بخصوص ارقام فيرجن وبعدين مع التجار ؟

[a7medooo]

..

بخصوص ارقام فيرجن يعني ياريت يتم منع بيع الارقام ونخلص من هالسالفة

مب عارفين نشتري رقم لا من كيوتل ولا من فيرجن ولا من محل الارقام فيوميين تخلص من الموقع وثاني يوم كل الارقام فالجريدة على 15 الف و20 الف وتحصل كل واحد عارض 8 ارقام زين واحنا شلون نشتري .. الرقم في الموقع على 400 ريال وفالجريدة نفس الرقم ب 20 الف ونشوف فالمنتدى وفي الجريدة كلها ارقام غير مستخدمة يعني الي شاري الرقم شاريه للبيع الي عنده رقم ويشوف ان حلو مب غلط يعرضه للبيع ويطلب فيه مليون بس مب يجي واحد ويقعد على موقع فيرجن 24 ساعه ويخلص الارقام ويروح يعرضها فالجريدة وكل يوم يعجبني رقم انطر لين يجي التاريخ الي ينزل فيه واقعد لين الساعه 12 علشان اكون اول واحد واخر شي يروح وثاني يوم فالجريدة معروض ب 10 اضعاف انزين ما تبي الرقم ليش شريته ؟؟
لازم يتم منع نقل الملكية للارقام المميزة او مايتسجل اكثر من رقم مميز باسم شخص واحد
يعني كل فترة اوك بس 20 رقم مع بعض لازم حل :anger1:

[ابن مانع]

الله يكون في العون والمشكله الموقع 11.30 يتسكر و11.57 ينفتح والرقم مش موجود وعقب 4ايام 10 اضعافه في الجريده معروض

[a7medooo]

الله يكون في العون والمشكله الموقع 11.30 يتسكر و11.57 ينفتح والرقم مش موجود وعقب 4ايام 10 اضعافه في الجريده معروض

هاي الي يصدني كل يوم ..

[الـقـاسـي]

المخرج عاوز كده على قولتهم ..

[..er..]

للاسف مرت علي

وحلفت ماشتري رقم مميز من فيرجن هههه < تعقد

الله يعينك اخوي

واحسن لك اخذ رقم سلطه وانتهت السالفه

[Qatar.N]

اذا عرف السبب بطل العجب
واللبيب بالاشاره يفهم

[a7medooo]

اذا عرف السبب بطل العجب
واللبيب بالاشاره يفهم

شسالفة

[الجوكر90]

السلام عليكم
والله اخوي كل واحد يدور مصلحته
واذا تبي رقم يا انك تنطر نفس التجار او تشتري الرقم من الجريده
وبالتوفيق ان شاء الله

[عـ العبيدلي]

السلام عليكم
والله اخوي كل واحد يدور مصلحته
واذا تبي رقم يا انك تنطر نفس التجار او تشتري الرقم من الجريده
وبالتوفيق ان شاء الله

:nice::nice::nice:

[ماريسا]

اللي ماعندوش مايلزموش

[قطر دزاين]

هذا منهم وفيهم من شركه نفسها والموظفين
انا على سيرفر قوي جدآ وما يعلق معاي
الساعه 12 بالضبط دخلت على رقم حصلته محجوز وبقدره قادر كل الارقام الحلوه محجوزه

يعني مش بوزك واسطه لها دور حتى في الارقام

[احب قطر]

هذا منهم وفيهم من شركه نفسها والموظفين
انا على سيرفر قوي جدآ وما يعلق معاي
الساعه 12 بالضبط دخلت على رقم حصلته محجوز وبقدره قادر كل الارقام الحلوه محجوزه

يعني مش بوزك واسطه لها دور حتى في الارقام

ممكن تفهمنا شلون سيرفر قوي ومايعلق؟؟؟ وياليت اي احد في المنتدى اخذ رقم مميز من فيرجن مباشرة ومش عن طريق الموقع يقول لنا.

[بوخالد911]

الله كريم

[The Watcher]

فعلاً مشكلة كبيرة يبيلها حل

[مـحـمـد]

انا خذت 3 ارقام عن طريق الموقع ..

