+++ للأسف ،، جريدة قطرية توكد بالخليج الفارسي +++

[jajassim]

http://up4.al-qatarya.org//uploads/images/al-qatarya-3271521c2d.png (http://up4.al-qatarya.org//uploads/images/al-qatarya-3271521c2d.png)


الخريطة (http://www.al-watan.com/data/20100805/pdf/local.pdf)


واضغط هنا لنفس الموضوع (http://www.qatarshares.com/vb/showthread.php?t=386315&highlight=%C7%E1%CE%E1%ED%CC+%C7%E1%DD%C7%D1%D3%ED )

[محمد عبدالرحمن]

مرحباً بعودتكم أخي الكريم JaJassim،


في نقطتين:

الحل أن يسمى "الخليج الإسلامي" فلا أعتقد أن الشعوب المسلمة قد ترفض هذا الخيار
لاحظ الخط الإستوائي الذي يمر وسطاً بين Soudia و Arabia، أراه باكورة مشروع شارع و قطار يربط بين القارة الإفريقية بدول الخليج فشرق آسيا


تحياتي،
محمد عبدالرحمن

[البدع]

اعجبني رايك

خليج اسلامي

فكرة ابداعية

[واحد 11]

عروبة الخليج العربي تمتد لحضارة 3000 سنة ...

ويجب محاسبة الجريدة وتقديم اعتذار للقطريين والخليجيين

[مسك روز]

يمكن الكاتب عنده ولاء لايران !!

[Index Signal]

يبدو أن الجريده تحاول الحصول على نصيب من الشهره التي سبقها إليها الفندق القطري ..!!

قمة الإفلاس .

[bittersweet]

اقترح نسميه الخليج الامريكي ..

[The Master]

الجريدة ما اذكرت الا الصدق...وهذا هو الواقع...

يعني الحين جات على المسمى وبترفعون قضيه وتبغون ناس اتأسف...

هذي جزيرة حوار...اسنين وانتوا اتقولون هي لنا وهي لنا...حنا اقرب لها من البحرين...لحد ماصدقتوا الكلام اللي اتقولونه...

ولما جا وقت الحق والحكم...راحت حق البحرين...

فا اعشقوا الراحه...عشان ما اتفشلون نفس ماصار مع البحرين...

[مرحوم قطر]

في شيبه و عنده علم ما شاء الله

قالي هو اصلا اسمه الخليج الفارسي و تسما ابهلاسلم من اصل عربي

يرجع للفارس ( فارس بن شهوان الشمري )


والله اعلم و على لسان الراوي

[غير عنهم]

يكثر الروات والخراط هاليومين يييييييييييييييييييييييالله ياكريم(هذا خليج عرب لازم ثقافه موجود زمان رويبضه قريب)

[المتألق]

الجريدة ما اذكرت الا الصدق...وهذا هو الواقع...

يعني الحين جات على المسمى وبترفعون قضيه وتبغون ناس اتأسف...

هذي جزيرة حوار...اسنين وانتوا اتقولون هي لنا وهي لنا...حنا اقرب لها من البحرين...لحد ماصدقتوا الكلام اللي اتقولونه...

ولما جا وقت الحق والحكم...راحت حق البحرين...

فا اعشقوا الراحه...عشان ما اتفشلون نفس ماصار مع البحرين...


اي صدق اي خرابيط

ياخي الخليج العربي هو الاسم الاصح والاقدم واغلبيه دول الخليج قريبه منه وعلى حدودها البحريه

وبخصوص حوار ترى المحكمه هي الي حكمت انها للبحرين وبعدين احنا والبحرين واحد

بس ام دوله الفرس تسمي الخليج الفارسي هذا مرفوض

ولو الموضوع عادي مثل ماتقول ماتشووف الايرانيين مهتمين كثير بان يطلق عليه الخليج الفارسي

وهذي اطماع وانا اخوك عشان بكره اذا استحلو الخليج يقلون هذي دول تابعه لنا

بس انت لك احتمالين

اما تكون غير ملم بالتاريخ العربي والاسلامي

او لك ميول ايرانيه

وشكراً

[العقل الحر]

في شيبه و عنده علم ما شاء الله

قالي هو اصلا اسمه الخليج الفارسي و تسما ابهلاسلم من اصل عربي

يرجع للفارس ( فارس بن شهوان الشمري )


والله اعلم و على لسان الراوي


متى سار فارس بن شهوان شمري !!

فارس بن شهوان بن منصور بن ضيغم العبيدي من عبيدة قحطان وسلالته موجوده لحد الان وهم ال شهوان من بني هاجر من عبيدة قحطان

وفارس بن شهوان يقول في قصيدته

يقول العبيدي والعبيدي فارس .................. مثايل من لبة القلب قايله
ملكت بحد السف تسعين قريه.................. والحمد للي ما تحصي فضايله
جاني من الوالد كتابٍ يشطني ................. يذكر على تيما توالي عوايله
نادى المنادي من مضافه فارس............... واللي يبي ا َلمغزا يدني رحايله
وقطعت انا الشطين وانا مهوجس................اوجس بقلبي من حامياتٍ نجايله
جريب شقران اللحى من ديارها................. ولا لي على الاتراك حَيل احايله
واليا هب نسناس العصير ودعيتهم.............. يشدون هيضات الدبا من مقايله
كل عبيدي على ظهر عنـــــدك................. مراً يمايلها ومراً تمايلــــــــــــه
أولهم ياطا على صم من الحجر ................. وتاليهم ياطا على رمل يهايلـه
ور‘دتهم جو تيما وسميــــــرا................. .. والحضر لا غدو تولا جلايلــــــه
أولهم مشروبه من جم صافي ................. واتلاهم مشروبه من توالي هضايله
شرطت للعلام تسعين بكره................. .... وعياني العلام ذهبت حمايلــــــــه
يقول ما فارق الميضاح يا مير باكر.............من عقربِ خبث الما مسايلــــــــه
ونقيت منهم خمس ميه عبيدي................. ...ضربتهم دوٍ قليل دلايلـــــــــه
وجينا فريق نازلين بسميرا ................. من صلب ضيغم كلهم من سلايلـــه
ساعة وصلناهم شبوا نار حربهم .............بضلع ريعانه من الدم سايلـــــــــه
جادوا بني عمُي وجادوا رفاقتي..............اهل سربةٍ بالكون بانت فعايله

الى اخر القصيده

ولا تنسب العرب بغير نسبها وتعلم

[MoneyMaker]

عندك الخطوط القطريه في كل طائراتها, فيه معلومات على دول الخليج ,كل دوله كاتبين انها تقع في الخليج الفارسي بما فيها قطر.

[دكان عباس]

للعلم يا اخوان ان اسم الخليج الفارسي على ما اعتقد موجود ومسجل حتى في الأمم المتحدة ارجوا من أحد الأخوان يصحح لي اذا معلومتي خطأ.

