!! البنات والسينما !!

[كلاسيك قطر]

السلام عليكم ورحمة الله وبركاته ..

طبعاً في الوقت الحالي .. نشوف ان دخول السينمات بالنسبة للشباب والبنات اصبح شي اعتيادي وطبعاً الكل جاهل او يتجاهل ( المواعد والتحرش اللي يحصل داخل هذه القاعات )

انت ايها الشاب :

هل تذهب للسينما .؟

هل ترضى ان تدخل مع زوجتك او اختك السينما .؟ او ان تتركهم يروحون للاماكن هذي .؟

وانتي ايتها الفتاة :

هل تدخلين السينما .؟

هل بنظرك ان الدخول للأماكن هذي لا حرج فيها ( مثل ما الريال يدخل نحن بندش )

ام انك تخالفينهم وتشوفين ( فيها قبايل ودم لين الركب )

وسؤال للبنت اللي تروح هالاماكن ..

فلنفرض بوسط الفلم الرومانسي ..سواءا مع ابوج ولا اخوج ولا زوجج و ظهرت لقطة طــــوووط ( يلزمك بروكسي لمعرفة ماهي )

ش بيكون موقفج .؟

[missperfect]

عاادي اروح السيما مع ريلي والا خواتي ماعندي مشااكل دام اني مقتنعه بقرارة نفسي اني على صواب

وبعدين سالفه المواعد والمادري شنو بالسيما اشدخله بموضوع اني لو اروح السيما مع اهلي هذا موضوع وذاك موضوع :rolleyes2::rolleyes2:

[كلاسيك قطر]

عاادي اروح السيما مع ريلي والا خواتي ماعندي مشااكل دام اني مقتنعه بقرارة نفسي اني على صواب

وبعدين سالفه المواعد والمادري شنو بالسيما اشدخله بموضوع اني لو اروح السيما مع اهلي هذا موضوع وذاك موضوع :rolleyes2::rolleyes2:

اشكرج ع ردج اختي

اذا جذي اوكي يعني لو اروح السينما ابروحا مبشي لو ريلج وله اخوج وله الوالد وله اي احد من الي يصيرلج وله اي احد

اما اتروحون ابروحكم ليش

[ابو محمد7]

موضوع التحرش والمواعد في السينما هذا موضوع مستقل وطبعا شي اكيد ان الجميع ضد هالتصرفات ولكن هالتصرفات مالها علاقة بالسينما نفسها ولكنها تحصل في كل مكان

اعتقد مافيها شي البنت تروح مع محرم لها (اخ , زوج , اب ) وايضا الوقت له دور كبير المجمعات الصبح والظهر وخاصة يوم السبت ماتحصل فيها شباب بكثرة على عكس اللي يروح السينما الخميس 12 بالليل اخر هرض او اللي قبله الوضع مايناسب حق الاهل

وبالنسبة للقطات الغير مناسبة فهذي حتى في التلفزيون موجودة والافلام في السينما فيها رقابة الى حد ما

اما اللي مايشوف افلام ومسلسلات لانها حرام وبناء على ذلك مايروح السينما فهذا موضوع اخر

انا حسيت الموضوع مكتوب بطريقة غير صريحة ومن غير توضيح انه ضد ذهاب البنات للسينما سواء بمحرم او بغير محرم !

[قطرية ونص]

السلام عليكم ورحمة الله وبركاته
اشكرك ع الموضوع واشكرك ع غيرتك ع البنات .. لكن هل المواعد فقط في السينما والا في اماكن ثانيه ..اخوي اللي المحافظ ع نفسه محافظ . انا اروح واخذ بناتي بنفسي ادخل معاهم مستحيل اخليهم بنفسهم او اخوهم يروح معاهم اذا انا ماقدر مو معناة اني مش واثقه فيهن لا والله انا واثقه منهن ولله الحمد لكن اخاف عليهم .. حتى هم مايحبون يرحون بنفسهن

[أنت]

اناا عن نفسي ماحب اودي هلي السينما عسى ماشر اقعد مع هلي وشوي اله قطه وصخه لالالا يبه سينمة البيت زينه واااايد
وهذا شي تعلمناه من شيبانا

[بـــــــنت النوخـّــــذه]

ما أيد دخول السينما للفتيات خصوصا " وبعد الشباب

واذا يعني حابين يروحون على الاقل البت تدخل السينما مع زوجها اما بنت ولا تزوجت وتروح سينما اشله ؟؟؟

ادري بحصل اقتباسات وهجوم من ردي بس كلامي يتمحور حول التعويد والتربيه تجنبا" للخطأ منذ الصغر 000وخصيت انها تروح مع زوجها (اذا رضى ) لان على الاقل تطلع من بيت ابوها متعوده على الاماكن (المهمه والمفيده ) وتكون ناضجه ومستعده للمشاهد الي بتشوفها بعدها عاد كيفها دامها بذمه زوجها اههه:omen2:

تبون الصج والله العظيم ماشوف اي اهميه لدخول البعض السينما <<<رأي شخصي اهههههه:):nice:

وانرد وانقول بعد كلن حر بتصرفه ويتحمل نتيجه خطأه والتسيب مع احترامي للاشخاص المحترمين الي يدخلون السينما ولكن بعد عندي تحفظ احتمال الايام تغير هذا التحفظ والله مادري:)

[الماريّة]

مرحبآ اخوي يعطيك العافية على حرصك على بنات بلادك


انا اروح ورحت كم مرة لكن بوجود اخواني الشباب

ومع البنات لصغار والافلام الي نختارها دايمآ افلام فكاهيه

للاطفال مثل فلم Despicable Me او غيره

[STAR]

بنت النوخذة ماراح اسوي اقتباس لكلامج:shy:

والله احنا نروح السينما مع ابوي واحيانا اخوي...

بس هاي قبل..اللحين محد فاضي لنا..
بس ماخبر كنت اشووف تحرشات ومواعد..‏!!‏


صج كنت ع نياتي

[ميمي 88]

مرحبااا
موضووع السينما شيء عادي ارووح مع زوجي وماااشوف فيها عيييب وطبعآآ اوقاات معينه ونستبعد الويكند >> زحمه ..

[كلاسيك قطر]

اشكركم والله ويزاكم الله الف خير

واسلمتو ع ردودكم

ونبي ردود اكثر

[بـــــــنت النوخـّــــذه]

بنت النوخذة ماراح اسوي اقتباس لكلامج:shy:

والله احنا نروح السينما مع ابوي واحيانا اخوي...

بس هاي قبل..اللحين محد فاضي لنا..
بس ماخبر كنت اشووف تحرشات ومواعد..‏!!‏


صج كنت ع نياتي

اهههههههههه انتي الوحيده الي لج الضوء الاخضر بالاقتباس :nice:

انا قلت مع احترامي للاشخاص المحترمين الي يروحون السينما 00

بس يمكن تعليقي هذا جيه من تشديدات تربويه 000متوارثه من محيطي على الرغم من اقتناعي بها اقتناع تام 00

ومايندرى بالزمن يمكن تتغير نظرتي ^_______^

وفي الاخير مانقدر نحكم ان كل زوار السينما غير محترمين بالعكس احترم الجميع

سؤال : شنهو اخر فيلم شفتيه بالسينما؟؟

[كلاسيك قطر]

مرحبااا
موضووع السينما شيء عادي ارووح مع زوجي وماااشوف فيها عيييب وطبعآآ اوقاات معينه ونستبعد الويكند >> زحمه ..



مثل اقلتي الويكند

:nice:

[كازانوفا]

سبحان الله ما اشوف التلفزيون الا من وين لو ين

لذلك ما افكر اوقف عند باب السنما لو التذكره ببلاااااش

تقبل مروري وشاكره لك غيرتك على بنات المسلمين الله يهديهم ويهدينا لما يحب ويرضى

[الماريّة]

بنت النوخذة ماراح اسوي اقتباس لكلامج:shy:

والله احنا نروح السينما مع ابوي واحيانا اخوي...

بس هاي قبل..اللحين محد فاضي لنا..
بس ماخبر كنت اشووف تحرشات ومواعد..‏!!‏


صج كنت ع نياتي


ههههه طلعتي بنية

حسبتج ولد ^_^ من نك نيمج

[JN000N]

ولا مره رحت سينما

لا انا ولا خواتي ولا امي ولا ابوي ولا حد من هلي
حدهم الصبيان كانو يروحون بس

[do7awi]

موضوع مش واضح و طرحه غريب.

اذا السينما غلط .. بتكون غلك على الكل مب بس الشباب. و اذا طلعت لقطة ما تعجبك المفروض الشاب و البنت ما يشوفونها. مب بس لان بنت يعني خلاص عيب.

انا ما احب اروح السينما الا يوم السبت الصبح او بعد الدوام بايام الاسبوع. يكون الجو رايق و اللي رايحين مندمجين بدون اللي يروحون عشان يطلعون اصوات و يزعجون الناس و يتكلمون بالتليفون.

واذا عن المواعد .. فمثل ما قالوا..هذا امر اخر.

اللي ابي اقوله في الاخير.. ما يصير واحد ما يخلي هله يروحون معاه بحجة انه عيب .. بس هو يروح عادي!

[miss cute]

ام انك تخالفينهم وتشوفين ( فيها قبايل ودم لين الركب )



اوب اووووووب شدعوووووه

ترى عادي يعني الحين المشكله ووين؟؟ فالتحرش ؟؟ والا فـ اللقطات المحرجه ؟؟ والا شو
اذا على التحرش .. يعني يات على السينما ؟
واذا على اللقطات المحرجه محلوله قبل ماياخذ احد وياه ياخذ فكره عن الفيلم يعني مب معقوله تاخذون الاهل على فيلم رومنسي ومب معقوله تاخذون الصغار على فيلم رعب

من رايي
الفيلم فالسينما ملل ومرات ملاغه نزل لك فيلم من النت ووشوفه وقت ماتبي وعلى اجزاء

[قطر501]

اي وحده تدخل السنيما مافيه خير

[بويعقوب]

السينما فيها عرض صور ومشاهد خليعه ومحد ينكر هاي الشي

السينما في خلط ومحد ينكر هاي الشي

السينما فيها موسيقى واغاني

يعني كل المحرمات موجوده

أكيد الناتج بيطلع الي تفضلت فيه

[رهج السنابك]

؛

سينما؟

شخصيا ما عمري طبيت سينما في حياتي لا انا ولا احد من اهلي لا بناتنا ولا شبابنا؛

يعني اش تفرق مشاهدة الفلم في البيت؟ ولا لازم يكون فيه مشاركة وجدانية مع خلق الله؟!

وان كنت شخصيا ما اشوف الافلام حتى في البيت ما اواطنها

؛

في احد المرات سألت صديقة لي كيف ما تستحي تحضر السينما مع خواتها او صديقاتها او امها وتمر لقطة قليلة ادب ؛؛ قالت لي اصلا كل سينمات قطر مقطعة ومافيها لقطات ابداااا ؛؛ لكن اليوم انصدمت من ردودكم لان ماشفت احد انكر وجود اللقطات معناها الافلام مش مقطعه !!

والله عيب ان كانت الافلام مش مقطعه وبنات يتفرجون وفيه شباب بكل مكان ! ما اتخيل المنظر بس مخزي جدااا

؛

[ابو محمد7]

اي وحده تدخل السنيما مافيه خير

شهالكلام الفاضي !

التعميم خطأ

اللي يدخلون السينما فيهم الزين والشين

واللي مايدخلون السينما بعد فيهم الزين والشين

في ناس لو تكتفي بالقراءة وايد احسن علشان ماتفشل نفسها

[قلب صادق]

السلام عليكم ورحمة الله

صح لسانك اختي بنت النوخذه رسالتك وصلت وهي رساله تربويه اكثر منها انتقاد


اتذكر اني دخلت مرة واحده السنما لاني كنت مع ربعي مع بعض بسيارة واحده وبعدين كنا بالقرب من سينما الخليج فقترحوا اننا ندخل السينما لان فيها فلم مصري لمحمد هنيدي اظن اسمه همام في امستردام
طبعا انا كنت مثل الاطرش في الزفه ما ادري وين اروح او ويش اسوي
المهم لم شفت المنظر والله عيوني دمعت وخنقتني العبرة من المنظر اللي شفته طابوووووووووووور طووووويل من الناس منتظرين يقطعون التذاكر وفي اخر الليل
وتذكرت المساجد لا تذاكر والدخول مجانا وفيها اجر وحسنات


فقط سوال برئ ماهو هدفك من الذهاب للسينما؟


يا اخواني وياخواتي والله اننا محاسبين على اموالنا واوقاتنا

[بوحارب]

لا ماروح السينما ولا احب السينما ولا تعجبني السينما ولا جو السينما

رحتها مرة وحده وبالقوة وعقب ترجي من الربع وحلفت مادخلها مرة 2

وطبعا مافيه امل ادش مع الأهل هالأماكن !

ليش اودي هلي يشوفون افلام نصها مفاصيخ وحركات مالها داعي

[VIVA]

عن نفسي

انا اعشق الافلام بكل انواعها وفي نفس الوقت مااشوف اي شي غلط في الذهاب للسينما، بس اتملل من السينما ومااروح الا نادرا لأن ماارتاح واكون مقيد

عشان جذي سويت لي سينما في البيت في الملحق الخارجي سواء من التلفزين 52 ولا من sound system ولا من حيث الاضاءه والكراسي المريحه، بمعنى اشوف الفيلم وانا واللي معاي مرتاحين ولا احد يزعجك ولاشي :victory:

طبعا عندي مكتبه لأفضل الافلام، وبصراحه احاول دائما اشتري النسخه الاصليه لأني احب احتفظ فيهم

تحياتي

[مدرسة]

بالنسبة لي السينما عليها اكسات واااايد

و حتى بالنسبة للمسرحيات ممنووووووع......بسبة هالمصخرة اللي تصير

اي بس للأمانة فيه مرة دخلت فلم اطفال في دبي مع الفاميليا :shy:...القاعة كانت فاضية تصفر لن الوقت كان عز الظهررررر:nice:

[حقيقه]

والله حاله

مافيها شيء ان دخلنا السينما ان كان مع الاب او الاخ او الزوج
وبعد مع ربعنا بكل الاوقات

ماعتقد داخلين فاصخين الحيا كلنا داخلين بأدبنا

واللي بيقل ادبه ماعلينا منه

امشي عدل يحتار عدوك فيك

وكل شخص قبل مايحجز الفلم اكيد بيكون عارف وش هو مب ياخذ ابوه معاه لفلم رومانسي

وكلن عقله براسه

[ام شوشي]

الصراحة انا لااحب السينما ولا المسارح قولولي تحبين التسوق اقولكم اموووووووت فية

[شاهيناز]

ماروح السينما
لاني احب اشوف الفلم لحالي ماحب الزحمه
بس ماشوف فيها شي البنت تروح السينما مع اهلها ولا مع قريباتها وصديقاتها

ليش التميز اذا شي خطئ خطئ على الكل الشباب والبنات

[S350]

لا ماروح السينما ولا احب السينما ولا تعجبني السينما ولا جو السينما

رحتها مرة وحده وبالقوة وعقب ترجي من الربع وحلفت مادخلها مرة 2

وطبعا مافيه امل ادش مع الأهل هالأماكن !

