حسبنا الله ونعم الوكيل كلكم راع وكلكم مسؤال عن رعيته

[لولو80]

بسم الله الرحمن الرحيم

اللهم صلي وسلم على سيدنا محمد وعلى اله وصحبه اجمعين


هل يعقل يا أهل قطر مايحدث بمستشفى النساء والولادة؟؟؟!!!

نبدأ بالعيادات الخارجية:
-والتي تضج بالنساء الحوامل وجميع افراد اسرتها من صغار وكبار (خمسة افراد علشان بس مع بنتهم) انا اقصد الاجانب لانه ولا مرة شفت قطرية جايبة العيلة معاها

- الزحمة القاتلة في المواعيد..

- تعجرف الاطباء المعالجين واسلوبهم الفظ في التعامل (لازم يدهنون سيرهم والاغلب بطر )

- التخلف في عدم السماح للازواج بالدخول و التواجد مع زوجاتهم :rolleyes2: انصدمت يوم رحت وشفت اللوحة وقلت يعني مايحق لي زوجي يدخل ويسمع كلام الدكتور ويعرف ايش المطلوب ويستفسر عن حالتي خاصة اذا كان في الموضوع علاج؟؟؟؟!!! والعلاج ضروري كل الطرفين والا انا غلطانة :tease: سمعت انه العيادة المسائية عادي يدخلون الرجال ايش اللي اختلف ياترى:anger1:

- زحمة الغرف وغرف الجمعية:
قسما بالله كم من مريضة تبهدلت علشان موضوع الجمعية؟؟؟؟؟؟؟؟؟؟؟ البنت تطلق وحذاها زوج المريضة الثانية؟؟؟؟؟؟؟ هل يعقل انه تطلق وهذا موجود؟ وين الحشمة وين السنع وين الخصوصية هل ترضون على بناتكم هل ترضون على زوجاتكم كم مريضة انحرجت تروح الحمام اعزكم الله واهل المريضة الثانية يتواجدون من الصبح والادمر واللي يذبح لو زوج المريضة الثانية موجود؟؟؟؟؟؟؟ كيف تروح للحمام؟؟؟؟؟؟؟؟؟؟ اعرف مريضة زوج المريضة زميلتها يجي من الصبح للمغرب او للعصر ؟؟؟؟؟:anger1:
احنا ما نعترض الزوج يكون عند مرته بالعكس لكن كل غرفة المفروض تكون خاصة بمريضة وحده فقط وحمام خاص

اللي فاقع مرارتي المساكين بنات هالقطر يدفعون دم قلبهم وهم في بلادهم ثمن الغرفة الخاصة وعلى كذي بعد مو محصلين وبعد الواسطات تدخل في الموضوع.

في بلادنا ندفع لكل شي علشان نحشم وجهنا ولكن الظروف اكبر والمسؤولين مطنشين يشوفون الحال حريم على وشك ولادة والا تعبانين مافي غرف؟؟؟؟؟؟؟

عيب والله عيب حسبي الله ونعم الوكيل عليكم دولتنا واميرنا يتبرعون للدول المجاورة وانتوا تحرمونا خير اميرنا الغالي ليش؟؟؟؟؟؟؟؟؟؟؟؟؟ ياويلكم من عقاب رب العالمين ودعاوي الناس عليكم وين تروحون من عقاب الله والله مردكم لها بتنحطون بمواقف اكبر واعبر وبتتذكرون انه الله فوق وما يظلم حد

انقهر من اهل قطر لما يوقفون في الخير اللي اميرنا بومشعل اللي خيره وصل الشرق والغرب امر به لاهل قطر ياترى شنو مصلحتهم؟

ايش بيصير لو كان المستشفى اكبر ؟؟؟؟؟؟؟؟ هل احنا عايشين في زمن تطور والا قاعدين نرجع ورا؟؟؟؟؟؟؟ ايش بيصير لو كان اكثر من مستشفى؟؟؟؟

حتى التعليم صرنا ندفع علشان عيالنا يتعلمون احسن تعليم والمستشفيات ندفع علشان الدكتور مايقابلنا بخياس نفس والا يقول انت اكيد جاي لاجازة ويشكك بمرضك؟؟؟؟ وين صارت ياجماعة الواحد يحس بنفسه غريب ببلاده ..

امور كثيرة يمكن طافتني وماذكرتها ..سامحوني اذا غلطت او كثرت


ربي اليك اشكو قلة حيلتي وضعفي يارب يارحمان افتح لي ابواب رزقك ورحمتك يارب يامالك الملك تؤتي الملك من تشاء وتنزع الملك ممن تشاء وتعز من تشاء وترحم من تشاء اللهم ارحمني برحمة من عندك تغنيني بها عمن سواك

[بصمة قطرية]

صدقتي اختي في كل كلمة ..
شي يقهر بصراحة مستشفى ولادة واحد للدولة بكبرها مواطنات ومقيمات ..

طبعاً نستبعد الخور لأنه يادوب يغطي المناطق اللي تتبعه ..
والاهم بعد المسافة ..

لازم يتم انشاء اكثر من مستشفى ..
يعني حالات ولادة تتنظر في الممرات ..
وولادات صارت في الممرات ..!!!!!

[لولو80]

صدقتي اختي في كل كلمة ..
شي يقهر بصراحة مستشفى ولادة واحد للدولة بكبرها مواطنات ومقيمات ..

طبعاً نستبعد الخور لأنه يادوب يغطي المناطق اللي تتبعه ..
والاهم بعد المسافة ..

لازم يتم انشاء اكثر من مستشفى ..
يعني حالات ولادة تتنظر في الممرات ..
وولادات صارت في الممرات ..!!!!!

:omg::omg::omg::omg::omg:

من المسؤول تعتقدين؟ وشنو الحل؟ يمكن الحل انه نتسلق جبل ايفرست؟ والا نفتح تيك اواي هريس ومضروبة بدال كنتاكي وهارديز والا يمكن الحل عند عزيزي او المحششين اصدقاءنا بالبلاك بيري:anger1: الحل بسيط مستشفى اكبر او مستشفى ثاني وثالث ورابع

[طبعي كذا]

ماأنقول الاحسبــــي اللــه ونعم الوكيـــل...
والله إنج صدقتي في كل كلمه قلتيهاالله يعيناإن شاءالله ..

[بوحارب]

هذا طبع مستشفى النساء والولادة وانتوا السبب يالحريم كل مارحتوا هناك بخششتوا الممرضات بالفلوس لين ما تعودوا على هالطبع !

واللي ما تدفع لهم مالها اي نصيب من الأأهتمام !

[مرتبش]

الزحمة تخلي الناس تطلب الغرف الخاصة..تبي ترتاح
لكن نقطة مهمة ذكرتيها..هي زوار المرضى اللي يبسطون طول اليوم..خير شنو صاير
بعضهم يعتقدون المستشفى فندق!!!