[الغيداء]

خرافة مسمى الخليج الفارسي


عبدالرحمن الخالدي


نشرت وكالة أنباء الجمهورية الإيرانية (أرنا) يوم السبت 17 يناير 2009 على موقعها الإلكتروني؛ خبراً به كثير من المبالغة والرؤية المتعاظمة للذات، وكان نص الخبر: ''تجري الدورة التاسعة عشر لمنافسات كأس دول الخليج الفارسي لكرة القدم حالياً في العاصمة العمانية مسقط باسم مزور بدلاً عن الاسم الحقيقي الذي هو (الخليج الفارسي)''، والمقصود بالاسم المزور حسب اعتقاد كاتب الخبر هو مسمى (كأس الخليج العربي)، إذ اعتبرت وكالة الأنباء الإيرانية أن مسمى الخليج العربي هو تزوير لاسم الخليج الفارسي حسب اعتقادها، وهي وكالة أنباء رسمية وتعكس بالطبع التوجه السياسي الرسمي لكبار الساسة في تلك الجمهورية بخصوص تسمية الخليج الفارسي، وقد ذكر الرئيس الإيراني أحمدي نجاد عبارة ''الخليج الفارسي'' ثلاث مرات متتالية أثناء لقائه التلفزيوني على قناة العربية، وفاجأنا نائب الرئيس الإيراني محسن ميرعلي زاول بتصريحه الذي نقله التليفزيون الإيراني بتهديد بلاده بمقاطعة دورة الألعاب الآسيوية التي تستضيفها قطر إذا استخدم المنظمون كلمة الخليج العربي بدلاً من الخليج الفارسي. وهو مطلب غريب في هذا التوقيت ولا يتناسب مع علاقات حسن الجوار التي تطالب بها دول الخليج العربية مع إيران، وهو ما تجسد خلال قمة المنامة التي جددت دعوتها لإيران بإعادة جزر الإمارات الثلاث المحتلة بالطرق السلمية أو اللجوء لمحكمة العدل الدولية.

ولا أعلم سبب الانزعاج والحساسية المفرطة من قبل الجهات الإيرانية من تسميتنا لخليجنا الغالي بـ''الخليج العربي''، وهو الاسم الصحيح التي تؤكد جميع الدلالات التاريخية على صحته مع اعتراف جميع دول العالم باسم الخليج العربي فقط، ومن كان يسمي الخليج العربي بالخليج الفارسي تراجع عن هذه التسمية ورجع للتسمية الصحيحة، وتم شطب مسمى الخليج الفارسي من سجلات متحف اللوفر والمتحف الوطني الدنماركي، الذي يعتبر من أشهر المتاحف الجيولوجية والتاريخية وفي مجال البحث عن الآثار في الشرق الأوسط، وقد هاجم عضو في محافظة كوبنهاجن الدنماركية المتحف الوطني الدنماركي على خلفية تسميته الخليج العربي وليس الفارسي.

واتهم عضو المحافظة رضا تاريميان -من أصل إيراني أرمني- موظفي المتحف بالتودد للعرب الذين يسكنون منطقة الخليج بإطلاق مسمى الخليج العربي بديلاً لـ''الفارسي'' المعترف بها حسب زعمه في الأمم المتحدة.

لكن المتحف أصر على تسمية الخليج بالعربي بناء على أدلة تاريخية اكتشفها الباحثون التاريخيون في المتحف من خلال الحفريات والتنقيب في منطقة الخليج العربي تثبت أنه عربي منذ آلاف السنين. وطالب تاريميان بتدخل الحكومة الدنماركية ووزارة الثقافة لدى إدارة المتحف لتغيير الاسم، ولكن الحكومة الدنماركية لم تتدخل في حل هذه القضية دبلوماسياً وتركتها للمتحف الوطني ليعلن أن الخليج عربي وليس فارسياً.

الخليج عربي 100٪ وجميع الجزر فيه عربية وكانت معاقل وقواعد لكثير من القبائل العربية، وإذا كان المدعون يدعون بأن الخليج فارسي فهو ادعاء باطل والدليل أن سكان ساحل إيران عرب الأصل نزحوا من الضفة الثانية للخليج وأسسوا دولاً تتمتع بسيادة عربية خالصة، وعملت إيران على مضايقة هؤلاء السكان بتوطين سكان من وسط إيران لتغيير التركيبة العربية الخالصة لسكان الساحل المقابل من الخليج العربي تمهيداً للادعاء بفارسية الخليج، وهناك كثير من الأدلة التاريخية التي تثبت عروبة الخليج (العربي) وتنفي خرافة ما يسمى زوراً وبهتاناً بـ(الخليج الفارسي).

ومنها على سبيل المثال لا الحصر أن الفرس كانوا لا يعرفون الملاحة البحرية فكيف لدولة يتسمى الخليج باسمها لا يتقن أهلها ركوب البحر ولا علم لديهم بالملاحة البحرية؟!!، جدير بالذكر أن المهن التي تتعلق بالبحر كانت لا تمارس إلا من قبل العرب بالغوص لصيد اللؤلؤ مثلاً لم يعرفه الفرس، واقتصرت ممارسته على العرب. وكذلك صيد الأسماك وكل ما يتعلق بالأساطيل البحرية حتى إن نادر شاه عندما تنبه إلى أن فارس التي تقع على بحرين ولا تمتلك أسطولاً، قرر إنشاء أسطول اعتمد في بنائه على العرب. وعندما عين نادر شاه ميرزا مهدي قائداً لأسطوله لم يكن قد سبق لذلك الأميرال أن شاهد سفينة في البحر. وعند وفاة نادر شاه كان القائدان الموجودان للأسطول عربيين.

ويرجع المؤرخون ابتعاد الفرس عن المهام المتعلقة بالبحر إلى نفورهم منه لكونهم سكان جبال. ومما يدعو للغرابة حقاً هو أن النظام الشاهنشاهي عندما تعوزه الحجة لتبرير هذه التسمية، يعتد بأن نفوذ فارس حصل في منطقة الخليج لفترات متقطعة ولأماكن معينة، وفات الحكومة الإيرانية أن هذه الحجة لا يمكن الاعتداد بها مطلقاً لسببين:

أولهما: أنه لو أخذ بها لأعيد النظر بخارطة العالم مما يوجب اختفاء دول وبروز دول أخرى.

وثانيهما: أن فارس أصبحت جزءاً من الدولة العربية الإسلامية منذ القرن السابع الميلادي حتى قيام دولة الصفويين في بداية القرن السادس عشر. وهكذا لم تعد هناك دولة فارسية طوال تلك الحقبة. وحتى بعد أن قامت خضع جزؤها الغربي وكذلك الجنوبي الشرقي وبعض السواحل الجنوبية على الخليج لقبائل عربية منذ بداية القرن الثامن عشر ولأكثر من قرن. ونشأت مشيخات تخضع تارة لسيادة فارسية شكلية وأخرى مستقلة عنها.

ولاتزال بعض تلك القبائل تقطن ذلك الساحل حتى يومنا هذا رغم سياسة التهجير والاضطهاد ورغم هذا كله فإن حججاً كهذه لا يمكن الاعتداد بها. للحديث بقية..

كاتب وشاعر بحريني

http://www.alwatannews.net/index.php...&columnID=1067

[البنـدري]

واحسرتااه بس :(

[Q_Invest]

يعني الفرس حضارة ودولة قبل العرب بمئات السنين ... وماكان يجابهم في القوة اﻻ الروم ,,, يعني تقبلون ببحر الروم وﻻ تقبلون بالخليج الفارسي ..

العرب ما قامت لهم دولة اﻻ باﻻسلام ... ولا اشغلوا انفسهم بالمسميات ....

خليج فارسي وﻻ عربي ... المهم ﻻ تخلون العصبية تعمي عيونكم وتصكر عقولكم ...

ترا اﻻحقية واﻻسبقية في المسمى الفارسي ... وكل الخرائط القديمة تتطلق عليه الخليج الفارسي ...

عندكم بحر العرب مسمى عليكم ... وﻻ احد اعترض ...

[الأصيلة]

متى سار فارس بن شهوان شمري !!

ولا تنسب العرب بغير نسبها وتعلم

قالوا لك شيبه يعني مخرف وضايعه خرايط راسه...

[الأصيلة]

عندك الخطوط القطريه في كل طائراتها, فيه معلومات على دول الخليج ,كل دوله كاتبين انها تقع في الخليج الفارسي بما فيها قطر.

:telephone:أكبرالباكر

[بوخالد2]

بالنسبه للمسمى هذا شي مرفوض فيه الصراحه


بس نرجع للتاريخ شوي وره والى الكتب التاريخيه القديمه قبل ظهور النفط و امور اخرى

كان لاوجود للخليج العربي في سنه 1670م اعتقد اذا ماخانتني السنه كانت كل العرب و قبائلها تصيف في الطائف و والعراق ( الكوت ) و بر عرب فارس كان القحط شديد عليهم

فهاجروا الى بلاد فارس منهم من جلس و عاش وخرجت الاججيال من بعده

ومنهم من رجع بعد ظهور النفط

فلاتستغرب من وجود قبائل عربيه هناك في بر فارس

وقبائل كبيره في الخليج العربي

يمكن نفس الاخ اللى قال قبلي يمكن مسجله من قبل الدوله البريطانيه العضمى (( الخليج الفارسي ))

ولكن يجب ان لايسمى بالاسم هذا لكونه كله يحمل المذهب الاسسلامي السني

[sara jsm]

:) خاطري اعرف هالاسم وش راح يحقق في النهاية ؟؟
اذا انكتب العربي ,, شنو راح يصير ؟؟
واذا انكتب الفارسي ,, شنو راح يتغير ؟؟
بلبله عالفاضي :nice:

[الشقيان]

يكثر الروات والخراط هاليومين يييييييييييييييييييييييالله ياكريم(هذا خليج عرب لازم ثقافه موجود زمان رويبضه قريب)

:nice:

[المتألم]

يجب محاسبة الجريدة ومعاقبتها

[مرحوم قطر]

متى سار فارس بن شهوان شمري !!

فارس بن شهوان بن منصور بن ضيغم العبيدي من عبيدة قحطان وسلالته موجوده لحد الان وهم ال شهوان من بني هاجر من عبيدة قحطان

وفارس بن شهوان يقول في قصيدته

يقول العبيدي والعبيدي فارس .................. مثايل من لبة القلب قايله
ملكت بحد السف تسعين قريه.................. والحمد للي ما تحصي فضايله
جاني من الوالد كتابٍ يشطني ................. يذكر على تيما توالي عوايله
نادى المنادي من مضافه فارس............... واللي يبي ا َلمغزا يدني رحايله
وقطعت انا الشطين وانا مهوجس................اوجس بقلبي من حامياتٍ نجايله
جريب شقران اللحى من ديارها................. ولا لي على الاتراك حَيل احايله
واليا هب نسناس العصير ودعيتهم.............. يشدون هيضات الدبا من مقايله
كل عبيدي على ظهر عنـــــدك................. مراً يمايلها ومراً تمايلــــــــــــه
أولهم ياطا على صم من الحجر ................. وتاليهم ياطا على رمل يهايلـه
ور‘دتهم جو تيما وسميــــــرا................. .. والحضر لا غدو تولا جلايلــــــه
أولهم مشروبه من جم صافي ................. واتلاهم مشروبه من توالي هضايله
شرطت للعلام تسعين بكره................. .... وعياني العلام ذهبت حمايلــــــــه
يقول ما فارق الميضاح يا مير باكر.............من عقربِ خبث الما مسايلــــــــه
ونقيت منهم خمس ميه عبيدي................. ...ضربتهم دوٍ قليل دلايلـــــــــه
وجينا فريق نازلين بسميرا ................. من صلب ضيغم كلهم من سلايلـــه
ساعة وصلناهم شبوا نار حربهم .............بضلع ريعانه من الدم سايلـــــــــه
جادوا بني عمُي وجادوا رفاقتي..............اهل سربةٍ بالكون بانت فعايله

الى اخر القصيده

ولا تنسب العرب بغير نسبها وتعلم



يعني الشيخ خلص الموضوع كامل و النشبه صارة شمري لا هاجري وانا انسب العرب البعضها



ياخي ماعليك من الكلام الي ماله معنا و شوف المهم من الرد

[<اضرب واشرد>]

اللي قال لك أن اسم الخليج الفارسي على شخص يدعى ( فارس الشمري )

إما أنه ماكان في وعيه وإما أنه كذب عليك

وأنت تنقل الخبر عنه وأنت تدري أنه خرطي أكثر من المنقول إليهم. :)

يالغالي اسم ( الفُرس وفارسي ) موجود على أيام الجاهلية ، هذا اسم يدل على عرق لا أكثر ولا أقل ، مانقول الروم على واحد اسمه رومي ولا الأحباش على واحد اسمه حبش.

عموما كل اللي يصير سياسيا يضحكني ( أتخيل الدول يهال يتهاوشون ) ، خاصة ايران عقلها صغير الصراحة ، للعلم تراهم يحاربون اللغة العربية بين العرب في بلادهم ويحاولون يهمشونها ويطمسونها على حساب لغتهم .. مع أنهم يدعون التمسك بالدين !! وتعلم العربية من الدين لأنه يعين على فهم القرآن والسنة ، وما لا يتم الواجب إلا به فهو واجب.

حتى لو كان الاسم التاريخي في الكتب والخرايط الخليج الفارسي ، نلاحظ أن العرب هم من يتواجد على ضفتي الخليج الشرقية والغربية ، في ضفة ايران دولة الأهواز المُحتلة :
http://www.islamonline.net/arabic/arts/2005/05/images/pic03b.gif

وفي الضفة الأخرى دول الخليج الست ، بالإضافة إلى العراق الذي يطل على الخليج من شط العرب.

يعني الخليج محاط بالدول العربية وبعدد 8 دول !! ( السابعة العراق والثامنة الأهواز المحتلة )




أخيرا هذا يدل على أن ايران دولة قومية متعصبة جدا لقوميتها وعرقها ، وليست اسلامية كما تدعي ، وإن لبست لباس الدين .. فهو غطاء لتحقيق مصلحتها القومية والعرقية.

[freespirit]

يا الربع ترى مكبرين الموضوع انتو ^_^

ترى اسمه بالانجليزي الخليج الفارسي persian gulf هو اسمه جي .. بالعربي اسمه الخليج العربي ..

يعني تبي تروح للانقليز كلهم تقول لهم لو سمحتو لاتقولون للرجال man ترى اسمه رجال rajal ؟؟؟

الله عرفناه بالعقل .. والدنيا الحين خلاص متقسمه .. اسمه اللي اسمه ايران ما راح تقول هذي مياهي الدوليه عشان اسمها بيرشان قلف .. خلو عنكم الحركات ^_^

تحياتي

[النائب]

جريدة الوطن ممكن لها عروق فارسية فلا عجب إن كتبت خليج فارسي .

بس المنتدى طلع فيه فوارس مو فارسي مؤيدين للإسم الله يكفينا شرهم .

[Qatar.N]

جريدة الوطن ممكن لها عروق فارسية فلا عجب إن كتبت خليج فارسي .

بس المنتدى طلع فيه فوارس مو فارسي مؤيدين للإسم الله يكفينا شرهم .

:omg: :eek5: :omg:

[Index Signal]

يا الربع ترى مكبرين الموضوع انتو ^_^

ترى اسمه بالانجليزي الخليج الفارسي persian gulf هو اسمه جي .. بالعربي اسمه الخليج العربي ..

يعني تبي تروح للانقليز كلهم تقول لهم لو سمحتو لاتقولون للرجال man ترى اسمه رجال rajal ؟؟؟

الله عرفناه بالعقل .. والدنيا الحين خلاص متقسمه .. اسمه اللي اسمه ايران ما راح تقول هذي مياهي الدوليه عشان اسمها بيرشان قلف .. خلو عنكم الحركات ^_^

تحياتي



المشكله مش بالترجمه مثل ما إنت فاهم ..!!

بالإنجليزي هم يسمونه Persian Gulf وإحنا نسميه Arabian Gulf

المسأله أكبر من إسم مثل ما البعض فاهم و مهوّن الموضوع ..!!

لأن إذا وافقناهم على مسماهم راح يكون لهالشي تبعات و مطالبات تتعدى المسمى ..

التيس أقصد الذيب ما يهرول عبث .

[بـن عدوان]

يعني الفرس حضارة ودولة قبل العرب بمئات السنين ... وماكان يجابهم في القوة اﻻ الروم ,,, يعني تقبلون ببحر الروم وﻻ تقبلون بالخليج الفارسي ..

العرب ما قامت لهم دولة اﻻ باﻻسلام ... ولا اشغلوا انفسهم بالمسميات ....

خليج فارسي وﻻ عربي ... المهم ﻻ تخلون العصبية تعمي عيونكم وتصكر عقولكم ...

ترا اﻻحقية واﻻسبقية في المسمى الفارسي ... وكل الخرائط القديمة تتطلق عليه الخليج الفارسي ...

عندكم بحر العرب مسمى عليكم ... وﻻ احد اعترض ...


ايوااااااااا :eek5:

[الصريحه]

انا معاكم الموضوع ابتدا بفكره وقام يتوسع
الخطوط لان صاحبها ايراني كتب اللي يبيه واللي في خاطره
والدول الاجنبيه سمته بهذا المسمى علشان تحركش العرب بايران
بس معروف انه عربي
اخاف بكره بعد بتقولون قطر اصولها فارسيه بس تجزات عن ايران وانفصلت

[مرحوم قطر]

ما شاء الله كل امورنا و سمياتنا القديمه خذناها من الشيبان

حتى اسمي و عيلتي خدتها من ابوي و جدي

الحين الشياب طلعوا مخرفين يا شباب اول شي انا قلت على لسان الراوي و قلت الله اعلم

يعني انا مب متاكد مثل الاخ الي يقول ان ادري ان كلام فاضي و الثاني الي يقول عن رجال كبر جده تراه مخرف


يعني ماقول الا الله على الاحترام و الاخلاق و الادب


ثاني شي الي يقول انه هاجري مب شمري انا ترى مالي لا بالهواجر ولا شمر هذا اول شي ثاني شي

انا ما اعرفه اصلا ولا قد قريت عنه ان جبت المعلومه من لسان رجال ماله لا بالهواجر ولا شمر من السان كعبي

و قلت على لسان الراوي و قلت الله اعلم

وانا اجيب لكم معلومات الحين عن فارس بن شهوان من من مخباي ولا من كتب معتمده

انا اجيب من معلومات عامه على النت مثل انساب اون لاين و غيره من مواقع يعتمدون عليها ناس وايد

جميع المواقع الي قريت فيها عن فارس بن شهوان تقول انه شمري مب هاجري

و على فكره انا مالي لا في شمر ولا في بني هاجر انا خالدي و خوالي الساده يعني لا من قريب ولا بعيد



بس شفتو شلون لفيتو و طلعتوا من الموضوع خير شر و قلبتوه موضوع انساب مع انه موضوع ثاني


الموضوع بعضكم مايقدر يفكر فيه عدل لان تفكيره صغير تفكير قبايل و ماعرف ايش


بس ايران لما فكرت فكر صح

ايران حاصرتها امريكا قبل العراق ابكم سنه


في فترة الحصار بعد انتهاء الحرب الايرانيه العراقيه الي دول الخليج كتت فيها كت على العراق من خيرها شصار


ايران تمت ساكته و راضيه ابكل شي و بالعه العله الي جاتها

و العراق شسوت ؟.؟

احتلت الكويت و ايران استفادة من هلموضوع بقايدة امريكا طبعاً

حيث ان العراق تدمر وهو كان من اقوى القوى في المنطقه و في نفس الوقت العالم كله نسى ايران و افتر على العراق


تدرون لو تفكرون فيها و على مدى بعيد و من خلال واقع حنى نعيشه الحين و من خلال الاحداث الي قاعده تصير


يوم غزى صدام حسين الكويت و حاربته كل دول الخليج انا ما اايد غزو الكويت بالعكس

بس

اي احسن و بيكون اهون علينه صدام حسين و البعثيين ولا احمد نجاد و الشيعه

اهني المعادله


طول عمرنا من استوينا نعرف ان الخليج اسمه الخليج العربي و محد يقدر يقول هلكلام

ولا نعرف شيعي ولا نعرف سني

ولا نعرف هلسوالف و تمينه ظايعين و ايران محاصره

و بعد هلحصار وبعد ما انزاح صدام حسين من السالفه و مات و العراق امسكوها الشيعه وش الي صار ؟.؟


بدة تصريحات تطلع من ايران الي ماكنه نسمع لها حس و كنه نعتبرهم ناس اغبيه اقصاهم مقهويين و زراعين

