موضوع خاص لأي استفسار عن التويوتا وتحديداً اللاند كروزر ،

[باسكن روبنز]

السلام عليكم ورحمة الله وبركاته ،

لاحظت كثير من مواضيع قسم السيارات عن مشاكل واكسسوارات التويوتا واللاند كروزر بالتحديد ،

ونظراً لخبرتي المتواضعه في هالامور حبيت اعرض ماعندي لكم ،

شفت اغلب المواضيع متكرره لنفس الغرض لذا اقترحت طرح اي مشكله هنا بموضوع واحد حتي يستفيد الكل ،

وان شاء الله ينال الموضوع اعجابكم واتمنى مشاركة الجميع من ذويي الخبره ،

ولا نريد مشاركات من وحى الخيال واكسبوا الدعوه الطيبه لمساعدتكم وتسهيلكم لصاحب المشكله ،

والرجاء تحديد موديل السياره ونوعها بالضبط لتحديد المطلوب عمله ،

اياً كان من ارشادات لافضل الكراجات او شراء القطع المطلوبه من محل معين او الطلب عن طريق الانترنت ،








وان شاء الله تصب الفائده لمصلحة الجميع ،

في انتظار اول مشكله ،


:)

[MiSsY]

حلوو موضوعك

وان شاء الله تكون حيادي ف الطرح

لان شفت مواضيع !! يبون الشي ويذمون فيه تناااااقض مب طبيعي

[عاشق ميونخ]

مشكور اخوي على الموضوع وشكلك مدمن باسكن

[qatari 111]

طرح مفيد يعطيك العافيه اخوي

[مسااااااااهم]

جزاك الله خير أخوي موضوعك مفيد جدا
عندي gxr 2008 منزوعة أجزاء بسيطة من الخطوط شوهت منظره
في حل غير تبديل الخطوط
واذا كان ولا بد من التبديل وين احسن مكان يشيل الخطوط ويركب لي خطوط جديدة اصلية طبعا
ودمت بخير وعافيه

[الـقـاسـي]

الله يعطيك العافيه فعلا موضوع مميز وبينفع كثير من الناس ولا مانع من تبادل الخبره وتقديم النصح بين الاعضاء..

[باسكن روبنز]

حلوو موضوعك

وان شاء الله تكون حيادي ف الطرح

لان شفت مواضيع !! يبون الشي ويذمون فيه تناااااقض مب طبيعي

قدها وقدود ان شاء الله ،

والنصيحه فيها ذمه واتمنى الكل يستفيد ، :victory:



مشكور اخوي على الموضوع وشكلك مدمن باسكن

هههههههه تقريباً ،

العفو يا عاشق مينوخ وحياك الله بأي وقت ،




طرح مفيد يعطيك العافيه اخوي

الله يعافيك يا قطري111 ، :nice:




جزاك الله خير أخوي موضوعك مفيد جدا
عندي gxr 2008 منزوعة أجزاء بسيطة من الخطوط شوهت منظره
في حل غير تبديل الخطوط
واذا كان ولا بد من التبديل وين احسن مكان يشيل الخطوط ويركب لي خطوط جديدة اصلية طبعا
ودمت بخير وعافيه

الخط لي تقشر مافي الا تغيره لاينصبغ ولايتعدل ،

وافضل حل هو التغيير وانا قلبت موتري من جي اكس لي فكسار شلتهم عند الوسام الي بمحطة اللاند مارك ب150 ريال وللعلم ترا يشيلهم بالبترول بس لاتحاتي البودي ماعليه مضره من تشيلهم ود موترك للغسيل طوالي ،

وركبت خطوط فكسار 2009 وشريتهم من القطري في الصناعيه ب950 ريال عقب الخصم ،

وركبتهم بالوكاله ب400 ريال ،

مع العلم انه محل الشيباني يشيل ويركب وعنده خطوط اصليه لو حاب تمره وتاخذ فكره ،

بس شخصياً ماياز لي الا الوكاله وبقولك ليش ،

ولازم تودي لهم فاتورة الخطوط عشان تثبت لهم انها اصليه لانه شغل يدهم عليه ضمان شهر واي خطأ بالتركيب هم يتحملونها ،




:)




الله يعطيك العافيه فعلا موضوع مميز وبينفع كثير من الناس ولا مانع من تبادل الخبره وتقديم النصح بين الاعضاء..

صحيح بارك الله فيك ،

والله يسلمك ويعافيك يالقاسي ،




:nice:

[بوميثه]

اسمحلي يابسكن على المداخله
بس نصيحتي حق الريال انه يودي موتره النورمندي ويركب الخطوط اهناك الصراحه ماعليه كلام من سنييييييين واحنا انودي مواترنا عنده سوا كان موتر يديد او قديم
وهاي راي
واسمحلي على المداخله ياباسكن وعسى الله يوفقك ويعطيك الف عافيه على الموضوع

[ابن مانع]

عندي لكزسس 2008 قزازتة الماميه فيها شعر كبير ودي ابدل القزازة وين افضل مكان غير الوكاله

[السد]

موضوع رائع

[qatarma]

يستاهل الرفع

[أعيان]

فعلا يستاهل الرفع

[al-erada]

وين احسن مكان يصلح ليك خفيف في البور لvxr2000 بس ما ادري من وين يليك يعني كل 6شهور ازيد وابي ابدل جامبينات دلوني يا الربع على واحد امين في شغلة وسعرة يكون معقول

[باسكن روبنز]

جزاكم الله خير ،

ويامرحبااا بكم ،

بو ميثه خذ راحتك يالشيخ بأي وقت عادي الموضوع موضوعكم ومانحط الا لخدمتكم ، :victory:

[باسكن روبنز]

عندي لكزسس 2008 قزازتة الماميه فيها شعر كبير ودي ابدل القزازة وين افضل مكان غير الوكاله

الشباب يمدحون الفارس الي بالصناعيه ،

بس شخصياً مانصحك الا بالوكاله لضمان شغل اليد خاصة انه هالشي حساس وأي غلطه بتكره الموتر من التنسيم وغيره ،

اشترها من اي مكان وهات الفاتوره الاصليه معاك للوكاله وركبها عندهم وحتي شغل يدهم عليه خصم ان شاء الله لما تدخل ورقتك على مديرهم ،

والقزازه تشتريها من برع يا الامارات او الحسا وتقدر تستفسر عن سعرها بمحل الحمادي بالشارجه وتقارن بينها وبين سعر الدوحه ،

محل الحمادي
971504988809+

محل القطري في قطر
44866016

[qatarma]

وين احسن مكان يصلح ليك خفيف في البور لvxr2000 بس ما ادري من وين يليك يعني كل 6شهور ازيد وابي ابدل جامبينات دلوني يا الربع على واحد امين في شغلة وسعرة يكون معقول

في محل ف طريق سلوى متخصص حق الباور بس والله ماذكر اسمه بس تقدر تسال عنه هو يكون قبل التضامن وبخصوص الجامبينات نفس الشي ف طريق سلوى في محل بروسلي

وتمنى حد يقدر يفيدك من الاعضاء لاني مبطي من لكروزرات وقراجاتهم

تحياتي لـــــكـ

[المبرمج صلاح]

http://www.samysoft.net/forumim/tarheeb/1/98173073.gif

[بو نووف]

طرح مفيد يعطيك العافيه

[باسكن روبنز]

وين احسن مكان يصلح ليك خفيف في البور لvxr2000 بس ما ادري من وين يليك يعني كل 6شهور ازيد وابي ابدل جامبينات دلوني يا الربع على واحد امين في شغلة وسعرة يكون معقول

مرحبا اخوي ،

شوف الله يسلمك تدل محل بروسلي الي على طريق سلوى ؟ ،

عدي المحل وعقبه بمحلين او ثلاثه بتحصل محل صغير يشتغل فيه ايراني شباب ،

ارخص من بروسلي والشباب يمدحون شغله ،

اشتر له جامبينات وكيس كامل عباره عن (كت ربلات) لسد الليك في الباور ،

ولاتروح بعيد عن قطع الغيار عندك محل لقطع الغيار الاصليه قبل وكالة التضامن بالضبط على نفس خط الكراجات ،

ملاحظتي لك بخصوص تصليح الليك ترا احتمال كبير انه مايضبط 100% يعني راح يتم يليك شي بسيط جداً وتقدر تزيده كل فتره طويله يعني كل شهرين تزيده شوي ،

بالنسبه للجامبينات اعتقد انها رخيصه وسعرها مايتجاوز 500 ريال نسيت بالضبط ،

واي استفسار تفضل ، :)

[باسكن روبنز]

تسلمون على المرور والتشجيع ،:nice:

وان شاء الله يعجبكم الموضوع يا شباب ولحد يستحي اي استفسار تفضلوا ، :)

[alkuwari.999]

حي الله باسكن روبن لاهنت ع الموضوع يالذيب ,,

عندي (( استفسار بسيط ))
عندي رنقات لكزس ابغي اصبغهم رمادي ,,
وين احسن مكان ,, يصبغ نااري اوشغله عدل ,,
او ع كم اسعارهم للرنق الوااحد ويعطيك الف عااافيه ,,

[باسكن روبنز]

حي الله باسكن روبن لاهنت ع الموضوع يالذيب ,,

عندي (( استفسار بسيط ))
عندي رنقات لكزس ابغي اصبغهم رمادي ,,
وين احسن مكان ,, يصبغ نااري اوشغله عدل ,,
او ع كم اسعارهم للرنق الوااحد ويعطيك الف عااافيه ,,

ولا من قال ياولد الشيخ ،

وانا معاك ادور لي كراج يصبغ رنقات ،
http://www.qatarshares.com/vb/showthread.php?t=385191&highlight=%D5%C8%DB+%D1%E4%DE%C7%CA


ان شاء الله تستفيد من الرابط ، :)

[alkuwari.999]

الشيخ من جابك وانت ولده ,,
خنفيد بعض وانا خوك ,,
جوف الراابط انشاءالله يفييدك ,,

http://www.qatarspeed.com/forum/thread117528.html

[بويعقوب]

يعطيك العافيه على هالموضوع المفيد

انا صبغت رنقات لكزس 20 في كراج النمر ( الكويتي )

شارع 27 وشغلة نظيف ومضمون باذن الله

والــ 4 رنقات كلفتني 800 ريال

[عزووز قطر]

الموضوع مميز

عندي جي اكس 2006 وماشاءالله عليه 10 على 10
بس فيه شي ينرفزني .. اكون ماشي في الشارع مثلا 80 ومن اشيل رجلي من الريس (( بدون بريك )) اسمع صوت ونة خفييييفة
رحت عند العبيدلي وبالتحديد عند امتياز .. قال فيه ونة كرونة بسيطة وزيدها آيل وبيروح الصوت ..
وديت الموتر التيسير وقلت له جيك على آيل الكرونة قالي مب ناقص وكل شي تمام..

برايك من الكرونة ولا من التواير ولا فيه طرف ثالث في الموضوع ؟؟

[الغلا كله لك]

الشيخ انا موتري جي اكس ار 2006 كان عندي صوت بعد 80


طلعوا من البرينغاااات إلي صوب السفايف خلهم يشكون عليهم

[عزووز قطر]

الشيخ انا موتري جي اكس ار 2006 كان عندي صوت بعد 80


طلعوا من البرينغاااات إلي صوب السفايف خلهم يشكون عليهم

عندك مكان مضمون يجيك عليهم ؟؟

[الغلا كله لك]

شوف تيسير او اي محل يغير السفايف انا اتعامل مع محل في طريق سلوى بس والله ما اعرف اسمه هي شغلته بسيطه وماتكلف تقريبا 300 قدام و300 ورى


وربي يعينك

[باسكن روبنز]

بخصوص اني نسيت الموضوع هههههه ،

تقبل الله صيامكم ياجماعه الخير ،

وراجع لكم بالردود ، :)

[عاشق ميونخ]

مبارك عليكم الشهر
يالربع لاهنتوا واحد من الربع يبغي يركب خطوط 2010 على موترة قلت باسألكم شرايكم وين يركب خطوط انا سمعت من زمان عن محل المها عند محطة بترول الوعب شرايكم في شغلة ولا اخلية يودية الوكالة....