[بصمة قطرية]

هذا طبع مستشفى النساء والولادة وانتوا السبب يالحريم كل مارحتوا هناك بخششتوا الممرضات بالفلوس لين ما تعودوا على هالطبع !

واللي ما تدفع لهم مالها اي نصيب من الأأهتمام !

هذا هو السبب اللي يخلينا ندفع لهم ..

هين قرشك ولا تهين نفسك ..
ادفع عشان ترتاح ..!!!

[الأصيلة]

كلامك صحيحي عزيزتي
لكن موضوع الدكاترة والله اشوف أغلبهم متفهمين
ويراعون المريضة وبالذات الدكاتره القطريات
على مستوى من السنع والأخلاق والتواضع والتفاني في العمل...
موضوع الجمعية هذا خليه على صوب
بس لو كان الكل محترم المريض كان ما أقامة العائلة عند المريضة طول اليوم..
لا والأكلات السريعة رايحة جاية كنتاكي وماكدونلز وهارديز...
المفروض اللي تكون بجمعية يكونون أهلها متفهمين الحالة...
ومايقهرني الا عند الزيارة كل وحده جايبة معاها أكثر من طفل يزعجون المرضى ويدورون من غرفة لغرفة مع خداماتهم...
قانون مستشفى النساء والولادة يحتاج إعادة نظر...
وإن شاء الله تخف الزحمة بافتتاح مستشفى الوكرة ...

[تبتلشٍ]

صدقت بوحارب لازم تدهن سيرهم وخاصه من ممرضات من الجنسيه العربيه

[Index Signal]

كأس العالم أهم و أولى ..!!

[باسكن روبنز]

التخلف في عدم السماح للازواج بالدخول و التواجد مع زوجاتهم انصدمت يوم رحت وشفت اللوحة وقلت يعني مايحق لي زوجي يدخل ويسمع كلام الدكتور ويعرف ايش المطلوب ويستفسر عن حالتي خاصة اذا كان في الموضوع علاج؟؟؟؟!!! والعلاج ضروري كل الطرفين والا انا غلطانة سمعت انه العيادة المسائية عادي يدخلون الرجال ايش اللي اختلف ياترى


احسن قرار ،

من زمان خاطري ادبغ حد من الي يحطون هالقرارات السخيفه ، :(

الاا بدخل وابسط ويمكن واحرج الدكتور يقهويني عنده ،

زوجتي ومن حقي اتطمن عليها ولا اكبر راااااااااس يمنعني من هالشي ،:nice:

[latty]

مستشفى الولاده دهن سير ابتداءمن الطبيب لين اللي تنظف الغرفه يعني اللي بيروح هناك الله الله في همجة لفلوس اذا ت

بي حالك يمشي

او عندك واسطه هنا ماعليك ان شاء الله شر كل امورك بالتمام والكمال

[روح الشمال]

موضوع مهم والكل يعاني منه صحيح بس بصراحة ماشفت تعليق او رد انا ابية واللي في بالي وهو ...

انا مالوم الدكاترة او الممرضات !!! تدرون ليه ؟!

لان الدكاترة والممرضات لو حاسين بأهمية القطري من قبل الدولة او المسؤولين واصحاب القرار كان ماشفت هذي معاملتهم لنا في ذمتكم اهل القطر مايحق لهم ان يكون لديهم مستشفيات خااااااااااااااااصة لأهل قطر فقط لالالالالالالالا غير حرام مايصير ؟؟؟؟؟ وين امتيازاتنا وحقوقنا في بلادنا طيب خلوا مستشفى حمد على حطة ايدة وسووا مستشفى كبير مستشفى مستقبلي ل 40 سنة قدام حرام هالتفكير بنظرة مستقبلية ؟ سووا حساب عدد سكان اهل قطر والا مافيه تشجيع على زيادة عدد سكان أهل قطر ؟!! ياجماعة سووا حساب برستيج اهل قطر ؟ وعاداتهم وتقاليدهم وقيمهم واخلاقهم هناك ذيك الساعة اذا شاف الدكتور والاستشاري والممرض والممرضة اهتمام الدولة بالمواطن بيعرف ذيك الساعة قيمة المريض اللي جاية اما بالطريقة هذي ( سبهلله ) فعلى الدنيا السلام خلونا صريحين شوي والله ان لو احنا في دولهم ما ارقموا سوقنا الا احنا ( يادهينة لا تنكتين آآآآآآآخ يالقهر ) مادري شمحصلين منهم مب كافي مناطحينا في كل شي ورواتب وامتيازات مايحلم فيها حتى وزير في بلادهم مادري متى بنصحا ... فلا تنتظر من الاجنبي يحترمك ويسويلك حساب اذا ديرتك ما ارقمت سوقك هذي وجهة نظري ..


تقبلوا تحياتي

[كازانوفا]

ما راح يقدم كلامك وشكواكي ولا لخطوه واحده مؤسسة حمد ومستشفى النسااااء عالم اخر لا يعلم كيف ادارته ومن المسؤوول
ولنا ولكم الله ...

[الصريحه]

انا منرايي يبنى مستشفى اكبر وافخم واوسع ويوضع به افضل الدكاتره والاهتمام فيه اكبر ويكون فقط للقطريات ويترك القديم للاجانب لحد يزعل مني بلادنا واحنا اولى بها

[777]

كفو والله يا لولو 80

اذا بغيتو تعرفون الي ورا هذا شوفو المستفيد والمستفيد طبعا المستشفيات الخاصه لكن من ورا المستشفيات الخاصه هنا المفاجأة الكبرى

[Index Signal]

أعيد عليكم ردي للمره الثانيه :

إقامة الملاعب لكأس العالم لزوم الفشخره قدام العالم أهم من بناء مستشفيات و كلام فاضي ..!!

[المقهوره]

فيه اشياء صحيحه وفيه امور ما اشجعها


قصه انها مستشفى النساء ويدخل فيها رجال على شان مرته ما اشجعها

وش موديه اساسا مع مرته

كذا بتفتحين باب للاجانب وعاد يله كل رجال مع مرته

مب شي بصراحه


يحطون اقسام

يعني الحريم الي يتعالجون لتأخر الانجاب هنا يجي معها زوجها لانه اساسا لابد من فحصه

اما المراجعه للحوامل ما اظن وجود الرجل له داعي

ولا حتى القطار الي يمشي معها اظن حتى جارهتهم جات معها


مسوين زحمه على ال فاضي


بس بالنسبه للمواعيد بصراحه اريح بكثير من قبل خاصه بعد تحديد الموعد وتجين على ال موعد ماتتأخرين نفس اول .