و طول اليل ظرب قدو و نطلع نكت عليها


و اليوم بعدة ما قامت تطلع التصريحات و نسمع

قمنا نشوف ايران تهدد اقوى دول وهي امريكا الي محد من دول الخليج يقدر يكلمها


في وقت قطر و السعوديه و باقي دول الخليج يستوردون الغتر الي يلبسونها على روسهم من ايطاليا و الصين


ايران تعلن انها سوة مصنع سيارات ايراني بحت


في الوقت الي قطر و السعوديه و باقي دول الخليج تستورد ابسط متطلبات الحياة من امريكا و الدول الغربيه


ايران كل يوم تعلن و تطلع المصانع و تطلع كل شي في التلفزيون و شوفوا حنى لين وين وصلنا


في وقت قطر و السعوديه و كل دول الخليج تستورد الصجمه و السكين و النباطه من بره


ايران كل فتره و فتره تطلع و تعلن عن قيامها بانشاء مصنع اسلحه جديد و قيامها بانشاء صواريخ و اسلحه

قريبه و بعيدة المدا صاروخ منها ينزل على حدا دول الخليج يدمرها



اشوي شوي شقامت تسوي بعد ما ثبتت رجلها في طمب الكبرى و طمب الصغرى و ابوموسى ؟.؟


قامت اتطالب و ابشكل قوي بالبحرين حتى انها قامت تقول بحرين ايرانيه بحته


و شوفوا شيصير في البحرين كل يوم تفجير و كل يوم حرايق من الشيعه و مهما سوة لهم حكومة البحرين

مايطلع في عينهم


السؤال اهني هل لان شيعة البحرين ما يترس عينهم شي او في سبب ثاني ؟.؟

و اعتقد ان في سبب ثاني وهو ان ايران هي الي تمولهم و تامرهم عشان شنو عشان تظعف اكثر من ماهي ظعيفه


و تقدم ايران خطوه جديده من خطوات الهلال الشيعي هلخطوه ماتكون في يوم و ليله

لان الحين الشعوب و الناس وعة اذا ايران احتلة البحرين بتكون في مقاومه من كل دول الخليج


اما اذا بدة ايران في تسمة الخليج العربي بالخليج الفارسي و تداول هلاسم بكره بصير احتلال هلمناطق شي سهل

لان اذا تداول في عقولنا مسمى الخليج الفارسي بيصير عندنا سهل تداول مسمى بلادنا تابعه للفرس




في دبي الي يتمشى فيها يحس انه في ايران من كثر العجم الي يلبسون اثياب الايرانيات و المحلات و الاسواق

و المجمعات و الفنادق الي كلهم مكتوب عليها و بالخط الفراسي الجمهوريه الايرانيه الاسلاميه

كذا و كذا مع الوقت بيصير سهل و بسيط عليها احتلال دبي لان خلاص الفكر تعود على شوفة الايرانيين

مثل البحرين الي اساساً قريب النص منها شيعه و كل شيعة البحرين باعتراف منهم موالين بشكل كامل لايران

و يطالبون بحكم شيعي من خلال قيادة الثوريه الاسلاميه الي تتبع قم


و اهني المسفيد من هلشي اثنين الاول ايران حققة طموحها و سوة الهلال الشيعي

بمساعدة امريكا الي هي المستفيد الثاني للحصول و بسهوله على بترول و خيرات الخليج



و الي ماكل هوا اهل الخليج


روحوا حق الشيبان و العجايز الي اعمرهم من الخمسين و الستين

و اسالوهم وش سوو الشاه و من بعده الخميني في اهل الاحواز

شلون قدروا يسطرون على فارس الي هي الاحواز

شلون اعدموا الشيخ مذكور بن جباره النصوري الخالدي الي من بني مخزوم العربي البحت

شلون جمعوا شيوخ القبايل العربي شيوخ تميم و غيرهم و ذبحوهم


شلون كانوا يجمعون العربي و يخيرونهم بين التشيع او الابعاد و لما يختارون الابعاد يودونهم و رى جبال فارس

و يذبحونهم عشان ينهون الوجود السني في الاحواز و اسالوهم عن الهجره الشيعيه

و شوفوا شلون و صلة الى منع العرب السنه من المساجد السنيه





و الخلاصه يرجى عدم النظر الى التفاهات و النظر الى الموضوع الحقيقي

و يرجى الي الغرض من اعادة فتح موضوع المسميات ترى الموضوع اكبر من اسم

ممكن يكون صحيح اسم الخليج هو الخليج الفارسي و ممكن صحيح يكون اسمه ينسب الى فارس بن شهوان

بس حالياً صار اسمه الخليج العربي و لو نشوف ان افغانستان مثلاً كان اسمها غير

و دول عربيه كان اسمها مختلف بس المغزى شي ثاني وهو الوصول لغاية تشبع الحقد الدفين عند الايرانيين

[العقل الحر]

ما شاء الله كل امورنا و سمياتنا القديمه خذناها من الشيبان

حتى اسمي و عيلتي خدتها من ابوي و جدي

الحين الشياب طلعوا مخرفين يا شباب اول شي انا قلت على لسان الراوي و قلت الله اعلم

يعني انا مب متاكد مثل الاخ الي يقول ان ادري ان كلام فاضي و الثاني الي يقول عن رجال كبر جده تراه مخرف


يعني ماقول الا الله على الاحترام و الاخلاق و الادب


ثاني شي الي يقول انه هاجري مب شمري انا ترى مالي لا بالهواجر ولا شمر هذا اول شي ثاني شي

انا ما اعرفه اصلا ولا قد قريت عنه ان جبت المعلومه من لسان رجال ماله لا بالهواجر ولا شمر من السان كعبي

و قلت على لسان الراوي و قلت الله اعلم

وانا اجيب لكم معلومات الحين عن فارس بن شهوان من من مخباي ولا من كتب معتمده

انا اجيب من معلومات عامه على النت مثل انساب اون لاين و غيره من مواقع يعتمدون عليها ناس وايد

جميع المواقع الي قريت فيها عن فارس بن شهوان تقول انه شمري مب هاجري

و على فكره انا مالي لا في شمر ولا في بني هاجر انا خالدي و خوالي الساده يعني لا من قريب ولا بعيد



بس شفتو شلون لفيتو و طلعتوا من الموضوع خير شر و قلبتوه موضوع انساب مع انه موضوع ثاني


الموضوع بعضكم مايقدر يفكر فيه عدل لان تفكيره صغير تفكير قبايل و ماعرف ايش


بس ايران لما فكرت فكر صح

ايران حاصرتها امريكا قبل العراق ابكم سنه


في فترة الحصار بعد انتهاء الحرب الايرانيه العراقيه الي دول الخليج كتت فيها كت على العراق من خيرها شصار


