لغـــــــــة العيــــــــــــــــون :..

[Qatar4all]

صبــــــــــاحكم ( مســــــــــــاكم ) ورد :..




http://www.qtruni.com/qtrup//uploads/images/qtrup52b0d700e9.gif (http://www.qtruni.com/qtrup//uploads/images/qtrup52b0d700e9.gif)




اليوم موضوعنا نبي نتكلم فيه عن هذي اللغة وهي لغة العيون :.. في ناس تقول لغة العيون ما يفهما الا المحبين :..


السؤال المطروح أمامكم من يحس انه يقدر يقرأ اللي يدور في راس الثاني من خلال نظرات عيونه :..

[هند88]

صباحك خرعه ،،:rolleyes2:
هاي صورة عيون تحطها ..قطر خرعتنا الله يهدك بس:(

ماعلينا ..

قال تعالى ( فإذا جاء الخوف رأيتهم ينظرون إليك تدور أعينهم كالذي يغشى عليه من الموت)

من الصعب ان نقدر نقرا عيون كل الاشخاص الا المقربين ..
واكيد كل شخص يفهم نظرات الشخص المقرب له
يعني اذا كان قلق او في باله شي يفكر فيه..الخ..

يعني مثلا: مرات من عين بنتي احسها انها مسويه شي غلط وخايفه مني :omen2:

وفي شخص اعرف انه زعلان مني.. اذا اكلمه مايشوفني في عيوني.. على طول ادري انه زعلان مني :(

...والإنسان لما يتعامل مع لغة العيون يتعامل معاها كوسيلة تعبير عن الي في نفسه للآخرين ، وايضاً يتعامل معاها كوسيلة لفهم ما في نفوس الآخرين ...

قطر .. ابدعت في طرحك للموضوع
يعطيك العافيه:victory:

[Qatar4all]

هههههههههههههههههههههههههه :..

هاذي بايقها من توقيع اخونا أمير المحبة :.. حسيتها تناسب :.. هههههههههههههه


---

إضافه حلوة اختي هند :..

ونقدر نلخص كلامج في ان من الصعب ان الواحد يقرأ اي عين والمقصد ان العين لازم تكون مالوفة نوعا ما :..

حلو ان الواحد يفهم الاخرين ويطمح الى ان يفهمونه من خلال نظرة او نبرة صوت او او ... الخ

أسعدني تواجدج أختي :..

[هند88]

لازم تكون العيون مألوفه لان كل شي وله اول مره..
يعني لما اول مره شفت عيون بنتي مافهمت شفيها
ثاني مره شكيت بالموضوع..
وبعدها خلاص كل ماشوف نظرتها بهالطريقه أعرف السبب

[missperfect]

اشكرك اخي الفاضل على طرحك هالموضوع المميز يامميز انت:shy:

المهم العيون لازم لها دراسه لان كل عين لين تعبر عن حاجه تتهيأ بطريقة ما (( سبحان الخالق))

بعطيك مثال لبعض الحالات للعين

اذا كان الإنسان يظهر الحب ولكن باطنة الكره ففي هذه الحالة ندخل ضمن العين والكتمان ،
ويكون شكلها :
متوسعة ولاتستطيع النظر الي من يكتم عليه الشيء لفترة طويلة فينظر الى الشخص لمدة معينة اثناء الحديث وبعدها تنظر لشيء اخر ومن ثم ترجع للشخص وهكذا...
اما اذا كان الإنسان يظهر الحب ولكن في باطنة انه لايحب ولا يكره الشخص الآخر فهذا تشهد عليه العين بأشكال مختلفة تختلف من الرجال عنها بالنساء.

شكل العين اثناء الحب الكذاب عند الرجال
عادة تكون العين قوية وجريئة وتنظر لليمين وللأعلى


شكل العين اثناء الحب الكذاب عند النساء
تكون العين مضطربة وكثيرة الحركة لليمن وللأعلى ولكن هذا الإضطراب لا يلاحظ الا لو تم التدقيق والتمعن بالنظر بعينيها

شكل العين عند التعجب
عند التعجب تكون العين متوسعة وترتفع عدسة العين قليلاً للأعلى

يمكن ان يصاحب التعجب تقريب الحاجبين من بعضهما البعض وتقديم الرأس للأمام بدرجة بسيطة ، ولكن يمكن للإنسان اذا حاول بنفسه ان يتلاشاهم ولكنه لايستطيع ان يمنع عينه من التوسع والنظر للأعلى.

شكل العين عند الإحساس بالخطأ
تكون العين مسترخية والشخص ينظر للأسفل وفي بعض الأحيان لو كان الخطأ كبير جدا لا تستطيع العين النظر بعين الأخر الذي اخطأ الشخص في حقه.

شكل العين اثناء الكذب((وهاي على طول ينكشف عندي))
تكون العين متوسطة التوسع وكثيرة الرمش وكثيرة الميل الى جهة اليسار .

