كالبسكوته هكذا اصبح السوق القطري -- بعيداً عن التذمر هل من حل؟

[قطرية فذة]

السلام عليكم ورحمه الله وبركاته


مرحباً اخواني اخواتي

عساكم ع القوه و طيبين ان شاء الله
مبارك عليكم الشهر
يجعله ربي عليكم عامر بالطاعات والصالحات
بلغنا الله واياكم ليله القدر يارب

ادخل بالموضوع

من عنوانه وش حلاته قطري وكالبسكوته
مخباه محشو بدال الكريمه ذهب
بلاد وفي خير ونعمه واهلها من الطيبه مايقولون لا

حتى الهندي في تجارته من يشوف القطري يقول الحمد لله
i'm talking to pure qatari this means gold

القطري = الذهب

طيب يازمان الذهب وين اهل الذهب
وين اللي يعاينون ويشوفون اوضاع السوق
وين اللي يتمعنون بغلاء المعيشه

الحقيقه تركت الامور بحبالها على الغارب
لاحسيب ولا رقيب
ويحمل القطري هم اجار المحل بدل ان يكون الزبون
يدفع اجار المحل وفلوس اجار الهندي واجار الاأرض
واجار تفاصيل كثيره وعقبها الغرض اللي يبي يشتريه

بما معناه ان غلت المعيشه واصبح كل شي يجر شي
يقولك رفعنا الاسعار من رفعت اجارات المحل

تجي للخياط رافع سعره يقولك ماما فسوس ولا نقشه ولا سامان

تروح الجمعيه تشتري تشوف الحساب مب بالحسبان ياكل الميزانيه

من المضحك ان الآخرين عرفوا اننا لانقول لا ويبتزون المال بآلف طريقه


طيب انت يالقطري يالذهب ماتعرف تقول لغلاء المعيشه ( لا) ؟

وانت يالموظف اللي ماسك هذه الامور ماتعرف تنظم الاسعار

أهلكتنا هذه الأوضاع المرتفعه أسعارها - هل من حلول ؟؟؟؟

اترك الاجابه لكم

[ولد النواخذه]

طبعا لازم نقول لا والي نشوفه بسعر غير معقول نتركه ونشوف غيره وفي البيع والشرى كلن بشوره لغاية ما الواحد يشتري

[Index Signal]

أخاف أرد و تعتبر ردي تذمر ..!!

تدري ..؟! رديت وإلا ما رديت ..

الموضوع أكبر مني و منك و من باقي المواطنين ..

و خلني ساكت لا أجيب العيد قبل رمضان :secret:

[بو خليفه 123]

تدرين ليه يا وتين ؟

لأنه لما نسمع المديح والتطبيل والتزمير ننبسط

و نحب نعيش الوهم والخيال بأننا نملك الذهب في "مخبانا" سواءً بالسفر للخارج او في محلاتنا


و هذا ما جعل الاسعار ترتفع بلا حسيب ولا رقيب ..


للأسف بعض المستهلكين يصرفون بدون التفكير بالعواقب ..

هل يعقل امرأه تشتري عبايه يقدر ثمنها بـ 4000 ريال قطري؟
والتاجره بلسانها تقول : أنا مصدر رزقي القطريات .. لأنهم هم اللي يدفعون ولا يجادلون على الريال ..

في ظنك هذي التاجره لو راحت لبعض الدول المجاوره راح يدفعون لها 4000 على عبايه ؟
الا والله يقبضونها الباب هي و عباتها ..

مثال آخر ..


سعر الحديد عالمياً نزل 7% ..

ماعدا الحديد في قطر في ارتفاع .. واللي يبي يبني بيته في ظل هذي الظروف ان شاء الله راح يكون من اهل الجنه لأنه اللي في جيبه مش له ..


فعلاً احنا غدينا بسكوته لذيذه .. ربما الذ من بسكوت اوريو

[قطرية فذة]

طبعا لازم نقول لا والي نشوفه بسعر غير معقول نتركه ونشوف غيره وفي البيع والشرى كلن بشوره لغاية ما الواحد يشتري

حياك الله ياخوي ياولد النوخذه

حييت وهديت ومن الشر وقيت

حللت أهلاً ونزلت سهلاً

تصرفك أخي الكريم سليم وحالنا مثل حالك

ماذا لو كان هنالك ردة فعل على صاحب المحل نفسة؟

[السديم]

أخاف أرد و تعتبر ردي تذمر ..!!

تدري ..؟! رديت وإلا ما رديت ..

الموضوع أكبر مني و منك و من باقي المواطنين ..

و خلني ساكت لا أجيب العيد قبل رمضان :secret:

أتفق معاك قلبا وقالبا :nice:

[مسك روز]

من يومين دخلت برغر كنج اللي بالستي

وكان في يدي عصير شريته من مندرين

طلبت دايت ساندويش بس بدون بيبسي ولا شبس

الا تقولي بكم شريتي العصير ؟ قلت لها ب17 ريال

الا تقول اووووووو اكسبنسف (( غالي ))

واشرت علي بيدها بطريقه كريهه وقالت ايه قطريه !!

قصدها قطريه مايهمها السعر وعادي بتدفعين

تمت تبربر وتهذر بس اللي فهمته منها ان القطريين مايهمهم السعر

[قطرية فذة]

أخاف أرد و تعتبر ردي تذمر ..!!

تدري ..؟! رديت وإلا ما رديت ..

الموضوع أكبر مني و منك و من باقي المواطنين ..

و خلني ساكت لا أجيب العيد قبل رمضان :secret:

صاحب محل غلا البضائع في متجره
وشتان مابين السعر ومابين مايستحق هذه التسعيره

بعض التوضيح لايضر

ننتظر دلوك

[قطرية فذة]

تدرين ليه يا وتين ؟

لأنه لما نسمع المديح والتطبيل والتزمير ننبسط

و نحب نعيش الوهم والخيال بأننا نملك الذهب في "مخبانا" سواءً بالسفر للخارج او في محلاتنا


و هذا ما جعل الاسعار ترتفع بلا حسيب ولا رقيب ..


للأسف بعض المستهلكين يصرفون بدون التفكير بالعواقب ..

هل يعقل امرأه تشتري عبايه يقدر ثمنها بـ 4000 ريال قطري؟
والتاجره بلسانها تقول : أنا مصدر رزقي القطريات .. لأنهم هم اللي يدفعون ولا يجادلون على الريال ..

في ظنك هذي التاجره لو راحت لبعض الدول المجاوره راح يدفعون لها 4000 على عبايه ؟
الا والله يقبضونها الباب هي و عباتها ..

مثال آخر ..


سعر الحديد عالمياً نزل 7% ..

ماعدا الحديد في قطر في ارتفاع .. واللي يبي يبني بيته في ظل هذي الظروف ان شاء الله راح يكون من اهل الجنه لأنه اللي في جيبه مش له ..


فعلاً احنا غدينا بسكوته لذيذه .. ربما الذ من بسكوت اوريو


محل ذهب

قبل ذهاب الخادمه ذهبت بها لتتبضع لوالدتها قلاده
وفي التسعيره حسبها البائع بسعر أغلى ارهق صرفها
فماكان مني الا ان تركتها بالمحل تفاصل السعر معه
رجعت واذا اجد السعر ارخص مما عرض بالبدايه

سألته ولما ذاك السعر وهذا السعر
واذا به يرد علي هذه خادمه اما انتي فقطريه والسعر لكم غير.
/
حادثه حصلت مثلها في احد محلات السعوديه ايضاً
وحينما سألوا البائع قال : انا صاحب المحل
وانا كيفي ابيعه عليه بسعر ولانك قطري بسعر
انا لااعمم لكن اذكر واقع قد حصل


/

بالنسبه للعبائة الواقع مضحك فيه
والمضحك قبول النساء السعر
((( والله لايسوى ))) عبائة الستر
سعر معروض بقيمه 900 ريال
جادلت البائع بالسعر فيما يكون 900 ريال؟
دخلت به في التفاصيل وكم سعر العبائة وماخيط بها
وانا صاحبه حاجه لن ادفع المبلغ فهذه سرقة
واذا أخفظ بالسعر حتى وصل 300 ريال

متى يكون منا ان نكون نحن من نحكم السوق لا السوق اللذي يتحكم بنا

--------------

(( لاجدال بالحج )) حقيقه وحكم
لكن متى صار بالسوق؟ ذلك حكم في غير محلة
--------------

/

بالنسبه للحديد
ماتحدثت عنه اخي ابو خليفه صحيح
والاغرب بالامس كنت اساوم في الارض والبناء
فوجدت سعر الارض ارخص من سعر البناء

كيف انقلب الوضع لماذا الغلاء حدث العاقل بما يعقل

تسرق السعاده وتبادل بها غثيث ومنغصات الحياه الى معضلات فالحمد لله على كل حال
/

- أخي خليفة : حينما تغدوا القطري الذي يواجه أسعار هذا الواقع يحق لك اكل البسكوت بأنواعة

/

حييت اخي

شاكره لك العبور والدلو

أهلاً

[قطرية فذة]

أتفق معاك قلبا وقالبا :nice:

لم يأتنا العلم بعد ؛


من يومين دخلت برغر كنج اللي بالستي

وكان في يدي عصير شريته من مندرين

طلبت دايت ساندويش بس بدون بيبسي ولا شبس

الا تقولي بكم شريتي العصير ؟ قلت لها ب17 ريال

الا تقول اووووووو اكسبنسف (( غالي ))

واشرت علي بيدها بطريقه كريهه وقالت ايه قطريه !!

قصدها قطريه مايهمها السعر وعادي بتدفعين

تمت تبربر وتهذر بس اللي فهمته منها ان القطريين مايهمهم السعر

حياك الله اخي السديم

فعلا ً هذا الواقع وهذا ما اتحدث عنه

نود ان يكون منا موقفاً يردع هؤلاء من التمادي

الحمد لله ان الهواء ليس عليه تسعيره

فهل من حل لديكم؟