شاهد الرد 61 ( لأصحاب المديونيات مع البنوك التجارية ، تعال و حولها لبنك إسلامي )

[إنتعاش]

بسم الله الرحمن الرحيم

الاخوة والاخوات الكرام

السلام عليكم ورحمة الله وبركاته ..


الكثير من الأصدقاء والمعارف يشتكون من هم الدين والديون خلصنا الله وإياكم من الدين وهم الدين ..

والكثيرون أيضا ً وقعوا ضحية فوائد طائلة ولاتنتهي مع البنوك التجارية التي طريقة حساب فائدتها أشبه بطلاسم لا يكاد يفهمها أكبر محاسب وكلكوليتر ..

أصبح المنفذ أو المتنفس الذي كثيرون يريدونه هو التخلص من هذه البنوك التجارية والتحويل بسلفهم ومديونياتهم لبنوك إسلامية لسببين أولهم نقطة الحلال والحرام وثانيهم أن البنك الإسلامي ميزته ان دينك يتحرك وينقص قدام عينك كل شهر وتعرف آخر السنة كم بيبقى منه وتعرف انك مرتاح بالك وعارف اللي لك واللي عليك من أول ورقة وقعت عليها .


لذلك يبحث المدينون بالبنوك التجارية عن عروض البنوك الإسلامية الموجودة في البلد والبحث عن أفضل عروض ممكن تصير ويلقونها فرصة للتحويل لبنك إسلامي ويريحون راسهم وكلها 4 إلى 7 سنين بالكثير إلا امورهم خالصة ومديونياتهم راحت .


لهذا السبب وبعد معرفتي بعروض البنوك الإسلامية الموجودة لقيت عرض من بنك إسلامي معين لا أود ذكر إسمه كدعاية ولكن فقط وضعت لكم جدول اكسل في المرفقات تلقونه بعد موضوعي هذا .. يوضح لكم العرض او الحسبة اللي بيسوونها لأصحاب المديونيات اللي يبون يحولون لهم السلف والمديونيات .

ما هي طريقة أستخدام الجدول ؟

فقط لديك خانة واحدة وهي ( اجمالي المديونية ) . غيرها على حسب مديونيتك الحالية بآخر تحديث من البنك اللي انت فيه .

غير المديونية الموضحة بالجدول المرفق . وشوف في حالة حبيت انها تكون على ( 4 ، 5 ، 6 ، 7 ) سنوات .. كم بيصير اجمالي مديونيتك وكم بيصير قسطك الشهري ( الثابت ) طواااااال مدة مديونيتك واللي باين معاك في أي سنة تنتهي بشكل نهائي وتفتك وتريح راسك ..


بعد ما تطلع اخوي القارىء على الجدول وتضع مديونيتك وتشوف ان العرض الموضح مجدي و نويت أنك تنتقل من بنكك الربوي إلى البنك الإسلامي ..

أرجو التفضل بمراسلتي على الخاص بالبيانات الآتيه :

1- الاسم الثلاثي
2- رقم الجوال
3- اسم بنكك الحالي
3- اجمالي المديونية
4- القسط الشهري الحالي مع بنكك
5- اجمالي راتبك الشهري


وبعدها استلم بيانات الاخوة الراغبين بتحويل مديونياتهم للبنك الإسلامي وأسلمها لموظف تمويل البنك الإسلامي للاتصال والتنسيق و عمل اللازم.


لا اعمل بهذا البنك ولا لي صلة فيه ولكن فقط ساعدت فيها بعض المعارف وان شاءالله يفتكون ويرتاحون وقلت بعد اخواني في موقعي أولى الناس بهالشيء اذا كان شفتوا ان فعلا ً حاجة تستاهل ونويتوا عليها ان شاءالله ..

ومقدما ً أقول اسمحوا لي على القصور ولكنني أكره أن يقع أبناء بلدي فريسة لبنوك لاترحم وفوائدها لاتنتهي .

الله يفك عوق كل من يعاني من الديون
والله يفرج علينا وعليكم كل هم و كرب اللهم آمين


تحياتي وتقديري لقلوبكم جميعا ً






هاااااااااام جدا ً : تم تقديم عرض جديد لتحويل المديونيات من بنك بروة
الاسلامي وهو عرض يبدأ بـ 1 رمضان وحتى 30 رمضان
للتفاصيل واستخدام الجدول الجديد بالنسب الجديدة
من هنا :
http://www.qatarshares.com/vb/showpost.php?p=6216490&postcount=61

[ورقــة أمــل]

الله يجزيك خير يارررب

[إنتعاش]

ويجزاك خير اختي الكريمة

ملاحظة حبيت اقولها .. الموضوع هذا خل نخليه يا اخوان ملف شامل للاخوان والاستفسارات والافادة يعني ممكن احد يعرف لنا بنوك اسلامية عروضها احسن من هاذي .. مافي مانع نذكر و نسعى ونساعد بعضنا البعض .. نبي كل من تورط مع بنك ربوي يفتك و يريح راسه .. الهدف الأهم هو الإفادة للقارىء والعضو والاخ .. بغض النظر عن البنك ذاته او بنك معين .. لا نبي إفادة اخواننا واعضائنا فوق كل اعتبار ..

لذلك هذا الموضوع عبارة عن دعوة مفتوحة وعامة لجميع من يشارك للتفضل بذكر عروض أفضل أو طرق أفضل لتخلص اخواننا واعضائنا وربعنا الاعزاء من فوائد البنوك الربوية غير المنتهية إلى بنوك اسلامية اقساطها ثابتة و ومريحة و واضحة وضوح الشمس .

تحياتي لكم مرة أخرى

[الســـهم]

جزاك الله خير اخوي انتعاش , وماعهدناك الا محب للخير ..

انا من الناس اللي كانوا بأحد البنوك الربوية وحولت حسابي للفرع الإسلامي , والحمدلله رب العالمين من يومها والحال أفضل بكثير ، يكفي اني في فترة السنة والنص اللي حولت فيهم مع اضافة المرابحة قدرت اسدد ربع مديونيتي والحمدلله اولا واخيرا وماقدرت اسدد نفس المبلغ في اربع سنوات ونصف في الفرع التجاري ..

الله يوفق الجميع لما يحبه ويرضاه ويفك هم كل مديون ومحتاج ..

[بوحارب]

الله يجزاك الخير اخوي انتعاش

[G0LD]

جزاك الله خير

[إنسان عادي]

جزاك الله خير .. حبيت اضيف ان فيه بنك اسلامي عنده استثناء ويعطي قروض لـ 10 سنوات + الفروع الإسلامية للبنوك الربوية تشتري الديون بنفس مدة السداد ، يعني اذا قرضك الربوي على 15 سنة تحول الفرع الاسلامي على 15 سنة بعد ، والله يوفق الجميع

[بن موسى]

جزاك الله خير وبارك الله فيك
المشكلة ان البنوك الربوية مثل القراد لما تعض مستحيل تفك بدون موتها او موت الضحية مع العلم ان موتها صعب في اغلب الاوقات

[الصريحه]

جزيت كل خير

[ANONYMOUS]

جزاك الله اخير

هذا افضل عمل قبل رمضان

مافي فايده العالم تصوم من صوب .. وغرقانه في الربى من الصوب الثاني

[ابوسعود]

جزاك الله خير

اخوي انتعاااااااااااش

علي فعل الخير

[AL3NA]

الله يجزاك الخير اخوي انتعاش

[algnaa9]

السلام على اخواني الاعزاء
بخصوص الموضوع الذى تم التطرق لة وهو القروض والبنوك الربوية
اذا كان الشخص فى بنك ربوى ومدة القرض 20 سنة على النظام القديم قبل لا يحدد البنك المركزى اعلى مدة 7 سنوات : ماهى الطريقة فى التخلص من البنك الربوىوهل فية بنك اسلامي راح يقبل المدة ال20 سنة

ارجوكم افيدوني للي عندة معرفة فقط

ومشكورين على طرح مثل هذا الموضوع اللى هو من اكبر هموم المجتمع

[إنتعاش]

ملاحظة : تم التعديل على الجدول المرفق أعلاه بإضافة المدد ( سنة واحدة ، سنتان ، ثلاث ) حتى يجد جميع الاخوة الصورة الواضحة فقد راسلني بعضهم بشان السنة الواحدة والسنتان ولذلك تم التعديل الآن .

تحياتي لكم ولنا عودة ان شاءالله

[VIVA]

الله يجزاك خير انتعاش

[شسالفة...؟]

جزاك الله خير وفي ميزان حسناتك

تصدق اخوي انتعاش انا كنت في بنك ربوي ونقلت ولله الحمد لبنك إسلامي

والله العظيم يوم كنت بالربوي كان اقساطي اقل من الإسلامي لكن والله يالراتب ما كان فيه بركه ويطير بسرعة ولما رحت الإسلامي وراتبي الي يصفالي اقل من الربوي لكن والله اني اوفر منه ..!!!

[عابر سبيل]

بارك الله بك يا انتعاش
و عسا الله ياجرك و ياجر كل من سعى
او سيسعى لنفع الناس.. مثلك
*
*
،،

مو معناة ذلك..اننا متفقين على مبدأ
السلف من اجل سداد السلف:telephone:
لكن..نشيد بالمحاولة العملية
التي تقدم للناس حلا عمليا
قد يستفيد منها بعض (المتورطين)

و المهم..ان تكون خاتمة لمعانتهم..
لا بابا لاعادة سوء تدبير (البعض) منهم


فهي بديل متاح..
بدلا من سلسلة الانتظار و اللامال
الطويلة
لعل يوما ما..يُستجاب لمطالبات التسديد ..
ربما..قبل..او بعد (الممات)!

عموما...

لو تتكرم علينا..عشان نقدر ايضا احنا
منك و من هالمنتدى..ننقل هالخدمة لمجالسنا
و بعض ربعنا...عل الله ينفعهم بك..
و ياجرك من ورا ازالة همومهم..

هالبنك...يعني...هو يقوم بتسديد المبلغ
مباشرة للبنك الاخر..و الا ..راعي المعاملة
او المديونية..يستلم المبلغ و يقوم
بانهاء التزاماته مع بنكه السابق!

*
*
،،

ثانيا...
المدة...7 سنوات...
ممكن ان تكون اطول...
لان هذي المدة..زينة للسلفيات الصغيرة
او ما تحت ال 500 ألف..
اما ما يزيد عنها..فيظهر ان حجم
القسط..قد لا يكون جاذبا للبعض
و قاصما لظهر اكثر الرواتب!

