الاستغلال عيني عينك ... ما تقدر تتكلم

[Mr.Hamad]

مواقف سوق النجادة

قيمة ساعة الوقوف ريال واحد ... لي الحين أوكي

بس إذا تعدى وقوف السيارة ساعة و6 دقايق تدفع قيمة ساعتين

يعني فترة السماح 5 دقايق بس

أشكره الهندي يقولك تدفع ولا ما تطلع من المواقف لا ويقفل عليك الباب عشان ما تطلع

على الأقل يسوون مثل مطار الدوحة الدولي فترة السماح 15 دقيقة

هالموضوع يهم شريحة كبيرة من موظفي شارع حمد الكبير وأيضاً المراجعين

والمصيبة يوم إتصلت بحماية المستهلك يقولون ما لنا شغل !!!

عيل منو الي له شغل.؟!!!

[كازانوفا]

دور على اللى له شغل :) عارفه انه قهر بس امرك لله
الله يكون بعونك وعوناااااا

[ماريسا]

بركن بعيد و روح مشي :d

[مـالـﮓ رجى]

اي والله من اللي له شغل وبعدين المسأله مب مسألة ريالين

المسأله أني ادفع 1000 ريال على شي انا مقتنع فيه

ولا أدفع ريال واحد وانا منب مقتنع فيه

وبعدين ريالين مني وريالين من ذاك

صاروا 4 ولكم الحسبة

!!!!!!!!! ماادري شقول

لاحول ولاقوة الا بالله

[The Hulk]

السلام عليكم ورحمة الله وبركاته

هذا قانون معروف في قطر والدول اللي قطر تقتدي فيها في مسألة مواقف السيارات

بعدين اخوي انت تقول فترة السماح في المطار ربع ساعه ... تدري ليش ؟

لانهم يدفعونك اربع ريالات عالساعه مب ريال مال سوق النجادة

انت لو رحت اوروبا (باريس على سبيل المثال) يدفعونك عالنص ساعه والحسبة بالثانية

لو شافك واقف نص ساعه وعشرين ثانية والله انه يدفعك ثمن ساعه كاملة

يعني احمد ربك دام السالفه جات على ريال والمواقف متوفرة ... بكره لي صار الموقف بخمس ومالك محط رجل بتقول الله يرحم ايام لما كان بريال

[راعـي سـمحـه]

موقف ساااااااعه بريال بس ؟ والله زين جزاهم الله خير

[هام السحاب]

الساعه بريال و ويعطونك 5 دقايق سماح و لا عاجبك !!
ياخي قول الحمد لله
دخول مواقف سوق واقف ب 3 ريالات

[بومحمد]

ياجماعة الخير تعوذوا من ابليس ريالين ولا ألف والرجال قصده إن الاستغلال صار في

كل مكان وتبي الصراحة يالغالي لو أنا مكانك كان عطته ريالين وتوكلت على الله ماراح اخليه

يسكر الباب علي بسبة ريال .

[Mr.Hamad]

ياجماعة الخير تعوذوا من ابليس ريالين ولا ألف والرجال قصده إن الاستغلال صار في

كل مكان وتبي الصراحة يالغالي لو أنا مكانك كان عطته ريالين وتوكلت على الله ماراح اخليه

يسكر الباب علي بسبة ريال .

جزاك الله ألف خير أخوي بو محمد

زين أنه فيه واحد مثلك عقله كبير وفهم شنو مغزى الموضوع

ألا وهو "الاستغلال"

بس البعض ما يفهمون لو تكلم طوفة كان افهمت

مو مثل بو حمص و زيتونات

[بومحمد]

ولك وللجميع كل التقدير والاحترام ..

اعتقد ان انحراف الموضوع الى مسارات متعددة يتطلب ضبط النفس من احد الطرفين او كلاهما حتى لاتسوء الامور .. ولكما الاختيار !!




أحسنت القول أخي الكريم

وأنا شخصيا اعتقد بأن الموضوع انحرف ووصل الى القبلية والأصل والفصل وهذا لايجوز

ياأخوان شرعا تعوذوا من ابليس هذا مدخل شيطان واتركوه عنكم

[Mr.Hamad]

للامانة صاحب الموضوع ربما تحدث عن موضوع احتساب الخمس دقايق كساعة ، وهو من وجهة نظره استغلال ..

ولكن وللاسف فاعتقد انه في ظل الوضع الحالي وارتفاع الاسعار في كل مكان ، فهذا الموضوع لايعتبره البعض من الاستغلال نظرا لرخص سعر الساعة مقارنة باسعار مواقف اخرى في البلد ..

اخيرا .. اذكروا ربكم وصلوا عالنبي !!

صح أخوي

هذا هو المقصد وهو "الاستغلال" صار بكل مكان بلا حسيب ولا رقيب

عليه أفضل الصلاة والتسليم

المشكلة أنك تتكلم بموضوع يهم العالم ويجييك واحد يتمصخر ويخفف دمه

بس شتسوي الدنيا فيها أشكال

[abdulla999]

عادي ادفع ريالين البيبسي 1.50 محد قال شئي

[Mr.Hamad]

عادي ادفع ريالين البيبسي 1.50 محد قال شئي

حلووووووووووووووووووووة

[ANONYMOUS]

في دول اخرى.. لو تزيد دقيقه من الساعه الثانيه يحسب لك ساعه اضافيه جديده


اما فترة سماح هذي اذا ماحصلت الموقف.. تضطر تطلع بدون ماتدفع شي..

[شموخ وبس]

مره كنت بفيلاجيو صوب الملاهي العب اليهالو صوب قلعة الاسفنج فيه مثل مكان الله يعزكم اللي يحطون النعل
المهم بعد ساعة اجوف واحد اجنبي يصارخ على السكيورتي المسئول عن الالعاب الا اشوي جاوا مصاروه اللي اكبر منهم وهو يناقشهم عرفت السالفة ان جوتيه مادري من طخه وتم ساعه زياده ينطر اخرتا نادوه مسكين راح مشي بالدلاقاته عاد انا عقب ماصليت المغرب جان اجوفه ويا اثنين عساكر ولابس جوتي رياضه كجره توقعت شي راقي خخخخخ
بس شوفوا اشلون جاب حقه بالقوه

[الشقيان]

الساعه بريال و ويعطونك 5 دقايق سماح و لا عاجبك !!
ياخي قول الحمد لله
دخول مواقف سوق واقف ب 3 ريالات

:rolleyes2:

[مشتاقة لقطر]

مره كنت بفيلاجيو صوب الملاهي العب اليهالو صوب قلعة الاسفنج فيه مثل مكان الله يعزكم اللي يحطون النعل
المهم بعد ساعة اجوف واحد اجنبي يصارخ على السكيورتي المسئول عن الالعاب الا اشوي جاوا مصاروه اللي اكبر منهم وهو يناقشهم عرفت السالفة ان جوتيه مادري من طخه وتم ساعه زياده ينطر اخرتا نادوه مسكين راح مشي بالدلاقاته عاد انا عقب ماصليت المغرب جان اجوفه ويا اثنين عساكر ولابس جوتي رياضه كجره توقعت شي راقي خخخخخ
بس شوفوا اشلون جاب حقه بالقوه

حبيت هالجملة هههه

[الريحانة]

قطريييييين وفلوسكم وايد هذي المقولة المتداولة على لسان الاجانب والخليجيين
المصيبة مايدرون ان الراتب مايبقى منة شي لين اخر الشهر :weeping:

[سهم طايش]

شدعوة يا خوي

ارخص مواقف هي مواقف سوق النجادة

مسكثر ريالين