[باسكن روبنز]

وين احسن مكان يصلح ليك خفيف في البور لvxr2000 بس ما ادري من وين يليك يعني كل 6شهور ازيد وابي ابدل جامبينات دلوني يا الربع على واحد امين في شغلة وسعرة يكون معقول

الجامبينات رخيصه تشتريها من نوبل ب450 ان ماخاب ظني ،

وتركيبها أي كراج بالغرافه او طريق سلوى كلهم يعرفون وتركيبها مايكلف واجد ،:victory:

بالنسبه حق ليك الباور ، شوف الله يسلمك هذي مايتصلح ولازم تغير ربلة الباور الطويله تحت تكون مابين التاير اليمين واليسار القدام ،

واذا تبي تتأكد بنفسك انه يليك بعلمك طريقه :

خل السياره شغاله ويجي حد يلف لك السكان كامل حد اليمين وحد اليسار ويتم شاير عليه ،

وبنفس اللحظه انت روح وطل على مكان التاير وبتحصل الآيل يطشر! بس حاسب لايلعوز الثوب ;) ،

بتشتري هالربله بـ500 وشي وتركيبها يمكن 200 او 300 والسموحه على التأخير ،





طرح مفيد يعطيك العافيه

الله يعافيك يا بونوف ، :)



يعطيك العافيه على هالموضوع المفيد

انا صبغت رنقات لكزس 20 في كراج النمر ( الكويتي )

شارع 27 وشغلة نظيف ومضمون باذن الله

والــ 4 رنقات كلفتني 800 ريال

تسلم يالذيب وفيك الخير ،

بيني وبينك مالي بارض كراجات واليوم عرضت الرنقات بالمنتدي للبيع وان شالله يروحون بسعر يطيب خاطري ، :)



الموضوع مميز

عندي جي اكس 2006 وماشاءالله عليه 10 على 10
بس فيه شي ينرفزني .. اكون ماشي في الشارع مثلا 80 ومن اشيل رجلي من الريس (( بدون بريك )) اسمع صوت ونة خفييييفة
رحت عند العبيدلي وبالتحديد عند امتياز .. قال فيه ونة كرونة بسيطة وزيدها آيل وبيروح الصوت ..
وديت الموتر التيسير وقلت له جيك على آيل الكرونة قالي مب ناقص وكل شي تمام..

برايك من الكرونة ولا من التواير ولا فيه طرف ثالث في الموضوع ؟؟

ردك هو المميز يا عزوز ،:nice:

صوت الونه اعتقد مثل ماقلت حد يضبط لك الآيل في الكرونه والدفريشن وشغل التيسير بطريق سلوى اعتقد زين بهالشي ،

ماعندي علم بالضبط ماقد مرت على هالمشكله والحمدلله ،

لكن واذا كان البيرنغ مثل ماقالوا لك الاعضاء ، انا مسويها بالتيسير ،

مع انه البيرينغ ماله خص على حد علمي ،:rolleyes2:

لانه البيرينغ الله يسلمك اخبر يتصلح لما التاير كامل يراقل والسياره تمشي ،

بس التجربه خير برهان وانت مر التيسير واسألهم عنه والسموحه على التأخير ،



مبارك عليكم الشهر
يالربع لاهنتوا واحد من الربع يبغي يركب خطوط 2010 على موترة قلت باسألكم شرايكم وين يركب خطوط انا سمعت من زمان عن محل المها عند محطة بترول الوعب شرايكم في شغلة ولا اخلية يودية الوكالة....

