حمايه لمقدمة السيارة بقيمة 140 ريال

[أغلى البـشر]

السلام عليكم ورحمة الله

الي يبغي الحماية لأي نوع من السيارات من موقع Ebay (http://www.ebay.com/) ويسوي سيرج على Clear Bra Film
(http://cgi.ebay.com/ebaymotors/Toyota-Land-Cruiser-2008-2009-2010-Full-Kit-Clear-Bra-_W0QQcmdZViewItemQQhashZitem19ba418a93QQitemZ11049 9039891QQptZMotorsQ5fCarQ5fTruckQ5fPartsQ5fAccesso ries)

الحماية قيمتها 38 دولار

يجي للصدام والبانه ومقصوص لكل موتر

http://www.nusolispics.com/clears/fullkitdescriptions.jpg

http://www.nusolispics.com/clears/whyclears.jpg

http://www.nusolispics.com/clears/easyinstall.jpg

[qatar28]

يعطيك العافية

[al-obaidly]

يا بلاش

[محمد11]

بس من بركب لك اياها هني المشكله

[بن رومي]

بيض الله ويهك

[doha_vip]

يعطيك الف عافيه .. وماقصرت

[الكلدي]

تسلم

حرام عليهم يكلفهم 38 دولار ويبيعونه علينا 4000

انا حصلت بالحساء على 1500 مع التركيب وضمان 6 سنوات وناوي بكره اروح اركب عندهم

وزياده الجامه الاماميه مجانا

ومفكر اسوي تقرير كامل مع الصور والاسعار

والله الله قي الردور

[أغلى البـشر]

الله يعافيكم

في أنتظار تقريرك أخوي الكلدي

أحسن من جشع التجار الي عندنا لا ويجيك مقصوص بالكمبيوتر وجاهز

[السندان]

يقولك انت اتركبه بثلاث خطوات فقط
يبيلك اثنين واحد تجربه اذا ماضبط عليك بالثاني .. ههههه يابلاش

الله يجزاك خير

[الكلدي]

على فكره

ما انصح احد يركب الحمايه اللي تجي مقصوصه وجاهزه لانها تكون اصغر وما تغطي الحواف كامله
وبتالي يتعرض الجزء المكشوف للعج وغيره وفي نفس الوقت تقوم الزقه مع السرعه

انا افضل التركيب اليدوي مع الثني للداخل شي بسيط حتى تغطي كامل الحواف ومافي امل تقوم اللزقه مع السرعه

[بازار]

قلبي عورني ..

انا مسويه في محل حماية

الموتر بالكامل

قلبببببي قلبببببي

[Rayane]

مشكوووور على الموضوع وعلى المبادره....


الكلدي ايش اسم المحل اللي حصلت عنده الحمايه وفي اي شاااارع

[Bro]

وانا مسوي ب4800عقب حب الخشوم

4800 ناقص 140 يساوي = 4660 خل نقول تركيب 200 يعني 4460مالها داعي :no2:

ريال والله ان احنا مساكين :thumbdown:


مشكور يالغالي والاحظ انك مو مقصر وقاعد تفيد الكل

الله يكثر من امثالك يالذيب

[أغلى البـشر]

الله كريم يا خوي احنا قاصين علينا في كل شي

[mE mYself & i]

ما شاء الله عليك

متابع لمواضيعك المميزة

[السندان]

على فكره

ما انصح احد يركب الحمايه اللي تجي مقصوصه وجاهزه لانها تكون اصغر وما تغطي الحواف كامله
وبتالي يتعرض الجزء المكشوف للعج وغيره وفي نفس الوقت تقوم الزقه مع السرعه

انا افضل التركيب اليدوي مع الثني للداخل شي بسيط حتى تغطي كامل الحواف ومافي امل تقوم اللزقه مع السرعه

وش دراك انه مايجي كامل ياخوي ..

[السندان]

ماحصلت للاندكروزر ..

[الكلدي]

وش دراك انه مايجي كامل ياخوي ..



من واقع تجربه

ركبت على يوكن وتحسفت

4000 ريال للحمايه الاماميه

800 ريال للجامه

وياليتني ما ركبت في الدوحه

الحواف كلها مكشوفه

واذا مو مصدق مر اي شركه في الدوحه

تركب حمايه جاهزه

لا يقصون عليكم ويقولون قص كمبيوتر تراه ماينفع:nono:

قل لهم ابيكم تركبون لي مثل نظام المخفي قص ولصق بالموس:nice:

وبتعرف ان كلامي صدق

بس عاد ما يشتغل على موترك واحد حول

نبه عليه اي شمخ في الموتر مثله على وجهك

عاد الفلبيني كل شي الا وجهه:thumbup:

[الكلدي]

مشكوووور على الموضوع وعلى المبادره....


الكلدي ايش اسم المحل اللي حصلت عنده الحمايه وفي اي شاااارع

هلا بالشيخ

اخوي شارع الزينه في الحساء معروف اسمه الشارع الملكي

عندك محلين فقط

الشعله اخر الشارع راعي المحل اسمه سامي عاجبني شعره...:spider:

وعندك المحل اللي انا اتعامل معهم ماذكر اسمه بس جنب مطعم ليالي عدن
ما وصيك بالمندي على كيف كيفك..وبالعافيه مقدما:nice:

وبالمره اذا رحت عنده خله يرويك البومات شباب الدوحه تعديل مواتر يوم الاستقلال

والله شي

ونسيت شي .. سلم على راعي المحل اسمه عارف قله انا من طرف الكلدي ولك سعر خاص لا تعلم احد:victory:

[اكاديمي]

سعر ممتاز

[أغلى البـشر]

ماحصلت للاندكروزر ..


اخوي هالوصله للاند كروزر من 2008 وطالع

Toyota Land Cruiser 2008 2009 2010 Full Kit Clear Bra (http://cgi.ebay.com/ebaymotors/Toyota-Land-Cruiser-2008-2009-2010-Full-Kit-Clear-Bra-_W0QQcmdZViewItemQQhashZitem19ba418a93QQitemZ11049 9039891QQptZMotorsQ5fCarQ5fTruckQ5fPartsQ5fAccesso ries)

وتقدر اتراسل راعي الموضوع اذا عندك اي أستفسار

[Qatarianes]

بجرب اطلبها وبشوف
يعطيك العافيه

[بوجاسم566]

انزين اقدر اركبـها ؟؟

وبكم التركيب

[أغلى البـشر]

هلا اخوي والله ما عندي فكره وين يركبونه في قطر بس اكيد في محلات اتركبه اتمنى من الأخوان يفيدونا

[Northman]

بلاش والله

[أغلى البـشر]

للـــرفــــع :ok2:

[راعي 2006]

الطلب مو مشكله بس نبي الي يركب ^_^

افيدونا جزاكم الله خير

[ANONYMOUS]

والله يابلاش..

حتى لو تجربه.. مش خساره فيه


وماقصرت يالشيخ

[boamir]

يعطيك العافية أخوي أغلى البشر

وما قصرت

أزين انا الحين أبي أطلب شسالفة

ماعرف شي أفيدنا الله يجزاك خير

[راعي 2006]

http://cgi.ebay.com/ebaymotors/Lexus-LX-570-2008-2009-2010-Full-Kit-Clear-Bra-Cover-/110499036001?pt=Motors_Car_Truck_Parts_Accessories

مين يطلب لي هذا وعطيه 200

لاني بصراحه ماعرف اطلب

[زنجبيل]

^

في موضوع بالسوق العام للعضو محبوب قطر
يقدر يجيب لك الي تبيه بفايده معقوله ..

[mE mYself & i]

^

في موضوع بالسوق العام للعضو محبوب قطر
يقدر يجيب لك الي تبيه بفايده معقوله ..

جزاك الله الف خير

[فــلان]

أخوي إذا ما خاب ظني إنت حطيت مره عن العازل الحراري و أنا تميت آدور لين إفترت عيوني
وماحصلت المشاركه ,, لو تعطيني رابط الشركه على الإي باي جزاك الله خير

[أغلى البـشر]

أخوي إذا ما خاب ظني إنت حطيت مره عن العازل الحراري و أنا تميت آدور لين إفترت عيوني
وماحصلت المشاركه ,, لو تعطيني رابط الشركه على الإي باي جزاك الله خير

عازل حراري بقيمة 110 ريال (http://www.qatarshares.com/vb/showthread.php?t=385108)

هذا الرابط أخوي

[Dream Team]

المناعي حق التركيب مايقول لا

في شارع المطار مقابل مغسلة الدرجة الأولى

[وحش قطر]

ابي نشمي يطلب لي وياه

[العساس]

يعطيك العافية اغلى البشر ع الموضوع

لكن
قهرني العضو راعي 2006
يقول من يطلب لي وبعطية 200ريال
عيب ياخي.
عندك مثال العضو (((((وحش قطر)))) من النشمي الي يطلب لي وياه


شوف الفرق في الطلب بينك وبينه

يعني ترضى اقولك خذ موتري وغسلة وبعطيك 10ريال

ارجو ان تراجع نفسك وتعتذر للاعضاء الموجودين

وكل الشكر للاعضاء المحترمين.

[راعي 2006]

اخوي عسى ماشر ..

وليش تنقهر انت من الاساس وان مب صاحب الموضوع ولا لك صله فيه ..

وبعدين ياخي المقصد مو الفلوس المقصد الي بيجيب لي الغرض انه مايكون شي قاصره يمكن في امور شحن او امور هو ادرى فيها ..

ولا انت من النوع الي تدور مال بلاش ؟

ع العموم اسمحولنا ياجماعه اذا غلطنا في حق حد

[طاش]

هم لاازم ياخذون اضعاف التكلفة خبرك لا رقيب ولا محاسب لهم

[qatar1111]

يعطيك العافية

[مخطط قطري]

مادري افتحلي محل واجيبلي كم فلبييني على هندي واصير وكيل واسوي كامل مع التركيب ب400 مثلا
ولا مقصه 4000 الي ياخذونها بل قلنا يربحون بس مب هالكثر عاد

[XXX]

يالربع الله لايهينكم ابي حد يطلب لي لاني ماعرف شي اسمه انجلش
اذا محد طلب لي بدش المعهد البريطاني بتعلم انجليزي وبطلب وكيفكم عاد انا قلت لكم:strong2:

[خريج اعلام]

انا ابي اطلب ياليت من اهل الخبرة
او الي جربو المنتج يعطينا انطباعة او وين اللي راح يركبة على السيارة
ارجو الافادة ياشباب

[الفارس2]

ياشباب لا تظلمون محلات الحماية عالاقل انا اتكلم عن نفسي احنا نشتري الرول من الشركة بامريكا تقريبا ب 6000 ريال واذا تركب تركيب عادي للكروزر مثلا يكفي لثلاث او اربع يمكن والفني اللي يركب هالاشياء راتبة اكثر من غيرة واجار المحل وو وماتبون الواحد يربح ليش فاتح تجارة وبخصوص اللي تجيبة من برا واحد من الربع جابة امريكا من نفس النوع اللى نركبة الثري ام وطلع اغلى وقصير مايجي على البانة والليتات كامل تحسف انة جابة اما بالسعودية مايسوى عليك تروح وتجي اذا صار في الحماية شي ب 1500 هنية 2000 ريال العادي وانا اللي بيجيب من هالموقع مستعد اركب لة بس احنا ماودنا الخسارة لاهل قطر والسموحة عالاطالة ترا مو كل الناس سوا

[أغلى البـشر]

صحيح كلامك بس تفرق عندي كمستهلك أني ادفع فوق ال 2000 ريال لسلعه اقدر احصلها بـ 10% من هالسعر وبخصوص الحمايه اتجي مقصوصه بالظبط على كلام واحد من الربع جرب يطلبه مش اقصر من البانه او الصدام

بس جشع التجار ما خلانا في حالنا وانا ما كتبت هالموضوع الا لما رحت حق محل معروف للحمايه وسألته عن السعر قالي بيسويه لي بـ 2000 ريال أو 2500 ما اذكر بالظبط وقلت خل اطلع الموتر واوديه على طول ولما رحت له مره ثانيه قالي بـ 4500 قلتله ليش قالي لا زات علينا سعر المنتج وكنسلت ابصراحه ودورت في النت وحصلت ان سعره ما يتعدى 200 رايال واهني قاصين علينا وحتى لو اتشوف موضوع العازل الي انا حاطه سعره مع شحنه ما زاد عن ال 150 ريال ومركبه على الموتر ومن احلى ما يكون


واذا اتحب اقدر اطلع بلاوي موجوده عندنا بأسعار خياليه اتحصلها بره واتطلبها وتوصلك بسعر التراب

[ali8.1]

اللهم وفقنا لما تحب وترضى

[Bo 5alid]

جزاك الله خير عالموضوع
وان شاء الله نستفيد من موضوعك وتاخذ فينا اجر ^_^

[Alpinestars]

وانا مسوي ب4800عقب حب الخشوم

4800 ناقص 140 يساوي = 4660 خل نقول تركيب 200 يعني 4460مالها داعي :no2:

ريال والله ان احنا مساكين :thumbdown:


مشكور يالغالي والاحظ انك مو مقصر وقاعد تفيد الكل

الله يكثر من امثالك يالذيب



باااااااااااااااال با 4800 :eek5: والله حرااام ياخي هذا راتب موظف :anger1:
كل هذا عشان جلاد ينحط على مقدمة السياره
ياشباب النعمة زوالة حافضوا عليها
والله يخلي الكس مع كل سفره وفي النهاية السياره راح تنباع مش راح تتخلدعندي

والف شكرلك يا أغلى البـشرعلى المعلومه الطيبة وفي ميزان حسناتك

[أغلى البـشر]

سبحانك اللهم و بحمدك أشهد أن لا إله إلا أنت أستغفرك و أتوب إليك ...

[سلطان911]

بالتوفيق للجميع جزاكم الله خير

[ام الجماجم]

ربي يوفق يارعي الموضوع ومشكور وماقصرت