سؤال لأهل الخبره.. هل في قانون ينص ان الترقيات مقتصره على الاجانب

[koketa]

للاسف الشديد

في مؤسسه من المؤسسات في ترقيه معروضه

طبعا الموظفين القطرين ما شاء الله عليهم تعليم وشغل ولغه وخبره يعني من حق اي واحد بالراحه يترقى عليها

يطلع لهم واحد بريطاني عله يبي يجيب واحد من اقاربه على عقد خارجي ويحاربهم ويقول

ما في قانون ينص ان الوظيفه من حق القطري

وانا ابي اسأل لو القطري ما اترقى في بلاده هل في مكان اخر ممكن يترقى فيه ؟

والاغرب ان الوظيفه بسيطه يعني شغلها مش محتاج خبراء اجانب ؟

وفي قطرين يشغلونها من 20 سنه وناجحين فيها ؟

هاي الاجنبي شلون ينرد عليه ؟

[ANONYMOUS]

لا اعلم بوجود قانون

ولكن من المفترض ان تكون الترقيات للأكفأ

ولــ هل الواسطات :p

[الراقيه سبشل]

فيتامين واو

الحل لجميع المشاكل والامراض

:)

[طرفه]

يجب تدخل ادارة الموارد البشريه وايقاف توظيفه
وايضا هناك جهات الموافقه بامن الدولة لا تعطيهم الموافقه اذا كانت الوظيفه سهله
وبامكان القطري ان يقوم بها باكمل وجه

[moonبنتnight]

قانون أيام ديوان الخدمة كانت تتوقف الوظائف التي يمكن تعيين واحلال قطريين عليها فترة لين يتم وجود شواغر الوظيفة من القطريين 00 اغلب الوظائف في القانون الجديد تابعة الامانة العامة يجب احلال قطريين عليها منها الوظائف الكتبية والفنية 00 ووزارة العمل يجب توافق على استقدامهم للعمل بالدولة 00 وصدقت قطريين عندهم خبرة وخايفين مسكونهم الوظيفة 00 هذا يذكريني ايام احتلال الكويت ويوم الاجانب شردوا من الدولة وراحوا بلادهم وتم القطريين ماسكين الوظائفهم بطريقة نقل وندب والاعارة بدون ما يمسكونها يعني قطري يشيل شغل 3 وظائف وأكثر وكان دول في أزمة أيام حرب الخليج يوم أرجعوا نسوا عيال البلد وتم الاجنبي شيخ عليهم بشهادات مزورة وكلية يوم تشوفها صدنقه وعيال البلد دراسة في امريكا وبريطانيا محلك سر 00

[وبشرالصابرين]

لافي قانون ولا شي هذي خرابيط هالاجنبي
انت اللي عليك تسويه انك تروي انك فاهم القانون مب غبي مثل هم مايعقتقدون
لازم تقوله وين نص القانون اللي يقول الترقيات حق الاجنبي بس
ولازم تناقشه في القانون عشان ترويه انك فاهم
واذا صار وجابلك ورقة .. أي ورقة لازم تعرف هي قرار أو تعميم
أو نص لائحة أو أيش بالضبط
وعلى العموم إن وُجد فالقانون هو أقوى منهم كلهم
يعني بالعربي القرار اللي بجيبه لك أو التعميم كلهم
باطلين لمخالفتهم نص القانون
بس ياخوي هاي الشي بيفتح لك أبواب
يعني أما انك تثبت وتستمر على مبدأ النقاش
و المحاججة ولا انك من اوله تقصر وتسكت

[بوعبدالله779]

قال لكم بريطاني يعني مافي امل حد يوقفه لا وزارة العمل ولا الداخلية وغيره انسى الموضوع وقول يصير ونص

[hamoor4ever]

قال لكم بريطاني يعني مافي امل حد يوقفه لا وزارة العمل ولا الداخلية وغيره انسى الموضوع وقول يصير ونص

هههه صادق وخاصه لو كان بريطاني اصلي يعني اشقر وعيون خضر وجيناته مافيها جينات عربيه انا اقول رقوه بالطيب لا ياخذ الشي بالغصب

[hamoor4ever]

قانون أيام ديوان الخدمة كانت تتوقف الوظائف التي يمكن تعيين واحلال قطريين عليها فترة لين يتم وجود شواغر الوظيفة من القطريين 00 اغلب الوظائف في القانون الجديد تابعة الامانة العامة يجب احلال قطريين عليها منها الوظائف الكتبية والفنية 00 ووزارة العمل يجب توافق على استقدامهم للعمل بالدولة 00 وصدقت قطريين عندهم خبرة وخايفين مسكونهم الوظيفة 00 هذا يذكريني ايام احتلال الكويت ويوم الاجانب شردوا من الدولة وراحوا بلادهم وتم القطريين ماسكين الوظائفهم بطريقة نقل وندب والاعارة بدون ما يمسكونها يعني قطري يشيل شغل 3 وظائف وأكثر وكان دول في أزمة أيام حرب الخليج يوم أرجعوا نسوا عيال البلد وتم الاجنبي شيخ عليهم بشهادات مزورة وكلية يوم تشوفها صدنقه وعيال البلد دراسة في امريكا وبريطانيا محلك سر 00

وبيظل الاجنبي شيخ علينا طال الزمن او قصر

[ام شوشي]

اذا تبون الصج اللوم مش على الاجنبي اللوم على اللي موظفة


وحسبنا الله ونعم الوكيل

[العقل الحر]

اتصل على وزارة العمل وكلمهم بخصوص الموضوع

وبيوقفونه عند حده

[koketa]

اتصل على وزارة العمل وكلمهم بخصوص الموضوع

وبيوقفونه عند حده

يصير تسألهم علي القانون لان يقول مب كل الوظائف تقطير وهاي مب تعيين جديد عشان يكون تقطير هاي ترقبه وانا اشوف ما في قطري مناسب