استفسار عن كريم beanne

[UM.Rashid]

استفسار عن كريم beanne

احس الاستفسار مو بمحله بس شسوي ابي نصيحه

خواتي حبيت استفسر عن ها الكريم

انصحوني فيه علشان تبيض تحت العين والبشره ككل

وانه زين حق حب الشباب

من استخدمه وجربه تفيدنا اذا ممكن

http://i17.ebayimg.com/03/i/001/37/7e/af9c_1.JPG

[ضوى]

هذا الكريم كله زئبق احذري اختي الكريمة

[ماريسا]

خذي الكلام الأكيد من عندي
عانيت من بشرة البيتزا طوال فترة مراهقتي يعني 15 سنة تقريباً و لي خبرة بكل الكريمات و منتجات حب الشباب
الكريم اللي في الصورة مليان زئبق و يسبب الفشل الكلوي و نتيجة التبييض الي تعطيها مؤقتة و لما توقفينها يرجع اللون و نفس الأثار تشوفينها موجودة
بالنسبة لحب الشباب أخذت علاج أكيوتين و هو دواء خطير جداً جداً و انا أخذته و انا مدركه مخاطره بس كان الشي الوحيد اللي عالج الحبوب عندي
مخاطر الاكيوتين اكتئاب شديد و كانت عندي رغبة ملحّة بالانتحار غير الجفاف وتساقط الشعر مع ان النتيجة بالاخير 100% .. و طبعاً ما انصحج بهالدوا الا تحت اشراف طبيب الجلدية
و قبل كل شي اقطعي منتجات الحليب مثل الحليب و الاجبان و الروب و الزبدة لأنها المسبب الرئيسي للحبوب
قود لاك

[UM.Rashid]

خواتي مشكورين علي النصيحه بس انا مشكلتي مو حب الشباب

دا عدا وفات

مشكلتي السواد تحت العيون شديد من التعب والسهر

ونصحتني وحده فيه

انتو شتنصحوني فيه للهالات السودا

وحده تقول لو ما اعرفك عدل كان قلت مدمنه استغفر الله

[Toomy]

سواد تحت العين ل أسباب كثيرة و تحملي تحطين هالكريم تحت عينج تراه خطر عموما على البشرة..جربي الماركات الطبيه بتنفعج أكثر..جربي ماركة لانكوم عندهم كريم وايد زين حق العيون

[روح الاطلس]

لازم تعرفين سبب الهالات هل هي وراثة من الطفولة موجوده؟ ام طلعت فجأة من تعب وسهر ؟ لانها لو وراثة مالها علاج

لو كانت بسبب خلل وظيفي في الجسم ماراح تروح الا بمعالجة السبب

اما فقر دم او مرض داخلي او تعب في الغدد او وظائف الكلى

اما ان كانت من السهر او التعب بتغيير نظام حياتك بتخف

لان الهالات السودا مش تبقع جلدي يتعالج بكريمات سطحية انما يكون عميق

واعرف وحده نفس حالتك من شافها قال مدمنة من كثر السواد

وهي فعلا مدمنة بس مدمنة بيبسي ومعها فقر دم

يعني اعرفي الاسباب قبل لا تجربين الكريمات لانك بتتعبين بدون فايدة

وراثة
فقر دم
امراض بالجسم
لبس النظارة
سهر
ارق
تعب

والكريم اللي عرضتية انا جربته من زماااان بس ماكنت ادري انه للتبييض انا استخدمته للرؤس السوده وفعلا فعال وروعه لدرجة اني احط على الحبة قبل ما انام اصحى الصبح تكون اختفت كأنه سحر بس وقفته من سنين وما كنت استعمله الا لما تطلع لي حبه

[ماريسا]

خواتي مشكورين علي النصيحه بس انا مشكلتي مو حب الشباب

دا عدا وفات

مشكلتي السواد تحت العيون شديد من التعب والسهر

ونصحتني وحده فيه

انتو شتنصحوني فيه للهالات السودا

وحده تقول لو ما اعرفك عدل كان قلت مدمنه استغفر الله

سلامتج اختي
أكثر مشاكل البشرة أسبابها سوء التغذية او بسبب بعض الامراض
حاولي تعرفين السبب عشان تقدرين تحددين العلاج
احتمال فقر دم (تأكدي عند الطبيب و يمكن يعطيج حبوب حديد راح يفيدونج وايد)
نقص كمية الاوكسجين في البشرة (اكثري من شرب الماي و مو اقل من لترين يومياً)
سوء التغذية (حاولي تاكلين اكلات عضوية و طبيعية مثل اللحوم الخالية من الهرمونات و الخضروات وابتعدي عن الاكلات المصنعة مثل الجبن المصنع و المورتاديلا و المكرونة النودلز و الزيوت المهدرجة ...الخ
اي شي صناعي مثل السكر الصناعي و البيبسي و الحلويات و الشبس اقطعيهم
حاولي تمارسين المشي ع الاقل ساعة باليوم
جربي هالاشيا عشان تشوفين اذا تحسنت الحالة و رح تعرفين سبب السواد و تلقين العلاج المناسب ان شاءالله
و بخصوص ان الموضوع يمكن وراثة هالكلام صحيح بس نجرب كل الطرق الاول عشان نحدد سبب المشكلة

[مسك روز]

السواد اللي تحت العين اسبابه داخليه مش سطحيه

يعني حتى لوتحطين كريم ماراح يخف الا اذا عالجتي السبب

وهذه معلومات اتمنى انها تفيدج

http://www.6abib.com/a-818.htm


موفقه

[عطر وذوق]

اختي عن تجربة زيت اللوز طبيعي ومع الوقت لمدة ثلاث شهور بيبين الفرق وهذا منتج طبيعي ما يضر

[الشقيان]

هذا الكريم كله زئبق احذري اختي الكريمة

:eek5: