مصرف قطر الاسلامي وابتزاز العملاء ...!!!

[راية الفخر]

السلام عليكم ورحمة الله ..

لي تجربه مع مصرف قطر الاسلامي والصراحه تضررت منها بحكم اني كنت مسافره وسحبوا اللي في رصيدي كله ووهقوني ..

السالفه هي

.
.
.
.
.
.
.
.
.

انا من مدرسات المجلس الاعلى للتعليم وطبعا رواتب شهور 7و 8 ونص 9 تنزل في البيان السنوي وفي كل عام يقوم المصرف بحجز السلفيات للشهور المذكوره من الراتب ويقوم بسحبها وقت تاريخ استحقاقها .. لحد الان كل شي اوكيه ..

لكن اللي حصل هالسنه شي ثاني ..حضرات الاخوان في المصرف الاسلامي قاموا بسحب قسط هالشهر من حسابي الجاري وخلوا المبالغ المحجوزه مجمده ( الظاهر انهم يبون يستثمرون للمصرف على حساب العملاء ) !!! ومن اسبوع وانا اتصل ومن مسؤول الى مسؤول ابيهم يفكون الحجز عن المبلغ المحجوز للقسط طالما انهم خلاص خذوه من الحساب الجاري وخصوصا اني كنت مسافره ومحتاجه للمبلغ اللي في رصيدي ولكن لا حياة لمن تنادي .. واحد يقول لي انه اوامر من مصرف قطر المركزي ان الحساب الجاري اذا فيه رصيد ينسحب القسط منه ويتم المبلغ محجوز شهرين !!!

وواحد يقول لي انها اوامر من الاداره وتتنفذ على المدرسات فقط اللي لهم بيان ( كفايه علينا همنا مع المجلس الاعلى بعد تزيدونا ) ..

وواحد يقول لي خلاص اليوم بينفك الحجز وصار له اسبوع وما انفك ...

كل واحد يقول لنا شي غير يلعبون علينا ويماطلون ويبتزونا واحنا اللي ندفع الثمن ..

الصراحه انا قبل كنت انصح الناس انهم يحولون حساباتهم على المصرف الاسلامي لكن الحين غيرت رايي وافكر انقل من هالمصرف بسبب هالتصرف الغير مسؤول واللي تضررت منه وايد .. والله خربوا علي سفرتي وسحبوا ثلاث ارباع بياني ووهقوني .. حسبي الله ونعم الوكيل ..

[Qa6ar]

الحين اسمه بس (المصرف)

احنا فذمتهم وبس

[JN000N]

باال صج وهقه


الله يكون فالعون

[جلمود]

أخس مصرف أغتشينا فيه

تفتح أحساب توفير ياخذون فلوس مو مشكله

تحول فلوس بالتوفير ياخذون فلوس !!

تكنسل الحساب ياخذون فلوس !

تاخذ كشف أحساب ياخذون فلوس !

مادري شسالفه باقي ياخذون فلوس على دخولك البنك

تبي الصدق والله كلهم حراميه بس علشان الذمه خلك فيه وأمرك لله سبحانه

[أم حمد ومحمد]

سحبو مني نص البيان حالي من حالج
وكانت وراي التزامات وتوهقت
وللعلم
توني من فتره بسيطه محوله عندهم قبل كنت في بنك الدوحه
صج ربوي لكن عمره ما سواها وضيفي على اني أقدر أأجل شهر 8 والحين لا

الله يكون بالعون نلقاها من المجلس والا البنك

[أم حمد ومحمد]

أخس مصرف أغتشينا فيه

تفتح أحساب توفير ياخذون فلوس مو مشكله

تحول فلوس بالتوفير ياخذون فلوس !!

تكنسل الحساب ياخذون فلوس !

تاخذ كشف أحساب ياخذون فلوس !

مادري شسالفه باقي ياخذون فلوس على دخولك البنك

تبي الصدق والله كلهم حراميه بس علشان الذمه خلك فيه وأمرك لله سبحانه

:victory:

[هذلان]

السلام عليكم


شوفي طال عمرج .. موضوعج جا على العوق بالنسبه لي .

انا في بنك قطر الدولي الاسلامي من سنين طويله و صار لي كذا موقف اخرهم من شهر و نويت اني لارديت الدوحه بغير و بروح للمصرف و قلت للموظف هالشي و قلت له انتو ماحدنا عليكم الا انكم تقولون انكم بنك اسلامي ولا نشوف في تعاملكم شي من الاسلام .


الي صار لي و يمكن يكون فيه اجابات للي صار وياج بحكم اني في بنك اسلامي ثاني .

كنت مسافر .. و البلد الي انا فيه بطاقه الصراف العاديه الي هي النابس ماتسحب مبلغ عدل تسحب مايقارب ٥٠٠ ريال في اليوم و كنت اذا اظطريت على شراء شي استخدم الفيزه (فيزه الدولي ) لمتها ١٠ الاف

المهم صادتني ظروف و احتجت مبلغ اقل شي ٣٠ الف .

اتصلت في البنك الدولي الاسلامي مناك و قلت له انا في البلد الفلاني و انا عميل عندكم و محتاج مبلغ يكون في حساب فيزتي ضروري جدا جدا جدا .

قالي بسيطه بحجز مبلغ من حسابك الجاري و برفع لك لمت الفيزه .. حلو .. متى بيكون المبلغ موجود قالي بعد ساعتين . بصراحه اعجبني

بعد ٣ ساعات اشيك مافيه شي و ١٠ ساعات مافيه شي .
اتصلهم يقولون لي لا بكره بيكون المبلغ موجود ،، المهم انهم مرضوني ولا نزل المبلغ الا بعد يومين و انا اتصالات و بلاوي و في الاخير يقولي مسؤول الفرع الي انت فيه ماوقع الاوراق :rolleyes2:

يوم رديت الدوحه بعد شهر و شي ولا فيه مبلغ في حسابي مسوين عليك حجز .. سالت ليش قالي لانك رافع لمت الفيزه .. زين انتو خذتو المبلغ من حسابي الجاري و غطيتو الفيزه .. قالي لازم تجي الفرع تقدم طلب بانهم يشيلون الحجز عن المبلغ و الحجز يتم ٤٠ او ٤٥ يوم ؟؟

الحين انا ناوي اطلع من البنك لانه مواقفهم معاي جدا سلبيه و النيه اني اروح للمصرف لكن بعد سالفتج شكل عمبر اخو بلال

[الأصيلة]

بس لاتفكرون في الوطني الإسلامي...
يود مجنونك لايجيك اللي أجن منه...

[خشوف]

حنى انا توني راده من السفر اسحبوا مني 6ريال على كل سحبه

الشهر الي طاف اسحبوا من رصيدي 300 ماقلت شي

ساحبين من رصيدي امس 3000وانا ماعندي سلفيه ولاشي مب ساكته بكره بشوف السالفه النصب والاحتيال الي طالع به المصرف

[جلمود]

سحبو مني نص البيان حالي من حالج
وكانت وراي التزامات وتوهقت
وللعلم
توني من فتره بسيطه محوله عندهم قبل كنت في بنك الدوحه
صج ربوي لكن عمره ما سواها وضيفي على اني أقدر أأجل شهر 8 والحين لا

الله يكون بالعون نلقاها من المجلس والا البنك

الله يعينكم على هذا المجلس كل يوم أيام وطني الحبيب نسمع شكوه ولاشكوتين

ياليت يردون الوزاره القبليه يازينها والله

الله يرزقك بخير ويغنيك عنهم أنتي والمسلمين إن شاء الله

[قناص 787]

بنك تعبان ومن اخس البنوك في قطر وحتى في المعامله معاملتهم زفته الله لا يعودها من ايام يوم كان عندي حساب في هالبنك الحرامي

[راية الفخر]

ماقصرتوا على ردودكم وتفاعلكم بس بالنسبه لي عقب هالموقف نفسي طابت من المصرف لاني صج صج تفشلت في هالسفره والسبب هالتصرف السخيف من المصرف .. والله اني من قلب مقهوره .. عموما انا بتم وراهم لين يرجعون لي فلوسي وبشوف اخرتها معاهم وبشوف لي بنك ثاني تعامله يكون اصدق من هالمصرف التعيس ..

