المبدعين القطريين ... ينتظرون حفاظات ... ماما الحكومة القطرية

[البدع]

لدينا زين الدين زيدان قطري

لدينا نجيب محفوظ قطري

لدينا احمد زويل قطري

لدينا مصممي مواقع مبدعين مثل مصمم فيس بوك

لدينا ولدينا

ومن يستحفر ان لدينا هؤلاء ... فهذا انسان تافه .. ويظن الناس تافهين مثله

لدينا ونص

لدينا و7 انصاص

ولكن المشكلة ان اغلب المبدعين عندنا ينتظرون الحكومة القطرية ان تاتي وتلبسهم حفاظاتهم وتعطيهم اموال وتبني لهم شركات

لايعتمدون على انفسهم ابدا ... فقط ينتظرون مرضاعة الحكومة القطرية

ولايعرفون ان كل العمالقة بنوا انفسهم بانفسهم .. بدون دعم احد ..بل ان احد ضرهم ووقف في طريقهم

صحيح ان الحكوة مقصرة نوعا ما

فامريكا تدعم المبدعين عندها ...

بينما نحن عايشين على الواسطة والتملحس والمحسوبية والي الصراحة دمرت شباب كثير عندنا في قطر

سمعت قصة فتاة من جامعة قطر .. نابغة ودرجاتها عالية جدا جدا ... تم رفض طلبها للعمل في الشركة الي اعمل فيها لان حظها النحس طيحها في المقابلة مع مدير حقير ونكرة ويدور بنات حلوات ... اضف ان بنت جميلة كانت معاها في المقابلة وهي الي انجحت بجمالها ... ومن يدري يمكن الله حفظها وهي ماتدري

هناك مبدعين قطريين رغم عن انوف الهمج

ولكن للاسف ينتظرون حفاظات ماما الحكومة القطرية

وفي نفس الوقت الحكومة مقصرة في حقهم

[فلتة زمانها]

صادق اخوي البدع
الانسان المبدع والمميز ماينتظر تشجيع ودعم من غيره
علماء المسلمين امثال جابر بن حيان والخوارزمي والادريسي وغيرهم
ابدعوا واخترعوا وانتجوا بدون اي دعم او تشجيع من غيرهم

[الخفي]

(( الحكومه مشغوله بالشراء ماتبي تصنع تبي الجاهز واذا بتصنع احد تبيه ستطليه بالذهب ))

[الخير كله]

ومن الغبي الي ينتظر بامبرز الحكومه
0(اتكلم عن الناس العاديه):)
الناس الواعليه ما يبون دعم يقولون تكفون خلونا ناخذ فرصتنا
ووين هالفرص في زمن الاحتكار في كل النواحي العمل والمناصب والتجاره و...,...,...ووووووو
الدول الغربيه تعطي الواحد فرصته بالطول والعرض علشان كذا شفنا عندهم اوبرا واوباما ..اللي مستحيل يطلع مثلهم في شعوبنا المستعمره منا وفينا:(
عيشو واحلمو:)

[غدير البورصه]

كلمة حفاظات ما لها داعي

ياليت يكون التعبير احسن من هالكلمه

[Northman]

صدقت....

[بوبندر]

دام تعبيرك حفظات الله يعنك على نفسك

[مرتبش]

شدعوة
على اي اساس افترضت ان المبدعين ينتظرون الحكومة تسوي لهم كل شي

هل تعتقد المبدعين عندنا يختلفون عن المبدعين عندهم؟

هل تعتقد ان الغير قطريين في هالكون الوسيع مايشتكون من حكوماتهم ويذمون ويصيحون من حكوماتهم ؟

[تغلبية]

صحيح عندنا كل اللي ذكرتهم وبعضهم ما ينتظر حفاظات الحكومة ..
لكن ينتظر الحكومة تعطيه الترخيص اللازم لممارسة ابداعاته !

على سبيل المثال ..

قريبي فنان تشكيلي من الطراز الأول
- حده- يمارس ابداعاته في مرسم الحي الثقافي .. وفي مرسمه الخاص
وينشرها في المعارض المحلية -اللي تستوي بالموت وبجهود فردية - وبدون دعم مادي يذكر الا فيما ندر.. وفي المعارض العالمية

زرت هالحي الخيالي .. وهو فعلاً خيال !
وتبادر لذهني سؤال ..
يافلان يافنان: وراكم ماتجسدون فنكم الأصيل بجداريات في مناطق الدوحة بدال جداريات كيوتل التراثية
اللي راسمينها الهنود وبوفلبن ... الخالية من الروح القطرية !

قال احنا جاهزين ماعندنا مشكلة بس خلهم يعطوناً ترخيص ويدعمونا لعمل هذي الجداريات ..
ومو مطلوب أكثر من أجرة الأتعاب .. ماطلبنا مكافآت خيالية .. اللي نبيه بس قيمة المجهود والوقفة والشغل في الحر والشموس !
وحتى الوقفة المجردة حارمينا منها !

في حين ..
في إيطالياً مثلاً .. طاروا به طير .. وبلدية من بلدياتهم تقديراً لفنه دعته لعمل معرض فني لديهم !

هذا الفرق في رعاية المبدعين القطريين في قطر وخارج قطر !!

[عنوووود]

المعوقات كثيرة ،،،،والمبدعين لا ينتظرون المساعدة بل " إزالة المعوقات والتسويف في إعطائهم فرص للإبداع "

[s o s o]

وااااااااو
حفاظات + حكومة = انهيار اخلاقي لغوي شنيع

:looking:

[Ussop]

أعتقد لو قلت "مرضاعة" بدل "حفاظة" كانت بتركب أكثر.

[OREO]

دام تعبيرك حفظات الله يعنك على نفسك


طول بالك اخوي بوبندر .. اظاهر اخونا منزل موضوعه و هو نايم ..



http://www.babycareservices.com/brian_pacifier_and_holding_box_of_pampers.jpg

اخوي البدع .. كونك واحد منا و فينا و من اهل قطر و اتهامك الشديد لنا بأنا محتاجين حفاظات ..
فتفضل هذا نصيبك من المقسوم طال عمرك ...

و لا تنسى اعادة صياغة الموضوع لان فيه انواع التناقضات و الحفاظات ..

:rolleyes2:

.

[+abc]

الي ينتظر حفاظة هذا مهوب مبدع يالبدع

لان كلمة مبدعين ماتطلق على الي مايتحركون لهالدرجة