مهرجان صيف قطر ؟؟ حق vip

[عسولة]

صباح الأنوار ع الجميع

ياجماعة حد يناقشني في موضوع " أسعار ألالعاب في مهرجان الصيف " بأمس رحت
المهرجان وشفت عجب العجاب في المهرجان الصرااحة الأسعار ناااااااار ليش هاي كلة ؟؟؟ كفاية ان الواحد مايقدر يسافر من الظروف اللي فيها ؟؟ مع ذلك مايخلص من السلب والنهب في الألعاب ؟؟؟ يااااخي في ناس تقدر تدفع وفي ناس ظروفها ماتسمح ع الأسعار ؟؟ يعني وديت اليهال امس كل لعبة ب15 او عشر ؟؟ فذمتكم كم لعبة بلعب الياهل اذا عندك اكثر من 4 اطفال او 6 ؟؟ واللة حرااام وين المسئولين وووين اللي يشجعون ع السياحة في قطر .... حتى المجمعات صايرة نار """" الظاهر عشان ماعندنا اماكن سياحية صاير الأستغلال
" حتى اسعار الأكل صاير ضو .. شريت فطيرة وحدة ب15 ريال اشدعوة جايبينة من المريخ ؟؟
" ياااخي راعونا اصحاب الدخل المحدود اللي صرف فوق 1000 ريال في الهرجان امس عيل شو بقى حق اخر الشهر ؟ظ ولك التعليق

[الـقـاسـي]

اللي اعرفه ان قطر ناجحه في تنظيم أكثر الاشياء الا المهرجانات الصيفيه تفشل فشل ذريع ..

[برشلوني قطر]

الصراحه انا مارحت..بس كان عندي احد المراجعين وقام يشتكي

ويقووول اليهال يلعبون والوحد يبي 300 رياال...ليييش ويين قاعدين..

وتم يتشكى ونسى الموضوع الي جاي علشانه ههههههههههه

[ولد العديد]

أعلنت الهيئة العامة للسياحة عن تخفيض أسعار الألعاب بمدينة “صيف الدوحة” الترفيهية تلبية لطلب الجماهير والزوار وبسبب الإقبال الكبير الذي شهدته المدينة، وبلغ عدد زوار المدينة الترفيهية منذ افتتاحها الأسبوع الماضي أكثر من 40 ألف زائر.
وقامت هيئة السياحة بتخفيض أسعار بعض الألعاب من 15 ريالا إلى 10 ريالات وألعاب أخرى من 10 ريالات إلى 5 ريالات. ووفقاً للتعديل في الأسعار أصبحت كل ألعاب الأطفال دون سن العاشرة بين 5 و10 ريالات فقط ولا تزيد على هذا السعر. من جهة أخرى ثبتت اللجنة المكلفة من قبل السيد أحمد النعيمي رئيس الهيئة العامة للسياحة أسعار وجبات المطاعم الموجودة بمدينة “صيف الدوحة”.

http://www.raya.com/site/topics/article.asp?cu_no=2&item_no=550740&version=1&template_id=18&parent_id=17

[الحـ(درب)ـب]

عدد الألعاب اللي بـ 15 ريال 5 العاب فقط

من اصل 21 لعبه

غير الألعاب الإلكترونية اللي عددهم تقريبا 12 لعبه وكلها على 5 ريال

[الحـ(درب)ـب]

نسيت اقول ان اللي موجود بأرض المعارض هو : مدينة ترفيهية وليست مهرجان

كلمة مهرجان تطلق على المهرجانات اللي تمشل المجمعات التجارية والشوارع والفعاليات المختلفة

والمهرجانات يبيلها ميزانية قوية

اما الموجود فهو مجرد مدينة صيفيه ترفيهيية وللأسر بشكل عام :)

[بوحارب]

أعلنت الهيئة العامة للسياحة عن تخفيض أسعار الألعاب بمدينة “صيف الدوحة” الترفيهية تلبية لطلب الجماهير والزوار وبسبب الإقبال الكبير الذي شهدته المدينة، وبلغ عدد زوار المدينة الترفيهية منذ افتتاحها الأسبوع الماضي أكثر من 40 ألف زائر.
وقامت هيئة السياحة بتخفيض أسعار بعض الألعاب من 15 ريالا إلى 10 ريالات وألعاب أخرى من 10 ريالات إلى 5 ريالات. ووفقاً للتعديل في الأسعار أصبحت كل ألعاب الأطفال دون سن العاشرة بين 5 و10 ريالات فقط ولا تزيد على هذا السعر. من جهة أخرى ثبتت اللجنة المكلفة من قبل السيد أحمد النعيمي رئيس الهيئة العامة للسياحة أسعار وجبات المطاعم الموجودة بمدينة “صيف الدوحة”.

http://www.raya.com/site/topics/article.asp?cu_no=2&item_no=550740&version=1&template_id=18&parent_id=17

اشكرك على الخبر

بس بعد مب رايحين لهم

ملاهي سيتي سنتر ابرك واحلى

عب البطاقة ب 250 ريال ويعطونك 125 ريال زيادة

وكل الألعاب ب 5 ريال :)

[alkoos]

أعلنت الهيئة العامة للسياحة عن تخفيض أسعار الألعاب بمدينة “صيف الدوحة” الترفيهية تلبية لطلب الجماهير والزوار وبسبب الإقبال الكبير الذي شهدته المدينة، وبلغ عدد زوار المدينة الترفيهية منذ افتتاحها الأسبوع الماضي أكثر من 40 ألف زائر.
وقامت هيئة السياحة بتخفيض أسعار بعض الألعاب من 15 ريالا إلى 10 ريالات وألعاب أخرى من 10 ريالات إلى 5 ريالات. ووفقاً للتعديل في الأسعار أصبحت كل ألعاب الأطفال دون سن العاشرة بين 5 و10 ريالات فقط ولا تزيد على هذا السعر. من جهة أخرى ثبتت اللجنة المكلفة من قبل السيد أحمد النعيمي رئيس الهيئة العامة للسياحة أسعار وجبات المطاعم الموجودة بمدينة “صيف الدوحة”.

http://www.raya.com/site/topics/article.asp?cu_no=2&item_no=550740&version=1&template_id=18&parent_id=17

واااايد عليهم

[منــار]

نسيت اقول ان اللي موجود بأرض المعارض هو : مدينة ترفيهية وليست مهرجان

كلمة مهرجان تطلق على المهرجانات اللي تمشل المجمعات التجارية والشوارع والفعاليات المختلفة

والمهرجانات يبيلها ميزانية قوية

اما الموجود فهو مجرد مدينة صيفيه ترفيهيية وللأسر بشكل عام :)



مدينه ترفيهية .. مهرجان .. مااااافي تنظيم .. مافي خطة يمشون عليها ..
اشدعوه ما يمديهم يفتحونها الا خفضو الاسعار .. ليش ما درسو السوق المجمعات كلها فيها العاب وارخص بعد ..

مدن ترفيهية فااااشله .. لجنه اشرافيه فاشله .. اسعار متذبذبه كل شوي في نزول ..

ما في خطة وااااضحة ...

الله يعينهم ع نفسهم ... يجيبون الكلام حق نفسهم ..

[باسكن روبنز]

الي ماعندووش مايلزمووش ،

[sara jsm]

:) انزين رحوا جنغل زون او مدينة العاب الدوحة ,,
او سيركس لاند ,, فيها اشياء حلوة ,,
والله يعينكم ان شاءالله ,,

[JN000N]

الي ماعندووش مايلزمووش ،

اومال يعملو اييه؟؟ يئعدو فالبيت كده يئطعو القزر ويحشو الكوسه،؟؟


اخوي
وعليه عليهم هل قطر واللي ماقدر يسافر بسبة ظروفه ويوم واخيرا سوولهم شي هني فالدوحه،،،، واليهال يشفون عالمكان اخرتها يطلع غالي

عيل وين يروحون الناس؟ وين يطقون براسهم فهالجو التعيس والزحمه واللغلغ*

[خليفة77]

مهرجان صيف قطر هالسنه ماله حس!!!!!

[CH Engineer]

والله حاسين فيج اختي الله يعينج
الي عنده يهال ويدخلهم مايقدر يقولهم العبوا لعبتين او ثلاث واقعدوا..
يقولون 40 الف زائر في اسبوع
لو يخلون رسوم للدخول بـ 50 ريال والطفل يلعب على راحته افضل
لو نحسبها على 40 الف زائر بتطلع 2 مليون ريال في الاسبوع..
ماتكفيهم 2 مليون ؟؟
ومنها يربحون تذاكر الخدم والعائله الي تدخل مع الاطفال..
هذا غير الاكل
يعني تخيلوا 40 الف زائر بيشرب وياكل شوفوا الدخل الي بيجيهم من المأكولات....

الواحد مايقدر يلعب عياله ب 1000 ريال غير حساب الاكل وفوق هذا يتحفظ على الوقت عشان مايزيد المبلغ من 1000 الى 2000 ريال..
وبعد يومين يجيك ولدك ويقولك يبي يروح نفس المكان....... $$

[حليتان*]

هههههههههههههههههههههه

نفس العام يفتحونها وعقب ينزلون اسعارها لما يطلعون الربح العدل


العام رحت مع الاهل ولعبنا اليهال اول يوم :( وعقب نزلو الاسعار ورحنا مره ثانيه :)
والسنه بعد رحنا اول يوم وكان ظو :( واليهال استانسو على لعبة الحصان اللفه الوحده 10 مادري 15
والحين رخصوو يعني لنا روحه ثانيه :)

[الجوكر90]

السلام عليكم
اخوي الي قال عن ال50 ريال
حتى لو خلوا ب50 راح تتكلمون ليش 50 ريال
انزين الي مايبي يلعب يدفع 50 ريال
نفس اكوا بارك

وهم سووا كل لعبه بفلوس عشان الزحمه لان الي يلعب اللعبه راح يرجع ويلعبها مره ومرتين
وراح تحصل زحمه ع اللعبه والوحده

وانت تقول مليونين
ترى الايجار فالاسبوع مليونين وزياده
ومب عشان اربحوا وطلعوا فلوس الالعاب نزلوا الاسعار
هاي يسمونه marketing
يعني هم يبون يخلونك انت وغيرك تمرونهم بعد مره وتدفعون
يعني 40 الف راحوا اول اسبوع
بس يوم ينزلون السعر وولدك الصغير يسمع او يقرى راح يحن عليك عشان توديه

يعني بالمختصر اغراء

وانت الي راح تاكلها يالمواطن

وانا الحمدلله ماعندي غير اخوي الصغير ومسكين مايطلع من البيت
اقوله قوم نروح فيلاجيو عشان العبه يقول مابي

والله يعينكم اهل قطر
لو كان فاليد شي مابخلنا عليكم

[حقيقه]

مدينه ترفيهيه للأطفال والمراهقين فقط