ياليت تفيدوني الله يجزاكم خير ..بخصوص التخصص + شهاده الدبلوم

[خفوق]

السلام عليكم ورحمة الله وبركاته
كيف حالكم اخواني اخواتي الاعزاء ان شاء الله تمام
راح ادخل في الموضوع مباشره
انا اخت العضوه خفوق ^_^
متخرجه من الثانويه العامه بنسبه 83.4 ادبي رياضيات وعلوم
كان طموحي هندسه "علوم حاسوب" لان ميولي البرمجه ..الخ
فـطبعا انصدمت ان علوم الحاسوب علمي ومايصير ادخل وهنا بدات الحيره والتساؤلات
"ادري بتقولون في احد مايدري ان الهندسه علمي " اقولكم اي انا للاسف > <
وانا الى الان لاازل عندي امل ادخل هندسه
سؤالي
1- تخصص قريب من مجال هندسه الحاسوب وهل هو مرغوب في مجال العمل ؟
الاهل نصحوني بـ اداره واقتصاد "محاسبه" وانا ماابي ادخل تخصص مش مقتنعه فيه
والان قررت اخذ دورات كمبيوتر واخذ دبلوم "هندسه شبكات " في مركز العطيه
وهذه هي الدوره

http://img199.imageshack.us/img199/6272/rhthu.png

سؤالي هل الشهاده معترف فيها ؟وهل هي مرغوبه في مجال العمل اولا ؟
واذا كانت مش معتمده وين اقدر اخذ هذه الشهاده

والسلام خير ختام بانتظار افدتكم لي
وشكرا لكم مقدما ^_^

[جـوليـآن قطر]

معتـرف فـيهـا من مايكروسوفت

..

وبنـسبه لتخصص المـحاسبـه .. إذا تحبـين الرياضيات حـلو
وبتـووفـيق إن شاءالله

[خفوق]

اولا تسلم اخي على الرد والافاده ^_^

معتـرف فـيهـا من مايكروسوفت
يعني اذا بغيت اشتغل فيها معترف فيها ؟
لاني سمعت ومن خلال بحثي للجواب و كثر الكلام بين انها معتمده وبعضهم يقولون مب معترف فيها


وبنـسبه لتخصص المـحاسبـه .. إذا تحبـين الرياضيات حـلو
مافهمت !
انت تقصد ادراه واقتصاد "محاسبه" لا انا ابي تخصص يشبه تخصص هندسه "علوم الحاسوب "
والله انا في الرياضيات ماشي حالي

وبتـووفـيق إن شاءالله
ويااك
تسلم اخوي على المبادره والله يجزاك خير ويعطيك على قد نيتك

[فارس بلا جواد]

السلام عليكم اخت خفوق

صباح الخير

مبروك الف مبروك على التخرج من الثانوية العامة

والى الامام دائما وابداً

وعقبال البكالوريوس يارب

طبعا اي شهادة حاسب الي من مركزالعطية للكمبيوتر

معترف فيها من قبل مايكروسوفت مثل ما قال لج الاخ الفاضل

جوليان لكن مش معترف فيها من قبل المجلس الاعلى للتعليم

يعني بالعربي اذا حبيتي تتوظفين في وزارة او مؤسسة او هيئة حكومية

ما راح يعترفون فيها بيعتبرونها مجرد دورات عاديه انتي خذتيها من تلقاء

نفسج مع الاسف الشديد .... حاولي تروحين جامعة ابتك الي في الهلال

... ادلين مكانهم وين ؟

وفي النهاية اتمنى لج التوفيق

ويا حبذا قبل ما تسجلين في اي جامعه من هلجامعات

تسئلين المجلس الاعلى للتعليم عن الجامعات الي معترف فيها

في داخل قطر كدبلوم او بكالوريوس .

مع خالص تحياتي العطرة

اخوج الصغير فارس بلا جواد

[mohd89]

اختي اذا ما عندج مشكله تدرسين برا قطر في جامعات تقبلج هندسه في التخصص اللي تبينه
مثل استراليا مثلا
وأنا اقدر افيدج بأسامي الجامعات وتكاليف الدراسه والحياه في استراليا بالتخصص اللي تبينه

بس انا بنصحج نصيحه صغيره
انا كنت مثلج ادبي وخلصت بنسبة 94.1% وقلت بدخل هندسه
وسجلت هني في استراليا هندسة مدنيه
وبعد ما سجلت في الهندسه رديت وقلبت محاسبه

لاسباب وايد

أدبي وهندسه صعبه وايد صراحة لاحظي انج بتدرسين اول شي سنتين هندسه عامه (رياضيات وفيزياء ويمكن كيمياء يعتمد ع الجامعه والتخصص اللي بتختارينه)
وبعد هالسنتينن تتخصصين سواء هندسه مدنيه او ميكانيك او علوم حاسب او كهربا او اي هندسه تبينها

المشكله مب في الدبلوم يعني انتي بتاخذين دبلوم في التخصص مب مشكله لكن بعد الدبلوم
بتاخذين سنتين هندسه عامه وعقب بتعدلين دبلوم الى بكالوريوس

والدبلوم انتي بتكونين مجرد تقنيه

والهندسه العامه اللي هي سنتين اذا انتي ما خذتي مبادئ الرياضيات بتكون صعبه عليج وايد



ومادري اذا بعد الدراسه بتحصلين اعتراف بشهادة الهندسه لانج كنتي ادبي

وانا عن نفسي مانصحج تدرسين نيتوركينج

انا عن نفسي كنت مثلج وحيرتي اكثر من حيرتج وما كنت مقتنع بتخصص المحاسبه وكنت حاط الهندسه في بالي من زمان بس بالنهايه رضيت بالامر الواقع وعرفت انه الهندسه بالنسبه لطالب الادبي شي مستحيل

ولا تعتبرين الدبلوم شهاده وفكري فاللي اكبر منها

بالتوفيق

[جـوليـآن قطر]

اي شهاده تجيبينها الشركات الخاصه وشركات البترول راح تخذها بعين الاعتبار

وعندج مركز ابتك الي بعد المول تدرسين ثلاث سنين والسنه الرابعه تكملينها في بريطانيا

[Grnas]

مبروك على النجاح والنسبة العالية وبالتوفيق

اذا كان تفكيرك بهذي الشهادات وحاسب آلي.. واذا كنتي وحده.. لا تفكرين فيه. هاي شغل رجال . ياما شفت بنات عندهم شهادات حاسب آلي بس ولا وحده استمرت كلهم يحولون إلى وظايف ادارية

روحي على المحاسبة واخذي شهادة cpa اشوفها فليسات أكثر وبعد اذا للحين تبغين دراسة تاخذين ماجستير ادارة اعمال mba شييي

[الصريحه]

الله يوفقج ومبروك التخرج
وحابه افيدج من ناحيه كليه الاداره والاقتصاد
تخصص محاسبه
اذا تحبين الفهم والشيكات والمستندات وتحبين تسوين ميزانيه
والتخصص اكثره فهم الله يوفقج
وفيه في القسم تخصات ثانيه اخف منه مثل اداره اعمال فهم اداري يعني تخيط ومتابعه واشراف ومراقبه
وفيه تخصصات بعد ثانيه في القسم موفقه وشوفي اللي يناسبج وتحبينه

[خفوق]

السلام عليكم اخت خفوق

صباح الخير

مبروك الف مبروك على التخرج من الثانوية العامة

والى الامام دائما وابداً

وعقبال البكالوريوس يارب

طبعا اي شهادة حاسب الي من مركزالعطية للكمبيوتر

معترف فيها من قبل مايكروسوفت مثل ما قال لج الاخ الفاضل

جوليان لكن مش معترف فيها من قبل المجلس الاعلى للتعليم

يعني بالعربي اذا حبيتي تتوظفين في وزارة او مؤسسة او هيئة حكومية

ما راح يعترفون فيها بيعتبرونها مجرد دورات عاديه انتي خذتيها من تلقاء

نفسج مع الاسف الشديد .... حاولي تروحين جامعة ابتك الي في الهلال

... ادلين مكانهم وين ؟

وفي النهاية اتمنى لج التوفيق

ويا حبذا قبل ما تسجلين في اي جامعه من هلجامعات

تسئلين المجلس الاعلى للتعليم عن الجامعات الي معترف فيها

في داخل قطر كدبلوم او بكالوريوس .

مع خالص تحياتي العطرة

اخوج الصغير فارس بلا جواد



وعليكم السلام والرحمه
الله يبارك فيك اخوي فارس
تسلم على الافاده
مش معترف فيها من قبل المجلس الاعلى "وش هالنظام التعبان ":(
والله حاله
والله الحين زادت حيرتي اكثر واكثر
بالنسبه لدوره "هندسه شبكات " بتوكل على الله وباخذها "صحيح اني بخسر فلوس لكن ماراح اخسر خبره "
وعسى الله يكتب اللي فيه الخير
تسلم كثير اخي فارس مره ثانيه

[حمود قطر]

مالج الا ..

معهد أبتك قطر لتعليم الكمبيوتر عقب المول مباشرة وقبل اللولو على شارع المطار

مدرسين وأستاذه متخصصين ف الحاسب الآلي وشهادتهم عالمية ،

دبلوم عالي وتقدرين تكملين البكالوريوس على شهادتهم :)

[خفوق]

اختي اذا ما عندج مشكله تدرسين برا قطر في جامعات تقبلج هندسه في التخصص اللي تبينه
مثل استراليا مثلا
وأنا اقدر افيدج بأسامي الجامعات وتكاليف الدراسه والحياه في استراليا بالتخصص اللي تبينه

والله بيني وبينك الدراسه برا شوي صعبه علي
انزين مااقدر ادخل هندسه هناا في قطر ؟؟؟؟


بس انا بنصحج نصيحه صغيره
انا كنت مثلج ادبي وخلصت بنسبة 94.1% وقلت بدخل هندسه
وسجلت هني في استراليا هندسة مدنيه
وبعد ما سجلت في الهندسه رديت وقلبت محاسبه

لاسباب وايد

أدبي وهندسه صعبه وايد صراحة لاحظي انج بتدرسين اول شي سنتين هندسه عامه (رياضيات وفيزياء ويمكن كيمياء يعتمد ع الجامعه والتخصص اللي بتختارينه)
وبعد هالسنتينن تتخصصين سواء هندسه مدنيه او ميكانيك او علوم حاسب او كهربا او اي هندسه تبينها

ابيه ردك احبطني صراحه :(
انت الصعوبه اللي واجهتك في شنو في السنتين "هندسه عامه "
ولا في التخصص نفسه .


المشكله مب في الدبلوم يعني انتي بتاخذين دبلوم في التخصص مب مشكله لكن بعد الدبلوم
بتاخذين سنتين هندسه عامه وعقب بتعدلين دبلوم الى بكالوريوس
مافهمت ردك هناا ؟
ياليت توضح >> من تاثير الصدمه



انا عن نفسي كنت مثلج وحيرتي اكثر من حيرتج وما كنت مقتنع بتخصص المحاسبه وكنت حاط الهندسه في بالي من زمان بس بالنهايه رضيت بالامر الواقع وعرفت انه الهندسه بالنسبه لطالب الادبي شي مستحيل

ولا تعتبرين الدبلوم شهاده وفكري فاللي اكبر منها

انزين الحين انت شنو تخصصك


بالتوفيق

تسلم كثـــــــــير على الافاده بالفعل افدتني والله يوفقك دنياّواخره

[خفوق]

اي شهاده تجيبينها الشركات الخاصه وشركات البترول راح تخذها بعين الاعتبار

وعندج مركز ابتك الي بعد المول تدرسين ثلاث سنين والسنه الرابعه تكملينها في بريطانيا


الدراسه في ابتك تعتبر دراسه هندسه ولا كيف
يعني ادرس هندسه
تسلم اخ جوليان على المساعده
والله شكلي بتعبكم

[خفوق]

الله يوفقج ومبروك التخرج
وحابه افيدج من ناحيه كليه الاداره والاقتصاد
تخصص محاسبه
اذا تحبين الفهم والشيكات والمستندات وتحبين تسوين ميزانيه
والتخصص اكثره فهم الله يوفقج
وفيه في القسم تخصات ثانيه اخف منه مثل اداره اعمال فهم اداري يعني تخيط ومتابعه واشراف ومراقبه
وفيه تخصصات بعد ثانيه في القسم موفقه وشوفي اللي يناسبج وتحبينه


تسلمين اختي على الرد
من ناحيه تخصص اداره واقتصاد "حاطته اخر شي في بالي اسويه "

سؤال الجديد
تخصص الحاسب الاّلي ادبي ولا علمي
بس انا يوم جيت اسجل في جامعه قطر عطوني كتاب التخصصات مالقيت الحاسب الالي هو من ضمن اي تخصص ؟

