راتب شهر .. منحه رمضانيه؟

[جاسم22]

كتب أسامة القطري ومحمد الهاجري:

بعد مطالبات عدد من النواب بصرف رواتب الموظفين قبل شهر رمضان المبارك، وكذلك صرف رواتب شهر سبتمبر قبل عيد الفطر، وكذلك مطالبات نيابية أخرى بزيادة علاوة الأبناء لتصبح مائة دينار، ظهرت مطالبات أخرى بصرف راتب شهر كمنحة رمضانية للمواطنين، حيث أكد النائب د.وليد الطبطبائي إن صرف هذه المنحة للمواطنين بات أمراً ملحا وضروريا خصوصا في ظل حالة التضخم والغلاء التي تشهدها الأسعار مبينا أنها مبادرة مطلوبة في الوقت الذي سنشهد فيه حلول ثلاث مناسبات متتالية تضع الكثير من الأعباء المالية على المواطنين هي شهر رمضان المبارك وعيد الفطر وأخيرا الاستعداد لموسم الدراسة.
ورأى د.الطبطبائي في تصريح لـ«الوطن» ان الحكومة بإمكانها اصدار مرسوم ضرورة بهذه المنحة وان الحكومة تستطيع اقرارها مع وجود وفرة مالية في الميزانية مطالبا بضرورة دراستها واقرارها حتى تكون مساعدة حكومية للشعب الكويتي على أعباء الحياة ولقد كان النواب خلال السنوات الماضية يطالبون بهذه المبادرة الحكومية وباتت الآن ضرورة مراعاة لاحتياجات المواطنين.
من جانبه أيد النائب د.محمد الحويلة منح الحكومة راتب شهر للمواطنين ليكون بمثابة هدية رمضانية لإعانة الاسر والمواطنين على متطلبات الحياة آملا ان تكون سنوية تصرف كل عام حتى تكون دعما لهم لاحتياجات شهر رمضان وعيد الفطر.
وقال د.الحويلة في تصريح لـ«الوطن» إن هذه المنحة ستعطي انطباعا طيبا لدى المواطنين اذا ماكانت دعما مستمرا في كل عام داعيا الحكومة الى اعطاء هذه المنحة واصدارها مراعاة للمواطنين والأسر الكويتية.
وفي تعليق حكومي على المطالبة بصرف راتب شهر خلال شهر رمضان، قال مصدر ان الحكومة ستمنح المواطنين هدية تموينية خلال الشهر مثلما منحتها خلال شهر رمضان الماضي، واضاف ان اكبر هدية حكومية للمواطنين هي تخفيض الاسعار، ومتابعة وزارة التجارة لها ومعاقبة المخالفين والساعين الى الكسب السريع مستغلين الشهر الفضيل.

[حليتان*]

هااي وين ؟

[meme~qatar]

هاي في الكويت موب عندنا

[جاسم22]

هاي في الكويت موب عندنا

ان شاء الله يصير عندنا ليش لأ

[غير عنهم]

هذا في الكويت(عقبالنا) مائة دينار تساوي عندنا 1300ريال

[الـقـاسـي]

هنيئا للكويت حقيقه وعسى أن تصبح قطر بنفس ديموقراطيه الكويت في يوم من الايام ..
المائه دينار صحيح تعادل 1300 ريال قطري لكن المبلغ هذا يسوي في الكويت نفس ال10 الاف ريال قطري ..
اولا ماعندهم نفس التضخم والغلاء اللي عندنا ..

وترى حتى التموين مالهم غير عن التموين مالنا يشمل الاشياء الاساسيه فعلا مثل دجاج وسكر وطحين وحليب اطفال وعيش وغيرها من الامور الكثيره ..

اللي ناقصنا في قطر لكي ياخذ المواطن حقه مجلس امه نفس الكويت ..

[الكونجرس]

احلام

[النائب]

رمضان / عيد / مدارس الله يعينا

[AL3NA]

يستاهلون الكويتيين :)



والله يهدي ربعنا ويعطونا10000 على الولد الواحد :p

[s o s o]

يصير نطالب براتب سنة منحة ؟احنا اغنى من الكويت ..

[العودي V.X.R]

يقول حسين بن عاقوول ((( الدجاجه صارت عن الف ناااقه )))

واحنا حتى البيضه ماشفناها .....,

[عزووز قطر]

اللبنانيين أولى

[ROSE]

يصير نطالب براتب سنة منحة ؟احنا اغنى من الكويت ..

عشان انكم اغنى وافضل من باقي دول الخليج مثل مايقول البعض هني

فانتوا مش محتاجين ليش تطلبون

اصلا الحكومه تدري انها لو عطتكم الفلوس راح تقطونها بالشارع

فعشان هالشي تحب تصرف على غيركم على الاقل تحصل الاجر

[AL3NA]

يصير نطالب براتب سنة منحة ؟احنا اغنى من الكويت ..





اتمنى ما يسمعونج المسئوليين عشان ما يلغون المنتدى بكبره .. للقطريين لا لا لا لا للقطريين


نعم للغير قطري هذا قانون البلاد حالياً

[s o s o]

عشان انكم اغنى وافضل من باقي دول الخليج مثل مايقول البعض هني

فانتوا مش محتاجين ليش تطلبون

اصلا الحكومه تدري انها لو عطتكم الفلوس راح تقطونها بالشارع

فعشان هالشي تحب تصرف على غيركم على الاقل تحصل الاجر



اتمنى ما يسمعونج المسئوليين عشان ما يلغون المنتدى بكبره .. للقطريين لا لا لا لا للقطريين


نعم للغير قطري هذا قانون البلاد حالياً




الدولة أغنى بس الشعب مديون

ركزو معاي

:looking:

[قلم حائر]

عاشت سوسو

[دلة الرسلان]

يحليل برلمانيونهم يطالبون بمطالب شعبهم واحنا اعضاء مجلس الشورى مستحيين لايكلفون

على الحكومة مع انه عندهم اقتراح برغبة يقدرون يعبرون عن مطالب الشعب .

[s o s o]

عاشت سوسو

عاشت ايامك
:strong

[ضوى]

تدرون شنو احلى شئ في ديرتنا ويميزنا عن الكويت ويرفعنا عنها الف درجة ؟؟؟ انه لازلنا ننعم بالامن والامان ( مع بعض الاستثناءات التي لا تمثل تعميما للخوف ) .
بعد فيه ميزة مش موجودة الا بقطر الكهربا والماي ، ولو شفتو طوابير الكويتين اللي واقفين عشان دفع الفواتير بتقولون والله احنا افضل من الكويت والحياة مش فلوس وبس ، شوفوا معاناتهم مع قطع الكهرباء عنهم ؟؟
الحمد لله لك يارب صج الدولة ماتعطيني هبات وعطايا مثل الكويت بس قارنوها بالمزايا اللي عندنا وبتعرفون النعمة الكبيرة اللي احنا فيه ، وعسى الله يديم علينا الخير اللهم اميييييييييييييييييييييييين

[s o s o]

يحليل برلمانيونهم يطالبون بمطالب شعبهم واحنا اعضاء مجلس الشورى مستحيين لايكلفون

على الحكومة مع انه عندهم اقتراح برغبة يقدرون يعبرون عن مطالب الشعب .

يختي افكر ادزلهم فاكس
:looking:

[halcrow]

عزيزي العضو

بخصوص عنوان الموضوع راتب شهر منحة رمضانيه

اتهقى بيطبقونه عندنا في قطر مثلا ..!

[s o s o]

تدرون شنو احلى شئ في ديرتنا ويميزنا عن الكويت ويرفعنا عنها الف درجة ؟؟؟ انه لازلنا ننعم بالامن والامان ( مع بعض الاستثناءات التي لا تمثل تعميما للخوف ) .
بعد فيه ميزة مش موجودة الا بقطر الكهربا والماي ، ولو شفتو طوابير الكويتين اللي واقفين عشان دفع الفواتير بتقولون والله احنا افضل من الكويت والحياة مش فلوس وبس ، شوفوا معاناتهم مع قطع الكهرباء عنهم ؟؟
الحمد لله لك يارب صج الدولة ماتعطيني هبات وعطايا مثل الكويت بس قارنوها بالمزايا اللي عندنا وبتعرفون النعمة الكبيرة اللي احنا فيه ، وعسى الله يديم علينا الخير اللهم اميييييييييييييييييييييييين


انا كرهت الكهرباء والماء ..

[صفقه]

ياليتهم بس يحطون علاوه على كل راس من العيال .

[دلة الرسلان]

يختي افكر ادزلهم فاكس
:looking:

ليش لا فاكس ولا مكتوب وبيناقشونه ويتخذون الاجراءات المناسبة .

[بنت ابوها 19]

لاتقارون غيركم معاكم


لاتنسون انه احنا ببلادنا الكهربا والماء ببلاش

وهذي الدول الاخرى تعوض مواطنينها بدال ماتخذه منهم من كهربا وماء

كلها سياسة


قولو الحمدالله

[ضوى]

انا كرهت الكهرباء والماء ..

مانقدر ننكر اهمية هالشئ لنا يا سوسو ، وماتقدرين تبررين كرهج لهالشئ ، جربي ينقطع عنج الماي والكهرباء لعدم تسديد الفواتير اللي ممكن توصل بالصيف مبالغ خيالية بحكم تشغيل مكيفات البيت كلها ورطوبتنا مب طبيعية ولله الحمد والمنة :)

[s o s o]

مانقدر ننكر اهمية هالشئ لنا يا سوسو ، وماتقدرين تبررين كرهج لهالشئ ، جربي ينقطع عنج الماي والكهرباء لعدم تسديد الفواتير اللي ممكن توصل بالصيف مبالغ خيالية بحكم تشغيل مكيفات البيت كلها ورطوبتنا مب طبيعية ولله الحمد والمنة :)

ويعني الكهربا والماي مقابل سكوتنا عن باقي الحقوق والثروات ؟

[ضوى]

ويعني الكهربا والماي مقابل سكوتنا عن باقي الحقوق والثروات ؟

سكوت !! لو لج حق طالبي فيه وماضاع حق وراه مطالب ، سياسة الدولة معروفة في هذا الجانب خاصة فيما يتعلق بتوزيع الثروات ، ولكن هناك مطالب ونداءات كثيرة ولعل في يوم من الايام يكون هناك تجاوب ، ولكن ان ننكر ماهو ظاهر وواضح البينة فهذا من باب الجحود ، كما للدولة سلبيات هناك ايجابيات حريا بي ذكرها وان كانت لاتوافقكم اختي الكريمة

[bu 3li]

شسالفة الردود اللي فيها كهرباء وماء ؟؟ ترى البحرين ( لاقصور فيهم ) تعتبر دوله دخل مواطنينها ضعيف بالنسبه لنا .. لكنهم يدفعون كهرباء وماء وبمبالغ رمزيه .. عادي يبه بندفع هـ المبالغ الرمزيه
بس خل يعطون المواطن من خير هـ البلاد وهو بيعيش من غير ديون وبيدفع كهرباء وماء

انا عن نفسي خل يصفون ديني وبادفع عن كل واحد قال كهرباء وماء ببلاش .. ترى مب سالفه ذي

والاخت روز قال بنقط فلوسنا فـ الشارع لو الدوله عطتنا .. احب اقول لج اختي انه احنا ننطر البيزه تجينا من اهني ولا هناك ونقطها عـ البنك الله يسلمج عشان نتنفس اشوي واللي بيقطها فـ الشارع ولا حق بطره وفسق هاي بيتحاسب على فلوسه في شنو صرفها

[PoBox]

*
*
اكبر غلط المطالبة بفلوس =<< حسستني انها انصرفت خلاص :rolleyes2:

لانكم بتدفعونها ضعفين هالزيادة بطريقة او اخرى
في اشياء اخرى بترتفع ارتفاع اكبر من المبلغ اللي انصرف

لذلك اللي يبغي يطالب
يطالب بشي ملموس بدون فلوس

- كوبونات بترول مجانية لمدة شهر للمواطنين
- ذبيحتين عن كل مواطن قطري
- كوبونات مجانية من شركة الميرة الوطنية
- رحلات عمرة
- الخ الخ الخ
- ولاينصرف الشي الا بحضور صاحب الشأن شخصيا مع بطاقته الشخصية لمطابقة الرقم الشخصي

[ابو محمد7]