اللي يقول ان الموقع او الشركة او موظفينها يتدخلون في هذا الموضوع ،، فهو واهم ..

الموضوع كله نصيب .. ومثل ما انت تنتظر الرقم ،، غيرك مئات الاشخاص ينتظرونه ..

بالنسبة للموضوع .. انا اقول ان الموضوع كله تجارة .. واللي يصير شي طبيعي ويصير في اي دولة ..
اذا انا عندي القدرة اني اشتري وابيع واربح من هالبيعه .. ليش لا !!

بالتوفيق للجميع ..

[halah]

اللي بياخذ الأرقام تجارة عليه بالعافية اذا كان ينطر مثلنا لي الساعة12

لكن المشكلة لما تحط الرقم في سلة المشتريات وبقدرة قادر وانت تعبي بياناتك يروح لشخص ثاني؟؟؟؟؟؟!!!!!!!!

أو لما تقعد تنطر الرقم وقبل الساعة12 بربع ساعة تكتشف ان الرقم رااااح!!!!!!

أو المشكلة اللي يعاني منها الكل وهي تعليق الموقع قبل الساعة 12 ب5دقايق لين الساعة 12 ونص ولما تدخل تحصل الأرقام اللي كان خاطرك فيها راحت

المواقف هذي محتاجة لإجابة من فيرجن

وعلى فكرة أنا طرشت شكوى لفيرجن بخصوص هالموضوع وما ردوا

[a7medooo]

اللي بياخذ الأرقام تجارة عليه بالعافية اذا كان ينطر مثلنا لي الساعة12

لكن المشكلة لما تحط الرقم في سلة المشتريات وبقدرة قادر وانت تعبي بياناتك يروح لشخص ثاني؟؟؟؟؟؟!!!!!!!!

أو لما تقعد تنطر الرقم وقبل الساعة12 بربع ساعة تكتشف ان الرقم رااااح!!!!!!

أو المشكلة اللي يعاني منها الكل وهي تعليق الموقع قبل الساعة 12 ب5دقايق لين الساعة 12 ونص ولما تدخل تحصل الأرقام اللي كان خاطرك فيها راحت

المواقف هذي محتاجة لإجابة من فيرجن

وعلى فكرة أنا طرشت شكوى لفيرجن بخصوص هالموضوع وما ردوا

ولما شخص ينزل 20 رقم خشن فالجريدة شلون صادهم كلهم على الساعه 12 ؟
يعني انا اشوف الارقام الي منزلها الشخص كلها خطيرة واتوقع يكون عدد الاشخاص الي ناطرين كبير شلون هو ماخذهم كلهم يعني شهالحظ الخطير الي عليه انه يصيدهم كلهم عال 12
والي يبي يتاجر يتاجر ما حد قال لا بس مب انت تاخذ 20 رقم ورفيجك 20 رقم واخوك 50 رقم ويطلبون فيهم عشر اضعاف يعني ما ادري شالحل والي يقولي انطر معاهم يالربع الرقم ما يروح الا لما انت تدخل بياناتك وما ادري ايش شلون الموقع يشير ولما يتفح اغلب الارقام الحلوة بتختفي شلون لحق الشخص يعبي البيانات والموقع مشير ؟؟

[Qt.1]

والطامه الكبرى انك اتحصل الرقم في موقع فيرجن بـ 300 ريال , واتحصله معروض بـ 2000 ريال !! يعني لهدرجه الناس اغبيه يشترون بهالسعر .

[a7medooo]

والطامه الكبرى انك اتحصل الرقم في موقع فيرجن بـ 300 ريال , واتحصله معروض بـ 2000 ريال !! يعني لهدرجه الناس اغبيه يشترون بهالسعر .