بالنسبه للغرف المشتركه حدث و لا حرج

فعلا وحده تطلق وتصيح وزوج الثانيه موجود وراز وجهه من الصبح ولا يطلع الييييييييييييييييييييييين اخر الليل

غير هذا وهذا المفروض هذه مستشفى للمرضى يعني المريضه
طيب قلنا بتكون معها مرافقه (مؤدبه ذربه) مب ضحك هي والمريضه طووووووووووووووول الليل

كركركركركركركركركر مايخلون احد يرقد

والي فوق هذا وهذا اذا جات لك مرافقتين مع المريضه ليش طيب ما تدرين؟

وين القانون في الباي باي


اذكر منذ مبطي كان يرفض اكثر من مرافقة
اشوف الحين عادي مرافقتين وطووووووووووووول الليل مزعجينا كركركركركر
وش هالمريضه الي تكركركر

+ وصاختهم بالحمام ( الله يكرمكم) للاجانب هالكلام

القصه مب عنصريه

القصه ان لهم عادات وتقاليد ولنا عادات وتقاليد
يعني عيب الرجال يبسط 24 ساعه حتى الحمام مانقدر نروح له كل شوي نجر الستاره. وهذا كله على شان مافيه مكان في الغرف الخاصه

طيب ندفع غرف خاصه ليش
احنا راضيين متر في متر بس نكون لوحدنا
يعني بدال هالستاره الي كلها طشاش دم ( ليش مايغسلونها ولا يبدلونها ما ادري ) يحطون لنا بارتشن

بس سمعت انهم بينتقلون قريب لمبنى جديد بجانب هئية الصحة.
وانشاء الله يكون افضل


اما الدكاتره ال اجانب فحدث ولا حرج
ياحبهم للفلوس والبقشيش
ويتكلم معك بنفس خايسه طبعا مب الكل بصراحه
بس فيه كذا واحد ومعروف عند الحريم ....

والممرضات كذلك

بصراحه وتفاديا لاي مشاكل انا اخذ غرفه خاصه
بس صارت لي مره واشتركت مع وحده اجنبيه وشفت الوووووووووووووووووووووووويل
لا ليلي ليل ولا نهاري نهار

احنا رجاجيلنا يجون ساعه ويروحون
وهي مبسط عندها 24 ساعه ما ادري ينطر اكل المستشفى ولا شقصته

ومن الصبح يجونها كل المنطقه زين ماياخذون سريري ويبسطون عليه من كثرهم

[قطر501]

والله ياختي كلام سليم 100 % ولي يصير في مستشفى الولادة شي ماحد يرضى به لكن من يسمع حتى تأمين صحي ماعندنا نودي حريمنا خاص

[ثرية]

الله يكون بالعون

والله ان امي امسس تتتكلم عن عدم احترام القطري والقطريه في بلادهم وفي مستشفياتهممم

صارت الااولويه حق البتان والاجانب امس امي رااحت تسوي تحليل تبهدلت وفوق جذيه جاتهم بتانيه مع اربعه من عيالها والخامس في بطنهااااااا وتعطيهم بذيج الجدوه الي بطت روس الي قاعدين كلهم ولا حيا ولا مستحه وقامت اختي تضحك عليهااا لا والبتانيه عصبت ليش تضحكون وكأن الي سوته شي عادي

[ثرية]

والله ياختي كلام سليم 100 % ولي يصير في مستشفى الولادة شي ماحد يرضى به لكن من يسمع حتى تأمين صحي ماعندنا نودي حريمنا خاص

اي والله صادق ياريت يسون لنا تأمين صحي حق الاهلي عالاقل مكان نظيف ومحترم وراقي ويقهون الموجودين مب مستشفى عباس على دباااااااااااس

[المقهوره]

اي والله صادق ياريت يسون لنا تأمين صحي حق الاهلي عالاقل مكان نظيف ومحترم وراقي ويقهون الموجودين مب مستشفى عباس على دباااااااااااس

الاهلي مكان نظيف

بس جزارين بما تحويها الكلمه من معنى

نصابين كله على شان الفلوس

[الأصيلة]

بس اللي تنزعج من جارتها يحق لها تتصل تشتكي
ويجي السكوريتي يهددهم .. وأصلا غير مسموح تواجد الزوج طول الوقت الشكوى مسموح بها ترى
وكل شي يتم بسلام..
و كم مرة لاحظت عزل وتفنيش بعض الدكاترة الأجانب
اللي تمادوا في أخذ البخشيش
وربطوا اتقان العمل به...
والمستشفى كل يوم يتغير له مدير...
الله يعدل لنا الأوضاع...

[قطرية فذة]

والحل برايكم؟

[وحيد-الشوق]

كأس العالم أهم و أولى ..!!


أعيد عليكم ردي للمره الثانيه :

إقامة الملاعب لكأس العالم لزوم الفشخره قدام العالم أهم من بناء مستشفيات و كلام فاضي ..!!

للأسف هذا الحاصل فعلا :(

وزيد عليها الفلوس حق لبنان ودارفور وغيره طبعا اولى من المواطن القطري

والله الواحد تعب نفسيا من القطاع الصحي الي عندنا

حسبي الله ونعم الوكيل

[المقهوره]

بس اللي تنزعج من جارتها يحق لها تتصل تشتكي
ويجي السكوريتي يهددهم .. وأصلا غير مسموح تواجد الزوج طول الوقت الشكوى مسموح بها ترى
وكل شي يتم بسلام..
و كم مرة لاحظت عزل وتفنيش بعض الدكاترة الأجانب
اللي تمادوا في أخذ البخشيش
وربطوا اتقان العمل به...
والمستشفى كل يوم يتغير له مدير...
الله يعدل لنا الأوضاع...

اشتكيت وكل شوي اضغط على الزر واقول للنيرس ازعاج
تقول وش اسوي كلمتهم بس مافيه فايده

[الأصيلة]

صراحة المطالبة بمرافقة الزوج لزوجته بمستشفى الولاده
قمة الإحراج ..
يازينه وهو يتمخطر بين الحريم وهم يدخلون المختبرات ويطلعون من الحمامات وحالتهم حاله..
الله لايقول...
وش يبغي يطمن عليه هي مش مريضة..
لاحق لما ترجع البيت تقوله كل اللي صار...
واللي محتاج علاج له باب مستقل من خلف يدخل بكل احترام وسرية...
اش هالإقتراح اللي ماله أي معنى...

[الأصيلة]

اشتكيت وكل شوي اضغط على الزر واقول للنيرس ازعاج
تقول وش اسوي كلمتهم بس مافيه فايده

الشكوى تتصلين حق الأمن تحت مش الممرضات اللي مايدرون عن شي...

[aum fajer]

لا حول ولا قوة الا بالله ’’’’’ حسبي الله ونعم الوكيل

[المقهوره]

الشكوى تتصلين حق الأمن تحت مش الممرضات اللي مايدرون عن شي...

اها شدراني كنت مريضه ومالي نفس احد

تصدقين اني قعدت ابكي من القهر هههههههههههه

خاصه يوم مالقيت غرفه خاصه بسبب الي صار بجنبي من ازعاج طول الليل وعدم النظافه

[لولو80]

ماأنقول الاحسبــــي اللــه ونعم الوكيـــل...
والله إنج صدقتي في كل كلمه قلتيهاالله يعيناإن شاءالله ..