سكوت !! لو لج حق طالبي فيه وماضاع حق وراه مطالب ، سياسة الدولة معروفة في هذا الجانب خاصة فيما يتعلق بتوزيع الثروات ، ولكن هناك مطالب ونداءات كثيرة ولعل في يوم من الايام يكون هناك تجاوب ، ولكن ان ننكر ماهو ظاهر وواضح البينة فهذا من باب الجحود ، كما للدولة سلبيات هناك ايجابيات حريا بي ذكرها وان كانت لاتوافقكم اختي الكريمة

شكرا على الايجابية اللي نحتاجها في هالمكان تبعد عنا مشاعر الاحباط واليأس وان كل شيء اسود

[s o s o]

سكوت !! لو لج حق طالبي فيه وماضاع حق وراه مطالب ، سياسة الدولة معروفة في هذا الجانب خاصة فيما يتعلق بتوزيع الثروات ، ولكن هناك مطالب ونداءات كثيرة ولعل في يوم من الايام يكون هناك تجاوب ، ولكن ان ننكر ماهو ظاهر وواضح البينة فهذا من باب الجحود ، كما للدولة سلبيات هناك ايجابيات حريا بي ذكرها وان كانت لاتوافقكم اختي الكريمة

ماننكر الايجابيات عزيزتي ...لكن هذا مايعني ان الايجابيات كمام وسدادة للافواة امام السلبيات والمطالب .

في فرق على فكرة من ذكر الايجابيات والشكر عليها وفرق بالتهديد او الاشارة الى ذلك بالحرمان منها في حال الشكوى من السلبيات او الطلبات التي لاتتعارض مع دخل الدولة وثرواتها ..

[الغالي!]

قول عسى ماياخون منا

[بنت ابوها 19]

شسالفة الردود اللي فيها كهرباء وماء ؟؟ ترى البحرين ( لاقصور فيهم ) تعتبر دوله دخل مواطنينها ضعيف بالنسبه لنا .. لكنهم يدفعون كهرباء وماء وبمبالغ رمزيه .. عادي يبه بندفع هـ المبالغ الرمزيه
بس خل يعطون المواطن من خير هـ البلاد وهو بيعيش من غير ديون وبيدفع كهرباء وماء

انا عن نفسي خل يصفون ديني وبادفع عن كل واحد قال كهرباء وماء ببلاش .. ترى مب سالفه ذي

والاخت روز قال بنقط فلوسنا فـ الشارع لو الدوله عطتنا .. احب اقول لج اختي انه احنا ننطر البيزه تجينا من اهني ولا هناك ونقطها عـ البنك الله يسلمج عشان نتنفس اشوي واللي بيقطها فـ الشارع ولا حق بطره وفسق هاي بيتحاسب على فلوسه في شنو صرفها

انا عندي فكره

مب انت تقول انك راح تدفع عن كل واحد

عيل ليش جاي تطالب الدولة ..

خذ الي تبي تدفعه لنا قطه ع البنك :nice:

[باسكن روبنز]

تو الناس على كذبة ابريل ، :(

[bu 3li]

انا عندي فكره

مب انت تقول انك راح تدفع عن كل واحد

عيل ليش جاي تطالب الدولة ..

خذ الي تبي تدفعه لنا قطه ع البنك :nice:


يا اختي العزيزه السالفه مب دقة صدر وفزعه .. القصد انه مافي مقارنه بين ان الواحد يدفع لـ كهربه وماي سعر رمزي ( مقدور عليه ) وبين ان الواحد يشيل اقساط فوق الـ 3000 ريال وكلها فوايد وارباح بنوك

ياليت تفهمين قصدي من ورى هـ الكلام بدال لا تقعدين تقولين سو جذي وجذاك ابرك لك

لكن خل ارد عليج بـ مثل ما انتي تفكرين ورديتي علي .. انا باتكفل بـ كهربة وماي بيتكم باقي العمر بس ابيج تدفعين انتي اقساطي مالت البنك .. بتكونين انتي خذتي دور الدوله وشلتي ديني وانا باشيل الكهربه والماي اللي انتي مستانسه انه حد شايلهم عنج

[رمــش الغلا]

تطلبون المستحيــــــــــــل :(

[بنت ابوها 19]

يا اختي العزيزه السالفه مب دقة صدر وفزعه .. القصد انه مافي مقارنه بين ان الواحد يدفع لـ كهربه وماي سعر رمزي ( مقدور عليه ) وبين ان الواحد يشيل اقساط فوق الـ 3000 ريال وكلها فوايد وارباح بنوك

ياليت تفهمين قصدي من ورى هـ الكلام بدال لا تقعدين تقولين سو جذي وجذاك ابرك لك

لكن خل ارد عليج بـ مثل ما انتي تفكرين ورديتي علي .. انا باتكفل بـ كهربة وماي بيتكم باقي العمر بس ابيج تدفعين انتي اقساطي مالت البنك .. بتكونين انتي خذتي دور الدوله وشلتي ديني وانا باشيل الكهربه والماي اللي انتي مستانسه انه حد شايلهم عنج

لا خل الكهربا انا بدفع

بس انت شيل الاقساط اربع شهور عني :nice:

مانبي منهم فلوس

خل ينزلون لنا ع الاقل راتب شهر 8 قبل رمضان ع الاقل

[حبتور]

شكرا على الايجابية اللي نحتاجها في هالمكان تبعد عنا مشاعر الاحباط واليأس وان كل شيء اسود

أخوي ماعليك من الكلام اللي لا يودي ولايجيب و كل شي وايت والسما صافية ولله الحمد وخلك متفائل خير وخفف عشاك وإرقد هني ولاتحاتي باجر وشيل النظارة الشمسية بس شوي شوي علشان النور والسفر والشمس الحارة ماتأثر عليك
والله يسعدك.....وحنا وياك؟

[bu 3li]

لا خل الكهربا انا بدفع

بس انت شيل الاقساط اربع شهور عني :nice:

مانبي منهم فلوس

خل ينزلون لنا ع الاقل راتب شهر 8 قبل رمضان ع الاقل


اول شي قلتيه بـ الاحمر يبين حال المواطن فـ البلاد واشلون هو ضايق من ديونه .. والدوله مب عيزانه عن سداد هـ الدين وتكون سبب فـ التفريج عن شعبها اللي يشتغل عشان هـ البلاد

وثاني شي قلتيه بخصوص انج ماتبين منهم شي .. يمكن انتي ماعندج التزام او مسؤوليه تجاه افراد ثانيين وماعندج مشكله في وضعج الحالي بس احنا طالبنا لانه ورانا ناس نكد عليهم ونحاول نوفر لهم عيشه طيبه

[بوخالد911]

يسلموو للنقل

[كازانوفا]

الله كريم
:)

[Qa6ar]

الفال لنا نسمع عن مجلس الشورى يطالب للشعب بأي شيء

[جلمود]

عشان انكم اغنى وافضل من باقي دول الخليج مثل مايقول البعض هني

فانتوا مش محتاجين ليش تطلبون

اصلا الحكومه تدري انها لو عطتكم الفلوس راح تقطونها بالشارع

فعشان هالشي تحب تصرف على غيركم على الاقل تحصل الاجر

:anger1::anger1::anger1:

[بـومـشـاعـل]

يا حليلكم يا اهل قطر اطالبون بهدوء واتزان من الحكومه اشياء خرافيه انتم ماتشوفون القنوات الكويتيه والمطالبات والاستجوابات حتى رئيس الوزراء يستجوبونه ماخلو شي فعلا عندهم ديمقراطيه وياخذون حقهم من فم الاسد 00 احنا ف الدوحه حتى قناه مشفره خاصه ماعندنا ولو كان عندنا مستحيل يطلع ولا واحد قطري ويشتكي على حد من الوزراءاو حد من اصحاب الملايين اللي شافطين الشعب حتى سالفه المجلس الاعلى والظلم الواقع علينا من يقدر يتكلم وحتى يوم تكلمنا ف المنتديات شلي صار او شلي استفدنا منه كله هباء منثورا ولازال عظمااااء المجلس الاعلى يتحكمون ويامرون ف مستقبل جميع طلاب قطر وجميع بنات قطر المدرسات او الاداريات وخصوصا الجامعيات منهم من يقدر يوقف مهازل المجلس الاعلى والخافي كان اعظم فعلا احنا ااااا شعب ماعنده الا الحكي ف المنتديات وبس والادهى انه في بعض المواضيع تتسكر ههههه وين احنا وين الديموقراطيه اسكتو بس احسن لكم ولا اطالبو بش مثل لكويت العظمى من وجهه نظري

[قلب الدوحة]

عزيزي العضو

بخصوص عنوان الموضوع راتب شهر منحة رمضانيه

اتهقى بيطبقونه عندنا في قطر مثلا ..!

