أستفسار عن العج على الزجاجة الأمامية

[hxamad]

السلام عليكم ورحمة الله وبركاتة
مبارك عليكم رمضان مقدما لأعضاء وعضوات منتدى الأسهم القطرية والله يتقبل من ومنكم صالح العمال والطاعات
العنوان واضح العج ألى على الزجاجة المامية فية حد من قبل جرب أنه إزالة أو تنظف فى مكان عشان كل مارحت عند حد قال ماتنظف بدلها والعج ألى على الزجاجة نفس النقط وقيمتها فى الحسا 850 بعد الخصم وعندنا اكيد ازيد من الف فالى عنده الحل أو نفس الحالة يفيدنى وتسلموون:omen2::omen2:

[qatarma]

اللــــــــــــه يعينك مافي حل غير التبديل

[ولد النصر]

لو مركب حماية عليها كان ازين

مشكلة الزجاج صعبة شوي

[mohmmd]

مر الكرستال او اي محل تلميع

[hxamad]

تسلموون يالغلين على الرد

[باسكن روبنز]

مافي امل ،

جاتني فتره اعاني من نفس الشي وسالت في قطر والبحرين ومافيه ،

ولقيت محل بالحسا مال هذول الي يركبون الجزازات الجداد وقالو لي بنسوي الجامه سنفره خفيفه ،

وهالسنفره راح تخفف متانة الجزازه وبيكون فيها خطر وقابله للكسر بشكل اسرع مع اي ضربة حصاه ولا شي ،

الخلاصه مافي الا تبدلها والله يعينك وركب حمايه فوقها ،

[راعي الاوله]

اخوي فيه محل في السعوديه في الدمام اسمه ارمز

متماز جداً جداً في تلميع الزجاجه الاماميه وليتات الزجاج الاماميه ..

وسعره ما اتوقع غالي.

وعنوانه إذا ناوي تروح:
في شارع الملك سعود قبل وكالة تويوتا على اليمين ..


تحياتي .

[الهملة111]

الحل الوحيد التبديل وعلى الظمان اهم شي لانه احتمال دخول الماء بعد الغسيل نصيحه ركب بالشركه يعطونك ظمان والخساره خسارة الروح

[بويعقوب]

ابخصوص التبديل مر محل قطع غيار الواحه شارع الوكالات سعرها 900 وخرده اذا موترك كروزر

في محل قريب محل قطع الغيار نسيت اسمه مختص في هاي الاشياء ياخذ250 وانت كاسره عاد تقريبا بيكون

مكانه قبل الواحه وانت ياي من شارع 10

الموضوع كله بيكلفك 1250 تقريبا

[أبو حمد]

الله يعينك بدلهل وحط عليها حماية

[بوزيد]

اخوي فيه محل في السعوديه في الدمام اسمه ارمز

متماز جداً جداً في تلميع الزجاجه الاماميه وليتات الزجاج الاماميه ..

وسعره ما اتوقع غالي.

وعنوانه إذا ناوي تروح:
في شارع الملك سعود قبل وكالة تويوتا على اليمين ..


تحياتي .

صح كلام اخوي المحل ارمز ممتاو ومجرب واذا الي عندك بزياده العج على الجزازه يقولك مايتفلسف وبتوفيق

[hxamad]

صح كلام اخوي المحل ارمز ممتاو ومجرب واذا الي عندك بزياده العج على الجزازه يقولك مايتفلسف وبتوفيق


ممكن العنوان والرقم لاهنت