شكرا لمستشفى النساء والولاده

[PathFinder]

أوجه جزيل الشكر والعرفان لمستشفى النساء والولاده والقائمين عليه وجميع الاطباء والممرضين وحتى العمال, والحمدلله كان لي تجربه معهم بمتابعة حالة زوجتي الى ما بعد قدوم المولود الجديد, فما رأيت منهم غير عمل احترافي وعلى مستوى عالمي من الاجتهاد ومتابعة الأم ومولودها والعناية بهما على أكمل وجه وكل ذلك بابتسامه وصدر رحب. وأشعر بالفخر لوجود مستشفى على هذا المستوى العالي في بلدنا الحبيب قطر.

أسأل الله سبحانه وتعالى التوفيق والسداد للقائمين على هذا الصرح الطبي.

[hasss1969]

الشكر موصول لهم ..وانا كذلك كانت لزوجتي متابعات في نفس المستشفى وكما قلت تماما عناية واحترافية ...وفعلا مستشفى متطور جدا ...مع العلم انه كان بامكاني ادخالها لمستشفى خاص لكن فضلت الحكومي لاسباب عديدة اهمها انهم مستعدين لاي طاريء بما لديهم من اجهزة حديثة وكوادر طبية متمكنة...والحقيقة قبل ذلك سمعت الكثير خصوصا في هذا المنتدى عن سوء هذا المستشفى وان الرشوة منتشرة فيه والطبيب الجيد لاياتي اليك الا باكرامية وهدية ووجدت الحقيقة غير ذلك...
وشكرا لصاحب الموضوع...

[كازانوفا]

اول مره :) الشكر على الهواء مباشرة


الحمدلله على سلامه المولود وامه والف مبروك ان شالله يتربى بعزكم

[abdulla999]

الف شكر لمستشفى حمد العملاق

[بوحارب]

ااول مرة حد يشكرهم !

اخوي ما عطيتوهم بخشيش !

وبالمبارك على المولود الجديد ويتربى في عزك ان شاء الله والحمدلله على سلامة الأهل

:):)

[وطن]

الله يبارك لك في المولود ويجعله من الذرية الصالحة

والحمدلله على سلامة زوجتك

[Sharshooooor]

الف شكر لمستشفى حمد العملاق

ذكرتني برعد العملاق

الله يهداك يابوعابد ماتري من وين تطلع هالكلام الحلو :pilot:

[قطر501]

معقولة مب مصدق حد يشكر مستشفى الاولاده سمح لي اخوي في السؤال انت قطري

[المقهوره]

اول مره احد يشكرهم بصراحه

وانا من المجربات عندهم بصراحه معامله وتقارير زفت

بالذات الدكاتره السودانيات إلي بالولاده حشى مب دكاتره جزارات


وافكر اولد ولادتي الثانيه بعياده الدوحه لان يمدحون دكتوره هناك

[عديـل الـروح]

الله يبارك لكم في مولودكم ويجعله من الذريه الصالحه ويقوم اهلكم بالسلامه

وبغيت اسألك هل هي نفسها مستشفى حمد اللي في فريج بني عمران او غيرها ؟؟

انت متأكد انك وديت هلك طوارئ قسم النساء ؟؟

انت متأكد من الموظفات اللي ياكون علوج وبراطمهم واصله للارض اللي على الكاونتر ؟؟

انت متأكد انك ما تنقعت في غرفه الرجال ام 5*3 متر لأكثر من اربع او 5 ساعات ؟؟

انت متأكد من وجود اكثر من طبيبتين في اليوم الواحد على اعداد كبيره من المراجعات ؟؟

انت متأكد ما جاءت لأهلك موظفه او طبيبه وأحقرتها ؟؟

انت متأكد انك لقيت غرفه عن ولادة طفلك بسهوله ؟؟

صدقا صار مع هلي موقف من اسبوع في هذا المكان ...

وللاسف تم اسقاط الجنين .... وحاليا نتابع في عياده خاصه ..

اتمنى قيام عيالك بالسلامه .. ومبارك ما جاءكم ويتربي بعزكــم ..

