بأي سعر ستشتري ايفون 4 ؟

[صليب الراي]

السلام عليكم ياشباب

طبعا الكل يتابع ويشوف اسعار الايفون4 اللي واصله عندنا بالسوق ومقارنتها بأمريكا وبريطانيا

يعني يكون سعر التكلفه 3600 ريال للـ32 جيجا بينما في السوق ما بين 5000 ألى 6000 ريال


لكن نفترض انه هناك محل اتصالات يورد الايفون 4 اول بأول

وستكون تكلفته وسعره الآتي :

3600 سعر الجهاز + 100 رسوم شحن + 300 ريال ربح صافي

الاجمالي : 4000 ريال

هل ستشترون الايفون 4 بلا تردد بهذا السعر ؟ ام يبقى خيار الشراء عبر الانترنت أفضل ؟

وكم توقعاتكم ينزل الابيض اول ما يجي ؟ هل بيزود عن الاسود بـ1000 ريال مثلا ؟ او 500 ريال ؟


لان لي صديق يفكر يورد كميات ويبيع وبنفس الوقت يكون سعره في متناول الجميع بدون استغلال ولا جشع .

فقلت له عن هالطريقة هي أفضل للناس ولك .. السعر الاساسي + 100 شحن + 300 ربح
يعني صافي ربحه : 10 % .. اعتقد نسبة معقولة و مقبولة وبنفس الوقت تسهل على الناس الاسعار و ايضا تكون بربح معقول ودائم افضل من كثير منقطع .

شرايكم ياشباب ؟

توافقوني بهالنقطة ؟

[S A L M A N]

اتوقع سعر حلوو جداً

واذا فيه 4000 .. الحين اخذه ! بشرط التسليم الفوري بدون الانتضار

سعره حلوه في حالة انه مانزل في الدوحة

يكون في العلم .. فيه محلات في الدوحة يبيعونه ب7000 .. وانا توني جاي من دبي

حصلت بعض المحلات يبيعونه بـ 9500 & 8500 في مجمع دبي مول وامارات مول !

هل هالاسعار تعتبر التجاره شطاره .. ولا احتيال ونصب ؟
ممكن الواحد يربح .. بس مب بهذه الطريقه خاصتاً ان الاسعار معروفه !

والابيض اتوقع بيكون اغلى من الاسود بفرق لايقل عن 500 ريال .. بس مايندرى كم

[Breakaway]

صديقك يورد كميات من وين؟! إذا من موقع أبل فالمسموح هو جوالين فقط لكل شخص أو حساب

موفق أنت وصديقك..

[الحجاجي]

مرحبا اخوي ..

يعطيك العافية ..

بالنسبة لي شخصياً لا .. طبعاً ..

وهالشيء اللي خلاني انزل موضوع شرح لكيفية شراءه من بريطانيا
بالتفصيل الممل .. عشان الكل يشتري ..
اللي يعرف واللي ما يعرف ..

وكثير ولله الحمد في الدوحة وخارجها من خلاله وبمساعدتي البسيطة اطلبو الأيفون .. وبعضهم وصلت تلفوناتهم
والبعض ينتظر ..


/

بالتالي اللي حاب يشتري أيفون4 مخير

يا انه يتعب شوي ويطلب لنفسه وينتظر

أو أنه يشتري من المعروض في السوق

بالأسعار المتاحــة ..

/

شيء آخير ..
كل شخص وله قناعته بالبيع بالكثير أو بالقليل
المهم أن سبب رفع سعـره يستاهل
الطلب ، والأنتظار ، والمتابعه ، والفيزا ، والتسليم ألخ ..

/

أما لما نتكلم عن المحلات

أنا ما اتفق معاك في هالشيء
لأن المفروض ينزل الايفون في المحلات
بسعره الرسمي ..

والي هو السعر القديم للأيفون السابق
مع زيادة ممكن 100 ريال مافيه اشكاليــه ..

اما غير هذا لا ..

إذا أبل المورد والمصنع له
خفضت سعر القديم
وخلت سعر الجديد الأيفون 4 بسعر القديم ..

ليش المحلات وشركات الأتصالات ما يسوون هالشيء :shy:


في الأخير شاكر لك موضوعك
وبالتوفيق للجميع ..

[مستر بن]

والله تطلب من النت احسن



انا عمي طلب 10 تخيل :eek5:

قالو له ما يسير ليش مادري ...

[زيدان2005]

بسم الله الرحمن الرحيمطلبت واحد من فتره .... وصل الدوحه بـ 3300 ريال شامل الشحن بس لازم يكون عندك حساب في ارامكس .... و32 g لونه اسود .... قيمته بالضبط 599 يورو من غير الشحن وال 16 بـ 499 يورو وطبعا مفتوح ... والله استخدامة روعه ولااشتكي من الارسال .... يعني اذا بيبيعه بـ 3600 ترى سعره بيكون في متناول الجميع ومعقول .... يسر الامور على الناس عشان ربي ييسرها عليك .... والقناعة كنز لايفنا ... مع فائق احترامي للجميع

[فقط قطر]

طالما في ناس تشتري بسعر 5000 او 6000 مش غلط....
خلهم...حد دافع شيء من جيسه....

[بنت ابوها 19]

ماصوت
لانه ماعجبني من ناحيت الشكل ومن ناحيت الارسال والوزن مقارنت بالي عندي 3gs 32

مكفيني والله
حسيت شكل الي عندي احلى ووزنه بعد اخف اقدر ادعسه حتى ببوكي

لكن الجديد متين ووزنه مبالغ شوي

[aljaber1]

وهالشيء اللي خلاني انزل موضوع شرح لكيفية شراءه من بريطانيا
بالتفصيل الممل .. عشان الكل يشتري ..
اللي يعرف واللي ما يعرف ..

وكثير ولله الحمد في الدوحة وخارجها من خلاله وبمساعدتي البسيطة اطلبو الأيفون .. وبعضهم وصلت تلفوناتهم
والبعض ينتظر ..


/

بالتالي اللي حاب يشتري أيفون4 مخير

يا انه يتعب شوي ويطلب لنفسه وينتظر

أو أنه يشتري من المعروض في السوق

بالأسعار المتاحــة ..




جزاك الله كل خير وانا من الناس الي استفاد من طرحك وتوضيحك
فكل الشكر الجهودك وبارك الله فيك

[airbus]

والله ياخوي في ناس ماتحب انه تنطر شهر حتى يوصل الجهاز لو طلبه من الموقع
وللحين عليه طلب مب طبيعي ومشكلة الارسال فيه ومعدبني الصراحه ماعرفت كيف امسك الجهزا الا بالسماعة الي تجي معاه الصراحه اول مرة يطلع جهاز من ابل وفيه مشلكة كبيرة ...
وامس انطرد رأيس قسم الصيانة والهاردوير من الشركة بسبب المشكلة

[airbus]

ونيست شي للعلم بينزل الدوحه شهر ١٠ او ١١ والسعر ١٦ ٣٨٠٠ ريال وهده سياسة الشركة الموزعه في قطر متل كل سنة <<< شاك بنسبة ٩٩ في المية