ايه يايمه " احنا اهل الشؤون " انفطر قلبي الماً

[latty]

لم اتوقع ان تلك الغصه سوف تقف بحلقي وانا اتسوق مؤونه رمضان من احد الجمعيات التعاونيه سابقا " الميره" حاليا ..

عندما تسوقت بعض ما سوف نحتاجه في رمضان وكنت انتقد نفسي بثلاث قواري اسوقها انا والخادمه حتى اقتربت من المحاسب وكانت سيده في ال 55 تقريبا من العمر تسبقني بقاري وامامها احد الاشخاص يسبقها بالدور .

قلت لحالي اقف خلفها افضل من تلك الطوابير طال الوقت حتى انتهى الشخص الاول واخذت هي مكانه وقبل ان تنقل اغراضها على السير المتحرك قالت للمحاسب ( شوف بس يكون 850 ريال خلاص مانبي زياده بس 850 ريال)

وهز لها المحاسب راسه وهي كانت تظن انها سوف تفوز بكل ما اختارته من اغراض لكن هاهو السير يتوقف وساعة المبلغ تتوقف على 857 ريال والمحاسب يشرح لها وهي تقول زين زين وعينها على ماتبقى من الاغراض بالقاري :(:(

تالمت واقتربت منها قلت يمه خليه يكمل باقيه الاغراض قالت لا يمه لا كذا زين وهي تتصنع ضحكه ( يمه احنا اهل الشؤون ) ما يكفي لكل ذا دريول وخادمه وبيت ...يالله اصريت اساعدها ورفضت ابت كرامتها ان تساعدها وحده غريبه ما تعرفها رضت بما حازت عليه بــ857 ريال واقتنعت به بدعم من الشؤون الاجتماعيه او بما تكرمت به عليها
الله اعلم ماهي مطلقه ام ارمله ام ماذا...

هي رحلت لكن المشهد ومافيه حبسني مكاني وغصه بحلقي :(

يا الله يا الله كون بالعون

انا ليس لدي تعليق اكثر مما انا فيه لكن اترك لكم التعليق .

وكل عام والشؤون الاجتماعيه بخير

[الراقيه سبشل]

لاحول ولا قوة الا بالله :(

الله يكون بعونها ويساعدها هي وكل الي نفس حالتها

[مرتبش]

منظر مؤلم
الله يكون بعونها وعون كل محتاج
ويرزقها وايانا من حيث لانحتسب

[مستجدة]

كثيره هالحالات اختي وانا كثير كتبت عنهم وعن اوضاعهم
الشؤون الاجتماعي مع الاسف مافيه احد قلبه على هالفئه المحتاجه من اهل قطر مع انهم ينعدون على الاصابع
قيمة المساعده قليله 2000 ريال شنو تسوي حق بيوت مليانه اطفال وشياب كبار ومعاقين وارامل ومطلقات ويتامى مالهم اي مصدر رزق الا هالمساعده ليه انخليهم يحتاجون وتصل معهم للقمه وهم اهل قطر
قطر الكرم والشهامه اللي خيرها مغطي كل بقعه بالارض والله العظيم حرام انشوف هالفئه محتاجه وهم عيال البلد

شنقول غير الله يرزقهم ويفرج كربهم في هالشهر الفضيل
وان شاءالله انه تصل كل النداءات لسمو الامير وتتم زياده قيمة المساعده

[هبوب الكوس]

الله يساعده ويغنيها ان شاء الله

يمكن هذي الغراض القليله الي في القاري ابرك وخير

من هل القواري الي نترسه بلاوي والحريم ماغير اتحط فهل القاري

بالثنين وانت طالع

الي يقول شهر الاكل مب شهر العباده والصيام

الله كريم

[الأصيلة]

الله يفرج عليها ...
الله أعلم اشلون حال ها السيدة
ووين عيالها لو كان عندها أو أقاربها...
المشكلة الشؤون مفتحين عينهم عدل على الأرامل والمطلقات
لو اشتغل لها ولد او بنت.. او تزوجت بنتها ..
على طول الخصم من معاشها...
مايفوتهم شي في حقوقهم..
الله يعينهم...

[شذى الروح» ~]

الله يغنيها ويفرج كربتها ويعييينها..

ان شاء الله يزيدونهم لان فعلا هذي الفئة الي صج تستحق ان يساعدونهم

[حليتان*]

باااااااااال والله مب شي كلش :(

ياخي والله ماعندي شي اقدر اقوله :weeping:












الله يفرج عليها ...
الله أعلم اشلون حال ها السيدة
ووين عيالها لو كان عندها أو أقاربها...
المشكلة الشؤون مفتحين عينهم عدل على الأرامل والمطلقات
لو اشتغل لها ولد او بنت.. او تزوجت بنتها ..
على طول الخصم من معاشها...
مايفوتهم شي في حقوقهم..
الله يعينهم...

اشدعوه حتى اذا عيالهم اشتغلو او تزوجو بناتهم يخصمون:eek5: ؟

ليش ؟


والله حرام

هم مايدفعون من جيوبهم ..قسم بالله الي يحط هالقوانين مافيه رحمه ولا انسانيه


الله يفرج على كل محتاج :weeping:

[الـقـاسـي]

قسم بالله عورني قلبي .. عسى الله يكون في عونهم والحمد لله على النعمه اللي احنا فيها ..

[وحيد-الشوق]

لاحول ولاقوة الا بالله

والله موقف محزن ويعور القلب

اييه يالدنيا مساعدات لأهل قطر قيمتها 2000 ريال ودارفور ولبنان والكورة وكاس العالم ميزانيه مفتوحه بالمليارات :(

والله مادري شقول غير الله يكون في عونها ويصبرها ويغنيها ولايحوجها لأحد

[سحابة]

دوام الحال من المحال .. ومافي ولا ريال راح يعدي بالساهل .. هذولى رعيه ولازم ولاة الامور تنتبه زين لهم لانهم برقبتهم ليوم الدين وبينسألون عنهم يوم الحساب .. والاقربون اولى بالمعروف اهل قطر اولى بخيرها خصوصا بشهر رمضان شهر فضيل ..

[latty]

لاحول ولا قوة الا بالله :(

الله يكون بعونها ويساعدها هي وكل الي نفس حالتها

ياالشؤوون الاجتماعيه من فضل الدوله وليس من فضلكم على الاقل بشعبان ورمضان دبلو لهم الشون عندهم شتريات من حقهم يفرحون برمضان والعيد والله حالتها تكسر الخاطر وعزة نفسها تابى ان تقبل شي ء من احد

من طبعنى اهل قطر ان رمضان له خاصيه كبيره وهي اعداد الاكلات الشعبيه وتوزيعها على الجيران والاهل وعزيمه على الفطور يعني هالمساكين مالهم حق يفرحون في السنه مره

الراقيه حضور مثل المطر له اثر كبير

شكرا لك

[latty]

منظر مؤلم
الله يكون بعونها وعون كل محتاج
ويرزقها وايانا من حيث لانحتسب

انا اسال نفسي كثير هالمسؤولين ليه ما يشوفون هالحالات وليه الشؤون الاجتماعيه دورها مايكون له ردة فعل كبيره مع امهات قطر وابهاتهم وايتامهم

الصراحه انا مصدومه كنت اظن اللي اقراه عن هالحالات مجرد كلام وانهم على الاقل يستلمون 6000 ريال

لما سالت قالوا لي بعد البعض ماعنده بيت يالله وللعلم فيه ناس تعطى اجار مساكن من الشؤون وهم اصلا مب متواجدين بقطر

الموضوع يبي له وقفه كبيره

مرتبش

شكرا للحضور

[latty]

الله يساعده ويغنيها ان شاء الله

يمكن هذي الغراض القليله الي في القاري ابرك وخير

من هل القواري الي نترسه بلاوي والحريم ماغير اتحط فهل القاري

بالثنين وانت طالع

الي يقول شهر الاكل مب شهر العباده والصيام

الله كريم

الحمد لله من عرفنا انفسنا يااختي هبوب الكوس وحنا بعاداتنا الشعبيه والتي تعودنا عليها برمضان ان مجالسنا مفتوحه للافطارللاهل والمار والجار ولله الحمد امهاتنا واحنا نوزع الاطعمه على الجيران مثل ماكان بالسابق وهذه عاده لن نقطعها وايش وجبات رمضان الساقو والهريس والثريد واللقيمات وعمر هالشي ماكان اسراف او لهو من العباده وانما ياتي مع المغرب ولله الحمد العبادات لن تمنعها او تقلل من شائنها العادات

وكل رمضان وانتي بخير

[latty]

الله يفرج عليها ...
الله أعلم اشلون حال ها السيدة
ووين عيالها لو كان عندها أو أقاربها...
المشكلة الشؤون مفتحين عينهم عدل على الأرامل والمطلقات
لو اشتغل لها ولد او بنت.. او تزوجت بنتها ..
على طول الخصم من معاشها...
مايفوتهم شي في حقوقهم..
الله يعينهم...

الاصيله تدرين ان كنت امس اتناقش مع وحده بالموضوع صارت تضحك قالت عمتي مطلقه وعيالها موظفين وكل واحد عنده درزن تقول لما طلبت منهم معاش للخدامه رفضوا قالوا عيالج في وظايف كبيره
هي ايش ذنبها كان عيالها يصرفون على عيالهم بمدارس خاصه او يعلمون لهم تجاره الا تستحق هالمراه التي انجبت هالشباب راتب خادمه :(

الصراحه الموضوع لابد ان احد يرفعه لمجلس الشورى ينظر فيه لان الامر والله ماعاد يسر احد


تقدير ي لك يالاصيله

[شموخ العز]

تكفوووووووووووووون ودي اعرفها ها العجوز ودي اقدم لها شي بدون ما تحس( صج عندها كرامه)


مشكووووووووووره كاتبه الموضوع والله بكيت( حنا هل الشؤؤن) كلمه حزت في نفسي


لاحد يستغرب من موقف العجوز عاشت بكرامتها ولا تتنازل عنها او تمد( يدها)

[حمد911]

فئة مظلومة فعلا ويستاهلون كل خير 2200 ريال ماتسوي شي بزمن هاذا خصوصا بظل الغلاء الي حاصل بالبلد وبدل التبرعات الي تروح للخارج هم اولى فيها من الغير

[الامل القديم]

الله يفرج عليها وعلى كل محتاج

[الخاتم]

لاحول ولاقوة الا بالله
سلمولي على سفراء 2022

[موضي قطر]

تدرين مر علي نفس الموقف العام وصار عندي اكتئاب :weeping:

[فلتة زمانها]

:weeping::weeping::weeping::weeping::weeping:

[Bu Rashid]

بارك الله فيك اختي الكريمه على ذكر الموضوووع
ونتمنى من المسؤوليين النظر في هذى الموضوع

[amany katheb]

"_"

شدعوى 2000 !!!!!!!!!!

الله يفرج كربتهم إن شاء

[رهج السنابك]

الله يفرج عليها ...
الله أعلم اشلون حال ها السيدة
ووين عيالها لو كان عندها أو أقاربها...
المشكلة الشؤون مفتحين عينهم عدل على الأرامل والمطلقات
لو اشتغل لها ولد او بنت.. او تزوجت بنتها ..
على طول الخصم من معاشها...
مايفوتهم شي في حقوقهم..
الله يعينهم...

؛

نعم صدقتي سبحان الله رغم ان هذه الفئة اتوقع قليلة في المجتمع

لكن ماتلقين العمل باخلاص في اي مكان بالدولة الا بهالشيء

يفتحون عيونهم ويطلبون اوراق كل ست شهور واحيانا يغلطون ويطلبون في وقت اقل

تدقيق مابعده تدقيق

كله عشان كم ريال

بس اي شي فيه فلوس للفقراء تلقين الشغل على ذمة وضمير

وياليت من كثر المبالغ الي تروح لهم !!

؛

[رهج السنابك]

؛

في الكويت الشؤون بحدود 600 دينار يعني حوالي 6700 ريال !

رغم ان غلاء المعيشة في قطر اكبر

؛

[امال قطر]

لاحول ولا قوة الا بالله

[ابو خليفه]

يا جماعه عيل شتقولون انا اعرف صديق لي متزوج وعنده عيال قاعد مع هله في البيت اقوله ماتبي تطلع يقول وين اروح واخلي هلي ،، ابوه مديون بملايين وماعنده مدخول يصرف على هله وعلى امه ابوه واخواته يقول لو اطلع عنهم مافي مدخول يكد عليهم ابد والرجال بعد الله اعلم بحاله حتى اخر الشهر ما يحصل قوطي جبن ياكل منه .. والله في قطريين ترى حالتهم صعبه لكن عزة النفس ماخلتهم يطلبون .. الله يعينهم هل قطر انشاءالله

[باسكن روبنز]

أأأأأأخ ياقلبي شقول وشسوي ،:weeping:

[Qa6ar]

الله يعينها ويرزقها من حيث لاتحتسب

[latty]

كثيره هالحالات اختي وانا كثير كتبت عنهم وعن اوضاعهم
الشؤون الاجتماعي مع الاسف مافيه احد قلبه على هالفئه المحتاجه من اهل قطر مع انهم ينعدون على الاصابع
قيمة المساعده قليله 2000 ريال شنو تسوي حق بيوت مليانه اطفال وشياب كبار ومعاقين وارامل ومطلقات ويتامى مالهم اي مصدر رزق الا هالمساعده ليه انخليهم يحتاجون وتصل معهم للقمه وهم اهل قطر
قطر الكرم والشهامه اللي خيرها مغطي كل بقعه بالارض والله العظيم حرام انشوف هالفئه محتاجه وهم عيال البلد

شنقول غير الله يرزقهم ويفرج كربهم في هالشهر الفضيل
وان شاءالله انه تصل كل النداءات لسمو الامير وتتم زياده قيمة المساعده

مستجده تقديري وشكرا للحضور

[latty]

الله يغنيها ويفرج كربتها ويعييينها..

ان شاء الله يزيدونهم لان فعلا هذي الفئة الي صج تستحق ان يساعدونهم

امين

تقديري لك

[latty]

باااااااااال والله مب شي كلش :(

ياخي والله ماعندي شي اقدر اقوله :weeping:












اشدعوه حتى اذا عيالهم اشتغلو او تزوجو بناتهم يخصمون:eek5: ؟

ليش ؟


والله حرام

هم مايدفعون من جيوبهم ..قسم بالله الي يحط هالقوانين مافيه رحمه ولا انسانيه


الله يفرج على كل محتاج :weeping:


تقديري لك

[ولد النواخذه]

الله يغنيها من فضله وعزة النفس هي سمة كل قطري أصيل وفي نفس الوقت وقفتج يا أختي لما حبيتي تساعدينها هي ايضا من سمات القطري الأصيل, موقف أثر فيني لمجرد قراءته مابالج وقد حصل امام عينيكي فعلا أشعر بما شعرت به من ألم ومن حسرة لأننا كقطريون أولى أن نعيش بكل معزة وكرامه في احضان وطننا..
اتمنى أن ينظر فعلا في ما يتم صرفه من قبل الشؤؤن الأجتماعيه فالفا ريال شهريا هو مبلغ زهيد لايتناسب وماتشهده البلاد من ارتفاع في الاسعار وتضخم, الله يغنيها مجددا ويفك ضيقها وتعيش معززة مكرمة طول عمرها...

[latty]

قسم بالله عورني قلبي .. عسى الله يكون في عونهم والحمد لله على النعمه اللي احنا فيها ..

تقديري لحضورك

[latty]

لاحول ولاقوة الا بالله

والله موقف محزن ويعور القلب

اييه يالدنيا مساعدات لأهل قطر قيمتها 2000 ريال ودارفور ولبنان والكورة وكاس العالم ميزانيه مفتوحه بالمليارات :(

والله مادري شقول غير الله يكون في عونها ويصبرها ويغنيها ولايحوجها لأحد

امين

تقديري لك

[latty]

:weeping::weeping::weeping::weeping::weeping:

:(

تقديري لك

[latty]

بارك الله فيك اختي الكريمه على ذكر الموضوووع
ونتمنى من المسؤوليين النظر في هذى الموضوع



شكرا لك وياليت حد من المسؤولين يتطلع على هذه الفئات ويشوف حالتهم او ينزل للشارع ويشوف احوالهم او يناقش امورهم

والله نفسيتي تعبانه من يومها واحس بغصه وانا اللي ماعرفها لكن اتالم لانها حتى ما قبلت المساعده

الله يفرج عليها وعلى غيرها

امين

تقديري لك

[latty]

"_"

شدعوى 2000 !!!!!!!!!!

الله يفرج كربتهم إن شاء


امين

تقديري لك

[latty]

؛

نعم صدقتي سبحان الله رغم ان هذه الفئة اتوقع قليلة في المجتمع

لكن ماتلقين العمل باخلاص في اي مكان بالدولة الا بهالشيء

يفتحون عيونهم ويطلبون اوراق كل ست شهور واحيانا يغلطون ويطلبون في وقت اقل

تدقيق مابعده تدقيق

كله عشان كم ريال

بس اي شي فيه فلوس للفقراء تلقين الشغل على ذمة وضمير

وياليت من كثر المبالغ الي تروح لهم !!

؛

حرام والله تدرين عرفت ان البعض يودونهم للمحكمه ويجبون شهود انهم بعد كم سنه ما تزوجوا

حرام والله الفين ريال ومعها ذل :(

تقديري لحضورك المميز

[latty]

؛

في الكويت الشؤون بحدود 600 دينار يعني حوالي 6700 ريال !

