5000 ريال ... شممكن تسوي حق راعيها

[حمد بن خالد]

السلام عليكم ورحمة الله وبركاته

طفرة , نهضة عمرانية , تعليم , غلاء معيشة واسعار خيالية ...

سألني واحد معاي في الدوام , شاب في مقتبل العمر وتوه متوظف من سنة تقريباً وقال :

عندي 5000 ريال وابي اسويلي اي شي استنفع منه ؟؟!!

سؤال ماتوقعته بصراحة واحترت بالرد عليه ..

يعني بعد الحيرة قلت له تبرع فيهم ابرك لك .

انتوا شرايكم

شاقوله ؟؟!!

[كازانوفا]

نفس كلامك ...
5000 والله يا دووووووووووووب تكفي بترول رايح جااااااي

الله المستعان :(

[ابو محمد7]

السلام عليكم ورحمة الله وبركاته

طفرة , نهضة عمرانية , تعليم , غلاء معيشة واسعار خيالية ...

سألني واحد معاي في الدوام , شاب في مقتبل العمر وتوه متوظف من سنة تقريباً وقال :

عندي 5000 ريال وابي اسويلي اي شي استنفع منه ؟؟!!

سؤال ماتوقعته بصراحة واحترت بالرد عليه ..

يعني بعد الحيرة قلت له تبرع فيهم ابرك لك .

انتوا شرايكم

شاقوله ؟؟!!

قول له جمعهم لين يصير عندك مبلغ اكبر شوي وبعدين فكر تتشارك مع شخص او اثنين في مشروع صغير

[Gh2o]

بل سهله يحطهم في صدقه جاريه والله سبحانه وتعالي بيضاعفهم له اضعاااااف
والله خوش تجاره مكسبها اكيييد واربحها عشره اضعاف او اكثر ما شاء الله

[qatar-2022]

يحطهم في صدقه جاريه والله سبحانه وتعالي بيضاعفهم له اضعاااااف

[لاجئ عاطفي]

يحطها وديعه في اي بنك وينساها كم سنه

[قطرية فذة]

الله يوفقه ويفتح عليه بفتحه من اوسع ابوابه يارب

[كــرت احمــر]

والله مشكله الكل يخيط ويبيط على كيفة ، المهم قل لرفيجك او الشاب اللي توه في مقتبل عمره يحب يده على النعمة اللي هو فيها وبعدين شفيها 5000 الاف مب ماليه عينه ماكل شارب ساكن في بيت اهله وبعد متضايق وانا اقولك ليش متضايق لانه يطالع اللي فوقه وهو لو ناظر اللي تحته كان قنع كم رب اسره يعيل عايله كامله وهو في سن الشباب يصفي على هالمبلغ اللي ذكرته او اقل شويه ومشي اموره وقله يدخر قد مايقدر ويتصدق بالشي اللي يقدر عليه تحياتي .

[do7awi]

يشتري فيها بلاكبيري و رنقات و تواير حق سيارته

[بوخالد911]

الله يووسع علييه


خلله يجمع وينمي فلووسه وبالحلال

يحاول مع البورصة

لعل وعسى............

[حمد بن خالد]

والله مشكله الكل يخيط ويبيط على كيفة ، المهم قل لرفيجك او الشاب اللي توه في مقتبل عمره يحب يده على النعمة اللي هو فيها وبعدين شفيها 5000 الاف مب ماليه عينه ماكل شارب ساكن في بيت اهله وبعد متضايق وانا اقولك ليش متضايق لانه يطالع اللي فوقه وهو لو ناظر اللي تحته كان قنع كم رب اسره يعيل عايله كامله وهو في سن الشباب يصفي على هالمبلغ اللي ذكرته او اقل شويه ومشي اموره وقله يدخر قد مايقدر ويتصدق بالشي اللي يقدر عليه تحياتي .

بالهداوه ياخوي

الريال مرتاح وماكل شارب راقد في بيت ابوه

وماقال شي , ومادري انت اصلاً من اي طرف حسبت الموضوع

الريال قال يبي يسوي له مشروع صغير على قده , نظرة للمستقبل

نظرة واعية , ومايبي يعتمد اعتماد كلي عالراتب

وقال انا عندي 5000 ريال الحين غير راتبي وخاطري اسويلي مشروع صغير

فقط

وطرحت الموضوع لأجل الاستفادة , وبما ان معظم رواد المنتدى مطلعين على أمور كثيرة , قلت يمكن نطلع بفايدة من الموضوع للي معاي أو لغيره من أعضاء المنتدى

....

مادري شبلاك خذت الريال بشراع وميداف

صج كرت حمر .. حااار طلعت ماشاء الله عليك

وخالص التحية لك عزيزي

:)
اخوك
بوخالد
:)

[rashid-1]

السلام عليكم

قوله يشتري قفص كبير وعشرين دجاجة وديك واحد بعد سنه بالضبط بيزيدون3 أضعاف وبس خله يبيعهم في سوق واقف

وشكرا

[إينشتاين]

والله مشكله الكل يخيط ويبيط على كيفة ، المهم قل لرفيجك او الشاب اللي توه في مقتبل عمره يحب يده على النعمة اللي هو فيها وبعدين شفيها 5000 الاف مب ماليه عينه ماكل شارب ساكن في بيت اهله وبعد متضايق وانا اقولك ليش متضايق لانه يطالع اللي فوقه وهو لو ناظر اللي تحته كان قنع كم رب اسره يعيل عايله كامله وهو في سن الشباب يصفي على هالمبلغ اللي ذكرته او اقل شويه ومشي اموره وقله يدخر قد مايقدر ويتصدق بالشي اللي يقدر عليه تحياتي .


هههههههه الموضوع في وادي والرد في وادي ثاني :)

المهم مثل ماقالوا الأخوان يتصدق فيهم والحين فرصة شهر رمضان جاي،،

وفيه فرصة ذهبية عند حملة الأقصى للحج والعمره افطار عائلة كاملة في اليمن طول شهر رمضان بــ 600 ريال فقط

[حمد بن خالد]

نفس كلامك ...
5000 والله يا دووووووووووووب تكفي بترول رايح جااااااي

الله المستعان :(


قول له جمعهم لين يصير عندك مبلغ اكبر شوي وبعدين فكر تتشارك مع شخص او اثنين في مشروع صغير


بل سهله يحطهم في صدقه جاريه والله سبحانه وتعالي بيضاعفهم له اضعاااااف
والله خوش تجاره مكسبها اكيييد واربحها عشره اضعاف او اكثر ما شاء الله


يحطهم في صدقه جاريه والله سبحانه وتعالي بيضاعفهم له اضعاااااف



يحطها وديعه في اي بنك وينساها كم سنه


الله يوفقه ويفتح عليه بفتحه من اوسع ابوابه يارب

الله يعطيكم العافيه عالردود الطيبة

ولكم خالص التحية

:)

[الدمعه]

يقدر يبتدي تجاره بسيطه عطور او مكياج هالاثنين يزيدون راس المال بسرعه وعن تجربه ..

والله يوفقه..

[حمد بن خالد]

يشتري فيها بلاكبيري و رنقات و تواير حق سيارته


الله يووسع علييه


خلله يجمع وينمي فلووسه وبالحلال

يحاول مع البورصة

لعل وعسى............


السلام عليكم

قوله يشتري قفص كبير وعشرين دجاجة وديك واحد بعد سنه بالضبط بيزيدون3 أضعاف وبس خله يبيعهم في سوق واقف

وشكرا

فكرة بعد , ليش لا

بس ياخوي اذا ماعرف له ومات الدياي شيسوي ؟؟!!

اسمه انه حاول يسوي شي صح :victory:



هههههههه الموضوع في وادي والرد في وادي ثاني :)

المهم مثل ماقالوا الأخوان يتصدق فيهم والحين فرصة شهر رمضان جاي،،

وفيه فرصة ذهبية عند حملة الأقصى للحج والعمره افطار عائلة كاملة في اليمن طول شهر رمضان بــ 600 ريال فقط


الله يعطيكم العافيه

والصدقه لوجه الله ان شاء الله

وفي انتظار باقي الآراء

ولكم مني أجمل تحية

:)

[حمد بن خالد]

يقدر يبتدي تجاره بسيطه عطور او مكياج هالاثنين يزيدون راس المال بسرعه وعن تجربه ..

والله يوفقه..

فكرة حلوه

والجهد اللي فيها هو البحث والاستفسار الجيد والدقيق

بس عاد مادري بيوافق يشتغل هالشغلة

اخاف يسوي نفس ميل قيبسون في الفلم ويجرب المكياج عقب :nice:

شكراً عالرد

وخالص التحية اختي

:)

[BuNooR]

اذا كان يبغي الاجر
5000/10 =500
يعني افطار 500 صائم
5000/5 =1000
يعني توزيع 1000 مجلد او كتاب ديني

واذا كان يبي التجاره
5000/7.91=514 سهم فودافون
او
5000/14.1=354 سهم بنك الريان

وهلم جره

[حمد بن خالد]

اذا كان يبغي الاجر
5000/10 =500
يعني افطار 500 صائم
5000/5 =1000
يعني توزيع 1000 مجلد او كتاب ديني

واذا كان يبي التجاره
5000/7.91=514 سهم فودافون
او
5000/14.1=354 سهم بنك الريان

وهلم جره

رد جميل وعجبني

لك مني خالص التحية

وشكراً عالمشاركة الطيبة

:)

[s o s o]

قولة تقولك سوسو يود فليساتك وحطهم في حساب توفير وزيدهم كل شهر لين يصيرون 5000000

وماشي بعيد على رب العالمين والله يسهل اموره ويزيدهم ويبارك فيهم .

اللهم آمين

[ام عبد الهادي]

بصراحه استاجر محل فيه كل الملتزمات بالمبلغ اللي عندك وكل شهر تربح اذا الله راد يالغالي

[dream~qa]

اسأل التاجرات هم اللي بينفعونك لأن اغلبهم بدو بألف ريال والحين ماشاء الله ارباحهم خيالية وحدة من التاجرات قالت لي ربحها الشهري انصدمت .. والله يوفق لهم .

[al-vtc]

يفل عمره

[الغالي!]

البركة في المال وليس في الكثره

[بنت ابوها 19]

خل يعطيني ياها :tease:

[مـحـمـد]

يحطها وديعه في اي بنك وينساها كم سنه

يا رجال ..

أي بنك بيحطلك 5000 ريال وديعه ؟

[تحداني]

قولة تقولك سوسو يود فليساتك وحطهم في حساب توفير وزيدهم كل شهر لين يصيرون 5000000

وماشي بعيد على رب العالمين والله يسهل اموره ويزيدهم ويبارك فيهم .

اللهم آمين





كلام منطقي 100%
تحويل مبلغ بسيط من الراتب لحساب التوفير شهريا
واهم شئ تتجاهل الحساب وما تلتفت له حتى لو كنت شوي محتاج



الله ينور طريقك يارب .. ويرزقك ما تتمنى في الحياه

[رياني qtr]

خمس الاف مبلغ بسيط الصراحة ويحير انا اشوف يبتدي في تجارة السيارات يعني يشتري سيارة ويبيعها لو بربح بسيط خمس ميه الف وشوي شوي بيلقى نفسه يكبر في التجارة اليوم سيارة بسعر بسيط وبعدها سيارة اغلى وشوي وشوي وبيتعلم التجارة وبيكون مابتداء بمبلغ كبير وغامر
وخلو عنكم تجارة النسوان الي يقول يبيع عطور والي يقول يبيع روج لانه مو حلوة في حقة كلش انا اذكر دخلت سوق السيارات وكنت وقتها ادرس وعمري تقريبا 16 سنة وفي اقل من سنة قدرت اصنع من 11 الف ريال 50 الف ريال اهم شي يكون امين وصادق مع الكل يعني لو مثلا اشترى سيارة ب 5 الاف وجاته عائله مسكينه ومحتاجه للسيارة يقول لهم شنو عيوبها وشنو فيها يحتاج تصليح سريع وبكم خذها وكم فايدتة من كل السالفة وبهالطريقة مع الايام بيلقى نفسه سوا له سوق خاص وزبائن خاصين فية