ليش اودي هلي يشوفون افلام نصها مفاصيخ وحركات مالها داعي

بوحارب انت تبي وقت الشاي تكرك مع شوية دوارة ابرك من السينما:nice:

[Chanel]

ما أيد دخول السينما للفتيات

[عقد اللآلي]

الذهاب للسينما لايجوز سواء للرجل أو للمرأة إلا إذا كانت لأفلام تاريخية تستحق وهي غير موجودة .

مالايصح للمرأة لايصح للرجل .

[بو الطيب]

والله يطويل العمر

حنا عندنا روحة البنت للسينما منبوذ

والصراحه البنت كلش مالها حاايه في السينما

لعنبوها مب امكفيها التلفزيون في البيت ذا الحين

الصراحه الله يذكر سينمة الخليج بس

[الأصيلة]

أنا معاك اخوي كلاسيك ...
أبدا لا أجد أي داعي لدخول السينما سواء للشباب أو الشابات...
يمكن نقول تغير جو وترفيه ...
لكن مو كل يوم وكل فيلم ...
إذا فيلم مشهور بقصته ومافيه أي كلام فاضي ممكن تروح البنت مع أهلها مو مع اخو أصغر منها
ويقولون رايحه مع اخوها...
أن ضد دخول البنت السينما وبالذات مع الصديقات..
وياكثر الشلل اللي تتمشى في السوق وكلهم تحت الـ 17 سنة
وتخل عند السينما تختار من هالأفلام المعروضه صور لقطاتها
وما أدراك ما الصور ( فاضحة وقذرة )
بس طلوا الله يخليكم على دعايات سينما الستي تشوفون العجب...
وتدخل الفيلم مع الشلة حتى ساعات متأخرة...
وداخل الظلام الله يعلم ايش يصير...!!
عمري ماتطمنت لها السالفة ولا اقتنعت فيها
وسديت المنافذ أمام بناتي حتى مايطلبونها...!!!
طرح مميز وأنا ضد من يعارض الموضوع ويشوفه عادي ومافيه أي شي...
عيالنا أمانه لازم نرعاها وما نضيعها...

[راعي المواجب]

السلام عليكم .. يعطيك العافية يراعي الموضوع اولا اود اشكر اخواني اللى سبقوني بالتعليقاات الطيبة صرااحة وخصوصا تعليق الاصيلة فعلا شنوو الهدف من دخول السينما الوناسة تغير الجو طيب وللى يقولكم انة السينما ماعااد فيها وناسة صرااحة اناا ملاحظ الافلام كل مالهاا وتمصخ صج في بعض الفلام تحصلون فيها القصص الحلوة بس بعد الله يستر علينا وعليكم من هل الاماااكن تحيااااتي لكل القراء

[ماريسا]

انت كاتب الموضوع لأنك تستنكر ظاهرة ذهاب البنات للسينما و تحتقرهم او حاب تشوف الردود و تتعرف على عقليات الناس؟

[قلم حائر]

بالنسبة لي انا اروح مع اولادي واقعد معاهم ونختار الفلم من الجريدة قبل ما انروح
انا اشوف ان السينما ما فيها شي دامني مع عيالي ومره بالشهر او مرتين

[a7med0_0]

والله مادري شصار في مجتمعنا
لو على الاقل تروح ويا محرم نمشيها شوي
بس حتى لو ما لقت محرم ( اخوها الكبير، ابوها، ريلها ) سهالات تروح مع رفيجتها او اختها او اخوها الصغير
الله المستعان محد راضي والله على مجتمه يكون فيه هالانفتاح وكنا لين قريب ينضرب في المجتمع القطري المثل
والله يستر على اهلنا واهل المسلمين كافه

[عزتي سمو ذاتي]

أنا من عشاق الأفلام وأحب اروح السينما واعتقد مافيها شي لورحت بوقت مناسب

والبنت المحترمة راح تجبر اي شخص يحترمها سواء في سينما أو غيره .. والمقاطع اللي بالسينما بالتلفزيون

بالعكس أنا اشوف روحه السينما اهون من اني اخلي بناتي على الانترنت لأنها دمار كبير يعني الواحد عادي اخته وإلا بنته تقعد من الصبح لين الليل على النت ومايدري وش تسوي بس السينما لا حراااام وفيها قبايل وخلاص كأنها صارت وحدة موب شي لااحد يعمم هالكلام لو انا داخله باحترامي ومحتشمه شفت الفلم بهدوء وطلعت اتحدى اي شخص يتكلم او يحاول حتى يرفع عينه فيني

[روح الاطلس]

ألاحظ 90% من بنات المنتدى اللي ردوا على الموضوع يروحون سينمات :)

يلا في انتظار اخر الاحصائية ربما تتغير النتائج!

وانا اقووول ليه سهم السينما صاير اخضر ^_^

[بوعلي2]

بيئولوا السيما حرااام

وانتوا بتئولوا ايه :shy:

[Arab!an]

؛

سينما؟

شخصيا ما عمري طبيت سينما في حياتي لا انا ولا احد من اهلي لا بناتنا ولا شبابنا؛

يعني اش تفرق مشاهدة الفلم في البيت؟ ولا لازم يكون فيه مشاركة وجدانية مع خلق الله؟!

وان كنت شخصيا ما اشوف الافلام حتى في البيت ما اواطنها

؛

في احد المرات سألت صديقة لي كيف ما تستحي تحضر السينما مع خواتها او صديقاتها او امها وتمر لقطة قليلة ادب ؛؛ قالت لي اصلا كل سينمات قطر مقطعة ومافيها لقطات ابداااا ؛؛ لكن اليوم انصدمت من ردودكم لان ماشفت احد انكر وجود اللقطات معناها الافلام مش مقطعه !!

والله عيب ان كانت الافلام مش مقطعه وبنات يتفرجون وفيه شباب بكل مكان ! ما اتخيل المنظر بس مخزي جدااا

؛


افلام السينما مقطعه

[الأصيلة]

أنا من عشاق الأفلام وأحب اروح السينما واعتقد مافيها شي لورحت بوقت مناسب

والبنت المحترمة راح تجبر اي شخص يحترمها سواء في سينما أو غيره .. والمقاطع اللي بالسينما بالتلفزيون

بالعكس أنا اشوف روحه السينما اهون من اني اخلي بناتي على الانترنت لأنها دمار كبير يعني الواحد عادي اخته وإلا بنته تقعد من الصبح لين الليل على النت ومايدري وش تسوي بس السينما لا حراااام وفيها قبايل وخلاص كأنها صارت وحدة موب شي لااحد يعمم هالكلام لو انا داخله باحترامي ومحتشمه شفت الفلم بهدوء وطلعت اتحدى اي شخص يتكلم او يحاول حتى يرفع عينه فيني

استنكار السينما على المراهقات وشللهم وبدون كبير معاهم..
هنا تكمن الخطورة لأنهم صغار والشيطان يلعب عليهم ..

[ذوق]

المشكله ان الموضوع طرح في 2010 فطبيعي الردود الحره والمفروض ما يكون فيها الأستغراب والأستهجان
المرأه تعمل في مكان خلط
المرأه تسوق السياره
المرأه تسافر لوحدها
المرأه والمرأه والمرأه

في اعتقادي الخاص والمتواضع ان الردود التي تتوقعها اخي الفاضل لن تحصل عليها الأن وذلك بسبب الأنفتاح وتغير العادات والتقاليد
عكس لو كان هذا الموضوع مطروح في 1999 او 2000 على الأقل ..!!

تحياتي لك واشكرك على غيرتك على المسلمات

أختك في الله
ذوق

[STAR]

اهههههههههه انتي الوحيده الي لج الضوء الاخضر بالاقتباس :nice:

انا قلت مع احترامي للاشخاص المحترمين الي يروحون السينما 00

بس يمكن تعليقي هذا جيه من تشديدات تربويه 000متوارثه من محيطي على الرغم من اقتناعي بها اقتناع تام 00

ومايندرى بالزمن يمكن تتغير نظرتي ^_______^

وفي الاخير مانقدر نحكم ان كل زوار السينما غير محترمين بالعكس احترم الجميع

سؤال : شنهو اخر فيلم شفتيه بالسينما؟؟

فديتج والله..انا ادري دور التربوي له دورفي تفكيرج عشان جذي ماقلت شي..هههههه

ترى مادري ليش محسسينا ان اللي يودي هله السينما واحد مايغار ع اهله..‏!!‏

بالعكس انا اشووفها مافيها شي اذا الواحد يودي بنته او زوجته او اخته السينما..خاصة اصلا المقاطع مقطعة..

عالعموم كل واحد وبكيفه...


بنت النوخذة ماذكر شسم آخر فلم بس انا
ماروح الا حق افلام الرعب واحيانا الرسووم ههههه


خلاص بعد العيد باخذج ع فلم كرتون هاه اشقلتي؟!‏
بس لاتقطين البطوولة

[STAR]

ههههه طلعتي بنية

حسبتج ولد ^_^ من نك نيمج

:shy:

بس لا تعلمين حد.....

[كلاسيك قطر]

فديتج والله..انا ادري دور التربوي له دورفي تفكيرج عشان جذي ماقلت شي..هههههه

ترى مادري ليش محسسينا ان اللي يودي هله السينما واحد مايغار ع اهله..‏!!‏

بالعكس انا اشووفها مافيها شي اذا الواحد يودي بنته او زوجته او اخته السينما..خاصة اصلا المقاطع مقطعة..

عالعموم كل واحد وبكيفه...


بنت النوخذة ماذكر شسم آخر فلم بس انا
ماروح الا حق افلام الرعب واحيانا الرسووم ههههه


خلاص بعد العيد باخذج ع فلم كرتون هاه اشقلتي؟!‏
بس لاتقطين البطوولة

شكركم والله ويزاكم الله الف خير

بس احنى نتكلم ع البنت الي اتروح ابروحها

ومحد معاها

[*جواهر*]

:omg:

اللي ادش السينما مافيها خير :eek5:

انا ما احب التنااااااااااااااااااااااااقض

يا جماعه الخير ترى اللي ينعرض في السينما ينعرض في التلفزيون شختلف في الوضع!!!!

انا ادش السينما مع خواتي واحيانا بروحي اذا ابي اشوف فلم شالمشكله :rolleyes2:

وللمره الثانيه استغرب من موضوع المحرم !!! اللي ماعنده محرم يأجر له محرم علشان يدش السينما؟

اللي يحترم نفسه ويدش المكان باحترامه محد بيغلط عليه ولا بيغلط على حد (الكلام موجهه للطرفين البنات والشباب). وسالفه المعاكسات و المواعد و هالسوالف ترى في كل مكان يعني الواحد وين يروح ينخش في حفره مثلن :rolleyes2:

[MP3]

الصراحه الي تروح السينما ماعندها حيى مكان كلى شباب وافلام ولااروع

والي تبي تشوف فلم تقدر تجيبه البيت !!

[*جواهر*]

الصراحه الي تروح السينما ماعندها حيى مكان كلى شباب وافلام ولااروع

والي تبي تشوف فلم تقدر تجيبه البيت !!

ما ينعرف لكم مره الافلام فيها مقاطع خليعه والاخ يقول اللي تبي فلم اتجيبه البيت !!! الظاهر الاعتراض على المكان مب الافلام

شدخل الحيا؟ الشباب في كل مكان !

[MP3]

ما ينعرف لكم مره الافلام فيها مقاطع خليعه والاخ يقول اللي تبي فلم اتجيبه البيت !!! الظاهر الاعتراض على المكان مب الافلام

شدخل الحيا؟ الشباب في كل مكان !


اول شي اذا انتي تبين تشوفين فلم بالسينما وتدرين انه في قصص حب وخرابيط هالايام شوفيه بالبيت ابرك لج واستر لج دام داش في بالج تشوفينه احسن من تشوفينه وسط 1000 ريال

وشدخل الحيا الشباب في كل مكان !

لاالحيى موجود في البنت الي تستحي تقعد وجنبها شباب والفلم في حبني واحبك وتعرف على ذيكي وخان حبيبته السابقه وغير الملابس المتستره


رمضــان كريم اختي في الله

[*جواهر*]

بعد تناقض يعني عادي اشوف حبني واحبك في البيت السينما لا ( شدخل استر لج؟!) :omen2:

في كل سينما يكون فيها قسم خاص للعائلات و يكون فوق يعني ما نقعد احذا الشباب :)

على العموم مبارك عليك الشهر اخي الكريم

[MP3]

بعد تناقض يعني عادي اشوف حبني واحبك في البيت السينما لا ( شدخل استر لج؟!) :omen2:

في كل سينما يكون فيها قسم خاص للعائلات و يكون فوق يعني ما نقعد احذا الشباب :)

على العموم مبارك عليك الشهر اخي الكريم


علينا وعليج

بس حبيت اقولج في فرق بين الواحد يجاهر بالمعصيه وكلشي فري وبين الي يستر على نفسه وعلى خلق الله

[*جواهر*]

لااااااااا تعليق

الله يستر على الجميع

[بوحارب]

بوحارب انت تبي وقت الشاي تكرك مع شوية دوارة ابرك من السينما:nice:
ياااااااااااافاهمني انتهـ :)

خذلك كرك ولفة صوب الغربي وخط عنيزة وانه معود خيمتي ابسط

والله ابرك من السينما ومن سخافتها :omen2:

حياك كرك معاي برويك ممشى الجي :shy:


الصراحه الي تروح السينما ماعندها حيى مكان كلى شباب وافلام ولااروع

والي تبي تشوف فلم تقدر تجيبه البيت !!

تعجبني الردود المختصرة :nice:

بخصوص اللي يحللون ويقولون عادي وما عادي وتغيير جوو ومافيها شي ومانشوف حرام واروح مع امي واروح مع ابوي واروح مع التمساح زوجي :eek5: ياريت لو يتقون الله شوي :omen2:

[ابو خولة]

ما أييد ذهاب بنات مراهقات أو حتى مو متزوجات بروحهم....وإن راحو..لازم معهم شخص كبير وراشد...وأهم شي فيلم محترم << إيه معليه

واللي يقول السينما تقطع...غلطانين...يقطعون الشي الكبير بس ولا حركات النص كم موجودة...يكفي اللبس الخالع :@


وللمره الثانيه استغرب من موضوع المحرم !!! اللي ماعنده محرم يأجر له محرم علشان يدش السينما؟

لا يا شيخة؟؟؟

إذا الحــج وهو من أركان الإسلام...يسقط عن المرأه إذا لم يتواجد محرم....

فمابالك السينما؟؟

صمت دهرا ونطق كفرا...

[toomi9]

احنا نروح بنات ربعنا وبنات خلاتنا بس يكون معانا ريال
اخوي ولد خالتي خالي ابوي

واذا جات المقاطع الي مادري شلون

نتلفت ونسوي نفسناا نلعب بالفون ولا نسولف ولا اي شي << بلفيت مب منتبهين خخخ

[*جواهر*]

ما أييد ذهاب بنات مراهقات أو حتى مو متزوجات بروحهم....وإن راحو..لازم معهم شخص كبير وراشد...وأهم شي فيلم محترم << إيه معليه

واللي يقول السينما تقطع...غلطانين...يقطعون الشي الكبير بس ولا حركات النص كم موجودة...يكفي اللبس الخالع :@



لا يا شيخة؟؟؟

إذا الحــج وهو من أركان الإسلام...يسقط عن المرأه إذا لم يتواجد محرم....

فمابالك السينما؟؟

صمت دهرا ونطق كفرا...






غريب امرك سويتها كفراً !!! اقرى حكم تكفير المسلم عيل :)

[toomi9]

وراي امي :
من ناحية الترفيه ... اوكيه
من ناحية الحرام فهو حرام
وسالفة بنات وريايل دامه يرفه الريايل وليش البنات مايترفهون
وسالفة المحرم ولا بدون
اذا البنت بروحها ولا بنتين محرم
واذا مجموعه كبيره من البناات ماله داعي << اذا محترمين نفسهم طبعآ

[بوحارب]

وراي امي :
من ناحية الترفيه ... اوكيه
من ناحية الحرام فهو حرام
وسالفة بنات وريايل دامه يرفه الريايل وليش البنات مايترفهون
وسالفة المحرم ولا بدون
اذا البنت بروحها ولا بنتين محرم
واذا مجموعه كبيره من البناات ماله داعي << اذا محترمين نفسهم طبعآ

بس يقولون اللي محترمين نفسهم ما يروحون السينما :unsure:

[بصمة قطرية]

بعد ما قريت الموضوع والردود لاحظت اختلاف وجهات النظر ..
البعض ينتقد الأفلام انها مش مقطعة وفيها لقطات تخدش الحيا ..
والبعض ينكر هالشي ويقول انها مقطعة ..
حيرتونا بصراحة ..!!!

المهم ..
الإعتراض على فكرة روحة البنت أو مجموعة بنات لوحدهم للسينما ..
برأيي الشخصي بصراحة مش حلوة كلش ..
وين كنا قبل كم سنه عيب البنت تدخل سينما ..
الحين اكثر رواد السينما من البنات ..!!!!

على فكرة ..
ما عمري دخلت سينما لأني مقتنعة أن مستواي أعلى من هالمكان ..
لحد يعصب تراها وجهات نظر ..:shy:

[ابو خولة]

غريب امرك سويتها كفراً !!! اقرى حكم تكفير المسلم عيل

:eek5:

هذي مقولة معروفة ..وعبارة مجازية ما تاخذينها بمعناها الفعلي...مب معناتها انج كفرتي !!!!!

ياربيــــــــــــه!! صدمتيني:rolleyes2:

[qatari 111]

الله يهدي الجميع وينور طريقهم الى فعل الخير

[toomi9]

بس يقولون اللي محترمين نفسهم ما يروحون السينما :unsure:


ههههههه ضحكتني الله يسعدك
وبعد سمعت الي مب محترم مايروح مجمع ... صحيح هـ الكلام ولا ؟؟ ممكن تفيدنا؟
على فكره الي تروح مكياج كامل والشعر طالع والعباه حدث ولا حرج
هنني مب محترمه
واعتقد السينما تغير جو ماله خص محترم ولا مب محترم
بعدين احنا لما ندخل السينماا ندخل فلم اطفال ولا كوميدي ولا نحاسب انه مافيه مقاطع خايسه

المحترم محترم

[*جواهر*]

امين هاذي الدعاوي العدله

[بصمة قطرية]

:eek5:

هذي مقولة معروفة ..وعبارة مجازية ما تاخذينها بمعناها الفعلي...مب معناتها انج كفرتي !!!!!

ياربيــــــــــــه!! صدمتيني:rolleyes2:

سكت دهراً ونطق كفراً ..

لما يصمت الشخص وبعدها ينطق الشخص بكلام كبير ..
دائماً تقال هالعبارة ..
وسلكت مسلك الأمثال الشعبية ..
وليس المقصود بها كفراً بالفعل طبعاً مجرد عبارة لا أكثر ..

[بوحارب]

ههههههه ضحكتني الله يسعدك
وبعد سمعت الي مب محترم مايروح مجمع ... صحيح هـ الكلام ولا ؟؟ ممكن تفيدنا؟
على فكره الي تروح مكياج كامل والشعر طالع والعباه حدث ولا حرج
هنني مب محترمه
واعتقد السينما تغير جو ماله خص محترم ولا مب محترم
بعدين احنا لما ندخل السينماا ندخل فلم اطفال ولا كوميدي ولا نحاسب انه مافيه مقاطع خايسه

المحترم محترم

بعض الناس يقولون عن اللي يروحون المجمعات مب محترمين

كيفهم :( يقولون اللي يقولون

وعلى قولتج المخترم مخترم

والله يبعدكم عن السينما وجوها جميعا شباب وبنوتات :omen2:

[بوحارب]

سكت دهراً ونطق كفراً ..

لما يصمت الشخص وبعدها ينطق الشخص بكلام كبير ..
دائماً تقال هالعبارة ..
وسلكت مسلك الأمثال الشعبية ..
وليس المقصود بها كفراً بالفعل طبعاً مجرد عبارة لا أكثر ..

اشرايج بعد تعطينا درس في النحو :(

[toomi9]

بو حارب ماتروح السينماا ..؟!!

[باسكن روبنز]

انت ايها الشاب :

هل تذهب للسينما .؟

هل ترضى ان تدخل مع زوجتك او اختك السينما .؟ او ان تتركهم يروحون للاماكن هذي .؟



يروحون وياي نعم من فتره لفتره وشي عادي لاتكبرون الموضوع ،

بس بروحهم يمشون البوز بهذي الي تحت ابرك لهم واجد ،


http://www.alriyadh.com/2008/09/08/img/089010.jpg

مع الحرص على اختيار احمض ليمونه من محل الخضار ، :nice:

[الأصيلة]

يروحون وياي نعم من فتره لفتره وشي عادي لاتكبرون الموضوع ،

بس بروحهم يمشون البوز بهذي الي تحت ابرك لهم واجد ،


http://www.alriyadh.com/2008/09/08/img/089010.jpg

مع الحرص على اختيار احمض ليمونه من محل الخضار ، :nice:

بيض الله وجهك والله يكثر من أمثالك...

[بوحارب]

بو حارب ماتروح السينماا ..؟!!

لا وهذا الشي من فضل الله علي :)


دخلتها مرة وحدة بس وبالقووووة :omen2:

[بصمة قطرية]

اشرايج بعد تعطينا درس في النحو :(

اذا كنت مش محتاج للدرس ..
غيرك محتاجه ..

[بوحارب]

اذا كنت مش محتاج للدرس ..
غيرك محتاجه ..

زين لادزين على اخر الليل :weeping:

[مستجدة]

الحمدلله انا محب السنما حتى في البيت ماحب اشوف افلام
والبنات اللي اعرفهم يرحون سنما لكن في اوقات ماتكون زحمه مثال الظهر
اللي مع زوجها واللي مع خوها واللي عيالها
واذا على التحرش التحرش موجود بكل مكان حتى في سوق الخضره عسا الله يهدي الشباب
ويستثمرون اوقاتهم في شئ يفيدهم احسن عن هالدواره وازعاج خلق الله

[بصمة قطرية]

زين لادزين على اخر الليل :weeping:

:nice:

[الحره]

انا وحده اروح السنما مع خواتي ومانروح الا في نص الاسبوع نختار يوم يكون اثنين ، ثلاثاء ، اربعاء ويكون الفلم العصر والله ندخل السنما ياتكون فاضيه مافيها الانفرين ولا اغلبيتها نسوان

والافلام في سنمات قطر مقطعه يعني كأنكم تشوفون فلم على الفضائيه القطريه والي يبي الوصاخه والمواعد الشباب مب مقصرين في كل داعوس في المجمعات تحصلونهم وعلني تحصلونهم وفي المطاعم تحصلونهم ماجات على السنما والاخ كاتب الموضوع لا تعمم ولا تتهم بنات الناس مب كل من راحت سنما صارت ..و..و.. والكلام حق الي تقول المفروض المتزوجه تروح ومادري وشو

ولو يكون بعلمكم بنات وااايد اهلهم مايرضون يودونهم سنمات بس حلال عليهم هم يروحون والله في بنات وايد يروحون خوات ويا بعض يدشون السنما يشوفون الفلم ويطلعون وحتى من غير علم اهلهم ولا سووو مساخر دخلو باحترامهم وطلعو باحترامهم بس لو الالهل كانو متفهمين ويودون بناتهم مثل العالم ماكانو راحو بالخش ، والخلط والبلط في كل مكان ومافي اكثر من السوق ، وحده تقول ماروح سنما وارح السوق الدمار كله في السوق اصلن الي تروح بداعي وغير داعي

انتو كل تبون تسون نفسكم غير عن الناس وان انتو عاد الي مقطعين في الدين وفي العيب ومايندرى تكتبون شي وتفعلون شي ثاني.

[الحره]

والي بيسأل ليش ماتروحين مع حد من اخوانج!!

للأسف الشباب وخاصه شباب قطر وماعمم ادري في ناس فيهم خير ويودون خواتهم ويوسعون سدورهم

اخوانا يستحون يودونا معاهم سنما ولا سوق ولا اي مكان والله روحو بروحكم احنا مانودي ليشششششششششششش؟؟؟!!!

والله يخاف رفيجه يشوفه مودي اخته سوق ولا مكان ولا حد من الفريج يشوف والله لا يحرمنا من الدريوليه الي عازينا ومب مخلينا محتاجين لاخوان يودون ويبيون

[الحره]

واللي يقول السينما تقطع...غلطانين...يقطعون الشي الكبير بس ولا حركات النص كم موجودة...يكفي اللبس الخالع :@






اللبس الخليع تشوفه كل يوم في الشارع ووفي المجمعات من هالخنازير الي ما يمشون في بلادنا الا مفاصيخ والحركات الي ربع كم هم تشوفها في هالاماكن

وتحياتي

[STAR]

اللبس الخليع تشوفه كل يوم في الشارع ووفي المجمعات من هالخنازير الي ما يمشون في بلادنا الا مفاصيخ والحركات الي ربع كم هم تشوفها في هالاماكن

وتحياتي

ليش فالشارع؟!!!‏

عندج فالبيت ‏..فالتلفزيوووون...حتى المسلسلات العربية صار فيها
اشياء ماتنقال..يااات ع السينما

[ابو محمد7]

الصراحه الي تروح السينما ماعندها حيى مكان كلى شباب وافلام ولااروع

والي تبي تشوف فلم تقدر تجيبه البيت !!

انا اقول احترم نفسك واحترم الناس

مب كل وحده راحت السينما ماعندها حيى على قولتك ولا كل وحده ماتروح السينما عندها حيى

الناس فيهم الزين والشين سواء راحوا السينما او ماراحوا

لاتعمم

[الـقـاسـي]

والله ياخوي انا قبل كنت من هواه السينما يعني مستحيل يمر اسبوع بدون فلمين او ثلاثه اقل شي ..
لكن في الفتره الاخيره ماصرت اروح السينما كثير بالعكس صرت اتحاشى الروحة لها يعني يعني عادي تمر اربع خمس شهور ماروح اما بالنسبه لروحة البنات والمصخره اللي تصير فالسينما فحدث ولا حرج كل شي كل شي يصير في السينما والله العظيم انها اشياء محد يصدقها تصير فيها ..

[ابو محمد7]

بس يقولون اللي محترمين نفسهم ما يروحون السينما :unsure:

مرة اخرى التعميم مرفوض

في ناس تروح السينما ومحترمين اكثر بألف مرة من ناس ماتروح السينما

الناس فيهم الزين والشين والحكم مب بالذهاب بالسينما

اللي يبي ينصح احد لله لازم يكون عنده اسلوب

[الصريحه]

انا ضده
ليش الوحده قاعده في مكان عام وتشوف افلام لو لا قدر الله انقبضت روحها حلوه انها في مكان عام بهذا الشكل وبعد ايضا المشاهد اموت ولااكون مثلهم الله يسترنا دنيا واخره ياناس اشوفه عيب وحرام
خصوصا مع الافلام اليومين هذي
كلش فشله وبعد معاها ابوها واخوها والناس حولها عيل مابقى شيء احسن الواحد يفتح بيته وخلي اهل الفريج كلهم يشوفون معاه شبابا وبنات ؟؟؟؟؟؟؟؟
اقول الله يهدي الجميع من متى البنت او المراه تكون برى في غير ضروره

[ابو محمد7]

والي بيسأل ليش ماتروحين مع حد من اخوانج!!

للأسف الشباب وخاصه شباب قطر وماعمم ادري في ناس فيهم خير ويودون خواتهم ويوسعون سدورهم

اخوانا يستحون يودونا معاهم سنما ولا سوق ولا اي مكان والله روحو بروحكم احنا مانودي ليشششششششششششش؟؟؟!!!

والله يخاف رفيجه يشوفه مودي اخته سوق ولا مكان ولا حد من الفريج يشوف والله لا يحرمنا من الدريوليه الي عازينا ومب مخلينا محتاجين لاخوان يودون ويبيون

الحره صراحة كلامج خلاني احس بالذنب

انا اطلع مع اهلي حق مشاويرهم وامشيهم بس احس ان احنا مقصرين بهالشي وايد

احنا صحيح نعتب على البنات اللي يروحون السينما بروحهم او مجمعات بروحهم وبنفس الوقت طبعا البعض مب الكل ما يفضي من وقته علشان يروح معاهم !

