ألم أعلى الفخد الأيسر

[lost]

السلام عليكم ،
انا عندي مشكلة ألم في أعلى الفخد الأيسر صار لها ما يقارب سنتين وما خليت دكتور ما رحت له ولا عيادة ما زرتها والألم متواصل...أبي حل والله ما اقدر أنام على هدا الجانب الأيسر وأحيانا ما أقدر أقعد لازم أرفعها...هل في غيري مر بهالمأساة...وإيش الحل؟ أفيدوني

[حبر سري]

الله يشافيك ويعافيك اخوي

المشكلة انك تقول انك ماخليت دكتور ماراجعته

طيب اخوي هل سويت اشعة للمكان؟؟؟ هل المكان متورم ؟؟

هل عطوك مراهم مثلا للمنطقة ؟

[dss911]

والله يااختي الظاهر معاك الحوض انا يجيني الالم وقت الحمل ومثل ماوصفتي وكنت ادهن الفخد مع التدليك بفكس فاطمه ادا تبين بعطيك ممتاز يخف الالموماتشوفين شر

[dss911]

انا رديت على اساس وحده السموحه اذا كنت واحد

[lost]

أنا وحدة إختي ومش متزوجة ، عطوني إبر مكان الالم كأنها سحر لمدة ساعتين إلى ثلاث ساعات ما أحس بشي وبعدها يرجع الالم مثل ما كان

[شيط ويط]

آخر الداء (الكي) :secret:

لا تصدقين بس الكي ممكن يكون علاج بعض الاحيان .. الله يشفيج وحاولي تسافرين برا عشان يشخصون لج الحاله وتلقين العلاج ان شاء الله

[ANONYMOUS]

جربي علاج التقرب من الله..

والعمل بالاسباب

والدعاء

والصدقات

و و و الخ.

علاج روحاني.. مش حسّي

[lost]

شكرا يا أخواتي،،حبيت اعرف ادا احد مر بنفس التجربة وتعالج منها؟

[الراقيه سبشل]

ممممممممممم

اختي انا ماعرف العلاج بالضبط

لكن ممكن اقولج على الخاص :)

[lost]

أكون شاكرة

[الراقيه سبشل]

أكون شاكرة

:nice:

[بويعقوب]

مستشفى الطب الرياضي

(اسبيتار)

ان شاء الله اتحصلين العلاج

[latty]

السلام عليكم ،
انا عندي مشكلة ألم في أعلى الفخد الأيسر صار لها ما يقارب سنتين وما خليت دكتور ما رحت له ولا عيادة ما زرتها والألم متواصل...أبي حل والله ما اقدر أنام على هدا الجانب الأيسر وأحيانا ما أقدر أقعد لازم أرفعها...هل في غيري مر بهالمأساة...وإيش الحل؟ أفيدوني

عرق النساء ولا غيره

علاجه الكي ولا غيره

الله يشفيك

[ســـهم]

فعلا اتوقع هو عرق نساء وليس علاج بين سوى الكي وهو آخر الحلول شافاك الله وعافاك .

[بـــــــنت النوخـّــــذه]

الله يشفيج بس سؤال انتي تلبسين كعب ؟؟؟؟؟؟؟؟؟؟

لان اعرف وحده نفس حالتج صادها نفسج من لبس الكعب 00وانصحج نصيحه لاتاخذين ابر الكورتزون لانج ذكرتيها بتعليقج هذي اتخدر الالم ولكن لها مضار على المدى البعيد 000عموما" لازم تسوين اشعه لان احتمال يكون تجمع سائل فوق الركبه اهو الي يسبب هذا الالم 00وماراح يعطونج غير ابره داخل الركبه وتمارين رياضيه بس خلج على التمارين وارفعي رجلك وعليج بالحجامه عند دكتور مختص يعرف سبب الالم وشنهو علاجه وباي مكان 0 والله يشفيج

[ريان]

الاخت تقول سنتين ومستحيل عرق النسا ..كان بين انحنى وضمور

اذا الاشعه مابينت شي صعب الحكم عليه

ماتشوفين شر ان شاء الله

[Most Wanted]

أول شي أختي ما تشوفين شر وبقول لج ان شنو صار معاي لان من شرحج اتوقع نفس اللي كان معاي

انا جاتني هالحاله فجأه في 2006 وتمت معاي تقريبا 3 شهور والالم كان في منطقة الحوض او المدور(المفصل اللي بين العظمة الحوض وعظمة الفخذ) مثل ما قلت بالبدايه مره وحده جاني الالم كنت اذكر في دبي مع عيالي وهاي اللي زاد الطين بله لان اجهدت نفسي معاهم وانا هناك.

رحت حق كذا دكتور بالبدايه قالوا لي الحاله انها Bone Edema اللي هي ان ادم مايوصل للمفصل ويسبب له هشاشه وينكسر والحل تبديله هاي عقب الاشعه والاشعه النوويه والــMRI.

الله راد اني كلمت الدكتور صالح اليزيدي وانصح فيه ماشاء الله عليه وكنت في نفس الوقت ماخذ موعد مع دكتور في البحرين اسمه عبدالعزيز محمد بعد والنعم فيه هم اللي طمنوني قالو لي عباره عن التهاب في المفصل ولا احد يلعب في ريلك هاي الحاله تجي فجأه وتروح فجأه مثل ما جات ممكن تاخذ اسبوع وممكن تاخذ شهر او سنه ويمكن في حالات اكثر بالنسبه لي انا 3 شهور وراحت فجأه مثا ما قالوا لي الشي الوحيد اللي عطوني اياه عقب الفحوصات فيتامينات دال وعلاج طبيعي بحكم اني كنت امشي بعكازات والرجل ما كانت تتحرك.

ولين اليوم لما ابذل مجهود مثل مشي مسافات طويله يرجع الالم اريح شوي لين ما يخف ويروح بس الحمدالله اليوم وين انا عن ذيك الفتره.

وما تشوفين شر أختي وحاولي تبعدين عن ابر الكورتيزون لان كثرتها ضاره وممكن تسبب لج مرض السكر بالمستقبل.

[الصريحه]

روحي مستشفى سعد التخصصي في الخبر وانشاءالله تلاقين حل لمرضك
والله يشفيك من عنده

[ماريسا]

الحل لما مانلقى حل لمشكلة ان نبحث عن حلول ثانية!! انتي قلتي رحتي عند كل الدكاترة الباقي احين تروحين تشوفين دكاترة من بلد الطب وشوفي اش رايهم بالموضوع
الله يهون عليج اختي و لاتنسين ترجعين تطمنينا

[مرت محمد]

اختي احتمال يكون عندك هشاشه عظام ويكون الالم عند مفصل الورك ويسمونه الخلع الوركي

عالجي نفسك باسرع وقت ممكن لانه راح يؤثر على حركتك في المدى البعييد وحذار من الابر احذرك من الابر لانه مجرد تخفف الالم مثل الاسبرين والادول تخفف الالم وسرعان ما يعودك هذا الالم اذا انتي لم تعالجي نفسك وذا بظلين في مع دكتنره الدوحه الله يكون في عونك لانهم لن يشخصو لك حالتك اتمنى لك الشفاء العاجل باذن الله

[بوهلال]

العضله الضامه

لها نفس الاعراض

وما تشوفون شر ان شاء الله

[السعدي999]

جربي الحجامه باذن الله تفعك

[المقهوره]

لو من الورك إلا اسفل القدم كان قلت لك هذا عرق النسا

بس من الورك وفوق ماعندي علم

[lost]

شكرا لجميع الأخوات والأخوة اللي ردوا علي الله يبعد عنكم المرض... بأجرب الحجامة والله يسهل الأمور

[ام شوشي]

اختي اول شي ماتشوفين شر وبعدين هذا يمكن يكون عرق مشدود لانك عملتي فحوصات وطلعت سليمة فا نصيحتي لك اعملي مساج للمنطقة المصابة وانا عندي رقم وحدة تعمل مساج زينة اذا حابة اعطيج رقمها قوليلي بدزة لج على الخاص

[lost]

مشكورة إختي، لو سمحتي إرسليه على الخاص..مع جزيل الشكر

[روضه الجنة]

جربتــ\ـي الحجامة ؟
الله يشفي كل مريض يارب

[مشاكل]

يااختي الفاضله
انتبهي تسوين حجامه
الالم اللي فيك اتوقع والله اعلم سببه انزلاق غضروفي في الفقرات القطنيه يضغط على العصب ويسبب الم الورك والفخذ
نصيحة
سارعي بعمل اشعة رنين مغناطيسي وستتبين لك بأذن الله المشكله بكل وضوح
ماتجوفين شر الشيخه

[qatar1111]

الله يشفيج من كل سوء

[الشقيان]

الله يشافيك ويعافيك اخوي