[خفوق]

مبروك على النجاح والنسبة العالية وبالتوفيق

اذا كان تفكيرك بهذي الشهادات وحاسب آلي.. واذا كنتي وحده.. لا تفكرين فيه. هاي شغل رجال . ياما شفت بنات عندهم شهادات حاسب آلي بس ولا وحده استمرت كلهم يحولون إلى وظايف ادارية

روحي على المحاسبة واخذي شهادة cpa اشوفها فليسات أكثر وبعد اذا للحين تبغين دراسة تاخذين ماجستير ادارة اعمال mba شييي

الله يبارك فيك
وش دخل شغل رجال ! انزين اخوي هم ليش مااستمروا وحولو الى وظائف اداريه ؟



مالج الا ..

معهد أبتك قطر لتعليم الكمبيوتر عقب المول مباشرة وقبل اللولو على شارع المطار

مدرسين وأستاذه متخصصين ف الحاسب الآلي وشهادتهم عالمية ،

دبلوم عالي وتقدرين تكملين البكالوريوس على شهادتهم


بس المشكله ان الشهاده مب معترف فيها "بفكر برايك "
على العموم تسلمون كثير على ردودكم
ووالله يعين
شكلي بقعد في مكاني لاني اللي درست ولا ني سويت شي ><

[خفوق]

وزادت الحيره وكثره التساؤلات
الحيـــــــن ياخوان الله يرضا عليــكم
وش تنصحوني فيه "نصحيه من اخوان الى اخت "
سؤالي
شنو اســـوي الحين وشتنصحوني فيه ؟ بما ان الهندسه صارت حلم بالنسبه لي ومستحيل ادخلها في قطر
شنو ادخل تخصص او "يكون قريب من مجال الحاسب "
لوكنتوا مكاني شنو راح تسون ؟
والله من كثر مااني محتاره وضايعه مااعرف شنو اسال

[حمود قطر]

الله يبارك فيك
وش دخل شغل رجال ! انزين اخوي هم ليش مااستمروا وحولو الى وظائف اداريه ؟




بس المشكله ان الشهاده مب معترف فيها "بفكر برايك "
على العموم تسلمون كثير على ردودكم
ووالله يعين
شكلي بقعد في مكاني لاني اللي درست ولا ني سويت شي ><

ومن قال لج انه شهادة معهد أبتك مب معترف فيها ..؟؟

أنا اعرف انه البترول يعترفون فيها .. وتأكدي احسن لج ..

[mohd89]

والله بيني وبينك الدراسه برا شوي صعبه علي
انزين مااقدر ادخل هندسه هناا في قطر ؟؟؟؟

هندسه بالادبي ماضن ولا جامعه في قطر بتقبلج


ابيه ردك احبطني صراحه :(
انت الصعوبه اللي واجهتك في شنو في السنتين "هندسه عامه "
ولا في التخصص نفسه .

الدبلوم ممكن تاخذينه بشوية شدة حيل بس بعد الدبلوم الصعوبه في سنوات الهندسه العامه ..

مافهمت ردك هناا ؟
ياليت توضح >> من تاثير الصدمه





انزين الحين انت شنو تخصصك

بعد اليأس .. .محاسبه

ونصيحه اذا مالج خاطر في المحاسبه او ادارة الاعمال شوفي الهندسه المعماريه architecture

وهي عباره عن بكالورويوس 3 سنين يعتمد اغلبه ع الرسم
بس مادري شنو نظامه في الدوحه يمكن يطلبون علمي او ادبي ما عندي فكره عن جامعة قطر



تسلم كثـــــــــير على الافاده بالفعل افدتني والله يوفقك دنياّواخره

ونصيحة كـ بنت حتى لو كنتي علمي لا تفكرين في الهندسه لان كل انواع الهندسه تقريبا
تعتمد على التنفيذ والشغل باليد وفي مجتمعنا صعبه شوي ع البنات

يعني حتى لو درستي اي مجال في الهندسه واشتغلتي في مجال التصميم لازم تروحين موقع التنفيذ كل فتره وتشرفين عليه مع العمال وحاله

بالنهايه يعتمد على ميولج واذا انتي حابه تدرسين شي في الكمبيوتر اضن تخصص it
يدخل في البرمجه وهالسوالف