اما سالفة يخاف ان حد يشوفكم معاه فصراحة ماعندي تعليق

[الصريحه]

السينما فيها عرض صور ومشاهد خليعه ومحد ينكر هاي الشي

السينما في خلط ومحد ينكر هاي الشي

السينما فيها موسيقى واغاني

يعني كل المحرمات موجوده

أكيد الناتج بيطلع الي تفضلت فيه




معاك كل اللي قلته صح
لهذا غلط الذهاب اليها
الله يوفق لما فيه الصلاح

[مدريدي بفخر]

اعتقد هي سينما في الاخير مش ديسكو
واشوف انه شي عادي البنات يروحون بدون محرم لوجود السيكيرتي
صج مرات تصير اشياء مش حلوه بس هذا يصير في اي مكان وجدام عين الناس
ياما مرات جدامي شباب مراهقين ويدخنون فالسينما اكلم السيكيرتي ويقوم ويحذره مره واذا تكرر الشي يقوم بطرده

[qrt_trading]

ليش يعني موضوع المغازل والمواعيد بين الشباب والبنات بس في السينما والله هذي تصير في كل مكان وما يعني هذا إني أحرم نفسي من السنما ولا السوق، مش كفاية مافي اي مكان للترفيه خاصة للنساء بعد مستكثرين علينا السينما، ولا تقولون في مكان لنا لا والله مافي الشاليهات مفتوحة وإحنا ما نقدر ناخذ راحتنى فيها، ملاهي وما في، ولما قالوا بسوون مدينة مائية اشكرة ما سوها إلا لليهال والشباب إحنى ما نقدر إنروح أولاً بتكون مفتوحة وثانياً بيكونون العاملين هناك رجال.

الحين قولي وين نقدر إنروح ونستانس ما عندنا مكان يالسوق أو السينما مافي غيرهم.

[do7awi]

ليش يعني موضوع المغازل والمواعيد بين الشباب والبنات بس في السينما والله هذي تصير في كل مكان وما يعني هذا إني أحرم نفسي من السنما ولا السوق، مش كفاية مافي اي مكان للترفيه خاصة للنساء بعد مستكثرين علينا السينما، ولا تقولون في مكان لنا لا والله مافي الشاليهات مفتوحة وإحنا ما نقدر ناخذ راحتنى فيها، ملاهي وما في، ولما قالوا بسوون مدينة مائية اشكرة ما سوها إلا لليهال والشباب إحنى ما نقدر إنروح أولاً بتكون مفتوحة وثانياً بيكونون العاملين هناك رجال.

الحين قولي وين نقدر إنروح ونستانس ما عندنا مكان يالسوق أو السينما مافي غيرهم.

مشكلتج .. من قال لج تصيرين بنت؟

ما يصير تروحين السينما ولا السوق ولا تسافرين ولا ... الا اذا كان اخوج معاج. بس الاخ يستحي (لسبب غامض) ان يشوفونه طالع مع اخته .. وا خزياااااه!!

[بنت ابوها 19]

اخي اول كنا نروح السينما نستمتع بالفلم

الحين الناس تروح وتشكى تركز بالفلم ولا بالناس الي مواعده


والله ثم والله اخر مره دخلت فيها السينما كانت سنة 2004

لانه والله احلى من السينما عندي بالبيت
ابوي ماينزل فلم اليوم اله بكره عندنا وضع الشاشات بالبيت والمه والاصوات احلى بالف مره من السينما
لانه عندنا عيب السينما ماتدخلها البنت اله مع ابوها ولا مع زوجها ماعرف ليش بس هاي نظريتنا احنا

[بـــــــنت النوخـّــــذه]

خلاص بعد العيد باخذج ع فلم كرتون هاه اشقلتي؟!‏
بس لاتقطين البطوولة

ستار خلج عند كلمتج ترى قلتي بتوديني والكل شاهد اكوه :omen2: بس عليج اقناع الجماعه بعد:omen2:

[FAUCHON]

تسلم اخووي على الطرح ..~


وانتي ايتها الفتاة :

هل تدخلين السينما .؟

نعم

هل بنظرك ان الدخول للأماكن هذي لا حرج فيها ( مثل ما الريال يدخل نحن بندش )

ام انك تخالفينهم وتشوفين ( فيها قبايل ودم لين الركب )

اخوي على فكره مافي فرق بنت ولا ولد " سينما " شالفرق يعني

وسؤال للبنت اللي تروح هالاماكن ..

فلنفرض بوسط الفلم الرومانسي ..سواءا مع ابوج ولا اخوج ولا زوجج و ظهرت لقطة طــــوووط ( يلزمك بروكسي لمعرفة ماهي )

ش بيكون موقفج .؟

ما اروح لا مع ابوي ولا مع اخوي للاسف ..



p.s

دام الوحده ماشيه سيده وباحترامها محد بكفو يقول عنها شي حتى لو راحت السينما

[بنت شيوخ]

والله السينما ماعمرنا دخلناها لابقطر ولا خارج قطر ....
ولافكرنا نروحهاا...

مو لانها ممنوع او من الكبائر عندنا لا اا لان ماتعودناا ان هاي الاماكن لناا...

ومن شب على شي شاب عليه.....





يعني مو بهتمامنااا مو كل من طق طبله قلت انا قبله
....
شكرا لك على الموووضوع.....

[ماريسا]

انا وحده اروح السنما مع خواتي ومانروح الا في نص الاسبوع نختار يوم يكون اثنين ، ثلاثاء ، اربعاء ويكون الفلم العصر والله ندخل السنما ياتكون فاضيه مافيها الانفرين ولا اغلبيتها نسوان

والافلام في سنمات قطر مقطعه يعني كأنكم تشوفون فلم على الفضائيه القطريه والي يبي الوصاخه والمواعد الشباب مب مقصرين في كل داعوس في المجمعات تحصلونهم وعلني تحصلونهم وفي المطاعم تحصلونهم ماجات على السنما والاخ كاتب الموضوع لا تعمم ولا تتهم بنات الناس مب كل من راحت سنما صارت ..و..و.. والكلام حق الي تقول المفروض المتزوجه تروح ومادري وشو

ولو يكون بعلمكم بنات وااايد اهلهم مايرضون يودونهم سنمات بس حلال عليهم هم يروحون والله في بنات وايد يروحون خوات ويا بعض يدشون السنما يشوفون الفلم ويطلعون وحتى من غير علم اهلهم ولا سووو مساخر دخلو باحترامهم وطلعو باحترامهم بس لو الالهل كانو متفهمين ويودون بناتهم مثل العالم ماكانو راحو بالخش ، والخلط والبلط في كل مكان ومافي اكثر من السوق ، وحده تقول ماروح سنما وارح السوق الدمار كله في السوق اصلن الي تروح بداعي وغير داعي

انتو كل تبون تسون نفسكم غير عن الناس وان انتو عاد الي مقطعين في الدين وفي العيب ومايندرى تكتبون شي وتفعلون شي ثاني.

سؤال: وين الاحترام لما بنات أو حتى شباب يسوون اشيا من ورا اهاليهم؟؟ و أتكلم عن اللي اعمارهم تحت ال21 :)

[STAR]

ستار خلج عند كلمتج ترى قلتي بتوديني والكل شاهد اكوه :omen2: بس عليج اقناع الجماعه بعد:omen2:

هاه..‏!!‏:shy:

ان شاء الله اول رسوم متحركة بيحطونه فالعيد بوديج..

عااااد يخلونج الرقابة:tease:

[dream~qa]

إذا في دخول السينما تقرب لله وإكثار للذكر فأكيد نشجع الجنسين لدخول السينما ،،،، أما أن كان دخولها فيه صد عن ذكر الله ومعصية فالأكيد دخولها حرام على الجنسين .

[الـمـرقاب]

:omg:

اللي ادش السينما مافيها خير :eek5:

انا ما احب التنااااااااااااااااااااااااقض

يا جماعه الخير ترى اللي ينعرض في السينما ينعرض في التلفزيون شختلف في الوضع!!!!

انا ادش السينما مع خواتي واحيانا بروحي اذا ابي اشوف فلم شالمشكله :rolleyes2:

وللمره الثانيه استغرب من موضوع المحرم !!! اللي ماعنده محرم يأجر له محرم علشان يدش السينما؟

اللي يحترم نفسه ويدش المكان باحترامه محد بيغلط عليه ولا بيغلط على حد (الكلام موجهه للطرفين البنات والشباب). وسالفه المعاكسات و المواعد و هالسوالف ترى في كل مكان يعني الواحد وين يروح ينخش في حفره مثلن :rolleyes2:


اختي اربطي الموضوع بالدين، وخلج من موضوع احترام النفس!
الدين يحرم الاختلاط، وهذا كلام لا غبار عليه وماظن تنكرينه..

واذا على الشباب انهم موجودين في كل مكان، هنا الدين سمح للمرأه
الخروج للضروره، ولج الحكم على طلعة السينما ان كانت ضروره ام لا؟

وموضوع المحرم مب كلامنا، كلام الشرع..

احترامي..}

[قطر دزاين]

www.islamweb.net

فتاوى إسلام ويب

عنوان الفتوى
: حكم السينما

رقـم الفتوى
: 14814

تاريخ الفتوى
: 17 محرم 1423


السؤال: 1-هل السينما(دور عرض الأفلام) حرام و ماحكم الذهاب إليها؟


الفتوى: الحمد لله والصلاة والسلام على رسول الله وعلى آله وصحبه أما بعد:
فدور عرض الأفلام (السينما) في واقعنا المعاصر، قائمة على نشر الحرام والترويج له، من خلال الأفلام المليئة بالمنكرات من تفسخ وعري وتبرج واختلاط ومعازف، وما هو أعظم من ذلك، فهي في وصفها الحالي مؤسسة لنشر الفساد وإغواء العباد، ولا شك في تحريم الذهاب إليها، وانظر الفتوى رقم:

[قطر دزاين]

لحمد لله والصلاة والسلام على رسول الله وعلى آله وصحبه، أما بعـد:

ففي المصباح: أن الديوث هو الرجل الذي لا غيرة له على أهله ، قال في الموسوعة الفقهية :
عرفت الدياثة بألفاظ متقاربة يجمعها معنى واحد لا تخرج عن المعنى اللغوي وهو عدم الغيرة على الأهل والمحارم .
ومن هنا كانت غيرة الرجل على زوجه ومحارمه محمودة، وعلامة على كمال الرجولة والشهامة، وتركها دياثة مذمومة شرعاً وطبعاً، وهذا ما جعل الدفاع عن العرض مشروعاً .
فالديوث: هو الذي لا يغار على أهله ومحارمه ويرضى بالمعصية والفاحشة والخنا عليهم ، ولاشك أن هذا يتنافى مع الدين، فلا دين لمن لا غيرة له ، ولهذا قال النبي صلى الله عليه وسلم :
ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة، والديوث.. رواه أحمد والنسائي.
والأحاديث في هذا الباب كثيرة
والله تعالى أعلم وأجل وأحكم وصلى الله وسلم على سيدنا محمد

[بـــــــنت النوخـّــــذه]

على الرغم من اني ماعمري دخلت سينما وعندي قناعه تامه بذلك ولكن 000 ياريت البعض يراعي مشاعر رواد السينما (المحترمين ) وعدم استخدام كلمه ديوث ومعرض اهله للفاحشه ويرضى عليهم بالمنكر 00فهناك مصطلحات افضل لانتقاد الظاهره نقد بناء بعيد عن التهم والتهجم 00 بالعامي :omen2: لاتخلون نظرتكم عامه ترى فيه ناس يروحون السينما بكل احترامهم وفي ناس شوهو سمعه رواد السينما بتصرفاتهم ولكن الاثنين احتمال تناسو اهميه الوقت وان الله محاسبنا عليه والعين الله مسائلنا عن الي كانت تشوفه وغير جذيه المبلغ لي ندفعه لدخول السينما بامكان الشخص انقاذ اشخاص خارج الدوله بهذا المبلغ الي ممكن يقيهم من الجوع [/U]00يعني المسئله محتاجه جلسه مع النفس واختيار بديل مشرف لعمل الانسان بحيث هذا البديل يرفه عنه وعن اهله وبالمره يرضي رب العباد 000 [U]وكلامي هذا ليس دفاعا" لرواد السينما وانما احتراما" لمشاعر المحترمين لرواد السينما الي يمكن سقط سهوا" منهم جهلهم بمظار هذا المكان اكثر من منافعه ^_^


وسؤال فضول يطرح نفسه : هل لو تم تخصيص يوم لعرض فيلم اسلامي تاريخي (بحت) او فيلم كرتوني مراعيين فيه القيم غير خادش للحياء ومراعي الشروط الشرعيه والقيم الاسلاميه في دور السينما ؟؟ هل سيكون دخوله حرام ومنكر ؟؟؟


والسلام عليكم ورحمه الله وبركاته :)
^
^
^
وجهة نظر شخصيه

[alsahran]

للاسف الكبت مش مخلي البعض يشوف الصح من الغلط.

[الحره]

سؤال: وين الاحترام لما بنات أو حتى شباب يسوون اشيا من ورا اهاليهم؟؟ و أتكلم عن اللي اعمارهم تحت ال21 :)

الاخ او الاخت الكريمه اذا كان على العمر انا متأكده اني اكبر منج بسنين انا عمري 28 سنه

واذا على الاحترام تبي توصل ان احنا مانستحي ومب متربيين هذا شي راجعلج

وين الاحترام لما واحد يكلم وحده او وحده تكلم واحد واكيد من ورى الاهل

وين الاحترام لما شاب يقعد مع فلبينيه في مطعم

وين الاحترام لما البنت تروح حفلة بنات ولابستلي قصير ومفصخ وعشان اسمها حفلة بنات اتفصخ ومتاكده لو ابوها يشوفها جذي اكيد بيدوس بويها باللنعال

ووين الاحترام لما وحده ناقعه في السوق اتدور وقاطه غشوتها ولما تروح تشتري من لبناني ولا سوري اتميع واتدلع وهي تكلمه وتسولف وياه
وين الاحترام لما يكون الهندي بايع اترجاه ينزل لها في السعر

وين الاحترام لما الوحده تدخل المنتدى وعلى انها محترمه ومستره واخرتها تكلم شباب هنيه اتغشر من هذا وذاك وتبيع على هذا وذاك وفي توقيعها بيت شعر والصوره العضويه حدث ولا حرج

اقول في النهايه خليت الاحترام لج اذا هذا الاحترام الي اتكلمين عليه

[الحره]

الحره صراحة كلامج خلاني احس بالذنب

انا اطلع مع اهلي حق مشاويرهم وامشيهم بس احس ان احنا مقصرين بهالشي وايد

احنا صحيح نعتب على البنات اللي يروحون السينما بروحهم او مجمعات بروحهم وبنفس الوقت طبعا البعض مب الكل ما يفضي من وقته علشان يروح معاهم !

اما سالفة يخاف ان حد يشوفكم معاه فصراحة ماعندي تعليق

الله يخليك لأهلك ياخوي والله يصلح الي عندنا

في ناس بعد لما يودون اهلهم السوق ما يمشون حذاهم لازم بعيد عنهم 100 متر كأنه صبي بس عشان ماحد يعرف انهم معاه شوف التخلف

[*جواهر*]

في ذمتكم هاي اسلوب للنقاش !!!!!!!

