المساعد الشخصي الرقمي

مشاهدة النسخة كاملة : السلام عليكم... بخصوص فحص الجينات...


Rayane
28-07-2010, 02:55 PM
كيف الحال اجمعون...

ان شاء الله تفتوني يا جماعة الخير....

انا متزوج وما كان عندي بفحص الجينات....

وانا أخذت وحده قريبه مني جداً....

وبالصدفه عرفت ان اكثر التشوهات الخلقيه والاعااقات في الاطفال( الله يبعدنا وياكم عنها ان شاء الله ) من الجينات وسالفتها...

فيا ريت أحد يفتيني في السالفه هذي ولا وين اروح افحص على السالفه هذي ويا ريت تكون عياده خاصه لاني مالي خلق لمستشفى حمد ومواعيدهم اللي تمرض القلب...

مع العلم انه علي بنت وللحين الحمدلله ما تشتكي من شئ....

في انتظاركم....
الراقيه سبشل
28-07-2010, 02:58 PM
السلام عليكم

انا اختي سوت الفحص بالمركز الصحي الي بالمطار .. اتصلت فيهم وحددت موعد وراحت

بالنسبة للعيادات الخاصة والله ماعرف عنها

والله يحفظ لك عيالك
fatima88
28-07-2010, 04:11 PM
اعتقد المراكز الصحيه فيها هالفحص...
Rayane
28-07-2010, 05:19 PM
انا اللي فهمته انه المراكز الصحيه العآديه بتسوي الفحص عادي...

اللـــــــــه يجزاكم خير......


ويبعد عنكم البلاآ
شويهينــه
28-07-2010, 06:16 PM
مرحبا اختي الريان

بخصوص فحص الجينات مستشفى حمد عندهم مختبر خاص للامراض الوراثيه وفيه فريق طبي مختص لمثل هالامراض

بس سؤالي لج هل يوجد عندكم في العيله مرض وراثي معين؟؟ (الله يبعد عنكم الشر) لانه يصعب معرفه المرض الوراثي بدون وجود حالات مصابه في العايله

واي استفسار انا حاضره لج
Rayane
28-07-2010, 06:35 PM
أسمي ريآآآآآآآني ^_^

ومشكوره يالغاليه على التجاوب...

عايلتنا ما فيها امراض ولله الحمد اللهم الـــسكري والضغط....

اما اعاقات او تشوهات فلله الحمد والمنه والفضل ما في...
**هـتــــــان**
28-07-2010, 07:09 PM
ايه صح في حمد يسووون الفحص الوراثي ويطرشونه على ماعتقد لالمانيا وينتظرون الرد ..
شويهينــه
28-07-2010, 07:15 PM
أسمي ريآآآآآآآني ^_^

ومشكوره يالغاليه على التجاوب...

عايلتنا ما فيها امراض ولله الحمد اللهم الـــسكري والضغط....

اما اعاقات او تشوهات فلله الحمد والمنه والفضل ما في...

:shy: السموحه اخوي

والحمدلله ان مافيكم شي

عيل اي فحص حاب تسويه؟؟
شويهينــه
28-07-2010, 07:16 PM
ايه صح في حمد يسووون الفحص الوراثي ويطرشونه على ماعتقد لالمانيا وينتظرون الرد ..

صح اختي هتان يطرشون الفحص برع للامراض النادره اللي ماتكون منتشره بشكل كبير

لكن في فحوصات تصير في حمد
Rayane
28-07-2010, 10:28 PM
:shy: السموحه اخوي

والحمدلله ان مافيكم شي

عيل اي فحص حاب تسويه؟؟

انا اللي فهمته انهم ياخذون دم ويقارنون بين الفحوصات اذا في مشاكل والا لا...
هذا قصدي

يعني ابي اتطمن....
باسكن روبنز
28-07-2010, 10:31 PM
الله يبعد عنا وعنكم الامراض ويرزقكم بالذريه الصالحه ،

شويهينه يزاج الله خير على بادرتج الطيبه للمساعده ،