ايران تمت ساكته و راضيه ابكل شي و بالعه العله الي جاتها

و العراق شسوت ؟.؟

احتلت الكويت و ايران استفادة من هلموضوع بقايدة امريكا طبعاً

حيث ان العراق تدمر وهو كان من اقوى القوى في المنطقه و في نفس الوقت العالم كله نسى ايران و افتر على العراق


تدرون لو تفكرون فيها و على مدى بعيد و من خلال واقع حنى نعيشه الحين و من خلال الاحداث الي قاعده تصير


يوم غزى صدام حسين الكويت و حاربته كل دول الخليج انا ما اايد غزو الكويت بالعكس

بس

اي احسن و بيكون اهون علينه صدام حسين و البعثيين ولا احمد نجاد و الشيعه

اهني المعادله


طول عمرنا من استوينا نعرف ان الخليج اسمه الخليج العربي و محد يقدر يقول هلكلام

ولا نعرف شيعي ولا نعرف سني

ولا نعرف هلسوالف و تمينه ظايعين و ايران محاصره

و بعد هلحصار وبعد ما انزاح صدام حسين من السالفه و مات و العراق امسكوها الشيعه وش الي صار ؟.؟


بدة تصريحات تطلع من ايران الي ماكنه نسمع لها حس و كنه نعتبرهم ناس اغبيه اقصاهم مقهويين و زراعين

و طول اليل ظرب قدو و نطلع نكت عليها


و اليوم بعدة ما قامت تطلع التصريحات و نسمع

قمنا نشوف ايران تهدد اقوى دول وهي امريكا الي محد من دول الخليج يقدر يكلمها


في وقت قطر و السعوديه و باقي دول الخليج يستوردون الغتر الي يلبسونها على روسهم من ايطاليا و الصين


ايران تعلن انها سوة مصنع سيارات ايراني بحت


في الوقت الي قطر و السعوديه و باقي دول الخليج تستورد ابسط متطلبات الحياة من امريكا و الدول الغربيه


ايران كل يوم تعلن و تطلع المصانع و تطلع كل شي في التلفزيون و شوفوا حنى لين وين وصلنا


في وقت قطر و السعوديه و كل دول الخليج تستورد الصجمه و السكين و النباطه من بره


ايران كل فتره و فتره تطلع و تعلن عن قيامها بانشاء مصنع اسلحه جديد و قيامها بانشاء صواريخ و اسلحه

قريبه و بعيدة المدا صاروخ منها ينزل على حدا دول الخليج يدمرها



اشوي شوي شقامت تسوي بعد ما ثبتت رجلها في طمب الكبرى و طمب الصغرى و ابوموسى ؟.؟


قامت اتطالب و ابشكل قوي بالبحرين حتى انها قامت تقول بحرين ايرانيه بحته


و شوفوا شيصير في البحرين كل يوم تفجير و كل يوم حرايق من الشيعه و مهما سوة لهم حكومة البحرين

مايطلع في عينهم


السؤال اهني هل لان شيعة البحرين ما يترس عينهم شي او في سبب ثاني ؟.؟

و اعتقد ان في سبب ثاني وهو ان ايران هي الي تمولهم و تامرهم عشان شنو عشان تظعف اكثر من ماهي ظعيفه


و تقدم ايران خطوه جديده من خطوات الهلال الشيعي هلخطوه ماتكون في يوم و ليله

لان الحين الشعوب و الناس وعة اذا ايران احتلة البحرين بتكون في مقاومه من كل دول الخليج


اما اذا بدة ايران في تسمة الخليج العربي بالخليج الفارسي و تداول هلاسم بكره بصير احتلال هلمناطق شي سهل

لان اذا تداول في عقولنا مسمى الخليج الفارسي بيصير عندنا سهل تداول مسمى بلادنا تابعه للفرس




في دبي الي يتمشى فيها يحس انه في ايران من كثر العجم الي يلبسون اثياب الايرانيات و المحلات و الاسواق

و المجمعات و الفنادق الي كلهم مكتوب عليها و بالخط الفراسي الجمهوريه الايرانيه الاسلاميه

كذا و كذا مع الوقت بيصير سهل و بسيط عليها احتلال دبي لان خلاص الفكر تعود على شوفة الايرانيين

مثل البحرين الي اساساً قريب النص منها شيعه و كل شيعة البحرين باعتراف منهم موالين بشكل كامل لايران

و يطالبون بحكم شيعي من خلال قيادة الثوريه الاسلاميه الي تتبع قم


و اهني المسفيد من هلشي اثنين الاول ايران حققة طموحها و سوة الهلال الشيعي

بمساعدة امريكا الي هي المستفيد الثاني للحصول و بسهوله على بترول و خيرات الخليج



و الي ماكل هوا اهل الخليج


روحوا حق الشيبان و العجايز الي اعمرهم من الخمسين و الستين

و اسالوهم وش سوو الشاه و من بعده الخميني في اهل الاحواز

شلون قدروا يسطرون على فارس الي هي الاحواز

شلون اعدموا الشيخ مذكور بن جباره النصوري الخالدي الي من بني مخزوم العربي البحت

شلون جمعوا شيوخ القبايل العربي شيوخ تميم و غيرهم و ذبحوهم


شلون كانوا يجمعون العربي و يخيرونهم بين التشيع او الابعاد و لما يختارون الابعاد يودونهم و رى جبال فارس

و يذبحونهم عشان ينهون الوجود السني في الاحواز و اسالوهم عن الهجره الشيعيه

و شوفوا شلون و صلة الى منع العرب السنه من المساجد السنيه





و الخلاصه يرجى عدم النظر الى التفاهات و النظر الى الموضوع الحقيقي

و يرجى الي الغرض من اعادة فتح موضوع المسميات ترى الموضوع اكبر من اسم

ممكن يكون صحيح اسم الخليج هو الخليج الفارسي و ممكن صحيح يكون اسمه ينسب الى فارس بن شهوان

بس حالياً صار اسمه الخليج العربي و لو نشوف ان افغانستان مثلاً كان اسمها غير

و دول عربيه كان اسمها مختلف بس المغزى شي ثاني وهو الوصول لغاية تشبع الحقد الدفين عند الايرانيين

اخوي انت الى جايب الطاري وغيرت الموضوع وانا مب مستمر فيه في هذا الموضوع لانه يحتوي على شي اخر ولا في العام

وراجع الخاص وبتعرف

[PLATINUM]

وايش الفايده لو كان اسمه الخليج الفارسي او الخليج العربي

تراه اسم لا راح ولا جى

اذا الدفنه صار اسمها عنيزه

وبوهامور صارت مسيمير

عادي الا اسم

[freespirit]

المشكله مش بالترجمه مثل ما إنت فاهم ..!!

بالإنجليزي هم يسمونه Persian Gulf وإحنا نسميه Arabian Gulf

المسأله أكبر من إسم مثل ما البعض فاهم و مهوّن الموضوع ..!!

لأن إذا وافقناهم على مسماهم راح يكون لهالشي تبعات و مطالبات تتعدى المسمى ..

التيس أقصد الذيب ما يهرول عبث .

