عيادة د.سعاد لطفى

[سالي 123]

احد يعرف وين مكان عياده الدكتوره سعاد لطفى ضرورى:shy:

[وطن]

اللي اعرفه انها في الشارع اللي فيه محطة بو هامور

[um-shahad]

حبيبتي بطرش لج رقم العيادة كلميهم واسألي عن مكانهم

[سالي 123]

كلمتهم بس مافهمت للفلبينيه ادل محطه بوهامور واكاديمية الجزيره وبس

[moni]

ممكن تدلونا مكان العيادة انا بعد ابيها او اذا ممكن رقم تلفون العيادة ماعليكم امر

[tampa]

حبيبتي قبل المحطه اللوحه موجوده قبل محطة البترووووووووووول

[مووون فيس]

جنب المحطه ع طووووووول

[شهد]

طرشولي رقمها الله يسلمكم

[qatareya]

حبيبتي تجين لين الاشارة اللى جنب محظة ابو هامور تاخذينها يسار تلاقين العيادة على الشمال
اصلا لما توقفين عند الاشارة تلاقين الفلة على الشارع ومكتوب عليها اسمها

ان شالله ماتاخرت :):)

تحياتي

[آنــه]

انا اخبر قالت ان مو الحين راح تفتح عياده في الدوحه
غريبه يعني تناقض كلامها

[qatareya]

لا قالو تاريخ 1 اغسطس .....
وانا رحت لها .... تاريخ 4

[Qtr_Qtr]

حلو حلو

[aldana]

والله انا رحت لها ابد ماتعطي المريض حقه وقعدنا ننطر ساعتين
وماتعطيج فرصه تتكلمين
انا اشووف دكتوره عايده احسن في التعامل
وبعدين عطتنا اللي يعطونا اياه عايده وفهد وحسن العبدالله ماجابت شي جديد
ومجالها تجميلي اكثر

[وبشرالصابرين]

من هذي الكتورة انا كل يوم اشوف عيادتها جدامي بس ماعرف هي جديدة ولا لها خبرة في ايش بالضبط ؟؟؟

[meez]

يعطيكم العافيه والله افدتووني .. كنت مفكره اروح لها بس متعييزه اسال عن مكانها

[رمــش الغلا]

والله رفيجتي اتصلت لهم اقرب موعد تاريخ 23 /9 بتجي الدوحه

لانها في دبي ألحين واتجي في الشهر مرتين اعتقد

[دانه-قطر]

من هذي الكتورة انا كل يوم اشوف عيادتها جدامي بس ماعرف هي جديدة ولا لها خبرة في ايش بالضبط ؟؟؟

دكتوره شاطره ويطلعونها في برنامج بس نسيت اسمه

[جوجو4]

سكرت عيادتها شالو الافته

[بنت سلمان]

سكرت عيادتها شالو الافته

ليييييييه ؟؟