ابو محمد7
08-08-2010, 12:18 PM
بسم الله الرحمن الرحيم
موضوعي عبارة عن فكرة رئيسية وحولها مجموعة افكار بحاول اربطها مع بعض بطريقة منظمة قد ما اقدر
في شي قاعد الاحظه ينتشر عندنا في المجتمع ومابي اقول ظاهرة لاني ماعرف شكثر منتشر وطبعا انا اتكلم عن المجتمع في قطر لاني متابعه وماعندي فكرة عن باقي الاماكن لكن بالتأكيد موجود في كل مكان
طبعا المنتدى مكان ممتاز لملاحظة هالموضوع
باختصار احس الكثير من الناس من يسمع راي يعجبه يتبناه ويتناقله بدون مايفكر بعمق ويحلل ويقتنع تماما
تلاحظ اكثر الناس تردد نفس الافكار والبعض حتى يردد نفس العبارات بدون مايعرف حتى معناها الدقيق وحتى استخدامها مايكون في محله
وبعض المواضيع من تنفتح في اي مكان راح تسمع نفس التعليقات تتكرر
مثال: تذكر جهة معينة على طول ينقال لك حرامية ونصابين يبوقون الناس ! هالفكرة ممكن تكون انتشرت لان شخص مر بموقف سلبي مع هالجهة وخلنا نقول حالة فردية او حالتين او ثلاث يعني خطأ والخطأ وارد
يجي اخينا في الله يسمع هالكلام ومن كثر مايتكرر عليه يصدقه ومع انه هو ماعنده اي تجربة سلبية مع هالجهة على العكس من ذلك تجاربه ايجابية وكل شي تمام تلاقيه يردد هالكلام في كل مكان !
انتقل شوي في الموضوع
بعض الناس يصدق الاشخاص يعني دام الكلام طلع من فلان خلاص يصدق ومرة اخرى بدون مايفكر بعمق ويحلل ويقتنع
مثال: وهالشي واضح جدا ان البعض في مسائل الدين يتبع الشيخ فلان اتباع تام 100% في كل شي يقوله بدون ماهو ينظر للكلام والادلة ويشوف الاراء الاخرى ويستفتي قلبه نفس ماوصى بذلك الرسول عليه الصلاة والسلام
نعم في مشايخ كبار ومعتبرين ويمكن والله اعلم يكون حتى 90% - 99% من كلامه باذن الله صحيح لكن يا اخي اترك مجال 1 % انه يمكن ماتوفق في مسألة وحده او مسألتين او مثلا في رأي افضل من رأيه !
علي بن ابي طالب قال المقولة التالية " لايعرف الحق برجال , اعرف الحق تعرف اهله "
ايضا انتقل بالموضوع ممكن تلاحظ هني في المنتدى انك ما ان تفتح بعض المواضيع او الكثير من المواضيع الا وتشوف نفس العبارات تنكتب في كل مرة.
احيانا تشعر ان البعض يدخل الموضوع ويقراه بسرعه وبدون مايفكر ويحلل بنفسه ويقتنع تلاقيه يقرأ ردود الاعضاء والراي اللي يعجبه يعني شكله حلو خلاص يتبناه ! واحيانا يمكن فقط لانه يعرف هالشخص او لان كانت له اراء حلوة في موضوع او اثنين !
وصراحة بعض الاعضاء وبعض المشاركات في المنتدى فقط كمثال لان هذا حاصل في كل مكان تحسسك انه مافي حق وباطل , على طريقة السوفسطائيين ! (ممكن القراءة عنهم موضوع مسلي ومفيد جدا تلقونه في تاريخ سقراط )
البعض تكون عنده اهداف ويحاول ينشر افكار معينه والبعض عنده من الاسلوب والمهارة انه ممكن يخلي لك الشرق غرب والغرب شرق ترى الحوار والاقناع فن يدرس وله طريقته
انا قاعد اطرح هالموضوع لانه خطر عالمجتمع وممكن نصير صيد سهل وممكن لأي احد انه ينشر افكاره وسطنا
والكل يلاحظ شلون الاشاعات تنتشر في مجتمعنا بشكل كبير جدا جدا مع ان بعضها غير منطقي ابدا ولو فكرت فيه 5 دقائق بتعرف انه كلام فاضي
المطلوب ان الانسان يفكر ويحلل وتكون عنده مراجع يقيس عليها الافكار يعني مثلا يقيس الكلام على الدين او تكون عنده مباديء يقيس عليها كمثال هل انت تشوف ان الغاية تبرر الوسيلة قناعتك في هالموضوع بتجاوب لك على اسألة كثيرة وغيرها من القناعات
اختم كلامي بجملة سمعتها من الدكتور طارق السويدان لها علاقة بهالموضوع قال فيها
" لاتبيع عقلك لاحد "
موضوعي عبارة عن فكرة رئيسية وحولها مجموعة افكار بحاول اربطها مع بعض بطريقة منظمة قد ما اقدر
في شي قاعد الاحظه ينتشر عندنا في المجتمع ومابي اقول ظاهرة لاني ماعرف شكثر منتشر وطبعا انا اتكلم عن المجتمع في قطر لاني متابعه وماعندي فكرة عن باقي الاماكن لكن بالتأكيد موجود في كل مكان
طبعا المنتدى مكان ممتاز لملاحظة هالموضوع
باختصار احس الكثير من الناس من يسمع راي يعجبه يتبناه ويتناقله بدون مايفكر بعمق ويحلل ويقتنع تماما
تلاحظ اكثر الناس تردد نفس الافكار والبعض حتى يردد نفس العبارات بدون مايعرف حتى معناها الدقيق وحتى استخدامها مايكون في محله
وبعض المواضيع من تنفتح في اي مكان راح تسمع نفس التعليقات تتكرر
مثال: تذكر جهة معينة على طول ينقال لك حرامية ونصابين يبوقون الناس ! هالفكرة ممكن تكون انتشرت لان شخص مر بموقف سلبي مع هالجهة وخلنا نقول حالة فردية او حالتين او ثلاث يعني خطأ والخطأ وارد
يجي اخينا في الله يسمع هالكلام ومن كثر مايتكرر عليه يصدقه ومع انه هو ماعنده اي تجربة سلبية مع هالجهة على العكس من ذلك تجاربه ايجابية وكل شي تمام تلاقيه يردد هالكلام في كل مكان !
انتقل شوي في الموضوع
بعض الناس يصدق الاشخاص يعني دام الكلام طلع من فلان خلاص يصدق ومرة اخرى بدون مايفكر بعمق ويحلل ويقتنع
مثال: وهالشي واضح جدا ان البعض في مسائل الدين يتبع الشيخ فلان اتباع تام 100% في كل شي يقوله بدون ماهو ينظر للكلام والادلة ويشوف الاراء الاخرى ويستفتي قلبه نفس ماوصى بذلك الرسول عليه الصلاة والسلام
نعم في مشايخ كبار ومعتبرين ويمكن والله اعلم يكون حتى 90% - 99% من كلامه باذن الله صحيح لكن يا اخي اترك مجال 1 % انه يمكن ماتوفق في مسألة وحده او مسألتين او مثلا في رأي افضل من رأيه !
علي بن ابي طالب قال المقولة التالية " لايعرف الحق برجال , اعرف الحق تعرف اهله "
ايضا انتقل بالموضوع ممكن تلاحظ هني في المنتدى انك ما ان تفتح بعض المواضيع او الكثير من المواضيع الا وتشوف نفس العبارات تنكتب في كل مرة.
احيانا تشعر ان البعض يدخل الموضوع ويقراه بسرعه وبدون مايفكر ويحلل بنفسه ويقتنع تلاقيه يقرأ ردود الاعضاء والراي اللي يعجبه يعني شكله حلو خلاص يتبناه ! واحيانا يمكن فقط لانه يعرف هالشخص او لان كانت له اراء حلوة في موضوع او اثنين !
وصراحة بعض الاعضاء وبعض المشاركات في المنتدى فقط كمثال لان هذا حاصل في كل مكان تحسسك انه مافي حق وباطل , على طريقة السوفسطائيين ! (ممكن القراءة عنهم موضوع مسلي ومفيد جدا تلقونه في تاريخ سقراط )
البعض تكون عنده اهداف ويحاول ينشر افكار معينه والبعض عنده من الاسلوب والمهارة انه ممكن يخلي لك الشرق غرب والغرب شرق ترى الحوار والاقناع فن يدرس وله طريقته
انا قاعد اطرح هالموضوع لانه خطر عالمجتمع وممكن نصير صيد سهل وممكن لأي احد انه ينشر افكاره وسطنا
والكل يلاحظ شلون الاشاعات تنتشر في مجتمعنا بشكل كبير جدا جدا مع ان بعضها غير منطقي ابدا ولو فكرت فيه 5 دقائق بتعرف انه كلام فاضي
المطلوب ان الانسان يفكر ويحلل وتكون عنده مراجع يقيس عليها الافكار يعني مثلا يقيس الكلام على الدين او تكون عنده مباديء يقيس عليها كمثال هل انت تشوف ان الغاية تبرر الوسيلة قناعتك في هالموضوع بتجاوب لك على اسألة كثيرة وغيرها من القناعات
اختم كلامي بجملة سمعتها من الدكتور طارق السويدان لها علاقة بهالموضوع قال فيها
" لاتبيع عقلك لاحد "