المساعد الشخصي الرقمي

مشاهدة النسخة كاملة : ردوا علي مشكلة في الآي فون



Cute Mother
28-07-2010, 07:45 PM
مساء الخير للكل
انا الصراحة البارحة شريت اي فون ومبسوطة فية وقلت ياله راح انزل البرامج والعب فيه لكن تفاجئت باول برنامج انزله يطلب مني الباسورد لايميل موجود بالتليفون وانا مااضفت ايميل ابدا وراعي المحل يقولي مش مستعمل وحاسبني على هالاساس ورحت اليوم وقلته تليفونك مستعمل قال شلون قلته القصه قال هذا ايميلي عشان اشبك على الواير لس قلت يعني استعملته قال لا تخيلوا ودخل علي بموضوع الشركات لازم انزل ايميل عشان البرامج قلت يعني التليفونات كلها لازم ينحط فيها ايميل من محل التليفون اول مرة اسمع وفي الاخير كتب لي الباسورد ماله عشان انزل البرامج وانا مش مقتنعه
عندي حق او لا ؟؟!!!!ولا قص علي !!!!!!!!!!!!!!!!!!!!!

M007
28-07-2010, 07:51 PM
يمكن EMAIL لل Itune

Cute Mother
28-07-2010, 07:58 PM
مافهمت ممكن تشرح (^_^)

عضو قديم
28-07-2010, 08:02 PM
هالسالفة صارت مع واحد من الشباب بالضبط وراح عند راعي المحل وقاله روح اشتك
وبخط صغير في الفاتورة مكتوب البضاعة المباعة لا ترد ولا تستبدل

Cute Mother
28-07-2010, 08:04 PM
اه بروح اشووووف الفاتورة

شنب
28-07-2010, 08:08 PM
اذا تبين تشترين او تنزل برامج والعاب
لازم يكون عندج اشتراك في موقع itunes
و اذا تبين تشترين شي من الستور لازم يكون عندج itunes card
هالكرت ينباع في اللندمارك .. تحصلينه عند اللي يبيع جرايد و مجلات
جنه بس عنده 50 دولار و 100 دولار

Cute Mother
28-07-2010, 08:09 PM
الفاتورة مكتوبة تحت البضاعة لاترد ولاتستبدل لكن معلم عليها بالقلم االاسود ولايبين ولااعرف ليش ؟؟؟؟؟

روح الاطلس
28-07-2010, 09:01 PM
بكم شريتي الايفون ؟
ادري سؤالي خارج عن الموضوع:shy:

شيط ويط
28-07-2010, 09:05 PM
إذا كان عرض البيع مع برامج والعاب منزله من المحل معناته فتح الجهاز وعشان ينزل البرامج والالعاب لازم يكون عنده (حساب) والعادة يكون إيميل وباسورد .. اما إذا كان عرض البيع جهاز جديد من غير أي إضافات او برامج .. فأقترح عليج ترجعينه له ويعطيج واحد جديد بداله بدون استعمال وإذا رفض قولي له بشتكي عليك في مركز الشرطة .. روحي أقرب مركز شرطة وقدمي بلاغ

دعوه
28-07-2010, 11:33 PM
اختي ادخلي موقع www.apple.com وحملي الايتونز وسوي لج اكاونت وبتقدرين تنزلين العاب وبرامج مجانيه وتقدرين تشترين عن طريق الفيزا او الايتونز كارد

واذا تلفونج نسخته 3.1.3 او .3.1.2 تقدرين تنزلين برنامج ينزلج الالعاب والبرامج الي بفلوس ببلاش

اتمنى اكون افدتج

aljaber1
28-07-2010, 11:44 PM
لو الجوال مافيه مشاكل والامور تمام
تناسي الامر وبلا عوار راس
والله يبارك لج

الـقـاسـي
28-07-2010, 11:48 PM
ترى حتى لو مكتوب على الفاتوره البضاعه المباعه لاترد ولاتستبدل يرده ويبدله غصب عنه لانه القرار اللي نزلوه حمايه المستهلك يمنع هالعباره ..
لاتخلينه ولاتسكتين له روحي اشتكي عليه في مركز الشرطه هو باعه مستعمل على اساس انه جديد ..

شنب
28-07-2010, 11:58 PM
بس بوضح لج نقطه

App Store هو اللي تشترين و تنزلين منه البرامج و الالعاب

بس اللي مشتركين بحساب قطري في الـitunes ما يقدرون يشوفون كل البرامج و الالعاب اللي في الستور
فـ اذا تبين تسوين حساب امريكي في الـitunes عشان تقدرين تشوفين كل شي
شوفي هالفيديو (سكري صوت الأغنيه اللي فيه)
http://www.you tube.com/watch?v=SpU0NyqkNwk
امسحي الفراغ اللي بين you و tube

Cute Mother
30-07-2010, 02:05 AM
شكرا لكل اللي ردوا علي

Cute Mother
30-07-2010, 03:47 PM
اذا تبين تشترين او تنزل برامج والعاب
لازم يكون عندج اشتراك في موقع itunes
و اذا تبين تشترين شي من الستور لازم يكون عندج itunes card
هالكرت ينباع في اللندمارك .. تحصلينه عند اللي يبيع جرايد و مجلات
جنه بس عنده 50 دولار و 100 دولار

راح اشتريه وانزل برامج وللحديث بقية بعد التجربة
شكرا على المعلومة :)

Cute Mother
30-07-2010, 03:51 PM
بكم شريتي الايفون ؟
ادري سؤالي خارج عن الموضوع:shy:

شريته 3000 ولاني شاطرة خذيته 2950 في الاخير طلع مستعمل :weeping:

Cute Mother
30-07-2010, 04:08 PM
إذا كان عرض البيع مع برامج والعاب منزله من المحل معناته فتح الجهاز وعشان ينزل البرامج والالعاب لازم يكون عنده (حساب) والعادة يكون إيميل وباسورد .. اما إذا كان عرض البيع جهاز جديد من غير أي إضافات او برامج .. فأقترح عليج ترجعينه له ويعطيج واحد جديد بداله بدون استعمال وإذا رفض قولي له بشتكي عليك في مركز الشرطة .. روحي أقرب مركز شرطة وقدمي بلاغ



لا للاسف الشراء ماكان فيه عرض العاب او برامج وقالي تقدرين تنزلين بنفسج من الايميل الموجود وخذت الباسورد منه يمكن هذا السبب الوحيد لوجود الايميل على العموم هو فادني في البرامج الفري وقاعده انزل منه هذا على حسب معلوماتي
اما من ناحية الشرطة جذيه راح تكبر السالفة ؟؟؟؟؟:eek5:

Cute Mother
30-07-2010, 04:10 PM
:)
اختي ادخلي موقع www.apple.com وحملي الايتونز وسوي لج اكاونت وبتقدرين تنزلين العاب وبرامج مجانيه وتقدرين تشترين عن طريق الفيزا او الايتونز كارد

واذا تلفونج نسخته 3.1.3 او .3.1.2 تقدرين تنزلين برنامج ينزلج الالعاب والبرامج الي بفلوس ببلاش

اتمنى اكون افدتج

شكرررررررا على المعلومة الحلوووة

Cute Mother
30-07-2010, 04:11 PM
لو الجوال مافيه مشاكل والامور تمام
تناسي الامر وبلا عوار راس
والله يبارك لج

الله يبارك فيك:)

Cute Mother
30-07-2010, 04:20 PM
[quote=الـقـاسـي;6167638]ترى حتى لو مكتوب على الفاتوره البضاعه المباعه لاترد ولاتستبدل يرده ويبدله غصب عنه لانه القرار اللي نزلوه حمايه المستهلك يمنع هالعباره ..
لاتخلينه ولاتسكتين له روحي اشتكي عليه في مركز الشرطه هو باعه مستعمل على اساس انه جديد ..[/quot

مكتوب بالفاتورة لكن حرام معلم عليه بللاسود يعني لاتلبسونه قضية ثانيه :)
خلاص انا شكلي خذيت على هالجوال وتسلمون :)

Cute Mother
30-07-2010, 04:21 PM
بس بوضح لج نقطه

app store هو اللي تشترين و تنزلين منه البرامج و الالعاب

بس اللي مشتركين بحساب قطري في الـitunes ما يقدرون يشوفون كل البرامج و الالعاب اللي في الستور
فـ اذا تبين تسوين حساب امريكي في الـitunes عشان تقدرين تشوفين كل شي
شوفي هالفيديو (سكري صوت الأغنيه اللي فيه)
http://www.you tube.com/watch?v=spu0nyqknwk
امسحي الفراغ اللي بين you و tube

شكرا على المعلومة الحلووة:)

OREO
30-07-2010, 05:01 PM
الله يهديج اي شرطه و اي مركز :)

الرجال يوم باع لج التلفون حب يخدمج و السالفه كل مافيها بأن الاي فون يوم تشترينه يكون غير مفعل و التلفون ما يشتغل الا يوم يتم التفعيل .. و التفعيل لاول مره لازم تشبكين الاي فون مع برنامج الاي تون من الكمبيوتر .. فلذا البايع اختصر الموضوع و خدمج و قصر عليج الوقت ..

الحل ..

روحي على حساب التلفون من خانة الاعدادات و الغي الحساب الخاص بصاحب المحل او بالاصح بالايميل الموجود ..

و بعدها امسحي البرامج اللي نزلتيها بإيميل القديم .. لان راح تواجهين مشاكل في الايام الجايه يوم انج تبين تحدثين البرامج ..

اول خطوة .. امسحي الايميل السابق الخاص بصاحب المحل كما ذكرت سابقا ..

الخطوة الثانيه اشبكي الاي فون مع الكمبيوتر و خليه يتزامن مع برنامج الاتون ( البرنامج تقدرين تنزلينه من موقع ابل )

روحي من برنامج الاتون على قسم البرامج و لا تختارين البرامج الموجوده في الواجه .. ابحثي من الخانه اللي على اليمين و بتحصلين مجموعة مجزئة من البرامج مكتوب عليها يا انها مجانيه او انها بفلوس ..
طبعا انتي اختاري اللي هي مجانيه و اختاري اي برنامج لاول مره و هذا الشئ بمثابة التسجيل لاول مره فقط و بعدها يطلع لج انج تدخلين الايميل و الباسورد .. طبعا اضربي على خانة تسجيل جديد او شي جذي و سوي لج الاكاونت و لا تنسين يوم توصلين خانة الفيزا او الماستر كارد بأن تحطين علامة الصح على خانة المجانيه فقط Free و بعدها توصلج على الايميل وصلة التفعيل و اضربي على الوصله و بعدها تقدرين تنزلين البرامج سواء من الكمبيوتر او من التلفون مباشره .. لا تنسين طبعا في التلفون تحطين الايميل الخاص فيج مع الباسورد اللي سويته كحساب جديد من الاي تون ..

و كان الله غفورا رحيما و لا تقولين الرجال استعمل التلفون و لا تقولين شرطه :) ..

HSK
30-07-2010, 07:11 PM
بصراحه مافهمت اذا حد ممكن تشرحين اكثر يمكن اقدر اساعدج ^_^