[الجوكر90]

السلام عليكم
اخوي انا بديت ب700 ريال
والحمدلله الحين صرت اتوسع
ترى الفلوس الي عنده مب شوي
ترى والله 5000 تسوي اشيا واشيا
وفي افكار بسيطه ماتكلف 2000 بس ارباحها اضعاف هالسعر
وحده من الاهل اعرضت علي موضوع وراس مالها 3000 ويوم شفت الموضوع مربح من قلب
وهي فنانه فهل الشي


يعني من الاخر شوف رفيجك هو فوشو شاطر يعني اي شي هو يعرف انه يقدر يسوي ويبدع فهل الشغلات
راح يشوف ال5000 مبلغ كبير وراح يستفيد من وراه



ومعلومه للتجار
في ناس انولدوا والله خلق فيهم شي
انهم يصنعون من شي بسيط شي كبير
يعني من مبلغ صغير تحصله صار غني
بس السالفه يبيلها اصرار وعمل


وبالتوفيق ان شاء الله

[غابت الشمس~]

زين عطونا افكاركم <<<< تفكر تصير تاجره :secret:

[ابن البيطار]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص

[مستجدة]

الله يعين الناس ويرزقهم ويوسع لهم في رزقه

[سهم سهم]

يدوب اتكفي اغراض رمضان

[جبل المحامل]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص

اخوي لا تحرمنا من المعلومة

ياريت تطرشلي اياها على الخاص

[السعدي999]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص

طرش لي الفكره ولا عليك امر

[qatari 111]

يجمع راتبه شهر فوق شهر ويتزوج بنت الحلال

[تاجر طمووح]

السلام عليكم

قوله يشتري قفص كبير وعشرين دجاجة وديك واحد بعد سنه بالضبط بيزيدون3 أضعاف وبس خله يبيعهم في سوق واقف

وشكرا


هههههههههههههههههه حلوة

[khaleeji]

خل يشتري مازدا وياجرها على دريول ب2500-3000
الله يوفقكم جميع

[Arab!an]

اخوي لا تحرمنا من المعلومة

ياريت تطرشلي اياها على الخاص

ليش ع الخاص اخوي @@

نبغي نستفيد

[سهم سهم]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص



شلون ؟؟؟:shy:

يا ريت اتفهمنا وتاخذ اجر في الدنيا والاخرة

[ظبيــღــه]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص


اخوي لا تحرمنا من المعلومة

ياريت تطرشلي اياها على الخاص


طرش لي الفكره ولا عليك امر


ليش ع الخاص اخوي @@

نبغي نستفيد


شلون ؟؟؟:shy:

يا ريت اتفهمنا وتاخذ اجر في الدنيا والاخرة

:shy: معاهم

والله يوفق صاحب صاحب الموضووع

ويفتحهااا عليه ..:)

[مخباط]

اخوي انا من 5000ريال صار عندي 250الف ريال خلال سنه . باطرشلك الطريقه على الخاص


يا ريت الطريقه الشيخ

[بنت^البحرين1]

الاكثرية ابتدوا من الصفر
5الاف يصبر شوي ويجمع عليها لين توصل مجمع يفتح مشروع صغير شوي شوي لين يكبر .. مافي شي من بدايته كبير


انا ابوي ربي يخليه ويطول بعمره ..ابتدى من راتب بسيط من ايام الستينات من كان وظيفته يخرم أوراق ويرتبهم في الملفات لين الحمدلله ربي فتحها عليه بالصبر والتعب..الحين صار يملك أشهر المجمعات السكنية والبنايات وصار اسمه اشهر من نار على علم في البحرين .. بس دايما يقولي لليوم يبه لازم الواحد يتعب فالبداية ويهلك لكن لين ابتدى كل شي صح واهم شي حلااااااااااال وماينسى ربه.. النهاية يرتاح ورب العالمين مايضيع تعبه

