مطلوب مقاول لبناء فيلا

[مـالـﮓ رجى]

السلام عليكم
اللي يعرف مقاول شغله زين ويخاف الله لبناء فيلتين على المفتاح واهم شي يكون مجرب عنده او يعرف حد بناء عنده ويمدحه يدلني عليه والله يجزاكم خير...

[بوعبدالله 8]

الشيخ شوف الخاص

[i.s.s]

شيك على الخاص

[المدير]

انا اعرف واحد ممتاز وشغله نظيف انا سويت فلتي عنده

[إزهية]

بعد أذن صاحب الموضوع
أنا بعد أبقي مقاول يكون شغلة زين ويخاف اللة
ولكم جزيل الشكر مقدما

[ابو علاوي]

انا اعرف مهندس سوري محترم جدا
وخبرة بقطر
شغله زين وعنده شغل بكل انحاء الدولة

[مـالـﮓ رجى]

انا اعرف مهندس سوري محترم جدا
وخبرة بقطر
شغله زين وعنده شغل بكل انحاء الدولة


لاتعليق

[مـالـﮓ رجى]

يالربع اللي مجرب عند مقاول شغله مضبوط وسعره مقبول يفيدنا والله يجزاه خير اللي بيفيدنا

[ابو علاوي]

اشوفك حطيت - سوري - بالخط الاحمر العريض هههههه
انا حبيت اساعدك
وعموما معك حق لان الواحد يبعد عن الشر ويغنيله
ولكن اصابعك مو واحد

[captin]

موفق يالطيب ان شاء الله

إذا كنت تبحث عن الجودة وليس السعر المضروب اللي غالبا ما يكون على حساب الجودة

اقصد سعر البنغال والبتان والسوريين اللي يجولون في الشوارع وما وراهم الا عوار الراس

ادخل موقع هاذي الشركة وخذ شغل عدل في الجودة والوقت والفنشنغ

http://www.ubqatar.com/

[ممنوع اللمس]

برسل لك عالخاص رساله اخوي شيك عالخاص

[هدوء العاصفة]

اخوي راسلني على الخاص شخص مجرب

[ابو علاوي]

سوري انا اقولك سوري ببلاش والله ماخليه يبني لي ماهي بوجع الراس الي باحصلها من وراه:nice:
عموما حقك علينا واسف اني دليتك عليه
مايحتاج تعصب الشيخ
هذا رجال مهندس من 10 سنين بقطر
اشتغل فندق سيف الدوحة مع شركة الشريف
واشتغل 4 سنين مع شركة اراب تيك في مدينة الوعب وتركهم وفتح شركة مع شريك قطري
لكن عموما حقك علي واسف

[بويوسف]

اخوي الاعضاء يرجى الابتعاد عن ذكر الجنسيات االأخرى أو الاساءة اليها .. كما يوجد من بيننا السئ والحسن فالجنسيات الأخرى بها السئ والحسن ..

فأرجوا منكم اختيار الفاظكم في هذا الشهر الفضيل فالأخوة المقيمين أخوة لنا لهم مالنا وعليهم ماعلينا .

[jassimqtr]

السلام عليكم ورحمة الله وبركاته
ادلك علي شركه لمهندس ذو خبره عاليه وشغله جدا ممتاز من ناحية الانجاز والمتابعه والتصميم والاهم من هذا كله انه يخاف الله وعنده ذمه وضمير وممكن يساعدك في التصميم ويعطيك استشارات فالمخطط والبناء ويقولك كل شي قبل مايبلش فالشغل يعني يريحك من الاخطاء فالتصميم واذا تبي بعطيك رقمه ونسق معها وشوف بنفسك

[qtr.wolf]

اخوي .. عندك شركة المناعي للمشاريع .. ارقد ولا تروح تشوف شغله الا بعد ما يخلص البنيان صاحب الشركه قطري و ملتزم و يخاف الله و يشتغل بذمه و ضمير لدرجه انه اذا لك فلوس يرجعها لك بس مشكلته شي واحد سعره غالي شوي انت شوفه واحكم عليه اذا كلمته واساله عن فلل شغال عليها عشان تشوف شغله على الطبيعه

الشركه الثانيه المعمار للمقاولات و التجاره وشغلهم وايد زين و سعر البنيان مع التشطيب حتى تسليم المفتاح معقول جداا و مدير الشركه نيبالي اسمه كومار

المناعي .. يسلمك الفيلا بعد سنه و نص 18 شهر

المعمار .. يسلمك الفيلا بعد 12 شهر بعد سنه واحده فقط

بشرط ان تكون الدفعات منتظمه

وبالتوفيق انا بنيت بيتي عند واحد منهم للعلم

[jwar7]

شيك ع الخاص

[seko]

عندي لكم 3 مقاولين اشتغلوا في مشروع لصاحبي 12 فله ، الشغل لا يعلى عليه، لو حابين تجوفون الفلل كلهم جهزوا عظم في الفتره المحدده لهم وشغل تمديد الكهرباء والبيب فيتر - الصحيه - الحين ابتدي، باخذكم واخليكم تجوفون الفلل وتقررون براحتكم.

لو حابين تتواصلون لأن خاصي ما يشتغل دزو ارقامكم على الخاص وانا راح اتواصل معاكم