المساعد الشخصي الرقمي

مشاهدة النسخة كاملة : الله لايهينكم عندي vx-r موديل 2007


làst çhàncè
29-07-2010, 02:31 AM
السلام عليكم






الله لايهينكم عندي VX-R موديل 2007

ولعت لمبة في الطبلون مكتوب فيها T-belt

والسياره مااشيه 150 الف كيلو , شــــسوي ؟ :omen2:
وسام الخليج
29-07-2010, 02:36 AM
مرحبا أخوي هذا الله يسلمك التايمن بلت مال الماكينه (سير الماكينه )لا زم يبدل الان العمر الافتراضي له من 140كم الين 160كم وتحياتي لك
فاضل العنزي
29-07-2010, 04:39 AM
تقدر تروح للوكاله يبدلونه له يكلفك تقريبا من خمس الالف الى ست

وعندك كراج دكار يبدله لك بس ناسي كم شغل يده

وهذه الطريقة لازالة اللمبه لاصحاب 6 سلندر

الطريقة كالاتي

- اضغط على زر تصفير الطبلون ضغطه مطوله وانت ضاغط افتح مفتاح تشغيل السياره الى الاخر دون تشغيل السياره

2- استمر ضاغط على زر التصفير لفترة 15 ثانيه بعد فتح المفتاح

3- بعد مرور 15 ثانيه اترك زر التصفير

4 - يضهرلك في شاشة عدد الكيلوات رقم زود الرقم في الشاشه بالضغط على زر التصفير ضغطات متتاليه حتى يصبح الرقم 15 ويعني ذلك 150 الف كيلو

5- اضغط على زر التصفير مره اخرى ضغطه مطوله لمدة خمس ثواني او اكثر الى ان تعود شاشة عداد الكيلوات لوضعها الطبيعي

6- اغلق المفتاح ثم افتحه مره اخرى وشغل السياره وانظر ما ذا يحدث
وبذلك تكون قد سجلت تشغيل اللمبه المره القادمه بعد 150 الف كيلو وبأمكانك تقليل الرقم 15 الى 10 ويعني ذلك 100 الف كيلو

طبعا 6 سلندر مايحتاج يبدلون السير لانه حديد بعكس الثمانيه يكون ربر او مطاط
بوالفاروق
29-07-2010, 05:01 AM
شوف الله يسلمك ..

انا قبل تقريبا شهرين بدلت ..

في اغراض تاخذها ومرة وحدة تبدلها من السير وجم شي غيره ما اتذكر
راعي الكراج يعرفهم .. ويكلفون من محل قطع الغيار حول 1500 ريال
انا خذتهم من الواحة اتعامل معاه ..

عقب الشغل سويته في التيسير بـ700 ريال بس رووح مكان ثاني
في الوكالة اغلى بس افضل وشوف احسن كراج او دكار .

ولاتحاتي هالشي يظهر كل 150 الف بس استعجل عليه ولاتمشي بالموتر واايد
على طول وده ..

تحياتي

:)
الرمح الطويل
29-07-2010, 10:04 AM
اخوى شغله حوالي 1500 الريال لا تروح الوكاله ب5000 رالريال
sos 12
29-07-2010, 10:22 AM
التايمنق بلد قيمته 350 ريال ... ماء رديتر 70 ريال ... والسير حق المروحة تقريبا 280 ريال اذا كان تعبان .. وشغل يد 500 ريال مع البرمجة نفس الحركة الي قالك الاخو فاضل العنزي... ... اي كراج بسويها لك ... الموضوع سهل جدا جدا ... بلا وكالة بلا تيسير وين تدفع 5000 و 2000 ... الموضوع كلفني الي ذكرته لك ... وسلامتك ... اذا تبغي الكراج الي اشتغلي في موتري راسلني على الخاص .. وباعطيك اسمه وعنوانة ... وموتري الحين ماشي 200 الف ... الحمدالله بدون مشاكل تذكر.
الحـ(درب)ـب
29-07-2010, 12:13 PM
للتوضيح

السيارات اللي هي 8 سلندر يجب تغيره لانه سير مطاطي داخل المكينه والشباب شرحووه لك


بالنسبة للسيارات اللي هي 6 سلندر ماعليك اإلا انك تطفي اللمبة بالحركة الموجوده للأخ فاضل ولاخوف على السيارة لان السير داخل المكينه جنزير(( حديدي )) ولاتبدله إلا اذا طلع لك صوت بالمكينة فقط (( صوت الجنزير يعني صوت عادي مو مهم ))


وتقبل مروري اخوك درب الحب
al_qa76ani
29-07-2010, 01:39 PM
الشيخ اذا رايح الامارات سوه هناك مايكلفك 400 ريال مع التصليح

اهنيه اشتر السير رخيص بس شغل اليد بياخذ 700 في التيسير وبصراحه شغلهم مب اوكيه ساعات يخربون المكيف ويسببون تهريب ....والشي اللي يكلف انهم يطلبون منك تبديل قطع مالها داعي بس بما انه فك فالتبديل مطلوب مثل الواتر بم ..وبعدين عشان تطفي الليت عندك كهربائي المعموره او شركة التويوتا بياخذون 120 ريال تقريبا الاسعار مش اكيده واذا انت انسان محافظ اسفه كل شي بس اذا الليت مزعجك طفه في الوكاله بالكمبيوتر شغلة نص ساعه ...وتراك كل 150 الف بيولع الليت بس مش شرط يتبدل ...
al_qa76ani
29-07-2010, 01:40 PM
واذا لك خاطر في البيع حاظرين ....ادري الموتر هالايام طايح من عينك ...بس نصيحة لا تبيع
اهـم001
29-07-2010, 02:08 PM
دكار شغله 100 بال100
وده لهم وقوله يبدله
làst çhàncè
30-07-2010, 02:29 AM
الله يعطيكم العافيه وماقصرتو ..,,,
باسكن روبنز
30-07-2010, 06:31 PM
للتوضيح

السيارات اللي هي 8 سلندر يجب تغيره لانه سير مطاطي داخل المكينه والشباب شرحووه لك


بالنسبة للسيارات اللي هي 6 سلندر ماعليك اإلا انك تطفي اللمبة بالحركة الموجوده للأخ فاضل ولاخوف على السيارة لان السير داخل المكينه جنزير(( حديدي )) ولاتبدله إلا اذا طلع لك صوت بالمكينة فقط (( صوت الجنزير يعني صوت عادي مو مهم ))


وتقبل مروري اخوك درب الحب

،،،،،،:ok: