ليش مانشتغل براااااااااااااااااااااااااااااااااااا ؟؟؟؟؟؟؟؟؟؟؟؟؟؟؟

[kooool]

هناك مجالات توظيف جديدة وتحديدا في التسويق والادارة والاعمال الدولية والاستثماار والمالية في مكاتب جهاز قطر للاستثمااار في الخارج ...حيث انه يمكن الاستفادة من خريجي امريكا وبريطانيا في هذه المجالات وترك الوظايف الداخلية للشباب الباااقين ...اللي يسمعني يقول القطريين ذااابحين الوظاايف ومادرى نصهم في البيت او ينتظر التوظيف ...المهم ..ليش مايعمل جهاز قطر للاستثماار مشروع بارسال القطرييين للعمل خارج الدولة لاكسابهم المهارات والاحتكاك المطلوب ..مثل مايحدث في الدول الاخرى ..مثلا ..خطوط الطيران الاماراتية لها 100 مكتب خارجي وفيه 100 مدير مواطن اماراتي ..حيث يقضي المواطن تقريبا من 3 الى 6 سنوات متنقلا بين مكاتب الاماراتية حول العالم وبعد يستقر في الامارات ويترك الفرصة لغيره وهكذا ..ونحن ولله الحمد لدنيا تنوع وظااائف رهييييييب بحكم استثمارات الدولة في الخارج ..يعني لو ارسلوني عشان امسك ادارة هااارودز ماراح اقول لا :taunt: او شغلوني في بورشة طبعا رااح افكر ..لكن ماراح ارفض لهم طلب ..

[تغلبية]

القطريين يبون الدلال .. ما يبون يتغربون ويتغربلون براااا حتى لو كان الاجر والبدلات عالية

مع انها فرصة حلوة للاختلاط مع البيئات الخارجية والاكتساب منهم المعرفة والخبرة ..

(((( لو اني رجال كان من زمان ارتزيت على حدا هالمكاتب برااااا)))):telephone:

[الراقيه سبشل]

انت ماتلاحظ انه كل مواضيعك عن الشغل :funny:

وانا ماعرف ارد لاني ماشتغل :funny:

[نسايم قطر]

كلام منطقي بس يتوقف على التطبيق ؟؟؟

[كلاسيك قطر]

اي والله

كل مواضيع شغل شغل

بس اعتقد انه شباب الدوحه مو راضين انهم يشتغلون برع

[kooool]

انت ماتلاحظ انه كل مواضيعك عن الشغل :funny:

وانا ماعرف ارد لاني ماشتغل :funny:

هذا من باب التشجيع اختي ..وحتى تعرفين وااااقع العمل

[kooool]

كلام منطقي بس يتوقف على التطبيق ؟؟؟

والتطبيق سهل ممتنع ..بس مب صعب وسهل جداااااااااااا ..اذا هم يبغوووون

[Qa6ar]

اي واحد بيلاقي الفرصه اللي تناسبه سواء برا قطر او داخل قطر فهو خير من يمثل قطر

وكل قطري راح يمثل قطر على اكمل وجه ويخلي العالم الخارجي يشوف ان اهل قطر هم خير من يمثل بلدهم

[kooool]

اي والله

كل مواضيع شغل شغل

بس اعتقد انه شباب الدوحه مو راضين انهم يشتغلون برع

لا بالعكس تراهم في وقت الشداايد يعجبونك الا جيل التسعيناااات ااااااااه مهم بس ...الله يستر بس

[kooool]

اي واحد بيلاقي الفرصه اللي تناسبه سواء برا قطر او داخل قطر فهو خير من يمثل قطر

وكل قطري راح يمثل قطر على اكمل وجه ويخلي العالم الخارجي يشوف ان اهل قطر هم خير من يمثل بلدهم

صاااااادق

[كلاسيك قطر]

لا بالعكس تراهم في وقت الشداايد يعجبونك الا جيل التسعيناااات ااااااااه مهم بس ...الله يستر بس

يالغالي ات اتكلم عن التسعينات يالغالي

الي في التسعينات كانو ذيابه والله

انا اتكلم عن الجيل الجديد

[مرتبش]

المفروض هالشي يصير
ويمكن يصير واحنا ماندري عنه لانه المجالات متنوعة وكثيرة وليست حكر على صندوق الاستثمار

يعني ..في مجال البترول هالشي يصير .

[مستجدة]

واللي خاطرها تشتغل في الاوقاف لو فراشه اتصب قهوه
ولا توزع كتب دينيه ولا حتى تكنس حوش الوزارة

لاتطرون الشغل فينا حره مب محصلين شغل

[ودي أكون]

يالغالي ات اتكلم عن التسعينات يالغالي

الي في التسعينات كانو ذيابه والله

انا اتكلم عن الجيل الجديد

ذياااااااابه مره وحده وهم مادخلوا الـ 30 :eek5:

عيل جيل الثمانينات وتحت شيطلعون !! ..

بالفعل جيل التسعينات يفرون الراس :rolleyes2:

[الصريحه]

ماادري له سلبيات
على حسب الشاب
فيه شباب يروحون وينتهون هناك لاشغل ولادراسه ولاصحه
وفيه غيرهم لا يرفعون الراس

[دبلوماسية]

اعتقد ان جهاز استثمار قطر يوظفون قطريين خارج قطر .. في بنوك مختلفة حول العالم لإكتساب الخبرة ..

ولكن !

القطريين عاجبهم شي ؟! بيقولك لا غربة ومادري شنو .. خلني في بلادي بين هلي ..
والاجنبي بياخذ الوظيفة وبيجي بيشتغل في قطر ..
عاد شوف القطري عقب .. جو خذوا وظايفنا .. مب محصل شغل ..

مب عيب ان الانسان يستفيد من خبرة الاخريين ..

انا معاك ان القطري لازم تتاح له الفرصة انه يشتغل برا ..
ولازم القطري يستفيد من هالفرصة !!

[ماريسا]

اذا لقيت فرصة ليش لأ

[G0LD]

شكرا على الموضوع الرائع

((((( الفرص متاحه للي يسعي لها )))))

تحياتي

[الموضوعي]

في سفارات لقطر عدد القطررين فيها مايتجاوز 3 او 4 ووزارة الخارجية رافضة التوظيف

[العقل الحر]

حلمي اني اشتغل خارج قطر ولو بنص الراتب ولكن ماتحقق

رحت الخارجية وقلت لهم بتوظف عندكم بشرط اني اكون في الخارج ورفضوا

ودورت جهات اخرى ولم اجد هذا الكلام في عز شبابي سنه 2001 !؟!؟

حتى استقريت في جهت عملي الان ولكن مازلت احلم به وقدمت في الجزيرة واتمنى انهم يبعثوني الى مكاتبهم في الخارج

والقطرية مافيه امل يشغلوني ويرسلوني الى مكاتبهم في الخارج كله هنود في هنود

[FAUCHON]

فكره حلوه

بس ما اظن انها بتتنفذ

[بو الجوري]

والله مثل ماقلت إذا بيودوني أمسك مراقب عام فمتجر هارودز :.. أنا ما عندي مشكله :.. :)

والله هي ترا صعبه شوي الواحد يروح ويترك هله :.. إلا إذا كان عزوبي وفي بداية حياته العمليه :.. ممكن يروح كم سنه ويرجع :..

لكن المتزوج صعبه شوي :..

[حمود قطر]

بما إني موظف في إحدى القنوات الفضائية العالمية ،،

ولدينا مكاتب خارجية عديدة ( لندن - واشنطن - كوالامبور )

وقد طلبت من قبل إدارتنا المعنية بإنتدابي لفترة معينة لإحدى هذه المكاتب ،،

وقد تم رفض الطلب بحجة أن ( قطري ممنوع يشتغل برع ) :eek5:


أنا متأكد بأن هنالك العديد من الكفاءات الشابة ترغب في العمل في الخارج

وبالذات ف أوروبا وأمريكا ،، ولكن هل يوجد دعم فعلي لهؤلاء من قبل الحكومة ،،

وهل هناك اهتمام وتوجه مستقبلي لهذا الشيء ؟؟

[تحداني]

العمل خارج البلاد في حاله عدم وجود إلتزامات أسريه .. وعوائق إجتماعيه
تجربه بغض النظر عن العائد المالي هي تجربه مميزه بها تتعرف على عالم العمل الخارجي
وبه تختلط مع شريحه قد تكون مختلفه عن تلك الشريحه التي إعتدت عليها


أكيد سيكتسب الشخص خبرات
أمور معرفيه جديده
إستقلاليه
وإعتماد على النفس



شعور الغربه شعور جميل :)
نحتاج بعض الأحيان أن نغترب ونبتعد .. تواردني هذه الخواطر
ولكن كمجتمع خليجي .. فالنساء مساحات حركتهم محدوده
وهناك إعتبارات كثيره لها من التقدير والإحترام تحد من هذه الرغبات والطموحات
لا نستطيع التفكير فيها والإلحاح عليها حتى لو كانت هناك نيه ..



