الصالة الرياضية الرمضانية ( سجل برنامجك الرياضي واهدافك )

[HADi]

السلام عليكم

مبارك عليكم الشهر الفضيل

طبعاً شهر رمضان غالباً مايكون الشهر المنتظر للكثيرين .. للبدء ببرنامج رياضي

سواء لانقاص الوزن او تطير الكرش ...الخ

والبعض العكس يحاول يزيد وزنه خلال هذا الشهر


فاحبيت يكون هذا الموضوع خاص للي حاب يطرح برنامجه الرياضي واهدافه خلال هالشهر



بالنسبه لي ..

الوزن 75 الطول 183

الهدف جسم مشدود + ازالة بعض الشحوم وخاصة على البطن


الجدول .. المشي + جري يومياً قبل صلاة المغرب بمعدل نص ساعة الى ساعة

http://www.middle-east-online.com/pictures/biga/_23410_running_11-5-2004.jpg

تمارين بطن


http://www.sport-fitness-advisor.com/images/abdominal_exercises_double_crunches.gif


http://www.sport-fitness-advisor.com/images/abdominal_exercises_oblique_crunch.gif

فطور خفيف


صالة حديد بعض صلاة التراويح ثلاث الى اربع ايام بالاسبوع



http://photos.azyya.com/store/up3/0902060032067GqU.jpg

طبعاً بحاول قد ماقدر اقاوم الاكلات الشعبية الي ما تطلع الى برمضان :(


وان شاء الله استمر على نفس العزيمه لين نهاية الشهر


********
اتمنى الي عنده جدول معين او هدف معين او حتى معلومة مفيده يطرحها في هالموضوع

على شان تعم الفائده


وبالتوفيق لكم جميعاً

[sara jsm]

وعليكم السلام ,,
يعطيك العافية اخوي هادي على هالموضوع ,,
وجدولك مميز دام فيه رياضة وتمرين في صاله ,,:victory:
:
انا في رمضان احاول دايما اني ازيد وزني ,,
وماعندي جدول رياضي معين ,,
الا اني امشي نص ساعه قبل الافطار,, :nice:
ان شاءالله اني ازيد ,, واوصل 52 ,,:)
:
وراح اتابع هالموضوع عشان اشوف جدول اخواني وخواتي الاعضاء ,,
الف شكر لك على هالموضوع ,,
ومبارك عليك الشهر ,,

[HADi]

وعليكم السلام اختي sara

شكرا على المشاركة في الموضوع ..

وسبحان الله ناس تبي تضعف وناس تبي تمتن ..

ان شاء الله يصير الي تبين وتحققين الوزن المطلوب..

وماشاء الله في رمضان جميع اصناف الاكل تطلع بس اهم شي تركزين على الاكل الصحي

وبالتوفيق ان شاء الله

[قطرية فذة]

ان شاء الله نعمل بجدولك اخي هادي

هذه المره بحط الحره بالاكل وادبها:nice:

لجل اني كل مره اقول خلاص خلاص وارد اخون نفسي:weeping:

بجرب هذه المره العكس وش يصير:victory:

ماقدر الوعد يكفي المحاوله والانظباط ومتابعه الموضوع:shy:

[أنت]

انا حاط حق عمري
قبل الفطور مشي ساعه
الفطور 7 تمرات مع كوب لبن
صحنين شوربه

عقب تراويح مشي

السحور 7 تمرات وكوبين لبن
الوزن المطلوب 80

[بو الطيب]

السلام عليكم

الجدول في رمضان 20 -8 مطامر في البران حق طيور اللفو

وبعض الايام الغاريه مطامر في البحر

[بنت شيوخ]

كلنا نحاول

ننزل وزناا برمضان

الله كريم نبي الاراده

شكرا لك

[HADi]

ان شاء الله نعمل بجدولك اخي هادي

هذه المره بحط الحره بالاكل وادبها:nice:

لجل اني كل مره اقول خلاص خلاص وارد اخون نفسي:weeping:

بجرب هذه المره العكس وش يصير:victory:

ماقدر الوعد يكفي المحاوله والانظباط ومتابعه الموضوع:shy:

دامج بدبينها .. يعني تبين تمتنين

احس ان المتن شي صعب ويبلها دب عدل .. لان في اشخاص ما شاء الله عليهم ياكلون بس ما يبين

الله يوفقج ان شاء الله في رمضان هالسنة وان شاء الله نسمع اخبار حلوه من خلال هالموضوع

وشاكر لج الرد والمتابعة

[HADi]

انا حاط حق عمري
قبل الفطور مشي ساعه
الفطور 7 تمرات مع كوب لبن
صحنين شوربه

عقب تراويح مشي

السحور 7 تمرات وكوبين لبن
الوزن المطلوب 80


الله يوفقك ان شاء الله ..

ترى يمدحون التمارين بعد التراويح

والي اعرفه ان ممكن تضعف موشرط كمية الاكل بس مطلوب تختار الاكل المناسب مع الرياضة

بنتظار نسمع النتائج وا شاء الله تحقق الــ80 كيلوو

[HADi]

السلام عليكم

الجدول في رمضان 20 -8 مطامر في البران حق طيور اللفو

وبعض الايام الغاريه مطامر في البحر


مطامر ؟؟:eek5:

حركة رياضيه جديده هذي :)

شكلك لا تبي تمتن ولا تضعف ... الله يوفقك اخوي

وحتى انا انطر طيور اللفو لتصوير

[HADi]

كلنا نحاول

ننزل وزناا برمضان

الله كريم نبي الاراده

شكرا لك


الاراده اهم شي ..

ولاهم ان يكون مع الارادة هدف معين يعني حطي لج وزن معين وقوي نفسج بالاراده

وان شاء الله توصلين وخاصة ان شهر رمضان يساعد

كل التوفيق ان شاء الله

[غزلان]

اذا على الوزن موقفه مابي انزل

لكن مايمنع اني امشي تقريبا ساعه غير محدده متى ماسمح الوقت لأني داخل البيت امشي غير الحركه في المطبخ اكبر رياضه

ومبروك عليكم الشهر

[Chambray]

الواحد يقص على نفسه اذا يقول باسوي رجيم في رمضان هههههه
الي يقدر تكون إرادته قويه قويه قويه ههههههه

[اعالي الجنان]

مبارك عليك الشهر اخوي هادي
والله انتظر رمضان لبدايه الرجيم
اللي ناويته ان شاءالله ويسر مشي قبل الفطور ساعه
والفطور تمر وشوربه فقط
بعد صلاة التراويح اكل خفيف (برنامج رجيم خاص )
عقب على جهاز السيكل رياضه
والله يقدرني وماخورها مع اكل رمضان
ولنا ولكم التوفيق ان شاءالله

[شاهيناز]

رغم ان وزني اقل من الطبيعي
بس دوم العب رياضه

بالنسبه لرمضان
وقفت الاشتراك في الجيم لان في رمضان ماحب اطلع من البيت
مخططه العب نص ساعه قبل الفطور رياضه خفيفه شوي حديد
لاني اشيل حديد بس حدي 4_5 كيلو

بعد التراويح بلعب 20 دقيقه على الجهاز وشوي حديد


الاكل صحيح في رمضان كثير
بس انصحكم لاتنوعون وايد
لان ممكن تاكل وجبه من نفس النوع
ماتزيد وزنك
بس نفس الكميه تاكلها من انواع مختلفه بتزيد الوزن

الهريس السعرات الحرايه فيه قليله بس بدون دهن
الدهن الي يصنع في البيت مشبع بالدهون انصحكم تبعدون عنه
الثريد الناس تحبه بس وايد سعراته
اذا حابين تاكلونه اكلو اقل كميه وقللو من الدهن فيه

اللقيمات ماحبها بس الناس تحبها وايد طبق الحلو الرئيسي في بيتنا
الي يبي ياكل ياكل حبه وحده لان وايد سعراته
المهم كل واحد فينا
يحط له تقسيمه اقل شي ياكل عشان مايحرم نفسه
ويخطط كل يوم ياكل شي
الحلويات الشرقيه البسبوسه والكنافه واخواتها
مانصح فيها وايد ثقيله الحمدلله ماكلها
مشكلتي احب الكريم كراميل الي يطبخ في البيت والكاستر
بس مخططه اكل كل نهايه اسبوع شوي
نصيحه خلو شهر رمضان فرصه للبعد عن الرز بالقطري العيش والمجبوس
وتنتبهون لنفسكم
لان في ناس تقول رمضان مانقدر نحرم نفسنا
بس الوزن الي تكسبونه في رمضان صعب يروح في الايام الي بعد رمضان
لان المعده بتكون تعودت على الاكل الكثير

وكل عام وانتوا بخير

[HADi]

اذا على الوزن موقفه مابي انزل

لكن مايمنع اني امشي تقريبا ساعه غير محدده متى ماسمح الوقت لأني داخل البيت امشي غير الحركه في المطبخ اكبر رياضه

ومبروك عليكم الشهر


الله يعطيج الصحه والعافيه دووم اختى ..