اخوي انت تقول 2000 ترى كل الارقام الي فالجريدة اغلبها ب 400 و 500 و 700ومعروضة ب 20الف و 15 الف انا عارف الارقام عدل وعارف اسعارها

[Rayane]

يا رجآل حاميها حرآميها

[ابو محمد7]

بسيطة ومحلولة نغير من تفكيرنا شوي ونقلل من اهتمامنا بالارقام المميزة والاسعار بتنزل ولا بتطيح الارقام بجبدهم

[a7medooo]

كلامك عدل ياخوي

[الجوكر90]

بسيطة ومحلولة نغير من تفكيرنا شوي ونقلل من اهتمامنا بالارقام المميزة والاسعار بتنزل ولا بتطيح الارقام بجبدهم

ههههههههههه
اخوي صدقني راح تتعب من قلب
الي يطيح الرقم فجبده ويبيع برخيص هاي مب تاجر
هاي مبتدا لانه ماعرف يصرف الرقم
او ماعرف متى اللحظه المناسبه حق بيع الرقم
او طمع وايد وتوهق اخر شي


وترى اذا انت راح تغير من تفكيرك في 10000 غيرك عادي عندهم
وغير الي مايفتكرون فالفلوس
يعني هو مب شرط تكشخ فالرقم لان الرقم راح ينحط فالتلفون ومحد راح يشوفه
واذا اتصلت حق واحد ماراح يظهر الرقم
بس الاسم فعشان جي انسى سالفه الارقام
وبالتوفيق ان شاء الله

[فارس قطر333]

الحين لو في رقم في تاريخ معين

متى الوقت اللي راح ينزل فيه الساعه 12 ولا قبل ولا بعد

الواحد محتار اذا هاذي مشاكل فيرجن

[OTOsan]

انا غسلت ايدي بصابون لوكس من هالسالفة !!

كل مرة احط عيني على رقم انتظر ، وبعد ال12 يطلع لي المربع واختاره ، احاول اضيفه للسلة الجهاز يعلق !!!

[a7med0_0]

الشركه تبي هالشي
ولو يبون انهم يفتحون الفرصه للجميع كان لقوا حل من زمان
والا اشكره العالم تشكى والشركه مطنشه ولا كان السالفه لها

[mE mYself & i]

الله كريم

[qatari 111]

الصراحه الارقام المميزه مالها داعي اذا كان المبلغ مبالغ فيه واللي بيتصل فيك ما رح يقول هذا رقمه تعبان ماراح اتصل فيه

والتجار عليهم بالعافيه بس يرحمونا من اسعارهم المبالغه
الاستغلاليه حرام

[الشقيان]

:omen2::weeping::omen2:

[الكونت]

..

بخصوص ارقام فيرجن يعني ياريت يتم منع بيع الارقام ونخلص من هالسالفة

مب عارفين نشتري رقم لا من كيوتل ولا من فيرجن ولا من محل الارقام فيوميين تخلص من الموقع وثاني يوم كل الارقام فالجريدة على 15 الف و20 الف وتحصل كل واحد عارض 8 ارقام زين واحنا شلون نشتري .. الرقم في الموقع على 400 ريال وفالجريدة نفس الرقم ب 20 الف ونشوف فالمنتدى وفي الجريدة كلها ارقام غير مستخدمة يعني الي شاري الرقم شاريه للبيع الي عنده رقم ويشوف ان حلو مب غلط يعرضه للبيع ويطلب فيه مليون بس مب يجي واحد ويقعد على موقع فيرجن 24 ساعه ويخلص الارقام ويروح يعرضها فالجريدة وكل يوم يعجبني رقم انطر لين يجي التاريخ الي ينزل فيه واقعد لين الساعه 12 علشان اكون اول واحد واخر شي يروح وثاني يوم فالجريدة معروض ب 10 اضعاف انزين ما تبي الرقم ليش شريته ؟؟
لازم يتم منع نقل الملكية للارقام المميزة او مايتسجل اكثر من رقم مميز باسم شخص واحد
يعني كل فترة اوك بس 20 رقم مع بعض لازم حل :anger1:


السلام عليكم ورحمه الله وبركاته
(الامر الاول)
ياخواني ياحبايبي ريحو بالكم انا اقولكم عن تجربه مش المشكله في التجار ولا في الاسعار
ولا في 400 ولا 10000 المشكله في الموقع وشركه فيرجن
وانا شخصيا كلمتهم في هاذا الموضوع وعطيتهم حل لاكن للحين مايبون يفهمون الله يهديهم
يعني بختصار__ فكرو معاي بعقل _____يعني لو اليوم الساعه 12 بيكون فيه 4 او 3 ارقام
بصراحه لو انك مهكر على الموقع ماتصيد الرقم ----- طبعا بتقولون ليش طبعا وبرد عليكم بسرعه
وبدون تفكير الجواب : من كثر امه محمد الي ناطره هدقايق لين الساعه 12
لاكن مفروض مانتهم احد الا معانا دليل --- اما نتهم الناس هاذا خطأ واكيد ماحد يرضى بهشي
وانا عطيت لشركه فيرجن الحل واتمنى منهم تدارك الامر قبل رمضان
تدرون ليش قبل رمضان ؟؟ عشان ماحد يدعي عليهم وهو صائم
طبعا الحل بسيط وغير مكلف
انا اقترحت على الشركه الاتي:
1=يكون في اليوم الواحد اكثر من 20 رقم مميز معروضه للبيع في الموقع =طبعا يكون يخف الضغط على الموقع وعلى الناس ويصير ضربنا عصفورين بحجر
2=يكون فيه مراعاه لاحوال الناس ومحاوله مساعدتهم بشتى الطرق=حتى مايكون فيه استهجان او استنفار من خدمه فيرجن
طبعا الموضوع طويل وانا ماابي اطول عليكم
(الشي الثاني )
اخونا صاحب الموضوع الله يبارك فيه تهجم على التجار وهذا خطأ وارجو يسامحني اذا قسيت عليه
وانا ماقلت هلكلام الا لاني احب له الخير ومابيه يظلم احد وهو مايدري
طبعا وانا اقول لحبيبنا وصديقنا صاحب الموضوع ان البيع والشراء ليس حرام مادام البضاعه حلال
قال الله تعالى(واحل الله البيع وحرم الربا)
والامر الاخر ان كون الشخص يشتري شي بريال وبيعه بألف فهذا ليس بحرام
ولاكن ماادري قد يتدخل في التبذير اذا قصده صاحبه والله اعلم
وانا اوصي نفسي واخواني الموجودين في هاذا الموقع المبارك
ان لايتحاسدوا ولا يتباقضوا ولا يتدابروا بل اوصيكم واوصي نفسي انا نكون اخوان
كرام متحابين فيما بيننا ولا ندخل في البغضاء والحسد والكبر وغبط الناس في مجرد متاع من الدنيا قليل
ف الله الله في التأني في الحكم على الناس والله الله في المحبه والله الله في ان تحب لاخيك ماتحب لنفسك
كما قال النبي صلى الله عليه وسلم(لايؤمن احدكم حتى يحب لاخيه مايحب لنفسه)او كما قال صلى الله عليه وسلم
وارجو ان تعذروني اذا قسيت على احد او قسيت على نفسي ويعلم الله انني احب هذا المنتدى واعضاءه امثالكم
ولا نحب ولا نبغض الا في الله سبحانه وتعالى
واســـــــــــــــــف جدا ان طولت عليكم وعلى صاحب الموضوع الله يحفظه
وتحياتي للجميع وباب النصيحه والانتقاد مفتوح اخوكم الكــــــــــــونـــــــــت

[ابوحمووود]

عزيزي انا عندي كم رقم حلوين واسعارهم اقل من 800 ريال اذا حبيت طرش لي رقمك على الخاص واطرشهم لك واذا عجبك الرقم والسعر يصير خير انشاء الله .

[مستخبي]

يا خوي لا تعور راسك مع فيرجن وموقعهم
اعشق الراحه وبلا ارقام مميزه بلا بطيخ
انا اقول هذا الكلام لاني خلاص فقدت الامل من فيرجن ...
وما احط في ذمتي بس في واحد قالي ان في برنامج مسوينه بعض الاشخاص يقوم بوضع الرقم فالسله ويعبي البيانات اول ما تستوي الساعه ١٢ ... هذا والله اعلم *

[al_1000]

تدرون انه الموضه الحين رقم مب حلو

[qtr9]

الحمدلله خذت الرقم الي بخاطري وماراح علي وكلامك صح المفروض جذي بس بعد شتسوي
ربك كريم وربي يوفقك يالطيب

[مـــحـــمــد]