رغم ان غلاء المعيشة في قطر اكبر

؛

يااااه 6000 ريال بيكون عندنا لهم ليلة القطر استغفر الله ياهم بيفرحون الا يمكن من الفرحه يصير لهم شي ء

ياليت تضرب الالفين بثلاثه وتصح سته

ادعو ان الله يفرج عليهم


شكرا لك على الحضور والمشاركه

[latty]

لاحول ولا قوة الا بالله

والنعم بالله

امال قطر

تقديري لك

[latty]

يا جماعه عيل شتقولون انا اعرف صديق لي متزوج وعنده عيال قاعد مع هله في البيت اقوله ماتبي تطلع يقول وين اروح واخلي هلي ،، ابوه مديون بملايين وماعنده مدخول يصرف على هله وعلى امه ابوه واخواته يقول لو اطلع عنهم مافي مدخول يكد عليهم ابد والرجال بعد الله اعلم بحاله حتى اخر الشهر ما يحصل قوطي جبن ياكل منه .. والله في قطريين ترى حالتهم صعبه لكن عزة النفس ماخلتهم يطلبون .. الله يعينهم هل قطر انشاءالله

صدقت اخوي وهذه الا مجرد قصه شخص من جملة اشخاص

نتمنى ان ترفع الشؤون الاجتماعيه لاهل قطر وان يضمن لهم العيشه الكريمه على ارضهم وبين اهلهم ولا احد يذلهم

بو خليفه تقديري لك

[latty]

أأأأأأخ ياقلبي شقول وشسوي ،:weeping:

اي والله من يومها وهي شغلي الشاغل وحديثي الذي لا ينقطع مدري كيف امحي ذلك المشهد ولو هي قبلت مساعدتي يمكن كنت ارتحت لكن والله متاثره كثير


باسكن روبنز تقديري لك

[latty]

الله يعينها ويرزقها من حيث لاتحتسب

امين

تقديري لمرورك

[latty]

الله يغنيها من فضله وعزة النفس هي سمة كل قطري أصيل وفي نفس الوقت وقفتج يا أختي لما حبيتي تساعدينها هي ايضا من سمات القطري الأصيل, موقف أثر فيني لمجرد قراءته مابالج وقد حصل امام عينيكي فعلا أشعر بما شعرت به من ألم ومن حسرة لأننا كقطريون أولى أن نعيش بكل معزة وكرامه في احضان وطننا..
اتمنى أن ينظر فعلا في ما يتم صرفه من قبل الشؤؤن الأجتماعيه فالفا ريال شهريا هو مبلغ زهيد لايتناسب وماتشهده البلاد من ارتفاع في الاسعار وتضخم, الله يغنيها مجددا ويفك ضيقها وتعيش معززة مكرمة طول عمرها...

الله يفرجها عليهم

والله ياخوي هالموقف اثر فيني كثير وربما اثر بتفكيري بامور كثيره

فانا لا اخبي عليك كنت ماصدق كلام الجرايد ولا المنتديات حول ان فيه حالات ضعيفه بقطر واقول اكيد هم يقصدون بعض المقيمين الذين تقطعت بهم السبل وكنت ارد رد قوي على من يقول ان قطر مقصره مع احد حتى لدرجه انني ادخل في نقاشات حاده بيني وبين البعض واعصب كثير لكن هالصوره هزتني كثير كثير

والله يفرجها عليهم يارب ويسد حاجتهم ويحفظ لهم كرامتهم في ارضهم قطر

تقديري لك

[PARIS]

لا املك سوا الدعاء لهذة الام المحتاجه ولكل من هم بمثلها.... اللهم اني اسالك فرجا قريبا من عندك لهذة الانسانه ولمن هم بمثل حاجتها من خزائنك التي لاتنفذ وانت الجواد وانت الكريم ياالله ... وانت اكرم الاكرمين ... امين

[مستجدة]

"_"

شدعوى 2000 !!!!!!!!!!

الله يفرج كربتهم إن شاء


الموظفين ورواتبهم فوق 10 الاف مب قادرين يسدون حاجة اسرهم في ظل هالغلاء
شلون المساكين بــ 2000 ريال يسدون حاجتهم

شفوا الامارات والكويت كيف حافظه كرامة هالفئه ومعطينهم حقوقهم من ثروة بلادهم وخيرها
مساعده هالفئات فوق 6 الاف ريال مع مساعده في المناسبات مثل رمضان والعياد

قطر بلد خير وخيره مغطي كل بقعه في العالم وهالفئه محتاجه للفته ابويه من رجل الانسانيه ابو مشعل الله يحفظه ويخليه ذخر حق هالبلد وشعبه

اسأل الله العظيم أن يفرج كربهم مع قدوم هالشهر الفضيل .

[الصريحه]

لاحول ولاقوه الا بالله الله يغنيهم ولايحوجهم لاحد

[العيون Q]

لاحول ولاقوة الا بالله

[جنون قطر]

لا حول ولا قوة الا بالله ندرين موقف يعور القلب

[صلاتي]

تدرين مر علي نفس الموقف العام وصار عندي اكتئاب :weeping:


مشهد متكرر في الجمعيات مع حريم و شيبان أهل قطر

أنا لله وانا الية راجعون

[khalid.qtr]

طبعاً رمضان جاي والجمعيات الخيرية ما تقصر كل الملايين اللي بتطلعها بترسلها للخارج ولا تنسون بعد تبرعات الدم وللخارج أيضا.

