فيه خبرعاجل وآخر غير عاجل عن البلاك بيري في الإمارات وقطـــر

[رجل الجزيرة]

الخبر العاجل هو:

وزيرة الخارجية الأمريكية هيلاري كلنتون تعلن أن واشنطن ستجري مباحث مع الحكومة الإماراتية حول الخلاف المتعلق بهواتف البلاك بيري.

والخبر الثاني:

صرح السيد: عادل المطوع المسئول بالعلاقات العامة بكيوتل حتى هذه اللحظة لا توجد نية لوقف البلاك بيري.

رأيي الشخصي:

ما أعتقد إن قطر ستوقف البلاك بيري مادام أمريكا هي المتحكمة في البلاك بيري.

[kooool]

خذه مني الحين ...خبره مؤكد وموثووووووق ...عادل المطوع يصرح بعدم ورود اي شي يخص ايقاف البلاك بيري على برنامج الدار اللي خلص قبل شوي ...طبعا كنت اشوف البرنامج وانا اكل البلالييييييييط

[الخير كله]

لو اقطعوه بامريكا قطر بتقطعه...
وليش اصلا الخوف هالقد منه

[رجل الجزيرة]

خذه مني الحين ...خبره مؤكد وموثووووووق ...عادل المطوع يصرح بعدم ورود اي شي يخص ايقاف البلاك بيري على برنامج الدار اللي خلص قبل شوي ...طبعا كنت اشوف البرنامج وانا اكل البلالييييييييط

كلامك صحيح في برنامج الدار.

[STAR]

شكرا عالخبر عبالي قطر بتقطع الخدمة

[رجل الجزيرة]

لو اقطعوه بامريكا قطر بتقطعه...
وليش اصلا الخوف هالقد منه

ما أعتقد إن الخوف منها إلا مصالح إقتصادية بينهم وثاني شيء أصلا موجود لرجال الأعمال وزيادة خير خيرين للأفراد وياليتهم للكبار العاقلين وحتى البزران عندهم بلاك بيري وهذا إلي قاهرني والحمد الله لا أنا ولا عيالي عندنا البلاك بيري.

[رجل الجزيرة]

شكرا عالخبر عبالي قطر بتقطع الخدمة

عفوا بس السيد عادل: لهذه اللحظة لا يوجد قطع بس يمكن إسبوع الجاي يطلع قرار من سلطة أعلى.

[الراقيه سبشل]

ماسمعت شي مفيد بخصوص قطع البلاك بيري على برنامج الدار :omen2:

[غزلان]

خلوه ولا اقطعوه مايهم لأنه ماعندي

[Gh2o]

شدخل هيلري بالبلاك بري

[زايدي]

وانا اكل البلالييييييييط

crazy

[حبر سري]

انا في شغلة مستغرب منها

الامارات لما قررت تقطع , لان كان في مباحثات مع الشركة الام على شروط معينة , والشركة ماوافقت عليها , وطبعا لها حق توافق او ترفض , هنيه الامارات قررت تقطع

بس السعودية !!!والحين تبون قطر تقطع بعد!!!! ليش؟؟

الحين الكل صار يردد امن قومي وامن اجتماعي وامن وطني!! ولا حد بفاهم شسالفة

[hamoor4ever]

واصلا من قال لكم ان قطر بتقطعه وانا بعد اؤكد لكم ان الامارات راح تتراجع وتنحل الاشكاليه مع الشركه

[a7medooo]

تم منع البلاك بيري في لبنان ... المصدر قناة العربية

[بنت^البحرين1]

انزين والبحرين شلون ؟؟

انا صراحه خذته واعترف ماشفت منه ولا فايده غير المسنجر، النت فالبيت موجود والتلفزيون موجود.. بس طول الوقت قاطته وقبل النوم اجيك اقرى اللي طرشوه لي طول اليوم .. والحين مستلمينا بمسجات الطنازة ان بكرة السعودية بيقطعونه والبحرين وقطر ياييهم الدور وعمان مايندرى ان كانت عندهم هالخدمة او لا هههههههههههههههههههههه


صج البحرين بيقطعونا او لا؟؟

[hamoor4ever]

انزين والبحرين شلون ؟؟

انا صراحه خذته واعترف ماشفت منه ولا فايده غير المسنجر، النت فالبيت موجود والتلفزيون موجود.. بس طول الوقت قاطته وقبل النوم اجيك اقرى اللي طرشوه لي طول اليوم .. والحين مستلمينا بمسجات الطنازة ان بكرة السعودية بيقطعونه والبحرين وقطر ياييهم الدور وعمان مايندرى ان كانت عندهم هالخدمة او لا هههههههههههههههههههههه


صج البحرين بيقطعونا او لا؟؟

اختي دام ماخذته حق السوالف والهذره اكيد ماراح تستفيدين منه اقطعيه ابرك لج

[هذلان]

السلام عليكم


ياجماعه احترت انا في شغله .