شعنده عزيزي ههههههههههههههه بس حلوة منك

[s o s o]

يا حليلكم يا اهل قطر اطالبون بهدوء واتزان من الحكومه اشياء خرافيه انتم ماتشوفون القنوات الكويتيه والمطالبات والاستجوابات حتى رئيس الوزراء يستجوبونه ماخلو شي فعلا عندهم ديمقراطيه وياخذون حقهم من فم الاسد 00 احنا ف الدوحه حتى قناه مشفره خاصه ماعندنا ولو كان عندنا مستحيل يطلع ولا واحد قطري ويشتكي على حد من الوزراءاو حد من اصحاب الملايين اللي شافطين الشعب حتى سالفه المجلس الاعلى والظلم الواقع علينا من يقدر يتكلم وحتى يوم تكلمنا ف المنتديات شلي صار او شلي استفدنا منه كله هباء منثورا ولازال عظمااااء المجلس الاعلى يتحكمون ويامرون ف مستقبل جميع طلاب قطر وجميع بنات قطر المدرسات او الاداريات وخصوصا الجامعيات منهم من يقدر يوقف مهازل المجلس الاعلى والخافي كان اعظم فعلا احنا ااااا شعب ماعنده الا الحكي ف المنتديات وبس والادهى انه في بعض المواضيع تتسكر ههههه وين احنا وين الديموقراطيه اسكتو بس احسن لكم ولا اطالبو بش مثل لكويت العظمى من وجهه نظري


عطنا اقتراحات لطريقة المطالبة ..

[الصريحه]

يصير نطالب براتب سنة منحة ؟احنا اغنى من الكويت ..

هههههه
ليش لا انت في بلد الخير اطلب واتمنى من ربك ثم من شيخك الله يوفقه لما فيه صلاح للعباد

[النائب]

لا تتوقعون الكثير خلوا طلباتنا على قدنا وحاولوا تحلمون بشي من الواقع !
وخلوا لأحلامنا حدود : ولا تتعدى

1- نص كرتون دجاج .
2- 12 بيضة .
3- علبتين دهن .
4- ريالين خبز ( لبناني )
5- علبة ديتول .
6- كيلوا بصل - كرتون طماط - كرتون خيار حجم صغير .
هذا لو حصلتوه من حكومتكم في رمضان إحمدوا ربكم .
ولا أحد من المطبلين يتحداني ترى رمضان شهر وينتهي وأنا باجلس لكم تحدى ماتشوفوا شي
المثل يقول لو به شمس بدت أمس .

[باسكن روبنز]

تطلبون المستحيــــــــــــل :(

حتي تايد مايعترف بالمستحيل ،:fight:




اللبنانيين أولى

أأخ على الجرح، :weeping:




يصير نطالب براتب سنة منحة ؟احنا اغنى من الكويت ..

الهلوسه من اثار الصخونه ماتشوفين شر سوسو ، :(

[s o s o]

لا تتوقعون الكثير خلوا طلباتنا على قدنا وحاولوا تحلمون بشي من الواقع !
وخلوا لأحلامنا حدود : ولا تتعدى

1- نص كرتون دجاج .
2- 12 بيضة .
3- علبتين دهن .
4- ريالين خبز ( لبناني )
5- علبة ديتول .
6- كيلوا بصل - كرتون طماط - كرتون خيار حجم صغير .
هذا لو حصلتوه من حكومتكم في رمضان إحمدوا ربكم .
ولا أحد من المطبلين يتحداني ترى رمضان شهر وينتهي وأنا باجلس لكم تحدى ماتشوفوا شي
المثل يقول لو به شمس بدت أمس .


زيد طال عمرك

3قوطي محلبية
5 خرايط طحين حمص
دبتين بو نص كيلو دهن قطري
خريطة لومي اسود حجم كبير
قلة تمر
غرشتين شربت ورد
:looking:

[بوروضه]

الله يعطينا مثل ماعطاهم

[منــار]

اللبنانيين أولى



حرام عليك عزوز قطر

نسيت السودانين اللى على ما سمعت يبون بس بس 4 مليارات دولار ..