شكل العين عند الحزن(( الله يبعده عن الجميع ))
تكون الهدبة السفلى للعين مرتفعة للأعلى وغالبا تفرز الدموع في هذه اللحظة.
.........:rolleyes2:

وسلااامتكم :rolleyes2:

[sara jsm]

:) مميز كـ العادة بمواضيعك وانتقائك الرائع ,,
ماعندي اي اضافة ,, لان البنات ماقصروا وقالوا اللي كنت باقوله ,,
بس تدري ان احلى لغة هي لغة العيون :) سحر في سحر ,,

يعطيك العافية اخوي ,,

[JN000N]

تسلم قطر فور اول عالموضوع الحلو

وعالصوره الروعه اللي حاطها
مانخلص من توقيع امير يانا موضوع قطر

يلا شنسوي بعد

امم ماراح ازيد على كلام اللي سبقوني



لكن ،،

من نظرة عين تقدر تعرف بلااوي

ولاحظ اللي عنده سر دايما يشيح بنظره
واللي خايف له نظره
واللي يكذب له نظره
وللخجول نظره


ونظرات اخرى

بس تقريبا ٨٥٪ من نظرات العيون سبحان الله اقدر اكتشف شوراها هههههه
ويقولون ينيه:( بس السر كله في نظره العين

[بوحارب]

مممممممم اللي اعرفهم عدل عدل اقدر اعرف وش يدور في بالهم من خلال عيونهم !

تسلم اخوي وصباحك خير وكرك

[sweet_lemon]

مساك ورد يالطيب

موضوع مميز اخوي

نفس ماتفضلت وقالت اختي هند ..

الواحد يقرا العين اللي يعرفها ..

بس تدري خليتني الاحظ شي .. اني مب دايماً اطالع الناس في عيونهم لما يتكلون .. خصوصاً اذا كانوا ناس اول مره اشوفهم او ناس ماحب اتعامل معاهم .. او حتى اني ماركز فيها ..

ممكن النظره تعبر عن ألف كلمه ..

ومنها نظرة حنان وحب الام لعيالها .. وايد حلوه هالنظره

ونظرة شوق وتلهف لشخص مسافر عنك وتنطره يرجع

لغة العيون حلوه .. بس للي يفهمها

تسلم على الموضوع المميز ..

اتمنى لك يوم حلو ومميز :victory:

[باسكن روبنز]

هيا نتغوقل قليلاً ،



http://www.w6w.net/album/128/w6w_20050603004611218dbfa4.jpg
اعوذ بالله من الشيطان الرجيم :eek5: ،



http://upload.arabia4serv.com/images/dyl70szzon7h3k0cyla.jpeg
اموووت بالبراءه ،

[Qatar4all]

اشكركم فردا فردا :..

أثريتوا الموضوع بتعليقاتكم وارآكم :..

والسموحة منكم للتأخر في الرد واستسمحكم مره ثانية ان ما وفيت ردودكم حقها :..

[**هـتــــــان**]

لغه العيون لغه تفضح اصحابها عند من يعرف لغه العيون ...

من خلال العيون ومن خلال قراءة افكار من حولي ... تقدر تقول 90 % اعرف وش يدور داخلهم حتى من دون النظر للعين ..
:(

[كلـ أملـ ي]

العين مرآة النفس
وكذلك فلتات اللسان تفضح ما بداخل الانسان

[بنت ذياب]

اخوي يقولك:

actions speak louder than words

انا عن نفسي استخدم الاكشن فالتعبير اكثر من الكلام

وفعلا انا اؤمن بلغه العيون

اذا الشخص متضايق يبين الشي من عينه :(

اذا مستانس تحسون عينه شوي وتطلع من الوناسه

اذا كان يتخيل .. يطالع فوق يمين..

اذا كان يفكر.. يطالع فوق يسار ..

وهكذا

بس مو دايما .. حركات العين مفهومة

يعطيك العافيه اخوي ماقصرت ..

[ParadEyes]

غلط انك تحكم على الشخص من طريقة نظرته
في بعض الناس فنانيين في الخداع ينظرون لك بكل حب و تمسكن وهم اخبث منهم مافي
وفي ناس عيونهم حاده وفيها كبرياء لكنهم في داخلهم مهزوزين وضعفاء

[صمت القلوب]

الحمدالله اقرب الناس لي واللي حواليني اقدر اعرف بشنو يفكرون من انظر لعيونهم ...
سبحان الله ... يكون واضح جدا عليهم ... تقدر تعرف اذا مبسوط ... حب ... متوتر ... يكذب ... يخفي شي ...
حاقد ... ندمان .... سبحان الله ... فعلا لما قالو العيون مغارف القلوب ... يعني اذا عندك حاسه سادسه ... تقدر تعرف بالكلام والشعور اللي بداخلهم من خلال عيونهم ...

قرات كثير في لغه العيون ... ومن احب المواضيع عندي ... لان فيها دخول في نفسيات الانسان ...
يعطيك العافيه عالموضوع المميز ..


تحياتي لك

[وخروا عن طريقها]

لغة العيون هي اصدق لغة من اللسان


عن طريق احساسي اعرف الشخص من عيونه ان كان صادقا او يدعي الصدق

سعيدا او حزينا او يدعي السرور جميع حالاته تفهمها من عيونه

لانه العيون تفضح مابداخل الشخص


امممم بخصوص ان لغة العيون مايفهمها الا المحبين

لااعتقد انها فقط مقتصرة عند المحبين


ولكن مااجملها من لغة عند المحبين فـــكلام العيون وحدها تكفي لا يمكن ان يوصفه كلام اللسان



اعجبني الموضوع و اراء الاعضاء المثرية

[بوعلي2]

وينك يالغالي مختفي

موضوعك ذكرني بذكريات حلوه هههههههههههههههههههههههههههههههه

لغة العيون اي والله صدقت

لي عوده ان شاء الله