ودمت بخير ..

[عديـل الـروح]

اول مره احد يشكرهم بصراحه

وانا من المجربات عندهم بصراحه معامله وتقارير زفت

بالذات الدكاتره السودانيات إلي بالولاده حشى مب دكاتره جزارات


وافكر اولد ولادتي الثانيه بعياده الدوحه لان يمدحون دكتوره هناك


اي والله الدكتوره العراقيه او المصريه قمه ورقي بالتعامل والاسلوب

مع المريضه او مرافقينها ..

تدرين بعض المرات يدخل الاب ويتطمن على زوجته وحالتها الصحيه وما داخل بطنها ..

وتكون هذه الطبيبات طيبات ومنظمات بالعمل ..

[المقهوره]

انا مسويه قيصري

اقول لها تعبانه تقول لي قومي بنفسك

واضغط الزر الاحمر على شان تجيني مطنشه لي هذا قبل لا احصل غرفه خاصه طبعا

يعني عنايه زفت زفت وفوق هذا كله يا الله يا الله حصلت غرفه خاصه ثاني يوم العصر

[المقهوره]

اي والله الدكتوره العراقيه او المصريه قمه ورقي بالتعامل والاسلوب

مع المريضه او مرافقينها ..

تدرين بعض المرات يدخل الاب ويتطمن على زوجته وحالتها الصحيه وما داخل بطنها ..

وتكون هذه الطبيبات طيبات ومنظمات بالعمل ..

فعلا اانا طول فتره حملي متابعه في عياده الدوحه عند دكتوره مها
وفي الشهر التاسع رحت سجلت في مستشفى الولاده وياليتني ماسجلت

لو ادري ان هذه معاملتهم ماجيتهم

بس خوفوني من الولاده بالخاص
يقولون لو صار شي ولا شي يحذفونك على مستشفى الولاده يعني مااستفدت شي


بس بعد ماولدت تمنيت اني ولدت في الدوحه

[ملكة الأسهم]

معقولة !!!

الله لا يسامحهم اهمال مب طبيعي

مات طفلي بعد الولادة مباشرة كل من اهمالهم ومعاملاتهم الزفته

ولين الحين انا اعاني قصتي طويله معاهم

حسبي الله ونعم الوكيل الله ياخذ حقي منهم ويعوضني خير

[روح الاطلس]

مدري ليه جاني احساس ان كاتب الموضوع مش قطري

او جرب مستشفيات في سوريا او اليمن لذلك بالنسبة له مستشفى الولادة راقي وعالمي !

[ورد الدوحه]

ماادري على شنو تشكرونهم لا اهتمام ولا رعاية حق المريضة الوحدة تربي وهم مالهم خاطر يردون على حد أو يكلمونه حتى غرف خاصة كله مافيه لوعة بصراحه مادري حق من حاجزينها

[راشد محمد]

يا جماعة انتوا ليش متحاملين على مستشفى النساء بهالطريقة ..والله انا اشوف القطريات والاجانب بنسبة99% يراجعون هناك ويولدون هناك..والله انا اشوف هالمستشفى واااايد احسن من الخاص..لو الخدمات بفلوس كان حسيتوا,,انا اقول الله يعين المستشفى والقائمين عليه لانه فعلا يعاااني من ضغط كبير عليه..

[حراير قطر]

اي والله مشكورين

انا في كل حمل لي متابعة هناك من اول ولد لي

لين العام ببنتي ،،،

من 2003 لين 2009 ما شفت منهم الا كل خير

ويعطيهم الصحة والعافية ...

[حراير قطر]

معقولة !!!

الله لا يسامحهم اهمال مب طبيعي

مات طفلي بعد الولادة مباشرة كل من اهمالهم ومعاملاتهم الزفته

ولين الحين انا اعاني قصتي طويله معاهم

حسبي الله ونعم الوكيل الله ياخذ حقي منهم ويعوضني خير

الله يرحمه

وهذا كان يومه والله يعوضج خير ...