[مدرسة]

جزاك الله خير

هذي خطتي ان شاء الله بس عندي نفس السؤال....مديونيتي على مدة تتجاوز 7 سنوات يعني حسب النظام القديم
شساااالفة؟؟؟

ارجو حد يفيدني لني ناوية بكرة اراجع البنك بإذن الله

[أبو روان]

جزاك الله خير

[qatari 111]

جزاك الله الف خير
الله يفرج كربة كل مسلم على وجه الارض

[إنسان عادي]

السلام على اخواني الاعزاء
بخصوص الموضوع الذى تم التطرق لة وهو القروض والبنوك الربوية
اذا كان الشخص فى بنك ربوى ومدة القرض 20 سنة على النظام القديم قبل لا يحدد البنك المركزى اعلى مدة 7 سنوات : ماهى الطريقة فى التخلص من البنك الربوىوهل فية بنك اسلامي راح يقبل المدة ال20 سنة

ارجوكم افيدوني للي عندة معرفة فقط

ومشكورين على طرح مثل هذا الموضوع اللى هو من اكبر هموم المجتمع

يصير لو حولت الفرع الإسلامي لبنكك ، يعني اذا انت في بنك الدوحة يصير تحول الفرع الإسلامي بيشترون قرضك بنفس المدة

[Thamer_Qat]

بارك الله فيك

[aljaber1]

الله يفرج على كل مديون وحسن المصير من حسن التدبير

[PIX]

اولا جزاكم الله كل خير على هذه المعلومات القيمة

ثانيا ليش ما تكونون واضحين وصريحين معانا اكثر وهذه ليست اسرار عسكرية

انا اخذت في عام 2006 قرض من البنك الاهلي على 18 سنة

وكل فتره يزيدون علي القسط الشهري

ومبلغ القرض الاصلي نفسه زاد علي بدل ما ينقص بعد كل هذه السنوات

وبذات اني ما أجلت ولا قسط ولا اعرف اشلون اتصرف معاهم

ياخذون اللي يبونه من راتبي ويزيدون كل فتره القسط براحتهم ويفرجون عن الباقي براحتهم

مجموع ما اخذته 600 الف ريال لتكملة بناء بيتي الشعبي وتأثيثه

اليوم بعد هذه السنوات باين انه علي 670 الف للبنك من وين جات الزياده ما ادري

مع ان من المفروض ان الملبغ الاصلي ينقص وانا ادفع شهريا قسط 7000 ريال حاليا

المهم الحين انا ما احب وجع الراس واللف والدوران

شباب وين اروح اي بنك اسلامي وعند من ...؟؟؟

وجزام الله مني كل خير

ارجوكم لا تهملون رسالتي هذه ......!!!!!

[AL3NA]

بارك الله بك يا انتعاش
و عسا الله ياجرك و ياجر كل من سعى
او سيسعى لنفع الناس.. مثلك
*
*
،،

مو معناة ذلك..اننا متفقين على مبدأ
السلف من اجل سداد السلف:telephone:
لكن..نشيد بالمحاولة العملية
التي تقدم للناس حلا عمليا
قد يستفيد منها بعض (المتورطين)

و المهم..ان تكون خاتمة لمعانتهم..
لا بابا لاعادة سوء تدبير (البعض) منهم


فهي بديل متاح..
بدلا من سلسلة الانتظار و اللامال
الطويلة
لعل يوما ما..يُستجاب لمطالبات التسديد ..
ربما..قبل..او بعد (الممات)!

عموما...

لو تتكرم علينا..عشان نقدر ايضا احنا
منك و من هالمنتدى..ننقل هالخدمة لمجالسنا
و بعض ربعنا...عل الله ينفعهم بك..
و ياجرك من ورا ازالة همومهم..

هالبنك...يعني...هو يقوم بتسديد المبلغ
مباشرة للبنك الاخر..و الا ..راعي المعاملة
او المديونية..يستلم المبلغ و يقوم
بانهاء التزاماته مع بنكه السابق!

*
*
،،

ثانيا...
المدة...7 سنوات...
ممكن ان تكون اطول...
لان هذي المدة..زينة للسلفيات الصغيرة
او ما تحت ال 500 ألف..
اما ما يزيد عنها..فيظهر ان حجم
القسط..قد لا يكون جاذبا للبعض
و قاصما لظهر اكثر الرواتب!





اخوي المقصد من هالموضوع كله هو ترك الحرام... وهو البنك الربوي ... نبغي نطلع منه ولو صار القسط دبل اهم شي ناكل حلال ... ونعطي حلال :(

[PIX]

جزاك الله خير .. حبيت اضيف ان فيه بنك اسلامي عنده استثناء ويعطي قروض لـ 10 سنوات + الفروع الإسلامية للبنوك الربوية تشتري الديون بنفس مدة السداد ، يعني اذا قرضك الربوي على 15 سنة تحول الفرع الاسلامي على 15 سنة بعد ، والله يوفق الجميع


اخوي ممكن اسم هذا البنك على الخاص او العام

مثل تبي المهم الفايده

[غزلان]

جزاك الله اخير على النصيحه

ومبروك عليك الشهر

[مريش]

جزاك الله اخير

هذا افضل عمل قبل رمضان

مافي فايده العالم تصوم من صوب .. وغرقانه في الربى من الصوب الثاني

موضوع يشجعني كثير ويريح والله :nice:
رغم ديوني ماتنقل على اي بنك :(

لكن موضوعك عطاني فكره والله يسهل لين ماتتيسر الامور

بس اخوي ممكن هالبنك اسمه

بس لين مارتب اموري يبيلي وقت بصراحه
ونيتي انقل من الربوي والله يسهل على نيتي

واتمنى الكل الي مديونيته سهله ينقل بدون مايفكر

[AL3NA]

اخوي ممكن اسم هذا البنك على الخاص او العام

مثل تبي المهم الفايده


اخوي حسب ما وصلني انه بنك قطر الدولي الاسلامي

[فارس قطر]

اخوى انتعاش

الي يبي يسوى الخير مايحط شروط عطني اسمك وتلفونك

ولازم تبي تعرف من اكون انا افرض ماصار بيني وبين البنك اتفاق

بصفتك ايش تبي تعرف اسمي ورقمي

انا مستعد اعطي البنك جميع الملومات لاكن انت كون واسطة خير

فقط مالك دعوة بالمعلومات


واذا ممكن اسم هذا البنك على الخاص او العام

وجزاك الله كل خير

الا اذا كان لك هدف ثاني هذا شي راجعلك.

وفقك الله.

[AL3NA]

اصلح النيه يا فارس قطر

والله العظيم ماعرفه ولا بيني وبينه اي صله

بس ودي انك تصلح النيه وهو له الاجر ان شاء الله .. وبعدين انت الحين لو لك موضوع ومحتاج اسطه .. وقالك الرجال اللي بيتوسط لك عطني الاسم الثلاثي ورقمك بتقول لا ؟؟

انا اقول جزاه الله عنااا كل خير

[قطريه كوول]

اخوي حسب ما وصلني انه بنك قطر الدولي الاسلامي



والله اذا صج زين

لان اقصى شي سبع سنوات

والقسط بيصير 8000 صراحه تعدى نص الراتب وزود الله المستعان :rolleyes2:

اذا تعرف حد اخوي فالدولي الاسلامي بيساعدني اذا بيخلون القرض على عشر سنوات تسوي خير

تحياتي

[AL3NA]

والله اذا صج زين

لان اقصى شي سبع سنوات

والقسط بيصير 8000 صراحه تعدى نص الراتب وزود الله المستعان :rolleyes2:

اذا تعرف حد اخوي فالدولي الاسلامي بيساعدني اذا بيخلون القرض على عشر سنوات تسوي خير

تحياتي




اختي الاخ اللي طرش لي اسم البنك يقول يعطون على عشر سنوات ... وفيه بنك الدوحه الاسلامي بكره بمر عليه وبرد لكم خبر بأذن الله .. الله يفكنا من هالبنوك الربويه اللي ما تروح سلفتهم :anger1:

[الكونجرس]

هيه ناس مديونيتها 500000 وناس مليووووووووووووووووووووووووون
الله المستعان

[وهم قطر]

جزاك الله خير انتعاش ويجعله في ميزان حسناتك

وشرايك في بنك قطرالوطني الاسلامي هل هوا نفس الدولي الاسلامي ومصرف قطر الاسلامي

[miss.qa]

اخوى انتعاش

الي يبي يسوى الخير مايحط شروط عطني اسمك وتلفونك

ولازم تبي تعرف من اكون انا افرض ماصار بيني وبين البنك اتفاق

بصفتك ايش تبي تعرف اسمي ورقمي

انا مستعد اعطي البنك جميع الملومات لاكن انت كون واسطة خير

فقط مالك دعوة بالمعلومات


واذا ممكن اسم هذا البنك على الخاص او العام

وجزاك الله كل خير

الا اذا كان لك هدف ثاني هذا شي راجعلك.

وفقك الله.