[MY LORD]

لاصار عندنا واحد مثل مسلم البراك ولا طبطبائي ولاسعدون بتعينون خير :anger1:

[مـالـﮓ رجى]

عقبالنا

[حمود قطر]

تدرون شنو احلى شئ في ديرتنا ويميزنا عن الكويت ويرفعنا عنها الف درجة ؟؟؟ انه لازلنا ننعم بالامن والامان ( مع بعض الاستثناءات التي لا تمثل تعميما للخوف ) .
بعد فيه ميزة مش موجودة الا بقطر الكهربا والماي ، ولو شفتو طوابير الكويتين اللي واقفين عشان دفع الفواتير بتقولون والله احنا افضل من الكويت والحياة مش فلوس وبس ، شوفوا معاناتهم مع قطع الكهرباء عنهم ؟؟
الحمد لله لك يارب صج الدولة ماتعطيني هبات وعطايا مثل الكويت بس قارنوها بالمزايا اللي عندنا وبتعرفون النعمة الكبيرة اللي احنا فيه ، وعسى الله يديم علينا الخير اللهم اميييييييييييييييييييييييين

طبعا لدينا ما يميزنا عن غيرنا من الدول المجاورة ..

ولكن !! أليس من حقنا أن نطمح للأفضل ؟؟

أليس من حقنا المطالبة بأبسط الأمور لتحسين الأمور المعيشية للمواطن ؟؟

قد يكون حال البعض يجعله لا يفكر ان يطالب الحكومة بأي شيء وذلك لأن وضعه

المادي والاجتماعي ممتاز ،، وعليه بألف عافيه :victory:

ولكن هنالك الكثير من الأسر والعوائل القطرية اللتي لازلت لديها عزة النفس في

الذهاب وطرق باب الحكومة والجهات المعنية للمطالبة بأبسط حقوقها :shy:

ألا نستحق ( هدية رمضان ) أو ( منحة الأعياد ) ؟؟

مقابل نقدي أو مقابل عيني ( مواد تموينية خاصة أو كوبونات شراء )

هل قضية أو قصة كل سنة ( مليار ريال قطري يذهب إلى إحدى الدول العربية ) ستهز من

ميزانية الحكومة السنوية ؟؟

ألسنا نحن الأولى بهذا المليار ؟؟

ألا نستحق حتى لو نصفها ؟؟

عدد المواطنين أقل بكثير من الدول الخليجية المجاورة ..

والموارد المالية والنفطية ضخمة ( ماشاء الله وتبارك الرحمن ) ..

لماذا لا يتم وضع في الموازنة السنوية بند جديد وإضافي تحت مسمى ( منح وهبات حكومية ) ؟؟

[هدهد سليمان]

يقول حسين بن عاقوول ((( الدجاجه صارت عن الف ناااقه )))

واحنا حتى البيضه ماشفناها .....,

الدجاجه بألف ناقه :eek5:

[Bo_7aMaD_Q8]

لاصار عندنا واحد مثل مسلم البراك ولا طبطبائي ولاسعدون بتعينون خير :anger1:

:victory::victory:

[الميزان 1969]

الفااااااااااااااااااال لنا

[المبتسم]

هنيئا للكويت حقيقه وعسى أن تصبح قطر بنفس ديموقراطيه الكويت في يوم من الايام ..
المائه دينار صحيح تعادل 1300 ريال قطري لكن المبلغ هذا يسوي في الكويت نفس ال10 الاف ريال قطري ..
اولا ماعندهم نفس التضخم والغلاء اللي عندنا ..

وترى حتى التموين مالهم غير عن التموين مالنا يشمل الاشياء الاساسيه فعلا مثل دجاج وسكر وطحين وحليب اطفال وعيش وغيرها من الامور الكثيره ..

اللي ناقصنا في قطر لكي ياخذ المواطن حقه مجلس امه نفس الكويت ..

الله لايجيب ديمقراطية الكويت عندنا,,,ديمقراطيه مسخره عندهم,,المستفيد الوحيد عندهم المحامي من كثر ما ياخذ اتعاب السب والقذف بين الصحفي والوزير والنائب والمواطن!!!

[الزيبق]

انشاالله ما ينسون المتقاعدين اذا وافقوا

[لطآم]

لبنان أولى ... :)