[مودى2006]

الصراحة افضل قسم فى المعاملة بمستشفى الولادة هو الصيدلية
يتعملون مع المراجعه باحترام كبير.. ويشرحون لك كيف تستعمل الدواء ويجيبونك على اى سؤال..
غير هناك فى مستشفى حمد العام.. أووف

[محمد 1977]

:secret: غريبه

[الأصيلة]

القصور يأتي بشكل فردي
من ممرضة معينه أو دكتور معين وهذا لا يحسب على المستشفى بأكمله
فهو يقدم خدمات جبارة من أجل الأمهات والمواليد...
ولو تمت الشكوى على هؤلاء لـ تم استبعادهم والتخلص منهم...
وعدد الغرف هو المشكلة في المستشفى والجميع يريد غرفة خاصة...
المفروض يقام مبنى مماثل بالجنب من هذا المبنى
ويكون هذا a والآخر b وهكذا
حتى يستوعب العدد المتضاعف من الوالدات
الله يزيد ويبارك...
وصراحة العناية في الأقسام العامة لا تكون بمستوى الأقسام الخاصة
فحبذا لو نبه المسؤولين على هذا الأمر...
ولكن في غرف الولادة تكون العناية حسب جنسية الممرضة المولدة فمنهم العصبية المتنرفزة
ومنهم المكشرة ومنهم المبتسمة الهادئة ومنهم المتعاونة..
و1000 شكر لـ جميع الدكاترة وبالذات القطريات فهن
والله على مستوى عالي في فن التعامل والأخلاق العالية والتعاون مع الجميع...

[meme~qatar]

الصراحة انا لو مابخششهم في غرفة الولادة جان علوووووووووووووووم

يعني لما الدكتورة تامر الممرضة تعطيني مسكن الم او اكسجين اثناء الولادة

ماتعطيني تخيلوا؟؟؟

يوم عطوها اللي معاي فلوس اهتمت فيني


ولازم بعد الولادة نعطيهم بخشيش

ولازم الممرضة تروح تبشر الزوج واهل الزوجة اللي في الانتظار عشان تاخذ الحلاوة

[وحيد-الشوق]

:eek5:

على شنو الشكر على العالم الي ماتوا في قسم الولادة ولا في مستشفى حمد ولا الاخطاء الطبية الي اقعدت الناس عن العمل وغير وغير

اسمحلي ياخوي احس في شويه مبالغه في الموضوع عمل احترافي ومستوى عالي وعالمي اخاف مغلط وقصدك مستشفى ثاني !!!!!!

تدري اذا انت تشعر بالفخر انا اشعر بالخزي من كامل القطاع الصحي في الدولة :)

[حراير قطر]

الصراحة انا لو مابخششهم في غرفة الولادة جان علوووووووووووووووم

يعني لما الدكتورة تامر الممرضة تعطيني مسكن الم او اكسجين اثناء الولادة

ماتعطيني تخيلوا؟؟؟

يوم عطوها اللي معاي فلوس اهتمت فيني


ولازم بعد الولادة نعطيهم بخشيش

ولازم الممرضة تروح تبشر الزوج واهل الزوجة اللي في الانتظار عشان تاخذ الحلاوة

للاسف يا ميمي

احنا اللي علمناهم على البخشيش

من جذيه يعملون الوحده لين عطتهم قاموا اعتنوا فيها

وهذا عملهم المفروض يعتنون بالمريضه بغرفة الولادة

بس انا في 3 بس اللي امي عطتهم في اول ولدين لي

بس عقب الولادة طبعا ...

اما بنتي الله يحفظها ما عطيت احد لانه الولادة كانت غير

والكل اعتنى فيني حتى المراة اللي انقلتني من غرفة الطواري

لين غرفة الولادة قاعده اتصيح علي وتدعي لي ان الله يسهل علي

وجاتني بالاستراحة قاعده اتقولي يحليلها والله ...

الغلط من الحريم اللي علموهم على هالشيء والله يسامحهم

في ناس ما تقدر وما اعتقد بيخلونها وما راح يهتمون فيها ...