[أم حمد ومحمد]

الله يعينكم على هذا المجلس كل يوم أيام وطني الحبيب نسمع شكوه ولاشكوتين

ياليت يردون الوزاره القبليه يازينها والله

الله يرزقك بخير ويغنيك عنهم أنتي والمسلمين إن شاء الله


بإذن الله طالعه منهم وعلى قولة اخوانا المصريين اكسر وراهم أله :victory:

ولك مثل هذه الدعوة الطيبه ياعزيزي :)

[راية الفخر]

الله يعينكم على هذا المجلس كل يوم أيام وطني الحبيب نسمع شكوه ولاشكوتين

ياليت يردون الوزاره القبليه يازينها والله

الله يرزقك بخير ويغنيك عنهم أنتي والمسلمين إن شاء الله

الله يعين الجميع اخوي وماقصرت على الدعوه الطيبه ولك مثلها ان شاءالله

[M007]

الطريقة الوحيدة لرد الاعبتار
تغسلين واحد منهم في اي فرع غسال لين مايجيكم المدير.
واشلخوا راسه بالخيزران
:victory::nice::victory:

[راية الفخر]

الطريقة الوحيدة لرد الاعبتار
تغسلين واحد منهم في اي فرع غسال لين مايجيكم المدير.
واشلخوا راسه بالخيزران
:victory::nice::victory:

الله يهديك تبيهم بدال مايرجعون لي فلوسي يقولون لي تعالي دفعي دية المتوفين .. ناقصه انا :weeping:

لا يبه احنا بنتفاهم معاهم بأسلوب حضاري وبنكمل معاهم لين الاخير وبنشوف تاليتها معاهم وان مانفع معاهم بنضطر نلجأ لطرق ثانيه :victory:

[شيط ويط]

الشيخه المبالغ المحجوزه تمثل أقساط شهر 8 و 9 لأن في بيان الرواتب يبين عندهم إنج في إجازة مادري هذا اللي فهمته من تصرف البنك ومن ردج والا أنا غلطان ؟ :rolleyes2:

[راية الفخر]

الشيخه المبالغ المحجوزه تمثل أقساط شهر 8 و 9 لأن في بيان الرواتب يبين عندهم إنج في إجازة مادري هذا اللي فهمته من تصرف البنك ومن ردج والا أنا غلطان ؟ :rolleyes2:




لا يا اخوي الكريم .. المصرف يحجز على اقساط الشهور 7 و 8 من اول ماينزل البيان ومستحيل يقدر العميل يسحبه وهذا اللي متعودين عليه كل سنه .. لكن اللي صار السنه انهم خلوا المبالغ محجوزه وخذوا الاقساط من حسابي الجاري .. يعني خذوها من الصوبين ( خلوا المبالغ اللي حاجزين عليها للاقساط وخذوا قيمة الاقساط من الحساب الجاري ) ويقولون انها قوانين جديده من المصرف المركزي انه اذا الحساب الجاري فيه فلوس فتنسحب الاقساط منها وعقب يفكون الحجز عن المبالغ اللي حجزوها وينزلونها بالحساب الجاري ) زين ليش هاللف والدوران المفروض مثل كل سنه يسحبون الاقساط من المبالغ المحجوزه مب من الجاري .. وحتى عقب ماسحبوها من الجاري مافكوا الحجز عن المبالغ المحجوزه وهذا انا اسبوع وياهم وكأني اطر منهم ماكأنها فلوسي وواجب عليهم يرجعونها في حسابي .. يماطلون ويطولون السالفه مادري ايش هدفهم ..

[شيط ويط]

لا يا اخوي الكريم .. المصرف يحجز على اقساط الشهور 7 و 8 من اول ماينزل البيان ومستحيل يقدر العميل يسحبه وهذا اللي متعودين عليه كل سنه .. لكن اللي صار السنه انهم خلوا المبالغ محجوزه وخذوا الاقساط من حسابي الجاري .. يعني خذوها من الصوبين ( خلوا المبالغ اللي حاجزين عليها للاقساط وخذوا قيمة الاقساط من الحساب الجاري ) ويقولون انها قوانين جديده من المصرف المركزي انه اذا الحساب الجاري فيه فلوس فتنسحب الاقساط منها وعقب يفكون الحجز عن المبالغ اللي حجزوها وينزلونها بالحساب الجاري ) زين ليش هاللف والدوران المفروض مثل كل سنه يسحبون الاقساط من المبالغ المحجوزه مب من الجاري .. وحتى عقب ماسحبوها من الجاري مافكوا الحجز عن المبالغ المحجوزه وهذا انا اسبوع وياهم وكأني اطر منهم ماكأنها فلوسي وواجب عليهم يرجعونها في حسابي .. يماطلون ويطولون السالفه مادري ايش هدفهم ..



آها وضحت الصورة ألحين .. الله يعينج .. حاولي تكلمين أي شخص مسؤول في المصرف وإن شاء الله موضوعج ينحل .. الخوف إن هالشي معمول فيه في كل البنوك

[راية الفخر]

آها وضحت الصورة ألحين .. الله يعينج .. حاولي تكلمين أي شخص مسؤول في المصرف وإن شاء الله موضوعج ينحل .. الخوف إن هالشي معمول فيه في كل البنوك



والله ياخوي كلمت وعيزت وانا اكلم .. من موظف لي موظف .. من مسؤول لي مسؤول .. وكل واحد يعطيني وعود وكلام كله خرطي .. اللي يقول اليوم بالليل بينفك الحجز وبترجع فلوسج .. واللي يقول لي خلاص انا طرشت لهم ايميل وبعد ساعه بالكثير بينفك الحجز .. واللي يقول هذي تعليمات جديده واحنا عارفين انكم متضايقين من هالشي ... والله على هالحال صار لي اسبوع وانا اتصل فيهم وانا مسافره ولا خذنا منهم حق ولا باطل .. حسبي الله عليهم

[ضوى]

انا اشوف هالشئ تصرف غير مسؤول من المصرف والمفروض تكونين عندهم في البنك من الصبح تستفسرين لانه الموضوع شوي غريب ، بس للامانة صار لي سنين ويا المصرف ولا عمري صادني وياهم موقف شين والله حتى بالسفر يساعدوني خاصة بالفيزا ، الله يعيينج ويفك عوقج يارب

[الصريحه]

احول ولاقوه الا بالله
مايدرون ان الناس في اجازه يعني في سفر برا الديره يعني لابد وجود مرونه وسرعه في التعامل
انا في هذا البنك ولين الحين الله ساتر علي معاهم
انشاءالله مايصير لي اللي صار لكم

[بو نايف]

مالج الا قسم الشكاوى بمصرف قطر المركزي

وفكي نفسج


مافي مثل مصرف الريان احلى دلع :) والله يغربل الدولي الاسلامي كثر مالعوزوني

[سهم متردد]

وواحد يقول لي انها اوامر من الاداره وتتنفذ على المدرسات فقط اللي لهم بيان ( كفايه علينا همنا مع المجلس الاعلى بعد تزيدونا ) ..
ووهقوني .. حسبي الله ونعم الوكيل ..

المصرف يتعامل بهل الطريقه مع الوزارات (المتشتته داخلياً)
لان ماينعرف لهم يوم ينزلون وعشرة يتاخرون فشي عاااادي جدا جدااا

[ANONYMOUS]

مالهم حق

وهذا استغلال .. طالما القسط خذوه من الجاري.. ليش الحجز..

الا ان كان في اسباب اخرى لانعرفها..


بس لاتظهرين.. يوم الايام بتقولين.. نارك يالمصرف ولا برادك ياربى..

[راية الفخر]

انا اشوف هالشئ تصرف غير مسؤول من المصرف والمفروض تكونين عندهم في البنك من الصبح تستفسرين لانه الموضوع شوي غريب ، بس للامانة صار لي سنين ويا المصرف ولا عمري صادني وياهم موقف شين والله حتى بالسفر يساعدوني خاصة بالفيزا ، الله يعيينج ويفك عوقج يارب

والله حتى انا صار لي اكثر من 15 سنه معاهم ولاعمري صار لي مثل هاللي صار لي الحين .. الظاهر خذهم الطمع وصاروا يبتزون اموال العملاء ويماطلون في ارجاع الحقوق لهدف يصب في صالحهم .. والله اني تغيرت نظرتي له 180 درجه كنت ما اعترف في مصرف غيره بقطر لكن عقب هالحركه وهالمماطله من المسؤولين اللي فيه غيرت رايي فيه واهتزت ثقتي فيه .. وصرت فعلا افكر اغيره ..

[missperfect]

على سوالفهم غيرت البنك الحمدلله من زمااان

في بنوك اسلاميه احسن منهم

سوري يعني حتى لي رحنا عندهم بالفرع مافي تعامل حلو منهم

ربي يعينكم

[مدير]

للاسف كل البنوك الاسلامية فاشلة .. و مستغلينا لاننا نبي نطبق شرع الله و ما نبي الربا

لا كول سنتر مثل الناس و لا خدمات ... و اذا صارت لك حالة طارئة و انت مسافر .. عادي تتنقع ع الخط

انا في الوطني الاسلامي ... قبل كان البنك زين والحين مادري شصار فيهم ... اقدم طلب بطاقة و اجي استلمها بعد اسبوع .. يقولون لي ما قدمت


شكلي بطلع من البنك و بخلي فلوسي تحت البلاطه اصرف لي

[راية الفخر]

مالهم حق

وهذا استغلال .. طالما القسط خذوه من الجاري.. ليش الحجز..

الا ان كان في اسباب اخرى لانعرفها..


بس لاتظهرين.. يوم الايام بتقولين.. نارك يالمصرف ولا برادك ياربى..

فعلا والله انه استغلال .. ولا فيه اسباب اخرى ولا شي الحمدلله كل اقساطهم ياخذونها ولا عمري تاخرت عن السداد .. لكن مسألة انهم ياخذون كل قسط دبل فهذا اسمه ابتزاز واستغلال .. وفعلا انا افكر اطلع منه بس الى بنك اسلامي طبعا بس يراعي الله في تعاملاته مع العملاء مب يبتزهم ويبوقهم اشكره ..

[المبتسم]

اختي هوى قطر,,,مادامك معاهم من 51 سنه,,وماصادك غير هالموقف,,,انا اقول تحلين هالموقف بالتي هي احسن,,,وعلى قولتك باسلوب راقي,,,انا معاهم من 8 سنوات اموري طيبه سواءا برع قطر او داخل,,,وهالشهر انا فرحان لاني خلصت معاهم قسط,,,وماشفت مشاكل غير التاخير فالبنك وهالرسوم اللي مالها داعي

[المبتسم]

احم احم اسف قصدت 15 سنه!!!!!!!!!
اذا 51 سنة معناتها عمر الاخت هوى قطر 88 سنه وشهرين!!!!!!!!!!!!!

[راية الفخر]

احم احم اسف قصدت 15 سنه!!!!!!!!!
اذا 51 سنة معناتها عمر الاخت هوى قطر 88 سنه وشهرين!!!!!!!!!!!!!


حاسبها باليوم والشهر بعد ههه :p ضحكتني وانا معصبه أضحك الله سنك وعساك دوم مبتسم يالمبتسم :)..

[الموضوعي]

مصرف قطر الأسلامي بنك يتاجر بكلمة (الإسلامي) تجارة يهودي ، انا سحبت فلوسي والغيت حسابي و تعاملي معاه

[شسالفة...؟]

اختي انا صار معاي نفس الشي
بس
اتصلت عليهم مره وحده وانشال الحجز خلال كم ساعة

الظاهر اني خرعتهم وانا مدري

[ناصر30]

السلام عليكم

الحل الوحيد تشوفين مدير الفرع اللى انتى فيه

وبتشوفين موضوعج يخلص بسرعه


لان المشاكل كلها من الموظفين اللى بعضهم مايعرف يتصرف


الله يسهل امورج

[منصوربن حمد]

الله يكون في العون

[sad-o-bas]

Currently I am in the US and I tried to use the visa for apple store but it does not work and tel3com as well. The funny and the thing that makes me angry at the same time that both of the above mentioned websites withdrew the whole amnount already from the account but they mentioned that my visa should be registrerd in the US or Canada.. Wallah it is one of the worst visas I have ever dealt with.
Tomorrow in shaa Allah I ll send them a formal mail to check any chance of a mistake that might be rectified. Thanks for the crucial topic btw

[سهم المراقيب]

currently i am in the us and i tried to use the visa for apple store but it does not work and tel3com as well. The funny and the thing that makes me angry at the same time that both of the above mentioned websites withdrew the whole amnount already from the account but they mentioned that my visa should be registrerd in the us or canada.. Wallah it is one of the worst visas i have ever dealt with.
Tomorrow in shaa allah i ll send them a formal mail to check any chance of a mistake that might be rectified. Thanks for the crucial topic btw


العام كنت هناك وكلت مقلب من محترم من المصرف ,, بالضبط صارلي مثل ما صار لك ,, اتصلت فيهم وقلت لهم انا تحت رحمة ربي ورحمتكم وبطاقتي ما تشتغل ,, وبعد فاكسات ومناوشات مالها أول وتالي أرسلوا لي بطاقه بعد أسبوعين ,,

حاول تتعامل معهم بالفاكس لأن الإيميل ما ينفع ,, ودقق في التوقيع الشخصي ,,

المصرف حق حط فلوس واسحب فلوس ,, اما المعلامات الثانيه أقسم بالله اتعس بنك ,,

[راية الفخر]

ابشركم .. تم فك الحجز عن الراتب بعد محاولات وصراعات معاهم استمرت لمدة اسبوع :( ..

تصدقون انهم يوم شافوني معصبه ومصره اني اكلم المدير ومابي اتفاهم مع حد غيره واني باقدم شكوى لادارة المصرف على هالتصرف وبفضحهم في النت حولوني على وحده من المسؤولات بالمصرف وبكل سهوله وفي ثواني وهي تكلمني فكت الحجز وحجتها انهم كانوا يحسبوني محاله للبند المركزي _ عذر اقبح من ذنب _ ( مايسوى علينا هالشغل في المجلس الاعلى صار كلن يلطش فينا ) دام ان السالفه حلها بهالسهوله ليش هالمماطله يالمصرف الاسلامي وتعطيل مصالح الناس .. ليش هالظلم والابتزاز !!! اسبوع كامل ماخليت حد ماكلمته وكأني أطر منهم الفلوس وهي حلالي .. حسبي الله فيكم يالمصرف اللي خربتوا علي سفرتي ووهقتوني وانا مسافره .. الله لايسامحكم

[almaf1a]

هذول ناس مايجيون الا بالعين الحمرة

[abdulla4u]

السلام عليكم اول شي اخواني ان بعض الظن اثم
وثاني شي انا مب محامي على البنوك ولا اشتغل فيها وساعات يصير عندنا لبس في الموضوع لن الواحد يكون محتر لو ماصار الي في باله وتصيدنا ساعات وايد
وبخصوص انك تسحب من اي دوله خليجيه يسحب عليك 6 ريال او 8 ريال هاي كل البنوك جي لن الشبكه تختلف وخبرك اجور الفاكس والاتصال وجي ... يعني لو مظطر اسحب ويمدحون الكاش واايييد وبخصوص مواضبع الحجز اكثر شي قوانين قطر المركزي فيها تعقيد وووايد ينزلون قرار بدون مايحطون اي استثناءات وانا العام قطعت سفرتي بسبه قانون انه ياخذون لين نص الراتب بس حق الاقساط وانا كنت ابي اخلص اقساطي عشان اسافر وانا مرتاح ...
وخلوها بذمتهم احسن وخلك عند مجنونك لايك مجنون انصب منهم... ودمتم بود