اشتري فكسار ولا لكزس فورويل 2010

[ورقــة أمــل]

السلام عليكم

امس رحت المعرض ودشت في خاطري لكزس الفورويل ب 265 الف مع التأمين فل ابشن

وانا ابي اغير سيارتي الصالون بصراحة تعبت من شوارعنا كله مطبات وحفرر

فأبي رايكم اخذ لي لكزس فورويل ولا فكسار الافضل من ناحية الكشخة واسعار قطع الغيارر اهم شي

ولو خليت اقساطها مثلا على خمس سنين ولا ست سنين وفكرت ابيعها عقب بتجيب لي سعر حلو ولا لا ؟ يعني تستاهل اخذها باقساط ولا اتم عالصالون ابرك لي

وتسلموون اخوتي الكرام

[Q4U]

بالتوفيق

[cobra]

ابعد عن الدين

دام الصالون ساد الحال

فكر في المستقبل

الكشخه رايحه

[منصوربن حمد]

اكشخ دامك حي

[كازانوفا]

اذا امكانياتك ممتازه وما في ديون اطول الوقفه قدام ربك يوم الدين توكل على الله خد اللى بخاطرك بس اذا في عندك عكس اللى ذكرته خليك باللى انت فيه ابرك لك

موفق ان شالله :)

[الغالي!]

ابعد عن الدين

دام الصالون ساد الحال

فكر في المستقبل

الكشخه رايحه

هذا الكلام

[البيرق]

اللكزس الجديدة 2010سعرها حول 360
واذا بتنطر الفكسار الجديد (موديل2011) مابقاله الاشهرين او اقل ومواصفاته تقرب من اللكزس وسعره حول 280.000

[ورقــة أمــل]

انا اتكلم عن لكزس جي اكس 460

[HEART_LION]

خذ الفكسار ومبروك مقدما

[القلم الصريح]

مب حلو لكسز الجي اكس 460

[al-vtc]

توكل على الله وخذ الفتك اليديد

[عزووز قطر]

اللكزس موتر جديد وفخم
بس في النهاية دام الصالون يمشي الحال ابتعد عن الاقساط لانها والله هم

[ورقــة أمــل]

اشكركم على نصايحكم

انا ماعندي مشكلة اخذ اقساط لان الحمدلله يصفى من راتبي وايد وانا بنت ابي ادلع عمري شبسوي في الفلوس خخخ

وان شاء الله اقدر اسدد المبلغ في سنتين بدال ست سنين

المراد شكلي بحول على الفكسار معنه مب عاجبني انه كله اسود من داخل

[خريج اعلام]

خذي الكايين
ولا النيسان الجديد


احلا موترين صراااااااااااااااااحه

[لطيف الروح]

ابعد عن الدين

دام الصالون ساد الحال

فكر في المستقبل

الكشخه رايحه

اشهد بالله انها نصيحه طيبة من وجه طيب

[*¤ بن قطر¤*]

اختي الفاضله ...

اخذي اللي في خاطرج ولا تهتمين ... دلعي عمرج ... و الواحد فينا كم مره بعيش ... واذا الله عطنا خير ليش ما نستمتع فيه؟

[@Bu-JaSSeM@]

وجهة نظري اصبري شهرين و بينزلون الفيكسار 2011 و بعدها احكمي بينهم .. لان على حسب الكلام اللي نسمعه ان الفيكسار بينزل بمواصفات اللكزس .. و اختي انتي سألتي عن سعر البيع بعد خمس او ست سنين .. طبعا اذا الفيكسار 2011 صار مثل اللكزس .. يعني اسعار الفيكسارات 2010 و نازل بتطيح .. و الله يوفقج و يبارك لج مقدما ..

[الجوكر90]

السلام عليكم
الشيخه اذا بتاخذين اللكزس جي اكس 460 فنصيحه خذي برادوا ابرك
واذا تبين شي زين عندج الفكسار 2010 ب235 الف
او خذي لكزس فورويل 2009 ب270 الف طبعا مستعمله بس تكون نظيفه
وعن سعر البيع لاتفكرين بهل الشي لان محد يدري بعد 5 او 6 سنين شراح يصير فخذي التويوتا او لكزس فورويل بس

وانا انصحج فاللكزس lx570 لان موتر كشخه وعملي

ولاتفكرين فالفكسار 2011 لان انتي بنيه ماراح تفكرين فالمكينه
وحرام تدفعين ع فكسار 280 الف
اللكزس ارز واشرف بوايد

وتشوفين خير الموتر ويكفيج شره مقدما
وبالتوفيق ان شاء الله



.:. الجوكر90 .:.

[السندان]

ابعدي عن اللكزس الصغير مايسوى
ومبروك على الفي اكس ار

[الكلدي]

انا مجرب الفيكسار والكزس

مافي مجال للمقارنه

انصحك بالكزس lx570

ماعليها كلام

قبل تقررين جربي لثنين وبتعرفين الفرق


ملك المواتر على الساحه الكزس بل منازع

[الجوكر90]

انا مجرب الفيكسار والكزس

مافي مجال للمقارنه

انصحك بالكزس lx570

ماعليها كلام

قبل تقررين جربي لثنين وبتعرفين الفرق


ملك المواتر على الساحه الكزس بل منازع

عيل شكلك ماجرب المرسدس والاودي
جرب وراح تغير رايك مثل ما انا غيرت رايي

[doha_vip]

اخذي لكزس lx570 موديل 2009
مستعمل ويكون ماشي شوي .. ومب متحسفه ان شاء الله

والله يوفقج

[الكلدي]

عيل شكلك ماجرب المرسدس والاودي
جرب وراح تغير رايك مثل ما انا غيرت رايي



صحيح ما جربت الاودي بس جربت المرسيدس

سيارات ما يعلى عليهم بس مو في الدوحه يمكن مكان ثاني

انا اتكلم عن سياره تصلح لضروفنا المكانيه والمناخيه

[وحيد-الشوق]

ابعد عن الدين

دام الصالون ساد الحال

فكر في المستقبل

الكشخه رايحه


اشهد انك صادق

كل شيء رايح في هالدنيا :(

المهم اختي بقول رايي بصراحه اشوف اختيارج غير مناسب لج البنات ماينفع لهم الفورويل مثل اللكزس والفكسار

اشوف الانسب لج خلج على سيارتج الصالون الحاليه او فكري في صالون جديد وبسعر حلو لاتقولين راتبي قوي ويبقى منه واجد ترا بيمر يوم عليج وبتحسفين انج خذتي موتر بذيك القيمة في اشياء اولى من الموتر

مادري ليش ما اقدر اقتنع اني اقط 250 الف في vxr والله حرام وسيارة ماتسوى صراحه

ما ضيع شباب الدوحة غير الزبو والمفوشر والكروزر :tease: