

http://arabic.qatar.usembassy.gov/non-immigrant_visas.html

http://arabic.qatar.usembassy.gov/contact.html


السلام عليكم

أختي الطريقة مب صعبــة كثير ..

لكن متحتاجة تركيز .. وترتيب ..

تفضلي .. هذا رد قبل فترة كتبته لاحـد الأعضاء ..



لا هنتم ...تمت التعبئة


دعواتكم

حـ ن ـيـ ن

[ماريسا]

موفقة ان شاءالله

[Ghost]

السلام عليكم

أختي الطريقة مب صعبــة كثير ..

لكن متحتاجة تركيز .. وترتيب ..

تفضلي .. هذا رد قبل فترة كتبته لاحـد الأعضاء ..


كلام الاخ ممتاز جدا جدا وهذا ما حدث معي

[koketa]

معلومات مفيده

كم سنه يعطون الجواز القطري اسمع يعطون 10 سنوات

[الـقـاسـي]

كلام الاخوان كافي ووافي ..
وشرح اخوي الحجاجي كامل ماقصر .. لكن اختي اذا انتي علاج اتوقع المكتب الطبي تاخذين من عندهم كتاب موجه للسفاره الامريكيه او اهما يخلصون الفيز ..
انا عن نفسي قدمتها وفي نفس اليوم العصر خذتها وكانت مده الفيزه 10 سنوات ..

واهم اشياء مثل ماهي موضحه في رد اخونا الحجاجي ..
1- الجواز يكون ساري المفعول طبعا ويفضل تجددينه قبل تقديم الطلب
2- صور حقت الفيزه تصورينها في اي محل تصوير بس تقولين لهم مالت فيزه
3- الوصل اللي من البنك التجاري ولازم ترفقينه ويا الطلب
4- طبعا تعبئه الطلب واختيار وقت المقابله وهذا كله عن طريق الموقع

عاده يطلبون عنوان في امريكا ممكن تحطين عنوان اي حد تعرفونه او عنوان المستشفى او الفندق اللي بتسكنون فيه ..

واهما متعاونين لابعد درجة صحيح انه في ناس تصير وياهم مشاكل مثلا يتمون شهور لين يحصلون الفيزه وهذا عاده اذا كان في تشابه اسامي مع ناس عليهم مشاكل + عرات هي احياننا ..

وفي المقابله راح يسئلون عن اشياء كثيره اهما السفرات وين سافرتي ووين رحتي وخصوصا اذا كانت فيها السعوديه ليش رايحه وهل اعتمرتي او حجيتي ..

وعاده اللي يسوي المقابله يكون يتكلم عربي لاكن مايستخدم اللغه العربيه الا فالنهايه احياننا مش دائما ..

وأي استفساارات ثانيه حاظرين وتروحون وترجعون بالسلامه وحاولي تاجلين السفره بعد رمضان الصيام هنا 16 ساعه وزياده ..

[الـقـاسـي]

:oops: توني انتبه ان الموضوع قديم