[latty]

لا املك سوا الدعاء لهذة الام المحتاجه ولكل من هم بمثلها.... اللهم اني اسالك فرجا قريبا من عندك لهذة الانسانه ولمن هم بمثل حاجتها من خزائنك التي لاتنفذ وانت الجواد وانت الكريم ياالله ... وانت اكرم الاكرمين ... امين

جزاك الله خير وسمع منك الكريم الرزاق

شكرا لك

[latty]

الموظفين ورواتبهم فوق 10 الاف مب قادرين يسدون حاجة اسرهم في ظل هالغلاء
شلون المساكين بــ 2000 ريال يسدون حاجتهم

شفوا الامارات والكويت كيف حافظه كرامة هالفئه ومعطينهم حقوقهم من ثروة بلادهم وخيرها
مساعده هالفئات فوق 6 الاف ريال مع مساعده في المناسبات مثل رمضان والعياد

قطر بلد خير وخيره مغطي كل بقعه في العالم وهالفئه محتاجه للفته ابويه من رجل الانسانيه ابو مشعل الله يحفظه ويخليه ذخر حق هالبلد وشعبه

اسأل الله العظيم أن يفرج كربهم مع قدوم هالشهر الفضيل .

مستجده مدري من يومها وانا الوم نفسي واحمل المثقفين بهالدوله من قصورهم بتحريك الامر

البلاد بخير لكن الصراحه الامر ماوصل الامير والشؤون الاجتماعيه مكانك سر يعني ايش هالمبالغ الزهيده في حق كبار السن عندنا وهم اصلا الاساس لكل هذا الخير

لابد ان ننشر الامر بالمنتديات وننقله للكتاب عبر اميلاتهم لكي ينشروه

الصراحه نفسيتي تعبانه من شفت المنظر وصرت اقول ياه هالمراه وش بقى لها عشان تشتري لحم او لبن او روب او دجاج

:(

الفين وميتين راح منهم حق الخدامه ولنقل مثلا 750 ريال واغراضها هذه ب 857 ريال المجموع 1507
الدريول بنقول 800 ريال

بيكون المبلغ 1857

ننقصه من 2200
الباقي 343

نخليها لبترول او ال او ال او ....الخ

تعب

شعرك لك

[حبتور]

تبون عوار قلب أكثر في وحدة عيوز قطرية تبيع مضروبة وهريس والباقي اللي تعرفونه مكانها عند زون بالضبط في هالموت والحر متنقبة الله يستر عليها دنيا وآخره ومهفتها في يدها تخيلوا مهفه ولما سألتها يمه مهب حر عليج قالت شاسوي ياوليدي آترزق الله.قلت لها ليش ماتبيعين داخل أبرد لك قالت مايخلوني

[طلعة الروح]

حسبي الله ونعم الوكيل...
اقول قولي ولا اعلم ماهي ظروف الناس الحقيقيه لانه يتروالي الشؤون الاجتماعيه هم المختصين في دراسة احوال هذه الفئات واقرار ماهو أفضل لهم
لكن كمواطنه بالشارع اشاهد هذه المظاهر حقيقه لا يوجد كلام اقل ما يقال عنها فضيحه وطنيه وكارثه اجتماعيه...
نحتاج وقفه عاجله من الوزارة المختصة؟...وزيرالشؤون وينه مايقترح ويطالب؟؟
الناس مب محتاجه تقترح وتطالب انت شايف الناس وشايف احوالهم المترديه...

لا اله الا انت سبحانك اني كنت من الظالمين

[(الفيصل)]

اوووووف على هالفرصه اللي راحت

ليتك أخذتي رقمها أو رقم سيارتها حتى

جزاك الله خيرا ، وأعان الله المحتاجين ورزقهم من حيث لايحتسبون

[باسكن روبنز]

تدرين يا لاتييه ،

مثل هالمواقف تخلي الواحد صج يحس بالنعمه الي هو فيها ويقدر قيمة الفلس الي عنده ،

لو الناس الزبايين الي نشوفهم وخالطناهم بحياتنا وصار لهم مثل موقفج ،

تظنين بتتغير نظرتهم للحياه من عقبها ؟ ،

i hope so ، :)

[مستجدة]

مشهد متكرر في الجمعيات مع حريم و شيبان أهل قطر

أنا لله وانا الية راجعون


لو كانوا اصحاب المراكز العاجيه يتنازلون ويقضون شغالاتهم من الجمعيه كان يمكن يصادفون مثلنا هالفئات ويحسون في معاناتهم ويعرفون انه في قطر فئات محتاجه ومهمله
لكن المسوؤلين عروقهم مبتله بالماي اغنياء وكل في عينهم غني ماجربوا الحاجه وعبالهم كل اهل قطر اغنياء عشان كذا كل الجمعيات الخيريه تجمع التبرعات حق برااااااااا

[pinky1]

لا حول ولا قوة الا بالله

[ليلة]

لا حول و لا قوة الا بالله

حسبي الله ونعم الوكيل
.

[سحـابة خيـر]

الله يعينها ويفرج كربتها

والغلاء بالميره فيها خيرها بعد

نص ترولي وتصك فوق الالف

الله يكون بعون الكل

:weeping:

[بـــــــنت النوخـّــــذه]

المفروض اهل الشؤون الدوله تصرف لهم مجانا":secret: اغراض رمضان 00صراحه الله يكون بعونهم

[كاتم المواجع]

الله يعينهااااا وان شاء الله الاغراض البسيطه اللي شرتها بركتهااا اكثر من هالقووواري اللي نشحنهاااا ع الفاضي ......

[الميزان 1969]

فديييييييييييييييييتها الله معاها يارب
لو آنا كان مت من الصيااااااااااااح

[بصمة قطرية]

لا حول ولا قوة الا بالله ..
الله يكون بعونها ..

يا جماعة هالفئة مش قليلة في المجتع ..
لو قلنا في كل فرع من فروع الشؤون ما يقارب الست آلاف ملف قسم النساء فقط ..
الحسبة عندكم ..!!!!

