والله عيب يا وزارة.....؟

[ام علاوي]

السلام عليكم ورحمة الله وبركاته ..ومبارك عليكم الشهر مقدما..
يقول الرسول عليه الصلاة والسلام: (أكمل المؤمنين إيماناً أحسنهم خلقاً ، الموطؤون أكتافاً ، الذين يألفون ويؤلفون ، ولا خير فيمن لا يألف ولا يؤلف).
ويقول الشاعر :وإنما الأمم الأخلاق ما بقيت فإن همُ ذهبت أخلاقهم ذهبوا

كنت من اسبوع في احدى الوزارات ورايحه اخذ بعض الوراق ..المشكله كل ما دخلت على حد مع أني متغطيه واشهاده لله ما بين مني شئ ..المهم كنت كل مادخل على اي موظف واستفسر يسألني أختي أنتي متزوجه..اوكي وبعدين ايه متزوجه غيره ..أختي اوراقج عن الاخ........
طيب شكرا ..اروح حق الشخص المعني..ونفس السؤال أختي أنتي متزوجه ..طيب شسالفه أنا جايه اخذ اوراقي موجايه اعرض نفسي على الزواج..والله ومن غير مبالغه كل مادخلت عند حد الا ماسألني هالسؤال..ليش والله انهم عطلوا اوراقي والسبب متزوووووجه ولا نست ماقلت لكم في واحد وهو في مركز مرموق وريال كبير والله احتمال عمره 40 او فوق.. المهم قبل لا اطلع سأني خلي رقمج وأنا باتصل أول ما انتهي من أوراقج ..قلت أوكي وبحسن نيه عطيته رقمي ..رجعت البيت على الساعه 11 الظهر من بعد ما كنت عندهم من الساعه 8 الصبح ..عاد ماطول عليكم ..لمى رجعت البيت اتفاجئ بمسج دازه لي الشخص المعني..! ..اتوقعون ايش كاتب فيه والله اني انصدمت من المسج ..كاتب فيه .. اختي ..فلانه..ماعند ابلاك بيري اضيفج عندي....!!!!!:eek5:عاد هذا كلام ,,والله انه صدمني ولا وطااااااح من عيني مره وحده ..ليش ياوزاره ليش أطولون في الموضوع وهو قصير خلاص اشتغلوا بضمير دخيل الله مب تستبزون الشخص وطلعون عيونه لين يحصل على اللي يبيه..بذمتكم عاد هذا كلام....

[بومتعب]

اختي ليش ماخليتي زوجك او حد من اخوانج يخلص اوراقج بدل هالتمرمط والبهدلة من مكتب لي مكتب

الله يستر عليج

[s o s o]

عاد عندج بلاك بيري والا لا..

شر البلية مايضحك ..

[sweet2010]

السلام عليكم ورحمة الله وبركاته ..ومبارك عليكم الشهر مقدما..
يقول الرسول عليه الصلاة والسلام: (أكمل المؤمنين إيماناً أحسنهم خلقاً ، الموطؤون أكتافاً ، الذين يألفون ويؤلفون ، ولا خير فيمن لا يألف ولا يؤلف).
ويقول الشاعر :وإنما الأمم الأخلاق ما بقيت فإن همُ ذهبت أخلاقهم ذهبوا

كنت من اسبوع في احدى الوزارات ورايحه اخذ بعض الوراق ..المشكله كل ما دخلت على حد مع أني متغطيه واشهاده لله ما بين مني شئ ..المهم كنت كل مادخل على اي موظف واستفسر يسألني أختي أنتي متزوجه..اوكي وبعدين ايه متزوجه غيره ..أختي اوراقج عن الاخ........
طيب شكرا ..اروح حق الشخص المعني..ونفس السؤال أختي أنتي متزوجه ..طيب شسالفه أنا جايه اخذ اوراقي موجايه اعرض نفسي على الزواج..والله ومن غير مبالغه كل مادخلت عند حد الا ماسألني هالسؤال..ليش والله انهم عطلوا اوراقي والسبب متزوووووجه ولا نست ماقلت لكم في واحد وهو في مركز مرموق وريال كبير والله احتمال عمره 40 او فوق.. المهم قبل لا اطلع سأني خلي رقمج وأنا باتصل أول ما انتهي من أوراقج ..قلت أوكي وبحسن نيه عطيته رقمي ..رجعت البيت على الساعه 11 الظهر من بعد ما كنت عندهم من الساعه 8 الصبح ..عاد ماطول عليكم ..لمى رجعت البيت اتفاجئ بمسج دازه لي الشخص المعني..! ..اتوقعون ايش كاتب فيه والله اني انصدمت من المسج ..كاتب فيه .. اختي ..فلانه..ماعند ابلاك بيري اضيفج عندي....!!!!!:eek5:عاد هذا كلام ,,والله انه صدمني ولا وطااااااح من عيني مره وحده ..ليش ياوزاره ليش أطولون في الموضوع وهو قصير خلاص اشتغلوا بضمير دخيل الله مب تستبزون الشخص وطلعون عيونه لين يحصل على اللي يبيه..بذمتكم عاد هذا كلام....