بس فكري في التخصص اللي فيه فرص عمل اكثر عقب ما تخلصين

المحاسبه وأدارة الاعمال زينه بالنسبه لطالب الادبي اذا اكمل دراسات عليا وحصل الشهادات
الدوليه ممكن تعادل الهندسه ويمكن اعلى حسب خبرتك


وأسف اذا ردي حبطج .. انا عشت نفس التجربه تقريبا وفي النهايه لازم نتماشى مع الواقع :secret:

موفقه

[قطريه ماتهاب]

انا خذت دبلوم حاسب الي من شمال الاطلنطي

وقالوا ممكن تكملين بكالوريس في لندن بس وين اكمل والعيال عندي







مبروك على النجاح والنسبة العالية وبالتوفيق

اذا كان تفكيرك بهذي الشهادات وحاسب آلي.. واذا كنتي وحده.. لا تفكرين فيه. هاي شغل رجال . ياما شفت بنات عندهم شهادات حاسب آلي بس ولا وحده استمرت كلهم يحولون إلى وظايف ادارية



لابالعكس احلا شغل موشرط تشتغل بيدها

مجال الحاسب الي واسع ممكن في وظيففه وحده تشتغل اربع وضائف وتكتسب خبرة اكثر

[تحداني]

أصبحنا وأصبح الملك لله على الجميع

هذه الشهاده ليست شهاده أكاديميه .. بمعنى لا يمكن لمن يلتحق بها إكمال الدبلوم
او البكالوريوس او الماجستير او الدكتوراه ..
فهي لا تخضع أساسا للإعتراف وعدمه

لانها دوره ..
فكل الدورات تعتبر خبرات للطالب وليست شهادات علميه ..
يقيم عليها ويترقى به في عمله ..





هناك فرق كبير بين المعاهد والجامعات فلا تخلطوا الامور




جملك الله برضى الرحمن

[Grnas]

الله يبارك فيك
وش دخل شغل رجال ! انزين اخوي هم ليش مااستمروا وحولو الى وظائف اداريه ؟


التعب والارهاق وساعات العمل . اغلبهم قالوا هالكلام


بس للتوضيح خاصة عن الاي تي:
في شهادات حضور دورات. فيها تطلع من المركز من دون ماتكون شهادة من مايكروسوفت وتطلع من المركز نفسه.
وفيه شهادات حضور وانك قمت باللاب وتطلع من مايكروسوفت وهذي حصلت عليها من نيوهورايزن قبل ٤ سنوات.
فيه مراكز عطتني شهادة الحضور من المركز بس شهادة أوراكل ماطلعت منه.

الشيء الثاني: الاختبارات وهنا اختبار معرفتك بالبرامج: وانصح أي واحد يقوم فيها. لأنه مجرد حضورك لا يقنع اللي بيوظفك انك تملك كل شي من الخبرات

[خفوق]

جزاكم الله خير على الردود ومشكورين وماقصرتوا والله يوفقكم

عندي كم سؤال ادري ثقلت عليكم بالاسئله بس مالي الا انتو :secret:
1- تخصص علوم الحاسب الالي علمي ولا ادبي
مع العلم "عندي كتاب شروط قبول جامعه قطرومكتوب هذا التخصص ومو مكتوب اذا علمي او ادبي

2- كم يبي لي عشان اعدي التوفل" بعد العيد باذن الله راح ادخل في معهد برتش كانسل ان شاء الله "
مع العلم انا ماسجلت في الجامعه للحين لان لغتي الانجليزي ضعيفه كثير ومستحيل اعدي التوفل من اول مره "لاني ماابي ادخل تاسيسي سنتين بحاول ادرس في المعهد واحاول اعديه ان شاء الله "

عندكم رقم مدرسه ممتازه تدرس توفل حق الجامعه

3- اخر سؤال ابي نصيحتكم في التخصصات وكل واحد يقول تخصص حلو في باله لاني الى الان مالقيت تخصص شدني

واخيرا مبارك عليكم الشهر وكل عام وانتوا بخير وينعاد عليكم كل سنه بصحه وعافيه
وتقبل الله منا ومنكم صالح الاعمال
اختكم في الله

[الجوكر90]

السلام عليكم
الشيخه درسي it اتوقع عن الكمبيوتر
واذا تبين هندسه اتوقع تقدرين تدرسين فالنورث
وبالتوفيق ان شاء الله