علينا وعليك ياعاشق ميونخ ،

الخطوط وايد محلات بيركبون له مثل المها والشيباني وغيرهم ،

بس نصيحه لايروح غير الوكاله لانه الخط حساس وأي غلطه بالتركيب عقب بيضطر يركب جزء جديد مكان الغلط والمحل ماراح يتحمل الغلط ،

الوكاله شغلهم عليه ضمان وتقدر تحاججهم لو صار شي غلط ،

سعر التركيب بالوكاله 400 ريال واذا عندك خطوط قديمه يشلونها ويركبونها بيصير الحساب 600 ريال ،

واذا بتشتري الخطوط من محل القطري اعتقد ارخص من الوكاله بس لازم تودي لهم الفاتوره ليتأكدون انها اصليه عشان ضمان التركيب وهم بيطلبونها منك ،

قبل كم شهر مركب عندهم ، :)

[qatari-vip]

المهااا زين وتركيبه مضبوط انا مركب عنده من سبوعين ب 200 ريال

[سـهـيـل]

يعطيك العافيه اخوي

كم سعر خطوط+شبك+علامات كروزر 2010 ؟

[al-erada]

فعلا يستاهل الرفع

[المورد3]

السلام عليكم
اخوي في ضربة بسيطة فالموتر من ورا
تحتاج شفط
وين احسن مكان حق هاي الاشياء

[لاجل QT]

موضوع مفيد

بالنسبة للكروزر...انا باقول من تعبيري لانى ماعرف شسم هالشي

الكروز حقتى يطلع صوت من داخل البانة..يوم بطلتها ..حصلت اللى يطلع الصوت واير يدور..مدري شسمة ..يوم شافة اللى يشيك على سيارتى في محطة وقود قالي الوير عمرة الافتراضي انتهي ولازم ابدلة بواحد من الوكالة...وانا مادل الوكالة اصلا..اذا يبدلونة في الغرافة ممكن حد يقولي وين ؟؟؟

وجزاك الله خير باسكن على الموضوع

[باسكن روبنز]

يعطيك العافيه اخوي

كم سعر خطوط+شبك+علامات كروزر 2010 ؟

الله يعافيك أخــوي سهيـل ،

أرخصـوا ومادري كم بالضبط لآني لقيت خطوط الجكسار2011 بـ1500 في محل الشيباني وأصليين طبعـاً ،

والشبك آذا تقصد مال الفكسـار الكروم الكامل في تجاري بـ500 والأصلي بـ1600 أعتقد ،

والعلامات تحصلها بمحل القطـري أصليه ورخيصه بحدود 200 ريـال ،













فعلا يستاهل الرفع

جزاك الله خيـر ،:nice:














السلام عليكم
اخوي في ضربة بسيطة فالموتر من ورا
تحتاج شفط
وين احسن مكان حق هاي الاشياء

وعليكم السلام يالمورد ،

يعتمد على حسب قـوة الضـربه ،

عندك 3 محلات ممكن تشيك وياهم ،

الكرستال ومحل غلاس آلي داخل محطة تيسير سلوى ومحل تقنية الأصباغ في محطة المسيله ،

وآن شالله آفدتك والسموحه للتأخيـر ياجماعه دخلاتي للمنتدي مهب كثيـره ،















موضوع مفيد

بالنسبة للكروزر...انا باقول من تعبيري لانى ماعرف شسم هالشي

الكروز حقتى يطلع صوت من داخل البانة..يوم بطلتها ..حصلت اللى يطلع الصوت واير يدور..مدري شسمة ..يوم شافة اللى يشيك على سيارتى في محطة وقود قالي الوير عمرة الافتراضي انتهي ولازم ابدلة بواحد من الوكالة...وانا مادل الوكالة اصلا..اذا يبدلونة في الغرافة ممكن حد يقولي وين ؟؟؟

وجزاك الله خير باسكن على الموضوع

الله يجزاج بمثله يالآجل قطـر ،

آعتقد الصوت آلي تقصدينه نفس الصوصوه (قريب من صوت العصافير) صح؟ ،

أعتقد السيور عندج تعبانه وأسعارها مب غاليـه ،

3 سيـور للمكيف والمكينه تشترينهم بـ150 ريـال أعتقـد عند محلات نوبـل بالغرافـه وأنتي رايحه للكراج ،