أهم شي الشخصيات المهمة لاتنكشف :secret:
وين قاعدين احنا وإي أهداف ثانية بالله عليك ؟؟ الريال قاعد ايسوي خير واسلوبه جاد وواضح فالكلام بعد لو وحده وكاتبة هالرد بنبلعها وبنقول ماعليه بنت ومن حقها اتخاف وتعترض :omen2:
الله ايهداك بس

[fzaa_qatar]

يعطيك الف عااااافيه عالموضوع الحساس اللي يهم فئه كثيره من المواطنين وانا منهم وعلي مديونيه لبنك الدوحه وصار لي 6 اسنين ولا تغيرت وكل ماروح بنك اسلامي يتعذرون في قرارات البنك المركزي .. لان القرض اللي علي على 20 سنه ولا تغير حالها من يوم خذيتها .. فمادري اذا تقدر تفيديني فحالتي .. جزاك الله كل خير

[شيزكيك]

انا ان شاء الله ناويه اتخلص من البنك الربوي واروح المصرف الاسلامي او الدولي وان شاء الله تتيسر

الامور والله يفرجها علينا كلنا

[(الفيصل)]

جزاك الله خيرا ، ونفع الله بك

[ANONYMOUS]

موضوع يشجعني كثير ويريح والله :nice:
رغم ديوني ماتنقل على اي بنك :(

لكن موضوعك عطاني فكره والله يسهل لين ماتتيسر الامور

بس اخوي ممكن هالبنك اسمه

بس لين مارتب اموري يبيلي وقت بصراحه
ونيتي انقل من الربوي والله يسهل على نيتي

واتمنى الكل الي مديونيته سهله ينقل بدون مايفكر



والله مادري شقول لك.. الظاهر حصل لبس في الموضوع

الاخ انتعاش صاحب الموضوع

انا احد الاعضاء الللي علقوا فقط

والله يزين لك امورك كلها

[جنوب الدوحه]

جزاااك الله خييير

[pinky]

الحمدالله من كم شهر حولت مديونيتي من بنك ربوي لبنك اسلامي ورتحت

[إنتعاش]

ياهلا ومرحبا فيكم اخواني واخواتي الكرام

أشكركم على طيب التفاعل والردود والاطلاع والقراءة

الهدف من الموضوع يا اخوان هو إفادتنا بعضنا لبعض بتوفير و البحث عن أفضل الطرق أو السبل في تخليص المتورطين مع البنوك الربوية ذات الفوائد غير المنتهية .. بتحويلهم لبنوك إسلامية ذات مديونية ثابته و واضحة وضوح الشمس للعميل بحيث يعرف كم عليه بالريال والدرهم .. ويعرف كيف جالسه تنقص مديونيته قدام عينه ..

فلذلك المجال مفتوح للجميع بذكر عروض بنوك اخرى او طرق اخرى لتخليص الاخوان المديونين ..

بالنسبة للبنك واسمه الحقيقة ماهي امور عسكرية ولكن اخذتها من باب كوني من ادارة الموقع فلا اريد ان تكون بمثابة دعاية لبنك ما دون غيره .. ولكن المقصد هو ان وجدت هذا العرض واحببت اطلاعكم عليه ان كان به فعلا فائدة مرجوة للمديون لما يحط كامل مديونيته ويشوف كم بتصير وكم قسطه ومتى ينتهي .

اما بالنسبة للبيانات الشخصية للمديون فليست بشرط اساسي وليست قضية حتى ان كان هناك من يتحسس منها بعض الشيء فله كل الحق في ذلك . .لكن المقصد هو النية في عمل جدول بإسماء وارقام هواتف وكامل مديونيات و قسط و راتب كل شخص حتى يتم تسليمه لموظف التمويل مع ذلك البنك ..

وان كان هنالك من لا يريد ذلك فله كامل الحق .. وقد راسلت الاخوة المستفسرين واعطيتهم ارقام الاتصال والاسم للموظف حتى تكون الامور واضحة واللي ما يحب حتى يكتب اسمه على عيني وراسي ومن حقه .. لكن المقصد على الاقل الاسم الاول واسم الاب على الاقل ورقم الجوال للاتصال . . وان كان العضو يرغب في الاتصال بنفسه على الموظف خير وبركه .. فأنا على اتم الاستعداد لذلك ومن عيوني .. فالهدف هو الافادة والتسهيل لا اكثر ولا اقل ..

فقط وضعتها للتنبيه والتوضيح وربما قد أشكلت على البعض منا ..

وتقبلوا فائق الاحترام والتقدير لكم جميعا ً

[aldana]

الله يجزيك خير

[الـقـاسـي]

الله يجزاك خير اخوي انتعاش ويوفقك ..
انا الحمد لله مش على بنك ربوي .. لكن نصيحة ياليت الاخوان ينتبهون لها ويحذرون منها عشان مايطيحون في نفس الخطاء ..
مش كل بنك اسلامي يكون فعلا اسلامي ولاتساهلون في هالموضوع لان كل البنوك الربويه فتحت لها فرع اسلامي عشان تجذب الزباين ..

فـ ياليت نسئل عن البنوك المفتين قبل لانروح لها ..

[مدريدي بفخر]

السلام عليكم جميعا
يعطيك العافيه اخوي ع الموضوع الرائع والمفيد
انا واحد كنت في البنك البريطاني من 2001 لغايه 2009 وبعد معاناه وقهر وصداع
الحمدلله قدرت انقل لبنك اسلامي واشتري راحة بالي واعرف اللي لي واللي على
الله يجزيك 1000 خير وكل الشباب يكونون في بنوك اسلاميه ان شاء الله

[Most Wanted]

الله يعطيك على فد نيتك أخوي أنتعاش وجزاك الله خير في نصيحتك ومساعدتك لاخوانك انهم ينقلون من البنوك الربويه الى بنوك اسلاميه.

بس في نقطه مهمه في تحويل القرض الى بنك اسلامي ولازم الكل ينتبه لها وهاي المعلومه علمني اياها واحد شغال في بنك اسلامي. القروض عندهم نوعين مرابحه اومساومه وهاي القرض يكون ثابت يعني يشوفون المبلغ اللي عليك ويزيدون عليه الارباح ويقسمونه على المده ويطلع القسط.

اما النوع الثاني اللي هو يسمونه الاجاره وهاي يختلف عن الاول ان القرض يكون عباره عن اجاره ويستخدم في الاغلب للعقارات وهني الفايده احتمال تتغير ولهانسبه محدده اللي هي 10% من قيمة القسط مب من المبلغ الباقي مثل لما الواحد مأجر بيت والمالك يزيد عليه الاجار المحدد من الدوله واللي هي النسبه اللي فوق.

ونصيحه يا اخوان اللي يبغي ينقل يتوكل على الله وايد ناس حولوا اسلامي وارتاحوا يشوفون القرض ينزل ويتحرك مب مثل البنوك الربويه وقروضهم اللي ما تنتهي.

[سيف العشق]

الله يجزاك خير اخوي انتعاش

طرح اقل مايقال عنه انه لوجه الله ولانزكي على الله احد

بيض الله وجهك واتمنى من بعض الاخوه اصلاح النيه

[The Blade]

بيض الله ويهك ياخوي انتعاش,
وان شاء الله يستفيدون الاخوان الاعضاء

[الرويـس]

موفقين

[AL3NA]

يعطيك الف عااااافيه عالموضوع الحساس اللي يهم فئه كثيره من المواطنين وانا منهم وعلي مديونيه لبنك الدوحه وصار لي 6 اسنين ولا تغيرت وكل ماروح بنك اسلامي يتعذرون في قرارات البنك المركزي .. لان القرض اللي علي على 20 سنه ولا تغير حالها من يوم خذيتها .. فمادري اذا تقدر تفيديني فحالتي .. جزاك الله كل خير





اخوي ابشرك ان البنك بينقلك ...انا رحت لبنك الدوحه الاسلامي اليوم 9/8/2010م وقالو لي اذا انت على بنك الدوحه الربوي نقدر ننقلك ولو المده على 20 سنه بنفس الفتره

روح لبنك الدوحه الاسلامي في شارع حمد الكبير مقابل بنك التنميه ... عند واحد اسمه علي محمد اول ما تدخل البنك بيكون اول واحد على يسارك ..

قالي لو انت على بنك الدوحه الحين اخليج تجيب المديونيه من الفرع الربوي اللي بجانب البنك الاسلامي في نفس الوقت واخلص لك باسرع وقت .


والله يوفقك ان شاء الله





اقولهاا للكل اللي على بنك الدوحه يقدر ينقل .. حق بنك الدوحه الاسلامي بنفس المده ولو كانت 20 سنه

[AL3NA]

عشان هل بنك الدوحه يستفيدون

[إنسان عادي]

اخوي ابشرك ان البنك بينقلك ...انا رحت لبنك الدوحه الاسلامي اليوم 9/8/2010م وقالو لي اذا انت على بنك الدوحه الربوي نقدر ننقلك ولو المده على 20 سنه بنفس الفتره

روح لبنك الدوحه الاسلامي في شارع حمد الكبير مقابل بنك التنميه ... عند واحد اسمه علي محمد اول ما تدخل البنك بيكون اول واحد على يسارك ..

قالي لو انت على بنك الدوحه الحين اخليج تجيب المديونيه من الفرع الربوي اللي بجانب البنك الاسلامي في نفس الوقت واخلص لك باسرع وقت .


والله يوفقك ان شاء الله





اقولهاا للكل اللي على بنك الدوحه يقدر ينقل .. حق بنك الدوحه الاسلامي بنفس المده ولو كانت 20 سنه



كفو وكلامك صح

[fzaa_qatar]

Al3na الله يعطيك الف عافيه وماقصرت وعسااااك عالقوه ان شاء الله وان شاء الله احول على بنك الدوحه الاسلامي عالاقل اسلامي ولا اتم عالربوي .. بارك الله فيك

[سيزن]

رتبوا أموركم و مالكم حجه , يا عملاء البنوك الربوية .
____

وبارك الله في صاحب الموضوع .

[إنتعاش]

حي الله كل من شاركنا وقرأ معانا وتفاعل معنا ..

استفدنا من المداخلات الآتي :

عملاء البنوك الربوية اول شي عليهم الذهاب للفرع الاسلامي للبنك نفسه اللي هم فيه .. ويتفسرون بشكل واضح حول كيفية تحويل المديونية .. بكافة الرسوم والمصاريف و و و .. بحيث تتوضح تكلفة الاجمالية للمديونية والقسط الشهري الثابت لها .. بعد هذا تطبعون اللي عطوكم اياه على ورقة وتدونون فيها .. وتجون لموضوعنا هذا .. وتقارنون اجمالي المديونيه بعد التحويل .. مع البنك الاسلامي الموضح حسبته في موضوعنا بملف الاكسل .. وتقارنون ..
كان عرض بنكك بفرعه الاسلامي افضل .. كإجمالي مديونية .. توكل على الله و حول عليه ..
كان عرض بنكنا الاسلامي الموضح ( بنك بروة ) أفضل من بنكك .. توكل على الله وراسلني وخذ مني تفاصيل الموظف للاتصال به ..

والله يوفقنا واياكم لكل مافيه خير وبركة


تحياتي لكم

[درع الوطن]

اخوي ابشرك ان البنك بينقلك ...انا رحت لبنك الدوحه الاسلامي اليوم 9/8/2010م وقالو لي اذا انت على بنك الدوحه الربوي نقدر ننقلك ولو المده على 20 سنه بنفس الفتره

روح لبنك الدوحه الاسلامي في شارع حمد الكبير مقابل بنك التنميه ... عند واحد اسمه علي محمد اول ما تدخل البنك بيكون اول واحد على يسارك ..

قالي لو انت على بنك الدوحه الحين اخليج تجيب المديونيه من الفرع الربوي اللي بجانب البنك الاسلامي في نفس الوقت واخلص لك باسرع وقت .


والله يوفقك ان شاء الله





اقولهاا للكل اللي على بنك الدوحه يقدر ينقل .. حق بنك الدوحه الاسلامي بنفس المده ولو كانت 20 سنه



السؤال اللي قاعد يطرح نفسه بخصوص البنوك الربويه اللي فاتحه أفرع أسلاميه ::::

من وين راس مال الفرع الإسلامي للبنك الربوي ؟؟؟؟؟؟؟

وإذا كان هناك فرع أسلامي لماذا الإصرار على بقاء البنك الربوي الرئيسي ؟؟؟؟؟؟؟

الدعوه مش خبط ولزق .. الدعوه ذمه وضمير ....

من منكم يقدر يضمن لي أن راس مال الفرع الإسلامي للبنك الربوي هو رأس مال أسلامي خالص وليس من فوائد البنك الربوي ....

أرجو منكم التمهل وعدم الوقوع في مصيدة الربى .. يعني يطلع من حفره ويطيح في حفره

وشكراً لصاحب الموضوع .. وجعله الله في ميزان حسناتك

[AL3NA]

السؤال اللي قاعد يطرح نفسه بخصوص البنوك الربويه اللي فاتحه أفرع أسلاميه ::::

من وين راس مال الفرع الإسلامي للبنك الربوي ؟؟؟؟؟؟؟

وإذا كان هناك فرع أسلامي لماذا الإصرار على بقاء البنك الربوي الرئيسي ؟؟؟؟؟؟؟

الدعوه مش خبط ولزق .. الدعوه ذمه وضمير ....

من منكم يقدر يضمن لي أن راس مال الفرع الإسلامي للبنك الربوي هو رأس مال أسلامي خالص وليس من فوائد البنك الربوي ....

أرجو منكم التمهل وعدم الوقوع في مصيدة الربى .. يعني يطلع من حفره ويطيح في حفره

وشكراً لصاحب الموضوع .. وجعله الله في ميزان حسناتك



انا اتصلت على الدعوة والارشاد قبل ادخل بنك الدوحه .. على بالي بيقدرون ينقلوني عندهم بس قالو للعملاء فقط .. المهم اتصلت في الدعوة والارشاد وسألت الشيخ قال اذا اسمه الاسلامي خلاص . هو اسلامي

[طلعة الروح]

يبه روح بنك اسلامي خالص...
بلا امانه بلا حصاد بلا الصفاء...
كلهم حراميه وما استثني منهم احد
وانا مسؤوله عن كلامي...
شلون تأمن الحرامي على الحرامي...
غير جذي ما يبط جبدي الا لما يقولون
ميزانية مستقلة...
من وين جات الميزانية المستقله
ومن تبرع لكم فيها؟؟؟

[AL3NA]

طيب على ايدج .. :)

[إنتعاش]

بشارة الشهر الفضيل ..

بنك بروة الاسلامي بيقدم بكرة عرض شهر رمضان المبارك

مدة العرض : من 1 رمضان إلى 30 رمضان فقط

العرض : أول سنة لك .. تدفع فقط نصف القسط

توضيح :

شخص لديه مديونية نفترض ( 500 الف ريال ) وتم تقسيط المبلغ عليه بعدد ( كذا سنة من غير تحديد )
وكان قسطه الشهري على سبيل المثال (10 الاف ريال )

سيدفع اول 12 شهر من العرض 5000 ريال شهريا فقط ..
وفي 1 رمضان السنة الجاية يرجع القسط 10 الاف ريال ..

طيب سؤال يا انتعاش .. :
هل الـ نصف القسط لأول 12 شهر بيتم ترحيله علي عقب وبيصير علي اغلى من بيع السوق ؟
( نفس سالفة البنوك الربوية مع قسط رمضان والعيد اللي تطلع من عين العميل ؟ )

الجواب : لا .. مطلقا ً .. هو عبارة عن تحمل البنك لنصف القسط ترغيبا للعملاء ..

السؤال الثاني : هل لهذا العرض مبالغ معينة او مثلا .. عدد سنين محدده ؟

الجواب : لا .. لأي مبلغ مديونية .. ولأي عدد سنوات ..


السؤال الاخير : هل هذا العرض بيكونون ماخذينه اصلا علي من نسبة الربح مالتهم ؟ يعني زادو نسبة الربح علي وانا مادري ؟

الجواب : لا . فبالعكس تم تنزيل نسبة الربح من 5.8 % و وصلت اليوم 5.3 % ..

طيب يا انتعاش ممكن تسوي لنا جدول جديد بالنسبة الجديدة خل نشوف ونقراه ؟

الجواب : من عيوني .. شوفوه بالمرفقات ادناه ..

وكل عام ورمضانكم خير وبركة

[ضوى]

جزاك الله خير وبيض الله ويهك وعساها تثقل ميزانك يوم الحساب ان شاء الله

[AL3NA]

انتعاش توسط لي :p

[السندان]

جزاك الله خير اخوي انتعاش على تسهيل عملية ايجاد الحلول المناسبه لبعض اخواننا المتورطين بالديون الشبه ابديه وأسأل الله في هذا اليوم الفضيل بأن يفرج كربتهم ويخلصهم من الاستعباد الذي طالهم من أهل الربا ومن ظلم تلك المؤسسات التي تحارب الله ورسوله
واسأل الله لي ولهم الهدايه شباب بعمر العشرينات وبداية الثلاثينات غرقانين بالديون على ايش سيارات وسفر
من اراد الخلاص فعليه التوبة اولا خوفا من الله وان ينوي ان لا يرجع للربا ثانية حتى يفتح الله له ابواب الرحمه و السعاده ويوفقه بالانتقال الى بنك اسلامي ليسوي اموره ويطيح الهم
طبعا كلامي هذا لمن اخذ قروض ربويه حتى لايطلع لي واحد ويعتب على
بالتوفيق للجميع..وكل عام وانتم بخير ومبارك عليكم شهر رمضان

[sulai6i]

جزاك الله خير انتعاش


بارك الله فيك واثابك

ومبارك عليك الشهر

[البرونزي]

بشارة الشهر الفضيل ..

بنك بروة الاسلامي بيقدم بكرة عرض شهر رمضان المبارك

مدة العرض : من 1 رمضان إلى 30 رمضان فقط

العرض : أول سنة لك .. تدفع فقط نصف القسط

توضيح :

شخص لديه مديونية نفترض ( 500 الف ريال ) وتم تقسيط المبلغ عليه بعدد ( كذا سنة من غير تحديد )
وكان قسطه الشهري على سبيل المثال (10 الاف ريال )

سيدفع اول 12 شهر من العرض 5000 ريال شهريا فقط ..
وفي 1 رمضان السنة الجاية يرجع القسط 10 الاف ريال ..

طيب سؤال يا انتعاش .. :
هل الـ نصف القسط لأول 12 شهر بيتم ترحيله علي عقب وبيصير علي اغلى من بيع السوق ؟
( نفس سالفة البنوك الربوية مع قسط رمضان والعيد اللي تطلع من عين العميل ؟ )

الجواب : لا .. مطلقا ً .. هو عبارة عن تحمل البنك لنصف القسط ترغيبا للعملاء ..

السؤال الثاني : هل لهذا العرض مبالغ معينة او مثلا .. عدد سنين محدده ؟

الجواب : لا .. لأي مبلغ مديونية .. ولأي عدد سنوات ..


السؤال الاخير : هل هذا العرض بيكونون ماخذينه اصلا علي من نسبة الربح مالتهم ؟ يعني زادو نسبة الربح علي وانا مادري ؟

الجواب : لا . فبالعكس تم تنزيل نسبة الربح من 5.8 % و وصلت اليوم 5.3 % ..

طيب يا انتعاش ممكن تسوي لنا جدول جديد بالنسبة الجديدة خل نشوف ونقراه ؟

الجواب : من عيوني .. شوفوه بالمرفقات ادناه ..

وكل عام ورمضانكم خير وبركة

والله ودي انقل
لكن الفاس طاح في الراس
واصبح الوضع شبه المستحيل :weeping:


تسلم اخوي وجزاك الله خير
ومبروك عليك الشهر الفضيل

[مهره]

اشكر اخوي على ها المبادرة والله يجعلها فى ميزان حسناتة

[إنسان عادي]

والله ودي انقل
لكن الفاس طاح في الراس
واصبح الوضع شبه المستحيل :weeping:


تسلم اخوي وجزاك الله خير
ومبروك عليك الشهر الفضيل

ليش شبه مستحيل ، بعون الله تقدر وتقدر تنقل بنفس قرضك ونفس عدد السنين

[toomi9]

جزاك الله خير
في ميزان حسناتك

[s o s o]

زين انا مديونيتي اساسا في بنك اسلامي ..

اشلون الحل ؟

[مستجدة]

الحمدلله زوجي وخواني كلهم حولوا بنك اسلامي بمساعده هذا البنك الله يجزاهم خير
وكلها كم سنه تقريبا 5 سنوات وتخلص مديونيتهم واللي كانت بسبب الزواج والبناء وسلف سياره

الله يجزاك خير ياصاحب الفكره والله يغني الناس بالحلال ويكفيهم شر الحرام

كل عام وانتم بخير ومبارك عليكم الشهر جميعا

[جرير]

عندي سؤال اخوي انتعاش

بخصوص اذا الواحد صار له فتره يسدد مع البنك اللي هو فيه

والبنك خذ فايدته . . . . . لان اكثر البنوك تاخذ الفايده من البدايه

عشان تضمن فايدتها في حاله رغبت في التسديد المبكر

وطبعا في هالحاله اذا فكرت تنقل راح تسوي جدوله

وشغلانه عريضه . . . . وفوايد من اول وجديد

شنهو الحل برايك

تقبل فائق احترامي

[Index Signal]

بشارة الشهر الفضيل ..

بنك بروة الاسلامي بيقدم بكرة عرض شهر رمضان المبارك

مدة العرض : من 1 رمضان إلى 30 رمضان فقط

العرض : أول سنة لك .. تدفع فقط نصف القسط

توضيح :

شخص لديه مديونية نفترض ( 500 الف ريال ) وتم تقسيط المبلغ عليه بعدد ( كذا سنة من غير تحديد )
وكان قسطه الشهري على سبيل المثال (10 الاف ريال )

سيدفع اول 12 شهر من العرض 5000 ريال شهريا فقط ..
وفي 1 رمضان السنة الجاية يرجع القسط 10 الاف ريال ..

طيب سؤال يا انتعاش .. :
هل الـ نصف القسط لأول 12 شهر بيتم ترحيله علي عقب وبيصير علي اغلى من بيع السوق ؟
( نفس سالفة البنوك الربوية مع قسط رمضان والعيد اللي تطلع من عين العميل ؟ )

الجواب : لا .. مطلقا ً .. هو عبارة عن تحمل البنك لنصف القسط ترغيبا للعملاء ..

السؤال الثاني : هل لهذا العرض مبالغ معينة او مثلا .. عدد سنين محدده ؟

الجواب : لا .. لأي مبلغ مديونية .. ولأي عدد سنوات ..


السؤال الاخير : هل هذا العرض بيكونون ماخذينه اصلا علي من نسبة الربح مالتهم ؟ يعني زادو نسبة الربح علي وانا مادري ؟

الجواب : لا . فبالعكس تم تنزيل نسبة الربح من 5.8 % و وصلت اليوم 5.3 % ..

طيب يا انتعاش ممكن تسوي لنا جدول جديد بالنسبة الجديدة خل نشوف ونقراه ؟

الجواب : من عيوني .. شوفوه بالمرفقات ادناه ..

وكل عام ورمضانكم خير وبركة






جزاك الله خير ياخوي إنتعاش على هالخبر الطيب ..

و فرصه للمدينين لبنوك ربويه إنهم ينتهزون هالفرصه ..

و الله يجعل لك الأجر من كل شخص إستفاد من موضوعك و حوّل مديونيته .

ملاحظه : حولك S8 للبيع..؟! :tomato:

[Thamer_Qat]

عندي سؤال اخوي انتعاش

بخصوص اذا الواحد صار له فتره يسدد مع البنك اللي هو فيه

والبنك خذ فايدته . . . . . لان اكثر البنوك تاخذ الفايده من البدايه

عشان تضمن فايدتها في حاله رغبت في التسديد المبكر

وطبعا في هالحاله اذا فكرت تنقل راح تسوي جدوله

وشغلانه عريضه . . . . وفوايد من اول وجديد

شنهو الحل برايك

تقبل فائق احترامي



سبحان الله كنت على وشك صياغة سؤال نفس اللي سألته بس سبقتني اخوي العزيز

فعلا هل يعقل اني اكافئ بنك ربوي بسداد باقي الدين وهو اصلا يعتبر اصل المبلغ بعدما اخذ البنك كل او معظم فوائده من بداية القرض الى اليوم على افتراض ان الدين صار له سنين وكل اللي انسحب فوائد؟

يعني انا اعترف اني غلطت وسقطت في الربا من جهل وليس من باب المعصية والعياذ بالله بس مش معناتها اني اكافأ بنك ربوي واخلي بنك اسلامي يضحك علي مره ثانية بفوائد اسلامية جديده بحجة انقاذي من الربا

اعتقد ياخوي انتعاش
ان حديثي سلفيات البنوك الربوية هم المستفيدين من هذه العروض الاسلامية وليس من صار لهم مدة طويلة وهم يسددون فوائد القرض وليس اصل المبلغ ولما حان وقرب وقت سداد اصل القرض يذهب لتلك العروض الأسلامية ويجعلهم يشترون قرضه بعد فوات الأوان

اتمنى الفكرة وصلت

[رياني qtr]

بعد اذنكم وقبل كل شي كل عام وانتم بخير اقترح على الادارة تثبت الموضوع لاهميته وكبر الاستفادة الي استفادها الجميع وحتى يكون سهل الوصول له ويعطيك 1000 - 1000 عافية اخوي انتعاش وان شاءالله في ميزان حسناتك في هذا الشهر الفضيل الي تتضاعف فيه الحسنه يارب امين :nice:

[barod]

بيض الله وجهك اخوي انتعاش وفي ميزان حسناتك ان شاء الله

[Rayane]

بيض اللــــــــــــــــه وجهك باختصار

ابي ارسل لك رساله...

[qatar1111]

جزاك الله خير

اخوي انتعاااااااااااش

سؤال ياشباب وشو هو احسن بنك اسلامي

المصرف ولا بروه ولا قطر

ياريت اتفيدونا

[إنتعاش]

بيض اللــــــــــــــــه وجهك باختصار

ابي ارسل لك رساله...

و وجهك اخوي و وجه كل من يشارك ويفيدنا كلنا بالمعلومات النافعه

ابشر اخوي ارسل باللي ودك وانا حاضر لاستفسار او افادة

[إنتعاش]

جزاك الله خير

اخوي انتعاااااااااااش

سؤال ياشباب وشو هو احسن بنك اسلامي

المصرف ولا بروه ولا قطر

ياريت اتفيدونا

ويجزاك الجنة اخوي

اخوي من اي ناحية تسأل من الأحسن ؟

يعني هل انت عليك مديونية في بنك مش اسلامي وتبي تحول مديونيتك على بنك اسلامي ؟

او ماعندك مديونيات وتبي تفتح حساب ببنك اسلامي فقط ؟

ياريت توضح سؤالك عشان اجابات الاخوان تناسبك اكثر ويفهمون عليك

[إنتعاش]

عندي سؤال اخوي انتعاش

بخصوص اذا الواحد صار له فتره يسدد مع البنك اللي هو فيه

والبنك خذ فايدته . . . . . لان اكثر البنوك تاخذ الفايده من البدايه

عشان تضمن فايدتها في حاله رغبت في التسديد المبكر

وطبعا في هالحاله اذا فكرت تنقل راح تسوي جدوله

وشغلانه عريضه . . . . وفوايد من اول وجديد

شنهو الحل برايك

تقبل فائق احترامي

هلا اخوي جرير

والله يالغالي سؤالك في محله ومهم ..
لكن بالنسبة لي ما اعرف تفاصيل طريقة احتساب البنوك الربوية للمدد الطويلة وكيفية توزيع القرض الاساسي وفايدة البنك ..

فياريت الاخوان الافاضل اللي عندهم علم ومعلومات اكيدة يفيدوننا وينورونا

[إنتعاش]

زين انا مديونيتي اساسا في بنك اسلامي ..

اشلون الحل ؟

الحل بسيط اختي بإيجاد مصادر دخل ذاتية تساعدج على مواجهة إلتزاماتج المالية ..

فلا يوجد ذهب تمطر به السماء :victory:

[بحـر]

اخوي انتعاش ممكن ترسل لي اسم الموظف ورقمه لأستفسر منه عن كيفية نقل قرضي للبنك وجزاك الله خيرا

[إنتعاش]

تم مراسلة كافة الاخوة المستفسرين والرد عليهم ببيانات الاتصال والتنسيق مع البنك المذكور

وان شاءالله امورهم تتعدل وتترتب وتكون فيها راحة لهم وخير ومنفعة

بالنسبة اخواني فقط حبيت اذكر نقطتين :

النقطة الاولى : النظرة الفوقية على المتعاملين او الواقعين في بنوك ربوية ، فلا أعتقد انها جيدة ولا مناسبة فهم بالأول والأخير اخوة لنا من دمنا ولحمنا ومن ابناء وطننا الغالي ، جارت عليهم الايام وحاجتهم الظروف على ذلك و وقعوا في ورطة هذه البنوك التي لا ترحم ولا تراعي ، فمن باب الغيرة على مصالحهم وعلى اموالهم و على مصيبتهم المادية في تلك البنوك يجب علينا جميعا التعامل بمبدأ الاخوة والتعاون والنصح والمحبة لا بخلاف ذلك جزاكم الله خير .

النقطة الثانية : مدى مطابقة البنك الاسلامي للشريعة الاسلامية وهل فعلا فلوس انشائه حلال او غير حلال ، هذه ليست الآن محور أساسي في موضوعنا هذا ، وحتى إن كان هنالك مخالفات على البنك الفلاني او العلاني فلديه هيئة استشارية شرعية مسؤوله عنه امام الله وامامنا ، وثانياً حتى لو كانت البدائل امامنا كلها غير اسلامية ، فالآن نريد الانسب ماديا وماليا لأعضائنا أيا ً كان ، نريد قروض صريحة و واضحة ، ومريحة للناس ، نريد الناس تفتك من الدين من الاساس بأقرب وقت ممكن ، نبي الاخ فينا او العضو يحط راسه في يوم قريب ان شاءالله على المخده وهو مرتاح البال ما يشيل هم دين بنك ولا قسط ياكل من راتبه اكل مايرحم .

وان شاءالله يكون هالموضوع هو بداية جادة وعملية للعديد من المواضيع القادمة منكم لطرح وسائل اخرى مفيدة للجميع
1- وسائل و أساليب جديدة تدخل على الانسان رزق كم ريال بالشهر لمواجهة القسط الحالي عليه .
2- التعاون الجماعي لأعضاء هذا الموقع لفك أعضاء آخرين عن الديون والالتزامات المادية .
نريد من خلال هذا الموقع ان نتمثل بأرقى المشاعر والمواضيع والأخلاقيات والفزعات لبعضنا البعض ..

فأنتم أهل قطر .. أهل الخير أهل الفايدة لبعضكم والمنفعة .. عيال النفيعي اللي ينضرب فيكم الأمثال دائما ً ..

تحياتي لقلوبكم وان شاءالله ما ينتهي هالشهر الفضيل إلا واحنا قدرنا اننا نخلص أكبر عدد ممكن من اخواننا واعضائنا واعزائنا من أنياب البنوك الربوية بتحويلهم للبنوك الإسلامية ..

وهاذي دعوة عامة حتى للعضو اللي ماعنده مديونية ولكن عنده اخ متورط او صديق او قريب او عزيز عليه متورط ببنك ربوي تراها ايضا باب لمساعدتهم من خلال الاستفادة من العروض اللي جالسين نحطها لكم سواء لبنك بروة الاسلامي او مصرف قطر او الدولي او الريان او غيرهم ..