انا والله عندي لسته شكبرها كلها ارقام

لاني بتاجر ولا شي بس ابي رقم وااحد حلووو

وكل ما ادش الموقع الرقم يرووح علي

شالحل شسالفه مادري:weeping:

وبعدين شفت عمليات نصب الشركة في كم رقم :omg:

من جذي غسلت يدي منهم

وانا ما جبت شي من عندي جايبه من الموقع وبالصور:eek5:

واي حد يقدر يدخل الموقع ويشيك بنفسه:rolleyes2:

في رقم 33312000 سعره بـ 7500 ريال وحاليا موجود:omg:

http://farm5.static.flickr.com/4137/4881037087_a0c25045f1.jpg

وفي رقم 33313000 سعره بـ 300 ريال وبكوون موجود بتاريخ 4/9/2010
مع انه هذا الرقم احلى من الرقم الاول :omen2:

http://farm5.static.flickr.com/4114/4881039395_514b38aecd.jpg




وبعد عندكم هالرقم 33360444 بـ 3000 وبكون موجود بتاريخ 21/8/2010

http://farm5.static.flickr.com/4101/4881652568_07309c59de.jpg

وبعد هالرقم 33310444 بــ 300 ريالوبكوون موجوود بتاريخ 18/8/2010
مع انه هذا الرقم احلى من الي قبله

http://farm5.static.flickr.com/4100/4881650382_ffc08aaea0.jpg

لاحظتوا الفروقات بين الأسعار شلوون
يعني لين هالدرجه مستغلينا:eek5:

[فقط قطر]

خلها على ربك..... وقول حسبي الله عليهم

[مهاجر]

من سبق لبق

[فارس قطر333]

وبعدين مع هالموقع من الساعه 12 لين 12 ونص

وانا احاول ادخل الموقع لا راضي يدخل

وفي الاخير الرقم ماخوذ وشو الحل

ثالث رقم وانا تصي وياي نفس هالحركه يعني اللي عنده حل يقول لي

[airbus]

تعرف شنوا طلع في برنامج ينحط حتى ينشال الرقم على طول وفي واحد من الاعضاء مسويه وانتوا لاحظوا الارقتم الحلوة كلها عنده !!!!!!

وفي بعض من الايشتغلوا في فيرجن بستخدمونه بعد

وربي يوفقكم ان شاء الله

[فارس قطر333]

تعرف شنوا طلع في برنامج ينحط حتى ينشال الرقم على طول وفي واحد من الاعضاء مسويه وانتوا لاحظوا الارقتم الحلوة كلها عنده !!!!!!

وفي بعض من الايشتغلوا في فيرجن بستخدمونه بعد

وربي يوفقكم ان شاء الله

شلون يعني ولا وشو هالبرنامج لانه بصراحه الارقام رخيصه وتكون معروضه باسعار غاليه

ليش ولا وشو السبب

[maruuma]

مافي حل
فارس .. في ناموسة محبوسة في توقيعك

[فارس قطر333]

مافي حل
فارس .. في ناموسة محبوسة في توقيعك

ليش مافي حل على اساس انهم حاطين الارقام في الموقع على اساس انها للكل

مب محصوره حق الناس اللي يشتغلون في الشركه ولا معارفهم

واذا على الناموسه خلها جذي لانه مسوسه جووو لي

[MANS MANS]

كله بالحب


وبالتوفيق اخوى

[mE mYself & i]

أنا عندي رقم اليوم انحط في السله وعقب رحت ادفع قالي انه انحجز أيش الحل ؟؟؟

شوفو الصورة

[qtr9]

زين الحين لو مثلا نفرض انه احد يبغي ارقام من فيرجن ايش الارقام الي تبغونها

انا بشتري لكم بس بشرط فايدتي 200 ريال الي موافق يطرش الرقم الي يبيه وبحاول يعني ماعطيه وعد ويقول

انت وعدتني وانت وانت انا بشتري الرقم واهو يستلمه بعد موعد الشراء 3 ايام ويدفع الفايده الي موافق

يراسلني على الخاص

[qtr9]

ولا اقولكم بدون فايده <<<<<<<< متملل ههههههه

[MBI]

ولا اقولكم بدون فايده <<<<<<<< متملل ههههههه

من جدك انا باعطيك الدبل

[bus3od]

انا برد على الي يعترض على اسعار العرض لو شاري الرقم ب 100 و بعته ب 10000 انا حر طول مافي ناس يشترون بهالسعر وين الغلط في هالشي
و ثاني شي ترى بدالة ال333 وايد ارخص من ال666 و ال555 تقريبا فرق نص السعر يعني ال بدايته 333 و ينباع ب2000 اذا كان 666 بينباع ب4000

اما سالفة حجز الارقام هي من سبق لبق وهم لازم يعدلون الموقع شوي بسبة الزحمه الي تصير عليه

[bus3od]

زين الحين لو مثلا نفرض انه احد يبغي ارقام من فيرجن ايش الارقام الي تبغونها

انا بشتري لكم بس بشرط فايدتي 200 ريال الي موافق يطرش الرقم الي يبيه وبحاول يعني ماعطيه وعد ويقول

انت وعدتني وانت وانت انا بشتري الرقم واهو يستلمه بعد موعد الشراء 3 ايام ويدفع الفايده الي موافق

يراسلني على الخاص

اخوي اذا جاد انا بطرش لك الارقام وكل رقم و فايدته

[بوجاسم 999]

انا اشوف ان عادي الواحد يشتري ارقام ويبيع ايش المشكله

وبعدين فيرجن مادرست اسعار الارقام لان في ارقام وايد رخيصه وتستاهل اكثر وفي ارقام كجره وغاليه وماتسوى شي

[فارس قطر333]

والله الواحد ما يعرف وشو موضوعهم بالضبط انا انتظر الرقم وفي نفس القوت الموقع ما يفتح معاي

لين الساعه 12 ونص في هالوقت الرقم يكون مأخووووووووذ

والشي صار معاي اكثر من مره ولا عارف شلون اقدر اخذ رقم عن طريق الموقع

[mE mYself & i]

والله الواحد ما يعرف وشو موضوعهم بالضبط انا انتظر الرقم وفي نفس القوت الموقع ما يفتح معاي

لين الساعه 12 ونص في هالوقت الرقم يكون مأخووووووووذ

والشي صار معاي اكثر من مره ولا عارف شلون اقدر اخذ رقم عن طريق الموقع


والله ما يفتح عندك احسن من ما ينحط في السله وعقب يقولك الرقم محجوووز !!!


السالفه فيها لعبه 100000000000000000000%

[مـــحـــمــد]

زين الحين لو مثلا نفرض انه احد يبغي ارقام من فيرجن ايش الارقام الي تبغونها

انا بشتري لكم بس بشرط فايدتي 200 ريال الي موافق يطرش الرقم الي يبيه وبحاول يعني ماعطيه وعد ويقول

انت وعدتني وانت وانت انا بشتري الرقم واهو يستلمه بعد موعد الشراء 3 ايام ويدفع الفايده الي موافق

يراسلني على الخاص



اذا انك جاد في كلامك

طرشت لك على الخاص الارقام

الي ابيها بتاريخها وبسعرها وبفايدتك:omen2:

[NASSER-QTR1]

ماسألتو نفسكم ايش الحكمه من استحقاق الرقم في تاريخ معين

ليش ماخلو الارقام كلها مستحقه من اول يوم

اذا عرف السبب بطل العجب

[al-vtc]

أنا عندي رقم اليوم انحط في السله وعقب رحت ادفع قالي انه انحجز أيش الحل ؟؟؟

شوفو الصورة

صيحيح اخوي هاي اللي صار امس

وانا كنت داش من سيرفر قوي بس لا حول ولا قوة الا بالله
كل الارقام كانت تنحط بالسله بس فجأة يقولك الرقم محجوز

اشلوووون :tease: ماتدري :anger1:

[فارس قطر333]

صيحيح اخوي هاي اللي صار امس

وانا كنت داش من سيرفر قوي بس لا حول ولا قوة الا بالله
كل الارقام كانت تنحط بالسله بس فجأة يقولك الرقم محجوز

اشلوووون :tease: ماتدري :anger1:

اوكي وشو الحل وفي هالموضوع بالضبط

يعني احنا مب شاريين ارقام وغيرنا يشتري

[Bro]

انا خذت 3 ارقام عن طريق الموقع ..

اللي يقول ان الموقع او الشركة او موظفينها يتدخلون في هذا الموضوع ،، فهو واهم ..

الموضوع كله نصيب .. ومثل ما انت تنتظر الرقم ،، غيرك مئات الاشخاص ينتظرونه ..

بالنسبة للموضوع .. انا اقول ان الموضوع كله تجارة .. واللي يصير شي طبيعي ويصير في اي دولة ..
اذا انا عندي القدرة اني اشتري وابيع واربح من هالبيعه .. ليش لا !!

بالتوفيق للجميع ..

لا مب واهم الله يجزاك خير..الا عمولات وموظفين من تحت لي تحت

لانصيب ولاحظ..انا واحد من ربعي كل يومين يروح ياخذ ارقامه اللي انحجزت له من قبل موظف هناك..ومستعد اعطيهم اسمه شخصيا لانه قاعد يتلاعب ويطلع عمولات..يطلع بو 400 على حسب بـ 1000 والا بـ1200


والا الخ اللي خذ رقم ب400وعرضه بـ50 :eek5:

كيف الحال

فاللي مايدري لايفتي

[ابوحمووود]

يا جماعة الخير انا صدت رقم تسلسلي(xxxx6789 )وشارت معاي الصفحة لمده خمس دقايق وبعدين رجعت وبعدين شارت بعد لمدة خمس دقايق بعدها افتحت الصفحة وبعدين اكملت البيانات وانخصم من الفيزا بعدين تأكدت انه الرقم حقي وبعدها صدت بعد ثلاث ارقام حليوين xxxx6162/xxxx4142/xxxx2016وبالنسبه للتلاعب ما عندي فكرة بصراحة .

[mE mYself & i]

يالربع ممكن تفسير للي في الصورة ؟؟ كل يوم على هالحال ؟؟

[مايبخ]

المخرج عاوز كده على قولتهم ..


ههههههه
من جدكم ياشباب والله ماتسوى الـ33
والله حلاتها الـ55 وبس

:victory:

[أبو بكر سالم]

شباب الي يقول هل الشخص يشتري بو 400 ويبيعه 20000 الف مافيها شي والله وصراحة طريقة التعبير عند البعض جنه حسد خلوا الناس تسترزق حتى انت او غيرك اكيد يبي يستفيد لو انت صايد الارقام والسالفه جان انت الحين قمت تمدح فيهم
والسالفه مافيها لعبة ولى شي والله انا خذيت 6 ارقام صفة من الموقع وابدا الطريقة سهلة وان كان اي شخص مايعرف. يروح لااحد فروع فيرجن الى في المولات ويعلمه طريقة الحجز الصحيحة ترى السالفه كلها الحجز من الموقع وفي شباب حتى من ربعي اسمعهم يقولون لا واسطه .قبل الساعه 12 الرقم موجود عقب الساعه 12 الرقم مب موجود اكيد في شخص خذاه من الانترنت بنفس الطريقة.
انا مادافع عن احد والله لا الشركة ولا الاشخاص انا اقول الي صار معاي والحمد لله توفقت وخذيت ال6 ارقام . والتوفيق من رب العالمين
والريال الي يقول ان في شخص رفيجة يعرفه ويدفع له 1000 او 1200 لو منك بعطي رفيجي 1500 وخلة يجيب لي رقم كشخه اذا صج الرفيج يبي لك الفايدة.

[Bro]

والريال الي يقول ان في شخص رفيجة يعرفه ويدفع له 1000 او 1200 لو منك بعطي رفيجي 1500 وخلة يجيب لي رقم كشخه اذا صج الرفيج يبي لك الفايدة.


ليش اجيب لك
انا بستفيد..انت احجز عن طريق النت دام مافيها لعبه والله يوفقك

[أبو بكر سالم]

انا قلت لو مكانك اسوي هل الشي . وانا اشدخلني اعطي رفيجك فلوس .عط رفيجك انت وخلة يجيب لك من الموظف الى تعرفه رقم. ولى اذا عني انا يبة اعرف ادبر اموري