محل pull and pear يعرض تي شرت يخدش الحياء

[الحاوي]

السلام عليكم
خلال زيارتي اول امس لمجمع فيلاجيو دخلت لمحل بول اند بير فوجدت تي شرت يخدش الحياء ومعروض بشكل علني امام الناس وللاسف لاتوجد رقابه على اصحاب المحلات

والله يستر علينا

[ام شوشي]

والله صحيح كلامك انة مافي رقابة والظاهر المسؤلين نايمين في العسل لا رقيب ولاحسيب

[al-sadd]

اخوي شكلك مادخلت محل إييد هاردي
عندهم اخس من هذا بكثير
لاكن شتقول وشتخلي

[رهج السنابك]

؛

الله يقرفهم ويقرف اللي يلبس هالاشكال ! بس معقولة احد يلبس هالشكل ويمشي فيه ؟ هل فيه زباين؟

واعتقد اللي يلبسه بيتخالف او تمسكه الشرطة ! اظن ممنوع لبس اشياء من هالنوع

؛

[koketa]

هاي تي شيرت أطفال ولا شنو الله المستعان

[بنان]

لا حول ولا قوة الا بالله

[الـقـاسـي]

انت كلمت حد مثلا حمايه المستهلك اتوقع لهم خص بهالامور

[دكان عباس]

لاحول ولا قوة إلا بالله

[كـفـاحـي_QTR]

الله المستعان
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان..

[قناص 787]

اي ياخوي شوف من صاحب المحل اول شي لو صاحب المحل واحد مثلي ومثلك كان سفروه والعنو خامس خامسه وكتبوا عنه في الجريده وطالبوا بتعويض ووووووووووو بلاوي كلها على راس هالمسكين لكن الشكوه لله

[الحره]

الحين زعلانين على هالصوره!!! كاركتير!!

انا اشوف شباب يمشون في المجمعات ونص ام احمد طالعه ومع اللبس الداخلي

[الحره]

؛

الله يقرفهم ويقرف اللي يلبس هالاشكال ! بس معقولة احد يلبس هالشكل ويمشي فيه ؟ هل فيه زباين؟

واعتقد اللي يلبسه بيتخالف او تمسكه الشرطة ! اظن ممنوع لبس اشياء من هالنوع

؛

آنسه منشن مادري هل انتي في الدوحه ولا في وين !!

مفاصيخ يمشون ومايكلمونهم وجنس ثالث وهالجنس الرابع الي منصلين بناطلينهم ماشوف حد كلمهم

[الحره]

اي ياخوي شوف من صاحب المحل اول شي لو صاحب المحل واحد مثلي ومثلك كان سفروه والعنو خامس خامسه وكتبوا عنه في الجريده وطالبوا بتعويض ووووووووووو بلاوي كلها على راس هالمسكين لكن الشكوه لله

شنو جنسيتك اخوي

[الأصيلة]

ليش هالإحباط لناكر المنكر...
المفروض تقدم شكوى على المحل ونطالبهم باحترام العادات والتقاليد في البلد...
إذا كل واحد بيقول وبيكتب هالكلام
مارح يتغير شي وبنصير إلى الأسوأ....

[بدون]

للأسف هالإنحطاط في الذوق يقابله تهاون من المنكرين
يا أخي ليش ما ناديت مدير المحل و اشتكيت عنده
و إذ طاوعك زين ، ز إذا ناحس جيب لهم العيد
أنا في الحقيقة أبدأ من المحل نفسه و إذا زودوها قلبت لهم المكان
خلكم قد الموقف و لا تخافون لأن اللي دايما خايف بيضل على حاله
و اللي يتكلم و يقول الحق الله ينصره

[رهج السنابك]

آنسه منشن مادري هل انتي في الدوحه ولا في وين !!