[سحابة]

بصراحه صار فيه تغيير بكل شي بالمبنى والمعامله وكل شي .. ولا اول والله ان الوحده فينا تروح وهي دمعتها على خدها من الخوف منهم ومن معاملتهم .. الحين قمه بالاخلاق والمعامله .. وفكونا من الزحمه اللي حتى الوحده بالشهر التاسع ماتحصل كرسي تجلس ..الله يجزاهم خير ويعطيهم العافيه ومن حسن الى احسن والله يوفقهم .

[nouar]

الله يبارلك في ولدك ....

من لا يشكر الناس لا يشكر الله ....

الشكر موصول لسيدي حضرة صاحب السمو/ حمد بن خليفه على توفير كامل الرعاية للمواطن والمقيم على أرض قطر في جميع المجالات وبخاصة المجال الطبي .....

وهذا اقل ما يقال في حق أصحاب الفضل وأشكرك اخوي على موضوعك ومبارك عليكم المولود والله يجعله من مواليد البر والسعادة في الدنيا والاخره

[الصريحه]

حمد الله على سلامتها ومبروك الولد وجعله من الصالحين والفايزين وانشاءاللله يكون من الحافظين كتاب الله

[لاجئ عاطفي]

زوجتي توها امربيه والحمدالله جاني مولود وبصراحه والشهاده لله ان المستشفى تطور كثير عن قبل من ناحية الخدمات والمواعيد والتحاليل والاهتمام بالام والمولود وهالشي انا لاحظته بنفسي .. اما بخصوص الغرف هذا شي طبيعي احنا في بلد وصل عدد سكانه 1,600،000 نسمه ومافي غير هالمستشفى فشي طبيعي يصير ضغط .. فكل الشكر لكل العاملين في مستشفى النساء وعلى راسهم الدكتورة حليمة التميمي والدكتورة زينه وكل العامليين من ممرضات وموظفات

[قطرية حنونه]

للاســـــــــــــف

[(عبدالله)]

أنا وعائلتي من المستفيدين من التأمين الصحي

لكن حولت زوجتي في الشهر الأخيرة إلى مستشفى النساء والولادة

على الرغم من كثير من السلبيات (الزحمة، المواعيد، المعاملة، المواقف، ...إلخ)

إلا انه أفضل مكان من حيث الإمكانيات اللي ولله الحمد الدولة ما قصرت فيها..

المستشفيات الخاصة... في النهاية مافيها إمكانيات الطوارئ والحالات الخاصة وهدفها

الرئيسي قبل كل شي المادة..

والحمدلله رب العالمين

(عبدالله)

[MaRuKoO]

الصراحة انا لو مابخششهم في غرفة الولادة جان علوووووووووووووووم

يعني لما الدكتورة تامر الممرضة تعطيني مسكن الم او اكسجين اثناء الولادة

ماتعطيني تخيلوا؟؟؟

يوم عطوها اللي معاي فلوس اهتمت فيني


ولازم بعد الولادة نعطيهم بخشيش

ولازم الممرضة تروح تبشر الزوج واهل الزوجة اللي في الانتظار عشان تاخذ الحلاوة

نفس الي صار معاي بالضبط في ولادتي الاخير توها من 4 شهور تقريبا قبل اول ما دخلت كنت رااااايحه فيها والله لعظيم ما اكذب خلاص حالتي حاله وتخيلو مصنفيني حاله طارئة وقطوني على كرسي عند سكشن الممرضات الداخلي والله العظيم يمروون علي ويطالعوني بطرف عين واهما رايحين وانا اصرخ ولا عبروني ولا كاني موجوده لما وحده بنت حلال مرافقه لمريضه جاتني تقولي من متى انتي هني قلتلها من زمان وحتى وانا اتكلم ما اقدر اكمل الجمله عقب وقفت حذاي واكل شوي تسال متى بتشوفونها واخر شي دخلت عالدكتور المناوب قالتله دخلها شوفها تعبانه عقب اول ما فحصوني قالو على طول ودوها غرفة الولاده حتى بنفس السرير مال الطواري يعني لو بنت الحلال هاذي الله يجزيها الخير رب العالمين صج ما بنسالها هالمعروف لو هي ما تحركت وسووت لهم بلبله كان وش صار فيني :anger1:

[PathFinder]

الله يبارلك في ولدك ....

من لا يشكر الناس لا يشكر الله ....

الشكر موصول لسيدي حضرة صاحب السمو/ حمد بن خليفه على توفير كامل الرعاية للمواطن والمقيم على أرض قطر في جميع المجالات وبخاصة المجال الطبي .....

وهذا اقل ما يقال في حق أصحاب الفضل وأشكرك اخوي على موضوعك ومبارك عليكم المولود والله يجعله من مواليد البر والسعادة في الدنيا والاخره

شكرا أخي العزيز على الرد الجميل والله يبارك لك ولجميع الاخوه، وفعلا سمو الأمير حفظه الله مهتم بتطوير جميع قطاعات الدوله، والله صرت اشك بنفسي من ردود بعض الاخوه والاخوات، والحمدلله انا ما عطيت حد بخشيش وزرت بلاد كثيره .. وشفت والحمدلله الامور في تطور دائم وحبيت اشكر اللي قدمو لنا خدماتهم بكل صدر رحب. ولا يخلو الامر من تقصير ولكن الشكر واجب علي لذلك كتبت الشكر.

[PathFinder]

أنا وعائلتي من المستفيدين من التأمين الصحي

لكن حولت زوجتي في الشهر الأخيرة إلى مستشفى النساء والولادة

على الرغم من كثير من السلبيات (الزحمة، المواعيد، المعاملة، المواقف، ...إلخ)

إلا انه أفضل مكان من حيث الإمكانيات اللي ولله الحمد الدولة ما قصرت فيها..

المستشفيات الخاصة... في النهاية مافيها إمكانيات الطوارئ والحالات الخاصة وهدفها

الرئيسي قبل كل شي المادة..

والحمدلله رب العالمين

(عبدالله)

فعلا انا رأيت حالات محوله من مستشفيات خاصة وكبيره، لانه المستشفيات الخاصة مهما كبرت في حال تعسر الموضوع على طول تحوله الى مستشفى النساء والولاده لتوافر امكانيات افضل وكفاءات.

[die 4 qtr]

انت متاكد انك تشكر مستشفى حمد

للاسف تجاربنا كلناااااااااااا ماتخلينا نصدق

معاملتهم زفت وخااصه السودانيات اللي طايحين عليهم

[ضوى]

بجد م لا يشكر الناس لا يشكر الله

مستشفى النساء والولادة صرح عملاق يشرفني بس انه الطبيبات القطريات على مستوى من المهنية والاخلاق والادب ولكل قاعدة شواذ ولا يمكن تعميم الشاذ

[die 4 qtr]

القصور يأتي بشكل فردي
من ممرضة معينه أو دكتور معين وهذا لا يحسب على المستشفى بأكمله
فهو يقدم خدمات جبارة من أجل الأمهات والمواليد...
ولو تمت الشكوى على هؤلاء لـ تم استبعادهم والتخلص منهم...
وعدد الغرف هو المشكلة في المستشفى والجميع يريد غرفة خاصة...
المفروض يقام مبنى مماثل بالجنب من هذا المبنى
ويكون هذا a والآخر b وهكذا
حتى يستوعب العدد المتضاعف من الوالدات
الله يزيد ويبارك...
وصراحة العناية في الأقسام العامة لا تكون بمستوى الأقسام الخاصة
فحبذا لو نبه المسؤولين على هذا الأمر...
ولكن في غرف الولادة تكون العناية حسب جنسية الممرضة المولدة فمنهم العصبية المتنرفزة
ومنهم المكشرة ومنهم المبتسمة الهادئة ومنهم المتعاونة..
و1000 شكر لـ جميع الدكاترة وبالذات القطريات فهن
والله على مستوى عالي في فن التعامل والأخلاق العالية والتعاون مع الجميع...