بال بال شو هادا كلاااام:tease:

لالا صج كاني اتابع فلم هندي هههههههههههه .. المرة ومتغطيه وساترة عمرها ها بعد اشتبووون.. خوفي عندهم اشعه تحت الحمراء مادري فوق الخضراء:rolleyes2:
يشوفون اللي تحت السواد .. خخخخخخخخخخخ
الظاهر ازهقوا من البنات اللي عاضين نفسهم وملطخين ويهم بالاحمر والاخضر قاموا يلاحقون المستورات خخخخخخخخخخخ
ها ديري بالج لاعاد تصورين بطاقتج الشخصيه الا وتشخطين ع الصورة عشان ماتبين ملامحج.. والله هذول مسؤلين ومب قد المسؤوليه .. عماااار ياقطر:weeping:

[كازانوفا]

حسبي الله ونعم الوكيل في كل ما يفكر بهتك عروض المسلمات بس ما عندي اضافه ثانيه

[عديـل الـروح]

اختي شالوزارة هذه اللي كل موظفينها تعاملوا معاج بهذه الطريقه ؟؟

وليش كاتبه شكواج هني بالمنتدى ؟؟

[s o s o]

اختي شالوزارة هذه اللي كل موظفينها تعاملوا معاج بهذه الطريقه ؟؟

وليش كاتبه شكواج هني بالمنتدى ؟؟


خلو المره تفضفض وعلية ..

[كازانوفا]

وين المشكله اذا كتبت هنا الشكوى ؟؟؟

[شيط ويط]

الموضوع (مش) واضح .. تقصدين سؤالهم لج بس من باب الفضول والا لأن الإجراء يتطلب معرفة ما اذا كنتي (متزوجة) أم لا ؟؟

أما بخصوص تصرف (المدير) لا تعليق والمفروض يكون لج تصرف معاه لأن إذا انتي سكتي راح يستمر بنفس هالاسلوب مع غيرج

[بنت قطريه]

للاسف يبغي لهم حد يوقفهم عند حدهم واخوي بومتعب ردك كان ليش ماخلت حد من اخوانه او زوجها يروح طيب لو هي عندها ظرف او زوجها مسافر وعن خبره بصراحة اقولك في وقتنا المرة تسوي كل شي واختي لو انا منج اروح حق وكيل الوزارة عندهم واعرضي عليه الموضوع علشان يعرف ايش يصيربالوزارة ويتخذ الاجراء اللازم أختي انتي تفرضين احترامج وتخلينهم غصب يحترمونج ... وذي وجهه نظري عن تجربه لاني اول مااشتغلت بالوزارة اللي يتصل يعطيني الرقم واللي يتحرش واللي يقولي انتظرج عند باب الوزارة بس مالجأت حق اخواني ولا ابوي علشان ما اكبر المووضوع بس وقفت كل شخص غلط وخليتهم يفكرون مليون مرة قبل مايتكلمون اي كلمة ...

[النائب]

أعتقد هذا تصرف شخصي من أشخاص عديمي التربية وغير مسؤولين إلا من انفسهم ولا يمثلون الوزارة ولايمثلون إلا انفسهم .
إختي ممكن تردين عليه وتقولي له إن المسج راح أوصله لمسؤولك حتى يكون رادع له ولأمثاله من حثالة المجتمع .

