الخليج القابضة ومالســــــــــــــر تعالو نكتشفة

[رياني qtr]

الخليج القابضة جميعا لاحظ التداول عليها في الايام الي راحت ياترى ماهو السر من الضغط على السهم طول هالفترة وواضح بان السهم يتم الضغط علية بكميات كبيرة حتى لايتعدى 15,20 وفي المقابل نشوف طلبات تجمع فيه بهدوء وصار لها فترة طويلة بمعدل 70 الف سهم زيادة او نقصان بشكل يومي ياهل ترى مالمقصود من ذلك هل هو مايسمى بسياسة التطفيش لملاك السهم
وياترى الى متى بيجمعون فيها وانتو تعرفون الشركة عدد اسهمها شوي هل هو تجميع قبل الاعلان عن انتاج المصنع اخواني رايكم مطلوب حتى تعم الفايده على البسطاء مثلي :nice:

[ابن البيطار]

شركة فاشله من بعد متحولت الى قابضه.

[المقاول 1]

ارباح مصنع الخليج لك منه 30 في 100 فقط 70 في 100 لشركه الجديده التي دمجت مع

شركه اسمنت الخليج الي اسمها القابظه

70 في 100 من خيرها ملطوش

[عطا محمد]

منذ شهر الى الان شراء للمحافظ الاجنبية والقطرية
الاجنبية شراء 136763 ما يعادل 0.11
القطرية شراء 629161 سهم ما يعادل 0.13

[(العديم)]

اخوي رياني اسهم الخليج القابضه كان شوي قبل الدمج لكن بعد ما اندمجت مع المستثمر القطري اعتفست الشركه وصار اسهمها واجد 124 مليون وقل العائد على السهم وصارت حركة السهم ثقيله وصانع السهم مثل ماقلت مستخدم سياسة التطفيش وإذا طلع السهم طلع يوم واحد بس وثاني يوم يرجع لقواعده سالم

[مساهم مقرود]

بعناها منذ مبطي وليس لها رجعه مره اخرى ‏

[رياني qtr]

يعطيكم 1000 - 1000 عافية اخواني على الشرح والنصح الصراحة دخلت في السهم قبل كم يوم بسعر 14.90 ريال بكمية ما لقناعتي بان السهم يقع في القطاع الصناعي وقريب من سعر الاكتتاب بفرق 5 ريالات واقل سعر سهم في هذا القطاع الحيوي المهم يوم الخميس وصل 15,20 ريال بربح تقريبا 30 درهم في السهم ويعتبر بالنسبة لي ربح ممتاز ولكن هناك مانغزني في قلبي وقالي ياولد لا تبيع انتظر وخاصة ان السهم بداء يتحرك بتجاه الايجاب وكما وضح لي احد الاخوة المحللين اقنتصادي وسياسي بان 15,10 ريال من يطلع منها امورة طيبه وكررو كلامه بعض الاخوة ان السهم يوم فوق ويوم تحت والله يرزقنا وياكم في هالجمعه الطيبه ونكون ممن الي يبيعونه فوق انا بربح ريال واحد فية مقتنع جدا وخاصة ان السوق كله بداء يتحرك :nice:

ونصيحة لمن هم يتداولون السهم ويتحكمون فية لا لا والف لا للتطفيش لانه في ناس بعد تعرف شلون تطفشكم
وشوفو وش سوت في سهم ما كان يضرب فية المثال بانه افضل الاسهم قبل كم عام في البورصة الان محديفكر يمر صوبه حتى وان كانت ارباحه ممتازة

[دهــن العود]

ذيب يا الرياني

بس ابعد عن اسهم الحيتان

[المقاول 1]

الخليج القابضه هدفها 13.8 بعد انتهاء الموجه الصاعده الحاليه

والسهم لم يستفد من هذه الموجه الصاعده الحاليه وحصل العكس تراجع مع ارتفاع السوق

دخول السهم على رقمين فقط

اما 13.8 او اختراق 15.3

كسر 15 خروج لمن في السهم حاليا

[rashid_qatar]

الخليج القابضة سهم جيد ومايخوف ونزولة للتجميع ورح يصعد صعود قوي خلال الايام القادمة لان اي حد يبيع سهم اخر ويطير عنة السعر سوف يدخل على الاسهم المنخفضة للتعويض وانا متفاااائل بأن السهم سوف يصعد صعود قوي

[رياني qtr]

الخليج القابضه هدفها 13.8 بعد انتهاء الموجه الصاعده الحاليه

والسهم لم يستفد من هذه الموجه الصاعده الحاليه وحصل العكس تراجع مع ارتفاع السوق

دخول السهم على رقمين فقط

اما 13.8 او اختراق 15.3

كسر 15 خروج لمن في السهم حاليا





اخوي المقاول شكرا على مجهوداتك الطيبة التي تقدمها لنا بالمجان بس ماتلاحظ اخوي انك وايد متشائم اتركك من الخليج القابضة على سبيل المثال موضوع التوقعات للسوق بشكل عام الست انت صاحب مقوله كسر الموشر 6,960 وبشكل يومي تكررها علينا راح نوصل 5 الا ف وبينهار السوق وبسببها باعوا المساكين اسهمهم وارتفع السوق فوق ال 7 الاف واذا ناسي وتحب اذكرك على استعداد ان اقتبس لك مشاركاتك رغم ان هذا ليس اسلوبي :nice:

[المقاول 1]

كسر 9650 خطر ومازلت اقول خطر

ماهو الجديد

سهم القابظه اذا استطاع تحطيم حاجز 15.3 بتداول عالي سادخله اذا فشل

سانتظره ماني خسران شي

خلنا لانستبق الامور ونطبل على الفاضي

[مضارب دوسري]

الخليج القابضه هدفها 13.8 بعد انتهاء الموجه الصاعده الحاليه

والسهم لم يستفد من هذه الموجه الصاعده الحاليه وحصل العكس تراجع مع ارتفاع السوق

دخول السهم على رقمين فقط

اما 13.8 او اختراق 15.3

كسر 15 خروج لمن في السهم حاليا


كلامك صحيح اخوي المقاول وهذا اتفاق من كثير من المحللين

السهم الان يتداول قريب ال15 كسر ال15 خطر

ولكن اختراق ال15.3 هو إيجابي جداً

اعتقد والله اعلم ان لم يخب ظني فاعتقد ان يكون للسهم ارتداد اذا واصل السوق الارتفاع

[مضارب دوسري]

ولكن الافضل لمن يفكر بالدخول عالسهم هو الانتظار اما الاختراق والدخول الأمن
ام الكسر والشرا باسعار اقل

[المقاول 1]

السوق لابد ان يزور 5700 حتى تدخل محافظ البنوك

لاتصدق سيسمح لمحافظ البنوك تدخل السوق وهو في العالي وتخسر

يراد دعم محافظ البنوك من جيبي وجيبك

[مضارب دوسري]

السوق لابد ان يزور 5700 حتى تدخل محافظ البنوك

لاتصدق سيسمح لمحافظ البنوك تدخل السوق وهو في العالي وتخسر

يراد دعم محافظ البنوك من جيبي وجيبك


كل شي ماشي عالاخيار العالميه
وصدقني اخوي الدخول اللي قاعد يصير من المحافظ الاجنبيه لهو دليل ان عارفين ان الأوضاع ايجابيه بالأشهر القليله القادمه

وبيعهم القوووي الي حصل ماكان الا دليل علي قوة سوقنا عندما تصدت لهم المحافظ القطريه واخذت مايقارب نصف مايملكون من السوق رغم انهم كانوا يظنون انهم ببيعهم سيدفعون الاخرين للبيع ولكن تماسك سوقنا حول ال6700_7000 لفتره ليست بالقليله لهو دليل ان سوقنا بخير (حاليا) *

[المقاول 1]

كل شي ماشي عالاخيار العالميه
وصدقني اخوي الدخول اللي قاعد يصير من المحافظ الاجنبيه لهو دليل ان عارفين ان الأوضاع ايجابيه بالأشهر القليله القادمه

وبيعهم القوووي الي حصل ماكان الا دليل علي قوة سوقنا عندما تصدت لهم المحافظ القطريه واخذت مايقارب نصف مايملكون من السوق رغم انهم كانوا يظنون انهم ببيعهم سيدفعون الاخرين للبيع ولكن تماسك سوقنا حول ال6700_7000 لفتره ليست بالقليله لهو دليل ان سوقنا بخير (حاليا) *

هلا بخوي الدوسري الامور ان شاءالله ايجابيه

لكن اخوك يسوي توازن مضاد لتطبيل ههههههههه

مثل سهم القابظه تطبيل بدون اساس لو اخترق 15.3 بتداول عالي كان بيكون تطبيل ايجابي

السهم عاجز حتى الان ليش يسبقون الامور مادري

[مضارب دوسري]

كثر الكلام عن السهم ممكن اللي بيخليه يوم الأحد يكسر ال١٥ خصوصا مع الهبوط القوي فالداو حاليا ممكن ان يكسرها بسهوله اذا سوقنا كان عالاحمر

ننتظر اغلاقات الداو

مع أني اتفق مع اللي يقول كثر الكلام يودي السهم ملححح

[مضارب دوسري]

منذ شهر الى الان شراء للمحافظ الاجنبية والقطرية
الاجنبية شراء 136763 ما يعادل 0.11
القطرية شراء 629161 سهم ما يعادل 0.13

لا اخوي غلطان
هم متشابهين في عدد دخولهم

وعن نفسي أشوف هالدخول عادي لا إيجابي ولا سلبي

بالنسبه لشركه عدد اسهمها 142 مليون اذا ماخاب ظني

[رياني qtr]

الخليج القابضة سهم جيد ومايخوف ونزولة للتجميع ورح يصعد صعود قوي خلال الايام القادمة لان اي حد يبيع سهم اخر ويطير عنة السعر سوف يدخل على الاسهم المنخفضة للتعويض وانا متفاااائل بأن السهم سوف يصعد صعود قوي




امين اخوي راشد وهذا هو المتوقع اما صاحبنا ابو 13,80 ريال مسوي فيها محلل اقتصادي وخبيرارقام وفي موضوع ثاني محلل ديني ومفتي خل يروح القسم الفني ويطرح ارقامه للمحللين ويقيمون ارقامه ومجهودة ولا ياتي للنقاش الاقتصادي ويبث ارقام لا نعلم من وين جايبها لانه يعرف جيدا بان هذا القسم لايهتم له المحللين وهو للنقاش الاقتصادي وليس التحليل الفني والاقتصادي وبحكم انه مافي بينا اي محلل اقتصادي هل سئل نفسه عن هذا الرقم متى وصله السهم تعرف متى اخوي راشد يوم موشر سوقنا كان 5 الاف وشوي وكثير من الاسهم وقتها كانت اسعارها طايحة حتى صناعات كانت 60 ريال ايام الازمة العالمية وحتى اوضح له اكثر السهم وصل 13,50 يعني اقل من السعر الي ذكرة بثلاثين درهم بعد لكن شنقدر نقول الله المستعان المشكله بانه لايحمل اي صفة من الادارة لا محلل اقتصادي ولا وعضو مميز
ياليت بس الادارة تنتبه المشاركاته الي يحاول فيها يخوف المستثمرين بدون اي ادله كشارت او حتى كلام مقنع لانه جد الموضوع تعدى العرف والسلوم (( لذلك فضلت عدم الرد علية نهائيا )) مو معقولة كل يوم يقول السوق رايح 5 الاف والسوق كل يوم يطلع والمستثمرين الي مايعرفون ان كلامه لايسمن ولا يغني من جوع يبيعون بخسارة وينتظرون احلام هالشخص تتحقق الي ماعتقد يشوفها عاقل الا في الاحلام ومايحتاج اشرح لك بان كلا يرى الناس بعين طبعه وهو يرجف ويعتقد ان اي حد بيطرح موضوع يتناقش فية خلاص يبي يطبل السهمه يبه الناس واعيه وفاهمه وتفرق بين الي يناقش وبين االي يطبل او يرجف ويخوف المستثمرين
بخصوص ان المحافظ تبي السوق ينزل ل 5 الاف يعني هل استاذنو منه
مثــــــــــــــــــــلا :nice:



السوق لابد ان يزور 5700 حتى تدخل محافظ البنوك

لاتصدق سيسمح لمحافظ البنوك تدخل السوق وهو في العالي وتخسر

يراد دعم محافظ البنوك من جيبي وجيبك

[المقاول 1]

بداية الانطلاقة تجاوز 15.30 غيرذلك فهو سلبي راقب الاهداف على الشارت ،، بالتوفيق


http://img689.imageshack.us/img689/3672/25309599.png (http://img689.imageshack.us/i/25309599.png/)

هذا تحليل استاذنا مستثمر بسيط الان وضعه في قسم التحليل

واضح تجاوز 15.3 شرط الدخول

[رياني qtr]

هذا تحليل استاذنا مستثمر بسيط الان وضعه في قسم التحليل

واضح تجاوز 15.3 شرط الدخول




اخوي هذا تحليل اخونا مسثمر بسيط مو تحليلك ومثل ماقلت قبل قليل طرحه ياليت ماتنسب التحليل لك وهو الان توه طارح التحليل من باب الثقة فيك والمصداقية شكلك فاهم الموضوع غلط الموضوع نقاش مو تحليل فني وحياك الله نورت الموضوع :nice:

[مقيم]

كثرت التحاليل والنقاش حول سهم معين ... تضره ولاتنفعه
انا عن نفسي
عندما ارى كثير من التحاليل والنقاش حول سهم معين في المنتدى
اتخذ قرارا بالابتعاد عنه فورا
مثلما حصل مع الاجارة قبل عدة ايام
شاهدنا اربعة تحاليل
وعدد من المواضيع عن الاجارة هنا
وشاهدتم السهم .. كيف ترنح .. بالبيع الكثيف عليه
في الايام الماضية
انا لااقول انه سهم غير جيد
بل بالعكس
هو واحد من افضل الاسهم حاليا
لكن اثارة الانتباه .. لسهم معين وبكثافة خلال فترة قليلة
اضع عليها اكثر من علامة استفهام

[مكنتوش]

كثر الكلام عن السهم ممكن اللي بيخليه يوم الأحد يكسر ال١٥ خصوصا مع الهبوط القوي فالداو حاليا ممكن ان يكسرها بسهوله اذا سوقنا كان عالاحمر

ننتظر اغلاقات الداو



لاتعتمد ع الداو في البيع والشراء خسر من فرط في الاسهم وهي في القاع
الداو يصحح في نفس الجلسة ويعاود الارتفاع
الامور طيبه ان شاء الله
السوق من كان عند 6500 ونقول شراء لموجة صعودية قادمه
من 6500 الي 7133 المؤشر معطيك 633+ وللحين ان شاء االله
في 400+ وتناتيف اذا مشت الامور ع مايرام
ان شاء الله بنشوف رالي من النوع الصغير :deal:

[Diamond]

اخوي المقاول الله يجزاك خير...من سنه عندي الخليج القابضه وكل مالها اردى واردى...
كان في سطر تحت العنوان بس مخفي لازم تلبس نظارة شمسيه عشان تشوفه
(هذا الموضوع ليس للنقاش...دعوني اطبل كيف ما اشاء)

[مضارب دوسري]

صدقت اخوي دايموند

دعوني أطبل كيف ما اشاء

[هبوب الكوس]

ياليل ماطولك

[الحلال فقط]

السهم كان فيه خير كبير لولا اندماجه مع شركة المستثمرين

[عطا محمد]

الخليج القابضة سهم جيد ومايخوف ونزولة للتجميع ورح يصعد صعود قوي خلال الايام القادمة لان اي حد يبيع سهم اخر ويطير عنة السعر سوف يدخل على الاسهم المنخفضة للتعويض وانا متفاااائل بأن السهم سوف يصعد صعود قوي

:nice:

[مضارب دوسري]

وينك اخوي رياني
اشتقنا لك

مدري شفيك نسيت الموضوع الموضوع

شكلك بعتها مثل يوم المتحده

الله يوفقك يااارب ويرزقك