والنعم بالله

[لولو80]

هذا طبع مستشفى النساء والولادة وانتوا السبب يالحريم كل مارحتوا هناك بخششتوا الممرضات بالفلوس لين ما تعودوا على هالطبع !

واللي ما تدفع لهم مالها اي نصيب من الأأهتمام !

جايز لكن صدقني اللي ينحط تحت رحمة هالمستشفى بيسوي اي شي علشان اموره تمشي

[لولو80]

الزحمة تخلي الناس تطلب الغرف الخاصة..تبي ترتاح
لكن نقطة مهمة ذكرتيها..هي زوار المرضى اللي يبسطون طول اليوم..خير شنو صاير
بعضهم يعتقدون المستشفى فندق!!!

اووووووووووووه ولا حشرتهم اذا تجمعوا والصراخ وتدخل الممرضة تطلب يخفضون صوتهم ولكن لا حياة لمن تنادي

[لولو80]

هذا هو السبب اللي يخلينا ندفع لهم ..

هين قرشك ولا تهين نفسك ..
ادفع عشان ترتاح ..!!!

:nice::nice:

[لولو80]

كلامك صحيحي عزيزتي
لكن موضوع الدكاترة والله اشوف أغلبهم متفهمين
ويراعون المريضة وبالذات الدكاتره القطريات
على مستوى من السنع والأخلاق والتواضع والتفاني في العمل...
موضوع الجمعية هذا خليه على صوب
بس لو كان الكل محترم المريض كان ما أقامة العائلة عند المريضة طول اليوم..
لا والأكلات السريعة رايحة جاية كنتاكي وماكدونلز وهارديز...
المفروض اللي تكون بجمعية يكونون أهلها متفهمين الحالة...
ومايقهرني الا عند الزيارة كل وحده جايبة معاها أكثر من طفل يزعجون المرضى ويدورون من غرفة لغرفة مع خداماتهم...
قانون مستشفى النساء والولادة يحتاج إعادة نظر...
وإن شاء الله تخف الزحمة بافتتاح مستشفى الوكرة ...

فدددددددددددددددددددددددددددديتهم دكاترتنا القطريات عسلللل واحترام ودين وخلق ربي يحفظهم

[لولو80]

كأس العالم أهم و أولى ..!!

خاطري اعرف ايش المردود على اهل قطر
احنا ما نمانع بلادنا تزدهر وتطور وتصل للعالمية

بالعكس احنا نفتخر يوم سمعتنا بالخارج طيبة في كل مكان

ولكن لا تدوسون علينا الله يرحم والديكم

[لولو80]

احسن قرار ،

من زمان خاطري ادبغ حد من الي يحطون هالقرارات السخيفه ، :(

الاا بدخل وابسط ويمكن واحرج الدكتور يقهويني عنده ،

زوجتي ومن حقي اتطمن عليها ولا اكبر راااااااااس يمنعني من هالشي ،:nice:

صدقت ياخوي :nice:

[لولو80]

مستشفى الولاده دهن سير ابتداءمن الطبيب لين اللي تنظف الغرفه يعني اللي بيروح هناك الله الله في همجة لفلوس اذا ت

بي حالك يمشي

او عندك واسطه هنا ماعليك ان شاء الله شر كل امورك بالتمام والكمال

هههههههههههههههههههههه المضحك المبكي صدقتي

[لولو80]

موضوع مهم والكل يعاني منه صحيح بس بصراحة ماشفت تعليق او رد انا ابية واللي في بالي وهو ...

انا مالوم الدكاترة او الممرضات !!! تدرون ليه ؟!

لان الدكاترة والممرضات لو حاسين بأهمية القطري من قبل الدولة او المسؤولين واصحاب القرار كان ماشفت هذي معاملتهم لنا في ذمتكم اهل القطر مايحق لهم ان يكون لديهم مستشفيات خااااااااااااااااصة لأهل قطر فقط لالالالالالالالا غير حرام مايصير ؟؟؟؟؟ وين امتيازاتنا وحقوقنا في بلادنا طيب خلوا مستشفى حمد على حطة ايدة وسووا مستشفى كبير مستشفى مستقبلي ل 40 سنة قدام حرام هالتفكير بنظرة مستقبلية ؟ سووا حساب عدد سكان اهل قطر والا مافيه تشجيع على زيادة عدد سكان أهل قطر ؟!! ياجماعة سووا حساب برستيج اهل قطر ؟ وعاداتهم وتقاليدهم وقيمهم واخلاقهم هناك ذيك الساعة اذا شاف الدكتور والاستشاري والممرض والممرضة اهتمام الدولة بالمواطن بيعرف ذيك الساعة قيمة المريض اللي جاية اما بالطريقة هذي ( سبهلله ) فعلى الدنيا السلام خلونا صريحين شوي والله ان لو احنا في دولهم ما ارقموا سوقنا الا احنا ( يادهينة لا تنكتين آآآآآآآخ يالقهر ) مادري شمحصلين منهم مب كافي مناطحينا في كل شي ورواتب وامتيازات مايحلم فيها حتى وزير في بلادهم مادري متى بنصحا ... فلا تنتظر من الاجنبي يحترمك ويسويلك حساب اذا ديرتك ما ارقمت سوقك هذي وجهة نظري ..


تقبلوا تحياتي

ومازال يدب الامل في قلبي بالتغير مو دبيب النمل لا الامل :shy:

اتصدق ارد ومن القهر ابتسم على حالنا المتردي ايش حيلتنا واحنا بدينا نحس بالغربة واحنا في بلادنا

[لولو80]

ما راح يقدم كلامك وشكواكي ولا لخطوه واحده مؤسسة حمد ومستشفى النسااااء عالم اخر لا يعلم كيف ادارته ومن المسؤوول
ولنا ولكم الله ...

كلي امل وباذن الله دام احنا على هالارض الطيبة بتتغير الامور بس لازم نتكلم ونتكلم ونتكلم

[لولو80]

انا منرايي يبنى مستشفى اكبر وافخم واوسع ويوضع به افضل الدكاتره والاهتمام فيه اكبر ويكون فقط للقطريات ويترك القديم للاجانب لحد يزعل مني بلادنا واحنا اولى بها

اخاف يتم لنا القديم بس هههههههههههه ماعليه بعد راضيين

[لولو80]

كفو والله يا لولو 80

اذا بغيتو تعرفون الي ورا هذا شوفو المستفيد والمستفيد طبعا المستشفيات الخاصه لكن من ورا المستشفيات الخاصه هنا المفاجأة الكبرى

اكيد الاستفادة موجودة الف بالمية

بس تعرف اغلب الولادات يحولونهم باسعاف الى مستشفى الولادة لانهم توهقوا مش عارفيين يولدون الام
ثاني شيء العلاج بالانابيب لا يوجد الا بمستشفى الولادة حرصا من الدولة على سلامة المواطنين وعدم التلاعب بالموضوع او الخطأ:secret:

[لولو80]

فيه اشياء صحيحه وفيه امور ما اشجعها


قصه انها مستشفى النساء ويدخل فيها رجال على شان مرته ما اشجعها

وش موديه اساسا مع مرته

كذا بتفتحين باب للاجانب وعاد يله كل رجال مع مرته

مب شي بصراحه


يحطون اقسام

يعني الحريم الي يتعالجون لتأخر الانجاب هنا يجي معها زوجها لانه اساسا لابد من فحصه

اما المراجعه للحوامل ما اظن وجود الرجل له داعي

ولا حتى القطار الي يمشي معها اظن حتى جارهتهم جات معها


مسوين زحمه على ال فاضي


بس بالنسبه للمواعيد بصراحه اريح بكثير من قبل خاصه بعد تحديد الموعد وتجين على ال موعد ماتتأخرين نفس اول .


