مغسله للملابس الداخليه في ازغوى والخريطيات

[بو الطيب]

يالربع تعرفون الاهل مسافرين ومحد الا انا في البيت قااعد

المهم وماعرف اشغل الغساله هههههه وتعرفون حياة العزوبيه المهم كنت ادور حول المغاسل

بس مافي مغاسل تغسل الملابس الداخليه ( فنيله صراويل وانتم بكرامه ) يليت اللي يعرف يدليني في اقرب فرررررصه

[القناص]

كل مغاسل قطر تغسلهم ماعندك مشكلة

[عزيزي العضو]

شوهت سمعه كل عزوبي(امزح معك)
اخي الكريم الموضوع بسيط جدا لا يحتاج الى كل هذا العناء
حاول ان تتعلم كيفيه تشغيل الغساله وحاول ان تعتمد على نفسك فالموضوع بسيط جدا

[هذلان]

روح كار فور و قولهم ابي اشتري غساله سنعه و خل يعلمونك عليها و استعملها . و اذا ردو هلك قولهم شريت لكم غساله هديه :thumbup:

[نونه الحلوه]

مسكين كسرت خاطري بس ترا إحنا فالخريطيات وكل المغاسل تغسل حق إخواني احيانا هههههبالتوفيق

[فويرط]

عادي

صب ماي في الغسالة لين رقم 3 او اثنين على حسب كمية الثياب

بعدين حط صابون ناعم على حسب القياس اللي موجود عندكم ، حط مثلا كوبين او ثلاث ( مش حالك المهم بتنغسل الثياب ) :thumbup:

بعدين فر الساعة لين آخر رقم وخلها تجرخ لين تخلص

بعدين خذ الثياب واحذفهم في النشافه الي جنبها ، وعطها حدها ، وخلهم لين تنشف ريجهم

بعدين طلعهم وحطهم في كيس ودهم الدوبي وقوله صديق سوي اوتي

والامور طيبه :thumbup:

[قطري009]

لا تعليق

[الغالي!]

في خباز في مدينة خليفه ابران

[نونه الحلوه]

ههههههههههههههههه

[الحوت-141]

حاضرين انا فالخريطيات عندي دريول يغسل ويكوي احسن من الدوبي

[((غلا قطر))]

وي كسر خاطري والله ،، الله يكون في عونك

[qatari 111]

خلها عالاتو وهي بتسوي كل شي

[البيت بيتك]

ههههههههههههههه

[الســـهم]

انصحك تاخذ غسالة اوتوماتيكية ..

توصلها دايركت بولف ماي واقرب كهرباء , هي تغسل وتشطف وتنشف , كل اللي عليك تختار نوع الغسلة يعني خفيفة او متوسطة او ثقيلة وتعطيها اشوي صابون وهي عليها الباقي ..

بصراحة بالذات الملابس الداخلية صعب انك تغسلهم بمغسلة خارجية , تخيل تلبس ثياب مغسلة مع ثياب ناس غيرك بتكون معرض للأمراض الجلدية بالذات ..

[درع الوطن]

:oops:

تخيل تودي صراويلك للدوبي وبعد مايرجعهم لك تكتشف أنك
لابس صروال بتااااااني بالغلط :taunt:

ترى أمزح معاك :omen2:

[نونه الحلوه]

ههههههههههههههههههه

شكلها صايره لك درع الوطن

[بوخالد2]

روح كار فور و قولهم ابي اشتري غساله سنعه و خل يعلمونك عليها و استعملها . و اذا ردو هلك قولهم شريت لكم غساله هديه :thumbup:

:nice::nice::nice::nice::nice:

[تباشير الفجر]

اممممم

احسن شي اتييب لك طشت وتربع على الارض وحطه جدامك واترسه ماي وحط قلاص صابون وافركهم بيدك لين الله شافلهم احسن من هالغسيل مافيه لا غساله ولا شي ...

ومانصحك توديهم لاندري لان ماتدري يمكن تسبب امراض جلديه ولا شي ..

[umhend]

ولا نقعهم في البانيو مع الصابون وبعد ساع ساعتين بدل مايهم وبعدين انشرهم ولي نشفو
اجمعهم وودهم الدوبي

[درع الوطن]

ههههههههههههههههههه

شكلها صايره لك درع الوطن

:whistling:

ههههههههههههههههههههه

لا لا أنا أصلاً ماغسل عند الدوبي لأنه يسوي غسيل جماعي ( خبيصه )
وهذي نصيحة أقدمها للكل .. بخصوص الملابس الداخليه لازم تنغسل في البيت
لأنها ملابس تلامس الجسم مباشره .. والدوبي يخلط الملابس مع بعض
وتخيلي >> :swoon:
يمكن فيه ناس مجبوره تروح للمغاسل .. الله يعينهم

[مش مش]

للرفع

[Toomy]

عادي

صب ماي في الغسالة لين رقم 3 او اثنين على حسب كمية الثياب

بعدين حط صابون ناعم على حسب القياس اللي موجود عندكم ، حط مثلا كوبين او ثلاث ( مش حالك المهم بتنغسل الثياب ) :thumbup:

بعدين فر الساعة لين آخر رقم وخلها تجرخ لين تخلص

بعدين خذ الثياب واحذفهم في النشافه الي جنبها ، وعطها حدها ، وخلهم لين تنشف ريجهم

بعدين طلعهم وحطهم في كيس ودهم الدوبي وقوله صديق سوي اوتي

والامور طيبه :thumbup:

يا لهوي يوديهم بالصابون لازم عقب ما يطلع الصابون يغسلهم بماي و على النشافة مرة ثاني..
عاد الغسالة ما يب لها شي ..يلا عن الدلع و تعلموا

اختكمToomy

[$$كلنا قطر$$]

خووش موضووع

[smooth_lady]

ياحالتكم
قووووية ماتعرف تستخدم الغسالة ؟!!!!!
قووووول غيرررررها