هل تعد فئة قليلة ..؟؟

[BoFahed]

عسى الله يكون في عون هذه الفئة بس ما ماتحسون باننا نناقض انفسنا يعني احنا مجتمع نسبة كبيرة جدا من افراده ينفقون الالاف في كماليات فارغة مثل سيارة فارهة ولا رقم جوال وسيارة :omg: مميز ولا زرار ولا شنطة نسائية بعشرات الالاف مع انه يوجد من اهله او اقربائه اوجماعته او احد افراد قبيلته من هم في امس الحاجه لهذه المبالغ والبعض منهم تدفعهم الحاجه لوسائل الاعلام بعد ما ضاقت بهم السبل
وللاسف العديد منا يتخلى عن هذه المسئولية الشرعية والاخلاقية التي يشترك فيها الجميع ويرمي دائما المسئوليه على ظهر الحكومة فقط التي لا انكر تقصيرها بحق هذه الفئه

[إينشتاين]

البلاد بخير لكن الصراحه الامر ماوصل الامير والشؤون الاجتماعيه مكانك سر




اخخخخخ بس لو في البلد حرية تعبير وديمقراطية حقيقية كان قلت الي في خاطري :weeping:

[latty]

اخواني خواتي اللي ردوا على الموضوع

اشكركم كل الشكر على تفاعلكم وردودكم

واتمنى ان الامر ينظر فيه بعين الرافه لهذه الفئه

عني انا والله اني بنفسيه تعبه من المنظر وانني كرهت اكمال اغراض المطبخ وكل مااحاول اني اذهب للميره او اي تسوق اراى عيناها وهي تنظر لي وتحاول ان تبدوا مرحه وهي تقول لا يمه احنا اهل الشوون

يعني ايش اهل الشون يموتون وايديهم ماتوصل اللي يبونه

يعني ايش اهل الشوون يقصرون على انفسهم وهم اهل الخير واهل عيال قطر

يعني ايش اهل الشوون يتحسرون على اكمال احتياجاتهم


اااااااااااااااااااااااااااااه بس لو هي قبلت مساعدتي كان حالي افضل مما انا فيه



قلبي ينزف من منظرها


ربي افرجها على اهل الشوون

امين

[خليفة77]

اخواني خواتي اللي ردوا على الموضوع

اشكركم كل الشكر على تفاعلكم وردودكم

واتمنى ان الامر ينظر فيه بعين الرافه لهذه الفئه

عني انا والله اني بنفسيه تعبه من المنظر وانني كرهت اكمال اغراض المطبخ وكل مااحاول اني اذهب للميره او اي تسوق اراى عيناها وهي تنظر لي وتحاول ان تبدوا مرحه وهي تقول لا يمه احنا اهل الشوون

يعني ايش اهل الشون يموتون وايديهم ماتوصل اللي يبونه

يعني ايش اهل الشوون يقصرون على انفسهم وهم اهل الخير واهل عيال قطر

يعني ايش اهل الشوون يتحسرون على اكمال احتياجاتهم


اااااااااااااااااااااااااااااه بس لو هي قبلت مساعدتي كان حالي افضل مما انا فيه



قلبي ينزف من منظرها


ربي افرجها على اهل الشوون

امين
الله يجزاج خير ويفرج هم كل معسر وان شاء الله ربي يكتب اجر اللي بنيتج . امين .

[بصمة قطرية]

اخواني خواتي اللي ردوا على الموضوع

اشكركم كل الشكر على تفاعلكم وردودكم

واتمنى ان الامر ينظر فيه بعين الرافه لهذه الفئه

عني انا والله اني بنفسيه تعبه من المنظر وانني كرهت اكمال اغراض المطبخ وكل مااحاول اني اذهب للميره او اي تسوق اراى عيناها وهي تنظر لي وتحاول ان تبدوا مرحه وهي تقول لا يمه احنا اهل الشوون

يعني ايش اهل الشون يموتون وايديهم ماتوصل اللي يبونه

يعني ايش اهل الشوون يقصرون على انفسهم وهم اهل الخير واهل عيال قطر

يعني ايش اهل الشوون يتحسرون على اكمال احتياجاتهم


اااااااااااااااااااااااااااااه بس لو هي قبلت مساعدتي كان حالي افضل مما انا فيه



قلبي ينزف من منظرها


ربي افرجها على اهل الشوون

امين


الله يجزاج خير اختي ..
والله كل ما ادخل موضوعج اقرا جملة احنا هل الشؤون تدمع عيني ..


ياريت الشؤون يزيدون المساعدات اللي تصرف لهم
2200 شتسوي في هالزمن في زمن الغلا .. !!!!!

وبعدين رمضان جاي وبعده العيد يعني مصاريف راح تكون دبل ..
المفروض تكون في كوبونات تصرف لهم في رمضان بالذات بالاضافة للـ 2200 ريال ..
على الاقل الشغلات التموينية اسعارها نار ..
الله يفرج همهم ..
كفاية انهم عيال البلد ..

[ممنوع اللمس]

لا حــول ولا قــوة الا باللّـــه
اقسـم باللّـه قهـر في قهـر في قهـر
واللّـه موقـف يذبــح :(

[مستجدة]

الله يجزاج خير اختي ..
والله كل ما ادخل موضوعج اقرا جملة احنا هل الشؤون تدمع عيني ..
ياريت الشؤون يزيدون المساعدات اللي تصرف لهم
2200 شتسوي في هالزمن في زمن الغلا .. !!!!!

وبعدين رمضان جاي وبعده العيد يعني مصاريف راح تكون دبل ..
المفروض تكون في كوبونات تصرف لهم في رمضان بالذات بالاضافة للـ 2200 ريال ..
على الاقل الشغلات التموينية اسعارها نار ..
الله يفرج همهم ..
كفاية انهم عيال البلد ..


ترى هل المسوؤلين اذا قروا هالجمله راح تدمع عينهم ....؟!!!!!!!!!

[hamoor4ever]

ترى هل المسوؤلين اذا قروا هالجمله راح تدمع عينهم ....؟!!!!!!!!!