تحياتي وتقديري

[البرونزي]

ليش شبه مستحيل ، بعون الله تقدر وتقدر تنقل بنفس قرضك ونفس عدد السنين

قلت مستحيل لاني انا في الوطني
واتصلت في الوطني الاسلامي
وقالو لي اقصى حد 7 سنوات
ومايصير انقل بعدد السنين
واستفسرت اكثر من بنك وكلهم
قالو نفس الكلاااااااااااااااااام
واذا اتعرف بنك معين ياليت
تقولي عنه
وجزاك الله خير


الله يعين ان شاء الله :weeping:

[مسباح عاج]

السلام عليكم ،،

اليوم راجعت بنك بروة الاسلامي ، ومصرف الريان ، والوطني الاسلامي
ولا بنك قبل بشراء المديونية

[بو الجوري]

يعطيك العافيه أخوي :..

عندي إستفسار :..
هل لازم ينزلي راتب أول شهر عندعم وعقب آخذ القرض :..
وإلا في مجال أحول الراتب ويسدون المديونيه ويعطوني سلفيه ؟

[s o s o]

الحل بسيط اختي بإيجاد مصادر دخل ذاتية تساعدج على مواجهة إلتزاماتج المالية ..

فلا يوجد ذهب تمطر به السماء :victory:

عطني اقتراحات ..

[سلمان_1]

السلام عليكم

جزاك الله خير ومبروك عليك الشهر يا انتعاش

عندي ملاحظة على شراء المديونيات واحذر الشباب من الوقوع فيها.

واحد من الربع كان عليه مديونية في احدى البنوك الربوية هذه المديونية كانت حوالي 700 الف على 30 سنة.

المهم وافق احدى البنوك الاسلامية على شراء الدين لكن عشان يكون القرض شرعي لازم يشتري شي و يبيعه و ياخذ الفلوس للبنك الربوي عشان يسدد اللي عليه.

المهم الرجال اشترى اسهم و من حظه الردي انه الاسهم ثاني يوم خسفت في الارض و خسر حوالي 40 الف في اليوم الاول ، نطر لليوم الثاني ، ونزلت البورصه لليوم الثاني.

الزبدة :
تصور لو هذا الشخص ضاعت فلوسه في البورصة ولا قدر يسدد البنك الربوي و اصبح مديون للبنك الاسلامي بالإضافة إلي البنك الربوي

فهناك خطورة كبيرة من تسديد الدين بالدين لازم ننتبها لها.

[sweidan]

اخوي انتعاش ممكن ترسل لي اسم الموظف ورقمه لأستفسر منه عن كيفية نقل قرضي للبنك وجزاك الله خيرا

[بوجسمه]

اخوي انتعاش ممكن ترسل لي اسم الموظف ورقمه لأستفسر منه عن كيفية نقل قرضي للبنك وجزاك الله خيرا

[بوجسمه]

قلت مستحيل لاني انا في الوطني
واتصلت في الوطني الاسلامي
وقالو لي اقصى حد 7 سنوات
ومايصير انقل بعدد السنين
واستفسرت اكثر من بنك وكلهم
قالو نفس الكلاااااااااااااااااام
واذا اتعرف بنك معين ياليت
تقولي عنه
وجزاك الله خير


الله يعين ان شاء الله :weeping:والله ان بعد نفس الشي اتصلت فيهم ونفس الكلام حد افيدنا وجزاكم الله الف خير

[إنتعاش]

الاخوان الكرام تحياتي لكم وان شاءالله من راسلني على الخاص بنجيه التفاصيل وبيانات الاتصال

تحياتي لكم

[داماس]

تسلم اخوي على هل معلومة .. والله يجزيك كل خير

[زقرتي ومزاجي]

الله يعطيك العافية اخوي

[مرتبش]

السلام عليكم

جزاك الله خير ومبروك عليك الشهر يا انتعاش

عندي ملاحظة على شراء المديونيات واحذر الشباب من الوقوع فيها.

واحد من الربع كان عليه مديونية في احدى البنوك الربوية هذه المديونية كانت حوالي 700 الف على 30 سنة.

المهم وافق احدى البنوك الاسلامية على شراء الدين لكن عشان يكون القرض شرعي لازم يشتري شي و يبيعه و ياخذ الفلوس للبنك الربوي عشان يسدد اللي عليه.

المهم الرجال اشترى اسهم و من حظه الردي انه الاسهم ثاني يوم خسفت في الارض و خسر حوالي 40 الف في اليوم الاول ، نطر لليوم الثاني ، ونزلت البورصه لليوم الثاني.

الزبدة :
تصور لو هذا الشخص ضاعت فلوسه في البورصة ولا قدر يسدد البنك الربوي و اصبح مديون للبنك الاسلامي بالإضافة إلي البنك الربوي

فهناك خطورة كبيرة من تسديد الدين بالدين لازم ننتبها لها.

جزاك الله خير على اثارة هالنقطة..

يرجى دراسة الموضوع من كل الجهات قبل اتخاذ القرار..اعلم بان النية صافية بس القانون قد لايكون في صفك بعد التوقيع على الاوراق..خذ وقتك وادرس امكانياتك

بالتوفيق للجميع

[إنتعاش]

الشباب اللي ذكروا لنا ان في بنوك عندها استثناء بالنسبة للمدد الطويلة ياريت يذكرونها لاخوانهم اللي يحاولون ينقلون من البنوك الربوية عشان يستفيدون من المعلومة

تحياتي لكم

[كاتم المواجع]

:nice:^^^^^

ابشر ويستاهلون الشباب...

اللي عليه مديونيه في بنك الدوحـــــــــــــــــــه يستطيع ينقل المديونيه على بنك الدوحه الاسلامي بنفس ماتبقى عليه من سنين وبفائده 5% وبدون عموله سداد مبكر ..... للفائده :nice:

[إنسان عادي]

الشباب اللي ذكروا لنا ان في بنوك عندها استثناء بالنسبة للمدد الطويلة ياريت يذكرونها لاخوانهم اللي يحاولون ينقلون من البنوك الربوية عشان يستفيدون من المعلومة

تحياتي لكم

بنك قطر الدولي الإسلامي ---- عشر سنوات
الهلال الإسلامي - فرع إسلامي للبنك الأهلي يشتري مديونيات عملاء البنك الربوي بنفس المبلغ ونفس المدة المتبقية يعني لو عشرين سنة مافيه مشكلة بس لعملاء الأهلي .

[الغلا]

الله يوفقك دنيا واخره

[مريش]

بشارة الشهر الفضيل ..

بنك بروة الاسلامي بيقدم بكرة عرض شهر رمضان المبارك

مدة العرض : من 1 رمضان إلى 30 رمضان فقط

العرض : أول سنة لك .. تدفع فقط نصف القسط

توضيح :

شخص لديه مديونية نفترض ( 500 الف ريال ) وتم تقسيط المبلغ عليه بعدد ( كذا سنة من غير تحديد )
وكان قسطه الشهري على سبيل المثال (10 الاف ريال )

سيدفع اول 12 شهر من العرض 5000 ريال شهريا فقط ..
وفي 1 رمضان السنة الجاية يرجع القسط 10 الاف ريال ..

طيب سؤال يا انتعاش .. :
هل الـ نصف القسط لأول 12 شهر بيتم ترحيله علي عقب وبيصير علي اغلى من بيع السوق ؟
( نفس سالفة البنوك الربوية مع قسط رمضان والعيد اللي تطلع من عين العميل ؟ )

الجواب : لا .. مطلقا ً .. هو عبارة عن تحمل البنك لنصف القسط ترغيبا للعملاء ..

السؤال الثاني : هل لهذا العرض مبالغ معينة او مثلا .. عدد سنين محدده ؟

الجواب : لا .. لأي مبلغ مديونية .. ولأي عدد سنوات ..


السؤال الاخير : هل هذا العرض بيكونون ماخذينه اصلا علي من نسبة الربح مالتهم ؟ يعني زادو نسبة الربح علي وانا مادري ؟

الجواب : لا . فبالعكس تم تنزيل نسبة الربح من 5.8 % و وصلت اليوم 5.3 % ..

طيب يا انتعاش ممكن تسوي لنا جدول جديد بالنسبة الجديدة خل نشوف ونقراه ؟

الجواب : من عيوني .. شوفوه بالمرفقات ادناه ..

وكل عام ورمضانكم خير وبركة

اخوي انتعاش جزاك الله خير
خبر مفرح لكن عندي سؤالين

1 - هل يستحق الموضوع النقل لبروه رغم ان نسبه الفوايد كبيره !!
لكن اكيد مش اكثر من الي انا فيه

2 - انا عليي اقساط في 4 بنوك وبعض المتاخرات مادري شلون حسبتها
لكن هل لبنك بروه نسبه معينه للقروض !! والسنين !! ولا الامور طيبه عندهم
!!

وشكراً

[الايرباص320]

جزاك الله خيرا

[الصريحه]

جزيت كل خير

[مريش]

السلام عليكم ،،

اليوم راجعت بنك بروة الاسلامي ، ومصرف الريان ، والوطني الاسلامي
ولا بنك قبل بشراء المديونية

معقوله !!

بس اخوي هل المدينونيه كبيره من مليون وفوق
وننتظر التوضيح من اخونا انتعاش

شكلنا :( مع البنوك الربويه

[نااااني]

اخوي لو سمحت انا مديون بمليون وشوي وابي اتواصل معاك كيف الطريقه.............

[إنتعاش]

الاخوان اللي عليهم مديونيات كبيرة

عليهم اول شي انهم يتصلون على بنوكهم ( الفروع الاسلاميه ) ويستفسرون بكامل التفاصيل والمصاريف واجمالي المديونية بعد التحويل .. ويشوفون هل زادت فوايد عليهم او نفس المديونية ؟
على حسب كلام الاخوان في بنك الدوحة انه ياخذ المديونية كما هي ويحولها للبنك الاسلامي التابع له ..

فالأخوان اللي عليهم مبالغ كبيرة فوق 800 الف ريال عليهم مراجعة بنوكهم بفروعها الاسلامية والاستفسار حتى نعرف ويستفيد الجميع وتتضح الصورة اكثر لنا

تحياتي لكم

[ام السعف]

جزاك الله كل خير يا صاحب الموضوع على حركتك ومحاولتك تخفيف الهموم من على المديونين

ياالله همتهكم يا مديوني البنوك شدوا حيلكم وحاولوا تفتتكون اشويات من الديون وهمها ..