شغل اليد ياخذ نص ساعه بالكثيـر وشغل يدهم مايطوف 70 ريـال ،

أمممممم شلون بشرح لج المكان ،:rolleyes2:

آفضـل محل بالتعامل بالنسبه لي بوصف لج وآن شالله تدلين على وصفـي ،

وأنتي طالعه من نفق اللاند رايحه لأشارات الغرافه ،

آخذي الأشاره يسار وآدخلي الشارع الفرعي وكملي سيده قبل نهاية الشارع بتحصلين مسجد أبيـض كبيـر على الشارع وحوالينه كراجات وايـد آلي قراب من مجمع الغرافه مال عبايات الحريم ،

آدخلي عند هالكراجات وروحي لآخر كراج على الزاويه كلـش ،

أسألي عن بنغالي أسمه مقبول أو أسلام ،

مشوار ساعه بالكامل وتخلصين كل شـي

[الكاسر99]

عندي لكزسس 2008 قزازتة الماميه فيها شعر كبير ودي ابدل القزازة وين افضل مكان غير الوكاله

يمدحون الفارس لتركيب الزجاج


محله قريب من الجسر الجديد مال الصناعية

وأنت جاي من الصناعية رايح صوب الريان قبل الجسر بتشوف محلات كثيره على يمينك


لوحت المحل صفره ومكتوب فيها بالأسود

[لاجل QT]

الله يعافيك أخــوي سهيـل ،

أرخصـوا ومادري كم بالضبط لآني لقيت خطوط الجكسار2011 بـ1500 في محل الشيباني وأصليين طبعـاً ،

والشبك آذا تقصد مال الفكسـار الكروم الكامل في تجاري بـ500 والأصلي بـ1600 أعتقد ،

والعلامات تحصلها بمحل القطـري أصليه ورخيصه بحدود 200 ريـال ،














جزاك الله خيـر ،:nice:















وعليكم السلام يالمورد ،

يعتمد على حسب قـوة الضـربه ،

عندك 3 محلات ممكن تشيك وياهم ،

الكرستال ومحل غلاس آلي داخل محطة تيسير سلوى ومحل تقنية الأصباغ في محطة المسيله ،

وآن شالله آفدتك والسموحه للتأخيـر ياجماعه دخلاتي للمنتدي مهب كثيـره ،
















الله يجزاج بمثله يالآجل قطـر ،

آعتقد الصوت آلي تقصدينه نفس الصوصوه (قريب من صوت العصافير) صح؟ ،

أعتقد السيور عندج تعبانه وأسعارها مب غاليـه ،

3 سيـور للمكيف والمكينه تشترينهم بـ150 ريـال أعتقـد عند محلات نوبـل بالغرافـه وأنتي رايحه للكراج ،

شغل اليد ياخذ نص ساعه بالكثيـر وشغل يدهم مايطوف 70 ريـال ،

أمممممم شلون بشرح لج المكان ،:rolleyes2:

آفضـل محل بالتعامل بالنسبه لي بوصف لج وآن شالله تدلين على وصفـي ،

وأنتي طالعه من نفق اللاند رايحه لأشارات الغرافه ،

آخذي الأشاره يسار وآدخلي الشارع الفرعي وكملي سيده قبل نهاية الشارع بتحصلين مسجد أبيـض كبيـر على الشارع وحوالينه كراجات وايـد آلي قراب من مجمع الغرافه مال عبايات الحريم ،

آدخلي عند هالكراجات وروحي لآخر كراج على الزاويه كلـش ،

أسألي عن بنغالي أسمه مقبول أو أسلام ،

مشوار ساعه بالكامل وتخلصين كل شـي

دليتة قريب من بيتنا اعرفة:)

مشكور باسكن روبنز ماقصرت
بس الوايرمايطلع صوت العصافير والا كان خليتة يصوصو:)
تحياتو:nice:

[بوصلووح]

جزاك الله خير اخوي على الموضوع
مفيد والله خاصةً ان وايد من الشباب سياراتهم كروزرات
والله الواحد الي ماله في المواتر يتوهق لين يصير اي شي
يروح طريق سلوى و يشوفونه الهنود شكله مب فاهم
و يبدأ النصب في الأسعار و في القطع يقولون له كل شي خربان
و في الأخير قطعة صغيره او شي بسيط وهو مايدري .