الهدف من الموضوع ضاع بردودكم اللي ماله اساس في النقاش كلها هجوم الواحد يشرح وجهه نظره باسلوب يشجع و يحمس الواحد انه يترك الغلط مب بالتحقير و التكفير والنقد والتهجم على الطرف الثاني !!! يعني فيه ناس والنعم فيهم والله يكثر من خيرهم ردو باسلوب سمح ممكن يخلي الواحد يعيد نظره بالموضوع وناس بكل صراحه تخلي الواحد يدعي عليها :anger1:

واللي اقتبس ردي اذا تبي تدخل في موضوع الدين ياليت الموضوع يمشي بالدين من اساسه مب تحرمون دخول المراْه و تحليل الافلام يا عالم ياليت الامانه تاخذ دورها في ردكم واللي يعرف نفسه ماعنده اسلوب رجاءا يتابع بصمت

مع احترامي للجميع

[القلب المؤمن]

والله أنا أروح السينما عادي مع الاهل واخواني وحتى أحيانا صديقاتي بس بدون (محرم) هههههههه
ودامنا بنات محترمين نفسنا ولاعمرنا تعرضنا لتحرشات ...
حتى أحيانا آخذ أولاد أخوي وأختي وأوديهم بروحي للسينما نشوف أفلام كرتون هههههههه كلهم تحت ال10 سنوات !
ولو لقطة فيها (...) مثل ما ذكرت معظم الافلام عليها رقابة واللي فيها لقطات عادي انا واخواني نغض البصر الحمدلله متربيين عدل :nice:
وترى التربية الصح مثل البذرة في نفوس الناس يعني بكل بساطة لو البنت ولا الشاب يسافر لابعد أرض وبروحه مايسوي الغلط ..
وبعدين الصايع \الصايعه بينحرف بأي مكان مب شرط بالسينما !

[latty]

السينما شر لا بد منه بالنسبه لي ولاهلي اقولك

مافيه سينما نهاية الاسبوع

من يبي فلم يروح احد اثنين ثلاثاء اربعاء بس

نروح مجموعه فيها المتزوجات والانسات

نختار فلم طبعا ونتفق عليه قبل ما نجي السينما وذلك من الجريده نسال من شافه من اهلنا

ان حصل وطلع مشهد طووووط طبعا طووووط هذا مشكله ويعود ذلك لعين المشاهد ومشاعره ان قدر يلف وجهه او يغطي عينه جزاه الله خير وان سرق النظر لا حول ذنبه على جنبه


تقديري

[ام شوشي]

السلام للجميع والله يااخواني وياخواتي بقول لكم كلام قاسي شوي تحملوني اللوم من البداية على الاهل والله ثم والله ان الاباء والامهات محاسبين يوم القيامة انا بتكلم عن نفسي ابوي الله يحفظة لي كان لة دور في التربية بكل امانة ماكان يقبل بان اقوم بزيارة اي صديقة لي هذا من كثر حبة وحرصة علي نعم كنت اخرج للتسوق برفقة والدتي بحدود وانا محتشمة اما الان ما الذي تغير هو ان البنت تخرج في اي وقت ومن غير محرم امس كنت برفقة زوجي في اللاند حدث ولاحرج البنت بكامل زينتها والعباءة المفتوحة ولابسة البنطلون سؤالي لكم اين اهل تلك الفتاه اليسو هم المسؤلين عن ضياع ابنتهم ولا منظر سوق واقف الطابق العلوي بدوووووون تعليق واما با النسبة للسينما طبعا انا ما ايدها سواء للشاب او الفتاة مادام افلامهم تحتوي على مقاطع مخلة با الاداب فهي حرام شرعا وفي النهاية دعوة مني للجميع الله يهديكم لما هو فية الخير

[بوحارب]

عندي سؤال للسحالي

لو دخلتي السينما وجلستي على كرسي رقم 55 والكرسي اللي جمبج 56 فيه رجّال وش بتسوين ! :omen2:

واعرض السؤال على التماسيح بعد بتخلي اختك او مرتك مرتزة احذى سعيد الحظ اللي قاعد احذاها :tease:


مع العلم كل الكراسي محجوزة يعني لحد يتفلسف ويقول بنغير المكان :omen2:

[الأصيلة]

السلام للجميع والله يااخواني وياخواتي بقول لكم كلام قاسي شوي تحملوني اللوم من البداية على الاهل والله ثم والله ان الاباء والامهات محاسبين يوم القيامة انا بتكلم عن نفسي ابوي الله يحفظة لي كان لة دور في التربية بكل امانة ماكان يقبل بان اقوم بزيارة اي صديقة لي هذا من كثر حبة وحرصة علي نعم كنت اخرج للتسوق برفقة والدتي بحدود وانا محتشمة اما الان ما الذي تغير هو ان البنت تخرج في اي وقت ومن غير محرم امس كنت برفقة زوجي في اللاند حدث ولاحرج البنت بكامل زينتها والعباءة المفتوحة ولابسة البنطلون سؤالي لكم اين اهل تلك الفتاه اليسو هم المسؤلين عن ضياع ابنتهم ولا منظر سوق واقف الطابق العلوي بدوووووون تعليق واما با النسبة للسينما طبعا انا ما ايدها سواء للشاب او الفتاة مادام افلامهم تحتوي على مقاطع مخلة با الاداب فهي حرام شرعا وفي النهاية دعوة مني للجميع الله يهديكم لما هو فية الخير

جزاج الله ألف خير على هالكلام الطيب
وجعله في ميزان حسناتك يا أم شوشي...

[بوحارب]

والله أنا أروح السينما عادي مع الاهل واخواني وحتى أحيانا صديقاتي بس بدون (محرم) هههههههه
ودامنا بنات محترمين نفسنا ولاعمرنا تعرضنا لتحرشات ...
حتى أحيانا آخذ أولاد أخوي وأختي وأوديهم بروحي للسينما نشوف أفلام كرتون هههههههه كلهم تحت ال10 سنوات !
ولو لقطة فيها (...) مثل ما ذكرت معظم الافلام عليها رقابة واللي فيها لقطات عادي انا واخواني نغض البصر الحمدلله متربيين عدل :nice:
وترى التربية الصح مثل البذرة في نفوس الناس يعني بكل بساطة لو البنت ولا الشاب يسافر لابعد أرض وبروحه مايسوي الغلط ..
وبعدين الصايع \الصايعه بينحرف بأي مكان مب شرط بالسينما !

بس يقولون والعهدة على الراوي اللي تروح السينما مب محترمة :(

[ام شوشي]

جزاج الله ألف خير على هالكلام الطيب
وجعله في ميزان حسناتك يا أم شوشي...

العفو يا الاصيلة والله ان ماقلت الا اللي ضميري يملية علي وتسلمين يا الغالية

[ANONYMOUS]

بعض الردود نقراها ولا نملك الا ان نعمل لأصحابها هكذا

http://www13.0zz0.com/2010/05/18/12/467752168.jpg


وبعض الردود نقراها ونقول الحمد لله والشكر.. اللهم لاتبلانا..

[ANONYMOUS]

عندي سؤال للسحالي

لو دخلتي السينما وجلستي على كرسي رقم 55 والكرسي اللي جمبج 56 فيه رجّال وش بتسوين ! :omen2:

واعرض السؤال على التماسيح بعد بتخلي اختك او مرتك مرتزة احذى سعيد الحظ اللي قاعد احذاها :tease:


مع العلم كل الكراسي محجوزة يعني لحد يتفلسف ويقول بنغير المكان :omen2:




اعتقد بتّكي صوب كرسي 54 اللي فيه صديقتها..

:p

[بوحارب]

اعتقد بتّكي صوب كرسي 54 اللي فيه صديقتها..

:p

ههههههههههههههههههههههههههههههه

:sneaky:

دائما افكارك شريرة :D

[ANONYMOUS]

ههههههههههههههههههههههههههههههه

:sneaky:

دائما افكارك شريرة :d


عاد يوم يخلص الفلم.. خصرها اللي تكّت عليه بيصيده شلل وشد عضلي بنفس الوقت..

وبتمشي وهي تضلع.. وتسحب رجلها صوب الموتر

وتصبحون على خير

:)

[toomi9]

مرة اخرى التعميم مرفوض

في ناس تروح السينما ومحترمين اكثر بألف مرة من ناس ماتروح السينما

الناس فيهم الزين والشين والحكم مب بالذهاب بالسينما

اللي يبي ينصح احد لله لازم يكون عنده اسلوب
صح كلامك تعجبني

صح ليش التعميم الحييين فالمجمعات وااايد بنات يروحون حق المغازل وحق هـ السوالف وفي بنات يروحون قصدهم نظيف

حال المجمع من السينما

بعدين الحين الي يقول البنات الي مايستحون على ويوههم يدخلون السينما
عيل الريال بعد الي يدخل السسينما مايستحي على وييهه كله بنات وافلاام ولا اروع

الحال من بعضه

وانتوو ليش معصبين جايفين السينما ديسكوو؟؟؟
ترا فلم تشوفه وتطلع وبالعكس تغير جو

والي محترم محترم ،،، دخل السسينما ولا غيرها ،، والعكس صحيح :secret:

[القلب المؤمن]

عندي سؤال للسحالي

لو دخلتي السينما وجلستي على كرسي رقم 55 والكرسي اللي جمبج 56 فيه رجّال وش بتسوين ! :omen2:

واعرض السؤال على التماسيح بعد بتخلي اختك او مرتك مرتزة احذى سعيد الحظ اللي قاعد احذاها :tease:


مع العلم كل الكراسي محجوزة يعني لحد يتفلسف ويقول بنغير المكان :omen2:

طبعا طلعاتي مع صديقاتي السينما تكون الصبح او الظهر وعمرها السينما بالمجمعات ماكانت زحمة بالشباب بهالوقت لانهم عادة يروحون السينما بوقت متأخر :nice:
فسؤالك هذا ما عمره صادفنا ..
ألا قول لي لو صار لك أنت هالموقف يا تمساحنا الشاطر ...بأمانة شبتسوي ؟

[القحطاني505]

من فضل الله علي اني لم أدخل السينما أبدًا ..

بل أني ما اعرف وين مكانها ..

[JN000N]

في ردود استغفر الله


ناس تحب تحشر نفسها وياليت فالحق او في كلمة عدله



قل خيرا او اصمت

اللي ماعنده شي عدل يتحجى فيه لا يشارك ولا يبدي رايه بشي بمجرد انه يعني المناقشجي وهو ولا يدري بالفول

[حلف الفضول]

الله ايحفظ بناتنا وخواتنا وامهاتنا من الحضارة
التي تتعدى الحدود الشرعية والاخلاقية
(( فبنت العرب والاسلام لها حدود ما تتعداها ))
(( والحذر الحذر من الديوث – ولكن من هو الديوث ؟ )))

وعجبني هذا المقال من احدى المنتديات جزاهم الله خير
(((اختاه الحياء من الإيمان ))))
المرأة المسلمة هي التي تتمتع بالحياء والعفة.

لإن العفة والحياء من أسمى وأرقى وأجمل ما تتزين به المرأة الصالحة فالأنوثة حياء وعفة، والمسلمة عفيفة حيية، والحياء خلق لها.
فمع الحياء الإبانة والدقة والوضوح، لا التلجلج والتعثر والربكة، وذلك من إيحاء الفطرة النظيفة السليمة المستقيمة، فالفتاة القويمة تستحي بفطرتها عند لقاء الرجال والحديث معهم، ولكنها لثقتها بطهارتها واستقامتها لا تضطرب الاضطراب الذي يطمع ويغري ويهيج، إنما تتحدث في وضوح بالقدر المطلوب ولا تزيد) ......
إن خلق الحياء عند المرأة لا يمنعها أن:
تقول حقاً أو تطلب علماً أو تأمر بمعروف أو تنهى عن منكر..
والحياء كما عرفه علماء الشريعة: "هو خلق يبعث على ترك القبيح ويمنع من التقصير في حق ذي الحق"؛
والحياء أيضاً: "هو نهي النفس عن القبيح (وهو كل ما يغضب الله تعالى)"؛
وعن أبي القاسم الجنيد رضي الله عنه قال: "الحياء رؤية الآلاء -أي النعم- ورؤية التقصير، فيتولد بينهما حالة تسمى الحياء".
وهذا إشارة إلى أنه حيث وجد الحياء وجُد الستر والعفاف، وحيث تحل الجرأة على القبائح يحل معها التكشف والفضائح.

وترنمي بقول الشاعر :
فلا والله ما في العيش خيـرولا الدنيا إذا ذهب الحيـاء
يعيش المرء ما استحيا بخيرويبقى العود ما بقى اللحـاء

والمرأة المسلمة كما تستحي من الخلق، فهي أيضاً تستحي من الخالق فلا تقصر في طاعته ولا في شكر نعمته، متمثلة قول ابن مسعود: "استحيوا من الله حق الحياء فاحفظوا الرأس وما وعى، والبطن وما حوى، واذكروا الموت والبلى"،
..وفق الله المرأة المسلمة إلى خلق الحياء لتفوز برضا الله وجناته..

[ياقلب لاتحزن]

ماعتقد السينما هي اللي بتغير أخلاق البنات ولا بتسيء لهم في شي

لأن البنت بتربيتها وأخلاقها اللي تربت عليها وليش يعني ع السينما بس

هذا البنات الحين يدرسون بجامعات مخلوطة ويرحون يدرسون برا بعد

وماعتقد فيها شي (( وكل يرى الناس بعين طبعه ))

والشخص هو اللي يفرض عليك احترامه سواء كان بنت أو ولد

وعسى الله يهدي شباب وبنات المسلمين ..

وكل عام والجميع بخير ..

[باسكن روبنز]

بيض الله وجهك والله يكثر من أمثالك...

ووجهج ابيض يالاصيلة والله يحفظ لج بناتج من كل شر ومكروه وتعرسينهم على يدج ، :)

[ماريسا]

الاخ او الاخت الكريمه اذا كان على العمر انا متأكده اني اكبر منج بسنين انا عمري 28 سنه

واذا على الاحترام تبي توصل ان احنا مانستحي ومب متربيين هذا شي راجعلج

وين الاحترام لما واحد يكلم وحده او وحده تكلم واحد واكيد من ورى الاهل

وين الاحترام لما شاب يقعد مع فلبينيه في مطعم

وين الاحترام لما البنت تروح حفلة بنات ولابستلي قصير ومفصخ وعشان اسمها حفلة بنات اتفصخ ومتاكده لو ابوها يشوفها جذي اكيد بيدوس بويها باللنعال

ووين الاحترام لما وحده ناقعه في السوق اتدور وقاطه غشوتها ولما تروح تشتري من لبناني ولا سوري اتميع واتدلع وهي تكلمه وتسولف وياه
وين الاحترام لما يكون الهندي بايع اترجاه ينزل لها في السعر

وين الاحترام لما الوحده تدخل المنتدى وعلى انها محترمه ومستره واخرتها تكلم شباب هنيه اتغشر من هذا وذاك وتبيع على هذا وذاك وفي توقيعها بيت شعر والصوره العضويه حدث ولا حرج

اقول في النهايه خليت الاحترام لج اذا هذا الاحترام الي اتكلمين عليه


مرحبا
انا وحدة
اولاً انتي مافهمتي المقصود من سؤالي. لو لاحظتي في مشاركتي ماجبت طاري السنما كلش و انا مو ضد السنما
و لا جبت طاري المواضيع الثانية اللي ذكرتيها و لا قصدت بسؤالي اي شي ضد البنت
بس ضد العيال (البنات و الشباب اللي تحت الـ 21 ) يسوون شي من ورا اهاليهم عشان جذي ذكرت العمر و ماتكلمت عنج حبوبة
سؤالي كان عن كلامج لما قلتي في بنات يروحون السنما من ورا اهاليهم بكل احترامهم!!! شلون بكل احترامهم لما يسوون شي من ورا الاهل بغض النظر اذا هالشي غلط او صح
و اذا ماعندج جواب "مافيش مشاكل" :)

[الحره]

مرحبا
انا وحدة
اولاً انتي مافهمتي المقصود من سؤالي. لو لاحظتي في مشاركتي ماجبت طاري السنما كلش و انا مو ضد السنما
و لا جبت طاري المواضيع الثانية اللي ذكرتيها و لا قصدت بسؤالي اي شي ضد البنت
بس ضد العيال (البنات و الشباب اللي تحت الـ 21 ) يسوون شي من ورا اهاليهم عشان جذي ذكرت العمر و ماتكلمت عنج حبوبة
سؤالي كان عن كلامج لما قلتي في بنات يروحون السنما من ورا اهاليهم بكل احترامهم!!! شلون بكل احترامهم لما يسوون شي من ورا الاهل بغض النظر اذا هالشي غلط او صح
و اذا ماعندج جواب "مافيش مشاكل" :)

والله يالاريسا انا هب مجبوره ارد عليج

روحي سوي استفتاء في فريجكم وبتعرفين الاجابه لان هالسؤال وعلى كلامج موجه لفئه عمريه معينه وان ماخاب ضني انج من هالفئه.

اتمنى ما شوف اقتباس منج لمشاركتي لاني مابي ارد عليج.

======================

تعليق عام:

لاعت جبدي من هالسالفه ياخي خلهم يفتحون سنما للنسوان وخلاص

[ابو محمد7]

والله يالاريسا انا هب مجبوره ارد عليج

روحي سوي استفتاء في فريجكم وبتعرفين الاجابه لان هالسؤال وعلى كلامج موجه لفئه عمريه معينه وان ماخاب ضني انج من هالفئه.

اتمنى ما شوف اقتباس منج لمشاركتي لاني مابي ارد عليج.

======================

تعليق عام:

لاعت جبدي من هالسالفه ياخي خلهم يفتحون سنما للنسوان وخلاص

احم الحره , ماريسا

اسمحوا لي اثقل عليكم واتدخل بهدف الصلح فقط

الحره هدي اعصابج واذكري الله انا قاعد اتابع الردود بشكل محايد بينكم واعتقد الموضوع كله سؤ تفاهم ومافي الا الخير

ماريسا ماكانت تقصد تسيء لج بأي طريقة يمكن خانها التعبير او يمكن انتي مافهمتي قصدها

انتي يمكن متضايقة لان في ردود تهاجم اللي يروحون السينما وقربت تكفرهم وسوتهم من مرتكبين الكبائر ويتكلمون عن الدياثة وغيره وان هم اهل الخير والصلاح وافضل الناس فقط لانهم مايروحون السينما !!!

نرجع لموضوعكم ماريسا ماوجهت الكلام لج وكلنا محترمين بعض والكل على العين والراس بس انتي اكيد بكره ماتحبين عيالج يسوون شي من وراج
وبشكل عام المفروض الابناء مايسوون شي من وراء اهلهم هذي فكرة عامة اتوقع مقبولة

وترى انتي ردج كان شديد شوي حق ماريسا ومع هذا هي حاولت توضح لج وترد عليج

وسلامتكم

[القلب المؤمن]

الاختلاف في الرأي لايفسد للود قضية
في ناس تشوف ان الروحة للسينما عادي وناس تشوفها غلط ..هذا شي راجع لهم ومافي داعي انكم تغلطون على بعض !!
اللي شايفه غلط عليه بالنصيحة فقط لا أقل ولا أكثر ..أما الاسلوب العنيف مايحل ولا يربط ترى ويكون دائما له نتائج سلبية ..

لازم كل واحد فينا يتقن فن الحوار اللي أساسه الاحترام المتبادل وتقبل وجهات نظر الاخرين بكل ايجابية :nice:

المفروض يكون عنوان الموضوع الشباب والفتيات مرتادين السينما ..وليس البنات بشكل خاص :omen2:

وشفنا رد أخونا التمساح الصغير بوحارب لو جنبه بنت انه جاوب وبكل صراحة انه بيغازلها !!
وهذا راجع لتربيته مب لانه رجل والله والرجال معذور ماعنده ارادة ولا عنده مخ ولا تحكم:nice:
اللي ماعنده ارادة او تحكم هو المجنون فقط ..

البنات بتشوفونهم بكل مكان شئتم أم أبيتم لانهم نصف المجتمع وكل واحد لازم يلزم حدوده ويتعامل بأدب سواء بنت أو ولد ..امرأه أم رجل كلنا محاسبين أمام الله تعالى ..

بتقولون نخش البنات في بيوتهم عادي احبسوهم على بالكم بتحلون المسألة ؟؟
الا النساء الاجنبيات في كل مكان ولا تغير في الوضع شئ
قالوا قديما وأعيد وأكررها بدل المرة ألف
لو أردت أن تحل مشكلة لاتركز بالمشكلة ذاتها ..بل ركز في وضع الحلول المناسبة !!

[الجادل قطر]

عااااااااااادي مافيه مشاكل نروووح بروحنا احنا البنات و لا نشوووووف لا تحرشات و لا غيره ... واللي حااافظ نفسه حااافظ نفسه في سينما و لا في غيره ... لان اذا بنتظر اخواننا ماراح نروووووح و لا مكاااااان الكل مشغووول اللي مع حرمته و اللي مع ربعه و اللي بشغله ...


يعطيك العافيه

[شاهيناز]

عاد يوم يخلص الفلم.. خصرها اللي تكّت عليه بيصيده شلل وشد عضلي بنفس الوقت..

وبتمشي وهي تضلع.. وتسحب رجلها صوب الموتر

وتصبحون على خير

:)

شفت ها الفلم على الشو تايم

[القلب المؤمن]

شفت ها الفلم على الشو تايم

شاهيناز :omg:

الحين بينزلون موضوع جديد اسمه البنات والشوتايم ..هل البنت حلال تشوف التلفزيون او لا ههههههههههههههه
ماذا فعلتي ؟؟؟؟؟

[ParadEyes]

^ هههههههههههههههههههه
و أول رد في الموضوع بيكون:

انا اقول اذا البنت بتشوف التلفزيون 000 لازم (بموافقة) ورفقة زوجها00 اما تشوف التلفزيون بروحها شله ؟0000

[القلب المؤمن]

^ هههههههههههههههههههه
و أول رد في الموضوع بيكون:

انا اقول اذا البنت بتشوف التلفزيون 000 لازم (بموافقة) ورفقة زوجها00 اما تشوف التلفزيون بروحها شله ؟0000

ههههههههههه حلوه كأني عرفت ال 0000
ثاني رد بتلاقينه :
((الرجال قوامون على النساء))
يعني الرجل من حقه يمسك الريموت والمرأة لا ..
واللي تقول لا يبيلها كــــــــــــــــف واللي تقول ايه يبيلها كـــــــــــــف :nice:
واللي تسكت بعد يبيلها كــــــــــــف ..
والعلاج الوحيد هو التعدد :rolleyes2:

[باسكن روبنز]

والله في كم سحليه فوق يبيلها تسطر ،
:omen2:



خلق الله يخافون على محارمهم وهذول ماخذينها مزح ولعب بدون جد ، :(

[غرفاوي قطري]

سلآم عليكم ..
شدخل التحرش والموآعد فـ السينمـآ ، الموآعد يصير فكـــل مكآن .. !
الشي الثآني وجه نظـر آشوف ان عآدي بس مآيكونون بروحهم ، مب سآلفه مآنضمن بس خوف عليهـم مثل مآقالت آختي قطريه ونص ..

والشي الثالث على حسب الفلـم يعني فلم رومآنسي و هـالخرآبيط لا .. !
اللي بوديهـم لازم يفكر شوي ، آفلام انيميشن وبعض آفلام الاكشن والرعب يعني مب آي فلـم .. !

:) ؛

[**هـتــــــان**]

ولا مرة دشيت السينماء لا أنه ولا خواتي ولا الوالدة ولا الوالد ولا اخواني الكبار :)
حدي حدي سينماء الخيال اللي بالملاهي على ايام علاء الدين ههههههههههههههههههه
تبون الصراحه مأيد دخول هالاماكن ...ولاتعجبني ..يله تنبلع للشباب
عاد البنات اجوفه شي مرفوض تماما خصوصا البنات المراهقات واللي مسوين شلل بروحهم ومامعاهم حد كبير ...
وجهه نظر :)

[شاهيناز]

شاهيناز :omg:

الحين بينزلون موضوع جديد اسمه البنات والشوتايم ..هل البنت حلال تشوف التلفزيون او لا ههههههههههههههه
ماذا فعلتي ؟؟؟؟؟

تهقين بس يكتبون الموضوع في بعد رمضان
في رمضان انا تيوببه مابي اتهاوش مع حد

[**هـتــــــان**]

هههههههههه الله يغربل ابليسكن ...حلوة البنات والشو تايم .

[بنت ذياب]

اي وحده تدخل السنيما مافيه خير

دام جذي..

حتى اللي يدخل السينما .. مافيه خير بعد !!


مشكلتكم ماعندكم اسلوب للنقاش والحوار الفعال

بس شاطرين تتهمون خلق الله .. :omen2:

اللهم اني صائمة ..:omen2:

عن نفسي ماادخل الا نادر

مع اخوي او حد كبير

[بنت ذياب]

^ هههههههههههههههههههه
و أول رد في الموضوع بيكون:

انا اقول اذا البنت بتشوف التلفزيون 000 لازم (بموافقة) ورفقة زوجها00 اما تشوف التلفزيون بروحها شله ؟0000

انا ما أأيد ان البنت تشوف التلفزيون فالبيت بروحها

يمكن اطلعت لقطة ولا شي:omen2:

وحتى ما أأيد تشوف التلفزيون .. مع اهلها بعد.. يمكن يكون ابوها قاعد ولا اخوانها
وتطلع لقطة مخزية..:omen2:

مالها الا تسكر التلفزيون .. وتقعد باحترامها فبيتهم :omen2:

واذا كلش كلش خاطرها تشوف ولا تدخل السينما
تروح سينما الخيال اللي ف علاء الدين .. استر لها :omen2:
بس لازم تدخل مع محرم .. بعد مايصير بروحها :omen2:


:tease::tease:

[do7awi]

انا ما أأيد ان البنت تشوف التلفزيون فالبيت بروحها

يمكن اطلعت لقطة ولا شي:omen2:

وحتى ما أأيد تشوف التلفزيون .. مع اهلها بعد.. يمكن يكون ابوها قاعد ولا اخوانها
وتطلع لقطة مخزية..:omen2:

مالها الا تسكر التلفزيون .. وتقعد باحترامها فبيتهم :omen2:

واذا كلش كلش خاطرها تشوف ولا تدخل السينما
تروح سينما الخيال اللي ف علاء الدين .. استر لها :omen2:
بس لازم تدخل مع محرم .. بعد مايصير بروحها :omen2:


:tease::tease:


looooooooooooooooooooooooooool

:p good one

[Doha Sun]

اي وحده تدخل السنيما مافيه خير


استغفر الله واتوب اليه ..
ماجات على السينما ياما ناس مايرحون السينما مافيهم خير .. ( البعض )
بس حلو الواحد ينتقى الفاظه اذا جا بيرد ..

[طماطه]

انا ما أأيد ان البنت تشوف التلفزيون فالبيت بروحها

يمكن اطلعت لقطة ولا شي:omen2:

وحتى ما أأيد تشوف التلفزيون .. مع اهلها بعد.. يمكن يكون ابوها قاعد ولا اخوانها
وتطلع لقطة مخزية..:omen2:

مالها الا تسكر التلفزيون .. وتقعد باحترامها فبيتهم :omen2:

واذا كلش كلش خاطرها تشوف ولا تدخل السينما
تروح سينما الخيال اللي ف علاء الدين .. استر لها :omen2:
بس لازم تدخل مع محرم .. بعد مايصير بروحها :omen2:


:tease::tease:

ههههههههههههههههههههههههه احلى رد الصراحه :nice:

اذا السينما ممنوعه ع البنت .. عيل خل يمنعون التلفزيونات بعد لانها تعرض اشياء وافلام اكثر من الي يعرضونه فالسينمات .. :eek5:

[القلب المؤمن]

ههههههههههههههههههههههههه احلى رد الصراحه :nice:

اذا السينما ممنوعه ع البنت .. عيل خل يمنعون التلفزيونات بعد لانها تعرض اشياء وافلام اكثر من الي يعرضونه فالسينمات .. :eek5:

انتي اصبري شوي بكره ينزلون مواضيع عن :

البنات والتلفزيون
البنات والراديو
البنات وسواقة السيكل في حديقة بيتهم
البنات وسينما علاء الدين
البنات وباسكن روبنز (هل يبيلهم تسطر؟)
البنات ..هل هم حلال ام حرام ؟
البنات ورمضان
البنات والدراسة ..هل هي مضرة لعقولهن ؟
البنات والطعام
البنات و 2011
البنات وبلاي ستيشن 3
وأخيرا وليس آخرا البنات والتعدد ..التعدد والبنات ..التعدد في البنات ..التعدد مع البنات ...التعدد صفة البنات ..
:nice::nice::nice::nice::nice::nice:

[Rayane]

بالنسبه لعمليات التحرش نعرفها كلنا ونعرف شيصير بالتفصيل...

كثير منهم لو تسأله عن الفلم يمكن يقول لك الفلم أكشن وهو كان كوميدي....

بالنسبه لي ما ارضى اي وحده اعرفها تدخل السينما... ولكن شنسوي العين بصيره واليد قصيره...

ولا وش حاجتها غي السينما كل الافلام تنزل على النت قبل السينما بوااااجد ومترجمه.