يعني الواحد اول يتعب ويتبهدل ومايقيل وكله كرف كرف كرف .. لكن فالنهاية يرتاح ويستانس .. كل شي فالدنيا اوله تعب لازم لحد مايوصل للي يبيه


بالاضافة مثل ماذكروا الاخوان والخوات اهني .. الصدقة مفعولها عجيييييييييييييييييب والله العظيم تتصدق بعشر والله سبحان الله العظيم ترجع لك أضعاف مضاعفة .. ويزيد خيرك كله


ربي يوفق الجميع ان شاءالله ويفتحها على كل محتاج يارب

[ابن البيطار]

يعطيكم العافيه اخوني واخواتي الي طلبوا الطريقه على العام او على الخاص وعلى العموم الارزاق بيدالله وممكن الي يركب معاي مايركب مع غيري لكن باقول الطريقه للكل على العام :

كنت املك تقريبا 5000 تقريبا ريال وكنت في دبي وقتها وكان في صيني يبيع ميموري التلفونات وصار بيني وبينه نقاش عن اسعارهم كان يبيع الحبه على 30ريال بالجمله وسئلته بكم تطلع عليك الحبه قالي من المصنع ب10ريالات . سافرت الصين وشريت 500حبه وبعتهم دفعه وحده على محل ب15000ريال وسافرت مره ثانيه وشريت 1500حبه وبعتهم على 25ريال وجابولي حروة ال40الف ريال . ويوم كنت في الصين عرفت انك لو تودي لهم اي قطعه يسوون لك مثلها بالضبط وبنفس الجوده . وقتها شريت مكينة خراطه المانيه قيمتها 20000ريال ورحت الصين وسويت مثلها 3ب23000ريال وبعت الوحده ب13000ريال وجابولي الثلاث 40000ريال تقريبا وبعت المكينه الاصليه 17000ريال وصار مجموعه الي املكه 57000ريال .وكررت السفر للصين مره ثانيه واشتريت نطاطيات بالمبلغ كامل وبعتهم عن طريق الوسيط بثلاث اضعاف تقريبا وبعدها دخلت بالمبلغ مجال الاسهم كنت اربح واخسر لكن لو تميت على شغلات الصين كان المبلغ بيكون اكبر بس ضروف شغلي منعتني .

الفكره اخواني واخواتي لانستهين بأي مبلغ مهما كان .المهم شلون نشغل المبلغ ونشوف السوق شيحتاج والصين وفيتنام تعتبر كنز للي يفهم فيها وفيه شده يتحرك والارزاق على الله .

[بنت^البحرين1]

يعطيكم العافيه اخوني واخواتي الي طلبوا الطريقه على العام او على الخاص وعلى العموم الارزاق بيدالله وممكن الي يركب معاي مايركب مع غيري لكن باقول الطريقه للكل على العام :

كنت املك تقريبا 5000 تقريبا ريال وكنت في دبي وقتها وكان في صيني يبيع ميموري التلفونات وصار بيني وبينه نقاش عن اسعارهم كان يبيع الحبه على 30ريال بالجمله وسئلته بكم تطلع عليك الحبه قالي من المصنع ب10ريالات . سافرت الصين وشريت 500حبه وبعتهم دفعه وحده على محل ب15000ريال وسافرت مره ثانيه وشريت 1500حبه وبعتهم على 25ريال وجابولي حروة ال40الف ريال . ويوم كنت في الصين عرفت انك لو تودي لهم اي قطعه يسوون لك مثلها بالضبط وبنفس الجوده . وقتها شريت مكينة خراطه المانيه قيمتها 20000ريال ورحت الصين وسويت مثلها 3ب23000ريال وبعت الوحده ب13000ريال وجابولي الثلاث 40000ريال تقريبا وبعت المكينه الاصليه 17000ريال وصار مجموعه الي املكه 57000ريال .وكررت السفر للصين مره ثانيه واشتريت نطاطيات بالمبلغ كامل وبعتهم عن طريق الوسيط بثلاث اضعاف تقريبا وبعدها دخلت بالمبلغ مجال الاسهم كنت اربح واخسر لكن لو تميت على شغلات الصين كان المبلغ بيكون اكبر بس ضروف شغلي منعتني .

