والله عيب عليكم

[ورد الدوحه]

الى متى الواحد يشوف و يسكت، بصراحة الملابس اللي يلبسونها الاجانب غير محتشمه واحنا شعب عربي مسلم وهم لامراعاه لعاداتنا وتقاليدنا والله عيب المفروض يمنعون هالاشكال من دخول المولات والاسواق علشان ايكونون عبره حق غيرهم ولايقولون حرية شخصية خلهم يلبسون على كيفهم واحنا كلنا انتحمل الاثم بسببهم

[صلاتي]

اصبح الاتصال بالعضيد واجب

على كل مسلم ومسلمة

[بوعبدالله779]

الزمن زمنهم والوقت وقتهم واحسن شي انت او انتي غضي البصر وتوكلي على الله

[باسكن روبنز]

اصبح الاتصال بالعضيد واجب

على كل مسلم ومسلمة

والله يا اخوي لو هم قايمين بواجبهم ودورهم مانضطر نتصلهم ،

المفروض نتصل في العضيد والامن الوقائي لما نكتشف ونصيد شي مخشوش ،

لكن الي صاحب الموضوع يتكلم عنه موجود علناً في كل مجمع وسوق ،

يعني بتم اتصلهم كل مارحت مجمع عشان يقومون بشغلهم الي هم غافلين عنه!

[بوعبدالله779]

اتصل في العضيد اقول لهم انهم مب لابسين لبس محتشم وبعدين ؟؟

[ورد الدوحه]

عقب الاتصال بالعضيد ايقولون والعلم عند الله اتصور المنظر علشان ايكون دليل واضح لان مايصدقون كلامك لازم ايشوفون الصور علشان تطلع صادق هذا اللي كاتبينه عن خدمة العضيد

[بوعبدالله779]

عقب الاتصال بالعضيد ايقولون والعلم عند الله اتصور المنظر علشان ايكون دليل واضح لان مايصدقون كلامك لازم ايشوفون الصور علشان تطلع صادق هذا اللي كاتبينه عن خدمة العضيد

انزين وانا قاعد اصور صادوني وقالوا لي ممنوع التصوير في الاماكن العامة وقالوا لي تعال مركز العاصمة ونتفاهم ؟؟؟؟؟؟؟؟؟اشى اسوي ؟؟؟؟اقول كل واحد يمسكه نفسه ويحط باله على من هو ولي الامر عليهم والله يصلح الحال

[ورد الدوحه]

ارجو من اللي حط موضوع خدمة العضيد توضيح ذلك لنا لان مايصير الواحد يقعد ايصور المناظر على كيفه

[ولد ازغوى]

صج اللبس قام يصير شورتات يا جماعه والله شوف عيني اليوم في فيلاجيو ؟
غير المايوهات عالبحر

[أم المهند]

المفروض مثل عندنا بالسعودية يتم إفهامهم عبر سفاراتهم بمراعاة التقاليد والإحتشام بالبلد لأنهم في بلد مسلميييييييييييييييين ..

[بدون]

لا حول و لا قوة إلا بالله العلي العظيم
هذي نتايج جلب موظفين بأعداد كبيرة من دول أجنبية و ترك الحرية لهم بعل ما يشاؤون

الله يستر من اللي جاي

[£عبدالعزيز£]

ودي اشوف (العضيد) صايدين حد ,, او مسوين شي

كل اللي اشوفه اعلاناتهم اللي تقول لا تتردد في التبليغ

وعن نفسي عمري ما سمعت ان العضيد سووا شي

..

ياريت لو حد يعرف شي ولو بسيط سووه العضيد يقولنا اياه

[Doha Sun]

المشكلة قول الاجانب مايعرفون تقاليد البلد ..
واذا جاتك من جنسية عربية ..... امس شفت وحدة في الفيلاجيو لابسة لابس ....( اعوذ بالله ) استحيت اطالعها وقمت افكر اذا البنت استحت اشلون الشباب ..

[احبك يابلد]

ياجماعه ترى الجو حرررر عندنا

[أم شيوخ]

المفروض الواحد يغير بيده او بلسانه....
بتنطرون العضيد لين ما تتصلون لهم جود الناس طلعت وراحت بيوتهم
والمفروض يخلون لهم مكت في كل مجمع هذا الكلام الصج مب اتصلولنا وصوروا...
ناس حتى لو مفاصيخ مايحبون يصورون
والعيب والشرهه مب على الاجانب على اهل ديرتنا
والله والله صرت امشي بهالمولات واستغفر ربي من الي نشوفه واقول الله يحفظ عيالنا صاروا عيالنا في الحظيظ من البنات والشباب
انا ما اعم بس هذا الي نشوفه
واكبر مثال المثليين من الشباب الي صاروا يتفاخرون بهالشي وكانهم كاتبين على صدرهم احنا كذا كذا
والا البنت عمرها 14 او 15 سنه كاااشخه والعبايه لابستها والشيله طايحه ليش ما ادري وتطالع الام منقبه احسن نقاب...

لا تقولون عيال هالزمن محد يقدر عليهم...
قبل لين الولد قال لا والا بس هز راسه يجيه ذاك الكف الي يرد له مخه والا يعاقبه ابوه حتى البنت تنكسر شوكتها من صغرها لو بتضحك قالولها عيب شوي شوي مب الحين والله تسمع ضحكة البنت في ممر المجمع...