اشتكينا عليهم وكل اللي صار انهم حطوا ع الملف نقطه سوداء بس وكانوا خايفين ان نحول المشكله لحقوق الانسااااااااان للمهزله اللي صارت وقت الولاده

[انا حره]

خاطري اقولكم معاناتي بمستشفى النساء والولاده بس منحرجه لان في رجال يدخلوون الموضوع

قمه الاهمال والاستهتار والدكتور يلمح لك اشكره ان بيهتم فيك بنفسه بالولاده اذا بخششتيه وترى صارت حالات اعرف وحده معطت الاستشاري المبلع الي يعجبه حط بملفها اكس ان ماتتحول عليه مره ثانيه شدعوه


وطايحين بالدكاتره السودانين قسما بالله مايعرفون راسهم من رجليهم

حسبي الله ونعم الوكيل ولاترقدتوو الغرف قمه الاهمال ولا هم الممرضات اي شي

[<<روز>>]

مدري ليه جاني احساس ان كاتب الموضوع مش قطري

او جرب مستشفيات في سوريا او اليمن لذلك بالنسبة له مستشفى الولادة راقي وعالمي !

اخوي اعارضك شوف لي دوله فالعالم فيها مستشفى حكومي بالمستوى ذي
متشفى حمد من افضل المستشفيات فالعالم واذا على الاخطاء امريكا وبريطانيا والمانيا اكبر الاخطاء عندهم ةانا شخص من هلي كان فمستشفى في المانيا يقول عمار ياقطر يقول نصرف عليهم الملاين وختى التنظيف مو كل يوم وفي الويكند مافي تنظيف ومستشفى حمد فاليوم كم مره التنظيف . واحدث الاجهزه واكبر الدكاتره موجوده عندنا ؟؟؟بس عيزت بس والله ظلم اللي تقولونه وقولوا الحق

[<<روز>>]

بجد م لا يشكر الناس لا يشكر الله

مستشفى النساء والولادة صرح عملاق يشرفني بس انه الطبيبات القطريات على مستوى من المهنية والاخلاق والادب ولكل قاعدة شواذ ولا يمكن تعميم الشاذ

:nice::nice:
كلام سليم وعن تجربه

[وحيد-الشوق]

اخوي اعارضك شوف لي دوله فالعالم فيها مستشفى حكومي بالمستوى ذي
متشفى حمد من افضل المستشفيات فالعالم واذا على الاخطاء امريكا وبريطانيا والمانيا اكبر الاخطاء عندهم ةانا شخص من هلي كان فمستشفى في المانيا يقول عمار ياقطر يقول نصرف عليهم الملاين وختى التنظيف مو كل يوم وفي الويكند مافي تنظيف ومستشفى حمد فاليوم كم مره التنظيف . واحدث الاجهزه واكبر الدكاتره موجوده عندنا ؟؟؟بس عيزت بس والله ظلم اللي تقولونه وقولوا الحق

ههههههههههههههههههههههه بطني بطني

مادري اختي انتي تتكلمين على مستشفى حمد ولاشنو اكبر الدكاتره هههههههههههه بالذمه في برفسور واحد عندنا سؤال ارجو الاجابه عليه :)

واي نظافة الي تتكلمين عنها انتي شفتي المدخل الرئيسي لمستشفى حمد والله شيء يفشل والا الغرف حدث ولاحرج ونسيتي الكافتيريا ههههههههههههههه والله المعاصر انظف منها

بعدين امي كانت تتعالج في مستشفى حمد 4 سنين وماعرفوا تشخيص حالتها انا الي مب دكتور شخصت حالتها هههههه وكنت شاك في مرضها

والله من شفت العلاج في المانيا والاهتمام في المريض قعدت اتحسر على المسلمين الي عندنا الله ياخذ بعضهم مافيهم رحمه ولاذمه ولاضمير