[قطرية فذة]

اختي مانحسن بك الا الظن الحسن لكن
ماتوقع يعني رجل بيبادر بهذه الطريقه في مكان عمل
احسها صعبه اظن الموضوع به جزء مفقود

بالنسبه انك تبحثين عن عمل وماتلاقين هذه مشكله تواجه الجميع
وصابني مثلها ابحث عن عمل 7 سنوات والاعذار خذي وخلي منها

عسى الله يوفقك يارب ويفتح عليك من اوسع ابوابه

ومثل هذا الموضوع اختي الافضل كان احد اهلك يرد عليه
المنتدى يعني مب الوزاره نفسها ولا اهلك الله يجزاك خير

[i.s.s]

اذا فيه وزارة بهذا الكلام الي تقولين عطيني الاسم واسم المسؤول و ما راح اخلي مسؤول ما ادش عليه وحقج يوصلج وراح يعلن في المنتدى اما اذا انج تقولين الكلام مجرد افتراء فيوجب عليج الاعتذار لان الكلام المكتوب اشبه بضرب الخيال ما اعتقد وصلنا لهذي الدرجة وحتى لو حصل المفروض تتجهين الى الجهات الرسمية بالدولة وهي بدورها بتقوم بالاجراءات واذا ما انصفتج تقدرين تكتبين في المنتدى ارجو الافادة لان الموضوع سبب لي ازعاج من الطرفين واتمنى الموضوع ما يكون صدق

[عديـل الـروح]

وين المشكله اذا كتبت هنا الشكوى ؟؟؟


سؤالي واضح اختي ..

لماذا لجأت الاخت الفاضله الى كتابة شكواها بالمنتدى ولم تتقدم بشكور رسميه عن هؤلاء الموظفين لمسؤولينهم بالوزاره ؟؟

فهمتي سؤالي اختي ..

[كازانوفا]

أعتقد هذا تصرف شخصي من أشخاص عديمي التربية وغير مسؤولين إلا من انفسهم ولا يمثلون الوزارة ولايمثلون إلا انفسهم .
إختي ممكن تردين عليه وتقولي له إن المسج راح أوصله لمسؤولك حتى يكون رادع له ولأمثاله من حثالة المجتمع .


[COLOR="Magenta"]هذا التصرف اللى راح يجيبه من الاخر ان شالله [/COLOR:anger1:

[لاجئ عاطفي]

يبون يتزوجون مسيار !!!

[الصريحه]

لاحول ولاقوه الا بالله
الله يعين
رجاجيل اول راحت اللي بقوا طقه .........................
ولاتسكتين كبري الموضوع قد ماتقدرين

[إينشتاين]

اختي،، المعاملة الي انتي رايحة تراجعين فيها هل لها علاقة بإذا متزوجة أو لا ؟؟

وفي حالة إنه ماله علاقة ليش تردين وتجاوبين عليهم من الأساس ؟؟

والموضوع الثاني المسج الي مطرشه لج صاحب المركز المرموق تدرين أنه هذا اكبر دليل يدينه بتهمة التحرش،، انا استغرب بصراحة شلون يجازف ويرسل مسج ولكن في حالة إن كلامج صحيح لازم تشتكين عند الي اكبر منه لو توصلينها للوزير....

[Arab!an]

انتي متزوجه !!

شالمغزى من هالسؤال بالذات ؟ ووشمعنى كلهم اتفقوا على نفس السؤال ؟؟

والمفروض ما تهملين اللي صار .. خصوصا المسج ؟ وصليه للشرطه بتهمه التحرش

[إينشتاين]

ثاني شي اعتقد الي يبي يلعب أو يغازل مايهمه إذا متزوجة أو لا !!!!

[مستـريــح البـــال]

لكم كل الاحترام في البداية ..

اذا كان سؤالهم عن حالتج الاجتماعية من باب الفضول وماله علاقه في المعامله ، وكل هذيلا اسألوج في نفس اليوم وفي نفس المكان فما اقول الا ان هالمكان مب مكان شغل، أو في شي غرب في الموضوع !!!

وبخصوص الاضافه في البلاك بيري، هل انتي متأكده ان الرقم هو رقم المدير ؟؟؟؟

واذا انتي متأكده انه رقمة فموضوعج خالص وبأسمه، فموضوعج خالص ادبي هالأشكال ( ونصيحة لا تمسحين المسج ) ..

وبخصوص اللي تقول ان رجاجيل اول راحت شي طبيعي رجال اول راحت .. وحضر رجال اليوم .. واذا تقصدين ان ماعاد به رجال .. فأقول له ظلمتي رجاجيل اليوم ..

وعلى فكرة حتى حريم الأول غيررررر سقى الله ذيج الأيام :)

[مـحـمـد]

لا حول ولا قوة الا بالله ..