وصدقتي المطبخ في رمضان يكفي عن الاشتراك في نادي

[HADi]

الواحد يقص على نفسه اذا يقول باسوي رجيم في رمضان هههههه
الي يقدر تكون إرادته قويه قويه قويه ههههههه

@@

ليش يعني على شان انواع الاطباق الي ماتطلع الا في رمضان

الصراحه انا بديت اخورها اشوي

كل مارحت مجلس الاكل يغري ..وشكلي مب شي وانا مامد يدي :)

الله يستر تونا في بداية رمضان

[HADi]

مبارك عليك الشهر اخوي هادي
والله انتظر رمضان لبدايه الرجيم
اللي ناويته ان شاءالله ويسر مشي قبل الفطور ساعه
والفطور تمر وشوربه فقط
بعد صلاة التراويح اكل خفيف (برنامج رجيم خاص )
عقب على جهاز السيكل رياضه
والله يقدرني وماخورها مع اكل رمضان
ولنا ولكم التوفيق ان شاءالله


علينا وعليج يتبارك .. اختي اعالي ..

وجدولج خفيف وممتاز

وان شاء الله تستمرين عليه وتحصلين النتيجه المطلوبه

موفقه دووم ان شاء الله

[HADi]

رغم ان وزني اقل من الطبيعي
بس دوم العب رياضه

بالنسبه لرمضان
وقفت الاشتراك في الجيم لان في رمضان ماحب اطلع من البيت
مخططه العب نص ساعه قبل الفطور رياضه خفيفه شوي حديد
لاني اشيل حديد بس حدي 4_5 كيلو

بعد التراويح بلعب 20 دقيقه على الجهاز وشوي حديد


الاكل صحيح في رمضان كثير
بس انصحكم لاتنوعون وايد
لان ممكن تاكل وجبه من نفس النوع
ماتزيد وزنك
بس نفس الكميه تاكلها من انواع مختلفه بتزيد الوزن

الهريس السعرات الحرايه فيه قليله بس بدون دهن
الدهن الي يصنع في البيت مشبع بالدهون انصحكم تبعدون عنه
الثريد الناس تحبه بس وايد سعراته
اذا حابين تاكلونه اكلو اقل كميه وقللو من الدهن فيه

اللقيمات ماحبها بس الناس تحبها وايد طبق الحلو الرئيسي في بيتنا
الي يبي ياكل ياكل حبه وحده لان وايد سعراته
المهم كل واحد فينا
يحط له تقسيمه اقل شي ياكل عشان مايحرم نفسه
ويخطط كل يوم ياكل شي
الحلويات الشرقيه البسبوسه والكنافه واخواتها
مانصح فيها وايد ثقيله الحمدلله ماكلها
مشكلتي احب الكريم كراميل الي يطبخ في البيت والكاستر
بس مخططه اكل كل نهايه اسبوع شوي
نصيحه خلو شهر رمضان فرصه للبعد عن الرز بالقطري العيش والمجبوس
وتنتبهون لنفسكم
لان في ناس تقول رمضان مانقدر نحرم نفسنا
بس الوزن الي تكسبونه في رمضان صعب يروح في الايام الي بعد رمضان
لان المعده بتكون تعودت على الاكل الكثير

وكل عام وانتوا بخير


وانتي بخير وبصحه وسلامه اختي .. شاهيناز

مشاركه جميله منج ومعلومات مفيده نشكرج عليهااا


رفع الحديد باوزان خفيفه ممتاز جداً وخاصة ان انتي بنت يعني ماتبحثين عن تخيم العضلات

التمرين بالاوزان الخفيفه يشد الجسم ويقضي على الترهلات



اما موضوع الاكل فا مشكوره عليه


الله يعينا على كل مادخلنا مجلس " والله تمد يدك " crazy

وكله سويت


اما العيش فالحمدالله صار لي سنه شبه مقاطع له

بالكثير اكله مره بالاسبوع ومرات يمر شهر ماكله .. ماعدت اعتمد عليه


بالتوفيق اختي وان شاء الله صيام وطاعه مقبوله في هذا الشهر الكريم

[بوخالد2]

ابشرك ياهادي

اني مسجل في جم وصار لي فتره

اتخبر تقطيع للجسم

وبعد جاى رمضان يعني شغل مضبوط يصير

ومبارك عليك الشهر الكريم

[alseef]

بالعكس أنا مااعتمد تخفيف الوجبات بس مسوي نظام بين كل

وجبة ووجبة 3 ساعات وبعد الوجبة بساعتين

اكل شي خفيف فواكه ..خضار ..اشرب ماي عصير كرك..إلخ

وبهالطريقة صار وزني ينزل اسرع

كنت امشي بس فــ رمضان قطعت عن المشي


ومبارك عليكم الشهر ولو إنها متأخره شووي

[HADi]

ابشرك ياهادي

اني مسجل في جم وصار لي فتره

اتخبر تقطيع للجسم

وبعد جاى رمضان يعني شغل مضبوط يصير

ومبارك عليك الشهر الكريم


علينا وعليك يتبارك ان شاء الله ..

