كيف انقل من البنك الربوي , والبنك الاسلامي لا يقدر على تسديد مديونيتي ؟

[AL3NA]

السلام عليكم ورحمة الله وبركاته


اخواني , هذا الموضوع يمكن اغلبيتكم عانا منه ,, انا واحد من هالاشخاص

كل البنوك الاسلاميه رفضت نقلي من بنك ربوي , والعذر مديونيتك كبيره جداً

الحين المشكله ماهي المديونيه المشكله ان البنك ربوي كيف انقل منه حتى افتك من الرباء

وقلت اذا البنك الربوي ياخذ 10,000 انتو اخذو 13,000 . وللاسف ما رضو


الحين السوال هنا : هل علي شي .. انا حاولت انقل بكل الطرق ولاكن ما قدرت هل علي اثم ؟.
هل يعتبر راتبي حلال او حرام .. لأني اخذه من بنك ربوي ..


من عرف الاجوبه لا يبخل علينا .. وجزاكم الله خير

[وديمة]

اخوي تقدر اتشوف مصرف الريان يشترون المديونية والفائدة قليلة 5.5
وانا تو ناقلة عندهم ولله الحمد وافتكيت من البنك الربوي .
اللهم اغننا بحلالك عن حرامك وبفضلك عمن سواك .
اللهم امين

[AL3NA]

بكره بشوفهم مع اني شفت ثلاث بنوك اسلاميه ورفضووو

[العودي V.X.R]

اخوووي عليك بالدعااااء .... عسى رب العالمين يفكك من ها البلا....

[تبتلشٍ]

اخوي بعض البنوك الربويه لها افروع اسلاميه يمكن بنكك له فرع اسلامي حاول تنقل عنده

[راعي الدتسن]

الله يعينك أخوي

[AL3NA]

لاهنتوووو جميعاً


والبنك ماله فرع اسلامي للاسف

[إنتعاش]

تفضل اخوي زور هالرابط

وان شاءالله يكون فيه حل لك وراحة بال

http://qatarshares.com/vb/showthread.php?t=388753

[AL3NA]

انتعاش تسلم والله لا يهينك ...
الشروط ان القسط ما يعدي 50% من الراتب القسط على 7 سنوات اكثر من النص بكثير

[إنتعاش]

بيكون عندك خيار اخوي انك تدفع الجزء اللي يخلي مديونيتك اقل حتى يكون القسط 50% من راتبك .

تدبر يا اخوي ان شاءالله وتفائل ولا تيأس .. وان شاءالله ربي بيفرجها عليك ويوفقك دامك ناوي على الخير وتبي الراحة والابتعاد عن هالبنوك

[AL3NA]

الله يجزاك خير .. ويسمع منك

[الزين للزين]

اخوووي عليك بالدعاء

وعسى رب العالمين يفكك من هذا البلا ء

[AL3NA]

اللهم امين

[فديت امي]

جزاك اللـــــــه كل الخير

[بوجاسم 999]

اخوي لاتسمع كلام اي شخص غير متخصص في هذه الامور

اتصل الدعوه والارشاد واشرح لهم وبيقولون لك اذا كان راتبك حلال او لا وايش يمكن تسوي

وانما الاعمال بالنيات ولكل امرء ماعمل

ربي يجزيك خير ويوفقك ان شاءالله

[aljaber1]

نصيحه لك خلك لين تخلص مديونيتك لاتزيد الطين ماء
بنكك بياخذ فائدة نفكاك مش اقل 4% والبنك الي بيستقبلك
بيحسب عليك فائده ولو حسبتها بتطلع خسران

خلك لين تنقص مديونيتك وحاول تعيد الجدوله التختصر ماتبقى عليك
ولاتغرك المسميات زيد وعبيد واحد