[%حورية قطر%]

جزاك الله خير اخوي وف ميزان حسناتك

[venum]

الاخوان اللي عليهم مديونيات كبيرة

عليهم اول شي انهم يتصلون على بنوكهم ( الفروع الاسلاميه ) ويستفسرون بكامل التفاصيل والمصاريف واجمالي المديونية بعد التحويل .. ويشوفون هل زادت فوايد عليهم او نفس المديونية ؟
على حسب كلام الاخوان في بنك الدوحة انه ياخذ المديونية كما هي ويحولها للبنك الاسلامي التابع له ..

فالأخوان اللي عليهم مبالغ كبيرة فوق 800 الف ريال عليهم مراجعة بنوكهم بفروعها الاسلامية والاستفسار حتى نعرف ويستفيد الجميع وتتضح الصورة اكثر لنا

تحياتي لكم


جزاك الله خير اخوي انتعاش على الموضوع الطيب والله يرحم والديك

بصراحة اخوي موضوعك حمسني لانه على مديونية كبيرة وماخليت بنك الا رحت له

وامس رحت لبنكي ( الدوحة ) الفرع الاسلامي وسألتهم عن موضوع النقل

ولله الحمد قالو لي امورك سهالات مدام انك في بنك الدوحة وبتحول للدوحة الاسلامي

والفرق بينهم انه مديونيتي في الدوحة من 2006 لليوم مانزل منها ريال بالعكس زادت

والدوحة الاسلامي قالولى نشتريها على نفس عدد السنوات بفايدة 5%

والقسط الى يندفع راح ينزل من المديونية,

ونصيحة لكم اخواني ابعدوا من الربا والله الراتب مافيه بركه

وسامحوني عالطوالة

[حمد بن سعد]

جزاك الله خير على الموظوع

في ناس صعبه عليها مثلا

ان علي 700,000 وقصدي ابتدى من 5100 ونهايته بيصير 8200 كل سنه ايزيد القصد على 18 سنه

اذا جيت بنقل بنك اسلامي طبعا بيشتري المديونيه بس وش بيسوي بيقصب اضهري الفتره المسموح بها 7 سنوات والقصط لا يقل عن 12000 خلص المعاش .

شنسوي طاح الراس في الراس .

الله يعينا على سداد الدين . باقي 14 سنه ويخلص هههههههههه

[نااااني]

جزاك الله خير اخوي انتعاش على الموضوع الطيب والله يرحم والديك

بصراحة اخوي موضوعك حمسني لانه على مديونية كبيرة وماخليت بنك الا رحت له

وامس رحت لبنكي ( الدوحة ) الفرع الاسلامي وسألتهم عن موضوع النقل

ولله الحمد قالو لي امورك سهالات مدام انك في بنك الدوحة وبتحول للدوحة الاسلامي

والفرق بينهم انه مديونيتي في الدوحة من 2006 لليوم مانزل منها ريال بالعكس زادت

والدوحة الاسلامي قالولى نشتريها على نفس عدد السنوات بفايدة 5%


والقسط الى يندفع راح ينزل من المديونية,

ونصيحة لكم اخواني ابعدوا من الربا والله الراتب مافيه بركه

وسامحوني عالطوالة












اخوي انا كلمتهم وانا مديونيتي فوق 800 الف وما قبلوا ....ممكن اعرف كم مديونيتك اللي في بنك الدوحه قبل لا تحول لاسلامي؟؟؟؟

[venum]

اخوي انا كلمتهم وانا مديونيتي فوق 800 الف وما قبلوا ....ممكن اعرف كم مديونيتك اللي في بنك الدوحه قبل لا تحول لاسلامي؟؟؟؟

اختي مديونيتي حوالى 550000

والبنك اللى بحول له بنك الدوحه نفسه الفرع الاسلامي

ولو تبين اسم الموظف والفرع ان شاء الله يوصلج عالخاص مع رقم تلفونه

[جرير]

:nice:^^^^^

ابشر ويستاهلون الشباب...

اللي عليه مديونيه في بنك الدوحـــــــــــــــــــه يستطيع ينقل المديونيه على بنك الدوحه الاسلامي بنفس ماتبقى عليه من سنين وبفائده 5% وبدون عموله سداد مبكر ..... للفائده :nice:



يعني راح يحط على نفسه فوايد اكثر لما ينقل على بنك الدوحه الاسلامي

وفي النهايه راح يتورط بمبلغ كبير . . من وجهه نظري يتم على نفس البنك وتكون نيته

انه ما يعمل اي جدوله او قرض من عندهم . . . وطبعا هو اخطاء من البدايه كونه

تعامل مع بنك ربوي ولكن لجهل البعض وقعو في التعامل مع هذه البنوك

ولين يخلص اللي عليه وبعدها يحول لبنك اسلامي . . . . اما لو كان لو التحويل من بنك

ربوي الى اسلامي من دون فوايد كبيره مجرد رسوم اداريه وما شابه ذالك

في هذي الحاله . . . . ارفع شعار ( حولها اسلامي ) وفي النهايه كل واحد له

وجهه نظر . . . . والبنوك الربويه ابد ما فيها خير

هذا والعلم عند الله

[النهار]

الله يجزيك خير يارررب

[durra]

يعني راح يحط على نفسه فوايد اكثر لما ينقل على بنك الدوحه الاسلامي

وفي النهايه راح يتورط بمبلغ كبير . . من وجهه نظري يتم على نفس البنك وتكون نيته

انه ما يعمل اي جدوله او قرض من عندهم . . . وطبعا هو اخطاء من البدايه كونه

تعامل مع بنك ربوي ولكن لجهل البعض وقعو في التعامل مع هذه البنوك

ولين يخلص اللي عليه وبعدها يحول لبنك اسلامي . . . . اما لو كان لو التحويل من بنك

ربوي الى اسلامي من دون فوايد كبيره مجرد رسوم اداريه وما شابه ذالك

في هذي الحاله . . . . ارفع شعار ( حولها اسلامي ) وفي النهايه كل واحد له

وجهه نظر . . . . والبنوك الربويه ابد ما فيها خير

هذا والعلم عند الله



يتحول لبنك إسلامي، وتطول مدة التسديد
ولا الربا ويصير عدو لله ورسوله

[نااااني]

اختي مديونيتي حوالى 550000

والبنك اللى بحول له بنك الدوحه نفسه الفرع الاسلامي

ولو تبين اسم الموظف والفرع ان شاء الله يوصلج عالخاص مع رقم تلفونه




تسلم اخوي انا في انتظار رقمه واسم الموظف.....

[إنتعاش]

للرفع والتذكير بما اننا مقبلين على شهر رمضان المبارك

الاخوة سيتم مراسلة المستفسرين ببيانات الموظف للتنسيق والمتابعة

تحياتي وتقديري

[Index Signal]

للرفع والتذكير بما اننا مقبلين على شهر رمضان المبارك

الاخوة سيتم مراسلة المستفسرين ببيانات الموظف للتنسيق والمتابعة

تحياتي وتقديري



يمكن تقصد مقبلين عالعيد :)

[فرحة الكواري]

جزاك الله خير

راحت علينا خلاص :(

[ام السعف]

يمكن تقصد مقبلين عالعيد :)

:eek2:

[الغالي غالي]

شباب حد يفيدني.......انا شغال على جهاز ابل ومب راضي يفتح معاي الجدول

ايش العمل؟؟؟؟؟؟؟

[بوعبدالله71]

جزاك الله خير اخوي انتعاش

استفسار ..

تحويل المديونية فقط ولا ممكن ازيد على المديونية مبلغ انا محتاجه وتحسب المديونية مع المبلغ الجديد في سلفه وحدة ؟ مثلا علي 150000 وبغيت 50000 فوقهم ممكن ولا لا ( بنك بروة الاسلامي )

والاستفسار الثاني ..

ممكن التوضيح اكثر عن عرض بروة في شهر رمضان المبارك بشأن دفع نصف القسط لمدة سنة، يعني خلاص ماراح ادفع النصف الثاني يعني يخصم من المديونية نهائيا ؟

بيض الله وجهك وفي موازين حسناتك ان شاء الله

[إنتعاش]

جزاك الله خير اخوي انتعاش

استفسار ..

تحويل المديونية فقط ولا ممكن ازيد على المديونية مبلغ انا محتاجه وتحسب المديونية مع المبلغ الجديد في سلفه وحدة ؟ مثلا علي 150000 وبغيت 50000 فوقهم ممكن ولا لا ( بنك بروة الاسلامي )

والاستفسار الثاني ..

ممكن التوضيح اكثر عن عرض بروة في شهر رمضان المبارك بشأن دفع نصف القسط لمدة سنة، يعني خلاص ماراح ادفع النصف الثاني يعني يخصم من المديونية نهائيا ؟

بيض الله وجهك وفي موازين حسناتك ان شاء الله

هلا فيك اخوي بوعبدالله ..

اخوي الغاية الأساسية من موضوعنا هو تخليص الاعضاء الاعزاء من البنوك الربوية بنقل مديونياتهم لبنك اسلامي واضح المبالغ ومقدار الربح ومتناقص القرض كل سنة ..

لكن بالنسبة لحالتك بغيت فوقها فلوس فهاذي ان كانت ذات جدوى بالنسبة لك الله اعلم بحالك لكن براسلك الحين بتفاصيل الموظف للاتصال والتنسيق معاه وهو بيفيدك اكثر مني

[Rayane]

أخوي العزيز انتعاش...

ايش نوع العرض اللي عند بنك بروه يا ريت توضح لي أكثر...

لان عمي على بنك الدوحه وعليه 1.6 مليون الله لا يبلاكم ويقاصد 18 الف شهرياً والمديونيه محلك ســـــر.

راح للدولي الاسلامي وعقبه المصرف وعقبه بروه ومحد رضى يستقبله. الرجآل تآيب ومعلن استسلامه ومستعد يعمل أي شئ أهم شئ يفارق بنك الدوحه الله لا يبارك لهم في حال ولا حلال.

يا ريتك تفيدني وأنا أخوك في انتظارك.

واللــــــــه العظيم بتكسبون فيه أجــــــر رجآل رآعي عيال وكبير ســـــن. لكن صآرت له ظروف أول بدآياته مع نقص خبره وعدم تصريف أموره بالشئ السليم شوي وترآكمت الديون.

[ابوفاطمه2009]

الحمد الله انا افتكيت من بنك الدوحه الربوي وحولت الدوحه الاسلامي

تره في الربوي ماتنزل السلفه كلش كنت ماخذها على 10 سنين وتميت ادفع 3 سنين ولما طلعت نفس المبلغ الي خذته اهو الباقي

حولو اسلامي على الاقل يشترون ويبيعون لكم والسلفه تنزل وثابته محد يقدر يغيرها

الله يثبتنا ع الحلال يارب ويبعدنا عن الربا والحرام

[Rayane]

الحمد الله انا افتكيت من بنك الدوحه الربوي وحولت الدوحه الاسلامي

تره في الربوي ماتنزل السلفه كلش كنت ماخذها على 10 سنين وتميت ادفع 3 سنين ولما طلعت نفس المبلغ الي خذته اهو الباقي

حولو اسلامي على الاقل يشترون ويبيعون لكم والسلفه تنزل وثابته محد يقدر يغيرها

الله يثبتنا ع الحلال يارب ويبعدنا عن الربا والحرام

أهلين...

هو رآح للدوحه الاسلامي ولكن التأمين رفض. يقولون عمرك كبير. قمة السفآهه.

[إنتعاش]

أخوي العزيز انتعاش...

ايش نوع العرض اللي عند بنك بروه يا ريت توضح لي أكثر...

لان عمي على بنك الدوحه وعليه 1.6 مليون الله لا يبلاكم ويقاصد 18 الف شهرياً والمديونيه محلك ســـــر.

راح للدولي الاسلامي وعقبه المصرف وعقبه بروه ومحد رضى يستقبله. الرجآل تآيب ومعلن استسلامه ومستعد يعمل أي شئ أهم شئ يفارق بنك الدوحه الله لا يبارك لهم في حال ولا حلال.

يا ريتك تفيدني وأنا أخوك في انتظارك.

واللــــــــه العظيم بتكسبون فيه أجــــــر رجآل رآعي عيال وكبير ســـــن. لكن صآرت له ظروف أول بدآياته مع نقص خبره وعدم تصريف أموره بالشئ السليم شوي وترآكمت الديون.

اخوي برسل لك بيانات الموظف للاستفسار والتنسيق معاه
وان شاءالله ربي يحلها للشايب ويرتاح باله يارب ياكريم ..

[Rayane]

الله يرضى عليك دنيا وآخره

[إنتعاش]

اخواني وحبايبي الكرام ..

لا شك بأن لدى أحد منا معرفة بأفراد لديهم ديون متعثرة السداد أو أسر تحتاج لمساعدات مالية توفر لهم العيش الكريم ..

فقط للتنبيه حاليا ً بما اننا في موضوع الديون والمدينون ..

أرى بأن من أحد خطوات مساعدة ( المتورطين بالسداد ) .. والذين في كربة الله يعلم بها ..
بأن يطرقوا أكثر من باب للبحث عن سبيل و وسيلة للتفريج عليهم ..

و أحد هذه السبل والطرق التي لدينا هي السبل الرسمية وذلك تتمثل بالجمعيات الخيرية القطرية المحلية
فلديهم هذه الأبواب لأهل الديون المستعصية والتي تستلزم مساعدة حقيقية وملحة ..

قد تعرفون أحداً يستحق المساعدة و يصعب عليكم حاله ولكن بنفس الوقت ما بيدكم شي لتقديم يد العون ربما ..

ابتديها بجمعية عيد الخيرية

مركز الشيخ عيد الاجتماعي
http://eidcharity.mine.nu:81/eidweb/images/eidcharity_45.gif

وهذه المستندات والمطلوبات الأساسية لتقديم الطلب

http://eidcharity.mine.nu:81/eidweb/branches/social_center_requirements.jpg

الموقع الرسمي لمؤسسة عيد الخيرية
http://eidcharity.mine.nu:81/eidweb/


المؤسسة الثانية
مؤسسة راف
http://raf-thani.com/images3/headerrr2-3.jpg

http://raf-thani.com/images3/bt3.jpg

بيانات تقديم الطلبات
http://raf-thani.com/Hform/index.php

الموقع الرسمي لمؤسسة راف الخيرية
http://raf-thani.com/

- - - - - - - -

ياشباب تكفون لاحد يستهين بالموضوع .. ويقول شنو جمعيات خيرية !..
ترا في ناس يمكن ماتدرون عنهم تفيدهم هالوسيلة المتاحة وتفرج عنهم كربتهم و تحل شوي من تعبهم ..
فلا تهملون هالوسيلة و شوفوا حد تعرفونه او تسمعون عنه ونبهوه لهالنقطة ..

طبعا في اكيد من بيقول : ياخي الجمعيات الخيرية ماتعطي شي ..
بقول له : اسعى .. لا تيأس .. جرب .. حاول .. بيفرجها لك رب العالمين .. وانت بهالأيام المباركة ..

تحياتي لكم

[ريم الشمال]

الله يعطيك العافيه ويجزيك الخير على جهودك في هذا الموضوع
الله يفرج على كل مديون ...... ويفرج عليهم في هذه الليالي المباركة
ريم الشمال

[إنتعاش]

والحين يجي دور الاخوة الآخرين ..
اللي ربي مكرمهم و معطيهم خير و مكفيهم عن الدين ..
لكن بنفس الوقت وده يساهم في شي لاهل قطر ..
ويساعد في هذا المجال بطريقة أو بأخرى ..

الباب مفتووووح عبر الجمعيات الخيرية

جمعية عيد الخيرية

تقدر تدعم ( الغارمين ) وتفك كربة وانت ماتدري بالحاله ..
وانت جالس الحين تقرا كلامي وتشرب شاي في بيتك او مجلسك ..

كلك واحد بس .. ضربة زر .. تبرع فيها وحط اللي ربي يكتبه لك ..

تبي بالفيزا ؟
( اذا ماعند فيزا كمل معاي وبتشوف طريقة ثانيه وثالثه ورابعه )


تعال اضغط هنا :
http://eidcharity.mine.nu/donatetoeid/donate.aspx
اختار ( الغارمين ) وكلم الخطوات وربي يوفقك ويغنيك ويضاعف لك الخير والبركة في مالك ..

ماعندك فيزا ؟

طيب بالجوال ينفع ؟

http://eidcharity.mine.nu:81/eidweb/tbro3_electronic/branches_icon/sms.jpg

ارسل رسالة نصية على الرقم 92686
تكلفة الرسالة الواحدة 30 ريال قطري

تبي تتبرع وانت تتسوق حق العيد ؟

ستي سنتر :مواقف بوابة المواقف خلف كاونتر كهرماء تحت مصرف الريان.
فيلاجيو :بوابة رقم 1 خلف البنك التجارى
حياة بلازا :بوابة رقم 5 جنفل زون
مستشفى حمد :مدخل بوابة الزوار يسار


طيب تبيهم يجون لين بيتك ؟
حاضرين

تفضل هالرقم : 44878051
يجون لين بيتك ويستلمون منك مبالغ التبرع وتقول لهم اللي تبيه ..


باقي كثير وكثير من الوسائل للتبرع تفضلوا اقروها كامله
http://eidcharity.mine.nu:81/eidweb/donations.aspx

يلا شباب الهمه الهمه بارك الله فيكم ..

وكل واحد فينا يقدر يساهم بطريقة او باخرى ..

[فلتة زمانها]

انزين ممكن حد يفهمني ريلي ماخذ سلفه من البنك الاهلي 680 الف ويطلع التوتال مع فايدتهم مليون و350 الف من سنة 2004 قبل مانتزوج وقبل فتره راح يراجع البنك ويسأل عن مديونيته قالوله القرض بيخلص في سنة 2032 ويخصمون 8800 من راتبه ماادري احس الدين قاعد يزيد وانا دوم احن عليه ينقل لبنك إسلامي شاسوي يصير ينقل بنك إسلامي بدون مايزيد القسط

[إنتعاش]

انزين ممكن حد يفهمني ريلي ماخذ سلفه من البنك الاهلي 680 الف ويطلع التوتال مع فايدتهم مليون و350 الف من سنة 2004 قبل مانتزوج وقبل فتره راح يراجع البنك ويسأل عن مديونيته قالوله القرض بيخلص في سنة 2032 ويخصمون 8800 من راتبه ماادري احس الدين قاعد يزيد وانا دوم احن عليه ينقل لبنك إسلامي شاسوي يصير ينقل بنك إسلامي بدون مايزيد القسط

الله يفكه من الدين والبنوك اللهم امين ..
اختي اول شي انصحكم بالآتي :

1- الخطوة الاولى : مراجعة البنك الاهلي الفرع الاسلامي ( الهلال ) ويراجعهم ويشوف كيفية نقل المديونية من البنك الربوي إلى فرعهم الاسلامي .. ويشوف شلون الطريقة والشروط والمبالغ كم بتصير و وو .. يعني كل التفاصيل .. بعدها يدون اللي قالوا له في ورقة ويحتفظ فيها.

2- الخطوة الثانية : الاتصال بموظف بنك بروة الاسلامي لسؤاله حول امكانية تحويل المديونية عليهم ..

برسل لج الحين رقم الموظف في بنك بروة ..
لكن لاتنسون اول شي تسألون في البنك الاهلي الفرع الاسلامي(الهلال)

وربي يوفقكم ويغنيكم

[إنتعاش]

يرفع للإطلاع والتنبيه ..

عساي ماشوف احد في بنك ربوي يااااااااااارب

[إنتعاش]

ها نحن نوشك على انتهاء شهر رمضان الكريم ..

وانتهاء الحملة الأولى لتحويل المديونيات من البنوك التقليدية الربوية إلى البنوك الإسلامية

اتمنى ان نكون قد ساهمنا وشاركنا في تحويل العدد الممكن من الاخوة المديونين بالبنوك الربوية والتخلص من المديونيات ذات السنوات الطوال والفوائد غير المعروفة ولا المنتهية ..

أشكر جميع من ساهم و شارك و استفسر و افاد اخوانه ودلهم على وسائل اخرى وطرق اخرى ..

وان شاءالله يكون لنا حملات قادمة نستطيع من خلالها المساهمة بشكل مباشر او غير مباشر

في معونة ومساندة الاخوة الذين يعانون من هم الديون لكن اولا نتخلص نحاول من البنوك الربوية

وان شاءالله عقبها يكون لنا خطوات اخرى متابعة للهدف الاساسي من حملاتنا الا وهي ( تخلص من هم الدين )

شكرا لكم جميعا ً .. وكل عام وأنتم من المقبولين الفائزين اللهم آمين