يا طويل العمر, اسمه في الامم المتحده persian gulf ,, العرب كانو يسمونه ايام اول بحر البحرين .. بحر القطيف .. خليج البصره ,, وبحر فارس ,,وفي الستينيات بدو يقولون له الخليج العربي

واحنا نسميه الخليج,, لا عربي ولا فارسي.. شوف دول مجلس التعاون الخليجي؟ ليش ما قلنا دول مجلس تعاون الخليج العربي؟

ولايبدون لي العالم انت من فارس ولا عندك اجنده .. اللي يبي اسمي وصوره الجواز يكلمني خاص :s

وعلى العموم اسم ما فرق.. المحيط الهندي محاوط استراليا من ثلاث جهات .. ماشفنا استراليا تنقز تقول نبي نسميه المحيط الاسترالي؟

المحيط الاطلنطي بين دول اوروبا والامريكتين .. ليش ما سموه المحيط الغربي؟

انا اسمي خالد .. لو سموني عتريس.. بتطول ايديني؟ بيتغير شكلي؟ بيصير لي ولاء لصعيد مصر؟ هههههههه

تحياتي

[ALHAJAJI]

كانوا زمان يكتبون (دول مجلس التعاون لدول الخليج العربي).

امس اطالع مبارة الامارات والكويت في ملعب اسباير كاتبين ( كأس مجلس التعاون ).

يعني الخليج العربي قاعد يتسحب شوي شوي شوي لين تصير الاجيال القادمة ما تعرف شئ وراح يقولون احنا اللي نعرفه ان اسمه كان كذا ....

وااليوم صحيفة الوطن منزلة خارطة وفيها مكتوب الخليج الفارسي والخطوط القطرية مثل ما يقول الاخوان نفس الشئ خارطتهم ما تغيرت , واحد الفنادق اعتقد الموفمبيك خارطتة ما تغيرت ,, وبكره مدري الدور على من
صراحة .

بكره ايران راح تجبر كل من قدم اليها ان اي معلومة في اوراقة تثبت عربية الخليج , فعلية ان يعود من حيث اتى , حتى يرضخ الجميع لمطالبهم .

[Index Signal]

يا طويل العمر, اسمه في الامم المتحده persian gulf ,, العرب كانو يسمونه ايام اول بحر البحرين .. بحر القطيف .. خليج البصره ,, وبحر فارس ,,وفي الستينيات بدو يقولون له الخليج العربي

واحنا نسميه الخليج,, لا عربي ولا فارسي.. شوف دول مجلس التعاون الخليجي؟ ليش ما قلنا دول مجلس تعاون الخليج العربي؟

ولايبدون لي العالم انت من فارس ولا عندك اجنده .. اللي يبي اسمي وصوره الجواز يكلمني خاص :s

وعلى العموم اسم ما فرق.. المحيط الهندي محاوط استراليا من ثلاث جهات .. ماشفنا استراليا تنقز تقول نبي نسميه المحيط الاسترالي؟

المحيط الاطلنطي بين دول اوروبا والامريكتين .. ليش ما سموه المحيط الغربي؟

انا اسمي خالد .. لو سموني عتريس.. بتطول ايديني؟ بيتغير شكلي؟ بيصير لي ولاء لصعيد مصر؟ هههههههه

تحياتي





أخوي .. والله أدري إن بالأمم المتحده إسمه الخليج الفارسي ..

لكن إحنا كدول خليجيه معترضين على هالإسم لأن أيران مب مثل أستراليا ..!!

إيران إطماعها توسعيه و هدفها واضح و معلن وهو تصدير الثوره إللي أسسها الخميني ..

نسيت تفجيرات مكه..؟!نسيت محاولة إغتيال أمير الكويت السابق..؟!نسيت إختطاف الطائره الكويتيه و قتل ٢ من ركابها..؟!نسيت إللي صار في البحرين..؟!

و غيرها من الأحداث إللي يمكن تجهلها لصغر سنك ..

و لغاية اليوم شوف خلاياها النائمه و شبكاتها التجسسيه إللي يتم كشفها بين فتره و الثانيه في دول الخليج ..

شوف العراق الحين إللي صار في مخبا إيران و جميع قياداته من الموالين لها و يأتمرون بأمرها ..

و محشوم محد قال عنك فارسي أو شكك فيك .. لكن مادري ليش إنت مهوّن الموضوع و محسن النيه في إيران ..!!

إسمك خالد و ما راح تتغير لما يصير عتريس لأنك بتبقى عربي مسلم .. لكن بالتأكيد بتتغير لما يصير إسمك جمشيد ..!!



http://www.aljazeeratalk.net/forum/upload/1/1192352035.jpg

[freespirit]

أخوي .. والله أدري إن بالأمم المتحده إسمه الخليج الفارسي ..

لكن إحنا كدول خليجيه معترضين على هالإسم لأن أيران مب مثل أستراليا ..!!

إيران إطماعها توسعيه و هدفها واضح و معلن وهو تصدير الثوره إللي أسسها الخميني ..

نسيت تفجيرات مكه..؟!نسيت محاولة إغتيال أمير الكويت السابق..؟!نسيت إختطاف الطائره الكويتيه و قتل ٢ من ركابها..؟!نسيت إللي صار في البحرين..؟!

و غيرها من الأحداث إللي يمكن تجهلها لصغر سنك ..

و لغاية اليوم شوف خلاياها النائمه و شبكاتها التجسسيه إللي يتم كشفها بين فتره و الثانيه في دول الخليج ..

شوف العراق الحين إللي صار في مخبا إيران و جميع قياداته من الموالين لها و يأتمرون بأمرها ..

و محشوم محد قال عنك فارسي أو شكك فيك .. لكن مادري ليش إنت مهوّن الموضوع و محسن النيه في إيران ..!!

إسمك خالد و ما راح تتغير لما يصير عتريس لأنك بتبقى عربي مسلم .. لكن بالتأكيد بتتغير لما يصير إسمك جمشيد ..!!



http://www.aljazeeratalk.net/forum/upload/1/1192352035.jpg

فديت خشمك .. اهداف توسعيه .. خلايا نائمه .. الاسم الحين موجود في الامم المتحده .. وهو الاسم الرسمي .. يعني فديت خشمك لو تبون تسوون مشاكل روحو للمحكمه الدوليه .. مش تقعدون تقولون الجرايد اهدافها ايرانيه .. الجرايد المفروض تستخدم الاسم الرسمي .. اهي تكتب بالانجليزي .. بيرشان قلف .. وهو الاسم اللي يعرفونه الناس الموجودين برى .. احنا بس يا العرب نسميه الخليج العربي .. وعشان كذا نكتب الخليج العربي بالعربي

خلني اقول لك .. البحر الاحمر محاوط بدول عربيه .. كل الدول اللي فيه تقريبا الا جزر القمر .. ليش ما سموه البحر العربي؟ بتقول لي الاسم قديم؟ البحر الفارسي اقدم من تسميه البحر العربي .. لو تشوف الدراسات اللي على الانترنت عن التسميه .. وتشوف وجهه نظر ايران .. ووجهه نظر الدول العربيه في نفس الموضوع .. تشوف انه ايران تتكلم عن ان التسميه كذا من حوالي 300 قبل الميلاد ... واحنا لما نجيب ناس ونستشهد بهم نجيب ناس في الخمسينات والستينات من القرن الماضي .. بتقول لي الدول اللي حوالينه عربيه .. العراق بكبرها كانت تتبع لفارس مع بدايات العصر الاسلامي .. ومعظم الشرق حق الخليج العربي بعد كان يتبع لفارس .. هو صحيح اللغه والدين يختلفون عن الفارسيه في هذيك الفتره .. بس حكوميا كانو تابعين للفرس يعني في هذيك الفتره .. اللي اقدم من تسميتنا .. كان اسمه الخليج الفارسي .. وخلاص :s




كانوا زمان يكتبون (دول مجلس التعاون لدول الخليج العربي).

