ll ++ ll قــانون المــرور الجـديــد في حــالة السفــــر عن طــرق البــــر ll ++ ll

[محمد11]

السلام عليكم

اتمنى الموضوع ماتكرر من قبل

هذا قانون المرور الجديد في حالة السفر بسيارة غير مملوكه للمسافر

الي يسافر بسارة اخوه او حد من جماعتة او ربعه

يجب دفع رسوم في المرور واخرج ورقة خروجية للسياره على عدد ايام السفر
مع احضار البطاقة الشخصية الاصلية ( وحضور صاحب السيارة الاصلي )


الرسوم كالاتي :

سفره وحده : 5 ريال

3 شهور : 25 ريال

6 شهور : 50 ريال

القانون القديم معروف ( 5 ريال الاستمارة الاصلية والبطاقة الشخصية بعد وكل هذا ف المرطز )

بشرط حضور صاحب السياره والبطاقة الشخصيه للمسافر

[Arab!an]

تعقيد ولكن من باب الحرص

اتوقع بيرجعون مرة ثانية وبيخلون التصريح من المركز مثل الاول .. من باب التسهيل على الناس

ومن الحرص الى التسهيل وهكذا دواليك .. وياقلب لا تحزن

[مطيع الله]

اعتقد بيجي اليوم الي نلجأ فيه لأعدائنا للتخلص من ظلم أهلنا،
من يسعده ذلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[al-sadd]

انزين سوؤال !!
الحين الموتر بسم الوالد !
والوالد مسافر !!
وانا ابي اروح السعوديه بالسياره !!
شالحل؟
لازم الوالد يرجع الدوحه يوقع ويخلص الاوراق ويرد يسافر مره ثانيه وبعدين اسافر؟
ولا في استثناء؟

[Index Signal]

اعتقد بيجي اليوم الي نلجأ فيه لأعدائنا للتخلص من ظلم أهلنا،
من يسعده ذلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟





ممكن توضيح ..؟!

[ابن مانع]

واعتقد دفع المخالفات؟
ياليت حد ياكد اذا كان الكلام صحيح
وسؤال ثاني اذا الموتر بسمي والوالد بيسافر فيه ايش الاجراء

[ثاني]

المشكلة هي حظور صاحب السيارة
لو مثلا اخذ بطاقة صاحب السيارة واروح المرور كان افضل

[GULFSUN]

يقولون بنسوي كل شي الكتروني
باليميل ولانترنت والجوال TXT بتخلص معاملاتك (حكومة الكترونية ) :nice:

بس الجماعه في المرور اعمتهم الفلوس ويبرجعونا الى ( الحكومة اليدوية بالديزل بعد) :anger1:

الله وعلم المستشار عندهم من منطقة غرب البحر الاحمر (يبقون لهم كتاب فِهرِس يفهرس ما لم يفهرس من القوانين الغريبة و العجيبة ) .:secret:

[مطيع الله]

ممكن توضيح ..؟!

شغل مخك،،،

[الكونغرس]

تخبط لابعد الحدوووود

ماعندهم الا هل قطر قاعدين لهم قعده كان عندهم مال قاروون

الرسوم شغاااله الله يستر من الزمان الي جاي

[Index Signal]

شغل مخك،،،




مخي شغال ما يحتاج أشغله و أشوف إن ردك ماله علاقه بالموضوع إلا إذا كان المعنى في بطنك ..!!

ليش خايف خلك صريح .. يقولون عندنا حرية رأي ..!!

[الجوكر90]

مخي شغال ما يحتاج أشغله و أشوف إن ردك ماله علاقه بالموضوع إلا إذا كان المعنى في بطنك ..!!

ليش خايف خلك صريح .. يقولون عندنا حرية رأي ..!!

اي صح حريه راي ومع كلبشات وتنشات ورى الشمس

[باسكن روبنز]

انزين سوؤال !!
الحين الموتر بسم الوالد !
والوالد مسافر !!
وانا ابي اروح السعوديه بالسياره !!
شالحل؟
لازم الوالد يرجع الدوحه يوقع ويخلص الاوراق ويرد يسافر مره ثانيه وبعدين اسافر؟
ولا في استثناء؟

جوابك في هالموضوع ،
http://www.qatarshares.com/vb/showthread.php?t=386277




مع العلم انه القرار راح يطبق هاليومين وبالكثير بعد اسبوع (ماجاهم شي رسمي)

وهالكلام اكيد من ربعي موظفين جمارك بوسمره ،

وبنفس الوقت تقدر تروح المرور وتطلع تصريح سفر مثل ماسويت لاخوي بالامس في مرور خليفه! ،

فكرو فيها وبتشوفون انه الجهتين مابينهم تعاون! ،

وان شاء الله ينزلون اعلان تصحيحي بالجرائد الرسميه عشان لايعطلون امور الناس ،

والله بيدعون عليهم تدعي الي يقبضون خط 200 كيلو روحه ورده لبوسمره عشان تصريح! ،

شكراً أخوي محمد11 ،

[اّل ثاني 77]

اقترح على إدارة المرور للي ودة يسافر بسيارة اخوة .............الخ
انه يعبي طلب وبعدين يختمة من وزارة الداخلية وبعدها يدفع المخالفات اللي عليها وبعدها يحضر السيارة للمعاينة وبعدها يروح يسافر في الطيارة للبلد المعني ويختم الطلب من سفارة دولة قطر هناك وبعدها ينتظر الموافقه على طلبة مب باب التسهيل على الناس!!!
لاحول ولاقوة الا بالله ...
قوانين عجيبة عند المرور

[Index Signal]

اقترح على إدارة المرور للي ودة يسافر بسيارة اخوة .............الخ
انه يعبي طلب وبعدين يختمة من وزارة الداخلية وبعدها يدفع المخالفات اللي عليها وبعدها يحضر السيارة للمعاينة وبعدها يروح يسافر في الطيارة للبلد المعني ويختم الطلب من سفارة دولة قطر هناك وبعدها ينتظر الموافقه على طلبة مب باب التسهيل على الناس!!!
لاحول ولاقوة الا بالله ...
قوانين عجيبة عند المرور




و لا تنسى لما تختم الطلب من السفاره و ترجع بالسلامه تروح الخارجيه قسم التصديقات عشان يصدقون لك على ختم السفاره ..!!

[بيانو]

هذا وإن كانت السياره مملوكه للأخ أو للوالد فسوف يتبع هذه الإجراءات التى ذكرها الاخوه أعلاه

وإن كانت السياره مملوكه للشخص نفسه الى بيسافر مافى مشكله

طيب وإن كانت السياره مملوكه لدى البنك او الاولى للتمويل او ....... إلخ اقساط يعنى ماهو الإجراء

لازم يوضحون بالامثله الواقعيه للناس عشان تستفيد

انا كنت بسافر بسيارتى وهى مملوكه لى وليس عليها اقساط كنت بخلص المعامله من السفاره السعوديه وبعدها من نادى السيارات اللى بالدائرى الثالث مع صوره من البطاقه الشخصيه لأحد الاصدقاء القطريين

الان إتصلت يقولى لازم القطرى يحضر عندنا للموافقه
!!!!!!!!!!!!!!!!!!!!!!!!!!!!!!!!!!!

[قلم محايد]

بوه اشوه السيارة باسمي اهني في قطر باللوحات القطرية ..

لما كنت في البحرين كنت اسافر بسيارة باسم الوالد بارقام بحرينية و كانوا يطلبون هناك رسالة تخويل و توقيع مالك السيارة و نسخة من البطاقة السكانية و قام الشوط ..

يعني لو اهني سيارتي باسم الوالد بعد مثلا جان وهقة عدل بس اشوه باسمي و الله يعيين اللي سياراتهم مو باسمهم و بيسافرون صراحة يتوهقون .

[طاير]

انا طلعت تصريح لسيارتي بيسافر عليها اخوي

ما ايشيكون على المخالفات والموضوع ما ايخذ 10 دقايق

انا اشوف انه ماله علاقة الجمارك هي اللي تصرف تصريح المركبات القطرية !
شدخل الجمارك ! والا احنا تعودنا ؟ :)

اشوف ان اللي مخول لصرف تصاريح السيارات هي ادارة المرور :)

[محمد11]

نتمنى وجود

قسم ادارة المرور في

مركز بوسمرة

لتسهيل هذي الامور

دامكم حطيتوا هذا القرار افتحوا فرع هناك !!!!

[باسكن روبنز]

عندهم مرور يا محمد ،

موجود لتخليص اجراءات المركبات الصادره والوارده ،

بس لو بتفكر فيها ،

حتي لو افتحوا قسم خاص في بوسمره حق استخراج تصاريح السفر ،

وين بيكون مكانه ؟ ،

ماكان في اسهل من الطريقه الحاليه وهي عند كبائن الجمارك نفسهم ،

هالقانون جداً فاشل والي نبيه صج برلمان قطري يحاسب المسؤولين على هالقرارات المزاجيه! ،

[Q_Invest]

الجمارك ما لها شغل والمرور يبون يحفظون حقوق الناس ...

اصابعك موب سوا وفي ناس انضروا من القانون القديم .. يعني اي واحد معاه بطاقتك وموترك واﻻستمارة يقدر يسافر على موترك بدون علمك ...

وصارت في اكثر من واحد ... انا بصراحة ودي ان وزارة العدل هي اللي تشرف ويكون عن طريق وكالة من المالك وبحضوره .. عشان الموضوع ما يصير لعبة..

[باسكن روبنز]

الجمارك ما لها شغل والمرور يبون يحفظون حقوق الناس ...

اصابعك موب سوا وفي ناس انضروا من القانون القديم .. يعني اي واحد معاه بطاقتك وموترك واﻻستمارة يقدر يسافر على موترك بدون علمك ...

وصارت في اكثر من واحد ... انا بصراحة ودي ان وزارة العدل هي اللي تشرف ويكون عن طريق وكالة من المالك وبحضوره .. عشان الموضوع ما يصير لعبة..

بذمتك ياخوي ،

شلون في ناس انضروا ؟ ،

الي بيسافر على موتري من وين له الاسويج ؟ ،

وبطاقتي ؟ والملكيه! ،

صعبه يحصل عليهم بدون علمي ،:rolleyes2:

والنقطه الثانيه حتي لو صار وحصلهم وسافر بموتري هالشي يعتبر اهمال مني انا واتحمل ماجاني لانها ممتلكاتي الخاصه واهم شي البطاقه الشخصيه ،

اخبر القوانين تنحط لتسهل حياة الناس بس مرورنا هالمره تدخلهم ماله معنى وتنحسب نقطه سوده عليهم ،

وجهه نظري ،

[@السفير@]

اعتقد بيجي اليوم الي نلجأ فيه لأعدائنا للتخلص من ظلم أهلنا،
من يسعده ذلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

ممكن توضح المعنى لأن مخي مجيم ؟

[شبح الصمت]

كم مره انا مسافر بسيارة اخوي بس بطاقة الاصلية ومن بوسمره اخذ الخروجية !!

يلا شنسوي الحمد لله الموتر باسمي

والي عيل مساكين مواترهم مرهونه على البنك شيسون !!

[الصريحه]

صعبه حضور صاحب السياره
الله يعينكم ويعينا بس الامن والسلامه اهم

[saad1125]

على فكرة الرسوم هذه رسوم للجمارك وليسة للمرور والموظفين عند البوابة الاولى موظفي الجمارك هم من يحصل المبلغ لصالح الجمارك

[saad1125]

على فكرة كل ما يتعلق بالسيارات هو من اختصاص الجمارك في ابوسمرة والمرور الافراد فقط

[محمد11]

على فكرة الرسوم هذه رسوم للجمارك وليسة للمرور والموظفين عند البوابة الاولى موظفي الجمارك هم من يحصل المبلغ لصالح الجمارك


على فكرة كل ما يتعلق بالسيارات هو من اختصاص الجمارك في ابوسمرة والمرور الافراد فقط





جماعة الخير

ترى دفع الرسوم

هني عندنا ف الدوحه

في اقسام ادارات المرور

مب في الجمارك في مركز بوسمره

هذا سابقا

[الفولاذ]

نتمنى وجود

قسم ادارة المرور في

مركز بوسمرة

لتسهيل هذي الامور

دامكم حطيتوا هذا القرار افتحوا فرع هناك !!!!


هذه المشاركة الي تفيد
وانا اضم صوتي لصوتك ... وتسلم

[امن العديد]

يا اخوان انا مسافر في موتر واحد من الربع وما اطلبوا مني الا الملكيه الاصليه والبطاقه الشخصيه لصاحب الموتر ودفعت الخمس ريال وتوكلت على الله بدون ما انزل من الموتر وجزاهم الله على هل المعامله الطيبه

[بن موسى]

الله يسود وجة راعي الفكرة
يارب سجلها بصدر كتابة
مايعرف ان اثنين من كل اسرة
الحظ رابطهم على سيارة

[محمد11]

يا اخوان انا مسافر في موتر واحد من الربع وما اطلبوا مني الا الملكيه الاصليه والبطاقه الشخصيه لصاحب الموتر ودفعت الخمس ريال وتوكلت على الله بدون ما انزل من الموتر وجزاهم الله على هل المعامله الطيبه

متى هالكلام اخوي ‏؟

[بو الجوري]

أنا سمعت من واحد شغال فالجمارك :.. إن هالقرار لغوه :..

يعني الحين عادي تسافر :.. بنفس الإجراءات القديمه :..

[محمد11]

أنا سمعت من واحد شغال فالجمارك :.. إن هالقرار لغوه :..

يعني الحين عادي تسافر :.. بنفس الإجراءات القديمه :..



توهم منفذين هذا القرار واشتغلوا عليه
وصار عليه اقبال بعد ..

شلون الغوة !!!

[قطرية بعيون]

والله انا مع هالقانون لانه اولا بيخفف شوي الزحمه عالمراكز ثانيا يمنع عمليات الاحتيال والمشاكل واللي يبي يعطي موتره اي حد يروح يطلع له او يسويله تصريح لو سنه بكيفه يتحمل هو المسئولية

[طارق]

عندي سؤال غريب
حبذا واحد مع زوجته رايحين بالسياره
وهو يسوق السياره بس السياره بأسم زوجته
هل يحتاج تصريح من مدينه خليفه ؟؟ مادام صاحبه السياره في السياره ؟؟