إذاعة صوت الخليج في رمضان ... هل يصير اكلم صديقتي في نهار رمضان

[البدع]

في رمضان الماضي

فتحت على قناة صوت الخليج

وكان هناك شيخ يجاوب على اسئلة المتصلين

احد المتصلين سال الشيخ سؤال نادر من نوعه ... قال للشيخ : هل يصير اكلم صديقتي في نهار رمضان

الاتصال انقطع بعدها

والشيخ بعدها سكت

والمذيع حاول يرقع السالفة يمين ويسار ويفتح موضوع جديد

لكن الشيخ رجع وتكلم وزجر في المتصل

وتحدث اي نوع من هذه الاسئلة

وتعجب ان الحرام اصبح حرام في نهار رمضان فقط

الصراحة السؤال كان مقزز

[بو الجوري]

أصلا ماكان المفروض يقطعون الخط :.. ولا المذيع يرقع :..
كان لازم يخلونه عالخط :.. ويرد عليه الشيخ :.. ويفهمه غبائه :..
ويحرجه ويقوله إذا ترضى أكلم أختك فنهار رمضان وإلا عقب الفطور :.. :)

[كلاسيك قطر]

اصلن حرام اخوي

[راية الفخر]

المفروض الشيخ يوضح للشاب الحكم يمكن هو جاهل ومحد موعيه في الدين وماعنده حد يوجهه وينصحه ..

ياريته ناصحه ومبين له وجهة نظر الاسلام في هالموضوع في الايام العاديه بصفه عامه وفي رمضان بصفه خاصه .. ترى فيه شباب صغار اهلهم مب فاضيين لهم ينصحونهم او يوجهونهم توجيه سليم ودور المشايخ انهم يوعونهم ويرهبونهم من هالشي مب يقعد ويستهزيء فيه ... خصوصا ان بعض الشباب الصغار تكون عواطفهم ومشاعرهم متغلبه ومسيطره عليهم ومب قادرين يتغلبون عليها لذلك اعتقد ان هالشاب كان محتاج لحد يوجهه مب يتطنز عليه .. الله يهدي الجميع ..

[طموحي مبدع]

هاي واحد يستهبل

اكيد حرام اصلا حرام انه يكوون علاقات نسائيه ويتواصل معاهم

[do7awi]

انزين يمكن صاحبنا قصده صديقته يعني زميلته في الشغل او في الجامعه ..

مب ان صديقته حبيبته! ما تدرون يمكن خانه التعبير.

على فكرة ..

كلمة "أصلا" تكتب بهذه الطريقة و ليس "أصلن"
مثلها مثل "لكن" و ليست "لاكن"

[sung kyo]

الله يهديه

[بوخالد911]

المفروض ما يقطعوون علييه

والشيخ لازم يوضح له

وبس

[كرستال]

تعليق بو خالد عقلاني

ما يمنع ان يرد عليه الشيخ مباشرة ويبين له الغلط وين

كل ابن آدم خطاء

[راعي الدتسن]

الله يهديه ويصلح حاله

[نمساوي]

ع الاقل اسأله كم عمرك ؟؟

يمكن مابلغ للحين

[ارساف]

لا حول ولا قوه إلا بالله

الله يهديه ويصلح حاله

[Er7m 3IoNy]

الشخص اتصل ومتــأكد أن حرام بس مجرد لفت انتباه او او
مافي انسان في هالوقت على كل التطورات الي محاوطتنا مايعرف الحلال ويميزه عن الحرام

المفروض الشيخ مايهب فيه ولا ينقطع الخط ، بالعكس المفروض ان يرد عليه ويساله ويخليه يجاوب
يمكن كلمه وحده من الشيخ تغيره او تفيد غيره على الاقل.

[بنت شيوخ]

المفروض يبن له الحكم الصحيح....

وعقب يقول له انه لايجوز.....ويبين له الحرام والحلال...


شكرا لك.....