الواحد يفكر شلون يربي عياله على الخلق والدين عشان يصلحون بعدين ويربون عيالهم على هالاساس مب خراب في خراب...

والله من القهر شاقول وشاخلي
اعرف وحده لو شافت الغلط جدامها تقول ماقدر اسكت احس بتانيب الضمير وتروح تنصحهم ومن هذا الحجي البعض ياخذ بنصيحتها على طول والبعض يحاول يتجاهل لا وتجي بنت نتتتتفه لونصحتيها شوي بتكفخج وامها معاها عادي...

في حديث عن الرسول صلى الله عليه وسلم يقول فيه انه تغيرون بيدكم او بلسانكم او حتى بقلبكم بس المشكله مايحظرني الحديث بالضبط..
والله يهدي الجميع

[برشلوني قطر]

مالك الا غض البصر...

والا خيزران وتلشطهم تلشط لين الله يشوف لهم

[ودي أكون]

ياجماعه ترى الجو حرررر عندنا

اتصدق ان سببك حده مقنع !!


اذا التفكير جي على الدنيا السلاام :rolleyes2:

[Doha Sun]

المفروض الواحد يغير بيده او بلسانه....
بتنطرون العضيد لين ما تتصلون لهم جود الناس طلعت وراحت بيوتهم
والمفروض يخلون لهم مكت في كل مجمع هذا الكلام الصج مب اتصلولنا وصوروا...
ناس حتى لو مفاصيخ مايحبون يصورون
والعيب والشرهه مب على الاجانب على اهل ديرتنا
والله والله صرت امشي بهالمولات واستغفر ربي من الي نشوفه واقول الله يحفظ عيالنا صاروا عيالنا في الحظيظ من البنات والشباب
انا ما اعم بس هذا الي نشوفه
واكبر مثال المثليين من الشباب الي صاروا يتفاخرون بهالشي وكانهم كاتبين على صدرهم احنا كذا كذا
والا البنت عمرها 14 او 15 سنه كاااشخه والعبايه لابستها والشيله طايحه ليش ما ادري وتطالع الام منقبه احسن نقاب...

لا تقولون عيال هالزمن محد يقدر عليهم...
قبل لين الولد قال لا والا بس هز راسه يجيه ذاك الكف الي يرد له مخه والا يعاقبه ابوه حتى البنت تنكسر شوكتها من صغرها لو بتضحك قالولها عيب شوي شوي مب الحين والله تسمع ضحكة البنت في ممر المجمع...

الواحد يفكر شلون يربي عياله على الخلق والدين عشان يصلحون بعدين ويربون عيالهم على هالاساس مب خراب في خراب...

والله من القهر شاقول وشاخلي
اعرف وحده لو شافت الغلط جدامها تقول ماقدر اسكت احس بتانيب الضمير وتروح تنصحهم ومن هذا الحجي البعض ياخذ بنصيحتها على طول والبعض يحاول يتجاهل لا وتجي بنت نتتتتفه لونصحتيها شوي بتكفخج وامها معاها عادي...

في حديث عن الرسول صلى الله عليه وسلم يقول فيه انه تغيرون بيدكم او بلسانكم او حتى بقلبكم بس المشكله مايحظرني الحديث بالضبط..
والله يهدي الجميع

حبوبة في مرة ةوحدة كانت تبي تحاول تغيي منكر في السوق ردت عليها قالت لها انتي محترة ولا شنهو .. شوفو قلة الادب في الرد

[لاجئ عاطفي]

في احدى المرات كنت في السيتي انا وزوجتي وشفنا اجنبية والله ان نص صدرها طالع يعني فاصخة الحيا لاخر درجة والسؤال الحين شلون بتصل في العضيد ومتى راح يوصلون المجمع؟؟ اعتقد لين مايوصلون اتكون هالاجنبيه راحت اخرتها انا بلبس تهمة ازعاج السلطات :secret: الموضوع يحتاج للافتات ارشادية توزع في كافة الاماكن العامة وفوق هذا يجب الزام سفارات هالجاليات بالتعليمات الواجب انهم يتبعونها في عالبلد لا ان يترك لهم الحبل على الغارب مثل مامنعوا النقاب والحجاب نمنع احنا التعري والتفصخ في بلادنا

[zeroo10]

قهر .. لم احنا نروح هناك في بلدانهم لازم نحترم عاداتهم وتقاليدهم ونلتزم بقوانينهم ...!

ولم هم يجون اهني لازم احنا نحترم عاداتهم وتقاليدهم ونلتزم بقوانينهم...!

لاحظتو هالشي معااي ....!

يعني في حطو البنت الفرنسيه مع الكلب .. في المنتدى وهذي احنا ممنووع عندنا انك تدخل كلب شقه او شي من هالاشياء .. ودخلو الجلب غصبن عن الي مايرضى


فالنهايه .. تعرفون ليش هذا كله لانهم هم الاجانب يشتغلوون بدالهم ويخلصون هذا كله وهم جالسين في مجالسهم

اما القطري راح يعارض وراح يقوول ليش وليش ؟! فليش يحط قطري

[((غلا قطر))]

الله المستعان ،،، شكثر بنغض البصر !

[الـقـاسـي]

مابي اتكلم عشان ماجيب العيد .. لكن حسبي الله ونعم الوكيل