[Rayane]

ههههههههههه حلوه كأني عرفت ال 0000
ثاني رد بتلاقينه :
((الرجال قوامون على النساء))
يعني الرجل من حقه يمسك الريموت والمرأة لا ..
واللي تقول لا يبيلها كــــــــــــــــف واللي تقول ايه يبيلها كـــــــــــــف :nice:
واللي تسكت بعد يبيلها كــــــــــــف ..
والعلاج الوحيد هو التعدد :rolleyes2:

سبحان اللــــه على ردج. قمة الصواب.....

لا يكون هذا اللي صاير عندكم...؟

[باسكن روبنز]

انتي اصبري شوي بكره ينزلون مواضيع عن :

البنات والتلفزيون
البنات والراديو
البنات وسواقة السيكل في حديقة بيتهم
البنات وسينما علاء الدين
البنات وباسكن روبنز (هل يبيلهم تسطر؟)
البنات ..هل هم حلال ام حرام ؟
البنات ورمضان
البنات والدراسة ..هل هي مضرة لعقولهن ؟
البنات والطعام
البنات و 2011
البنات وبلاي ستيشن 3
وأخيرا وليس آخرا البنات والتعدد ..التعدد والبنات ..التعدد في البنات ..التعدد مع البنات ...التعدد صفة البنات ..
:nice::nice::nice::nice::nice::nice:

هههههههههههههههههههههههههههه
هههههههههههههههههههههههه
هههههههههههههههههههههههههه
هههههههههههههههههههههههههههههه
هههههههههههههههههههههههه
هههههههههههههههههههههههههه
هههههههههههههههههههههههههه

صدقني لمصلحتهم ، :secret:

وانت مؤيد ولا لا ،
:tease:

[غدير البورصه]

ما رحت السنما ولا بروح ولا افكر اروح.

برستيجي واحترامي لكرامتي وانوثتي وقبل كل هذا خوفي من ربي حبيبي مالك الملك والملكوت رب العرش العظيم يمنعني اني ادخل هالاماكن مهما كان .

السينما للرياييل فقط لا غير.

هذي وجهة نظري

[القلب المؤمن]

ما رحت السنما ولا بروح ولا افكر اروح.

برستيجي واحترامي لكرامتي وانوثتي وقبل كل هذا خوفي من ربي حبيبي مالك الملك والملكوت رب العرش العظيم يمنعني اني ادخل هالاماكن مهما كان .

السينما للرياييل فقط لا غير.

هذي وجهة نظري

ايوه السينما للرياييييل ..والسجن للجدعـــــــــــــــــــان :omen2:

كأني سمعتها هالمقولة بفيلم هندي
:secret:

[بوحارب]

ما رحت السنما ولا بروح ولا افكر اروح.

برستيجي واحترامي لكرامتي وانوثتي وقبل كل هذا خوفي من ربي حبيبي مالك الملك والملكوت رب العرش العظيم يمنعني اني ادخل هالاماكن مهما كان .

السينما للرياييل فقط لا غير.

هذي وجهة نظري

الله يثبتج اختي ويكثر من امثالج:)

والسينما حرام على الكل

وانه لازلت ما صاحب المقولة اللي تقول البنت المحترمة ماتروح هالأماكن :(

[ANONYMOUS]

ما رحت السنما ولا بروح ولا افكر اروح.

برستيجي واحترامي لكرامتي وانوثتي وقبل كل هذا خوفي من ربي حبيبي مالك الملك والملكوت رب العرش العظيم يمنعني اني ادخل هالاماكن مهما كان .

السينما للرياييل فقط لا غير.

هذي وجهة نظري


بالنسبه للكلام المكتوب بالاحمر.. عندي له تعليق..

الموضوع بشكل عام.. ينقسم لشقين..

رأي ديني.. وهذا حرام لامحاله..

ورأي بالنسبه للعادات والتقاليد.. وهذا يختلف من أسره إالى أخرى.. كثقافه وتمسك بالدين ودرجة إحترام المرأه لنفسها وأهلها ومجتمعها.. يعني.. في عدة اشياء تحكم..


وكذلك للرجل..

دينيا.. حرام..

كعاده وتقاليد.. ايضا يعتمد على الثقافه ودرجة تمسك الشخص بالدين واحترامه لمجتمعه واسرته..

[باسكن روبنز]

وايد تراكم مبالغين بالموضوع ،

السالفه مب جهاد ولا دعوه للحد من فساد البلاد ،:anger1:

ولا قلنا لكم تعالوا حرروا القدس ،

وقلنا لكم ببداية الموضوع ومافيها شي السينما للبنات والشباب ،

بس في ضوابط بالنسبه للبنات لا أكثر ،:)



لو نفتح موضوع نناقش فيه كيفية الحد من الاغراءات والتشجيع على خفض المهور وتزويج الجنسين يكون احسن ، :weeping:

[بوخالد 999]

انا الصراحه ما ايد السينما لا للشباب والا البنات
لانه مكان ما اعتقد فيه البر والتقوى عيل الثانيه
بعدين اللي مبتلى بحب الافلام الافضل يشوفه في بيته
حسب راي الشخصي الاجتماع في هالاماكن من المجاهره بالمعصية
و خواتي اللي يروحون السينما فيهم نسبه كبيرة محترمات
ويحبون الخير والدين ولكن النصيحة المفروض تكون باسلوب طيب وحضاري
عندي سؤال اذا جاك ملك الموت وانت في السينما ايش يكون موقفك مب هاي سوء خاتمه ؟
الله يحفظ الجميع من كل شر

السموحه عالاطاله ولا حد يزعل مني 

[ماريسا]

انتي اصبري شوي بكره ينزلون مواضيع عن :

البنات والتلفزيون
البنات والراديو
البنات وسواقة السيكل في حديقة بيتهم
البنات وسينما علاء الدين
البنات وباسكن روبنز (هل يبيلهم تسطر؟)
البنات ..هل هم حلال ام حرام ؟
البنات ورمضان
البنات والدراسة ..هل هي مضرة لعقولهن ؟
البنات والطعام
البنات و 2011
البنات وبلاي ستيشن 3
وأخيرا وليس آخرا البنات والتعدد ..التعدد والبنات ..التعدد في البنات ..التعدد مع البنات ...التعدد صفة البنات ..
:nice::nice::nice::nice::nice::nice:

باقي ينحرون البنات و دفنهم أحياء :secret:

[bu abdulla]

موضوع التحرش والمواعد في السينما هذا موضوع مستقل وطبعا شي اكيد ان الجميع ضد هالتصرفات ولكن هالتصرفات مالها علاقة بالسينما نفسها ولكنها تحصل في كل مكان

اعتقد مافيها شي البنت تروح مع محرم لها (اخ , زوج , اب ) وايضا الوقت له دور كبير المجمعات الصبح والظهر وخاصة يوم السبت ماتحصل فيها شباب بكثرة على عكس اللي يروح السينما الخميس 12 بالليل اخر هرض او اللي قبله الوضع مايناسب حق الاهل

وبالنسبة للقطات الغير مناسبة فهذي حتى في التلفزيون موجودة والافلام في السينما فيها رقابة الى حد ما

اما اللي مايشوف افلام ومسلسلات لانها حرام وبناء على ذلك مايروح السينما فهذا موضوع اخر

انا حسيت الموضوع مكتوب بطريقة غير صريحة ومن غير توضيح انه ضد ذهاب البنات للسينما سواء بمحرم او بغير محرم !
و اذا فى لقطه خليليعه و انت مع اهلك ايش بتسوى ؟؟؟؟؟؟؟؟؟؟؟؟؟

[شيط ويط]

شسالفه الموضوع ليما الحين ما تسكر :rolleyes2:

[ذوق]

انتي اصبري شوي بكره ينزلون مواضيع عن :

البنات والتلفزيون
البنات والراديو
البنات وسواقة السيكل في حديقة بيتهم
البنات وسينما علاء الدين
البنات وباسكن روبنز (هل يبيلهم تسطر؟)
البنات ..هل هم حلال ام حرام ؟
البنات ورمضان
البنات والدراسة ..هل هي مضرة لعقولهن ؟
البنات والطعام
البنات و 2011
البنات وبلاي ستيشن 3
وأخيرا وليس آخرا البنات والتعدد ..التعدد والبنات ..التعدد في البنات ..التعدد مع البنات ...التعدد صفة البنات ..
:nice::nice::nice::nice::nice::nice:

هههههههههههههههههههههههههههههههههههههههههههههههههه ههههه سوري بس ماقدرت - ردج ذبحني من الضحك

[القلب المؤمن]

هههههههههههههههههههههههههههههههههههههههههههههههههه ههههه سوري بس ماقدرت - ردج ذبحني من الضحك

:nice: بيحطون هالمواضيع في الايام الجاية صدقيني ..بس اهم شي مايحرمون البنات والبلاي ستيشن 3 ولا بتصير مذبحة في البيت بين أخوي وأختي هههههههه

[♣شيبةالنخرة♣]

السلام للجميع والله يااخواني وياخواتي بقول لكم كلام قاسي شوي تحملوني اللوم من البداية على الاهل والله ثم والله ان الاباء والامهات محاسبين يوم القيامة انا بتكلم عن نفسي ابوي الله يحفظة لي كان لة دور في التربية بكل امانة ماكان يقبل بان اقوم بزيارة اي صديقة لي هذا من كثر حبة وحرصة علي نعم كنت اخرج للتسوق برفقة والدتي بحدود وانا محتشمة اما الان ما الذي تغير هو ان البنت تخرج في اي وقت ومن غير محرم امس كنت برفقة زوجي في اللاند حدث ولاحرج البنت بكامل زينتها والعباءة المفتوحة ولابسة البنطلون سؤالي لكم اين اهل تلك الفتاه اليسو هم المسؤلين عن ضياع ابنتهم ولا منظر سوق واقف الطابق العلوي بدوووووون تعليق واما با النسبة للسينما طبعا انا ما ايدها سواء للشاب او الفتاة مادام افلامهم تحتوي على مقاطع مخلة با الاداب فهي حرام شرعا وفي النهاية دعوة مني للجميع الله يهديكم لما هو فية الخير



بارك الله فيك



بكل " اختصأر" سواء داخل السينما رجل ولا امراة ياخذ لقب واحد عند الجبار سبحانه وتعالى الا وهو " عاصــــــــــــــــــــــــــــــــــــــي وعاصيـــــــــــــــــــــة " ..


وابي واحد يفرد عضلاته ولا وحده تفرد عضلاتها ويقولون لي ان السينما حلال (ناهيـكم عن الاختلاط المحرم فيه ؟؟ ) ؟؟ ولانها ماهي حلال اذن هي معصية اذن من يدخلها اصبح عاصي



فمبرووووووووك عليكم لقب " عصـــــاة " ..



الله يهدينا واياكم الى سواء السبيل :nice:

[قاسي بطبعي]

انا من النوع اللي ما احب اروح السينما

بصرااحة .. مالها داعي .. و ذي الايام تصير اشياء الله يستر منها ة

الله الغني عن عوار الراس

و هذي وجهة نظري

[ع.م]

أنا بصراحة ماروح السينما.. بس وايد من صديقاتي يروحون وكلهم ناس والنعم فيهم.. فروحة السينما مالها خص فالأخلاق يعني كل واحد و رايه.. أنا ماأتمنى أموت وأنا فالسينما ومابي أصرف أي مبلغ على تذكرة سينما بس هذا رايي ومستحيل أفرضه على حد لأن كل انسان يفرض قناعاته على نفسه وبس..

[بواردي]

البنات والسيما

ههههههههههههه

هي اللي ناقص يروحون سينما

اللي تروح مع اهلها يعني ممكن نقول نص مصيبة
اما اللي تروح بدونهم يبيلها اعادة برمجة

[الشقيان]

اناا عن نفسي ماحب اودي هلي السينما عسى ماشر اقعد مع هلي وشوي اله قطه وصخه لالالا يبه سينمة البيت زينه واااايد
وهذا شي تعلمناه من شيبانا

:nice::nice:

[صحاري الفكر]

الحمدلله ماني من عشاق السينما والافلام

[ParadEyes]

القلب المؤمن ردودج تحفة تحفة تحفة :nice: ههههههههههههههههههههههه
اكثر رد عجبني :


((الرجال قوامون على النساء))
يعني الرجل من حقه يمسك الريموت والمرأة لا ..
واللي تقول لا يبيلها كــــــــــــــــف واللي تقول ايه يبيلها كـــــــــــــف :nice:
واللي تسكت بعد يبيلها كــــــــــــف ..
والعلاج الوحيد هو التعدد :rolleyes2:


والله وسعتي صدورنا. وسع الله عليك من فضله :shy:

[Elec.Eng]

البنت إنسان لها شخصيتها مثل الشاب، و كل واحد أدرى بمصلحته، البنت المحترمة اللي عندها مبادئ ما حد يتحرش فيها و لو رايح بروحها الساعة ١٢ بالليل يوم خميس...كيفها..

[maruuma]

الحمدالله .. محترمة
واهلي وربعي يحترموني .. واروح السينما بروحي
وكل اللي شفته في السينما هنود راقدين ويشاخروون .. مادري يقيلون في السينما
وما شفت اي تحرش .. لاني ما اهتم في شي غير الفيلم وبس
انما الاعمال بالنيات وإنما لكل امرؤ ما نوى
الله المستعان

[القلب المؤمن]

القلب المؤمن ردودج تحفة تحفة تحفة :nice: ههههههههههههههههههههههه
اكثر رد عجبني :



والله وسعتي صدورنا. وسع الله عليك من فضله :shy:

ههههههههه شكرا أختي ..والله شسوي من اللي المواضيع اللي أشوفها بالمنتدى وعقليات بعض الاعضاء ومواضيعهم المكررة وال(الماصخة) واللي بعضهم بيموت يبي يتزوج الثانية ومب قادر على زوجته ونازل مواضيع بالتعدد بالمنتدى ..اللهم لاشماتة
الله يوسع عليج دنيا وآخرة ويديم الضحكة :nice:

[روضه الجنة]

البنت إنسان لها شخصيتها مثل الشاب، و كل واحد أدرى بمصلحته، البنت المحترمة اللي عندها مبادئ ما حد يتحرش فيها و لو رايح بروحها الساعة ١٢ بالليل يوم خميس...كيفها..