بالنسبه للغرف المشتركه حدث و لا حرج

فعلا وحده تطلق وتصيح وزوج الثانيه موجود وراز وجهه من الصبح ولا يطلع الييييييييييييييييييييييين اخر الليل

غير هذا وهذا المفروض هذه مستشفى للمرضى يعني المريضه
طيب قلنا بتكون معها مرافقه (مؤدبه ذربه) مب ضحك هي والمريضه طووووووووووووووول الليل

كركركركركركركركركر مايخلون احد يرقد

والي فوق هذا وهذا اذا جات لك مرافقتين مع المريضه ليش طيب ما تدرين؟

وين القانون في الباي باي


اذكر منذ مبطي كان يرفض اكثر من مرافقة
اشوف الحين عادي مرافقتين وطووووووووووووول الليل مزعجينا كركركركركر
وش هالمريضه الي تكركركر

+ وصاختهم بالحمام ( الله يكرمكم) للاجانب هالكلام

القصه مب عنصريه

القصه ان لهم عادات وتقاليد ولنا عادات وتقاليد
يعني عيب الرجال يبسط 24 ساعه حتى الحمام مانقدر نروح له كل شوي نجر الستاره. وهذا كله على شان مافيه مكان في الغرف الخاصه

طيب ندفع غرف خاصه ليش
احنا راضيين متر في متر بس نكون لوحدنا
يعني بدال هالستاره الي كلها طشاش دم ( ليش مايغسلونها ولا يبدلونها ما ادري ) يحطون لنا بارتشن

بس سمعت انهم بينتقلون قريب لمبنى جديد بجانب هئية الصحة.
وانشاء الله يكون افضل


اما الدكاتره ال اجانب فحدث ولا حرج
ياحبهم للفلوس والبقشيش
ويتكلم معك بنفس خايسه طبعا مب الكل بصراحه
بس فيه كذا واحد ومعروف عند الحريم ....

والممرضات كذلك

بصراحه وتفاديا لاي مشاكل انا اخذ غرفه خاصه
بس صارت لي مره واشتركت مع وحده اجنبيه وشفت الوووووووووووووووووووووووويل
لا ليلي ليل ولا نهاري نهار

احنا رجاجيلنا يجون ساعه ويروحون
وهي مبسط عندها 24 ساعه ما ادري ينطر اكل المستشفى ولا شقصته

ومن الصبح يجونها كل المنطقه زين ماياخذون سريري ويبسطون عليه من كثرهم

حبيبتي مافيها اذا الزوج يدخل مع زوجته كثير ازواج يتمنون يشاركون زوجاتهم بهالفرحة وكثير حريم يحبون انه ازواجهم يراعونهم ويوقفون وياهم قدام هالدكاترة اللي مايخافون الله
المرة ضعيفة ومحتاجة سندها في الدنيا يكون معاها


بالنسبة للزوج والله اللي قصدتهم قطريين بعد تخيلي وعيال ناس معروفين بالسنع


الله المستعااااااااااااااااااااان كل اللي قلتيه صح خاصة الستاير :( فعلا مش عنصرية القصة عادات وتقاليد ونظافة

[لولو80]

والله ياختي كلام سليم 100 % ولي يصير في مستشفى الولادة شي ماحد يرضى به لكن من يسمع حتى تأمين صحي ماعندنا نودي حريمنا خاص

من زمان اسمع بهاللجنة

وشفت لقاء بالتلفزيون بس الظاهر هم مش مجتمعين كيف يخططون للتامين الصحي لالا هم مجتمعين يخططون كيف يفككون القنبلة الذرية علشان كذا تاخروا مساكين عندهم وايد شغل

[لولو80]

الله يكون بالعون

والله ان امي امسس تتتكلم عن عدم احترام القطري والقطريه في بلادهم وفي مستشفياتهممم

صارت الااولويه حق البتان والاجانب امس امي رااحت تسوي تحليل تبهدلت وفوق جذيه جاتهم بتانيه مع اربعه من عيالها والخامس في بطنهااااااا وتعطيهم بذيج الجدوه الي بطت روس الي قاعدين كلهم ولا حيا ولا مستحه وقامت اختي تضحك عليهااا لا والبتانيه عصبت ليش تضحكون وكأن الي سوته شي عادي

:eek5: يععععععع

[لولو80]

الاهلي مكان نظيف

بس جزارين بما تحويها الكلمه من معنى

نصابين كله على شان الفلوس


:nice: عن تجربة

[لولو80]

بس اللي تنزعج من جارتها يحق لها تتصل تشتكي
ويجي السكوريتي يهددهم .. وأصلا غير مسموح تواجد الزوج طول الوقت الشكوى مسموح بها ترى
وكل شي يتم بسلام..
و كم مرة لاحظت عزل وتفنيش بعض الدكاترة الأجانب
اللي تمادوا في أخذ البخشيش
وربطوا اتقان العمل به...
والمستشفى كل يوم يتغير له مدير...
الله يعدل لنا الأوضاع...

تشتكي ؟؟؟؟:omg: يافشيلتاه ماظن انج عشتي الوضع صعبة جدا

الدكاترة يتفنشون مني ويفتحون عيادات خاصة من هني ماسووا شي

[لولو80]

صراحة المطالبة بمرافقة الزوج لزوجته بمستشفى الولاده
قمة الإحراج ..
يازينه وهو يتمخطر بين الحريم وهم يدخلون المختبرات ويطلعون من الحمامات وحالتهم حاله..
الله لايقول...
وش يبغي يطمن عليه هي مش مريضة..
لاحق لما ترجع البيت تقوله كل اللي صار...
واللي محتاج علاج له باب مستقل من خلف يدخل بكل احترام وسرية...
اش هالإقتراح اللي ماله أي معنى...

