السياحه في مصر.. أشرايكم فيها؟؟؟؟؟؟

[نجمة في سماه]

أنا الصراحه نفسي اروح مصر من زمان بس الناس امخوفتني منها !!! الي يقول انهم نصابين والي يقول انها وانتوا ابكرامه وسخه والي ما يمدح شعبهم !!! شالحل؟؟ردوا علي يا أهل الخبره والي راحوا مصر أش تنصحوني فيه؟؟؟؟

[روح الاطلس]

انا مثلك بس النصابين من اي ناحية؟؟

مافي احد بينصب عليك لو كنت صاحي لهم

امثلة على النصب يجي واحد يوقف جنبك ويقول لك انت فزت معنا وبتاخذ تذكرة لمدري وين وفزت باجهزه كهربائية والخ

التعامل الامثل مع هؤلاء هو التطنيش والمشي والابتعاد عنهم

النصب الثاني يكون مثلا في الاماكن الترفيهيه بس مايعتبر نصب لانه يمشي على كل اجنبي وهو عملية التسعير

يقول لك هالتذكرة سعرها كذا بالنسبة للمصريين ودبل سعرها للسياح
وان قلت ليش قالوا لك هذي تعرفة سياحية

بس مافي نصب غير هالشي

وفيه الشحاتين اطفال صغار يا تعطيهم او امشي عنهم براحتك

ااما من ناحية وسخة فالشوارع يبي لك تلبس جزمة مسكرة عشان هم طينتهم سودة وبالتالي الغبار اللي في الشارع اسود ويسود الرجول

وتقدر تروح للاماكن الراقية النظيفة بس طبعا غالية

مثل شرم الشيخ ومارينا والقرى السياحية

وانا افضل انك تروح الاسكندرية على البحر ولا تروح القاهره

ومصر مهمها كانت تبقى حلوة ولها اثر في النفس
وشعبها قمة في الطيبة واللطافة

بس انت اقرا في المنتديات السياحية عدل عنها وتوكل على الله وبتحبها

[Gentleman]

http://www.qatarshares.com/vb/showthread.php?t=386803

[بولينجر]

ما أنصحك.... لا جو ولا نظافة.....

[نجمة في سماه]

مشكور على الرد ,,,, أنا وحده ؟؟؟؟

[بولينجر]

مشكور على الرد ,,,, أنا وحده ؟؟؟؟
السموحة اختي الكريمة.....

[rashid-1]

السلام عليكم

مصر في الليل حلوه وخصوصا صوب النيل والحسين

وإذا خاطرج تزورينها زوريها وحتى ولو 6 ليالي عن الخاطر بس وماأنصحج بزيادة

من ناحية النصابين تقدرين تتغلبين على هالمشكلة

أولا : تتجنبين السكن في الشقق

ثانيا : الإتفاق المسبق مثلا بتركبين على حصان قبل لاتركبين أتفقي على السعر

ثالثا : لاتعطين أحد وجه خصوصا اصحاب التكاسي

وخلي معاج خرده جنيهات ونص جنيهات عشان الشحاتين الأطفال هناك موجودين بكثرة

وسفرة سعيده ان شاء الله

[المزن الرياني]

ماتسوى ربع ريال

[كازانوفا]

الغردقه تقريبا تخلو من النصابين والشحاتين لانها منطقه سياحيه وشرطة السياحه باستمرار بالشوارع اكثر من السياح ونفس الشي شرم الشيخ والاسكندريه حلوه من القلب شواطئهااااا ما عليها كلام

[نجمة في سماه]

ولا يهمك ما صار إلا كل خير.....

[نجمة في سماه]

مشكوريين على ردودكم

[وارث العز]

والله مصر مافيه احلى منها ......... ظحك ووساعة صدر

[gamal503]

ماتسوى ربع ريال

الافضل انك برة الموضوع احسن
وخليك في تايلاند تسوى عندك اكثر

[ماريسا]

مصر حلوة
و المناطق النظيفة كثيرة عندج الاسكندرية و المعادي و المارينا و شرم و كفر عبده مناطق راقية و جميلة جداً
بخصوص النصب وين النصب الا اذا عطيتيهم مجال ينصبون عليج؟
بخصوص الطرارين الاطفال نصييييييييييييحة لا تعطينهم ولا ريال ولا تلتفتين لهم اصلاً لأن اذا عطيتيهم بيجيب كل ربعه و هم كثاااااااااااار و بيلعوزونكم (هاي طبعاً بالمناطق المتوسطة)
و نصيحة لا تاكلين من البائعين المتجولين و يفضّل ما تلبسين اسود البسي اي لون ثاني ابيض او كحلي مثلاً لأن لما يشوفون سواد و ثوب ابيض خلاص الاسعار تتدبّل ههههههههههههههههههه
غير جذي مصر حلوة و شعبها جداً طيب و كريم

[FAUCHON]

تبي مصر لاتفكر تروح لها الا في الشتاء


اما في الصيف انسسسسسسى

[القصيميه]

الديرة حلوة بزحمتهاوالجولك علية

[المزن الرياني]

الافضل انك برة الموضوع احسن
وخليك في تايلاند تسوى عندك اكثر



هذا أنتوا... كل تفكيركم بالهز و ملحقاته

[جهام]

وسعوا صدوركم ياجمال والمزن ....كلن ورايه وذوقه