بخصوص شغله التنظيف في الويكند صحيح كلامج لكن هذا شيء بسيط ومقدور عليه

وخلني اقولج شصار في مستشفى حمد النظيف من اسبوع ولد اخو رفيجي تعب شوي ووده مستشفى حمد وهناك زاد عليه التعب ومارضوا يخبرونه شفيه الولد اخر شيء دشت الدكتوره وتقولهم الولد صادته جرثومه من مسشتفى حمد تقولهم هذا شيء عادي الولد ماتحمل وتعب اكثر :eek5: وغيره وغيره الكثير

سؤال اخير لو مستشفى حمد من افضل المستشفيات في العالم عيل ليش يطرشون الناس للعلاج برا :rolleyes2: في مسشتفى حمد عمليه تغيير مفصل ورك او ركب مايسوونها :eek5:

ياحبكم حق التطبيل يليت الانسان يتكلم بشويه واقعيه :omen2:

[ضوى]

ههههههههههههههههههههههه بطني بطني

مادري اختي انتي تتكلمين على مستشفى حمد ولاشنو اكبر الدكاتره هههههههههههه بالذمه في برفسور واحد عندنا سؤال ارجو الاجابه عليه :)

واي نظافة الي تتكلمين عنها انتي شفتي المدخل الرئيسي لمستشفى حمد والله شيء يفشل والا الغرف حدث ولاحرج ونسيتي الكافتيريا ههههههههههههههه والله المعاصر انظف منها

بعدين امي كانت تتعالج في مستشفى حمد 4 سنين وماعرفوا تشخيص حالتها انا الي مب دكتور شخصت حالتها هههههه وكنت شاك في مرضها

والله من شفت العلاج في المانيا والاهتمام في المريض قعدت اتحسر على المسلمين الي عندنا الله ياخذ بعضهم مافيهم رحمه ولاذمه ولاضمير

بخصوص شغله التنظيف في الويكند صحيح كلامج لكن هذا شيء بسيط ومقدور عليه

وخلني اقولج شصار في مستشفى حمد النظيف من اسبوع ولد اخو رفيجي تعب شوي ووده مستشفى حمد وهناك زاد عليه التعب ومارضوا يخبرونه شفيه الولد اخر شيء دشت الدكتوره وتقولهم الولد صادته جرثومه من مسشتفى حمد تقولهم هذا شيء عادي الولد ماتحمل وتعب اكثر :eek5: وغيره وغيره الكثير

سؤال اخير لو مستشفى حمد من افضل المستشفيات في العالم عيل ليش يطرشون الناس للعلاج برا :rolleyes2: في مسشتفى حمد عمليه تغيير مفصل ورك او ركب مايسوونها :eek5:

ياحبكم حق التطبيل يليت الانسان يتكلم بشويه واقعيه :omen2:


اخوي الفاضل وحيد الشوق

اول شئ الله يشفي امك ويهون عليها وترجع لكم بالف خير وصحة وعافية ياارب

ثاني شئ اخوي ، التجارب الفاشلة لا تعمم ولا تؤخذ كمقياس للحكم على مستشفى كبير متخصص مثل مستشفى حمد العام ، ( مع انه الموضوع متعلق بالولادة ) شوف اخوي الفاضل امي تنومت بحمد العام اربع ايام والخامس توفت فيه وليومك هذا ماعرفنا سبب الوفاة ولا سبب المرض ولا ايش المرض اساسا وهذا مش معناه قصور في اطباء حمد وفي تشخيصهم ولكن هناك اسباب الهية تخفي بعض الامراض لحكمة لا يعرفها ايا منا ونحن مؤمنون به لاننا نؤمن بالقدر خيره وشره ، واذا تقصد الاخطاء الطبية يكفينا ان نعلم ان بريطانيا اكبر دولة فيها اخطاء طبية وفيها نسبة اكبر وفيات بسبب هذه الاخطاء الطبية .
سويسرا بلد راقي وجميل ومتقدم طبيا ، والله وبالله زوجي تم بالطوارئ عندهم ست ساعات او اكثر كشف ماكشفوا عليه لين يتاكدون من اوراق التأمين وهو يتألم ويتلوى من هالالم ولكن عندهم القانون فوق الحالات الانسانية ، عكس طواري حمد صحيح يطلبون البطاقة الصحية وماشابه ذلك لكن مايردون اي حالة طارئة لاي شخص كان وهذا شئ يحسب لمستشفى حمد

كلنا نعاني من التشخيص الخاطئ وكلنا نعاني من سوء التنظيم وسوء المعاملة احيانا وخطا العلاج في احيان كثيرة ولكن تظل مستشفى حمد هي الاقدر والانجح على الاقل على مستوى الدولة ، ويكفي انه المستشفيات الاخرى عندما لا يستطيعون السيطرة على مريض ما او لم يستطيعوا تشخيص الامه يتم تحويله مستشفى حمد وحتى الولادات المتعسرة في المستشفيات الخاصة يتم تحويلها مستشفى الولادة لماذا برأيك ؟؟؟

عموما التجارب السيئة مع مؤسسة حمد تخلق جانب الاحباط والتردد في العودة لها مرة اخرى وانا اعذرك

والله يشفي امك ان شاء الله وتكون باحسن صحة يارب

[بو خليفه 123]

الغريب ان البعض نسى يهنىء والد الطفل بقدوم مولوده الجديد و فتحها صالة فضفضه و شكاوي .


ألف مبروك قدوم مولودك الجديد و اسأل الله ين يجعله من من حفظة القرآن و أن يحمل إسم والديه لاعلى القمم .

مبروك ماجاكم و يتربى بعزكم .



قولي شنهو شعورك اول ماحملته ؟ :)

[بوخالد الذيب]

اخوي الفاضل وحيد الشوق

اول شئ الله يشفي امك ويهون عليها وترجع لكم بالف خير وصحة وعافية ياارب

ثاني شئ اخوي ، التجارب الفاشلة لا تعمم ولا تؤخذ كمقياس للحكم على مستشفى كبير متخصص مثل مستشفى حمد العام ، ( مع انه الموضوع متعلق بالولادة ) شوف اخوي الفاضل امي تنومت بحمد العام اربع ايام والخامس توفت فيه وليومك هذا ماعرفنا سبب الوفاة ولا سبب المرض ولا ايش المرض اساسا وهذا مش معناه قصور في اطباء حمد وفي تشخيصهم ولكن هناك اسباب الهية تخفي بعض الامراض لحكمة لا يعرفها ايا منا ونحن مؤمنون به لاننا نؤمن بالقدر خيره وشره ، واذا تقصد الاخطاء الطبية يكفينا ان نعلم ان بريطانيا اكبر دولة فيها اخطاء طبية وفيها نسبة اكبر وفيات بسبب هذه الاخطاء الطبية .
سويسرا بلد راقي وجميل ومتقدم طبيا ، والله وبالله زوجي تم بالطوارئ عندهم ست ساعات او اكثر كشف ماكشفوا عليه لين يتاكدون من اوراق التأمين وهو يتألم ويتلوى من هالالم ولكن عندهم القانون فوق الحالات الانسانية ، عكس طواري حمد صحيح يطلبون البطاقة الصحية وماشابه ذلك لكن مايردون اي حالة طارئة لاي شخص كان وهذا شئ يحسب لمستشفى حمد

كلنا نعاني من التشخيص الخاطئ وكلنا نعاني من سوء التنظيم وسوء المعاملة احيانا وخطا العلاج في احيان كثيرة ولكن تظل مستشفى حمد هي الاقدر والانجح على الاقل على مستوى الدولة ، ويكفي انه المستشفيات الاخرى عندما لا يستطيعون السيطرة على مريض ما او لم يستطيعوا تشخيص الامه يتم تحويله مستشفى حمد وحتى الولادات المتعسرة في المستشفيات الخاصة يتم تحويلها مستشفى الولادة لماذا برأيك ؟؟؟

عموما التجارب السيئة مع مؤسسة حمد تخلق جانب الاحباط والتردد في العودة لها مرة اخرى وانا اعذرك

والله يشفي امك ان شاء الله وتكون باحسن صحة يارب

كل اللي يتكلمون عن المستشفى وين مولودين ؟؟؟؟!!!!!