حلوو يابوخالد شغل مضبوط

انا غيرت اشوي في جدول الجم

دخلت جدول تضخيم مع ثكثيف تمارين البطن

وبعدها بدخل في جدول التنشيف


كل التوفيق لك يا بوخالد

[HADi]

بالعكس أنا مااعتمد تخفيف الوجبات بس مسوي نظام بين كل

وجبة ووجبة 3 ساعات وبعد الوجبة بساعتين

اكل شي خفيف فواكه ..خضار ..اشرب ماي عصير كرك..إلخ

وبهالطريقة صار وزني ينزل اسرع

كنت امشي بس فــ رمضان قطعت عن المشي


ومبارك عليكم الشهر ولو إنها متأخره شووي


شغلك عدل يالغالي .. الاهم اهو اكيد تنظيم الاكل بغض النظر عن عدد الوجبات

وحلو انك حققت نزول في الوزن بس بعد عليك بتمارين على شان تشد جسمك خاصه انك قاعد تفقد وزن

يعي لو تقدر تدخل جم وتشيل اوزان خفيفه مجرد تساعدك على الشد بيكون حلوو

موفق دووم ان شاء الله

[شقرديه]

وزني 70 وناويه انزل ل 60 < هع ماعليه

امشي بعد السحور مده 15 - 20 دقيقه .

واحيان العب السيكل مده 10 دقايق

وموفق اخوي هادي وان شاء الله نقدر نخلي هالوجبات الشهيه الي ماتطلع لنا الا برمضان xd

[HADi]

وزني 70 وناويه انزل ل 60 < هع ماعليه

امشي بعد السحور مده 15 - 20 دقيقه .

واحيان العب السيكل مده 10 دقايق

وموفق اخوي هادي وان شاء الله نقدر نخلي هالوجبات الشهيه الي ماتطلع لنا الا برمضان xd



عسى التوفيق من نصيب الجميع اختي شقرديه

والحمدالله للحين بنسبة للاكل مسوي كنتروول ياعني ماكثر وحاول ابتعد عن الاكلات الي تخرب النظام الي ماشي عليه..:strong3:

واذا نحطيت امام المر الواقع .. عن الخاطر لقمه وخلاص ..


وان شاء الله انتي بعد تحققين الهدف المطلووب


وكل عام وانتي بخير

[HADi]

كيف يمكنك قياس كتلة الجسم يدوياً


كيف نحسب معامل كتلة الجسم ؟

بقسمة الوزن بالكيلوغرام على مربع الطول بالمتر

هل يلعب طول الانسان دورا في تحديد وزنه المثالي ؟

مساحة الجسم و كتلة الجسم تزيد بزيادة الطول

ماذا تعني بالوزن المثالي للجسم ؟

هو محصلة الطول و العمر و الجنس ( ّذكر أم أنثى)

كيف يمكن الوصول إلى الوزن المناسب ؟

بالارادة + برنامج عذائي جيد و مدروس + ممارسة مستمرة للرياضة

كيف نحافظ على الوزن المناسب ؟

بالتغيير الكامل في أسلوب الغذاء و ممارسة الرياضة

كيف نعرف (وزن الجسم) ؟

هو محصلة توازن بين طاقة مستمدة من الاكل و طاقة مستنفدة في الحركة



من السهل جدا قياس كتلة الجسم وذلك باستعمال مايسمى BMI اي دليل كتلة الجسم Body Mass Index وبمعنى اخر قياس كمية الدهون داخل الجسم مع مراعات الوزن والطول ويمكن الحصول على هذه الدرجه بالمعادلة


لقياس نسبة الدهون على الرابط التالي


http://www.moh.gov.sa/badana/Bmi.htm

[ANONYMOUS]

الهدف : فقد وزن ...

كيف: ادخل في بحر الثمانينات

مشي سريع نص ساعه قبل الفطور في سباير

الفطور بضع تمرات مع لبنه احيانا و شوربه وكل انواع السوائل - ماي فمتو تانج لبن - الحاصل طبعا..

وبعدها قلاصين او ثلاثه شاي اخضر

وعلى 12 فليل ارجع سباير نص ساعه مشي سريع

وارد البيت اتربها في السحور :p

الحمدلله وصلت لنصف الهدف.. وانشالله نحقق الهدف قبل العيد

ملاحظه: هذا هو الروتين تبعي.. بس مايمنع يخترب احيانا نظرا للظروف المحيطه والمغريات


يعطيك العافيه