مفاصيخ يمشون ومايكلمونهم وجنس ثالث وهالجنس الرابع الي منصلين بناطلينهم ماشوف حد كلمهم

؛

اي ياوخيتي في الدوحة بس نادر اطلع من البيت لا اروح مولات ولا غيره

ولا عمري شفت جنــ... ثالث ولا رابع ؛؛ اسمع عنهم بس ماشافتهم عيني ؛

وان كانوا موجودين فالله يهديهم واعتقد لازم فيه جهه مسؤلة عن ضبط هالمخالفات

؛

[خليفـة]

امحق شرية
:omg:

[بـــــــنت النوخـّــــذه]

السلام عليكم
خلال زيارتي اول امس لمجمع فيلاجيو دخلت لمحل بول اند بير فوجدت تي شرت يخدش الحياء ومعروض بشكل علني امام الناس وللاسف لاتوجد رقابه على اصحاب المحلات

والله يستر علينا

اي محل تقصدينه الي كله جماجم وصور لعبده الشيطان وكريستالات واشكال مرعبه ؟؟؟

هذا مره دخلته حسيت ان الله غاضب عليّ الشخص تجيه الضيغه من اول دخول

والله المفروض تكون هناك رقابه صراحه على البضائع وعلى البائعين لان اشكالهم مشمئزه والعياذ بالله :)

[بوخالد911]

يبيييلهم ازاالة

[امال قطر]

لا حول ولا قوة الا بالله

[سهم سهم]

اي ياخوي شوف من صاحب المحل اول شي لو صاحب المحل واحد مثلي ومثلك كان سفروه والعنو خامس خامسه وكتبوا عنه في الجريده وطالبوا بتعويض ووووووووووو بلاوي كلها على راس هالمسكين لكن الشكوه لله

اشدعوه يسفرونك من بلادك ؟؟؟:eek5:

[طريق سلوى]

المسؤول في اجازة وبيرجع بعد العيد

[meme~qatar]

روح حماية المستهلك

والسؤال من هالغبي اللي بيشتري هالتيشيرت

[الصريحه]

عندهم اهداف ومخططات لتخريب جيل الامه
وللاسف البعض ينساق معهم
انشاءالله يجي اليوم ويعز الله المسلمين بالاسلام

[شيط ويط]

الصوره عجيبه ههههههههههههههههههههههههههههههه حطيتها في الماسنجر :p

[وطن]

اخوي ليش ما كلمت اللي يشتغلون بالمحل وطلبت الادارة؟؟؟



أنا مره شفت في ذا ون شغله تخالف ديننا وكلمتهم وكانوا جدا متعاونين
وثاني يوم كل اللي ع الرف انشال !!

المفروض تكلمهم بالأول ولو ما استجابوا تهددهم بحماية المستهلك
وبالجرايد

[حبر سري]

اخوي ليش ما كلمت اللي يشتغلون بالمحل وطلبت الادارة؟؟؟



أنا مره شفت في ذا ون شغله تخالف ديننا وكلمتهم وكانوا جدا متعاونين
وثاني يوم كل اللي ع الرف انشال !!

المفروض تكلمهم بالأول ولو ما استجابوا تهددهم بحماية المستهلك
وبالجرايد


أشهد انج كفو ومن ظهر رجال عرف يربي

يالربع , ترى هذا التصرف الصحيح , اما مسألة ان نكتب بس بدون ايفعل ايجابي , ترى مهب صاير شي , بس احتقان للرأي العام عالفاضي , واللي بيقول لي نهي عن المنكر , طيب ياخي كنت تقدر تنهى عن المنكر انك اتكلمهم , وان شا الله يكون صاحب الموضوع كلمهم

والله من وراء القصد

حبر سري

[قانوني]

انت كلمت حد مثلا حمايه المستهلك اتوقع لهم خص بهالامور

هذا هو الواجب على كل مواطن ومقيم

[freespirit]

هذا كله عشان ستيوي؟ ههههه

اللي مايعرف ترى اللي في الرسمه رضيع .. للحين ما انفطم .. ومسوين لي هالمعمعه كأنهم عارضين شي نص كم ..

روح شوف اي رسوم متحركه .. ولا اي قناه تلفزيون وبتلقى العن من كذا ..الا اقرأ

:s

[الحاوي]

مشكورين على الردود
ليعلم الجميع انه تم ابلاغ حماية المستهلك يوم الخميس
وتم ارسال الصور اليهم عبر البريد الالكتروني
وياريت ماكلمتهم قالوا تعال واكتب تقرير واكتب اسمك ورقمك الشخصي ورقم جوالك وقابل المدير وقله عن الشكوى
في الاخير قلت ترى عورتوا راسي تبون صور على الايميل اوكيه ماتبون تعالوا عندي بالبيت وانا اكتب لكم قصة حياتي
الف شكر لكم حبايبي

[Qatar.N]

لاحول ولا قوه الا بالله.
والرقابه ,,,,,,, لا حياه لمن تنــــــــــــــــــــادي