هناك من يرغب ولم تتح له الفرص كما ذكر أحد الإخوان
وهناك من تتاح له الفرص . ولكن لا يحبذ فكره البعاد والإغتراب





جملك الله برضى الرحمن

[missperfect]

موضوعك فلّه والله يبيله :victory:

اذا بيودوني انا بروح ماعندي مانع:omen2:

[مدير]

شباب وايد يدورون هالفرصه ... و مستعدين يتغربون و يرفعون راس بلادهم

لكن للاسف معظم الجهات الي ذكرتيها يعتمدون على الواسطه او ما تشغل القطريين في مكاتبها برا بحجة انه راح يكلفهم وايد (بدلات و راتب وسكن و و و ) فيفضلون الاجنبي

يعطيج العافية على الموضوع

[بو الجوري]

حمود قطر :.. ماقدر على بعدك :..:shy:

[ماريسا]

بما إني موظف في إحدى القنوات الفضائية العالمية ،،

ولدينا مكاتب خارجية عديدة ( لندن - واشنطن - كوالامبور )

وقد طلبت من قبل إدارتنا المعنية بإنتدابي لفترة معينة لإحدى هذه المكاتب ،،

وقد تم رفض الطلب بحجة أن ( قطري ممنوع يشتغل برع ) :eek5:


أنا متأكد بأن هنالك العديد من الكفاءات الشابة ترغب في العمل في الخارج

وبالذات ف أوروبا وأمريكا ،، ولكن هل يوجد دعم فعلي لهؤلاء من قبل الحكومة ،،

وهل هناك اهتمام وتوجه مستقبلي لهذا الشيء ؟؟

ليش القطريين ممنوع عليهم يشتغلون برّة؟؟؟ مافهمت؟؟؟؟ ايش السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[باسكن روبنز]

كلام منطقي بس يتوقف على التطبيق ؟؟؟

فعلاً ،

[kooool]

والله اشوووف فيه حمااااس من الاعضاء ...بس صررراحة تجربة لو تصير واااااااايد حلوه ..وتفائلوا بالخير تجدوووووووه

[kooool]

يعذروني الاخواااان ماقدرت ارد على الردود لاتي اشغلت واااااااايد وتوني داخل المنتدى

[بـــــــنت النوخـّــــذه]

المهم ..[size="6"]ليش مايعمل جهاز قطر للاستثماار مشروع بارسال القطرييين للعمل خارج الدولة لاكسابهم المهارات والاحتكاك المطلوب [/size ..

سؤال اخوي بارك الله فيك :

ماهي مواصفات الشاب القطري المطلوب ابتعاثه خارج الدوله لتمثيل بلاده (خير تمثيل) واكتساب خبرات يخدم بها بلاده ؟؟؟
يعني على بلاطه على قولتهم هل كل شاب سيكون مؤهل للابتعاث ولا لابد من تواجد شروط وتأهليهم في بلادهم من ناحيه اخلاقيه واتيكيت ومن نواحي علميه ؟؟؟؟

اعتقد قبل هذا الاقتراح لابد من عمل دورات تدريبيه داخل الدوله توعي المبتعثين لاهميه هذه المهام والسلوكيات الواجب اتباعها حتى تكون النتيجه مشرفه للدوله ولممثلي الدوله ؟؟؟

شالفايده نبتعثهم ويدمرون الدنيا هناك !!!!!!!!!!!!!!!!

وفي الاخير انا مع ابتعاث القطريين للخارج بدون واسطات ولكن طبقا" للكفاءه بشرط (تمثيل الدوله سلوكيا" ومهنيا" خير تمثيل )

[الميزان 1969]

ربي يوفقهم يااااااااااارب

[kooool]

للرفع

[الصريحه]

لو راحوا مايلاقون من بيعلمهم بذمه وضمير لانهم لايريدون لنا التقدم وبعدين شباب كثير راحوا وانهزموا للاسف بسبب التقدم والحضاره والعري والفساد وردوا لاشهاده ولاغيرها لا ورجعوا مخهم انغسل عدل ولاعاد فيهم ولاء ولاغيره على الوطن ولا اهمها دين واخلاق...........
خلهم هنا احسن يبعدون عن الفتنه