ياحبيبتي الزوج مايكون مع زوجته بكل شي وقت الدخول لمقابلة الدكتور او الدكتورة

لكن صوب المختبرات لا مايحتاج

اقول حبيبتي المكان كله غلط ويبي له اعادة ترتيب وتهيئة

وليش بسرية هل هو يبوق:omg:

صدقني نوع من ارتباط الزوج بزوجته انه يوقف وياها ويحس هي اشقد تعاني علشان خاطر انه تفرحه ارجوج لا تنكرين اهمية وجود الزوج بالعيادة احنا ماقلنا بالولادة لالالالالالالا الولادة خط احمر

[لولو80]

اها شدراني كنت مريضه ومالي نفس احد

تصدقين اني قعدت ابكي من القهر هههههههههههه

خاصه يوم مالقيت غرفه خاصه بسبب الي صار بجنبي من ازعاج طول الليل وعدم النظافه

حسبي الله ونعم الوكيل :anger1:

[الدمعه]

والله صاجه .. عذاب من مواعيد ومن غرف .. من اسوي موعد اقولهم ابي يوم القطريات هههه

اخبر قبل 3سنين كانت المواعيد يوم حق القطريات ويوم حق الاجانب بس اللحين مادري شالطبخه لين الحمله الثانيه يصير خير ,,

انا من اسبوعين كنت مرقده في رميله ماقدرت اتم عندهم والسبه اللي معاي بالغرفه

ريلها طول اليوم في الغرفه قاعد معاها والله التلفون مااقدر اتكلم فيه استحي,, اطرش

مسجات حق ريلي وهلي واخرتها كلمتهم قلت لهم بروح ابات في البيت وبرد الصبح

وتميت على هالحال اسبوع :( لاعت جبدي

[Index Signal]

ياحبيبتي الزوج مايكون مع زوجته بكل شي وقت الدخول لمقابلة الدكتور او الدكتورة

لكن صوب المختبرات لا مايحتاج

اقول حبيبتي المكان كله غلط ويبي له اعادة ترتيب وتهيئة

وليش بسرية هل هو يبوق:omg:

صدقني نوع من ارتباط الزوج بزوجته انه يوقف وياها ويحس هي اشقد تعاني علشان خاطر انه تفرحه ارجوج لا تنكرين اهمية وجود الزوج بالعيادة احنا ماقلنا بالولادة لالالالالالالا الولادة خط احمر




بالعكس إذا الزوج فعلا يحب زوجته بيزيد حبه و تقديره لها لما يدخل معاها الولاده و يشوفها إشكثر تعاني عشان تسعده ..

لكن أغلب الزوجات تفكيرهم بشي ثاني ..!! و ما ألومهم إذا أزواجهم من النوع إللي يعتبرون زوجاتهم مجرد مكاين تفريخ لا أكثر ..

السموحه شطحت عن الموضوع حبتين .

[شيزكيك]

كلامك صح

قطيعه بعد ابقشش الدكاتره

اعرف وحده كانت تعطي الدكتوره على كل حمله 5 الاف ريال خير

واذكر مره طلعت الغرفه في الليل الا الي احذاي ياو اهلها وريلها والعيال قاموا يطلون علي من تحت

الستاره وعلى طول كلمت هلي ورحت الدور الخامس ادفع وارتاح

وحتى زوجي الحمدلله يي اما فتره الظهر او في الليل عقب الساعه تسع وما يطول

[لولو80]

والله صاجه .. عذاب من مواعيد ومن غرف .. من اسوي موعد اقولهم ابي يوم القطريات هههه

اخبر قبل 3سنين كانت المواعيد يوم حق القطريات ويوم حق الاجانب بس اللحين مادري شالطبخه لين الحمله الثانيه يصير خير ,,

انا من اسبوعين كنت مرقده في رميله ماقدرت اتم عندهم والسبه اللي معاي بالغرفه

ريلها طول اليوم في الغرفه قاعد معاها والله التلفون مااقدر اتكلم فيه استحي,, اطرش

مسجات حق ريلي وهلي واخرتها كلمتهم قلت لهم بروح ابات في البيت وبرد الصبح

وتميت على هالحال اسبوع :( لاعت جبدي

لام الله من لامك

الله يعين

[لولو80]

بالعكس إذا الزوج فعلا يحب زوجته بيزيد حبه و تقديره لها لما يدخل معاها الولاده و يشوفها إشكثر تعاني عشان تسعده ..

لكن أغلب الزوجات تفكيرهم بشي ثاني ..!! و ما ألومهم إذا أزواجهم من النوع إللي يعتبرون زوجاتهم مجرد مكاين تفريخ لا أكثر ..

السموحه شطحت عن الموضوع حبتين .

المشكلة اختي او اخي العزيز

انه مكان الولادة فيه صراااااااخ وسوالف سودة :shy: والغرف لاصقة في بعض فاحراج الازواج يدخلون لان الغرف مكانها بسيط مش مؤهل

شاكرة لك تواجدك ودعمك للموضوع يااااااااااااااااارب يتغير الحال

[لولو80]

كلامك صح

قطيعه بعد ابقشش الدكاتره

اعرف وحده كانت تعطي الدكتوره على كل حمله 5 الاف ريال خير

واذكر مره طلعت الغرفه في الليل الا الي احذاي ياو اهلها وريلها والعيال قاموا يطلون علي من تحت

الستاره وعلى طول كلمت هلي ورحت الدور الخامس ادفع وارتاح

وحتى زوجي الحمدلله يي اما فتره الظهر او في الليل عقب الساعه تسع وما يطول

حبيبتي الف الحمدالله على سلامتك

ثانيا الخصوصية معدوووووووووووووووووووووووووووووووووووووومة
ورحمة من رب العالمين انك حصلتي غرفة
لكن اللي ما يحصلون؟؟؟؟؟
:telephone:

في ناس تدفع بس مو محصلة في ناس بتتسلف علشان تدفع ويرتاحون اهاليهم ومو محصلين

معقولة يا قطر تخذلينا :weeping: معقولة خواتنا وبناتنا وامهاتنا ينحطون بهالمواقف ؟؟؟؟؟ليش ومن المسؤول؟؟؟؟

يحطون مسؤولين ومدراء دكاتره او مناصب ولالالالالالالالالالالالالا يسوون شي

نجي للانسان العادي او البسيط حتى اللي مو متعلم يمكن يحل المشكلة بدقايق

لمصلحة من تبهدلون العالم والعالم يدعون عليكم ما تتوفقون؟؟ سووا خير بدنياكم خلوا الناس تذكركم بالخير وتدعي لكم بالرحمة مو تدعي عليكم من قهر وظلم

[لولو80]

ايش استفدنا من شهاداتكم اللي جايبينها من الخارج ومبروزينها

ايش استفدنا ؟؟
في شنو نفعتوا بلادكم اللي علمتكم؟؟؟؟؟؟
في شنو نفعتوا اهلها ؟؟؟؟؟؟؟؟؟

اهلها يدعون عليكم يوميا بان الله ياخذ الحق منكم

وانتوا قاعدين تدوسون المواطن اكثر واكثر واكثر اللي مافيه خير في اهله مافيه خير ابد

[مدرسة]

هالموضوع عانينا منه من اسبوعين يوم ولادة اختي :weeping:

لو هالبلاد تبني مستشفيات كثر ما تبني ملاعب كان احنا بخييييييير :secret:

[Index Signal]

المشكلة اختي او اخي العزيز

انه مكان الولادة فيه صراااااااخ وسوالف سودة :shy: والغرف لاصقة في بعض فاحراج الازواج يدخلون لان الغرف مكانها بسيط مش مؤهل

شاكرة لك تواجدك ودعمك للموضوع يااااااااااااااااارب يتغير الحال



أنا أخوج ..