لا ليش تدمع لان اللي يده بالنهار مب نفس اللي يده بالماي بعدين بيقولون لك هاذي ارزاق ناس فوق وناس تحت وغير جذيه اهمه يعتبرون نفسهم من طبقه غير وحلال لهم وحرام حق غيرهم بأختصار لم ولن تدمع عيونهم طبعا الا اذا دار الزمن عليهم

[شموخ العز]

يا الله عفوك والله كرهت كل شي مسكينه ها العجوز ( حنا هل الشؤؤن)

شنو باقي من الراتب .. صاحبه الموضوع ووالله كل ما اقرأ الموضوع اتعب عسى الله يعينها ( لكن لها الله)

[مستجدة]

لا ليش تدمع لان اللي يده بالنهار مب نفس اللي يده بالماي بعدين بيقولون لك هاذي ارزاق ناس فوق وناس تحت وغير جذيه اهمه يعتبرون نفسهم من طبقه غير وحلال لهم وحرام حق غيرهم بأختصار لم ولن تدمع عيونهم طبعا الا اذا دار الزمن عليهم

مافيه رحمه مب اهل قطر اهل وخوان والشئ اللي يعور قلوبهم يعور قلوب الكل
محد يبي الاجر ويعمل شئ لوجه الله تعالى حتى يعطى الحسنه مضاعفه هذا والمال مب من جيوب المسوؤلين من ابو مشعل اللي خيره معيش دول وشعوب

هالفئه برقاب هالمسوؤلين

[مضارب جديد]

الله يغنيها من فضله ويستر عليها

[مستجدة]

يا الله عفوك والله كرهت كل شي مسكينه ها العجوز ( حنا هل الشؤؤن)

شنو باقي من الراتب .. صاحبه الموضوع ووالله كل ما اقرأ الموضوع اتعب عسى الله يعينها ( لكن لها الله)

من زمان ونحن انطالب في النظر في هالفئه لكن هالمسوؤلين عمك اصمخ
يروحون الدوام يشربون شاي ويقرون الجرائد ويردون بيتهم واخر الشهر يستلمون 50 الف كيف تبون هالمسوؤلين يحسون في الفقراء هم ماوقفوا بقواريهم يعدون شنو بياخذون وشنو بيخلون من مونة بيتهم وشنو بيصرفون وشنو بيبقى حق مصروفهم ومصروف عيالهم

شفوا الحسره ( يمه حنا اهل الشؤون )

اهل قطر يتحسرون على اغراض الجمعيه وهم اهل اغنى بلد خيره مغطي مشارق الارض ومغاربها لحول ولاقوة الا بالله الله يرزقهم من فضله والله يصخر لهم ابو مشعل ويجعل هالاسطر بعينه حتى مانشوف هالحسره اللي انشوفها كل شهر بعيون هالعجائز اللي كل شئ على ظهرهم ومالهم الا الله سبحانه وتعالى وابو مشعل .

[Rayane]

أفففف لو يعطوني منصب مدير الشؤون يومين بس يومين....

ولا أقول لكم. لو يعطوني منصب مدير التخطيط والتوزيع العمراني بس يومين...

ولا أقول لكم. لو يعطوني منصب مدير المرور بس يومين...

ولا أقول لكم. لو يعطوني منصب في قسسسسسم الموارد البشريه أو قسم تطوير القطريين في (قطر للبترول) بس يومين...

ولا أقول لكم. لو يعطوني منصب مدير الديوان بس يومين...

ولا أقول لكم. وش أقول لكم بعد ما أقول الا اللــه يخااارجنا...

دم قلوبنا يطلع برى وحنا اللل يراكض علشان قطعة ارض يبني عليها بيته... واللي عجوز ما يجيها الا شئ بسيط تقول يصرفون عليها من جيبهم. ولا شاب توه يبي يعرس ومعطينه الأذن الصمخآآآآ ويضطر انه يتدين حتى يعرس وعقبه يرفضون تسديد الديون...

آآآآآآآآآآه يا كبدي اللي انمضغت كذا مررررره

[latty]

من زمان ونحن انطالب في النظر في هالفئه لكن هالمسوؤلين عمك اصمخ
يروحون الدوام يشربون شاي ويقرون الجرائد ويردون بيتهم واخر الشهر يستلمون 50 الف كيف تبون هالمسوؤلين يحسون في الفقراء هم ماوقفوا بقواريهم يعدون شنو بياخذون وشنو بيخلون من مونة بيتهم وشنو بيصرفون وشنو بيبقى حق مصروفهم ومصروف عيالهم

شفوا الحسره ( يمه حنا اهل الشؤون )

اهل قطر يتحسرون على اغراض الجمعيه وهم اهل اغنى بلد خيره مغطي مشارق الارض ومغاربها لحول ولاقوة الا بالله الله يرزقهم من فضله والله يصخر لهم ابو مشعل ويجعل هالاسطر بعينه حتى مانشوف هالحسره اللي انشوفها كل شهر بعيون هالعجائز اللي كل شئ على ظهرهم ومالهم الا الله سبحانه وتعالى وابو مشعل .

:(

ااااه بس

[قطرية فذة]

واقع ويحدث

[latty]

أفففف لو يعطوني منصب مدير الشؤون يومين بس يومين....

ولا أقول لكم. لو يعطوني منصب مدير التخطيط والتوزيع العمراني بس يومين...

ولا أقول لكم. لو يعطوني منصب مدير المرور بس يومين...

ولا أقول لكم. لو يعطوني منصب في قسسسسسم الموارد البشريه أو قسم تطوير القطريين في (قطر للبترول) بس يومين...

ولا أقول لكم. لو يعطوني منصب مدير الديوان بس يومين...

ولا أقول لكم. وش أقول لكم بعد ما أقول الا اللــه يخااارجنا...

دم قلوبنا يطلع برى وحنا اللل يراكض علشان قطعة ارض يبني عليها بيته... واللي عجوز ما يجيها الا شئ بسيط تقول يصرفون عليها من جيبهم. ولا شاب توه يبي يعرس ومعطينه الأذن الصمخآآآآ ويضطر انه يتدين حتى يعرس وعقبه يرفضون تسديد الديون...