خدمه البلاك بيري و التلفون بكبره كندي مش امريكي .

و اخبر قبل سنين كان فيه خبر على الجزيره الاخباريه . مفاد الخبر ان امريكا مسويه ضجه و سالفه طويله عريضه لانهم اكتشفو انه كندا تجسس على البيت الابيض و مسويه جهاز تلفون يغني عن الكمبيوتر يستخدم في المراسلات و الايميلات (الي هو البلاك بيري) بس في ذاك الوقت ماكنت اعرف شسالفه و يوم شفت البلاك بيري و عرفت شسالفته دريت انه هو الي كانو يقصدونه في الخبر الي قبل كم سنه

[بنت^البحرين1]

اختي دام ماخذته حق السوالف والهذره اكيد ماراح تستفيدين منه اقطعيه ابرك لج

والله ياخوي ناطره يقطعون الخدمة وبقطعه .. انا صج عندي لكن مب مدمنة عليه طول وقتي ماسكته لا احطه واروح ولين كنت فاضية ممكن اقعد اقرى او اكثر شي قبل النوم اشوف شالموجود .. لكن من المستحيل اني طالعه مكان اتمشى والا اتسوق وماسكته اكتب واضحك نفس الحركات اللي نشوفها لا ما اسوي جذي..

انزين شوروا علينا عقب البلاك بيري شنو يديد التلفونات ؟؟:nice:

[Sowaidi]

اعتقد اذا في نيه لقطع خدمة البلاك بيري فبتكون من الجهات الامنية في الدولة او المجلس الاعلى من الاتصالات ومب من كيوتل
http://www.you tube.com/watch?v=STmNYOArrRw

[القلم الصريح]

لو اقطعوه بامريكا قطر بتقطعه...
وليش اصلا الخوف هالقد منه





على فكره وهاذي معلومه اغلب الاعضاء ماتدري عنها

(البلاك بيري) كان وسيله من الوسائل الاتصال بين عملاء الموساد في اغتيال

محمود المبحوح في دبي ، فطالبت الامارات بعدة مرات من شركة الام الكنديه بسيرفر تراقب

الرسائل النصيه لبلاك بيري فقوبل برفض من الشركه مما ادى الى قرار قطع الخدمه

في الامارات ، فالسياسه والامن داخل في البلاك بيري

[جوال 11]

البلاك بري خدماته مفيدة لفئة من الناس لكن بعض الناس أستخدم خدماته بطريقة سيئة ، والأولى محاربة ما حرم الله في كتابه من شرب الخمر وغيرها من المنكرات .

[JN000N]

خدمة الرسايل فالبلاك بيري فالسعوديه اقطعوها خلاص :)

[البوررصة]

خلهم يقطعونة في قطر ونفتك منة

[بوخالد911]

الشركة الأم هي كندية

وش دخل امريكا

؟؟

[الشامسي]

والله ياخوي ناطره يقطعون الخدمة وبقطعه .. انا صج عندي لكن مب مدمنة عليه طول وقتي ماسكته لا احطه واروح ولين كنت فاضية ممكن اقعد اقرى او اكثر شي قبل النوم اشوف شالموجود .. لكن من المستحيل اني طالعه مكان اتمشى والا اتسوق وماسكته اكتب واضحك نفس الحركات اللي نشوفها لا ما اسوي جذي..

انزين شوروا علينا عقب البلاك بيري شنو يديد التلفونات ؟؟:nice:


i phone بلا منافس الصراحه

[الشامسي]

خدمة الرسايل فالبلاك بيري فالسعوديه اقطعوها خلاص :)


لا السعوديه ما قطعو الخدمه انا في السعوديه حاليا والكرت الي استعمله سعودي والخدمه شغاله 100% وكل شي تمام عندهم

[طريق سلوى]

شدخل هيلري بالبلاك بري

دخلها الفلوس الي بتروح عليهم