مادري عن الوضع في مستشفى حمد لأني دخلت مستشفى خاص و الغرفه كانت برايفت حيل ما نسمع أحد ..

بالنسبه للصراخ و السوالف السوده هي إللي تزيد قدر الزوجه عند زوجها المحب لما يعايش معاناتها ..

حتى أمي الله يحفظها زاد تقديري لها بعد هالتجربه و على طول تذكرتها .

[لولو80]

هالموضوع عانينا منه من اسبوعين يوم ولادة اختي :weeping:

لو هالبلاد تبني مستشفيات كثر ما تبني ملاعب كان احنا بخييييييير :secret:

عزيزتي انتبهت لكلمة هالبلاد ..........كانك بغربة:omg: وماهي بلادك؟؟؟؟؟

شفتوا كيف القطريين قاموا يحسون بغربة في بلادهم وانه حقهم ضايع للاسف

اعزائي المسؤولين ايش تسوون ماشفنا لوجودكم اي فايدة ؟ هل مشغولين تلعبون كورة مثلا:tease:

[لولو80]

أنا أخوج ..

مادري عن الوضع في مستشفى حمد لأني دخلت مستشفى خاص و الغرفه كانت برايفت حيل ما نسمع أحد ..

بالنسبه للصراخ و السوالف السوده هي إللي تزيد قدر الزوجه عند زوجها المحب لما يعايش معاناتها ..

حتى أمي الله يحفظها زاد تقديري لها بعد هالتجربه و على طول تذكرتها .

ياهلا بك والله زاد احترامك اكثر لشخصك الكريم

مستشفى حمد عبارة عن ممر به غرف الوحده لو مافيها شي تسمع صراخ الحريم تموت خوووووووووووف بس يقولون الجو صار هدوء عقب ابرة الظهر :nice:

الله يرحمنا برحمته ويهدي المسؤولين ووزيرهم

[المقهوره]

الزوج يعني مايحس بزوجته الا لما يدخل معها عند الدكتوره شدعوه

طول التسع شهور من وحم ومعاناه وثقل والم ماحس ولا حن


يعني ماراح يحس إلا لما يكون معها عند الدكتور

اظن هذه عليها كومنت
او حب لتقليد الاجانب

شوي بتقولون خل الزوج يقطع سر الطفل لما ينولد على شان يحس بالابوه شدعووووووووووووه

[ام علي1981]

:victory:
بسم الله الرحمن الرحيم

اللهم صلي وسلم على سيدنا محمد وعلى اله وصحبه اجمعين


هل يعقل يا أهل قطر مايحدث بمستشفى النساء والولادة؟؟؟!!!

نبدأ بالعيادات الخارجية:
-والتي تضج بالنساء الحوامل وجميع افراد اسرتها من صغار وكبار (خمسة افراد علشان بس مع بنتهم) انا اقصد الاجانب لانه ولا مرة شفت قطرية جايبة العيلة معاها

- الزحمة القاتلة في المواعيد..

- تعجرف الاطباء المعالجين واسلوبهم الفظ في التعامل (لازم يدهنون سيرهم والاغلب بطر )

- التخلف في عدم السماح للازواج بالدخول و التواجد مع زوجاتهم :rolleyes2: انصدمت يوم رحت وشفت اللوحة وقلت يعني مايحق لي زوجي يدخل ويسمع كلام الدكتور ويعرف ايش المطلوب ويستفسر عن حالتي خاصة اذا كان في الموضوع علاج؟؟؟؟!!! والعلاج ضروري كل الطرفين والا انا غلطانة :tease: سمعت انه العيادة المسائية عادي يدخلون الرجال ايش اللي اختلف ياترى:anger1:

- زحمة الغرف وغرف الجمعية:
قسما بالله كم من مريضة تبهدلت علشان موضوع الجمعية؟؟؟؟؟؟؟؟؟؟؟ البنت تطلق وحذاها زوج المريضة الثانية؟؟؟؟؟؟؟ هل يعقل انه تطلق وهذا موجود؟ وين الحشمة وين السنع وين الخصوصية هل ترضون على بناتكم هل ترضون على زوجاتكم كم مريضة انحرجت تروح الحمام اعزكم الله واهل المريضة الثانية يتواجدون من الصبح والادمر واللي يذبح لو زوج المريضة الثانية موجود؟؟؟؟؟؟؟ كيف تروح للحمام؟؟؟؟؟؟؟؟؟؟ اعرف مريضة زوج المريضة زميلتها يجي من الصبح للمغرب او للعصر ؟؟؟؟؟:anger1:
احنا ما نعترض الزوج يكون عند مرته بالعكس لكن كل غرفة المفروض تكون خاصة بمريضة وحده فقط وحمام خاص

اللي فاقع مرارتي المساكين بنات هالقطر يدفعون دم قلبهم وهم في بلادهم ثمن الغرفة الخاصة وعلى كذي بعد مو محصلين وبعد الواسطات تدخل في الموضوع.

في بلادنا ندفع لكل شي علشان نحشم وجهنا ولكن الظروف اكبر والمسؤولين مطنشين يشوفون الحال حريم على وشك ولادة والا تعبانين مافي غرف؟؟؟؟؟؟؟

عيب والله عيب حسبي الله ونعم الوكيل عليكم دولتنا واميرنا يتبرعون للدول المجاورة وانتوا تحرمونا خير اميرنا الغالي ليش؟؟؟؟؟؟؟؟؟؟؟؟؟ ياويلكم من عقاب رب العالمين ودعاوي الناس عليكم وين تروحون من عقاب الله والله مردكم لها بتنحطون بمواقف اكبر واعبر وبتتذكرون انه الله فوق وما يظلم حد

انقهر من اهل قطر لما يوقفون في الخير اللي اميرنا بومشعل اللي خيره وصل الشرق والغرب امر به لاهل قطر ياترى شنو مصلحتهم؟

ايش بيصير لو كان المستشفى اكبر ؟؟؟؟؟؟؟؟ هل احنا عايشين في زمن تطور والا قاعدين نرجع ورا؟؟؟؟؟؟؟ ايش بيصير لو كان اكثر من مستشفى؟؟؟؟

حتى التعليم صرنا ندفع علشان عيالنا يتعلمون احسن تعليم والمستشفيات ندفع علشان الدكتور مايقابلنا بخياس نفس والا يقول انت اكيد جاي لاجازة ويشكك بمرضك؟؟؟؟ وين صارت ياجماعة الواحد يحس بنفسه غريب ببلاده ..

