والله حراااام ياناس واستغلال لا تصيرون مخفه

[الــهــاجـري]

بسم الله الرحمن الرحيم
موضوعي اليوم عن اللي يحجز في وكالة تويوتا
7
7
7
7
7
7
7
7
7
7
7
7
7
انا توني منزل موضوع على اني بحجز جكسار 2011 ورد علي احد الاعضاء وهذا الرد

الســـلام عليكم ورحمــة الله وبركاته

بالنسبــة لسعــر 2011 غيــر معروف حالياً, وهالكـــلام من الوكاله نفسها, انا كنت عندهم قبل فترة وقالوا لي هالكــلام, وحتى بورقة الحجــز مكتــوب ان السعــر غير محدد هذا اللي رااافع ضغطي

بس حسب خبرتي المتواضعة والمتوقعة ان الزيادة ماراح تكون اقل مــن 8 الآف ريال عن 2010

ملاحظة سعــر الكامري 2011 زاد 5 الآف ريال عن 2010, فما بالك بـ الكروزر

.................................................. ..............................................
ليه يا ناس تدرون انها حرااام

إذا تدفع دفعة وتعقد العقد والثمن مجهول هذا حرام وبيع جهالة

ومن أضراره ان البائع إذا شاف كثرة الطلب واضطرار المشتري قد يستغله ويرفع الثمن فوق ما تستاهل السلعة


فمن أركان العقد في البيع العلم بالثمن


وإذا تخلف الركن بطل العقد



والله يوفقنا واياكم لما فيه خير

[anmfh]

كلامك سليم

وجزاك الله خير

المفروض الناس تفهم هالشي ..

[الــهــاجـري]

اشكرك على مرورك اخوي

[qatari 111]

كلامك عين العقل
بس اللي تحجز السيارات هاذولا التجار اصحاب المعارض يصفونهم من الوكاله علشان يبدئ الاحتكار عالعالم ويزيدون اسعارهم عن سعر الشركه
والله استغلالييه لأبعد الحدود

المشكله فالناس الله يهديهم يشترون من المعارض بأسعار فوق سعر الشركه علشان يقولك فالوكاله مافي خلص
عادي احجز وانطر كلها شهر ولا شهرين بيوصل وبالسعر اللي يناسبك

ما اقول الا الله يصلح الجميع

[البيت بيتك]

كلامك سليم

وجزاك الله خير

المفروض الناس تفهم هالشي ..

[التجاري]

اخوي روح البريمي تلقى السيارات مصفوفه بالوكاله وبافضل المواصفات والسعر واضح ادفع واسحب موترك وانت راد

[اهـم001]

مشكله وكاله فاشله من حيث السيرفس والكراج والتسويق
وعادي كل سنه يقصون على العالم يزودون 8 الاف اقل شي بالسياره
ليش !!!!!!!!
وغير هشكل بالدايه السنه ينزلون كميه معينه اصحاب المعارض يخذونها ويرفعون بالسعر زياده
ظبعا موضفين الوكاله ينبخون على الف ريال عشان يمشونهم للمعارض

[راعي الاوله]

جزاك الله خير للتوضيح

كلام سليم جداً ..

[qatarma]

بيض الله وجهك الصراحه انتبهت على شي كنت غافل عنه

[الــهــاجـري]

اشكركم على المرور وياليت لو تنبهون ربعكم عنها.

[السندان]

تسلم على الطرح

[جرير]

والله الغلط من هالشباب اللي مب شايفين خير

شلي حادك على الحجز وعلى دفع عربون بمبلغ كذا

والوكاله شافت ان فيه واجد من هالنوعيه همه بس

يحصل السياره بغض النظر عن السعرفقالت خلنا نلعب علىيهم

ونرفع الاسعار . . . .

عيبنا ان احنا اللي عطيناهم مجال الكل قام يلعب علينا وينصب

علينا واحنا اللي نشجعهم كل واحد همه نفسه وتلاقي عنده موديل

اقدم بسنه من اللي حاجزه . . . . دايما كذا ناخذ الشي واحنا مالنا

حاجه فيه . . . ليش والله فلان طلع واحد وانا يبي لي بعد . . .ا

والله ليش قالك الوكاله مسويه عرض . . . . وحاجات واجد انتو ادرى بها

ياخي قبل لاتطلع اسأل نفسك هل انت في حاجته والا بس مع الخيل يا شقره

وتخرب على العالم اللي هم صدق محتاجين السيارات والوكاله تشوف

العالم وتشوف اللسته طويله تقول ما يضر نرفع عليهم 5 الالف او عشره الالف

ما يضر . . . . وبعدين نرجع ونشتكي من الاسعار

في الدول الخارجيه المستهلك هو اللي يتحكم بالسلعه على حسب حاجته لها

واذا فيه تلاعب في الاسعار ينضرب على راسه التاجر من المستهلك قبل الدوله




اما عندنا حدث ولا حرج . . . . كل يغني على ليلاه

الله المستعان

[Bo 5alid]

جزاك الله خير

[الــهــاجـري]

والله الغلط من هالشباب اللي مب شايفين خير

شلي حادك على الحجز وعلى دفع عربون بمبلغ كذا

والوكاله شافت ان فيه واجد من هالنوعيه همه بس

يحصل السياره بغض النظر عن السعرفقالت خلنا نلعب علىيهم

ونرفع الاسعار . . . .

عيبنا ان احنا اللي عطيناهم مجال الكل قام يلعب علينا وينصب

علينا واحنا اللي نشجعهم كل واحد همه نفسه وتلاقي عنده موديل

اقدم بسنه من اللي حاجزه . . . . دايما كذا ناخذ الشي واحنا مالنا

حاجه فيه . . . ليش والله فلان طلع واحد وانا يبي لي بعد . . .ا

والله ليش قالك الوكاله مسويه عرض . . . . وحاجات واجد انتو ادرى بها

ياخي قبل لاتطلع اسأل نفسك هل انت في حاجته والا بس مع الخيل يا شقره

وتخرب على العالم اللي هم صدق محتاجين السيارات والوكاله تشوف

العالم وتشوف اللسته طويله تقول ما يضر نرفع عليهم 5 الالف او عشره الالف

ما يضر . . . . وبعدين نرجع ونشتكي من الاسعار

في الدول الخارجيه المستهلك هو اللي يتحكم بالسلعه على حسب حاجته لها

واذا فيه تلاعب في الاسعار ينضرب على راسه التاجر من المستهلك قبل الدوله




اما عندنا حدث ولا حرج . . . . كل يغني على ليلاه

الله المستعان

اشكرك على مرورك القوي والاعضاء الباقين.

[*¤ بن قطر¤*]

اشكرك على الموضوع القيم و المفيد ...

للاسف عدوى الحجوزات انتقلت من وكاله لاخرى و بوتيره أشد ... في الماضي كانت الحجوزات على السيارات الفارهه و الباهضة الثمن ... أما في الوقت الحالي اصبحت على الكورولا ايضا.

لابد الناس ان تتفهم و تفتح عقولها ... لابد ان يتعلموا من مقلب سنة 2008 عندما تم تدشين الكروزر و اللكزس ... ووصلت الاسعار الى أرقام خياليه ... بالعقل لكزس فورويل يصل سعره الى 400 ألف ريال و أكثر !!!؟؟؟

هل هذه الشركه ساحرة عقول الشعب أم الشعب مسحور بها و كأنها فتاة أحلامهم ؟؟

عجبي

[البوررصة]

ناس تشتغل بلا ضمير وناسية ان في رب العالمين وعندنا عقود البيع والشراء ودينا علمنا
وكل شي محسوب عند رب العالمين

[الــهــاجـري]

جزاكم الله خير واتمنى ان الاداره تثبت الموضوع الين ينزل ال2011 الا اذا هم شريطه ههههههههههه

[بوحارب]

الله يرحم والديك يالهاجري على هالمووضوع الطيب وفي ميزان حسناتك

[محاسب]

تسلم ع هذا الطرح المميز ويسلمون باقي الأعضاء
من بعد ال2008 والإستغلال الجشع والمغالى فيه إلى درجة إنهم تسببو بخروج أموال المستهلك المحلي وغير المحلي تخرج إلى الدول المجاورة و حنا نحمل شعار (خلوها تصدي )

وللأسف أن البعض يشوف الأستغلال في السعر ؟؟؟؟ هذا بداية الأستغلال
ـ
ـ
ـ
تعال وشوف وتأمل وقارن حال مالك السيارة الجديد ومعاناته إذا كان محتاج للصيانه السنويه
وهو دافع مثل مادفع غيره للوكالات الثانيه

ـ
ياأخوان حنا أهل ديرة وحده ومصلحه وحده وإن شاءالله كلمه وحده
وخلوها تصدي

[MiSsY]

اخوي حبيت اوضح شي

مب بس شركة التويوتا !

كل الشركات انا بنفسي رحت للرنج

ومالقيت من hse الا حبتين سلفر مو 2010

يقولي مو 2011 نازل شهر 11 لو تبين بحجز لج تدفعين

بس السعر ماقدر احدده لان السياره ماوصلت

كله الا حجز ياخوي يعني انت مادفعت لهم لا نص المبلغ ولا هم يحزنون

وهالكلام ف كل الوكالات

تدفع بس للحجز 10 واذا وصلت السياره وماتبيها

هم يبيعونها ويردون لك ال 10

شي عادي ترى

ليش مكبرين الموضوع

واذا ع الاسعار

والله اخوي لو تبي اخذ من برع وتوهق ف مع التصليحات بعدين

ولا اخذ لك مستعمل لازم جديده لو انك ماتقدر على سعرها

وانا اشوف ان عبدالغني من حقه يرفع دام الفردان شاااااادخ السوق باسعاره

ف الاخير هاذي بضاعته وهو حر فيها

ولو ماعليها طلب جان ماشفت ان وكالة عبدالغني الوكاله الوحيييييييييييييده وانا اقول الوحييييده الي لو تروح لهم وتحجز ولا يفتكرون فيك ولا يتصلون من كثر الضغط الي عندهم
والله غيرهم مامداك تطلع من باب الوكاله الا متصلين لك تعال بنزل لك ف السعر

وكفايه ياخوي ان فاتحين صيانه تقريبا بكل مكان
وقطع الغياار معقوله وهم تقدر تاخذها من برع وتركبها جنه العيد