آآآآآآآآآآه يا كبدي اللي انمضغت كذا مررررره

:(


الله كريم بس اول شي ياخوي خلك بالشووون ترى حالتهم كسيفه

يااااااااه تخيل تخيل2200 وش بتسوي يعني هالمراه ما تبي لحم للرمضان ماتبي حليب

الحين انا اسال نفسي ياترى هي عندها نقص كالسيوم او هشاشة عظام ياربي عندها فقر دم

ياااااه اذا عندها دريول مع الخدامه كيف بياكلون :(

يالطيف الطف بعبادك الصالحين

[latty]

جزاكم الله خير يااخواني ويااخواتي على تفاعلكم واتمنى من هالمضوع ما يوقف وكل يوم يرد فيه رد حتى ينطق المنتدى وحروفه ويكون لهم عون على الاقل بنقل حالتهم


ربي يبارك فيكم ويرعاكم

[دروب]

طيب ليه ما نسوي مشروع جمع التبرعات ونساعد أهل الشؤون

[إينشتاين]

طيب ليه ما نسوي مشروع جمع التبرعات ونساعد أهل الشؤون


في دولة من اغنى الدول في العالم ؟؟؟

[دروب]

في دولة من اغنى الدول في العالم ؟؟؟

أنا أقصد الحل السريع والعاجل .... لحد ما يوصل الصوت لأصحاب الشأن ..

[ولد النواخذه]

والله الديرة خيرها مغرق القاصي قبل الداني وعيال الديرة أولى بمليار مرة من غيرهم واتمنى من القائمين على ادارة الشؤؤن اذا احد فيهم يشوف هالموضوع يتحرك ويكون سباق في ايجاد حل عاجل لهالفئة لان 2200 في هالوقت مبلغ زهيد وما يكفي شئ هالله هالله في عيايزنا وشيبانا والله انهم يستاهلون لا نقصر عليهم

[مستجدة]

:(


الله كريم بس اول شي ياخوي خلك بالشووون ترى حالتهم كسيفه

يااااااااه تخيل تخيل2200 وش بتسوي يعني هالمراه ما تبي لحم للرمضان ماتبي حليب

الحين انا اسال نفسي ياترى هي عندها نقص كالسيوم او هشاشة عظام ياربي عندها فقر دم

ياااااه اذا عندها دريول مع الخدامه كيف بياكلون :(

يالطيف الطف بعبادك الصالحين



:weeping:

[latty]

طيب ليه ما نسوي مشروع جمع التبرعات ونساعد أهل الشؤون

راح يرفضونه منا مثل ما حاولت اني اساعدها فابت كرامتها ان تقبل مساعده مني وفضلت الحاجه والانتظار للشهر اللي بعده :(

فكرتك دروب رائعه لكن ليمتى وكم بندفع وكم اسره ؟

اشوف ان هذا يمكن حل مؤقت لكن حاجتهم اكبر من الريالات والميات :(

[latty]

:weeping:

:weeping:

يارب افرجها عليهم يعني هذه الفئه ماتستحق ان تكرم وتحفظ لها كرامتها

يارب

[الجوكر90]

السلام عليكم
انا عندي حل
بس ابي يومين اجمع اموري
وارتب اوراقي وبعدها بنزل موضوع ثاني وبقولكم
بس بشرط ابيكم تساعدوني

[مستجدة]

والله الديرة خيرها مغرق القاصي قبل الداني وعيال الديرة أولى بمليار مرة من غيرهم واتمنى من القائمين على ادارة الشؤؤن اذا احد فيهم يشوف هالموضوع يتحرك ويكون سباق في ايجاد حل عاجل لهالفئة لان 2200 في هالوقت مبلغ زهيد وما يكفي شئ هالله هالله في عيايزنا وشيبانا والله انهم يستاهلون لا نقصر عليهم

2200 شنو اتسوي في هالزمن وخاصه في هالشهر الفضيل :weeping:
الله يعين هل الشؤون ويرزقهم بفضله وكرمه

نحن نبي المسوؤلين يتحركون نبي وزير الشؤون ينقل معاناتهم لسمو الامير ولمجلس الوزاراء
ويناقشون اوضاعهم وقيمة المساعده الزهيده وزيدون قيمة المساعده
يخلونها 6000 حد ادنى هالفئه عندهم بيوت وعيال والشياب عندهم خدامه وسائق
2200 ريال شنو اتسوي بذمتكم يامسوؤلين .....؟

[الشقيان]

لاحول ولاقوة الا بالله

والله موقف محزن ويعور القلب

اييه يالدنيا مساعدات لأهل قطر قيمتها 2000 ريال ودارفور ولبنان والكورة وكاس العالم ميزانيه مفتوحه بالمليارات :(

والله مادري شقول غير الله يكون في عونها ويصبرها ويغنيها ولايحوجها لأحد

:(:(:weeping:

[بصمة قطرية]

السلام عليكم
انا عندي حل
بس ابي يومين اجمع اموري
وارتب اوراقي وبعدها بنزل موضوع ثاني وبقولكم
بس بشرط ابيكم تساعدوني

وعليكم السلام ..

ننتظرك اخوي ..
بنساعدك ان شاء الله دام هالشي فيه مصلحتهم ..

[بصمة قطرية]

يا جماعة ليش ما نسوي حملة في كل المنتديات نطالب فيها بزيادة المبلغ لأن الـ 2200 ما تسوي شي بالذات الحين في رمضــان ,,
والله حـــراااااام ..
يمكن صوتنا يوصل ويحنون عليهم ..

[latty]

يا جماعة ليش ما نسوي حملة في كل المنتديات نطالب فيها بزيادة المبلغ لأن الـ 2200 ما تسوي شي بالذات الحين في رمضــان ,,
والله حـــراااااام ..
يمكن صوتنا يوصل ويحنون عليهم ..

بنوته قطر على يدج ويد كل الاعضاء

الصوت بينسمع وبيوصل ان شاء الله بس الهمه

[بصمة قطرية]

بنوته قطر على يدج ويد كل الاعضاء

الصوت بينسمع وبيوصل ان شاء الله بس الهمه

ان شاء الله ..