امس اطالع مبارة الامارات والكويت في ملعب اسباير كاتبين ( كأس مجلس التعاون ).

يعني الخليج العربي قاعد يتسحب شوي شوي شوي لين تصير الاجيال القادمة ما تعرف شئ وراح يقولون احنا اللي نعرفه ان اسمه كان كذا ....

وااليوم صحيفة الوطن منزلة خارطة وفيها مكتوب الخليج الفارسي والخطوط القطرية مثل ما يقول الاخوان نفس الشئ خارطتهم ما تغيرت , واحد الفنادق اعتقد الموفمبيك خارطتة ما تغيرت ,, وبكره مدري الدور على من
صراحة .

بكره ايران راح تجبر كل من قدم اليها ان اي معلومة في اوراقة تثبت عربية الخليج , فعلية ان يعود من حيث اتى , حتى يرضخ الجميع لمطالبهم .

السلام عليكم .. الاسم الصح الطويل .. "مجلس التعاون لدول الخليج العربيه" يعني الدول هي العربيه .. مش الخليج .. تقدر تروح وتشوف :)

[Index Signal]

فديت خشمك .. اهداف توسعيه .. خلايا نائمه .. الاسم الحين موجود في الامم المتحده .. وهو الاسم الرسمي .. يعني فديت خشمك لو تبون تسوون مشاكل روحو للمحكمه الدوليه .. مش تقعدون تقولون الجرايد اهدافها ايرانيه .. الجرايد المفروض تستخدم الاسم الرسمي .. اهي تكتب بالانجليزي .. بيرشان قلف .. وهو الاسم اللي يعرفونه الناس الموجودين برى .. احنا بس يا العرب نسميه الخليج العربي .. وعشان كذا نكتب الخليج العربي بالعربي

خلني اقول لك .. البحر الاحمر محاوط بدول عربيه .. كل الدول اللي فيه تقريبا الا جزر القمر .. ليش ما سموه البحر العربي؟ بتقول لي الاسم قديم؟ البحر الفارسي اقدم من تسميه البحر العربي .. لو تشوف الدراسات اللي على الانترنت عن التسميه .. وتشوف وجهه نظر ايران .. ووجهه نظر الدول العربيه في نفس الموضوع .. تشوف انه ايران تتكلم عن ان التسميه كذا من حوالي 300 قبل الميلاد ... واحنا لما نجيب ناس ونستشهد بهم نجيب ناس في الخمسينات والستينات من القرن الماضي .. بتقول لي الدول اللي حوالينه عربيه .. العراق بكبرها كانت تتبع لفارس مع بدايات العصر الاسلامي .. ومعظم الشرق حق الخليج العربي بعد كان يتبع لفارس .. هو صحيح اللغه والدين يختلفون عن الفارسيه في هذيك الفتره .. بس حكوميا كانو تابعين للفرس يعني في هذيك الفتره .. اللي اقدم من تسميتنا .. كان اسمه الخليج الفارسي .. وخلاص :s









مادري شلون أقدر أوصل لك المعلومه ..!!

عموما أتمنى باقي الأعضاء يكونون فاهمين قصدي .

[جلمود]

في شيبه و عنده علم ما شاء الله

قالي هو اصلا اسمه الخليج الفارسي و تسما ابهلاسلم من اصل عربي

يرجع للفارس ( فارس بن شهوان الشمري )


والله اعلم و على لسان الراوي

شوشت معلوماتي!! :rolleyes2:

[<اضرب واشرد>]

يعني الفرس حضارة ودولة قبل العرب بمئات السنين ... وماكان يجابهم في القوة اﻻ الروم ,,, يعني تقبلون ببحر الروم وﻻ تقبلون بالخليج الفارسي ..

العرب ما قامت لهم دولة اﻻ باﻻسلام ... ولا اشغلوا انفسهم بالمسميات ....

خليج فارسي وﻻ عربي ... المهم ﻻ تخلون العصبية تعمي عيونكم وتصكر عقولكم ...

ترا اﻻحقية واﻻسبقية في المسمى الفارسي ... وكل الخرائط القديمة تتطلق عليه الخليج الفارسي ...

عندكم بحر العرب مسمى عليكم ... وﻻ احد اعترض ...


ايوااااااااا :eek5:



خخخخخخخخخخخخخخخخخخخخخخخخخخخخخخخخخخخخخخخااااااااي ضحكتني بن عدوان

[الشقيان]

عروبة الخليج العربي تمتد لحضارة 3000 سنة ...

ويجب محاسبة الجريدة وتقديم اعتذار للقطريين والخليجيين

:omg:

[باسكن روبنز]

:) خاطري اعرف هالاسم وش راح يحقق في النهاية ؟؟
اذا انكتب العربي ,, شنو راح يصير ؟؟
واذا انكتب الفارسي ,, شنو راح يتغير ؟؟
بلبله عالفاضي :nice:

جوابج على معنى البلبله تحت ،



المشكله مش بالترجمه مثل ما إنت فاهم ..!!

بالإنجليزي هم يسمونه Persian Gulf وإحنا نسميه Arabian Gulf

المسأله أكبر من إسم مثل ما البعض فاهم و مهوّن الموضوع ..!!

لأن إذا وافقناهم على مسماهم راح يكون لهالشي تبعات و مطالبات تتعدى المسمى ..

التيس أقصد الذيب ما يهرول عبث .

عرفتي ليش الحين؟ ،

الصغائر تسحب الكبائر واكبر دليل مشاكل الشيعه مع السنه في البحرين ،

انا اقول حمدي ربج على الامن والامان ترا هالي تسمينها بلبله هي الي مخلينا جميعاً في امان منهم وخلج على الطبخ ابرك لج وخل هالسوالف لاهلها ،:)









جريدة الوطن ممكن لها عروق فارسية فلا عجب إن كتبت خليج فارسي .

بس المنتدى طلع فيه فوارس مو فارسي مؤيدين للإسم الله يكفينا شرهم .

ههههههههه من قلب ،:victory:

الله يفكنا من شرورهم يالنائب ،