انا مرة ابي أبدل جامبينات على نيساني
كنت حاط الجامبيات الاستراليه عقب ابي ارد مال الشركة
الا يقولي الايراني انهم خربانين ماينفعون
قلت له انزين خلاص مشكور
قالي بيعهم علي ب30 انا والله ماستفيد منهم بس جي بعلقهم في المحل زينه < يبي ينصب و ماعنده اسلوب خخ
قلت له لالا خلاص مابي ابيعهم مشكور
تم يحاول يقنعني انهم خربانين و ماينفعون .. و انا أقول في نفسي اي والله خربانين ليش ماستفيد 60 ريال بدل ماقطهم في البيت بس جي .. في الأخير مارتحت وماعطيته اياهم

رحت محل ثاني ابي أتأكد
قالوا لي انهم تمام و مافيهم أي شي
انقهرت على الايراني والله كنت على وشك ان ينقص علي .

المهم المقصد ان الموضوع زين لان في ناس مايعرفون وين العله في مواترهم اذا سمعوا صوت ولا حركة < وايد يهذر خخ

ياليت الموضوع يتثبت يالمراقبين و المشرفين
و ياليييت اكثر .. ينفتح موضوع للفتاكه ^ـ* .

[الشاااهين]

شكرا اخوي باسكن وبانتظار التثبيت انشاءالله

[U Welcome]

لا اله الا الله
محمد رسول الله





وحدووووووه

[بوعيسى1]

أرجوا من الاخوة المراقبين ومشرفين تثبيت الموضوع

[U Welcome]

يالربع عندي لكزس lx 470
الروموت حق الباب يفتح ويغلق كل الابواب ما عدى باب السايق
ولما اكون داخل الموتر اضغط زر اغلاق الابواب تنغلق كل الابواب ماعدى باب السايق
بس لما اكون بالخارج وادخل المفتاح في الباب كل الابوب تنفتح وتغلق

تهقون وين المشكله؟؟
ووين احسن محل ممكن يفيدني؟؟


شي ثاني
عندي واحد من الحساسات الخلفيه لا تعمل
وين ممكن اسويها؟؟
*

[qewc]

السلام عليكم ورحمه الله وبركاته

حي الله صديقي باسكن الي بيدلني على الي ابيه

طال عمرك وعمر الي يقرون في طاعه الله

عندي في اكس ار 2006 شاشه وابي تحديث للخرايط وين بحصل التحديث وبكم ؟

شكراً يا صديقي الصدوق

[ابو علاوي]

شكراً عالموضوع ياباسكن
موتري gx 2009
لما اضرب اي مطب او حفرة بالشارع تصيبه رجه
يعني ماتحس الموتر يمشي بنفس الاستقامة بعد مايضرب المطب
هل كل المواتر الجديدة كذه ولا بس موتري
علما كان عندي 2003 احسه ثابت عالطريق عكس هذا خفيف جدا
وترى ميزانيته مضبوطة وتوايره جديدة
وشكراً مرة اخرى

[دوحة الجميع]

أنا عندي فكسار 2002 وفي صوت طقه في الجير أسمعها كل ما أوقف وبعدها أحرك
أفيدوني ياشباب ؟

[qewc]

دوحه الجميع


يمكن من الدفع الرباعي

واذا الصوت قوي شيك على عمود الشفت

[U Welcome]

لا اله الا الله
محمد رسول الله

[HAMADZ]

السلام عليكم اخوي عندي جي اكس 2003 جير عادي الكارونه توين وفيها صوت اشتنصحني