امور كثيرة يمكن طافتني وماذكرتها ..سامحوني اذا غلطت او كثرت


ربي اليك اشكو قلة حيلتي وضعفي يارب يارحمان افتح لي ابواب رزقك ورحمتك يارب يامالك الملك تؤتي الملك من تشاء وتنزع الملك ممن تشاء وتعز من تشاء وترحم من تشاء اللهم ارحمني برحمة من عندك تغنيني بها عمن سواك

ماحد قالج تروحين هناك:eek5::eek5:
:stop::stop::stop:
بس لاتقعدون كل موضوع والثاني تلصقونه بالاجانب
:threaten::threaten::threaten:
بصراحة الموضوع زااااااااااااااااااااااااااااااد عن حده:anger1::anger1::anger2::anger2::anger2:
ان تكلمتو عن مستشفيات قلتو اجانب وبالمقابل تناقضون الكلام في موضوع اخر وتقولون اشغالهم معطيتهم تأمين صحي وفي العيادات الخاصة واحنا مب قادرين
:shy::wizard::wizard::wizard:

وان تكلمتو عن زحمة الشوارع قلتو اجانب وبالمقابل في موضوع ثاني تقولون الشباب كله دوارة في الشوارع
:rolleyes2::fight::fight:
[وان تكلمتو عن الوظائف وانها محتكرة من قبل الاجانب نحصل اغلب مواضيعكم تشكي على اشغالكم وساعات الدوام والارهاق وووووووووووووووووو الى مالانهاية
:(::rolleyes2::rolleyes2::rolleyes2:thumbdown::non o::unsure::cry::rolleyes2::weeping::sneaky:

[SIZE="5"][
وان تكلمتم عن العقارت وغلاء الاسعار وان الاجانب يتملكون نجد انهم يتملكون من حر مالهم والتحويش على رأيهم وبالمقابل نحن نطالب بسداد الديون وزيادة قرض بنك التنمية
:shy::anger2::anger2::anger2::anger2::anger2:
[
ارجوكم يكفي :tease::stop::stop:ان تلصقو كل شيئ بالجانب وان نبحث عن طريق لتطوير انفسنا
:victory::thumbup::thumbup::thumbup::thumbup1::thu mbup1::app2::app2::happy::happy:

[لولو80]

:victory:

ماحد قالج تروحين هناك:eek5::eek5:
:stop::stop::stop:
بس لاتقعدون كل موضوع والثاني تلصقونه بالاجانب
:threaten::threaten::threaten:
بصراحة الموضوع زااااااااااااااااااااااااااااااد عن حده:anger1::anger1::anger2::anger2::anger2:
ان تكلمتو عن مستشفيات قلتو اجانب وبالمقابل تناقضون الكلام في موضوع اخر وتقولون اشغالهم معطيتهم تأمين صحي وفي العيادات الخاصة واحنا مب قادرين
:shy::wizard::wizard::wizard:

وان تكلمتو عن زحمة الشوارع قلتو اجانب وبالمقابل في موضوع ثاني تقولون الشباب كله دوارة في الشوارع
:rolleyes2::fight::fight:
[وان تكلمتو عن الوظائف وانها محتكرة من قبل الاجانب نحصل اغلب مواضيعكم تشكي على اشغالكم وساعات الدوام والارهاق وووووووووووووووووو الى مالانهاية
:(::rolleyes2::rolleyes2::rolleyes2:thumbdown::non o::unsure::cry::rolleyes2::weeping::sneaky:

[SIZE="5"][
وان تكلمتم عن العقارت وغلاء الاسعار وان الاجانب يتملكون نجد انهم يتملكون من حر مالهم والتحويش على رأيهم وبالمقابل نحن نطالب بسداد الديون وزيادة قرض بنك التنمية
:shy::anger2::anger2::anger2::anger2::anger2:
[
ارجوكم يكفي :tease::stop::stop:ان تلصقو كل شيئ بالجانب وان نبحث عن طريق لتطوير انفسنا
:victory::thumbup::thumbup::thumbup::thumbup1::thu mbup1::app2::app2::happy::happy:

اقول انت قطرية؟


اممممممممم ماظن على العموم حياك الله كاتبه

بالالوان ليش علشان الاعمى يشوف:anger1:

[شاهيناز]

هذا طبع مستشفى النساء والولادة وانتوا السبب يالحريم كل مارحتوا هناك بخششتوا الممرضات بالفلوس لين ما تعودوا على هالطبع !

واللي ما تدفع لهم مالها اي نصيب من الأأهتمام !

مايتوبون عن هاالطبع اي مكان يرحون له يعطونهم فلوس عشان يعتنون فيهم اكثر
ولا يجون لهم البيت
حتى الدكاتره والكوفيرات
وصل خرابهم للندن الكوافيرات هناك يعطونهم فلوس عشان يرحون لهم الشقه ولا الفندق
مادري متى نرتاح من ها الطبع الشين

[Index Signal]

الزوج يعني مايحس بزوجته الا لما يدخل معها عند الدكتوره شدعوه

طول التسع شهور من وحم ومعاناه وثقل والم ماحس ولا حن


يعني ماراح يحس إلا لما يكون معها عند الدكتور

اظن هذه عليها كومنت
او حب لتقليد الاجانب

شوي بتقولون خل الزوج يقطع سر الطفل لما ينولد على شان يحس بالابوه شدعووووووووووووه




لا حشى .. الموضوع مو مثل منتي فاهمه .. !! كل شي سويتوه تقليد للأجانب ..!!

في أزواج يتلقون خبر ولاده زوجاتهم عالجوال و يكونون بالمجلس أو المقهى أو مسافرين ..!!

هل المطلوب إني أكون مثلهم غير مبالي عشان أكون مواطن مثالي بنظرج ..؟!

دام إنه مافي مانع شرعي يمنعني من التواجد معاها ليش ما أوقف معاها و أكون سبب ولو بسيط بتخفيف آلامها ..؟!

و بخصوص الولاده فهي اللحظه الحاسمه إللي الزوجه شايله همها طول فترة الحمل و ألمها ما يتقارن مع آلام الحمل و الوحم و الثقل ..

أكيد إنتي عارفه هالشي ما يحتاج إني أوضحه لج .

[Index Signal]

ياهلا بك والله زاد احترامك اكثر لشخصك الكريم

مستشفى حمد عبارة عن ممر به غرف الوحده لو مافيها شي تسمع صراخ الحريم تموت خوووووووووووف بس يقولون الجو صار هدوء عقب ابرة الظهر :nice:

الله يرحمنا برحمته ويهدي المسؤولين ووزيرهم



أشكرج على الرد الطيب و أبادلج الإحترام ..

و فعلا إبرة الظهر رحمه من الله لكم يالحريم .. بس نصيحه لا تشوفينها ..!!

أشاركج الدعاء و عسى الله يسمع منج .

[لولو80]

عفوك ورضاك يارب