بنت بروحها تطلع الساعة 12 بالييل !!!!!!! :eek5::secret:
والله !!! اللي سوودة من فوق ليين تحت يغازلونها !!
حتى المنقبات جدام عيني صارت !! :anger1:
كأني طلعت برا الموضووع :tease:

[سيف العشق]

اللي بتروح مع محرم مافيها شي

ومسألة المواعد وهالسوالف في كل مكان ولا تقصد ان المكان مظلم هههههه ياخوك لاتبرق في العيوب

[ابو محمد7]

و اذا فى لقطه خليليعه و انت مع اهلك ايش بتسوى ؟؟؟؟؟؟؟؟؟؟؟؟؟

اول شي انت لازم تختار فيلم مناسب وياكثر الافلام اللي مافيها لقطات

ثاني شي الافلام في سينما قطر عليها مراقبة

ثالث شي تسوي نفس اللي تسويه لو شفت لقطة غير مناسبة في التلفزيون او منظر غير مناسب وانت مسافر في الشارع جدامك مباشرة او وانت قاعد بمطعم

[ابو محمد7]

الله يثبتج اختي ويكثر من امثالج:)

والسينما حرام على الكل

وانه لازلت ما صاحب المقولة اللي تقول البنت المحترمة ماتروح هالأماكن :(

وانا لازلت مع المقولة اللي تقول ان في ناس تروح السينما ومحترمة اكثر من ناس ماتروح السينما وهذي حقيقة لايمكن انكارها

الاحترام ماله علاقة بالسينما

تعميم جاهل

[الألماسي]

وكل اللي شفته في السينما هنود راقدين ويشاخروون .. مادري يقيلون في السينما


شكلك من روّاد " سينما أمير " :nice:

[ابو محمد7]

بارك الله فيك



بكل " اختصأر" سواء داخل السينما رجل ولا امراة ياخذ لقب واحد عند الجبار سبحانه وتعالى الا وهو " عاصــــــــــــــــــــــــــــــــــــــي وعاصيـــــــــــــــــــــة " ..


وابي واحد يفرد عضلاته ولا وحده تفرد عضلاتها ويقولون لي ان السينما حلال (ناهيـكم عن الاختلاط المحرم فيه ؟؟ ) ؟؟ ولانها ماهي حلال اذن هي معصية اذن من يدخلها اصبح عاصي



فمبرووووووووك عليكم لقب " عصـــــاة " ..



الله يهدينا واياكم الى سواء السبيل :nice:

استغفر الله العظيم

الحين هذي اسلوب دعوة !

مايبي لها فرد عضلات ! زين اذا خذت عيالي فيلم كرتون حق الاطفال !

شادين حيلكم في هالموضوع يعني دعوة الى الله ! الشي اللي مايعجبكم ومب على هواكم قلتوا معصية وحلال وحرام !

وينكم عن صلاة الفجر في جماعة !

وينكم من الاسراف اللي حاصل والمظاهر والمسلمين يموتون جوع في كل مكان !

وينكم من حسن الخلق !

وينكم من خيركم خيركم لاهله !

[maruuma]

شكلك من روّاد " سينما أمير " :nice:


ليش عندنا سينما أمير بعد؟
هذي في اي مجمع؟

[ارين]

السلام عليكم

صراحة إني أتعجب من حال بعض الناس ..

والله إنهم عايشين في غفلة وهم مب داريين ..

أصلا ليش الذهاب إلى السينما ؟؟!

ألا يعلمون إنهم سيحاسبون على أعمالهم .. وإن هناك حساب وعقاب ..

وبعدين هالأماكن هل يتذكر الإنسان فيها الله .. تخيل إن خاتمة حياتك تكون في السينما ..

فالأعمار بيد الله .. ولا تعلم نفس متى سيكون أجلها .. وبأي أرض تموت ..

هل تراها يا أخي إنها خاتمة حسنة ؟ وهل ترضاها لنفسك ؟

الله يهدي الجميع ويتوب عليهم ..

( اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ )

وشــــــــــكرا لكم ..

.

.

[biz-qtr]

الموضوع ترا مب موضوع واحد

بخصوص ان الوحده تروح السينما ما اشوف انه عيب او حرام ....

انا اروح السينما ... مع زوجي وربعي واهلي ... عادي مافيها اي شي

والسينما مب حصر ع الشباب بس ... حد علمي

بخصوص المواعد... كلكم راع وكلكم مسوول عن رعيته ... كل واحد يبدا بنفسه ولا تشوفون الناس
والبنت اللي ما تخاف ع سمعتها وتواعد فالسينما اهي اللي بتنفضح

مب كل بنت تروح السينما معناتها انها تواعد .....

وبخصوص اللقطات ... حتى الافلام اللي في mbc 2 فيها لقطات ... مب بس فالسينما ..


بخصوص المثاليه الزايده فالمنتدى... الى متي يعني .... ينطرح موضوع بس عشان تسون احصاء كم بنت مثاليه عندنا ....

نبي مواضيع هادفه ع الاقل ... او توصلنا لنقاش هادف...

[ارين]

بخصوص ان الوحده تروح السينما ما اشوف انه عيب او حرام ....

انا اروح السينما ... مع زوجي وربعي واهلي ... عادي مافيها اي شي





سبحان الله .. الناس مب سواسية في نظرتهم للذهاب للسينما ورؤية الأفلام .. وطبعا لا يوجد فيلم لا يخلو من بعض المقاطع الخليعة ..

البعض يرى إنه مب عيب ولا حرام .. والبعض يرى العكس تماما ..

وتســــــــــــــــاؤلي ؟؟؟؟!!!!

هل المشكلة فينا والا فيهم .. ؟

يا ليت أحد يعطيني رأي الدين والشرع في رؤية الأفلام الأجنبية أو العربية
سواء في السينما والا في البيت من خلال التلفاز ..

وشــــــــــكرا لكم ..

[biz-qtr]

سبحان الله .. الناس مب سواسية في نظرتهم للذهاب للسينما ورؤية الأفلام .. وطبعا لا يوجد فيلم لا يخلو من بعض المقاطع الخليعة ..

البعض يرى إنه مب عيب ولا حرام .. والبعض يرى العكس تماما ..

وتســــــــــــــــاؤلي ؟؟؟؟!!!!

هل المشكلة فينا والا فيهم .. ؟

يا ليت أحد يعطيني رأي الدين والشرع في رؤية الأفلام الأجنبية أو العربية
سواء في السينما والا في البيت من خلال التلفاز ..

وشــــــــــكرا لكم ..





بخصوص راي الدين والشرع ف رويه الافلام الاجنبيه او العربيه .... انا ما اعرفه صراحه

وانا ما اتكلم عن راي الدين انا اتكلم عن رايي الشخصي الموضوع مطروح بصوره عامه ..

واذا كانت المشكله فيني .. فالاخير مشكلتي .. ارد واقول كلكم راع وكلكم مسوول عن رعيته ..

ومن قال لج مافيه فلم يخلو من المقاطع الخليعه ... فيه افلام مافيها مقاطع خليعه... ...

انا تقهرني النظره الدونيه ... يعني كانج تقولين ان الواحد يروح يشوف افلام عشان يشوف مقاطع خليعه ..


ترا الاسلام دين يسر مب دين عسر ... وان بعض الظن اثم ..

[Just a Gurl]

ماقول الا الحمدلله والشكر
مادري ليش هالموضوع للحين ماتسكر!!!!!!!!!!!!

[biz-qtr]

ماقول الا الحمدلله والشكر
مادري ليش هالموضوع للحين ماتسكر!!!!!!!!!!!!

:victory:

[maruuma]

ولا يهمكم أنا اسكر الموضوع واقفله بقفل بعد

http://www.upload.shrta.com/uploads/images/shrta.com-80451747bd.jpg

والمفاتيح ...؟ بلعتها لا تحاتون

والله المستعان

[ارين]

بخصوص راي الدين والشرع ف رويه الافلام الاجنبيه او العربيه .... انا ما اعرفه صراحه

وانا ما اتكلم عن راي الدين انا اتكلم عن رايي الشخصي الموضوع مطروح بصوره عامه ..

ترا الاسلام دين يسر مب دين عسر ... وان بعض الظن اثم ..




هل نحن مسلمين ؟
هل نحن نعيش في هذه الحياة محتكمين بشرع الله أم بمعزل عن الدين ؟
وإذا كنا نحكتم بالدين ؟ هل نحكمه ببعض من جوانب حياتنا وعلى حسب أهوائنا أم في كل جوانبها ؟؟

قال تعالى ..

( وما خلقت الجن والإنس إلا ليعبدون )

والعبادة في الإسلام لا تقتصر على بعض الشعائر التعبدية كالصلاة والصيام والحج فقط
كما يظنها كثير من الناس إنها تشمل حياة المسلم بأسرها بل إنها تتعدى ما بعد الحياة ..

قال تعالى ..
( قل إن صلاتي ونسكي ومحياي ومماتي لله رب العالمين لا شريك له وبذلك أمرت وأنا أول المسلمين )

( تبارك الله الذي بيده الملك وهو على كل شيء قدير الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ... )

أي بمعنى أخلصه وأصوبه فإن الله خلق عباده، وأخرجهم لهذه الدار وأخبرهم أنهم سينقلون منها وأمرهم ونهاهم وابتلاهم بالشهوات المعارضة لأمره
فمن انقاد لأمر الله وأحسن العمل أحسن الله له الجزاء في الدارين
ومن مال مع شهوات النفس ولم يتقيد بأمر الله، فله جزاءه الذي يستحقه ..

والله يهديني إلى سواء الحق ويهدي الجميع
ويرحمنا برحمته ويغفر لنا فهو الغفور الرحيم

[فلتة زمانها]

وخير ياطير اذا رحنا السينما
المواعد والمغازل صاير في كل مكان حتى فالدوامات
جات عالسينما

[ParadEyes]

"بعض" الناس تشك في نواياهم من اسلوبهم الرنان في الوعظ ..هل بهدف الافادة فعلا او لأسباب ريائية
يحللون الدين على هواهم بطريقتهم الخاصة ثم يفرضونه فرضا.. يسدون به حناجر الاخرين
الحمدلله رب العالمين .......

[biz-qtr]

"بعض" الناس تشك في نواياهم من اسلوبهم الرنان في الوعظ ..هل بهدف الافادة فعلا او لأسباب ريائية
يحللون الدين على هواهم بطريقتهم الخاصة ثم يفرضونه فرضا.. يسدون به حناجر الاخرين
الحمدلله رب العالمين .......


اي والله وانتي صادقه :nice:

[صباح الخير]

جزاك الله خيرا .










هل نحن مسلمين ؟
هل نحن نعيش في هذه الحياة محتكمين بشرع الله أم بمعزل عن الدين ؟
وإذا كنا نحكتم بالدين ؟ هل نحكمه ببعض من جوانب حياتنا وعلى حسب أهوائنا أم في كل جوانبها ؟؟

قال تعالى ..

( وما خلقت الجن والإنس إلا ليعبدون )

والعبادة في الإسلام لا تقتصر على بعض الشعائر التعبدية كالصلاة والصيام والحج فقط
كما يظنها كثير من الناس إنها تشمل حياة المسلم بأسرها بل إنها تتعدى ما بعد الحياة ..

قال تعالى ..
( قل إن صلاتي ونسكي ومحياي ومماتي لله رب العالمين لا شريك له وبذلك أمرت وأنا أول المسلمين )

( تبارك الله الذي بيده الملك وهو على كل شيء قدير الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ... )

أي بمعنى أخلصه وأصوبه فإن الله خلق عباده، وأخرجهم لهذه الدار وأخبرهم أنهم سينقلون منها وأمرهم ونهاهم وابتلاهم بالشهوات المعارضة لأمره
فمن انقاد لأمر الله وأحسن العمل أحسن الله له الجزاء في الدارين
ومن مال مع شهوات النفس ولم يتقيد بأمر الله، فله جزاءه الذي يستحقه ..

والله يهديني إلى سواء الحق ويهدي الجميع
ويرحمنا برحمته ويغفر لنا فهو الغفور الرحيم

[التيما]

سبحان الله .. الناس مب سواسية في نظرتهم للذهاب للسينما ورؤية الأفلام .. وطبعا لا يوجد فيلم لا يخلو من بعض المقاطع الخليعة ..

البعض يرى إنه مب عيب ولا حرام .. والبعض يرى العكس تماما ..

وتســــــــــــــــاؤلي ؟؟؟؟!!!!

هل المشكلة فينا والا فيهم .. ؟

يا ليت أحد يعطيني رأي الدين والشرع في رؤية الأفلام الأجنبية أو العربية
سواء في السينما والا في البيت من خلال التلفاز ..

وشــــــــــكرا لكم ..





الله يسلمك هالموضوع علماء حللوه وعلماء حرموه .. وعلماء حرموا التلفزيون بكبره ولا ماتدري ؟؟ والغريب ان اللي يحرمون التلفزيون يطلعون ويعلنون فتواهم هاي عالتلفزيون !! شنو هالتناقض ؟؟

دينا دين الوسطيه والحمد لله ..

[شيط ويط]

ولا يهمكم أنا اسكر الموضوع واقفله بقفل بعد

http://www.upload.shrta.com/uploads/images/shrta.com-80451747bd.jpg

والمفاتيح ...؟ بلعتها لا تحاتون

والله المستعان



http://s.alriyadh.com/2008/02/12/img/132153.jpg

[شاهيناز]

ولا يهمكم أنا اسكر الموضوع واقفله بقفل بعد

http://www.upload.shrta.com/uploads/images/shrta.com-80451747bd.jpg

والمفاتيح ...؟ بلعتها لا تحاتون

والله المستعان

قبل الفطور ولا بعد الفطور بلعتي المفاتيح

[maruuma]

http://s.alriyadh.com/2008/02/12/img/132153.jpg

شيط ويط .. ماعليك منه مب ذي المفاتيح

[maruuma]

قبل الفطور ولا بعد الفطور بلعتي المفاتيح

شاهيناز .. شلون ابلعها قبل الفطور بدون ماي
ياربي شنو هالذكاء

الله المستعان

[VIPLady]

متابعه فقط

للتعرف على عقليات الناس فقط ..

تحياتي

[بلوتنيوم]

وين وصلتوا بالموضوع ؟
نروح والا ما نروح

عموما سؤال طرأ على بالي
هل يسكرون السينما في رمضان ؟

[شيط ويط]

شاهيناز .. شلون ابلعها قبل الفطور بدون ماي
ياربي شنو هالذكاء

الله المستعان

عادي توم اللي في توم وجيري كان يبلع المفتاح بدون ماي :rolleyes2:

[Doha Sun]

وين وصلتوا بالموضوع ؟
نروح والا ما نروح

عموما سؤال طرأ على بالي
هل يسكرون السينما في رمضان ؟

ماتسكر في رمضان بس في اوقات ماتعرض فيها افلام اعتقد الساعه 3 و5و6و7 ..

[قهوة الضحى]

اشوفها عادي السينما ماعندكم سالفة

[الزين للزين]

مافيها شي البنات يروحون السينما اذا معاهم محرم

واذا ما معاهم

يختارون الوقت اللي يكون فيه الشباب قليل

[شاهيناز]

شاهيناز .. شلون ابلعها قبل الفطور بدون ماي
ياربي شنو هالذكاء

الله المستعان

بس المفتاح كم كالوري خيتو

[بوحارب]

مافيها شي البنات يروحون السينما اذا معاهم محرم

واذا ما معاهم

يختارون الوقت اللي يكون فيه الشباب قليل

ماخبرت السينما بدون شباب :(