[ام علاوي]

اولا.. اشكركم جميعا من غير اسثناء وثانيا ..أنا ما عرضت شكوى ابغي مساعده منكم ..واللي يقول ليش ماخليتي اخوج او زوجج أو.. أو ..واحب اوضح شغله أنا قدها وقدود ومن قالكم أني ماسويت شئ أنا كتبت لكمبس أبين حقاره البعض اللي مايستحي على ويهه مب اطلب المساعده من كل اللي تهجم وقال الكلام ينرفز :anger1:وبعدين أنا راعيت ضمير وماعرف أنافق أو أكذب مب مجرد اثير موضوع أنتوا ليش ما تحسنون الظن بالناس ..بصراحه ردود البعض نرفزتني يعني لازم اقول لكم أيش سويت مع احترامي للجميع مب من اختصاصكم ايش اللي سويته أنا بس ابين لكم أن بعض الريايل وين اوصلوا..وبعدين الود ودي تكلمت بالصوت العالي لأنكم او البعض نرفزني لكن ماقول الا حسبي الله على اللي يظن ظن السوؤ

[إينشتاين]

لاحول ولاقوه الا بالله
الله يعين
رجاجيل اول راحت اللي بقوا طقه .........................
ولاتسكتين كبري الموضوع قد ماتقدرين


هذا اعلان صريح من الصريحة انكم يارجال قطر كلكم طقة،،،،،،،

السؤال/ هل اخوانج وابوج ينطبق عليهم هالكلام ولا هم غير مشمولين بهالتصريح ؟؟؟؟

[ام علاوي]

لا تنرفزوني ايش تقصدون ..ترى اتهامكم لي وااضح ولو سمحتوا ردو برد منطقي ..

[بو الجوري]

سؤال :..

شلون عرفتي إنه هو اللي مطرش :.. ؟ يمكن مسج بالغلط :.. أو حد ثاني ؟

[إينشتاين]

اولا.. اشكركم جميعا من غير اسثناء وثانيا ..أنا ما عرضت شكوى ابغي مساعده منكم ..واللي يقول ليش ماخليتي اخوج او زوجج أو.. أو ..واحب اوضح شغله أنا قدها وقدود ومن قالكم أني ماسويت شئ أنا كتبت لكمبس أبين حقاره البعض اللي مايستحي على ويهه مب اطلب المساعده من كل اللي تهجم وقال الكلام ينرفز :anger1:وبعدين أنا راعيت ضمير وماعرف أنافق أو أكذب مب مجرد اثير موضوع أنتوا ليش ما تحسنون الظن بالناس ..بصراحه ردود البعض نرفزتني يعني لازم اقول لكم أيش سويت مع احترامي للجميع مب من اختصاصكم ايش اللي سويته أنا بس ابين لكم أن بعض الريايل وين اوصلوا..وبعدين الود ودي تكلمت بالصوت العالي لأنكم او البعض نرفزني لكن ماقول الا حسبي الله على اللي يظن ظن السوؤ


اختي ام علاوي،، الرد السابق موجه للي نرفزوك صح ؟؟

ياليت تردين رد ثاني على الي مانرفزوك توضحين فيه استفساراتهم عن الواقعة :)

[بو الجوري]

وزين سويتي فيه أختي :.. مع إني مادري شاللي سويتيه :..
لكن من كلامج إنج أخذتي موقف :..

والصراحه لا تسكتين :.. لانه إنسان غير محترم :.. وما عنده غيره :..

[Arab!an]

صراحه خيبتي ظني في شبابنا

[بو الجوري]

أختي أم علاوي :.. هدي شوي :..

أنشتاين يرد على العضوه الصريحه :.. وسؤاله مب لج :..

[ام علاوي]

سؤال :..

شلون عرفتي إنه هو اللي مطرش :.. ؟ يمكن مسج بالغلط :.. أو حد ثاني ؟

لاحول ولا قوة الابالله وبعدين ...!! يعني سؤالك ايش مقصده أني اتبلى على الوزاره بس يعني اثير موضوع هذا قصدك..

[سهم رايح]

المفروض ينكتب العنوان :

والله عيب يا بعض موظفي وزارة ...........

والله يستر علينا وعليك وعلى جميع امة محمد صلى الله عليه وسلم

[بو الجوري]

لاحول ولا قوة الابالله وبعدين ...!! يعني سؤالك ايش مقصده أني اتبلى على الوزاره بس يعني اثير موضوع هذا قصدك..


إنتي شكلج متنرفزه وايد :.. :shy:

أنا أقصد هل تأكدتي :.. :weeping: لأن في بعض الناس الصراحه فهالمنتدى مواضيعهم تافهه :..
وكله كلام فاضي :..

وأنا ما أقصدج :.. محشومه أختي بس كان مجرد سؤال :.. :(

هدي أعصابج :..