الفكره اخواني واخواتي لانستهين بأي مبلغ مهما كان .المهم شلون نشغل المبلغ ونشوف السوق شيحتاج والصين وفيتنام تعتبر كنز للي يفهم فيها وفيه شده يتحرك والارزاق على الله .


لا اله الا الله ماشاءالله .. تبارك الرحمن .. ألف من ذكره .. الصلاة على النبي ( عشان ما اتصيدك عين وينظلونك)

الله يبارك في حلالك ويزيدك من فضله ..لو ابوي يعرفك حطك في قلبه :nice: غرامه يشوف واحد يكرف ويتعب ويرجع هلكان يشوف ان هالشخص ذكي وشاطر.. على قولته مخه نظيف :tease:

[ابن البيطار]

لا اله الا الله ماشاءالله .. تبارك الرحمن .. ألف من ذكره .. الصلاة على النبي ( عشان ما اتصيدك عين وينظلونك)

الله يبارك في حلالك ويزيدك من فضله ..لو ابوي يعرفك حطك في قلبه :nice: غرامه يشوف واحد يكرف ويتعب ويرجع هلكان يشوف ان هالشخص ذكي وشاطر.. على قولته مخه نظيف :tease:

بارك الله فيج اختي وتحياتي للوالد . فعلا التعب والحركه فيها خير والصدقه بعد تزيد الرزق .

وان شالله عينكم بارده والي يحب الخير للغير تأكدي الله بيزيده . دعواتكم:)

[الحره]

قوله يعطيك اياهم هههه

حلوه تصدق فيهم كل من دخل قال خله يتصدق فيهم الحمدلله والشكر بس الكل يبي يطلع نفسه ديين ولا تهمه الفلوس ولا الي يقول 5000 ريال يالله تكفي بترول مادري وين الاخو عايش قالولك اوروبا تفول سيارتك ب600 ريال

انتو ماتحمدون ربكم ولا تشبعون.

[بعيد النظر]

شكلهم الربع من بااجر حاجزيين الصيين ..
والله بيفتلون القطريية بيطيرون اسعار التذاكر فوق لو درو بالسالفة خخخخخخخ ..


الله يزييده .. وماله الا زكاة المال ..
واذا يبغي يدخل البزنس , فـ لازم يقعد ويفكر ..
عشان يطلع بشي جديد !


وعسى الله يوفق الجمييع

[حمد بن خالد]

الله يعطيكم العافيه جميع

وفي افكار جميلة جداً ومع الصبر والتركيز والاهتمام الواحد راح يطلع فيها بنتيجه حلوه بصراحة

====

اخوي ابن البيطار ماقصرت يالشيخ وارحم الله والديك

وراعي الـ 5000 ياني الصبح يقولي شفت شردوا عليك ولا ماشفت ؟؟

وكان يقصد ردك

عاد شفت الرسالة الخاصة قبل , ويوم شفت الاعضاء طالبين الطريقة قلت باستأذنك واحط الرسالة عالعام

لكن انت ولد حلال وماقصرت ومابخلت على اخوانك

والله يوفق الجميع

والموضوع مش للي معاي بس

لجميع

والله يوفقكم جميع

وخالص الشكر والتحية

والسموحة عالأقصور

:)
اخوكم
بوخالد
:)

[عضو نشيط]

بل سهله يحطهم في صدقه جاريه والله سبحانه وتعالي بيضاعفهم له اضعاااااف
والله خوش تجاره مكسبها اكيييد واربحها عشره اضعاف او اكثر ما شاء الله