[ام علاوي]

لكم كل الاحترام في البداية ..

اذا كان سؤالهم عن حالتج الاجتماعية من باب الفضول وماله علاقه في المعامله ، وكل هذيلا اسألوج في نفس اليوم وفي نفس المكان فما اقول الا ان هالمكان مب مكان شغل، أو في شي غرب في الموضوع !!!

وبخصوص الاضافه في البلاك بيري، هل انتي متأكده ان الرقم هو رقم المدير ؟؟؟؟

واذا انتي متأكده انه رقمة فموضوعج خالص وبأسمه، فموضوعج خالص ادبي هالأشكال ( ونصيحة لا تمسحين المسج ) ..

وبخصوص اللي تقول ان رجاجيل اول راحت شي طبيعي رجال اول راحت .. وحضر رجال اليوم .. واذا تقصدين ان ماعاد به رجال .. فأقول له ظلمتي رجاجيل اليوم ..

وعلى فكرة حتى حريم الأول غيررررر سقى الله ذيج الأيام :)

الشيخ مع احترامي لك الشديد ..أنا ماقصدت كل الريايل أنا قلت البعض ..بس تعرف بعض الريايل عندهم الحريم سوى يعني اللي فيهاx عمموا على الكل لكن شاقول والله ماني قادره اتكلم لاني صج تنرفزت ياناس ياعالم افهموا ايش اقصد..!!

[M!$s ĀŁ!eN]

لان البعض وليش الكل

اللي متغطي وجهه ولكن الخبث بتطرفاتهم
هب اللي كاااشفه وجهه تكون غير محترمه
وياااما في بنات يخافون الله اهم متحتشمات ومسترات


يعني العيب على اللي يتسترون اهم خبائث .. اهم اللي خربواا على المحترمات


يا اخواتي والله عن تجربه اقول هذا الكلام
انا اشوف بعيني .. والله اني مااقلت شي من عندي ولا اتبلي ؟؟

[ام علاوي]

إنتي شكلج متنرفزه وايد :.. :shy:

أنا أقصد هل تأكدتي :.. :weeping: لأن في بعض الناس الصراحه فهالمنتدى مواضيعهم تافهه :..
وكله كلام فاضي :..

وأنا ما أقصدج :.. محشومه أختي بس كان مجرد سؤال :.. :(

هدي أعصابج :..

تدري أخوي أني والله العظيم اني ارد عليكم وأنا دموعي ماوقفت أنا أعرف انه هذا رقم المعني والله العظيم .. والله على ما قوله شهيد ما كذبت عليكم بشئ الله يسامح الجميع.. بجد تلفتوا اعصابي..أنا اتخذت الخطوات الازمه ولا تفتكرون أني سكت لا والله أنا حطيت الموضوع علشان الكل ياخذ حذره بس

[ام علاوي]

لان البعض وليش الكل

اللي متغطي وجهه ولكن الخبث بتطرفاتهم
هب اللي كاااشفه وجهه تكون غير محترمه
وياااما في بنات يخافون الله اهم متحتشمات ومسترات


يعني العيب على اللي يتسترون اهم خبائث .. اهم اللي خربواا على المحترمات


يا اخواتي والله عن تجربه اقول هذا الكلام
انا اشوف بعيني .. والله اني مااقلت شي من عندي ولا اتبلي ؟؟


؟؟؟؟؟؟؟؟ لا تعليق

[مستـريــح البـــال]

الشيخ مع احترامي لك الشديد ..أنا ماقصدت كل الريايل أنا قلت البعض ..بس تعرف بعض الريايل عندهم الحريم سوى يعني اللي فيهاx عمموا على الكل لكن شاقول والله ماني قادره اتكلم لاني صج تنرفزت ياناس ياعالم افهموا ايش اقصد..!!

اختي ام علاوي .. اعصابج الله يرحم والديج ..

لا تعصبين ولا تنرفزين ..

هذا الزمن تغير ..

فيه الزين وفيه الشين ..

يعني الواحد قام يتوقع أي شي، الدور الباقي على اللي يجوف الغلط يحاول يوقفه ..

وانتي بيض الله ويهج، وان شاء الله يحسب في ميزان حسناتج انج اتخذتي الاجراء المناسب في حق اللي اغلطوا عليج ..

وارد اقولج نهاية كلامي كان موجه للاخت صريحة اللي عممت الموضوع :)

[ام علاوي]

ياريت الموضوع ينغلق لاني ماني قادره اتحمل ردود البعض ..